ភ្នំពេញ ៖ ដូចទៅនឹងការរំពឹង និងស្របទៅតាមផែនការ ផ្សារឃ្លាំងរំសេវថ្មីសែនសុខ បានបើកសម្ពោធជាផ្លូវការហើយនៅថ្ងៃ27 ខែវិច្ឆិកា ឆ្នាំ2020នេះ ស្ថិតនៅលើផ្ទៃដីទំហំសរុបជាង 7ហិកតា និងចំណាយពេលសាងសង់អស់យៈពេល9ខែ ។ នេះបើតាម លោក សោម កែវម៉ាលីដា សហស្ថាបនិកផ្សារឃ្លាំងរំសេវថ្មីសែនសុខនេះបញ្ជាក់ប្រាប់។ លោក សោម កែវម៉ាលីដា បានប្រាប់ភ្នាក់ងារ AMSថា ៖« ស្របពេលដែលខណ្ឌសែនសុខ កំពុងតែមានការអភិវឌ្ឍ ផ្សារឃ្លាំងរំសេវថ្មីសែនសុខ បានរួមចំណែកក្នុងការអភិវឌ្ឍតំបន់នេះកាន់តែមានភាពអ៊ូរអរ ព្រោះគឺជាតំបន់មួយប្រមូលផ្តុំទៅដោយលំនៅស្ថាន ហើយថ្មីៗនេះមានការវិនិយោគពីក្រុមហ៊ុនធំៗ ដូចជា ផ្សារទំនើបអ៊ីអន២ (Aeon 2) ផ្សារម៉ាក្រូ (Makro) ព្រីម៊ែរសែនសុខ (Premier Sen Sok) និងហ្គ្លូបលហោស (Global House) ជាដើម»។ «ទីតាំងផ្សារឃ្លាំងរំសេវថ្មី» សែនសុខនេះ គឺមានសក្ដានុពលខ្ពស់ អំណោយផលដល់ការធ្វើអាជីវកម្មគ្រប់ប្រភេទដល់អាជីវករ ដែលក្រៅពីស្ថិតនៅក្នុងតំបន់ដែលមានការអភិវឌ្ឍ មានមនុស្សរស់នៅច្រើន និងមានវត្តមានរបស់ក្រុមហ៊ុនជាតិ និងអន្តរជាតិធំៗចូលមកបង្ហាញវត្តមាននៅទីនេះផងដែរ ដែលតូបហ៊ុព័ទ្ធជុំវិញជាគម្រោងផ្សារទំនើប The Green Avenue…

បរទេស៖ក្រុមហ៊ុនលក់ទំនិញអនឡាញធំបំផុតលើលោក Amazon បានប្រកាសនៅសប្តាហ៍នេះថាខ្លួននឹងចំណាយលុយជាច្រើនរយលានដុល្លារជាប្រាក់ប្រាក់លើកទឹកចិត្តជូនទៅដល់បុគ្គលិកទាំងឡាយរបស់ខ្លួនដែលនឹងត្រូវធ្វើការនៅអំឡុងពេលបុណ្យគ្រិស្តម៉ាកខាងមុខ។ ទូរទស្សន៍ BBC នៅថ្ងៃសុក្រនេះបានសរសេរដែរថាក្នុងនោះចំពោះកម្មករដែលធ្វើការនៅក្នុងឃ្លាំងទំនិញក្នុងប្រទេសអង់គ្លេសនិងសហរដ្ឋអាមេរិកពួកគេនឹងទទួលបានប្រាក់រង្វាន់នេះប្រមាណជា 300 ដុល្លារនិង 300 ផោនក្នុងមួយនាក់សម្រាប់អ្នកធ្វើការពេញម៉ោងនិង 150 ដុល្លារនិង 150 ផោនសម្រាប់អ្នកធ្វើការក្រៅម៉ោង។ ប្រភពដដែលបានបញ្ជាក់ដែរថាប្រាក់រង្វាន់នេះត្រូវបានធ្វើឡើងនៅក្រោយពេលដែលក្រុមហ៊ុនយក្សមួយនេះបានទទួលប្រាក់ចំណេញដ៏លើសលប់ក្នុងអំឡុងពេលរាតត្បាតកូវីដកន្លងមកហើយទឹកប្រាក់សរុបដែលត្រូវបានគេដឹងនោះគឺអាចមានរហូតទៅដល់ 500 លានដុល្លារសម្រាប់បុគ្គលិករបស់ខ្លួនទាំងអស់នៅលើលោក។ គួរឲ្យដឹងដែរថាមុនការប្រកាសនេះ Amazon គឺកំពុងស្ថិតនៅក្រោមការឃ្លាំមើលយ៉ាងតឹងតែងបំផុតពីសំណាក់អជ្ញាធរពាក់ព័ន្ធទៅនឹងការអនុវត្តការងារនៅក្នុងឃ្លាំងរបស់ខ្លួនក្នុងកំឡុងពេលមានជំងឺរាតត្បាតឆ្លងនៅក្រោយពេលដែលបុគ្គលិកមួយចំនួនរបស់ខ្លួននៅក្នុងតំបន់អ៊ឺរ៉ុបនិងអាមេរិកធ្លាប់បានរអ៊ូរទាំថាការអនុវត្តគោលការណ៍គម្លាតសង្គមដូចជាមិនងាយស្រួលឡើយក្នុងការអនុវត្តនៅកន្លែងធ្វើការងារបស់ពួកគេ។ គួរឲ្យដឹងដែរថាគិតត្រឹមរយៈ 3 ខែមកត្រឹមថ្ងៃទី 30 ខែកញ្ញាទំហំលក់របស់ Amazon បានកើនឡើងដល់ទៅ 96.1 ពាន់លានដុល្លារពោលគឺប្រមាណជា 37 ភាគរយកើនឡើងលើសពីតួលេខឆ្នាំ 2019 ហើយប្រាក់ចំណេញវិញគឺមានរហូតទៅដល់ 6.3 ពាន់លានដុល្លារដែលជាទំហំលើសប្រាក់ចំណេញកាលពីឆ្នាំទៅដល់ទៅ 3 ដង៕

បរទេស ៖ Full Truck Alliance កំពុងសម្ងំកើបលុយយ៉ាងសន្ធឹកសន្ធាប់ពីទីផ្សារដែលពោរពេញទៅដោយតម្រូវការនៅក្នុងប្រទេសចិន ដែលមកដល់ពេលនេះ កំពុងតែទទួលបានការគាំទ្រពីអតិថិជនដែលជាវិនិយោគិនដ៏ច្រើនសន្ធឹក និងទទួលបានចំណូលរហូតទៅដល់ 1.7 ពាន់លានដុល្លារអាមេរិកបន្ថែមទៀត។ ប្រាក់វិនិយោគដ៏ច្រើនបែបនេះគឺបានមកពីក្រុមហ៊ុនធំៗ និងល្បីៗ ដូចជា Softbank Group Corp និងក្រុមហ៊ុន Tencent Holding Ltdជាដើម ហើយទំហំវិនិយោគចុងក្រោយនេះបានធ្វើឲ្យក្រុមហ៊ុន Full Truck Alliance កើនឡើងតម្លៃខ្លួនរហូតទៅដល់ 12 ពាន់លានដុល្លារភ្លាមៗផងដែរ។ ក្រៅពីនោះគេក៏មានអ្នកវិនិយោគជាច្រើនទៀតដូចជាក្រុមហ៊ុន Yunfeng Capital រប់សសេដ្ឋី Jack Ma ក្រុមហ៊ុន Hillhouse, GGV, Lightspeed, All-Starsនិង Baillie Gifford ។ តាមរយៈការបង្ហើបប្រាប់របស់ក្រុមហ៊ុនដែលកំពុងមានហាងឆេងខាងលើនេះទៅកាន់ក្រុមអ្នកកាសែត the Bloomberg បានឱ្យដឹងថា ខ្លួននឹងប្រើប្រាស់លុយវិនិយោគថ្មីនេះទៅលើផែនការពង្រីកការដឹកជញ្ជូនទំនិញនៅក្នុងទីក្រុង និងកសាងប្រព័ន្ធបណ្តាញកាន់តែប្រសើរឡើងរវាងទំនិញពីនាវាទៅកាន់តំបន់ជាយក្រុងជាដើម។ Full Truck Alliance ឬ Group Manbang ជាក្រុមហ៊ុន…

អាជីវកម្ម ៖ នៅក្នុងសម័យបច្ចុប្បន្នយើងបានមើលឃើញហើយថា ទីផ្សារពិតជាមានការប្រែប្រួលខ្លាំងដើម្បីអាចឆ្លើយតបទៅនឹងទម្លាប់ថ្មីនៃការរស់នៅទាំងតម្រូវការ ការចង់បាន និងវិធីសាស្ត្រថ្មីៗនៃការទំនាក់ទំនងគ្នារបស់មនុស្ស។ ដូចនេះការធ្វើអាជីវកម្មណាមួយដែលមិនបានគិតដល់ចំណុចនេះ ឬមិនធ្វើការផ្លាស់ប្តូរផ្នត់គំនិតនោះទេ ម្ចាស់អាជីវកម្ម ឬក្រុមហ៊ុនពិតជានឹងអាចប្រឈមមុខទៅនឹងហានិភ័យខ្ពស់ជាមិនខាន។ តើអ្នកចង់ផ្លាស់ប្តូរអាជីវកម្មបែបគ្រួសារទៅជាអាជីវកម្មបែបឌីជីថលមែនទេ? តើអ្នកបានស្គាល់ពីអត្ថប្រយោជន៍របស់អាជីវកម្មបែបឌីជីថលហើយឬនៅ ? ថ្ងៃនេះ AMS Economy សុំធ្វើការចែករំលែកចំណេះដឹងខ្លះៗពាក់ព័ន្ធទៅនឹងអាជីវកម្មទាំងពីរប្រភេទនេះ៖ អាជីវកម្មបែបគ្រួសារ ( Family Business) ៖ ជាប្រភេទអង្គភាពដែលរកស៊ីមុខជំនួញបន្តពីគ្រួសារច្រើនជំនាន់ ហើយការសម្រេចចិត្តនានាគឺមានកត្តាជះឥទ្ធិពលពីសំណាក់សាច់ញាតិនៃក្រុមគ្រួសារដែលជាម្ចាស់អាជីវកម្មប្រភេទនេះពោលគឺមិនមែនជាការសម្រេចចិត្តចុងក្រោយរបស់អ្នកគ្រប់គ្រងឡើយ។ អាជីវកម្មបែបគ្រួសារមិនមានគោលដៅរួមឡើយ ដូចនេះដំណើរការសង្វាក់ផលិតកម្មគឺធ្វើឡើងតាមចិត្តចង់បានរបស់មនុស្សមួយក្រុមតូចនៅក្នុងអង្គភាពនេះប៉ុណ្ណោះដែលវាបានធ្វើឲ្យសមតុល្យនៃការធ្វើការងារមិនស្មើភាពគ្នាខ្លាំងឡើយនៅផ្នែកខាងក្នុងនៃការងារ។ ដូច្នេះហើយបានជាមកដល់ពេលបច្ចុប្បន្នអាជីវកម្មបែបនេះមិនសូវជាទទួលបានការគាំទ្រ និងទាក់ទាញចិត្តពីបុគ្គលិកអ្នកធ្វើការឡើយ។ អាជីវកម្មបែបឌីជីថល (Digital Business) ៖ នេះមិនមែនជាគោលដៅអាជីវកម្ម ឬមិនសំដៅទៅលើអាជីវកម្មដែលពឹងផ្អែកទាំងស្រុងលើតែបច្ចេកវិទ្យាទំនើបនោះទេ ប៉ុន្តែវាគឺជាដំណើរការអាជីវកម្មដែលចាំបាច់ធ្វើឲ្យគ្រប់ផ្នែកនៃដំណើរការផលិតផលិតផល ឬសេវាកម្មមានល្បឿនលឿនជាងមុនហើយអាចអនុញ្ញាតឲ្យម្ចាស់អាជីវកម្មអាចរៀបចំផែនការយុទ្ធសាស្ត្រទុកជាមុន ដើម្បីទាញយកលទ្ធផលដែលល្អប្រសើរជាងមុន។ ដូចនេះអាជីវកម្មប្រភេទនេះត្រូវការឲ្យមានការច្របាច់បញ្ចូលគ្នាចំណុចសំខាន់ចំនួន3 គឺមនុស្សធ្វើការការគ្រប់គ្រងព័ត៌មានដោយស្វ័យប្រវត្តិ និងទំនាក់ទំនងវ៉ៃឆ្លាតតាមបែបឌីជីថល។ ការធ្វើអាជីវកម្មបែបឌីជីថលដែលមានការច្នៃប្រឌិតខ្ពស់ និងត្រឹមត្រូវនឹងអាចផ្តល់មកវិញនូវភាពជោគជ័យព្រមទាំងនូវអត្ថប្រយោជន៍ជាច្រើនដូចជា៖ 1.បង្កើនសង្វាក់ផលិតកម្ម2.កាត់បន្ថយថ្លៃដើមនៃប្រតិបត្តិការ3.បង្កើនអត្ថប្រយោជន៍ជូនអតិថិជន4.លទ្ធភាពក្នុងការបង្កើតទីផ្សារថ្មី5.ពង្រឹងយីហោអាជីវកម្ម ថ្វីត្បិតតែអ្នកអាចនឹងទទួលបានអត្ថប្រយោជន៍ច្រើនពីអាជីវកម្មបែបឌីជីថលមែន ប៉ុន្តែបើអ្នកជាម្ចាស់អាជីវកម្មបែបគ្រួសារ ហើយចង់ផ្លាស់ប្តូរអាជីវកម្មរបស់អ្នកប៉ុន្តែគួរគិតដែរថា អតិថិជនចាស់-ថ្មី និងអតិថិជនគោលដៅរបស់អ្នកស្ថិតនៅក្នុងកម្រិតនៃសម័យឌីជីថលដែរ ឬទេ។ តើគាត់មានចំណេះដឹងគ្រប់គ្រាន់ក្នុងការប្រើប្រាស់ឧបករណ៍ថ្មី ឬយល់ដឹងពីការចាយលុយអនឡាញហើយឬនៅ ? ដូចនេះ មុនការផ្លាស់ប្តូររូបរាងនៃមុខជំនួញរបស់អ្នកទាំងស្រុង អ្នកគួរតែចាំបាច់គិតពិចារណាដល់ចំណុចនេះផងដែរ៕

ភ្នំពេញ ៖ សម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានមានប្រសាសន៍ថា បច្ចេកវិទ្យាឌីជីថល បាន និងកំពុងដើរតួនាទីយ៉ាងសំខាន់ក្នុងការសម្របខ្លួនទៅក្នុងបរិការថ្មីនៃការរស់នៅ និងការអនុវត្តការងារដោយបានជួយសម្រួលដល់ការប្រាស្រ័យទាក់ទងគ្នាក្នុងតំបន់ និងសាកល ជាពិសេស ការតភ្ជាប់សកម្មភាពសេដ្ឋកិច្ចពាណិជ្ជកម្ម និងវិនិយោគ។ នៅក្នុងពិធីបើកពិព័រណ៍ចិន-អាស៊ាន លើកទី17 ក្រោមមូលបទ «រួមគ្នាកសាងខ្សែក្រវាត់ និងផ្លូវ និងពង្រឹងកិច្ចសហប្រតិបត្តិការសេដ្ឋកិច្ចឌីជីថល» នៅព្រឹកថ្ងៃទី27 ខែវិច្ឆិកា ឆ្នាំ2020 នេះ សម្ដេចតេជោ ហ៊ុន សែន បានលើកឡើងថា ស្ថិតនៅក្នុងកំឡុងពេលដែលកំពុងជួបវិបត្តិនៅពេលនេះ បានជំរុញឱ្យឃើញកាន់តែច្បាស់នៃភាពចាំបាច់លើការជំរុញ និងអភិវឌ្ឍន៍សេដ្ឋកិច្ច សង្គម ឌីជីថល។ សម្ដេចបានបញ្ជាក់ទៀតថា “ប្រាកដណាស់ថា ការអភិវឌ្ឍ ការតភ្ជាប់ឌីជីថលតំបន់ និងការប្រែក្លាយសង្គមសេដ្ឋកិច្ច ឱ្យទៅជាសង្គមសេដ្ឋកិច្ចឌីជីថល និងក្លាយជាកម្លាំងចលករដ៏សំខាន់ក្នុងការស្តារសេដ្ឋកិច្ចឡើងវិញក្រោយវិបត្តិ Covid-19 និងការអភិវឌ្ឍប្រកបដោយចិរភាព និងភាពធន់នាពេលអនាគត។ នៅក្នុងសន្ទរកថារបស់សម្ដេចបានបញ្ជាក់ថា ប្រទេសចិន គឺជាប្រទេសមួយដែលដឹកមុខក្នុងការអភិវឌ្ឍវិនិយោគ និងប្រើប្រាស់បច្ចេកវិទ្យាឌីជីថលក្នុងសាកលលោក។ ក្នុងន័យនេះ ការជំរុញកិច្ចសហប្រតិបត្តិការនៅក្នុងវិស័យបច្ចេកវិទ្យាឌីជីថលក្រោមក្របខណ្ឌនៃគំនិតផ្តួចផ្ដើមខ្សែក្រវាត់ និងផ្លូវ នឹងក្លាយទៅជាប្រធានបទដ៏សំខាន់នាពេលអនាគត។ រាជរដ្ឋាភិបាលកម្ពុជា បាន និងកំពុងលើកកម្ពស់ការធ្វើឌីជីថលលូបនីយកម្មទាំងក្នុងវិស័យផលិតកម្ម…

បរទេស៖ DoorDash ក្រុមហ៊ុនដឹកជញ្ជូនអាហារតាមអនឡាញដ៏ល្បីមួយរបស់អាមេរិកនៅសប្តាហ៍នេះបានយល់ព្រមក្នុងការបង់ប្រាក់ពិន័យប្រមាណជា 2.5 លានដុល្លារអាមេរិក ដើម្បីដោះស្រាយរឿងក្តីដែលកើតឡើងតាំងតែពីឆ្នាំ 2019 ក្រោមរូបភាពថា ក្រុមហ៊ុនបានទទួលរងការចោទប្រកាន់ប្រើប្រាស់វិធីបញ្ឆោតមួយដែលអាចបន្លំយកលុយធីបរបស់បុគ្គលិកដឹកជញ្ជូនរបស់ខ្លួនជាច្រើន។ បណ្តឹងចោទប្រកាន់បានបញ្ជាក់ថា DoorDash បានប្តូរទំរង់ដោយប្រើប្រាស់លុយធីបជាច្រើនលានដុល្លារអាមេរិកទៅជាលុយសម្រាប់បើកប្រាក់ខែគោល និងជាលុយដែលបានធ្វើការបញ្ជាទិញជាមុនពីសំណាក់អតិថិជនជំនួសវិញដោយមិនបានដាក់វាបញ្ចូលទៅក្នុងទឹកប្រាក់សរុបនៃការបញ្ជាទិញនោះឡើយ។ ដោយឡែកអតិថិជនវិញបានរំពឹងថា លុយធីបដែលពួកគេបានបង់នឹងអាចប្រគល់ទៅឲ្យក្រុមអ្នកដឹកជញ្ជូនដោយផ្ទាល់ ប៉ុន្តែពួកគេមិនដឹងរឿងនេះរហូតដល់ពេលដែល DoorDash បានរៀបចំខ្លួនលក់ផ្សារភាគហ៊ុនជាផ្លូវការ។ យោងតាមការបញ្ជាក់របស់តុលាការបានបញ្ជាក់ថា ទឹកលុយពិន័យទាំង 2.5 លានដុល្លារនោះ បានបែងចែកប្រមាណជា 1.5 លានដុល្លារប្រគល់ទៅឲ្យបុគ្គលិកដែលគួរតែទទួលបានលុយធីបរបស់ខ្លួនចន្លោះពីឆ្នាំ2017 ដល់ឆ្នាំ 2019 ហើយលុកប្រមាណជា 750 000 ដុល្លារនឹងត្រូវប្រគល់ទៅឲ្យអជ្ញាធរខណ្ឌ នៅសល់ចុងក្រោយ 250000ដុល្លារទៀតនឹងត្រូវប្រគល់ទៅឲ្យអង្គការសប្បុរសធម៌ក្នុងស្រុកចំនួន 2 ៕

បរទេស ៖ ការធ្វើដំណើរជាលក្ខណៈអន្តរជាតិត្រូវបានរងការផលប៉ះពាល់ខ្លាំងមែនទែនដោយសារបញ្ហាកូវីដ19 ហើយក៏បានធ្វើឲ្យមានការប្រែប្រួលមួយចំនួនផងដែរជាក់ស្តែងពេលនេះ ទីក្រុងសៀងហៃបានទំលាក់ទីក្រុងឡុងចេញពីតំណែងទីក្រុងដែលមានភ្ជាប់ទំនាក់ទំនងទៅកាន់តំបន់ផ្សេងៗដែលសកម្មលើលោកនោះទៀតហើយ។ យោងតាមការចេញផ្សាយរបស់ទូរទស្សន៍ BBC បានបញ្ជាក់ថា ទំនាក់ទំនងតាមផ្លូវអាកាសដែលបានភ្ជាប់ជាមួយនឹងទីក្រុងឡុងបានធ្លាក់ចុះដល់ទៅ 67 ភាគរយគឺជាតួលេខចុងក្រោយមួយដែលខ្លួនទទួលបានពីសមាគមដឹកជញ្ជូនតាមផ្លូវអាកាសអន្តរជាតិហៅកាត់ថា IATA។ សៀងហៃបានក្លាយទៅជាអ្នកគ្រងតំណែងនេះជំនួសវិញ ដោយក្នុងនោះគេបានមើលឃើញថាទីក្រុងធំចំនួន 4 របស់ប្រទេសចិនគឺសុទ្ធតែស្ថិតក្នុងចំណាត់ថ្នាក់ពីលេខរៀងទី 1 ដល់ទៅ 4ជាទីក្រុងដែលមានភ្ជាប់ទំនាក់ទំនងច្រើនបំផុតលើលោក រួមមានដូចជា ក្រុងសៀងហៃ ក្រុងប៉េកាំង ក្រុងក្វាងចូវ និងក្រុងឆេងឌូ។ IATA ធ្លាប់បាននិយាយថាបញ្ហារាតត្បាតបានធ្វើឲ្យដំណើរការជិតមួយទសវត្សនៃការភ្ជាប់ទំនាក់ទំនងរវាងទីក្រុងនានាបានត្រឹមដើរថយក្រោយ ជាពិសេសទីក្រុងដែលធ្លាប់មានភាពមមាញឺកខ្លាំងជាងគេលើចរាចរណ៍ផ្លូវអាកាសដូចជាទីក្រុងឡុង ទីក្រុងញូវយ៉ក និងទីក្រុងតូក្យូជាដើម៕

ទីក្រុងឡុង៖សេដ្ឋកិច្ចរបស់ចក្រភពអង់គ្លេសត្រូវបានគេព្យាករណ៍ថា នឹងធ្លាក់ចុះដល់ទៅ 11.3 ភាគរយសម្រាប់ឆ្នាំនេះដោយសារតែបញ្ហាកូវីដ19ដែលវាបានក្លាយទៅជាអត្រាធ្លាក់ចុះមិនធ្លាប់កើតឡើងក្នុងរយៈពេល 300 ឆ្នាំចុងក្រោយនេះ។ ការបញ្ជាក់ដែលត្រូវបានធ្វើឡើងដោយលោករដ្ឋមន្ត្រីក្រសួងហិរញ្ញវត្ថុរបស់អង់គ្លេស Rishi Sunak ដោយលោករដ្ឋមន្ត្រីរូបនេះបានថ្លែងប្រាប់ទៅកាន់សមាជិកសភារបស់អង់គ្លេសទៀតថា ការិយាល័យទទួលបន្ទុកកិច្ចការងារថវិកាជាតិឬ OBR បានធ្វើការទស្សន៍ទាយថាសេដ្ឋកិច្ចរបស់អង់គ្លេសគឺនឹងមិនអាចវិលត្រឡប់ទៅដល់កម្រិតធម្មតាដូចកាលគ្រាមុនកូវីដ19ឡើយរហូតដល់ឆ្នាំ2022។ លោក Sunak បានបន្តថាឥទ្ធិពលរបស់កូវីដ19 នៅក្នុងឆ្នាំសារពើពន្ធទំនងជានឹងអាចបន្តអូសបន្លាយបន្ថែមទៀតហើយក្នុងនោះអត្រាអ្នកអត់ការងារធ្វើនៅទូទាំងប្រទេសនឹងកើនឡើងទៅដល់ 7.5 ភាគរយ ឬប្រមាណជា 2.6 លាននាក់នៅក្នុងត្រីមាសទី2នាឆ្នាំ 2021។ លើសពីនេះ លោក Sunak បានព្រមានថាស្ថានភាពអាក្រក់នៃសេដ្ឋកិច្ចជាតិពេលនេះគឺស្ថិតនៅក្នុងដំណាក់កាលចាប់ផ្តើមប៉ុណ្ណោះដោយរដ្ឋាភិបាលអង់គ្លេសបានចំណាយប្រមាណជា 374.1 ពាន់លានដុល្លារអាមេរិក ហើយមកដល់ពេលនេះដើម្បីឆ្លើយតបទៅនឹងវិបត្តិកូវីដខណៈដែលផែនការបន្ទាប់អង់គ្លេសនឹងបញ្ចេញកញ្ចប់ថវិកាទ្រទ្រង់ប្រមាណជា 73.5 ពាន់លានដុល្លារអាមេរិកបន្ថែមទៀតសម្រាប់ការងារដដែលនេះនៅឆ្នាំក្រោយ៕

ភ្នំពេញ៖ សណ្ឋាគារផ្កាយប្រាំ ហៃយ៉ាត់ រីជិនស៊ី ភ្នំពេញ ដ៏ស្កឹមស្កៃដែលត្រូវបានវិនិយោគក្នុងទំហំទឹកប្រាក់ជិត១៨០លានដុល្លារ (ទាំងតម្លៃសាងសង់ និងទីតាំង) ដោយក្រុមហ៊ុន ជីប ម៉ុង ត្រៀមខ្លួនបើកទ្វារស្វាគមន៍អតិថិជនជាតិ និងអន្តរជាតិ ក្នុងពេលឆាប់ៗនេះដើម្បីចូលរួមចំណែកបម្រើវិស័យទេសចរណ៍ បដិសណ្ឋារកិច្ច ក៏ដូចជាធុរកិច្ច។ ថ្នាក់ដឹកនាំជាន់ខ្ពស់ក្រុមហ៊ុន ជីប ម៉ុង ក្រោមការដឹកនាំរបស់ លោកជំទាវអ្នកឧកញ៉ា ភាព ហៀក អ្នកឧកញ៉ា លាង ឃុន និងអ្នកឧកញ៉ា លាង ម៉េង ដែលជាម្ចាស់សណ្ឋាគារ ហៃយ៉ាត់ រីជិនស៊ី ដែលជាសណ្ឋាគារលំដាប់ពិភពលោកមានប្រភពកំណើតពីសហរដ្ឋអាមេរិក បានរៀបចំពិធីក្រុងពាលីដើម្បីបួងសួងសុំសេចក្តីសុខនិងភាពរីកចម្រើនឲ្យកើតមានដល់ពេលដែលសណ្ឋាគារត្រូវ បានបើកដំណើរការជាផ្លូវការ។សណ្ឋាគារបែបប្រណិតដែលមានដល់ទៅ២៤៧បន្ទប់ស្នាក់នៅនេះស្ថិតនៅចំកណ្តាលបេះដូងនៃរាជធានីភ្នំពេញផ្សាភ្ជាប់ភ្ញៀវទេសចរណ៍ និងធុរជនពីគ្រប់ទិសទីនៃសកលលោកមកកាន់ប្រទេសកម្ពុជា លើកមុខមាត់វិស័យបដិសណ្ឋារកិច្ច បម្រើតម្រូវការស្នាក់នៅបែបប្រណិតក្នុងវិស័យទេសចរណ៍ ជាពិសេសបង្កើតឱកាសការងារដ៏សន្ធឹកសន្ធាប់សម្រាប់ប្រជាជនកម្ពុជា។ ជីប ម៉ុង យកចិត្តទុកក្នុងការងារអភិរក្សសម្បត្តិបតិកភណ្ឌ តាមរយៈការរក្សាទុក និងការជួសជុល អគារសម័យ បារាំង កម្ពស់ ពីរជាន់នៅកណ្តាលសណ្ឋាគារ ហៃយ៉ាត់ រីជិនស៊ី ភ្នំពេញ ដើម្បី បង្ហាញ ពី តុល្យភាព…