ភ្នំពេញ: គិតត្រឹមថ្ងៃទី២៨ ខែមីនា ឆ្នាំ២០២៣នេះ គម្រោងសាងសង់អាកាសយានដ្ឋានអន្តរជាតិសៀមរាបអង្គរ សម្រេចបាន ៩០%ហើយ។ នៅថ្ងៃទី២៨ ខែមីនា គណៈកម្មការតម្រង់ទិសសម្រាប់ការសាងសង់អាកាសយានដ្ឋានអន្តរជាតិ សៀមរាបអង្គរ ដែលដឹកនាំដោយ ឯកឧត្តម តឹករ៉េត សំរេច រដ្ឋមន្រ្តីប្រតិភូអមនាយករដ្ឋមន្រ្តី និងជាប្រធានគណៈកម្មការ បានដឹកនាំកិច្ចប្រជុំប្រចាំត្រីមាសទី១ ឆ្នាំ២០២៣ និងការចុះពិនិត្យការដ្ឋានសាងសង់នៅទីតាំងគម្រោង ដោយមានការចូលរួមពីឯកឧត្តម លោកជំទាវ លោក លោកស្រី ជាអនុប្រធាននិងសមាជិកគណៈកម្មការ។ ជាលទ្ធផលគិតត្រឹមដំណាច់ខែមីនានេះ គម្រោងអាកាសយានដ្ឋានអន្តរជាតិ សៀមរាបអង្គរ សម្រេចបាន ៩០% តាមផែនការដែលបានគ្រោងទុក ហើយត្រៀមដាក់ឱ្យធ្វើតេស្តសាកល្បងនៅខែឧសភាខាងមុខ សំដៅសម្រេចឱ្យបានការដាក់ដំណើរការជាផ្លូវការនៅថ្ងៃទី១៦ ខែតុលា ឆ្នាំ២០២៣ ខាងមុខ។ បន្ថែមពីនេះប្រជាពលរដ្ឋដែលរស់នៅក្បែរតំបន់នេះ នឹងមានអគ្គិសនីប្រើប្រាស់ចិញ្ចាចចិញ្ចែងចាប់ពីថ្ងៃនេះទៅ ដែរដែលតភ្ជាប់ពីអនុស្ថានីយអាកាសយានដ្ឋានអន្តរជាតិ សៀមរាបអង្គរ។ សមិទ្ធផលដែលសម្រេចបាននាពេលនេះ កើតឡើងពីការប្តេជ្ញាចិត្ត និងកិច្ចខិតខំប្រឹងប្រែងរបស់ក្រុមហ៊ុនអនុវត្តគម្រោង ដោយមានការយកចិត្តទុកដាក់ និងជួយជ្រោមជ្រែងពីគ្រប់ក្រសួង ស្ថាប័នពាក់ព័ន្ធ ជាពិសេសការតម្រង់ទិស និងសម្របសម្រួលពីគណៈកម្មការដោយផ្ទាល់។ទិសដៅបន្ត គឺជាដំណាក់កាលចាប់ផ្តើមអនុវត្តផែនការប្រតិបត្តិការ ដែលក្រុមហ៊ុនអនុវត្តគម្រោង និងក្រសួងស្ថាប័នពាក់ព័ន្ធ ត្រូវសហការរួមចំណែកធានាសម្រេចឱ្យបានតាមផែនការ៕

ភ្នំពេញ៖ ទុយោ ឬបំពង់បឺតដែលគេនិយមប្រើប្រាស់ទៅលើភេសជ្ជៈគ្រប់ប្រភេទ គឺទុយោប្លាស្ទិកដោយសារតែវាសា​ម​ញ្ញ ងាយស្រួលប្រើប្រាស់ តម្លៃថោក និងរហ័ស ក៏ប៉ុន្តែទុយោប្លាស្ទិកទំហំតូចៗទាំងនេះបានបង្កទៅជាផ​ល​វិបាកធំធេងសម្រាប់បរិស្ថាន។ ទុយោប្លាស្ទិក ដែលគេតែងយល់ថាគ្មានអ្វីធំដុំនោះ បានក្លាយទៅជាសំណល់ ៨,៣ ពាន់លានដើមកំពុងតែបំ​ពុលឆ្នេរសមុទ្រនានានៅក្នុងពិភពលោក។ នេះបើតាមការចុះផ្សាយរបស់ National Geographic តាំងពីចុងឆ្នាំ២០១៩។ លើសពីនេះ ភាពស្រាល តូច និងទន់របស់វានេះ បានធ្វើឱ្យម៉ាស៊ីនញែកកាកសំណល់មួ​​យចំនួនពិបាកក្នុងការញែកវាចេញពីកាកសំណល់រឹងៗដទៃទៀត។ ទោះយ៉ាងណា នាប៉ុន្មានឆ្នាំចុងក្រោយនេះផលប៉ះពាល់នៃទុយោប្លាស្ទិកនេះកំពុងទទួលបានការចាប់អារ​ម្មណ៍ និងកត់សំគាល់ច្រើនគួរសមទាំងនៅបរទេស និងនៅកម្ពុជា ដោយភោជនីយដ្ឋាន​ ​ឬ​ហាង​កាហ្វេ​មួយ​ចំ​នួន​បាន​ផ្លាស់ប្តូរ​ពីទម្លាប់ប្រើប្រាស់ទុយោប្លាស្ទិកមកជាទុយោដែល​មានការ​ច្នៃ​ពី​ក្រដាស​ ​ឬ​ធនធានធម្មជា​តិ​​នានា​​ ខណៈសិប្បកម្មកែច្នៃទុយោបរិស្ថានក៏ត្រូវបានបង្កើតឡើងជាបន្តបន្ទាប់ផងដែរ។ ជាក់ស្តែង សិប្បកម្មមួយឈ្មោះថា អាទិករ បានផលិតបំពង់បឺតមេត្រីបរិស្ថាន​ ផលិតពីស្មៅចចូតដែលជាវត្ថុធាតុដើមធម្មជាតិ នៅក្នុងស្រុកដែល​រកបានមកពីតាមបណ្តាខេត្តមួយចំនួនដូចជា ក្រុងព្រះសីហនុ កោះ​កុង ជាដើម។ កញ្ញា ហៃ សុជាតិ វឌ្ឍនា  ដែលជាម្ចាស់អាជីវកម្មអាទិករ ​នេះបានប្រាប់ឱ្យដឹងថា សិប្បកម្មខ្នាតតូចរបស់កញ្ញា ចាប់ផ្តើមដំណើរការក្នុងខែមេសា ២០២២ និងមានគោលដៅចម្បងមួយគឺ ចង់ឃើញប្រជាជនខ្មែរចូ​លរួមចំណែកការពារបរិស្ថាន ទីក្រុងរមណីយដ្ឋានស្អាតដើម្បីទាក់ទាញភ្ញៀវទេសចរឲ្យបានកាន់តែច្រើន​។ កញ្ញា បានឱ្យដឹងពីច្រវាក់ផលិតកម្មរបស់ខ្លួនថា​ ទម្រាំបានបំពង់បឺតមួយៗ គឺត្រូវឆ្លងកាត់ការលាងស​ម្អាតទាំងផ្នែកក្រៅ​…

ភ្នំពេញ៖ ម្ចាស់កសិដ្ឋានចិញ្ចឹមត្រីមួយកន្លែងនៅព្រែកព្នៅរាជធានីភ្នំពេញ និងជា ឈ្មួញកណ្តាលប្រមូលទិញផលវារីវប្បកម្មពីអ្នកចិញ្ចឹមបាន លើក ឡើងថា បច្ចុប្បន្ននេះ ការចិញ្ចឹមត្រីរំអិល(ត្រីអត់ស្រកា) មានចំនួនច្រើន ដោយអាច ផ្គត់ផ្គង់ក្នុងស្រុកបាន១០០ភាគរយ និងថែម ទាំងអាចឈាន ដល់ការ នាំចេញ ទៀតផង ខណៈការចិញ្ចឹមត្រីមានស្រកានៅក្នុងស្រុកមាន ប្រមាណ ត្រឹម ១០ ភាគរយប៉ុណ្ណោះ។ដោយសារការតែការផ្គត់ផ្គង់ត្រីមាន ស្រកា នៅមានកម្រិត ដូច្នេះហើយ ទើបកម្ពុជានាំចូលប្រភេទត្រីមាន ស្រកា បន្ថែមសម្រាប់ ផ្គត់ផ្គង់ ក្នុងទីផ្សារ ។ លោក យន់ សុវណ្ណារិទ្ធ ម្ចាស់កសិដ្ឋានចិញ្ចឹមត្រីមួយកន្លែងនៅ ព្រែកព្នៅ បាននិយាយថាដោយសារការតែការផ្គត់ផ្គង់ត្រីមានស្រកា នៅ មានកម្រិតដូច្នេះហើយ ទើបកម្ពុជានាំចូលប្រភេទត្រីមានស្រកាបន្ថែម សម្រាប់ ផ្គត់ផ្គង់ក្នុងទីផ្សារ ហើយបញ្ហានេះ បានធ្វើឱ្យវា ក្លាយ ជាឱកាស សម្រាប់កសិករ ឬវារីវប្បករ បង្កើនការចិញ្ចឹមត្រីមានស្រដើម្បីបំពេញ តម្រូវ ការទីផ្សារ និងអាចកាត់បន្ថយការនាំចូលបាន។ លោកបានបន្តថា ត្រីរំអិល បើធៀបនឹងត្រីមានស្រកា គឺត្រីរំអិលមានទីផ្សារ…

(ឥណ្ឌូនេស៊ី)៖ ឯកឧត្តម ប៉ាន សូរស័ក្តិ រដ្ឋមន្រ្តីពាណិជ្ជកម្មកម្ពុជា បានស្នើភាគីទីម័រខាងកើតពិនិត្យលទ្ធភាពជំរុញការនាំចូលអង្ករកម្ពុជា តាមរយៈការអនុវត្តឱ្យបានពេញលេញនិងមានប្រសិទ្ធភាពនូវអនុស្សារណៈនៃការយោគយល់គ្នាដែលបានចុះហត្ថលេខារួចរាល់ រវាងភាគីទាំងពីរ កាលពីឆ្នាំ២០២២ កន្លងទៅ។ ជាមួយគ្នានោះ ឯកឧត្តមរដ្ឋមន្រ្តី ក៏បានស្នើពិនិត្យលទ្ធភាពឱ្យមានការហោះហើរត្រង់រវាងប្រទេសទាំងពីរផងដែរ។ ឯកឧត្តមរដ្ឋមន្រ្តី បានគូសបញ្ជាក់អំពីតួនាទីដ៏សំខាន់នៃវិស័យឯកជននៃប្រទេសទាំងពីរក្នុងការចូលរួមលើកកម្ពស់ការអភិឌ្ឍសេដ្ឋកិច្ចសង្គម និងការបង្កើនការរីកចម្រើនលើវិស័យសំខាន់ៗ ជាពិសេសការចូលរួមជំរុញការវិនិយោគ និងពាណិជ្ជកម្ម ដែលជាចលករនៃកំណើនសេដ្ឋកិច្ចជាតិ។ ឯកឧត្តមរដ្ឋមន្រ្តី បានស្នើឱ្យសភាពាណិជ្ជកម្មនៃភាគីទាំងពីរ បង្កើនកិច្ចសហប្រតិបត្តិការបន្ថែម តាមរយៈការផ្លាស់ប្តូរទស្សនកិច្ច ការផ្គូរផ្គងពាណិជ្ជកម្មនិងវិនិយោគ ការចូលរួមជាក្រុមហ៊ុនភាគទុនរួម (Joint Venture) ក៏ដូចជា ពិនិត្យលទ្ធភាពធ្វើបច្ចុប្បន្នអនុស្សារណៈនៃការយោគយល់គ្នាដែលមានស្រាប់ សំដៅអាចជំរុញបន្ថែមទៀតនូវកិច្ចសហប្រតិបត្តិការរវាងវិស័យឯកជននៃប្រទេសទាំងពីរ។ ការស្នើរនេះធ្វើឡើងកាលពីថ្ងៃទី២២ ខែមីនា ឆ្នាំ២០២៣ ក្នុងឱកាសដែល ឯកឧត្តម ប៉ាន សូរស័ក្ដិ រដ្ឋមន្រ្ដីក្រសួងពាណិជ្ជកម្ម និងជារដ្ឋមន្រ្តីសេដ្ឋកិច្ចអាស៊ានសម្រាប់កម្ពុជា បានទទួលជួបពិភាក្សាការងារទ្វើភាគីជាមួយ ឯកឧត្តម Jose Lucas do Carmo da Silva រដ្ឋមន្រ្តីទេសចរណ៍ ពាណិជ្ជកម្ម និងឧស្សាហកម្មទីម័រខាងកើត នៅក្នុងពេលអញ្ជើញទៅចូលរួមនៅក្នុងកិច្ចប្រជុំចង្អៀតរដ្ឋមន្រ្តីសេដ្ឋកិច្ចអាស៊ានលើកទី២៩ (The Twenty-Nine ASEAN Economic…

(ឥណ្ឌូនេស៊ី) ៖ ឯកឧត្តម Gan Kim Yong បានជំរុញឱ្យកម្ពុជា នាំចូលផលិតផលកសិកម្មរបស់ខ្លួនឱ្យកាន់តែច្រើនមកកាន់ទីផ្សារសិង្ហបុរី រួមមាន៖ អង្ករ ម្រេច បន្លែសរីរាង្គ ជាដើម។ ជាមួយគ្នានេះ ឯកឧត្តមរដ្ឋមន្ត្រី ពាណិជ្ជកម្មនិងឧស្សាហកម្មសិង្ហបុរី បានបញ្ជាក់ពីការប្តេជ្ញាចិត្តក្នុងការពង្រឹង និងពង្រីកកិច្ចសហប្រតិបត្តិការពាណិជ្ជកម្ម កម្ពុជា-សិង្ហបុរី ព្រមទាំងគាំទ្រយ៉ាងពេញលេញ ក្នុងការផ្តល់កិច្ចសហប្រតិបត្តិការយ៉ាងជិតស្និទ្ធ។ ការជំរុញឱ្យមានការនាំចូលទំនិញកសិកម្មនេះធ្វើឡើង កាលពីរសៀលថ្ងៃទី២២ ខែមីនា ឆ្នាំ២០២៣ នៅក្នុងឱកាសដែល ឯកឧត្តម ប៉ាន សូរស័ក្ដិ រដ្ឋមន្រ្ដីក្រសួងពាណិជ្ជកម្ម បានដឹកនាំគណៈប្រតិភូក្រសួងពាណិជ្ជកម្ម ទទួលជួបពិភាក្សាការងារទ្វេភាគីជាមួយ ឯកឧត្តម Gan Kim Yong រដ្ឋមន្ត្រីក្រសួងពាណិជ្ជកម្មនិងឧស្សាហកម្មសិង្ហបុរី និងសហការី នៅអំឡុងកិច្ចប្រជុំចង្អៀតរដ្ឋមន្រ្តីសេដ្ឋកិច្ចអាស៊ានលើកទី២៩ នាទីក្រុងម៉ាហ្គាឡាំង នៃប្រទេសឥណ្ឌូនេស៊ី។ ជាការឆ្លើយតប ឯកឧត្តមរដ្ឋមន្រ្តី ប៉ាន សូរស័ក្តិ បានសម្តែងការស្វាគមន៍យ៉ាងកក់ក្តៅជូនចំពោះ ឯកឧត្តម Gan Kim Yong និងសហការី ព្រមទាំងបានថ្លែងអំណរគុណ លើការគាំទ្ររបស់ក្រសួងពាណិជ្ជកម្មនិងឧស្សាហកម្មសិង្ហបុរី ដល់កម្ពុជា ក្នុងភាពជាប្រធានអាស៊ានរបស់កម្ពុជាឆ្នាំ២០២២…

ភ្នំពេញ ៖ ក្រុមហ៊ុនព្រីនស៍ ហូលឌីង គ្រុប (Prince Holding Group) បានស្វាគមន៍នាយកប្រតិបត្តិចំនួន ៣នាក់មកកាន់មជ្ឈមណ្ឌលបណ្តុះបណ្តាលវិជ្ជាជីវៈផ្នែកផលិតនាឡិការបស់ប្រទេសស្វីស ព្រីនស៍ នាឡិកា។ គណៈប្រតិភូទាំង ៣រូប មានដូចជា លោក Anthony Galliano នៃក្រុមហ៊ុន Cambodia Investment Management លោក Mathew Care នាយកប្រតិបត្តិនៃក្រុម Digital Classifieds Group របស់ប្រទេសអូស្ត្រាលី និងលោក Tom O’Sullivan នាយកប្រតិបត្តិនៃ realestate.com.kh។ គណៈប្រតិភូមានឱកាសចូលទស្សនាថ្នាក់រៀន និងសំណេះសំណាលជានិស្សិត និងបានសង្កេតមើលការប្រើប្រាស់ឧបករណ៍ទំនើបៗដើម្បីបំពេញនូវតម្រូវការស្របតាមកម្មវិធីសិក្សាដែលត្រូវបានរៀបចំឡើងតាមស្តង់ដារ របស់ប្រទេសស្វីស ។ លោក Gabriel Tan ប្រធានផ្នែកទំនាក់ទំនងនៃក្រុមហ៊ុនព្រីនស៍ ហូលឌីង គ្រុប បានថ្លែងអំណរគុណចំពោះដំណើរទស្សនកិច្ចនេះ ដោយលោកបានលើកឡើងថា៖ «យើងមានកិត្តិយសក្នុងការរៀបចំទទួលស្វាគមន៍ថ្នាក់ដឹកនាំក្រុមហ៊ុនអន្តរជាតិទាំងបី ដែលបានបំពេញទស្សនកិច្ចសិក្សាអំពីកម្មវិធីអភិវឌ្ឍន៍ធនធានមនុស្សរបស់យើង។ ជាពិសេសការរួមចំណែកដ៏ធំធេងរបស់លោក Anthony ចំពោះការរីកចម្រើនរបស់ប្រទេសកម្ពុជា ពិតជាគួរឱ្យកត់សម្គាល់ ហើយនឹងត្រូវបានចងចាំជារៀងដរាបតទៅ»។…

កំពង់ចាម៖ មន្ត្រីជាន់ខ្ពស់ធនាគារជាតិ នៃកម្ពុជា និងអាជ្ញាធរស្រុកចំការលើ ខេត្តកំពង់ចាម បានបង្ហាញការព្រួយបារម្ភពីការប្រើប្រាស់ប្រាក់កម្ចីមិនចំគៅដៅរបស់អ្នកបានខ្ចីប្រាក់ ពីស្ថាប័នមីក្រូហិរញ្ញវត្ថុ និងគ្រឹះស្ថានធនាគារ ។ ជាមួយនេះ ការប្រើប្រាក់កម្ចីមិនចំគោលដៅ អាចនឹងប្រឈមហានិភ័យច្រើន រហូតក្លាយជាបំណុលវ័ន្តករ ដែលរុញច្រានឱ្យក្រុមគ្រួសារ ធ្លាក់ក្នុងភាពក្រីក្រ។ នេះជាការលើកឡើងរបស់លោក គិត សុវណ្ណារិទ្ធ អគ្គនាយករងត្រួតពិនិត្យទី១ ធនាគារជាតិនៃកម្ពុជា និងលោក សំ ពិសិដ្ឋ អភិបាលស្រុកចំការលើ នៅក្នុងសិក្ខាសាលាផ្សព្វផ្សាយស្តីពីវិស័យមីក្រូហិរញ្ញវត្ថុនៅកម្ពុជា ដែលធ្វើនៅស្រុកចំការលើ ខេត្តកំពង់ចាម នាថ្ងៃទី២៣ ខែមីនា ឆ្នាំ២០២៣ ។ នៅក្នុងឱកាសនេះ លោកអគ្គនាយករងរូបនេះ បានព្រមានដល់បុគ្គលឥណទាន និងអ្នករួមគំនិតទាំងឡាយណា ដែលឃុតឃិតគ្នា មិនយកគោលការណ៍ច្បាប់មកអនុវត្ត នៅការក្នុងផ្ដល់ឥណទានដល់ប្រជាជន និងអ្នកប្រើប្រាស់ប្រាក់កម្ចីដូចជា៖ តម្រូវឲ្យយកអត្តសញ្ញាណប័ណ្ណប្រជាជន, សៀវភៅគ្រួសារ ហើយមានកន្លែងខ្លះឈានដល់យកសំបុត្រកំណើតទៀតផង ។ លោក ថា បើរកឃើញអ្នកណាម្នាក់អនុត្តន៍ខុសពីគោលការណ៍ និងបទបញ្ញាត្តិ នឹងត្រូវរងការដាក់ពិន័យ ឬអាចដល់ការប្រឈមមុខចំពោះតាមច្បាប់ ។ បញ្ហានេះដែរ លោក ម៉ែន ភក្តី ប្រធាននាយកដ្ឋានគ្រប់គ្រងទិន្នន័យ…

រតនគិរី៖ស្ថាប័នពាក់ព័ន្ធនៅក្នុងខេត្តរតនគីរីនិងអាជីវករមកពីខេត្តដទៃទៀត បានរួមគ្នារៀបចំពិព័រណ៍ផលិតផល ដើម្បីពង្រឹងនិងពង្រីកពាណិជ្ជកម្មកម្ពុជាឱ្យកាន់តែទូលាយបន្ថែមទៀត។ នេះបើតាមការឱ្យដឹងពីស្ថាប័នពាក់ព័ន្ធ នៅក្នុងកម្មវិធីពិព័រណ៍ផលិតផលសក្តានុពល របស់ខេត្ត និងផលិតផលនាំចេញ-នាំចូលក្រុងបានលុងខេត្តរតនគិរី លើកទី៤ ឆ្នាំ២០២៣ កាលពីថ្ងៃទី២២ ខែមីនា។ ​ ឯកឧត្តម ងិន ណែល អភិបាលខេត្តរតនគីរីបានឱ្យដឹងថា ពិព័រណ៍ផលិតផលនេះ ជាការបង្កើតឱ្យមានប​រិយាកាសពាណិជ្ជកម្មដល់អាជីវករ សេវាករ ពាណិជ្ជករក្នុងមូលដ្ឋាន រវាងខេត្តរតនគិរី និងខេត្តទាំងអស់នៅក្នុងប្រទេសកម្ពុជា។ លើសពីនេះ ពិព័រណ៍នេះ ក៏នឹងជួយជម្រុញ និងពង្រីកវិស័យពាណិជ្ជកម្មនៅក្នុងខេត្តរតនគិរី ក៏ដូចជាខេត្តដទៃទៀតឱ្យកាន់តែខ្លាំងថែមទៀត។​តាមរយៈពិព័រណ៍នេះ យើងបានរួមគ្នាធ្វើសកម្មភាពរវាងខេត្ត និងខេត្តឱ្យមានភាពរស់រវើក មានសម្ព័ន្ធភាពល្អនឹងគ្នា បង្កើតឱ្យមានសកម្មភាពពាណិជ្ជកម្មបន្ថែមលើវិស័យ​ក​សិកម្ម កសិ-ឧស្សាហកម្ម កសិ-ពាណិជ្ជកម្ម។ ឯកឧត្តមបានបន្តទៀតថា ពិរព័រណ៍នេះ ក៏​ជួយបង្កើតឱ្យមានឱកាស នាំចេញនៅនឹងកន្លែង តាមរយៈអ្ន​កផ្គត់ផ្គង់ដល់អ្នកទេសចរ និងអ្នកប្រើប្រាស់ ជាពិសេសជម្រុញឱ្យបណ្ដាខេត្តទាំងអស់ បានចូលរួមផ្លាស់ប្តូរគំនិតគ្នា និងបង្ហាញពីផលិតផលរបស់ខ្លួនសំដៅលើការផ្លាស់ប្ដូរទំនិញ រវាងខេត្ត និងខេត្ត ពង្រឹង និងពង្រី​កពាណិជ្ជកម្ម នៅក្នុងខេត្តឱ្យកាន់តែមានភាពទូលំទូលាយ»។​  លោក ខៀវ ថា ប្រធានមន្ទីរពាណិជ្ជកម្មខេត្តរតនគិរី បានលើកឡើងដែរថា ពិព័រណ៍នេះ មានស្តង់របស់​អាជីវករចូលរួមសរុបប្រមាណ៩៧ស្តង់ ។ក្នុងនោះមាន…