ខេត្តបន្ទាយមានជ័យ ៖ អាជីវករទទួលទិញ មើមដំឡូងមីស្រស់ និងមើមហាលស្ងួត ចំនួន ៤៧កន្លែងតាមបណ្ដាស្រុក ក្រុង ក្នុងខេត្តបន្ទាយមានជ័យ បានមកជួបជុំគ្នានៅមន្ទីរ ឧស្សាហកម្មវិទ្យាសាស្ត្របច្ចេកទេសដើម្បីចូលរួម សិក្ខាសាលាផ្សព្វផ្សាយច្បាប់ស្ដីពីមាត្រាសាស្ត្រអំពីការប្រើជញ្ជីងថ្លឹងត្រឹមត្រូវតាមលក្ខណៈបច្ចេកទេស។ លោក ព្រំ ឡុងផល្លា អនុប្រធានមន្ទីរឧស្សាហកម្មវិទ្យាសាស្ត្របច្ចេកទេស បានបញ្ជាក់បន្ថែម ការដែលអាជីវករមកចូលរួមសិក្ខាសាលានេះធ្វើឲ្យពួកគាត់យល់ពីច្បាប់ប្រើប្រាស់ជញ្ជីងថ្លឹងភោគផលរបស់ប្រជាកសិករឲ្យបានត្រឹមត្រូវរវាងអ្នកលក់ អ្នកទិញទទួលបាននូវភាពយុត្តិធម៌ទាំអស់គ្នា ។ សិក្ខាសាលាមានរយៈពេលមួយព្រឹកជាការផ្សព្វផ្សាយច្បាប់ មុននឹងមន្ត្រីជំនាញចុះអនុវត្តច្បាប់ និងលក្ខណៈបច្ចេកទេសការប្រើជញ្ជីងថ្លឹង។ លោក ម៉េង សេរី វ៉ាត់ អនុប្រធានមជ្ឈមណ្ឌលមាត្រាសាស្ត្រជាតិនៃក្រសួងឧស្សាហកម្ម វិទ្យាសាស្ត្របច្ចេកទេសនវានុវត្តន៍ បានឲ្យអ្នកចូលរួមសិក្ខាសាលាពេលនេះបន្តផ្សព្វផ្សាយដល់អាជីវករដូចគ្នាដែលមិនបានមកចូលរួម ហើយរួមសហការជាមួយមន្ត្រីជំនាញ និងប្រកាន់យកភាពត្រឹមត្រូវលើការប្រើជញ្ជីងថ្លឹងកសិផល ចៀសវាងការ កេងបន្លំភ្នែកជញ្ជីង មិនជាការល្អនោះទេ ។ ប៉ុន្តែរឿងតម្លៃលក់ចេញ ទិញចូលយ៉ាងណានោះវាអាស្រ័យ លើបងប្អូនជាអ្នកទិញ និងអ្នកលក់ ចំណែកមន្ត្រីជំនាញយើងគ្រាន់តែជាអ្នកអនុវត្តផ្នែកបច្ចេកទេសទៅលើការប្រើប្រាស់ជញ្ជីងតាមលក្ខណៈបច្ចេកទេសមាត្រាសាស្ត្រ ប៉ុណ្ណោះ ៕ ដោយ គៀន ច័ន្ទហ៊ីន

ភ្នំពេញ៖ កាលពីឆ្នាំ២០២២ កន្លងទៅ ក្រសួងពាណិជ្ជកម្មកម្ពុជា បាន ទទួលពាក្យស្នើសុំចុះបញ្ជីម៉ាកសញ្ញាពាណិជ្ជកម្ម ចំនួនជាង ប្រាំមួយពាន់ ក្នុងនោះក្រសួងក៏បានចុះបញ្ជីម៉ាកសញ្ញា ពាណិជ្ជកម្ម នៅទូទាំងប្រទេសបានជាងប្រាំពាន់ម៉ាកផងដែរ។នេះបើយោងតាមរបាយការណ៍ក្រសួងដែលបង្ហាញឡើងក្រោយបញ្ចប់សន្និបាតបូកសរុបការងារពាណិជ្ជកម្មឆ្នាំ២០២២ និងទិសដៅ ការងារពាណិជ្ជកម្មឆ្នាំ២០២៣ កាលពីថ្ងៃទី៣១ ខែមករា។ ឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានឱ្យដឹងថា កាលពីពេលកន្លងទៅ ក្រសួងបានសហការជាមួយភាគីពាក់ព័ន្ធ ក្នុងការកសាង និងផ្សព្វផ្សាយម៉ាកសញ្ញាពាណិជ្ជកម្ម ទាំងក្នុង និងក្រៅប្រទេស តាមរយៈការចុះបញ្ជីម៉ាកសម្គាល់ភូមិសាស្ត្រ ទំនិញ និងម៉ាកសមូហភាព។ ក្នុងនោះក្រសួងបាន សហការសម្រប សម្រួលលើការចុះបញ្ជីម៉ាកនេះដូចជា៖ បង្កងតាកែវ, ទឹកត្រីកំពត កែប, SKO & Device, លើប្រភេទអង្ករសែនក្រអូប DSMK & Device , លើប្រភេទអង្ករដំណើបស្បៃមង្គល, ចម្លាក់ប្រាក់ស្ពាន់ ខេត្តកណ្តាល, ក្រូចពោធិ៍សាត់, នំបញ្ចុកសៀមរាប និងដូងខ្ទិះបាត់ ដំបង ជាដើម បន្ថែមពីលើម៉ាកទំនិញសម្គាល់ភូមិសាស្រ្ត និងម៉ាក សមូហភាពល្បីៗជាច្រើនដែលយើងបានចុះរួចមកហើយ។ ឯកឧត្តម…

ភ្នំពេញ៖ ឯកឧត្តម ប៉ាន សូរស័ក្ត រដ្ឋមន្រ្តីក្រសួងពាណិជ្ជកម្ម បានលើកឡើងថា សមិទ្ធផលសំខាន់ៗមួយចំនួន ដែលក្រសួងសម្រេចបានក្នុងរយៈពេលកន្លងទៅ ក្នុងនោះ សមាហរណកម្ម និងពាណិជ្ជកម្មអន្តរជាតិ សម្រេចបានទំហំពាណិជ្ជកម្មល្អប្រសើរ ក្នុងនោះទំហំពាណិជ្ជកម្មសរុបក្នុងឆ្នាំ២០២២ មានចំនួនប្រមាណ ៥២,៤២ ប៊ីលានដុល្លារអាមេរិក ស្មើនឹងកំណើន ៩,១% បើធៀបនឹងទិន្នន័យឆ្នាំ២០២១។ ក្នុងនោះ ការនាំចេញមានចំនួន ២២,៤៨ ប៊ីលានដុល្លារអាមេរិក គឺកើនឡើង ១៦% និងការនាំចូលមានចំនួន ២៩,៩៤ ប៊ីលានដុល្លារអាមេរិក គឺមានការកើនទ្បើង ៤%។ ការលើកឡើងបែបនេះ ធ្វើឡើងកាលពីថ្ងៃទី៣០ ខែមករា ឆ្នាំ២០២២ នៅទីស្តីការក្រសួង ក្នុងឱកាសដែលឯកឧត្តម ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានអញ្ជើញជាអធិបតីក្នុងពិធីបើកសន្និបាតបូកសរុបការងារពាណិជ្ជកម្មឆ្នាំ២០២២ និងទិសដៅអនុវត្តន៍ការងារពាណិជ្ជកម្មឆ្នាំ២០២៣ ដើម្បីពិនិត្យ និងវាយតម្លៃលើសមិទ្ធផលការងារដែលក្រសួងសម្រេចបាន ក្នុងរយៈពេលមួយឆ្នាំកន្លងទៅ ក៏ដូចជាពិភាក្សាពីបញ្ហាប្រឈមនានា និងលើកទិសដៅសម្រាប់ឆ្នាំបន្ទាប់ ស្របតាមកម្មវិធីនយោបាយ និងយុទ្ធសាស្រ្តចតុកោណដំណាក់កាលទី៤ របស់រាជរដ្ឋាភិបាលនីតិកាលទី៦ នៃរដ្ឋសភា ក្នុងបុព្វហេតុចូលរួមអភិវឌ្ឍសេដ្ឋកិច្ច និងសង្គម។ ឯកឧត្តមរដ្ឋមន្រ្តី រម្លឹកថា ចាប់តាំងពីដើមឆ្នាំ២០២០…

ភ្នំពេញ៖ វាគ្មិនចំនួន ៥រូប ដែលជំនាញផ្នែកអាជីវកម្មក្នុងសម័យបច្ចេកវិទ្យាឌីជីថល បានសហការគ្នារៀបចំសិក្ខាសាលាមួយ ស្ដីពីការធ្វើអាជីវកម្មក្នុងសម័យបច្ចេកវិទ្យា ជូនដល់យុវជនជាសិស្ស និស្សិត និងប្រជាពលរដ្ឋ ឲ្យបានយល់ដឹងពីការធ្វើអាជីវកម្មនាពេលបច្ចុប្បន្ន នៅថ្ងៃអាទិត្យ ទី២៩ ខែមករា ឆ្នាំ២០២៣ នៅសាលប្រជុំ CJCC នៃសាកលវិទ្យាល័យភូមិន្ទភ្នំពេញ ។ នៅក្នុងសិក្ខាសាលានេះមានការធ្វើបទបង្ហាញស្តីពី សណ្តាញសង្គម និងឌីជីថល ម៉ាឃីធីង ដោយ វាគ្មិនលោក ប្រង់ ដេវីត គ្រូបណ្តុះបណ្តាល ជំនាញផ្នែកឌីជីថល ម៉ាឃីធីង។ បទបង្ហាញស្តីពី ពាណិជ្ជកម្មអេឡិចត្រូនិក និងការប្រើប្រាស់ឧបករណ៍ជំនួយ ដោយវាគ្មិន លោក ឯម ឬទ្ធី ស្ថាបនិក នៃក្រុមហ៊ុន អាយ អ៊ី បាយ។ បទបង្ហាញស្តីពី ការយល់ដឹងពីបច្ចេកវិទ្យាពន្ធដារ និងគណនេយ្យ ដោយវាគ្មិន លោក បណ្ឌិត គិត ចាន់ថង នាយកប្រតិបត្តិ នៃក្រុមហ៊ុន សូតា ប្រ៊ីហ្វេសិនណល។ បទបង្ហាញស្តីពីការយល់ដឹងពីបច្ចេកវិទ្យាអចលនទ្រព្យ ដោយវាគ្មិន…