ភ្នំពេញ៖ អគ្គនាយកដ្ឋានគយ និងរដ្ឋាករកម្ពុជា បានឱ្យដឹងថា ទំហំពាណិជ្ជកម្មរវាងកម្ពុជា និងអន្តរជាតិ ក្នុងរយៈពេល ៦ខែ ឆ្នាំ២០២២នេះ មានទំហំជាង ២៧ពាន់លានដុល្លារ កើនឡើង ២០.២% បើធៀបនឹងរយៈពេលដូចគ្នាកាលពីឆ្នាំមុន។ ថ្លែងក្នុងពិធីបុណ្យនិទាឃរដូវឆ្នាំ២០២៣ និងពិធីជប់លៀងមិត្តភាព ដែលរៀបចំដោយសភាពាណិជ្ជកម្មចិនជាំងស៊ូនៅកម្ពុជា នាល្ងាចថ្ងៃទី១៨ ខែធ្នូនេះ នៅសណ្ឋាគារហួង សាន រាជធានីភ្នំពេញ ឯកឧត្តម ឯក សំអុល ប្រធានសមាគមមិត្តភាពកម្ពុជា-ចិន មានប្រសាសន៍ថា ពិធីជប់លៀងមិត្តភាពដ៏មហោឡារិកនេះ គឺជាព្រឹត្តិការណ៍ប្រចាំឆ្នាំដ៏សំខាន់មួយរបស់សភាពាណិជ្ជកម្មចិនជាំងស៊ូនៅកម្ពុជា ហើយក៏ជាឱកាសដ៏ល្អមួយដើម្បីអបអរសាទរបុណ្យចូលឆ្នាំថ្មីប្រពៃណីចិនជាមួយមិត្តភក្តិនៅកម្ពុជារបស់យើង។ ឯកឧត្តមបន្តថា ទំនាក់ទំនងមិត្តភាព កម្ពុជា-ចិន នឹងមិនអាចឈានមកទល់ពេលនេះបានទេ ប្រសិនបើគ្មានការជឿទុកចិត្ត និងការគាំទ្រពីអ្នកទាំងអស់គ្នា និងពីគ្រប់វិស័យនៃសង្គមចិន។ កិច្ចសហប្រតិបត្តិការកម្ពុជា-ចិនត្រូវបានផ្សារភ្ជាប់យ៉ាងជិតស្និទ្ធជាមួយនឹងការអភិវឌ្ឍន៍ទាំងកម្ពុជា និងចិន។ ឯកឧត្តមបន្ថែមថា ក្រោមគំនិតផ្ដួចផ្ដើមខ្សែក្រវាត់ និងផ្លូវ យើងកំពុងធ្វើការរួមគ្នាដើម្បីកសាងវេទិកានៃការតភ្ជាប់ ការគាំទ្រផ្នែកហិរញ្ញវត្ថុ និងសហប្រតិបត្តិការ។ ការខំប្រឹងរួមគ្នារបស់យើងទាំងអស់នេះ បានរួចំណែកដល់ការរីកចម្រើននៅក្នុងប្រទេសរបស់យើង និងការអភិវឌ្ឍន៍ទូទាំងតំបន់ ជាពិសេស នឹងបន្តធ្វើឱ្យប្រសើរឡើងនូវសេដ្ឋកិច្ច កែលម្អសុខុមាលភាពរបស់ប្រជាជន រក្សាភាពស្អិតរមួតក្នុង សង្គម និងការលើកកម្ពស់ពាណិជ្ជកម្មសេរី។ បើតាមរបាយការណ៍របស់អគ្គនាយកដ្ឋានគយ…

ភ្នំពេញ៖ ក្រោយមានកិច្ចពិភាក្សារួមគ្នារវាងក្រសួងពាណិជ្ជកម្ម ជាមួយឯកអគ្គរដ្ឋទូតសាធារណរដ្ឋអ៊ីតាលីប្រចាំកម្ពុជា ដែល ទើបតែងតាំងថ្មី និងមាននិវេសនដ្ឋាននៅទីក្រុងបាងកក លើ វឌ្ឍនភាព និងកាលានុវត្តភាពនៃក្របខណ្ឌកិច្ច សហប្រតិបត្តិការ ពាណិជ្ជកម្មទ្វេភាគី ភាគីទាំងពីរ បានប្រកាសប្តេជ្ញាពង្រឹក ទំនាក់ទំនងលើការវិនិយោគ និងធុរកិច្ចបន្ថែមទៀត ក្រោយ ទំហំពាណិជ្ជកម្មទ្វេភាគី បានស្ទុះដល់ជាង៤០០លាន ដុល្លារនៅឆ្នាំនេះ។ ឯកឧត្តម កឹម ស៊ីថន រដ្ឋមន្ត្រីស្តីទីក្រសួងពាណិជ្ជកម្មកម្ពុជា បានឱ្យដឹងថា ជំនួបពិភាក្សាពីពេលថ្មីៗនេះ កម្ពុជា-អ៊ីតាលី បានពិភាក្សា និងផ្លាស់ប្តូរយោបល់លើការពង្រឹងទំនាក់ទំនង និងកិច្ចសហប្រតិបត្តិការទ្វេភាគីលើវិស័យពាណិជ្ជកម្ម និងសេដ្ឋកិច្ច។ ទន្ទឹមគ្នានេះ ឯកឧត្តមក៏បានលើកឡើងពីសារសំខាន់នៃ ចំណងមិត្តភាព និងទំនាក់ទំនងពាណិជ្ជកម្មទ្វេភាគីរវាងប្រទេស ទាំងពីរ និងបានអរគុណអ៊ីតាលី ពិសេសលើវិស័យពាណិជ្ជកម្ម និងសេដ្ឋកិច្ច ព្រមទាំងគាំទ្រដល់កម្ពុជាក្នុងការអភិវឌ្ឍវិស័យ សំខាន់ៗជាច្រើន រួមមាន ការបរិច្ចាគវ៉ាក់សាំងការពារជំងឺកូវីដ តាមរយៈយន្តការការពារជនស៊ីវិលរបស់សហភាពអឺរ៉ុប និងកម្មវិធី កូវ៉ាក់(COVAX) ផងដែរ។ ឯកឧត្តម កឹម ស៊ីថន បានថ្លែងបញ្ជាក់ថា ៖ «សកម្មភាពទាំងនេះ ពិតជាបានរួមចំណែកដល់ការអភិវឌ្ឍសេដ្ឋកិច្ចកម្ពុជា ហើយកម្ពុជា ក៏បានប្តេជ្ញាបន្តពង្រឹងទំនាក់ទំនងទ្វេភាគីនេះឱ្យកាន់តែជិតស្និទ្ធ…

​ព្រះសីហនុ៖ គិតមកដល់ពេលនេះសេវាកម្មស្នាក់នៅក្នុងក្រុងព្រះសីហនុ មានភ្ញៀវទេសចរកក់យ៉ាងច្រើន ដើម្បីត្រៀទៅលេងកម្សាន្តពិធីបុណ្យសមុទ្រលើកទី៩ ជុំទី៣ នៅខេត្តព្រះសីហនុ ដែលចាប់ផ្តើម ពីថ្ងៃទី៩-១១ ខែធ្នូ ឆ្នាំ២០២២។ ទោះជាយ៉ាងណា មិនទាន់ខ្វះកន្លែងស្នាក់នៅនៅឡើយទេ ខណៈក្នុងក្រុងព្រះសីហនុមានបន្ទប់ស្នាក់នៅសរុបដល់ទៅជាង ៩ ០០០បន្ទប់ឯណោះ។​ លោក  គឹម សេរីរដ្ឋ ប្រធាននាយកដ្ឋានគ្រប់គ្រងសេវាកម្មការស្នាក់នៅ និងម្ហូបអាហារ ក្រសួងទេសចរណ៍ បានលើកឡើងថា បើតាមរបាយការណ៍គិតមកដល់ពេលនេះ នៅមិនទាន់ឈានដល់ការខ្វះបន្ទប់ សម្រាប់ភ្ញៀវស្នាក់នៅនោះទេ គ្រាន់តែការកក់បន្ទប់ជិតពេញ១០០ភាគរយហើយ តែជាធម្មតាការធ្វើសេវាកម្មជូនភ្ញៀវស្នាក់នៅ គឺមិនដែលលក់បន្ទប់ក្នុងទីតាំងទាល់តែអស់នោះទេ តែងតែមានត្រៀមសម្រាប់ភ្ញៀវក្នុងករណីមានបញ្ហាណាមួយ។​​ លោកបន្ត ថា ទោះបីជាមានការកក់បន្ទប់ស្នាក់នៅអស់ច្រើន តែយ៉ាងណាសម្រាប់ការរៀបចំពិធីបុណ្យសមុទ្រនេះ មិនខ្វះបន្ទប់សម្រាប់ភ្ញៀវស្នាក់នៅនោះទេ និងនៅតែអាចបន្តផ្តល់ជូនបន្ទប់ស្នាក់នៅ សម្រាប់តម្រូវការរបស់ភ្ញៀវបាន ដោយសារក្រុងព្រះសីហនុ មានកន្លែងស្នាក់នៅគ្រប់គ្រាន់ និងមានជម្រើសក្នុងការស្នាក់នៅផ្សេងៗ ដូចជា ការបោះតង់ និងកន្លែងស្នាក់នៅផ្សេងៗទៀត។​ បើតាមលោក  គឹម សេរីរដ្ឋ បញ្ជាក់ថា ៖ «សម្រាប់ចំនួនភ្ញៀវទេសចរ ដែលគ្រោងមកកម្សាន្ត នៅក្នុងឱកាសបុណ្យសមុទ្រ គិតមកដល់ពេលនេះ គឺមានចំនួនច្រើនកុះករហើយ តាមរយៈការកក់សណ្ឋាគារធំៗ បឹងកាឡូ ការកក់តង់ស្នាក់នៅ…

ភ្នំពេញ៖ ឈានមួយជំហានពីយុគសម័យកសិកម្ម និងមកយុគសម័យបច្ចេកវិទ្យា និងឌីជីថល ប្រទេសទាំងអស់សុទ្ធតែបានមើលឃើញពីសារៈសំខាន់នៃការអនុវត្តសេដ្ឋកិច្ចឌីជីថល ដែលជាផ្នែកយ៉ាងសំខាន់ក្នុងការជំរុញប្រទេសឱ្យអភិវឌ្ឍបានលឿនស្របទៅនឹងរបត់នៃបដិវដ្តឧស្សាហកម្មជំនាន់ថ្មី។ សម្រាប់កម្ពុជាវិញរាជរដ្ឋាភិបាលកំពុងយកចិត្តទុកដាក់ក្នុងការជំរុញការអភិវឌ្ឍន៍គោលនយោបាយកសិកម្ម ដើម្បីជំរុញកំណើនក្នុងវិស័យនេះឱ្យស្របទៅនឹងបម្រែបម្រួលនៃបដិវដ្តឧស្សាហកម្ម ៤.០ និងទាញយកផលប្រយោជន៍កាន់តែច្រើនសម្រាប់ប្រជាជននៅទូទាំងប្រទេស។ តែទោះជាយ៉ាងនេះក្តី ដើម្បីអនុវត្តគោលដៅជាវិជ្ជមានទាំងអស់នេះបានល្អប្រសើរ កម្ពុជាត្រូវការធនធានមនុស្សជាច្រើនដើម្បីអនុវត្តសកម្មភាពនៅគ្រប់ផ្នែកទាំងអស់នៃការអភិវឌ្ឍ។ ពាក់ព័ន្ធនឹងធនធានមនុស្សនេះដែរ ត្រូវបានឯកឧត្តម ឌិត ទីណា រដ្ឋមន្រ្តី​ក្រសួង​កសិកម្ម រុក្ខាប្រមាញ់ និងនេសាទ កាលពីពេលថ្មីៗនេះ បានលើកឡើងថា កសិកម្ម គឺជាវិស័យដែលមានវិសាលភាពទូលំទូលាយ ហើយ​ការបណ្ដុះបណ្ដាលធនធានមនុស្សគឺជារឿងដ៏សំខាន់ និងចាំបាច់ ដើម្បីអភិវឌ្ឍវិស័យនេះឱ្យដើរទៅមុខ។ លោកបន្តថា ជាចក្ខុវិស័យនាពេលអនាគត លោកចង់ជំរុញឱ្យសាកលវិទ្យាល័យភូមិន្ទកសិកម្មក្លាយជាសាកលវិទ្យាល័យនាំមុខមួយ នៅក្នុងប្រទេស និងនៅក្នុងតំបន់។ ហេតុនេះ ដើម្បីសម្រេចគោលដៅនេះ លោកថា ត្រូវ​មានការអនុវត្តទ្រឹស្តីផ្សារភ្ជាប់នឹងការងារក្នុងមជ្ឈដ្ឋានវិជ្ជាជីវៈផ្ទាល់តែម្តង ខណៈលោករំពឹងថា នៅប៉ុន្មានឆ្នាំទៅមុខទៀត សិស្សចេញពីសាលាកសិកម្មនឹងក្លាយជាធនធានមនុស្សដ៏ពេញនិយមសម្រាប់ក្រុមហ៊ុនទាំងឡាយថែមទៀត។ ជាងនេះទៀត លោកថា នៅឆ្នាំខាងមុខនេះ គុណភាពសិក្សានឹងកាន់តែខ្ពស់ឡើង តាមរយៈការពង្រឹងបន្ថែ​មភាសាអង់គ្លេស ព័ត៌មានវិទ្យា មុខវិជ្ជាគ្រប់គ្រងនិងគណនេយ្យ ដែលជាមូលដ្ឋានគ្រឹះដើម្បីឱ្យសិស្សមានកំរិតវប្បធម៌ដឹកនាំខ្ពស់។​ រដ្ឋមន្រ្តី​ក្រសួង​កសិកម្មរូបនេះ ក៏បានបង្ហាញក្តីសង្ឃឹមថា៖ «ខ្ញុំសង្ឃឹមថា ទាំងនេះនឹងទាក់ទាញសិស្សពូកែទាំងឡាយឱ្យចង់ចូលរៀននៅសាលកវិទ្យាល័យភូមិន្ទកសិកម្ម ដោយក្នុងនោះ យើងបើកទ្វារស្វាគមន៍ផងដែរ ទៅដល់សិស្សដែលមានពិការភាពផងដែរ»។ ឯកឧត្តមបានបន្តថា…