ភ្នំពេញ៖ ឯកឧត្តម ឌិត ទីណា រដ្ឋមន្ត្រីក្រសួងកសិកម្ម រុក្ខាប្រមាញ់ និងនេសាទបានលើកឡើងថា ក្រសួងមានបំណង់ចង់ឲ្យមានការបែងចែកផលិតកសិកម្មនាំចូល និងផលិតកសិកម្មក្នុងស្រុក នាពេលខាងមុខនេះ ដើម្បីឲ្យប្រជាពលរដ្ឋមានភាពងាយស្រួល ក្នុងការជ្រើសរើស និងដើម្បីឲ្យប្រជាពលរដ្ឋមានការគាំទ្រផលិតក្នុងស្រុក។ ឯកឧត្តម ឌិត ទីណា បានមានប្រសាសន៍ថា ខ្ញុំគិតថា ពេលវេលាមួយសាកសម គឺប្រភពដើមនៃទំនិញត្រូវតែមាន។ ពាក់ព័ន្ធនឹងការនាំចេញនាំចូល បងប្អូនប្រជាពលរដ្ឋទាំងអស់គ្នាមានចរិកជាតិនិយម ប៉ុន្តែជាមួយគ្នានេះ ក៏ត្រូវគិតចំពោះនូវស្ថានភាពសេដ្ឋកិច្ចផងដែរ។ ឯកឧត្តម បន្តថា ការពិនិត្យនូវតុល្យភាពនៃការនាំចេញ-នាំចូល គឺត្រូវគោរពច្បាប់អន្តរជាតិ ត្រូវគោរពលើគោលការណ៍អនាម័យ។ ឯកឧត្តមរដ្ឋមន្រ្តីបន្ថែមថា បើសិនជាផលិតផលមិនល្អ កម្ពុជាមានសិទ្ធិមិនឲ្យនាំចូល ប៉ុន្ដែបើសិនជាផលិតនោះល្អ ហើយមានតម្លៃថោក មិនឲ្យគេនាំចូល គេក៏មានសិទ្ធ មិនឲ្យយើងនាំចូលដូចគ្នា។ ឆ្លើយតបនឹងការរិះគន់វិញ ឯកឧត្តម ឌិត ទីណា បានថ្លែងថា ឯកឧត្តមមិនដែលបាក់ទឹកចិត្តចំពោះពាក្យរិះគន់នោះទេ ហើយប្រសិនបើការិះគន់នោះត្រូវ ឯកឧត្តមនឹងទទួលយក ព្រមទាំងយកមកកែតម្រូវ ប៉ុន្តែបើអ្នករិះគន់ក្នុងន័យបង្ខូច និងគ្មានការពិត នោះឯកឧត្តមនឹងមិនខ្វល់ ឬខាតពេលទៅពន្យល់នោះទេ។ រាល់មតិរិះគន់ទាំងអស់ ប្រសិនជាការនិយាយលើកឡើងនោះ ជារឿងត្រឹមត្រូវ ឯកឧត្តមនឹងយកពិចារណា និងកោតសរសើរ…

កោះកុង:គ្រំចំពុះទា គឺជាអាហារសមុទ្រប្រចាំទឹកដីខេត្តកោះកុង ដែលល្បីល្បាញថាមានរសជាតិឆ្ញាញ់ និងជាប្រ ភពចំណូលដ៏សំខាន់សម្រាប់ប្រជាជនក្នុងសហគមន៍ការពារធម្មជាតិពាមក្រសោប។ ប្រជាជននៅ តំបន់នេះបានចាប់ផ្ដើមចិញ្ចឹមគ្រំចំពុះទាតាំងតែពីឆ្នាំ ១៩៩៣ មកម្លេះ ប៉ុន្តែដោយឡែកកាលណោះ ទីផ្សារគឺពឹងទាំងស្រុងលើប្រទេសថៃ។ពីមួយឆ្នាំ ទៅមួយឆ្នាំប្រជាជនដែលរស់នៅក្នុងតំបន់នេះបានងាកមកចិញ្ចឹមគ្រំចំពុះទាកាន់តែច្រើន ដោយបានឃើញពីទីផ្សារល្អ។ បើទោះបីជាក្រសួងពាក់ព័ន្ធព្យាយាមធ្វើសកម្មភាពផ្សព្វ ផ្សាយរក ទីផ្សារនៅក្នុងស្រុកបន្ថែមក្ដី បច្ចុប្បន្នប្រជាសហគមន៍ពាមក្រសោប នៅតែពឹងផ្អែកលើការនាំចេញ ទៅប្រទេសថៃ ដែលមានរហូតទៅដល់៧៥% នៃការនាំចេញឯណោះ។ លោក វង្ស តារា អនុប្រធានសហគម៍ការពារធម្មជាតិពាមក្រសោបបានកត់សម្គាល់ឃើញថា មួយរយៈចុងក្រោយនេះ ការបញ្ជាទិញពីឈ្មួញថៃបានចាប់ផ្ដើមថយចុះ ដែលនាំឱ្យរូបលោក និងប្រជាសហគមន៍ដទៃទៀតមានការព្រួយបារម្ភជាខ្លាំង។អនុប្រធានសហគមន៍រូបនេះបានរៀបរាប់ថា៖ «ទីផ្សារនៅថៃបច្ចុប្បន្នលុះត្រាតែនៅក្នុងស្រុកគេផ្គត់ ផ្គង់មិនគ្រប់គ្រាន់ទើបគេទិញយើង ដូច្នេះហើយយើងមិនអាចពឹងផ្អែកលើទីផ្សារគេទៀតទេ។»លោកបន្តថា៖ «ជារឿងល្អប្រសិនបើទីផ្សារក្នុងស្រុកយើងកើនឡើង ព្រោះវាមានភាពងាយស្រួលជាង និងមានទំនុកចិត្តជាងទីផ្សារខាងក្រៅ ម្យ៉ាងទៀតក៏យើងមិនសូវចំណាយពេលច្រើនលើការដឹកជញ្ជូន ដែរ។»លោកបានបន្តរៀបរាប់ថា ការនាំចេញទៅទីផ្សារខាងក្រៅក៏មិនងាយស្រួលប៉ុន្មានដែរ ដោយហេតុថា គ្រំចំពុះទានេះអាចរស់បានត្រឹមតែ២៤ម៉ោងក្រោយពេលលើកចេញពីទឹកប៉ុណ្ណោះ។ ដូច្នេះ ត្រូវធានា ថាការដឹកជញ្ចូនត្រូវតែលឿន ទើបអតិថិជនអាចទទួលបានរសជាតិឆ្ញាញ់ពិសា។បើតាមការឱ្យដឹងបន្ថែមរបស់អនុប្រធាសហគមន៍រូបនេះ បច្ចុប្បន្នមានប្រជាជនចំនួន ១១៥គ្រួសារ ហើយដែលកំពុងប្រកបរបរចិញ្ចឹមគ្រំចំពុះទា ដោយពួកគេប្រមូលផលតាមរដូវដូចជាធ្វើស្រែដូច្នោះ ដែរ។ បើគិតពីទំហំនៃការលក់ចេញវិញ លោកបានបញ្ជាក់ថាក្នុងមួយឆ្នាំសហគមន៍របស់លោកអាច នាំចេញបានរហូតដល់ ២ទៅ៣ពាន់តោន ដែលមាននាំចេញទៅទីផ្សារប្រទេសថៃ៧៥% វៀតណាម១៥%…

ភ្នំពេញ៖ ប្រមុខរាជរដ្ឋាភិបាលបានលើកឡើងថាកម្ពុជាបាន និងកំពុងធ្វើដំណើរឆ្ពោះទៅមុខជានិច្ចដែលពោរពេញទៅដោយឱកាសមាសយ៉ាងពិតប្រាកដសម្រាប់ធ្វើពាណិជ្ជកម្មនិងវិនិយោគនៅកម្ពុជា ហើយក្នុងរយៈពេលប៉ុន្មានទសវត្សរ៍ចុងក្រោយ នេះកម្ពុជាបានឆ្លងកាត់បានផ្លាស់ប្តូរគួរឱ្យកត់សម្គាល់ទំាងទិដ្ឋភាព នយោបាយ សន្តិសុខ សង្គម និងសេដ្ឋកិច្ច។ ថ្លែងក្នុងពិធីអបអរសាទរខួប ១១ឆ្នាំ នៃប្រតិបត្តិការរបស់ ក្រុមហ៊ុន មីនីបៀ របស់ជប៉ុន នៅតំបន់សេដ្ឋកិច្ចពិសេសភ្នំពេញ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានលើក ឡើងថា ខណៈដែលប្រទេសមួយចំនួនកំពុងជួបវិបត្តិកូវីដ-១៩ ធ្វើឱ្យប្រទេសខ្លះបានផ្អាកដំណើរការសកម្មភាពផលិតនានា និងប្រទេសខ្លះទៀតកំពុងជួបវិបត្តិសង្រ្គាម ប៉ុន្តែកម្ពុជានៅ តែមានស្ថានភាពល្អ និងមានកំណើនវិនិយោគនៅក្នុងប្រទេស គួរឱ្យកត់សម្គាល់។ សម្តេចតេជោ ហ៊ុន សែន បានលើកឡើងថា កំណើនក្រុមហ៊ុន វិនិយោគនៅកម្ពុជា គឺកើតឡើងដោយសារកត្តាធំៗពីរ គឺ កត្តាសន្តិភាព និងកត្តាស្ថិរភាពនយោបាយកម្ពុជា រួមជាមួយ នឹងការលើកទឹកចិត្តមួយចំនួន បានធ្វើឱ្យមានការទាក់ទាញ វិនិយោគទុនមកកម្ពុជាជាច្រើន។ សម្តេចតេជោបានបញ្ជាក់បន្ថែមដូច្នេះថា៖ «ឥឡូវសូមសម្លឹង មើលទៅប្រទេសអ៊ុយក្រែន តើប្រទេសក្នុងពិភពលោក និង ក្រុមហ៊ុនក្នុងស្រុក និងក្រៅស្រុក ចង់ទៅវិនិយោគនៅប្រទេស មានសង្រ្គាមទេ? ចឹងគ្មានអ្នកណាអាចប្រថុយដាក់ទុនវិនិយោគ នៅប្រទេសមានសង្រ្គាម គ្មានសន្តិភាព…