ភ្នំពេញ៖ ក្នុងបរិបទនៃការអបអរទិវាសេរីភាពសារព័ត៌មានពិភពលោក៣ឧសភា ឆ្នាំនេះ ក្លិបអ្នកកាសែតកម្ពុជា (ក.អ.ក) នឹងរៀបចំការជួបជុំសមាជិកជាង៥០០នាក់ជាថ្មីម្ដងទៀត នៅថ្ងៃទី២១ ខែមេសា ឆ្នាំ២០២៣ ដើម្បីផ្សព្វផ្សាយក្រមសីលធម៌ នៃវិជ្ជាជីវៈសារព័ត៌មាន ។ យោងតាមសេចក្ដីប្រកាសព័ត៌មានបានឱ្យដឹងថា ការជួបជុំនេះ នឹងប្រព្រឹត្តិទៅនៅវិទ្យាស្ថានជាតិអប់រំ ដោយត្រូវបានចែកចេញជាបីវគ្គ៖ វគ្គទី១៖ ចាប់ផ្ដើមពីម៉ោង២រសៀល ដល់ម៉ោង៥ល្ងាច គឺជាវគ្គពិភាក្សា សួរដេញដោល និងចែករំលែកពិសោធន៍ព្រមទាំងចំណេះដឹង ស្ដីពីការអនុវត្តវិជ្ជាជីវៈ និងក្រមសីលធម៌សារព័ត៌មាន។ នៅក្នុងវគ្គនេះ លោក ពុយ គា ដែលជាប្រធានក្លិបអ្នកកាសែតកម្ពុជា នឹងធ្វើបទបង្ហាញអត្ថបទក្រមសីលធម៌របស់ក្លិបអ្នកកាសែតដល់សមាជិកទាំងអស់។ ក្នុងពេលនោះដែរ ក៏មានវត្តមានអ្នកកាសែតជើងចាស់ ដែលពិសោធន៍យូរឆ្នាំរបស់កម្ពុជា និងបរទេស (អូស្រាលី បារាំង អាល្លឺម៉ង់ ថៃ និងអេស្បាញ) ១០រូប រង់ចាំឆ្លើយសំណួរ និងចែករំលែកពិសោធន៍របស់ពួកគេផងដែរ។ វគ្គទី២៖ ចាប់ពីម៉ោង៥ ដល់ម៉ោង ៦ល្ងាច គឺជាវេទិកាសំណេះសំណាលរបស់ឯកឧត្តម ខៀវ កាញារីទ្ធ រដ្ឋមន្ត្រីក្រសួងព័ត៌មាន ជាមួយសមាជិកក្លិបអ្នកកាសែតកម្ពុជា។ វគ្គទី៣៖ ជាពិធីបរិភោគអាហារសាមគ្គី ដែលភ្ជាប់មកជាមួយនឹងការចាប់រង្វាន់ជាច្រើន ដែលគាំទ្រដោយវិស័យឯកជន…

ភ្នំពេញ៖ ប្រទេសធំៗចំនួនប្រាំបានផ្ដល់អាហារូបករណ៍ដល់សិស្ស និស្សិត មន្រ្តីរាជការ បុគ្គលិកអង្គការ និងបុគ្គលិកក្រុមហ៊ុននៅប្រទេសកម្ពុជា ដើម្បីបន្តការសិក្សាថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិតក្នុងនោះមានប្រ​ទេ​សចិន ប្រទេសឥណ្ឌូនេស៊ី ប្រទេសអូស្រ្តាលី ប្រទេសថៃ និងប្រទេសព្រុយណេ សម្រាប់ឆ្នាំ​សិក្សា ២​០២៣-២០២៤។ ​ ការផ្តល់អាហារូបករណ៍ថ្នាក់បរិញ្ញាបត្រជាន់ខ្ពស់ និងថ្នាក់បណ្ឌិត ទៅសិក្សានៅប្រទេសទាំង៥ ក្នុងឆ្នាំសិ​ក្សា ២០២៣-២០២៤ នេះត្រូវបាន​ក្រសួងអប់រំ យុវជន និងកីឡា ជូនដំណឹង​​កាលពីថ្ងៃទី១៧ ខែមេសា ឆ្នាំ២០២៣។​ ​ក្រោមកម្មវិធីអាហារូបករណ៍របស់ MOFCOM សាធារណរដ្ឋប្រជាមានិតចិន បានផ្ដល់អាហារូបករណ៍ជាច្រើនកន្លែងដល់មន្ត្រីរាជការកម្ពុជា ដើម្បីទៅបន្តការសិក្សា ថ្នាក់បរិញ្ញាបត្រជាន់ខ្ពស់ (រយៈពេល១-៣ឆ្នាំ) នឹងថ្នាក់បណ្ឌិត (រយៈពេល ៣ឆ្នាំ) លើមុខជំនាញជាច្រើន នៅសាធារណរដ្ឋប្រជាមានិតចិន សម្រាប់ឆ្នាំ២០២៣។ អាហារូបករណ៍នេះ រួមមាន ការរាប់រយថ្លៃសិក្សា កន្លែងស្នាក់នៅ ការធ្វើដំណើរកម្ពុជាទៅ​កាន់សាធារណរដ្ឋប្រជាមានិតចិន និងអត្ថប្រយោជន៍ផ្សេងៗ។​​ ទន្ទឹមគ្នានេះដែរ​ប្រទេសឥណ្ឌូនេស៊ី ក៏បានប្រកាសផ្តល់អាហារូបករណ៍ថ្នាក់បរិញ្ញាបត្រជាន់ខ្ពស់សម្រាប់ឆ្នាំ២០២៣ (Non-Aligned Movement Scholarship 2023 ) ដល់សិស្ស និស្សិត មន្រ្តីរាជការ…

ភ្នំពេញ ៖ ក្នុងឱកាសអញ្ជើញបើកសង្ក្រាន្តវិទ្យាល័យអូររាំងឪ នាព្រឹកថ្ងៃទី១៣ ខែមេសា ឆ្នាំ២០២៣ ឯកឧត្តម អ៊ាង សុផល្លែត ប្រធានក្រុមការងាររាជរដ្ឋាភិបាលចុះមូលដ្ឋានស្រុកអូររាំងឪ ខេត្តត្បូងឃ្មុំ លើកទឹកចិត្តឱ្យប្អូនៗសិស្សានុសិស្សខិតខំប្រឹងប្រែងរៀនសូត្រក្រេបជញ្ជក់ចំណេះដឹងឱ្យក្លាយជាសិស្សពូកែ ដើម្បីក្លាយខ្លួនជាអ្នកបន្តវេនសម្រាប់ថ្ងៃអនាគត ។ ឯកឧត្តម អ៊ាង សុផល្លែត មានប្រសាសន៍ថា ការសិក្សារៀនសូត្រពិតជាមានសារៈសំខាន់ណាស់ ដូច្នេះប្អូនៗក្មួយៗធ្វើការស្រាវជ្រាវឱ្យបានច្រើនស្វែងរកអ្វីដែលថ្មីជារបស់ខ្លួន ដើម្បីអភិវឌ្ឍសមត្ថភាពខ្លួនឯងឱ្យកាន់តែខ្លាំង និងរីកចម្រើន ឱ្យសមស្របទៅនឹងសម័យកាលកំពុងតែជឿនលឿន ព្រោះថាប្អូនៗពិតជាមានសំណាងណាស់ដែលបានរៀនសូត្រក្នុងពេលដែលប្រទេសមានសុខសន្តិភាព ។ មិនតែប៉ុណ្ណោះប្អូនៗក្មួយៗថ្នាក់ទី១២ដែលកំពុងត្រៀមប្រឡង សូមខិតខំប្រែងប្រែងឱ្យទទួលបានលទ្ធផលល្អ ព្រោះថា នេះគឺជាការលើកកិត្តិយសមុខមាត់ខ្លួនឯង ក្រុមគ្រួសារ លោកគ្រូ-អ្នកគ្រូ សាលារៀន និងប្រទេសជាតិផងដែរ ។ ជាមួយគ្នានេះ ឯកឧត្តមប្រធានក្រុមការងារ បន្តថា ក្រោយពីស្ថានភាពជម្ងឺកូវីដ១៩បានធូរស្រាលហើយនោះ នៅឆ្នាំ២០២៣ មានការរៀបចំសង្ក្រាន្តនៅទូទាំងប្រទេស ជាមួយនឹងការអបអរសាទរឆ្នាំថ្មី នៅក្នុងមូលដ្ឋានស្រុកអូររាំងឪ ក៏បានរៀបចំដូចបណ្តាខេត្តនិងកន្លែងផ្សេងៗ ដែលបង្កបរិយាកាសឱ្យបងប្អូនប្រជាពលរដ្ឋនៅស្រុកអូររាំងឪ បានកំសាន្តសប្បាយនៅស្រុកកំណើតរបស់ខ្លួន ក៏ដូចជាអ្នកដែលមកលេងកំសាន្ត ដោយមានការលេងល្បែងប្រជាប្រិយ៍បែបប្រពៃណីទំលៀមទំលាប់ជាតិខ្មែរ និងបានឱ្យប្អូនៗក្មួយៗសិស្សានុសិស្សបានដាក់បង្ហាញផលិតផលនិងស្នាដៃរបស់ខ្លួន មានដូចជានាំបញ្ចុក បង្អែម និងរបស់របរដែលជារបស់ខ្មែរយើង ដើម្បីជាការផ្សព្វផ្សាយទៅដល់មហាជនផងដែរ ៕ ដោយ /…