(នីភ្នំពេញ)៖ ថ្ងៃទី០២ ខែសីហា ឆ្នាំ២០២៣ គណៈប្រតិភូមេដឹកនាំកាយរឹទិ្ធជាតិកម្ពុជា ចំនួន ១៨រូប ដឹកនាំដោយលោកជំទាវ គឹម សេដ្ឋានី រដ្ឋលេខាធិការ និងជាអនុប្រធានកាយរឹទិ្ធជាតិកម្ពុជា និងជាតំណាងឯកឧត្តមបណ្ឌិតសភាចារ្យ ហង់ ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា និងជាប្រធានកាយរឹទិ្ធជាតិកម្ពុជា ដើម្បីចូលរួមទស្សនកិច្ចការបោះជំរំកាយរឹទិ្ធពិភពលោកលើកទី២៥ នៅខេត្តប៊ូអាន សាធារណរដ្ឋកូរ៉េ។ តាមកម្មវិធីគ្រោងទុក គណៈប្រតិភូមេដឹកនាំកាយរឹទិ្ធជាតិកម្ពុជា នឹងជួបពិភាក្សាការងារជាមួយថ្នាក់ដឹកនាំសមាគមកាយរឹទិ្ធកូរ៉េ អគ្គលេខាធិការអង្គការពិភពលោកនៃចលនាកាយរឹទិ្ធ នាយកការិយាល័យកាយរឹទិ្ធប្រចាំតំបន់អាស៊ី-ប៉ាស៊ីហ្វិក ចូលរួមពិធីបើកផ្លូវការនៃការបោះជំរំកាយរឹទិ្ធពិភពលោកលើកទី២៥ និងធើ្វទស្សនកិច្ចដកស្រង់បទពិសោធន៍នៃការរៀបចំបោះជំរំកាយរឹទិ្ធពិភពលោក។ នេះជាលើកទី៦ ហើយដែលកម្ពុជា បានចូលរួមការក្នុងការបោះជំរំកាយរឹទ្ធិពិភពលោក ហើយសម្រាប់ការបោះជំរំកាយរឹទ្ធិពិភពលោកលើកទី២៥ នាសាធារណរដ្ឋកូរ៉េ ចាប់ពីថ្ងៃទី១ ដល់១២ ខែសីហា ឆ្នាំ២០២៣ នាពេលខាងមុខនេះ។ កាយរឹទ្ធិជាតិកម្ពុជា បានជ្រើសរើស និងចាត់បញ្ជូនយុវជនកាយរឹទ្ធិចំនួន ៤៧រូបដើម្បីចូលរួម ស្នាក់នៅ និងអនុវត្តសកម្មភាពពេលលេញសម្រាប់ការបោះជំរំ ជាមួយនឹងប្រតិភូថ្នាក់ដឹកនាំជាន់ខ្ពស់កាយរឹទ្ធិជាតិកម្ពុជា ចូលរួមជាភ្ញៀវកិត្តិយសកម្រឹតថ្នាក់ដឹកនាំ ចូលរួមក្នុងពិធីបើក សម្របសម្រួល ពិនិត្យ និងវាយតម្លៃលើការចូលរួម និងការរៀបចំកម្មវិធី៕ ដោយ-រ៉ាវុធ

(ភ្នំពេញ)៖ ឯកឧត្តមបណ្ឌិត អ៊ិត សំហេង រដ្ឋមន្ត្រីក្រសួងការងារ និងបណ្ដុះបណ្ដាលវិជ្ជាជីវៈ បានលើកទឹកចិត្តដល់ក្រុមនិស្សិតកម្ពុជាដែលទៅសិក្សានៅក្រៅប្រទេស ឬទទួលបានអាហារូបករណ៍ទៅសិក្សានៅក្រៅប្រទេស សូមចូលរួមលើកកម្ពស់កិត្តិយសជាតិកម្ពុជា ពង្រឹងសាមគ្គីជាមួយគ្នា ពិសេសត្រូវខិតខំសិក្សាយកចំណេះជំនាញ ដើម្បីវិលមកបម្រើប្រទេសជាតិវិញឱ្យកាន់តែរីកចម្រើនទៅមុខ។ ការលើកទឹកចិត្តនេះធ្វើឡើងក្នុងឱកាសដែល ឯកឧត្តមរដ្ឋមន្ត្រី អ៊ិត សំហេង ទទួលជួបសំណេះសំណាល និងផ្ដល់អនុសាសន៍ណែនាំដល់ក្រុមនិស្សិតកម្ពុជា ២៤នាក់ ដែលទទួលអាហារូបករណ៍ពីរដ្ឋាភិបាលជប៉ុន ឆ្នាំ២០២៣ នៅទីស្ដីការក្រសួងការងារ នាព្រឹកថ្ងៃទី១ ខែសីហា ឆ្នាំ២០២៣ ។ លោក ចេង គឹមអូន ប្រធានប្រតិភូនិស្សិតកម្ពុជា ដែលទទួលអាហារូបករណ៍ពីរដ្ឋាភិបាលជប៉ុនឆ្នាំ២០២៣ បានឱ្យដឹងថា ក្នុងចំណោមនិស្សិតទាំង ២៤នាក់នេះ គឺជាមន្ត្រីរាជការថ្នាក់ជាតិ និងថ្នាក់ក្រោមជាតិសរុប ១៤ស្ថាប័ន។ មុខជំនាញដែលត្រូវសិក្សានោះរួមមាន ៨ជំនាញ៖ ១-អភិវឌ្ឍន៍ហេដ្ឋានរចនាសម្ពន្ធ ២-អភិវឌ្ឍន៍វិស័យឯកជន ៣-លើកកម្ពស់គុណអប់រំ ៤-អភិវឌ្ឍន៍កសិកម្ម និងអភិវឌ្ឍន៍ជនបទ ៥-លើកកម្ពស់បរិស្ថានរស់នៅទីក្រុង ៦-លើកម្ពស់ប្រព័ន្ធថែទាំសុខភាព និងសន្តិសុខសង្គម ៧-លើកកម្ពស់មុខងាររដ្ឋបាលសាធារណៈ និង៨-កសាងទំនាក់ទំនងអន្តរជាតិ។ លោកប្រធានប្រតិភូបានបន្តថា អាហារូបករណ៍របស់រដ្ឋាភិបាលជប៉ុនសម្រាប់មន្ត្រីរាជការកម្ពុជានេះ គឺជាគម្រោងជំនួយឥតសំណងដែលត្រូវបានអនុវត្តចាប់តាំងពីឆ្នាំ២០០០ មកដល់ពេលបច្ចុប្បន៍មាននិស្សិតកម្ពុជាជាង៥០០នាក់ហើយដែលបានទទួលអាហារូបករណ៍នេះ។ កម្មវិធីនេះផ្ដោតលើទំនាក់ទំនងកិច្ចសហប្រតិបត្តិការទ្វេភាគីកម្ពុជា-ជប៉ុន ការអភិវឌ្ឍសមត្ថភាពមន្ត្រីរាជការ…

(មណ្ឌលគិរី)៖ អាគារសិក្សារ១ខ្នង ដែលគ្រោងចំណាយការសាងសង់ ជិត ១០មឺន ដុល្លារ ក្រោមជំនួយ ឧបត្ថម្ភពីសមាគម មជ្ឈមណ្ឌលទេសចរណ៍វប្បធម៌ កម្ពុជា-ចិន មជ្ឈមណ្ឌល បានរៀបពិធីក្រុងពាលី បញ្ចុះបឋមសិលាសាសង់ នាព្រឹកថ្ងៃអង្គារទី០១ ខែសីហា ឆ្នាំ២០២៣ ក្រោមវត្តមានលោកជំាទាវ ម៉ាត់ ម៉ារ៉ា រដ្ឋលេខាធិការក្រសួងអភិវឌ្ឍន៍ជនបទ អភិបាលរងខេត្តមណ្ឌលគិរី លោកស្រី ទាវ ប៊ុនចិន្តា ជាអនុប្រធាន មជ្ឈមណ្ឌលទេសចរណ៏វប្បធម៌ កម្ពុជា-ចិន នឹងជាប្រធានផ្នែក ទំនាក់ទំនងអន្តរជាតិ នៅភូមិចុងថាងដេអេ ឃុំពូជ្រៃ ស្រុកពេជ្រាដា ខេត្តមណ្ឌលគិរី ។ លោកស្រី ទាវ ប៊ុនចិន្តា ជាអនុប្រធាន មជ្ឈមណ្ឌលទេសចរណ៏វប្បធម៌ កម្ពុជា-ចិន នឹងជាប្រធានផ្នែក ទំនាក់ទំនងអន្តរជាតិ បានមានប្រសាសន៍ថា ដោយមានការគាំទ្រផ្នែកហិរញ្ញវត្ថុពីសប្បុរសជន កម្ពុជា-ចិន មជ្ឈមណ្ឌលទេសចរណ៍ KH-CHN បានឯកភាពសាងសង់សាលារៀនថ្មី ១ខ្នង ឱ្យសិស្សានុសិស្សបានរៀនសូត្រ ដោយសារមើលឃើញពីសភាព ចាស់ទ្រុឌទ្រោម និងលិចទឹកក្នុងថ្នាក់រៀនផងដែរ។ អាគារសិក្សាថ្មីដែលសាងសង់នេះ ក្នុងគោលដៅបំពេញតម្រូវការខ្វះខាត…

ភ្នំពេញ៖ប្រធានកាយរឹទ្ធិជាតិកម្ពុជា និង​ជារដ្ឋមន្រ្តីក្រសួង​អប់រំ យុវជន និងកីឡា ឯកឧត្តមបណ្ឌិតសភាចារ្យ ហង់ជួន ណារ៉ុន បានណែនាំដល់ប្រតិភូយុវជនកាយរឹទ្ធិដែល​នឹងត្រៀម​ចេញដំណើរទៅ​ចូលរួមបោះជំរំកាយរឹទ្ធិពិភពលោកនៅប្រទេសកូរ៉េ ​ត្រូវលើកតម្កើង និងត្រូវរក្សាឱ្យបាននូវគុណតម្លៃ សេចក្តីថ្លៃថ្នូររបស់ជាតិ។ ឯកឧត្តម​បាន​លើកឡើងដូចនេះ ក្នុង​ឱកាស​លោក​អនុញ្ញាត​ឱ្យ​យុវជនកាយរឹទ្ធិកម្ពុជា ចំនួន៤៧រូប សម្តែងការគួរសម និង​ទទួលអនុសាសន៍ នារសៀល​ថ្ងៃទី​៣០ ខែកក្កដា មុននឹងធ្វើដំណើរ​ទៅ​ចូលរួមការបោះជំរំកាយរឹទ្ធិពិភពលោ​ក លើកទី២៥ នា​សាធារណរដ្ឋកូ​រ៉េ ដែលប្រព្រឹត្តិឡើង​​ចាប់ពីថ្ងៃទី១ ដល់១២ ខែសីហា ។ ​ឯកឧត្តមបាន​ថ្លែង​នាជំនួបនោះ​ថា ​​យុវជនកាយរឹទ្ធិទាំងអស់ត្រូវលើកតម្កើង និងត្រូវរក្សាឱ្យបាននូវគុណតម្លៃ សេចក្តីថ្លៃថ្នូររបស់ជាតិ និងកិត្តិយសរបស់យុវជនកាយរឹទ្ធិកម្ពុជា តាមរយៈការចូលរួមគ្រប់សកម្មភាពនានាក្នុងជំរំ សិក្សារៀនសូត្រនូវជំនាញ បំណិនថ្មីៗ និងធ្វើខ្លួនឱ្យក្លាយទៅជាទូតសុច្ឆន្ទៈ ក្នុងការផ្សព្វ​ផ្សា​យ​​វប្បធម៌​កម្ពុជា ទៅកាន់ឆាកអន្តរជាតិ តាមរយៈការប្រាស្រ័យទាក់ទងល្អក្នុងស្មារតីមិត្តភាព និងសន្តិភាពជា​មួយសមាជិកជំរំមកពីប្រទេសដទៃទៀត។ ​លោក ចេង សំអ៊ុល ប្រធានមន្ទីរអប់រំ យុវជន និងកីឡាខេត្តកណ្តាល បានលើកឡើងដោយ​លោក​ចាត់ទុកដែរថា​យុវជនកាយរឹទ្ធិ ​ដើរតួយ៉ាងសំខាន់ នៅក្នុងសាលារៀន ​សង្គម និងក្លាយជាអ្នកបន្តវេនដ៏ល្អ នាពេលអនាគត។ ជាមួយគ្នានេះ លោក​ក៏បានជំរុញឱ្យយុវជនទាំងនោះ ត្រូវខិតខំរៀនសូត្រ ក្រេបយកចំណេះវិជ្ជា និងគោរពបទបញ្ជាវិន័យឱ្យបានខ្ជាប់ខ្ជួន…

(ភ្នំពេញ)៖ វិទ្យាស្ថានខេមអេដ ដែលជាគ្រឹះស្ថានអប់រំឈានមុខគេក្នុងប្រទេសកម្ពុជា បានប្រារព្ធកម្មវិធីជួបជុំសិស្សនិស្សិតថ្នាក់អនុបណ្ឌិត ធ្វើបទបង្ហាញពីភាពជោគជ័យពីការសិក្សាផ្នែកគណនេយ្យ និងហិរញ្ញវត្ថុ ព្រមទំាងកម្មវិធីសិក្សា ACCA នៅឆមាសទី៣ ដែលជាគំនិតផ្តួចផ្តើមបង្កើតជាឱកាស នឹងការផ្លាស់ប្តូរបទពិសោធន៍ក្នុងវិស័យអប់រំ សម្រាប់និស្សិតកម្ពុជា នៃផ្នែកគណនេយ្យ និង ហិរញ្ញវត្ថុ នៅសណ្ឋានគារ Rosewood កាលពីចុងសប្ដាហ៍កន្លងមក ។ វិទ្យាស្ថានខេមអេដ ត្រូវបានបង្កើតឡើងក្នុងឆ្នាំ២០០០ ក្នុងនាមជាអ្នកត្រួសត្រាយផ្លូវ ក្នុងការបណ្តុះបណ្តាលក្លាយជាអ្នកជំនាញផ្នែកគណនេយ្យ និងហិរញ្ញវត្ថុនៅកម្ពុជា ដោយមានការទទួលស្គាល់ពីស្ថាប័នល្បីៗដូចជា៖ គណៈកម្មាធិការទទួលស្គាល់គុណភាពអប់រំកម្ពុជា និងសមាគមគណនេយ្យករដែលមានវិញ្ញាបនបត្រ (ACCA)។ កម្មវិធីសិក្សាថ្នាក់អនុបណ្ឌិតផ្នែកគណនេយ្យ និងហិរញ្ញវត្ថុ ព្រមទំាងកម្មវិធីសិក្សា ACCA ផ្តល់ដោយវិទ្យាស្ថានខេមអេដ ឱ្យសិស្សនូវចំណេះដឹងទ្រឹស្តីដ៏ទូលំទូលាយ និងបទពិសោធន៍ជាក់ស្តែងក្នុងគណនេយ្យហិរញ្ញវត្ថុ ការគ្រប់គ្រងគណនេយ្យ ពន្ធដារ សវនកម្ម និងយុទ្ធសាស្រ្តអាជីវកម្មជាដើម។ វិទ្យាស្ថានខេមអេដ មានការប្តេជ្ញាចិត្តឥតងាករេ ដើម្បីរក្សាឧត្តមភាពនឹងគុណភាព ដើម្បីកំណត់ទិសដៅបង្ហាញឱ្យឃើញសម្មតិផលនៃ និស្សិតដែលបានបញ្ចប់ការសិក្សា នឹងរួមចំណែកយ៉ាងសំខាន់ដល់សេដ្ឋកិច្ច ។ បច្ចុប្បន្ន តម្រូវការគណនេយ្យករមានសមត្ថភាពនៅក្នុងប្រទេសកម្ពុជា កំពុងមានការរីកចម្រើនជាលំដាប់ ជំរុញអោយមានការពង្រីកសេដ្ឋកិច្ចយ៉ាងឆាប់រហ័ស។ យោងតាមទិន្នន័យពីមូលនិធិរូបិយវត្ថុអន្តរជាតិ (IMF) សេដ្ឋកិច្ចរបស់កម្ពុជា មានកំណើន ជាមួយនឹងអត្រាប្រចាំឆ្នាំជាមធ្យម…