បរទេស៖ ព្រែកជីក Panama ទទួលបានប្រាក់ចំណូលប្រចាំឆ្នាំ កើនដល់ជិត៥ពាន់លានដុល្លារ បើទោះបីជាមានការថយចុះ នៃចរាចរណ៍កប៉ាល់ ដោយសារតែគ្រោះរាំងស្ងួត ក៏ដោយ នេះបើតាមអ្នកគ្រប់គ្រង លោក Ricaurte Vasquez បានប្រាប់សន្និសីទសារព័ត៌មាន កាលពីថ្ងៃសុក្រ។ លោក Ricaurte បានថ្លែងថា «ប្រសិនបើមានទឹកច្រើន លទ្ធផលឆ្នាំនេះ នឹងមានភាពល្អប្រសើរជាង ឆ្នាំមុន ឆ្ងាយណាស់»។ ប្រាក់ចំណូលរបស់ផ្លូវទឹកនេះ បានមកពីការប្រមូលថ្លៃដឹកជញ្ជូន ការលក់អគ្គិសនី និងសេវាសមុទ្រ។ អាជ្ញាធរព្រែកជីក ប៉ាណាម៉ា បានរាយការណ៍ថា ប្រាក់ចំណូលបានកើនឡើង មួយភាគរយ នៅក្នុងឆ្នាំសារពើពន្ធ គិតមកដល់ខែកញ្ញា ពោលគឺបានចំណូល ៤.៩៨ពាន់លានដុល្លារ។ ព្រែកជីនេះ បែងចែកចំណូលប្រហែលពាក់កណ្តាល សម្រាប់ប្រតិបត្តិការ និងថែទាំ ចំណែកនៅសល់ប៉ុន្មាន បញ្ជូនទៅរតនាគារ របស់ប្រទេស ប៉ាណាម៉ា។ កង្វះទឹកភ្លៀង បានធ្វើឱ្យអាជ្ញាធរព្រែកជីក កាត់បន្ថយការឆ្លងកាត់ ប្រចាំថ្ងៃ របស់កប៉ាល់ ពី៣៨ មក ២២គ្រឿង។ ប៉ុន្តែ ច្រកសមុទ្រ ដែលមានអាយុកាលរាប់សតវត្សន៍…

ហាណូយ៖ ការនាំចេញបង្កងរបស់វៀតណាមទៅកាន់ប្រទេសចិន កើនឡើងដល់ទៅ ៣៣ដង មានទឹកប្រាក់ជាង ២០៥លានដុល្លារ គិតចាប់ពីខែមករា ដល់ខែកញ្ញាឆ្នាំនេះ ដោយសារតែតម្លៃបង្កងទាប និងទំនាក់ទំនងពាណិជ្ជកម្មចិន-វៀតណាមកាន់តែរឹងមាំ។ នេះបើតាមការចេញផ្សាយដោយសារព័ត៌មាន VNExpress។ យោងតាមការចុះផ្សាយរបស់កាសែត South China Morning Post ដកស្រង់ស្ថិតិពីរដ្ឋបាលគយចិន បានបង្ហាញថា កំណើន ៣៣ដង បង្ហាញពីការកើនឡើងដល់ទៅ ៣,២៨៥ភាគរយ បើធៀបនឹងរយៈពេលដូចគ្នាកាលពីឆ្នាំ២០២៣។ ហើយគិតត្រឹមខែកញ្ញាតែមួយប៉ុណ្ណោះ ចិននាំចូលបង្កងពីវៀតណាមកើនឡើងដល់ទៅ ១៣៣.៩ភាគរយ បើធៀបនឹងខែសីហាឆ្នាំនេះ។ ចំណែកតួលេខនាំចូលបង្កងសរុបរបស់ប្រទេសចិន ហក់ឡើងដល់ ៤០.៨៦ភាគរយ មានទឹកប្រាក់ជាង ៥៥៨លានដុល្លារក្នុងរយៈពេលដូចគ្នា ខណៈដែលតម្លៃនាំចូលធ្លាក់ចុះ ២៣ភាគរយ។ លោកស្រី Phung Thi Kim Thu ជាអ្នកជំនាញមកពីសមាគមអ្នកនាំចេញ និងផលិតអាហារសមុទ្រវៀតណាមនិយាយថា ការបន្ធូរបន្ថយបទប្បញ្ញត្តិនាំចូលអាហារសមុទ្ររបស់ប្រទេសចិន រួមជាមួយនឹងកិច្ចព្រមព្រៀងទ្វេភាគីដែលបានចុះហត្ថលេខា និងច្បាប់សេរីភាវូបនីយកម្មពាណិជ្ជកម្ម ក្រោមភាពជាដៃគូសេដ្ឋកិច្ចទូលំទូលាយក្នុងតំបន់ (RCEP) បានជួយសម្របសម្រួលដល់កំណើននៃការនាំចេញបង្កងរបស់វៀតណាម។ ដោយឡែកចិនក៏គ្រោងនឹងចាប់ផ្តើមការនាំចូលបង្កងអូស្ត្រាលីឡើងវិញផងដែរ បន្ទាប់ពីអំឡុងកិច្ចប្រជុំកំពូលអាស៊ាននាពេលថ្មីៗនេះ ចិន-អូស្រ្តាលីបានព្រមព្រៀងគ្នាលុបចោលការផ្អាករយៈពេលជិត៤ឆ្នាំ លើការនាំចេញបង្កងនៅដំណាច់ឆ្នាំ២០២៤នេះ។ ក្នុងឆ្នាំ២០១៩ ទិន្នន័យដែលបានកត់ត្រាបង្ហាញថា ជាងពាក់កណ្តាលនៃការនាំចូលបង្កងរបស់ចិន…

ញូវដែលី ៖ ព្យុះស៊ីក្លូនត្រូពិច Dana នៅថ្ងៃសុក្រនេះ បង្កឱ្យមានភ្លៀងធ្លាក់ជោគជាំ និងខ្យល់បក់បោកខ្លាំង វាយប្រហារផ្នែកខ្លះនៃភាគខាងកើតប្រទេសឥណ្ឌា។ នេះបើតាមការចេញផ្សាយដោយសារព័ត៌មាន CNN។ មុនព្យុះនេះមកដល់ អាជ្ញាធរឥណ្ឌាបានជម្លៀសមនុស្សជាង ១.១លាននាក់ បិទសាលារៀន និងលុបចោលសេវារថភ្លើង និងជើងហោះហើរនៅផ្នែកខ្លះនៃប្រទេស។មជ្ឈមណ្ឌលព្រមានអំពីព្យុះទីហ្វុងរួម ហៅកាត់ (JTWC) រាយការណ៍ថា ព្យុះស៊ីក្លូនត្រូពិច Dana បានវាយប្រហារនៅតាមបណ្តោយឆ្នេរភាគខាងជើងនៃរដ្ឋ Odisha ជាមួយកម្លាំងខ្យល់បក់ ១១០គីឡូម៉ែត្រក្នុងមួយម៉ោង។ ព្យុះនេះបានបង្កជាជំនន់ទឹកភ្លៀងមានកម្ពស់ចន្លោះពី ៥០ទៅ១៥០មីលីម៉ែត្រនៅទូទាំងរដ្ឋ Odisha និង West Bengal ហើយត្រូវបានរំពឹងថា នឹងកើនឡើងខ្ពស់បំផុតដល់ទៅ ១៦០មីលីម៉ែត្រនៅក្នុងទីក្រុង Chandbali។ ភ្លាមៗនៅពុំទាន់មានសេចក្តីរាយការណ៍ អំពីទំហំខូចខាត ឬក៏មនុស្សស្លាប់ ឬរងរបួសនៅឡើយទេ។ យោងតាមការចេញផ្សាយដោយកាសែតបារាំង AFP បានឱ្យដឹងថា នាយកដ្ឋានឧតុនិយមឥណ្ឌា ហៅកាត់ (MET) បានចេញការព្រមាន អំពីការធ្លាក់ភ្លៀងក្នុងកម្រិតពណ៌ក្រហម ជាកម្រិតខ្ពស់បំផុតនៅផ្នែកខ្លះនៃរដ្ឋ Odisha និង West Bengal ផងដែរ។ ជាមួយគ្នានេះ ក្រុមផ្តល់ជំនួយ…

នាយកប្រតិបត្តិក្រុមហ៊ុន Tesla និង SpaceX លោក Elon Musk ព្រមានថា សហរដ្ឋអាមេរិកកំពុងឈានឆ្ពោះទៅរកការក្ស័យធនយ៉ាងលឿន ប្រសិនបើទីក្រុងវ៉ាស៊ីនតោនមិនឈប់ចំណាយប្រាក់ច្រើននោះទេ។ ការអត្ថាធិប្បាយបែបនេះរបស់លោក Musk ធ្វើឡើងតាមរយៈការបង្ហោះសារនៅលើបណ្តាញសង្គម X ដោយសំដៅដល់ការកើនឡើងការប្រាក់ដ៏ច្រើន នៃបំណុលរបស់រដ្ឋាភិបាលអាមេរិក។ គណនី Wall Street Silver បានបង្ហោះថា ឥឡូវនេះ យើងចាយជិត ១.២ពាន់ពាន់លានដុល្លារក្នុងមួយឆ្នាំ ដើម្បីបង់ការប្រាក់លើបំណុល។ ប្រហែល ២៣ភាគរយនៃពន្ធទាំងអស់ គិតចាប់ពីពន្ធ និងថ្លៃសេវាដែលប្រមូលបានដោយរដ្ឋាភិបាលអាមេរិក យកទៅបង់ការប្រាក់លើបំណុល។ លោក Musk បានឆ្លើយតបដោយព្រមានថា ប្រសិនបើមិនមានការកាត់បន្ថយរ៉ាឌីកាល់នៃការចំណាយរបស់រដ្ឋាភិបាលទេ នោះដូចជាបុគ្គលម្នាក់ដែលបានជំពាក់បំណុលវ័នកដែរ ពោលគឺអាមេរិកនឹងក្លាយទៅជាអ្នកក្ស័យធនជាក់ជាមិនខាន។ លោក Musk ធ្លាប់បានចង្អុលបង្ហាញកាលពីខែកញ្ញាថា ការចំណាយលើការបម្រើបំណុលសហព័ន្ធអាមេរិកដ៏ច្រើនសន្ធឹកសន្ធាប់ បានកើនលើសពីថវិកាការពារជាតិបច្ចុប្បន្ន ដែលកើនឡើងដល់ ៨៤០ពាន់លានដុល្លារក្នុងឆ្នាំនេះ។ ក្រសួងហិរញ្ញវត្ថុអាមេរិកក៏បានប្រកាសកាលពីចុងខែកក្កដាដែរថា បំណុលជាតិបានកើនឡើងលើសពី ៣៥ពាន់ពាន់លានដុល្លារ ជារួមកើនឡើងមួយពាន់ពាន់លានក្នុងរយៈពេល៦ខែ។ តួលេខបច្ចុប្បន្នគឺ ៣៥.៧ពាន់ពាន់លានដុល្លារ នេះបើយោងតាមទ្រនិចនាឡិកាបំណុលអាមេរិក។ នេះមិនមែនជាលើកទីមួយទេ ដែលមហាសេដ្ឋីបច្ចេកវិទ្យារូបនេះ ប្រកាសអាសន្នជុំវិញបំណុលអាមេរិក។ កាលពីដើមឆ្នាំនេះ លោក…

បរទេស៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន កាលពីថ្ងៃព្រហស្បតិ៍ បានជួបជាមួយអគ្គលេខាធិការ អង្គការសហប្រជាជាតិ លោក Antonio Guterres ជាលើកដំបូង ចាប់តាំងពីខែមេសា ឆ្នាំ២០២២។ លទ្ធផលនៃជំនួប ត្រូវបានបង្ហាញពីទិដ្ឋភាពផ្សេងៗគ្នា ផ្អែកតាមទីភ្នាក់ងារព័ត៌មានធំៗ។ បើតាមទីភ្នាក់ងារព័ត៌មានរុស្ស៊ី RT បង្ហាញលទ្ធផលថា ពួកលោកបានជួបគ្នា ក្រៅកិច្ចប្រជុំកំពូល BRICS នៅប្រទេសរុស្ស៊ី ពិភាក្សាអំពីប្រព័ន្ធហិរញ្ញវត្ថុអន្តរជាតិ។ ផ្អែកតាម RT សេចក្តីថ្លែងការណ៍ ពីការិយាល័យរបស់ មេអង្គការសហប្រជាជាតិប្រាប់ថា «លោកអគ្គលេខាធិការ និង លោកប្រធានាធិបតីបានពិភាក្សាអំពី ការអភិវឌ្ឍ និងប្រព័ន្ធហិរញ្ញវត្ថុ អន្តរជាតិ»។ សេចក្តីថ្លែងការណ៍បន្តថា «ពួកលោកក៏បានពិភាក្សាអំពីស្ថានភាព នៅមជ្ឈិមបូព៌ា ជាពិសេស តម្រូវការដាច់ខាត សម្រាប់បទឈប់បាញ់ នៅហ្គាហ្សា និងលីបង់ ផងដែរ»។ យ៉ាងណាមិញ កាសែតបារាំង AFP វិញ បានចេញផ្សាយថា ប្រមុខ UN ប្រាប់ លោក ពូទីន…

បរទេស៖ គិតត្រឹមថ្ងៃសុក្រនេះ ក្រុមអ្នកជួយសង្គ្រោះហ្វីលីពីន បានប្រាប់ថា ជំនន់ទឹកភ្លៀង លិចក្រុង បណ្តាលមកពីព្យុះត្រូពិច Trami សម្លាប់មនុស្ស យ៉ាងហោចណាស់ ចំនួន៤០នាក់ ហើយមនុស្ស រាប់ម៉ឺននាក់ផ្សេងទៀត នៅតែត្រូវបានជម្លៀសខ្លួន ចេញពីផ្ទះសម្បែង។ លោក Andre Dizon នាយប៉ូលីស ប្រចាំតំបន់ Bicol ដែលរងគ្រោះខ្លាំង បានប្រាប់ AFP ថា មនុស្សជាច្រើននាក់ នៅតែជាប់គាំង លើដំបូលផ្ទះ ហើយស្នើសុំជំនួយ។ ប្រព័ន្ធផ្សព្វផ្សាយក្នុងស្រុក បានរាយការណ៍ថា នៅតំបន់ជាច្រើន នៃខេត្ត Batangas ភាគខាងត្បូង ក្រុមរុករក និងជួយសង្គ្រោះ នៅតែមិនអាចចូលទៅដល់។ របាយការណ៍ចុងក្រោយ បង្ហាញថា មនុស្ស១៩ម៉ឺន៣ពាន់នាក់ ត្រូវបានជម្លៀសចេញពីផ្ទះ។ គិតមកថ្ងៃសុក្រនេះ ការិយាល័យរដ្ឋាភិបាល និងសាលារៀននានា នៅទូទាំងកោះសំខាន់ នៃតំបន់ Luzon នៅតែបិទទ្វារ ហើយការព្រមានអំពីការកើនឡើងនៃព្យុះ នៅតែមានតាមបណ្តោយឆ្នេរសមុទ្រ ភាគខាងលិច ជាមួយនឹងរលក អាចមានកម្ពស់ ដល់២ម៉ែត្រ។…