បរទេស ៖ លោក ប្រធានាធិបតី Donald Trump បានព្រមានថា សហរដ្ឋអាមេរិកអាចនឹងទម្លាក់គ្រាប់បែក លើអ៊ីរ៉ង់ បន្ថែមទៀត ប្រសិនបើសកម្មភាព នៃកម្មវិធីនុយក្លេអ៊ែរ ចាប់ផ្តើមដំណើរការ ដោយគេដឹងថា អាមេរិកបានទម្លាក់ លើកដំបូង កាលពីថ្ងៃទី២២ ខែមិថុនា។ តាមរយៈវេទិកាសង្គម Truth Social កាលពីថ្ងៃសុក្រ លោក Trump បានស្តីបន្ទោសទីក្រុង Tehran ចំពោះការអះអាងដែលថា បានឈ្នះសង្រ្គាម របស់ខ្លួន ជាមួយអ៊ីស្រាអែល។ លោក Trump បាននិយាយថា សហរដ្ឋអាមេរិកនឹងទម្លាក់គ្រាប់បែក លើអ៊ីរ៉ង់ ម្តងទៀត ប្រសិនបើ ការស៊ើបការណ៍ បង្ហាញថា អ៊ីរ៉ង់ អាចបង្កើនសារធាតុអ៊ុយរ៉ាញ៉ូម ដល់កម្រិតយោធា។ តែ អ៊ីរ៉ង់បានបដិសេធជានិច្ច នូវមហិច្ឆតា ក្នុងការអភិវឌ្ឍ ឃ្លាំងអាវុធនុយក្លេអ៊ែរ។ លោក Trump ថែមទាំងបានស្តីបន្ទោសចំៗ លើមេដឹកនាំកំពូលអ៊ីរ៉ង់ លោក Khamenei ដែលបាននិយាយ នៅក្នុងសារ…

បរទេស ៖ ក្រុមឧទ្ទាមហ៊ូធី នៅប្រទេសយេម៉ែន បាននិយាយថា ពួកគេទើបតែបានបាញ់មីស៊ីលផ្លោង ទៅលើអ៊ីស្រាអែល កាលពីថ្ងៃសៅរ៍ ជាការឆ្លើយតបទៅនឹងការប្រព្រឹត្ត របស់អ៊ីស្រាអែល ចំពោះប៉ាឡេស្ទីន ក្នុងអំឡុងសង្គ្រាម ហ្គាហ្សា។ នៅក្នុងតំបន់ជាច្រើន នៃប្រទេសអ៊ីស្រាអែល «ស៊ីរ៉ែនព្រមាន» បានបន្លឺឡើង មុនពេលដែលកងទ័ព បានប្រកាសថា មីស៊ីល ទំនងជា ត្រូវបានស្ទាក់ចាប់ ដោយជោគជ័យ»។ នៅក្នុងសេចក្តីថ្លែងការណ៍មួយ អ្នកនាំពាក្យយោធាឧទ្ទាម លោក Yahya Saree បាននិយាយថា ក្រុម Huthi បានបាញ់ទៅលើ «គោលដៅសត្រូវអ៊ីស្រាអែល ដ៏រសើប នៅក្នុងតំបន់ Beersheba ដោយប្រើមីស៊ីលផ្លោង Dhu al-Fiqar»។ ក្រុម ហ៊ូធី បានបើកការវាយប្រហារ ដោយមីស៊ីល និងយន្តហោះគ្មានមនុស្សបើក ម្តងហើយម្តងទៀត ប្រឆាំងនឹងអ៊ីស្រាអែល គាំទ្រប៉ាឡេស្ទីន ចាប់តាំងពីមានសង្គ្រាម នៅតំបន់ហ្គាហ្សា កាលពីខែតុលា ឆ្នាំ២០២៣ មក។ លោក Saree បាននិយាយថា…

បរទេស ៖ អ៊ីស្រាអែលបានបញ្ជា Drone ឬ យន្តហោះគ្មានមនុស្សបើក វាយប្រហារ លើតំបន់ភាគខាងត្បូង ប្រទេសលីបង់ បណ្តាលឲ្យស្លាប់មនុស្ស ៣នាក់ កាលពីថ្ងៃសៅរ៍ នេះបើតាមក្រសួងសុខាភិបាលលីបង់។ ជាការវាយប្រហារ បើទោះបីជាមានបទឈប់បាញ់គ្នា នៅទីនោះ ក៏ដោយ។ យ៉ាងណាមិញ យោធាអ៊ីស្រាអែល បាននិយាយថា ការវាយប្រហារនេះ «បានកម្ចាត់ភេរវករ Hassan Muhammad Hammoudi ដែលខ្លួនបាននិយាយថា ជាអ្នកទទួលខុសត្រូវ ចំពោះការវាយប្រហារ ដោយកាំជ្រួចប្រឆាំងរថក្រោះ លើទឹកដីអ៊ីស្រាអែល ក្នុងអំឡុងសង្គ្រាម នាពេលថ្មីៗនេះ។ ក្រសួងសុខាភិបាលលីបង់ បាននិយាយថា ការវាយប្រហារ របស់ «សត្រូវអ៊ីស្រាអែល» លើរថយន្តមួយគ្រឿង នៅក្នុងទីក្រុង Kunin ភាគខាងត្បូង ប្រទេសលីបង់ បានសម្លាប់មនុស្សម្នាក់ និងម្នាក់ទៀត រងរបួស។ នៅក្នុងសេចក្តីថ្លែងការណ៍ ទីពីរ ក្រោយមក ក្រសួង ថា មានការវាយប្រហារ លើម៉ូតូ នៅតំបន់ Mahrouna បណ្តាលឱ្យ…

បរទេស ៖ អ៊ីរ៉ង់បានថ្កោលទោស ការអត្ថាធិប្បាយ ជាអ្វីខ្លួនហៅថា «មិនគោរព និង មិនអាចទទួលយកបាន» របស់លោក Trump ដែលមើលងាយ មកលើលោក Khamenei មេដឹកនាំកំពូលរបស់សាធារណរដ្ឋឥស្លាម មួយនេះ។ រដ្ឋមន្ត្រីការបរទេសអ៊ីរ៉ង់ លោក Abbas Araghchi បានថ្កោលទោស ពាក្យសម្តី របស់លោក Trump បន្ទាប់ពីប្រធានាធិបតីអាមេរិក រូបនេះ បានអះអាងថា លោកបានជួយសង្គ្រោះ លោក Ayatollah Ali Khamenei ពី «ការស្លាប់ដ៏អាក្រក់ និងគ្មានតម្លៃ»។ លោក Araghchi បានបង្ហោះ នៅលើគណនី តាមរយៈវេទិកាប្រព័ន្ធផ្សព្វផ្សាយសង្គម X ថា «ប្រសិនបើប្រធានាធិបតី Trump ពិតប្រាកដ ក្នុងការចង់បានកិច្ចព្រមព្រៀងមួយ គាត់គួរតែទុកចោលនូវសំដី ដែលមិនគោរព និងមិនអាចទទួលយកបាន ចំពោះមេដឹកនាំកំពូលរបស់អ៊ីរ៉ង់ គឺ លោក Ayatollah Khamenei ហើយឈប់ធ្វើឱ្យអ្នកគាំទ្ររាប់លាននាក់ របស់គាត់…

បរទេស ៖ ក្រុមបាតុករប្រឆាំងរដ្ឋាភិបាលថៃ រាប់ពាន់នាក់ បានប្រមូលផ្តុំគ្នា នៅក្នុងទីក្រុងបាងកក កាលពីថ្ងៃសៅរ៍ ដើម្បីទាមទារឱ្យនាយករដ្ឋមន្ត្រី លាលែងពីតំណែង បន្ទាប់ពីមានការលេចធ្លាយ ការសន្ទនា តាមទូរស័ព្ទ។ បាតុករប្រហែល ១ម៉ឺននាក់ បានជួបជុំ បង្កឲ្យមានការកកស្ទះផ្លូវ នៅវិមានជ័យជំនះ ដោយបានគ្រវីទង់ជាតិថៃ និងបដា ដែលសរសេររៀបរាប់ ទាមទារឲ្យ លោកស្រី Paetongtarn Shinawatra ឈប់ពីតំណែង។ វាគ្មិនម្នាក់ ថែមទាំងបានឡើង ទៅលើវេទិកា ហើយស្រែកថា នាយករដ្ឋមន្ត្រីប្រព្រឹត្ត អំពើក្បត់ជាតិ។ បាតុករ ឈ្មោះ Seri Sawangmue វ័យ៧០ឆ្នាំ ដែលបានធ្វើដំណើរមួយយប់ តាមរថយន្តក្រុងពីភាគខាងជើង របស់ប្រទេស ដើម្បីចូលរួម បាននិយាយថា «ខ្ញុំមកទីនេះ ដើម្បីការពារអធិបតេយ្យភាពរបស់ប្រទេសថៃ» ហើយនិយាយទៀតថា «នាយករដ្ឋមន្ត្រី មិនសាកសមទេ»។ អាជ្ញាធរ បានអះអាងថា ប៉ូលីសជាង១,០០០នាក់ និងមន្ត្រីក្រុងបាងកក ១០០នាក់ ត្រូវបានដាក់ពង្រាយ ទប់ទល់នឹងការតវ៉ា អហិង្សា នាពេលនោះ។…

បាងកក ៖ កាសែតថៃ Thai BPS World បានចេញផ្សាយថាបាតុករ មកពីរាជធានី-ខេត្តមួយចំនួន បានសម្រុកចូលតំបន់ វិមានជ័យជំនះ ស្ថិតក្នុងទីក្រុងបាងកក នៅព្រឹកថ្ងៃទី២៨ ខែមិថុនា ឆ្នាំ២០២៥ នេះ ដើម្បីចូលរួមបាតុកម្ម ដែលរៀបចំឡើងដោយ «កម្លាំងរួបរួមដើម្បីការពារអធិបតេយ្យភាព ថៃ» ឬ Ruam Palang Paendin Pokpong Atippatai Thai ទាមទារឲ្យនាយករដ្ឋមន្ត្រីថៃ លោកស្រី Paetongtarn Shinawatra លាលែងពីដំណែង ជុំវិញខ្លឹមសារនៃការសន្ទនា ដែលបែកធ្លាយ របស់លោកស្រី។ ការប្រមូលផ្តុំបាតុកម្ម គ្រោងនឹងចាប់ផ្តើម នៅម៉ោង ៤រសៀល តែ កាលពីម៉ោង ៩៖៣០នាទីព្រឹក មានកម្មវិធីថ្លែងសុន្ទរកថា របស់មេដឹកនាំ ក្រុមតវ៉ា ជាមួយនឹងការប្រគុំតន្ត្រី ផងដែរ។ ការជួបជុំស្រដៀងគ្នានេះ កំពុងត្រូវបានធ្វើឡើង នៅក្នុងខេត្ត ប្រហែល ១០ ផ្សេងទៀត ផងដែរ៕ ​រូបភាព និង…

ប៉ារីស ៖ មេដឹកនាំបារាំងទទួលស្គាល់ថា ការទម្លាក់គ្រាប់បែករបស់អាមេរិកលើរោងចក្រនុយក្លេអ៊ែររបស់អ៊ីរ៉ង់ គឺមានប្រសិទ្ធភាពពិតប្រាកដ ប៉ុន្តែសេណារីយ៉ូដ៏អាក្រក់បំផុតនឹងលេចឡើង បើសិនពេលនេះអ៊ីរ៉ង់ចាកចេញពីសន្ធិសញ្ញាមិនរីកសាយភាយនុយក្លេអ៊ែរជាសកល។ លោកប្រធានាធិបតីបារាំង អេម៉ានុយអែល ម៉ាក្រុង បានប្រាប់អ្នកកាសែតក្រោយកិច្ចប្រជុំកំពូលរបស់អឺរ៉ុបនៅទីក្រុងព្រុចសែលថា អ្វីដែលអាក្រក់បំផុតនោះ គឺថា ផលវិបាកនឹងកើតឡើង បើសិនអ៊ីរ៉ង់សម្រេចចិត្តចាកចេញពីសន្ធិសញ្ញាមិនរីកសាយភាយនុយក្លេអ៊ែរ។ ហើយក្នុងគោលបំណងចងជើងអ៊ីរ៉ង់នៅជាមួយសន្ធិសញ្ញានេះ លោកប្រធានាធិបតី ម៉ាក្រុង គ្រោងនឹងធ្វើកិច្ចពិភាក្សាជាមួយសមាជិកទាំង៥ នៃក្រុមប្រឹក្សាសន្តិសុខអង្គការសហប្រជាជាតិ។ កិច្ចពិភាក្សានោះបានចាប់ផ្តើមរួចហើយ ជាមួយនឹងការនិយាយទូរស័ព្ទជាមួយលោកប្រធានាធិបតីអាមេរិក ដូណាល់ ត្រាំ កាលពីថ្ងៃព្រហស្បតិ៍។ អ៊ីរ៉ង់បានផ្តល់សច្ចាប័នលើសន្ធិសញ្ញាមិនរីកសាយភាយអាវុធនុយក្លេអ៊ែរ ហៅកាត់ (NPT) ក្នុងឆ្នាំ១៩៧០ ដោយប្តេជ្ញាថា ខ្លួននឹងប្រកាសពីសម្ភារៈនុយក្លេអ៊ែររបស់ខ្លួនដល់ទីភ្នាក់ងារថាមពលបរមាណូអន្តរជាតិ។ ទោះបីជាយ៉ាងណា ថ្មីៗនេះអ៊ីរ៉ង់បានចាប់ផ្តើមរៀបចំឯកសារសម្រាប់ការដកខ្លួនចេញពីសន្ធិសញ្ញានេះ ដោយចោទប្រកាន់ទីភ្នាក់ងារនេះថា ជា “ដៃគូ” របស់អ៊ីស្រាអែលនៅក្នុង “សង្គ្រាមឈ្លានពាន” អ៊ីរ៉ង់៕ ប្រភព ៖ AFP ប្រែសម្រួល ៖ ឈឹម ទីណា

វ៉ាស៊ីនតោន ៖ លោកប្រធានាធិបតីអាមេរិក ដូណាល់ ត្រាំ បានថ្លែងព្រមានកាលពីថ្ងៃសុក្រថា លោកនឹងបញ្ជាឲ្យទម្លាក់គ្រាប់បែកលើអ៊ីរ៉ង់ម្តងទៀត បើសិនចារកម្មរកឃើញថា ប្រទេសនេះនៅតែបន្តចម្រាញ់សារធាតុអ៊ុយរ៉ាញ៉ូមដល់កម្រិតអាវុធនុយក្លេអ៊ែរ។ ជាមួយគ្នានេះ លោកប្រធានាធិបតី ត្រាំ បានរិះគន់មេដឹកនាំកំពូលអ៊ីរ៉ង់ លោក Ayatollah Ali Khamenei ដែលបានអួតក្តែងៗថា អ៊ីរ៉ង់បានឈ្នះសង្រ្គាមជាមួយអ៊ីស្រាអែល។ លោក ត្រាំ និយាយថា លោក Khamenei និងអ៊ីរ៉ង់ “បានចាញ់សង្គ្រាមយ៉ាងអាម៉ាស់” នៅក្នុងអរិភាពជាមួយអាមេរិក និងអ៊ីស្រាអែល ហើយថា វាជាពេលវេលាដ៏ល្អមួយដើម្បីបញ្ចប់ជម្លោះ។ ការអត្ថាធិប្បាយរបស់លោក ត្រាំ កើតឡើងបន្ទាប់ពីមេដឹកនាំកំពូលអ៊ីរ៉ង់ លោក Khamenei បានប្រកាសថា អ៊ីរ៉ង់បានឈ្នះក្នុងជម្លោះជាមួយអ៊ីស្រាអែល និងគំរាមវាយប្រហារអាមេរិកម្តងទៀត បើសិនអ៊ីរ៉ង់រងការវាយប្រហារណាមួយពីអាមេរិកទៀត។ សង្គ្រាមពាក្យសម្តីរវាងមេដឹកនាំទាំងពីរកើត ឡើង ស្របពេលមានបទ ឈប់ បាញ់ ដ៏ ផុយស្រួយ ក្នុង ជម្លោះ រវាង អ៊ីស្រាអែល និងអ៊ីរ៉ង់។ សូមរម្លឹកថា កងកម្លាំងយោធាអាមេរិកបានទម្លាក់គ្រាប់បែកទៅលើទីតាំងនុយក្លេអ៊ែរអ៊ីរ៉ង់ចំនួនបីកន្លែង គឺFordow, Natanz…

វ៉ាស៊ីនតោន ៖ ធនាគារពិភពលោក (WB) បានព្រមាននៅថ្ងៃទី២៧ ខែមិថុនាថា ជម្លោះ និងការស្លាប់ដែលពាក់ព័ន្ធ បានកើនឡើងច្រើនជាងបីដងចាប់តាំងពីដើមទសវត្សរ៍ឆ្នាំ២០០០ ហើយកំពុងជំរុញឱ្យមានកំណើននៃភាពក្រីក្រខ្លាំងជាសកល។ ការសិក្សាថ្មីមួយរបស់ធនាគារពិភពលោករកឃើញថា សេដ្ឋកិច្ចនៅក្នុងតំបន់ផុយស្រួយ និងដែលរងផលប៉ះពាល់ពីជម្លោះ បានក្លាយទៅជាចំណុចកណ្តាលនៃភាពក្រីក្រខ្លាំងជាសកល និងអសន្តិសុខស្បៀង។ ធនាគារនេះបន្តថា នៅឆ្នាំ២០២៥ មនុស្ស ៤២១លាននាក់រកចំណូលបានតិចជាង ៣ដុល្លារក្នុងមួយថ្ងៃ នៅកន្លែងដែលរងគ្រោះដោយសារជម្លោះ ឬអស្ថិរភាព ដែលវាបង្ហាញពីភាពក្រីក្រខ្លាំង ហើយចំនួននេះនឹងកើនឡើងដល់ ៤៣៥លាននាក់នៅឆ្នាំ២០៣០។ ធនាគារផ្តល់ប្រាក់កម្ចីសម្រាប់ការអភិវឌ្ឍន៍ ដែលមានមូលដ្ឋាននៅទីក្រុងវ៉ាស៊ីនតោនមួយនេះ បានបន្ថែមថា បច្ចុប្បន្ននេះ សេដ្ឋកិច្ចប្រទេសចំនួន៣៩ ត្រូវបានចាត់ថ្នាក់ថា កំពុងប្រឈមមុខនឹងលក្ខខណ្ឌបែបនេះ ហើយ២១ប្រទេស គឺនៅក្នុងចំណោមប្រទេសកំពុងស្ថិតក្នុងជម្លោះសកម្ម។ បញ្ជីឈ្មោះប្រទេសទាំងនេះ រួម មាន អ៊ុយក្រែន សូម៉ាលី ស៊ូដង់ ខាង ត្បូង តំបន់ វេសប៊ែង និង ហ្គាហ្សា។ វាក៏រួមបញ្ចូលទាំងអ៊ីរ៉ាក់ផងដែរ។ របាយការណ៍របស់ធនាគារពិភពលោក ក៏បានអំពាវនាវដែរថា វិធានការណ៍ទប់ស្កាត់ជម្លោះ អាចនាំមកនូវផលចំណេញខ្ពស់ ពិសេសអាចជួយបន្ធូរបន្ថយអត្រានៃភាពក្រីក្រខ្លាំងជាសកល៕ ប្រភព ៖ AFP…

បរទេស៖ រដ្ឋបាលរបស់លោកប្រធានាធិបតីអាមេរិក Donald Trump បានពិភាក្សាគ្នា ក្នុងការជះថវិកាចន្លោះពី ២០ ទៅ ៣០ពាន់លានដុល្លារអាមេរិក យកទៅជួយអភិវឌ្ឍន៍កម្មវិធីនុយក្លេអ៊ែរស៊ីវិល របស់ប្រទេសអ៊ីរ៉ង់ ក្នុងករណីបើសាធារណរដ្ឋឥស្លាម មួយនេះ ពិតជាមិនផលិតគ្រាប់បែក បរិមាណូ ប្រាកដមែន នេះតាមការចុះផ្សាយ របស់ទីភ្នាក់ងារព័ត៌មាន CNN កាលពីថ្ងៃទី២៦ ខែមិថុនា។ មន្ត្រីរដ្ឋបាល របស់លោក Trump បានប្រាប់ CNN ថា គម្រោងវិនិយោគ នៅក្នុងរោងចក្រថាមពលនុយក្លេអ៊ែរ របស់អ៊ីរ៉ង់ ទាំងនោះ ធ្លាប់ត្រូវបានពិភាក្សា នៅក្នុងជុំមុនៗ នៃកិច្ចចរចានុយក្លេអ៊ែរ អំឡុងប៉ុន្មានខែ ថ្មីៗនេះ។ ក្រៅពីការជួយអភិវឌ្ឍន៍កម្មវិធីនុយក្លេអ៊ែរ ហើយនោះរដ្ឋាភិបាលទីក្រុងវ៉ាស៊ីងតោន ក៏ចង់បន្ធូរបន្ថយទណ្ឌកម្ម ហើយ ក៏អនុញ្ញាតឱ្យទីក្រុងតេអេរ៉ង់ ចូលទៅប្រើប្រាស់ថវិកា ចំនួន ៦ពាន់លានដុល្លារ ដែលបច្ចុប្បន្ន កំពុងត្រូវបានបង្កក នៅក្នុងគណនីធនាគារ នៅបរទេស ឡើងវិញ ផងដែរ ជាថ្នូរនឹងការយល់ព្រមចូលតុចរចា របស់អ៊ីរ៉ង់។ ជាមួយគ្នានេះ បេសកកជន របស់លោក…