ហាណូយ៖ បច្ចុប្បន្ន វៀតណាមមានគោលបំណងធ្វើទំនើបកម្មប្រព័ន្ធផ្លូវដែក ដែលមានវ័យចំណាស់របស់ខ្លួន រួមទាំងផែនការសាងសង់ផ្លូវរថភ្លើងល្បឿនលឿន និងផ្លូវរថភ្លើងតភ្ជាប់ជាមួយចិន ដែលជាដៃគូពាណិជ្ជកម្មដ៏ធំបំផុតរបស់ខ្លួន។ ជាក់ស្តែង អាជ្ញាធរផ្លូវដែកវៀតណាមបានដាក់ផែនការសាងសង់ផ្លូវរថភ្លើង Lao Cai-Ha Long ទៅក្រសួងដឹកជញ្ជូន ដើម្បីត្រួតពិនិត្យ និងអនុម័ត។ យោងតាមការប៉ាន់ស្មាន វៀតណាមអាចនឹងចំណាយប្រាក់រហូតដល់ ៧.២ពាន់លានដុល្លារ សាងសង់ផ្លូវដែកថ្មីមួយ ដែលតភ្ជាប់វៀតណាមជាមួយខេត្តយូណាន របស់ប្រទេសចិន។ នេះបើតាមការចេញផ្សាយរបស់កាសែតរ៉យទ័រ។ ទីភ្នាក់ងារសារព័ត៌មានផ្លូវការវៀតណាមរាយការណ៍ថា គម្រោងផ្លូវដែកខ្នាតយក្សនេះ នឹងមានប្រវែងប្រហែល ៤២៧គីឡូម៉ែត្រ រត់ពីខេត្តព្រំដែនឡាវ Cai ឆ្លងកាត់រដ្ឋធានីហាណូយ និងទីក្រុងកំពង់ផែ Haiphong ទៅកាន់ទីក្រុង Ha Long ។ ការសាងសង់ផ្លូវដែកត្រូវបានរំពឹងថា នឹងចាប់ផ្តើមនៅឆ្នាំ ២០៣០ ហើយតម្រូវការដឹកជញ្ជូនតាមតំណផ្លូវដែកនេះ ក៏ត្រូវបានប៉ាន់ប្រមាណដែរថា នឹងមានអ្នកដំណើរប្រហែល ៨.៣លាននាក់ និងទំនិញ ១៧.៥លានតោនក្នុងមួយឆ្នាំនៅឆ្នាំ ២០៥០៕ ប្រភព៖ រ៉យទ័រ ប្រែសម្រួលដោយ៖ ឈឹម ទីណា

វ៉ាស៊ីនតោន៖ ប្រមុខការពារជាតិអាមេរិកនិយាយថា ប្រទេសរបស់លោកបានការវាយប្រហារជុំដំបូង ប្រឆាំងនឹងក្រុមឧទ្ទាមហ៊ូទីនៅយេម៉ែន កាលពីល្ងាចថ្ងៃពុធ ដោយបានកំណត់គោលដៅលើទីតាំងស្តុកអាវុធក្រោមដីចំនួន៥ ដោយប្រើយន្តហោះទម្លាក់គ្រាប់បែកបំបាំងកាយ B-2។ នេះបើតាមការចេញផ្សាយដោយសារព័ត៌មាន CNN។ មន្ត្រីការពារជាតិអាមេរិកបីនាក់បានប្រាប់ទូរទស្សន៍ CNN ថា ការវាយប្រហារនោះ បានកំណត់គោលដៅកម្ទេចអាវុធទំនើបៗ ដែលក្រុមឧទ្ទាមហ៊ូទី មានអ៊ីរ៉ង់ជាខ្នងបង្អែក ប្រើដើម្បីវាយប្រហារនាវាយោធា និងស៊ីវិលនៅដែនសមុទ្រក្រហម និងឈូងសមុទ្រ Aden។ រដ្ឋមន្ត្រីការពារជាតិអាមេរិក លោក Lloyd Austin បានអះអាងនៅក្នុងសេចក្តីថ្លែងការណ៍មួយថា ការវាយប្រហារនេះ បង្ហាញពីសមត្ថភាពដ៏ខ្លាំងក្លារបស់អាមេរិក កម្ទេចគោលដៅដែលសត្រូវព្យាយាមមិនឱ្យយើងទៅដល់ ឬកប់នៅក្រោមដីយ៉ាងជ្រៅ ឬក៏រឹងមាំយ៉ាងណាក៏ដោយ។ លោក Austin បន្ថែមថា តួនាទីរបស់យន្តហោះទម្លាក់គ្រាប់បែកបំបាំងកាយ B-2 របស់កងទ័ពអាកាសអាមេរិក បង្ហាញពីសមត្ថភាពវាយប្រហារសកលរបស់អាមេរិក ដើម្បីចាត់វិធានការប្រឆាំងនឹងគោលដៅសត្រូវ នៅពេលចាំបាច់ គ្រប់ពេលវេលា និងគ្រប់ទីកន្លែង ដែលនេះជាលើកដំបូងហើយ ដែលអាមេរិកប្រើ B-2 វាយប្រហារក្រុមហ៊ូទីនៅយេម៉ែន។ យន្តហោះ B-2 មានរូបរាងធំជាងយន្តហោះចម្បាំង ដែលអាមេរិកប្រើប្រាស់កន្លងមក ដើម្បីវាយកម្ទេចទីតាំងឈរជើង និងឃ្លាំងអាវុធរបស់ក្រុមហ៊ូទី ហើយវាមានសមត្ថភាពផ្ទុកគ្រាប់បែកធ្ងន់ជាងឆ្ងាយ បើធៀបនឹងយន្តហោះដទៃទៀត។ ប្រតិបត្តិការយោធានេះ…

បរទេស៖ យន្តហោះឥណ្ឌាមួយគ្រឿងដឹកមនុស្ស ១៨៤នាក់ បានបង្ខំចិត្តបង្វែរទិសដៅ ក្រោយមានការគំរាមកំហែងគ្រាប់បែក បោកបញ្ឆោត កាលពីថ្ងៃពុធ។ ជើងហោះហើរ Akasa Air ដែលកំពុងហោះហើរ ពីរដ្ឋធានី New Delhi ទៅកាន់ទីក្រុង Bengaluru ភាគខាងត្បូង «បានទទួលការជូនដំណឹងអំពីសុវត្ថិភាព»ហើយជើងហោះហើរ ត្រូវបានបញ្ជាឱ្យត្រលប់មកវិញ ជា «ការប្រុងប្រយ័ត្ន» ។ ក្រុមហ៊ុនអាកាសចរណ៍ Akasa Air បាននិយាយថា កាពីទែន បានអនុវត្តតាម «នីតិវិធីសង្គ្រោះបន្ទាន់ទាំងអស់ ដែលទាមទារសម្រាប់ការចុះចត ប្រកបដោយសុវត្ថិភាព នៅទីក្រុងដេលី»។ ជើងហោះហើរមួយទៀត ដែលជាក្រុមហ៊ុនអាកាសចរណ៍ ក្នុងស្រុក ហោះហើរពីទីក្រុងបុមបៃ ទៅកាន់ទីក្រុង New Delhi ត្រូវបានបង្វែរ ទៅទីក្រុង Ahmedabad ក្នុងរដ្ឋ Gujarat ផងដែរ។ ប្រធានការិយាល័យសន្តិសុខអាកាសចរណ៍ស៊ីវិល បានប្រាប់កាសែត Times of India ថា ប៉ូលីសកំពុងធ្វើការដើម្បីកំណត់អត្តសញ្ញាណពិរុទ្ធជន។ កាសែត Indian Express…

វ៉ាស៊ីនតោន៖ ក្រុមហ៊ុន Google នាពេលថ្មីៗនេះ បានចុះកិច្ចព្រមព្រៀងដំបូងបំផុតមិនធ្លាប់មាន ទិញថាមពលពីម៉ាស៊ីនរ៉េអាក់ទ័រនុយក្លេអ៊ែរមានម៉ូឌុលតូចៗចំនួន៧ ហៅកាត់ (SMRs) របស់ក្រុមហ៊ុន Kairos Power ដើម្បីបំពេញតម្រូវការថាមពលអភិវឌ្ឍ AI។ នេះបើតាមការចេញផ្សាយដោយសារព័ត៌មាន CGTN។ កិច្ចព្រមព្រៀងនេះ នឹងធ្វើឱ្យ Google ក្លាយជាក្រុមហ៊ុនបច្ចេកវិទ្យាដំបូងគេលើពិភពលោក ដែលគាំទ្របង្កើតរោងចក្រថាមពលនុយក្លេអ៊ែរថ្មី ដើម្បីផ្តល់ថាមពលអគ្គិសនីកាបូនទាប សម្រាប់មជ្ឈមណ្ឌលទិន្នន័យដែលស្រេកឃ្លានថាមពលអភិវឌ្ឍបញ្ញាសិប្បនិម្មិត AI របស់ខ្លួន។ នាយកជាន់ខ្ពស់ផ្នែកថាមពល និងអាកាសធាតុរបស់ Google លោក Michael Terrell និយាយថា យើងជឿជាក់ថា ថាមពលនុយក្លេអ៊ែរដើរតួនាទីសំខាន់ គាំទ្រដល់កំណើនប្រើប្រាស់ថាមពលស្អាតរបស់ផែនដី និងជួយផ្តល់វឌ្ឍនភាពដល់ការអភិវឌ្ឍ AI។ Google និង Kairos បានគូសបញ្ជាក់ថា ស្ថិតក្រោមលក្ខខណ្ឌនៃកិច្ចព្រមព្រៀងនេះ Google ប្តេជ្ញាទិញថាមពលពីរោងចក្រ ដែលនឹងសាងសង់ឡើងដោយក្រុមហ៊ុន Kairos Power មានមូលដ្ឋាននៅរដ្ឋកាលីហ្វ័រញ៉ា ហើយគ្រោងនឹងបញ្ចប់ការសាងសង់ក្នុងពេល ៧ឆ្នាំ។ ប៉ុន្តែមិនបានបញ្ជាក់ពីតម្លៃនៃកិច្ចព្រមព្រៀងនេះទេ។ ក្រុមហ៊ុនទាំងពីរនិយាយថា កិច្ចព្រមព្រៀងនេះ មានគោលដៅបង្កើនថាមពលនុយក្លេអ៊ែរដល់ ៥០០មេហ្គាវ៉ាត់ ដែលនឹងចាប់ផ្តើមនៅចុងទសវត្សរ៍នេះ។…

បរទេស៖ ប៉ូលិសនៃប្រទេសអេស្ប៉ាញរឹបអូសបាន សារធាតុគីមី ចំនួន១៣.០០០គីឡូក្រាម នៅកំពង់ផែ នៃទីក្រុងបាសេឡូណា (Barcelona) ដែលគេប៉ុនប៉ងដឹកជញ្ជូន ទៅកាន់ប្រទេសរុស្ស៊ី ទោះបីដឹងថាខុសច្បាប់។ យោងតាមអាជ្ញាធរបានឱ្យដឹងថា ជនសង្ស័យចំនួន៤នាក់ ត្រូវបានចាប់ខ្លួន ដោយគេដឹងថា ជាក្រុមដឹកនាំគម្រោងពាណិជ្ជកម្មមួយនេះ ហើយត្រូវបានចាត់ទុកថា ជាការបំពាននឹងទណ្ឌកម្ម ពាក់ព័ន្ធប្រទេសរុស្ស៊ី ចាប់តាំងពីចូលវាយលុក អ៊ុយក្រែន។ កងកម្លាំងប៉ូលិសជាតិ របស់ប្រទេសអេស្ប៉ាញ និងអាជ្ញាធរពន្ធដារ បាននិយាយ នៅក្នុងសេចក្តីថ្លែងការណ៍រួមថា «ក្នុងអំឡុងពេលនៃការស៊ើបអង្កេត បានបង្ហាញថា សារធាតុគីមី ដែលត្រូវបានដាក់ទណ្ឌកម្មជាអន្តរជាតិទាំងនេះ អាចប្រើប្រាស់ផលិតជាអាវុធគីមី ហើយរកឃើញថា ក៏ធ្លាប់នាំចេញ តាមរយៈរចនាសម្ព័ន្ធ ក្រុមហ៊ុននេះ កាលពីអតីតកាល» នេះបើតាមទីភ្នាក់ងារព័ត៌មាន រយធឺ ប៉ុន្តែ មិនបាននិយាយថា តើសារធាតុគីមីអ្វី ដែលត្រូវបានរឹបអូសនោះទេ។ អាជ្ញាធរបាននិយាយថា សារធាតុគីមីនេះត្រូវបានគេរកឃើញ នៅក្នុងកុងតឺន័រដឹកជញ្ជូន នៅឯកំពង់ផែក្នុងទីក្រុង បាសេឡូណា (Barcelona) នៅឆ្នេរសមុទ្រភាគឦសាន នៃប្រទេសអេស្ប៉ាញ ខណៈដែលជនសង្ស័យត្រូវបានចាប់ខ្លួន នៅក្នុងសង្កាត់ចំនួនបី នៅជិតទីក្រុង៕ ប្រភពពី AFP ប្រែសម្រួល៖…

តិចសាស់ : មានរឿងរ៉ាវដ៏អស្ចារ្យបំផុតមួយ កំពុងកើតមាននៅចំកណ្តាលបេះដូងនៃរដ្ឋតិសាស់ នោះគឺសណ្ឋាគារដំបូងបង្អស់មិនធ្លាប់មាននៅលើពិភពលោក ដែលបង្កើតឡើងដោយម៉ាស៊ីនបោះពុម្ព 3D ដ៏ធំមួយ។ នេះបើតាមការចេញផ្សាយរបស់សារព័ត៌មាន Foxnews។ El Cosmico ដែលរចនាឡើងពីម៉ាស៊ីនបោះពុម្ព 3D បានធ្វើឱ្យសុបិន្តក្លាយជាការពិត ហើយក្លាយជាសណ្ឋាគារ និងកន្លែងបោះតង់ដ៏ពេញនិយម សម្រាប់អ្នកចូលចិត្តការផ្សងព្រេង។ វាមានទីតាំងនៅភាគខាងលិចទីក្រុងម៉ាហ្វា រដ្ឋតិចសាស់ សហរដ្ឋអាមេរិក។ សណ្ឋាគារដ៏ចម្លែកនេះ បង្កើតឡើងក្រោមកិច្ចសហការគ្នារវាងក្រុមហ៊ុន Icon និងស្ថាបត្យករកំពូលៗ ហើយបច្ចុប្បន្នវាកំពុងបន្តសាងសង់បន្ទប់ស្នាក់នៅថ្មីចំនួន ៤៣បន្ទប់បន្ថែមទៀត ព្រមទាំងផ្ទះលំហែកាយចំនួន ១៨ខ្នងផ្សេងទៀត នៅលើផ្ទៃដីទំហំ ៤០ហិចតា។ Vulcan ដែលជាម៉ាស៊ីនបោះពុម្ព 3D ដ៏ធំរបស់ក្រុមហ៊ុន Icon មានកម្ពស់ជាង ៤ម៉ែត្រ និងទម្ងន់ ៤.៧៥តោន មានសមត្ថភាពបង្កើតជញ្ជាំងកោងកម្ពស់ជាង ៣ម៉ែត្រកន្លះ។នៅក្នុងដំណើរការសាងសង់ បន្ទាប់ពីចេញម៉ូដក្នុងប្រព័ន្ធកុំព្យូទ័ររួចហើយ ការបោះពុម្ព 3D នឹងធ្វើឡើងដោយត្រូវការអ្នកបច្ចេកទេសតែម្នាក់ប៉ុណ្ណោះ ដើម្បីពិនិត្យម៉ាស៊ីន ថាតើការបោះពុម្ពដូចតាមម៉ូដដែលអតិថិជនចង់បានដែរឬទេ នៅពេលដែលដៃគ្រឿងយន្ត និងក្បាលម៉ាស៊ីនបោះពុម្ពកំពុងដំណើរការ។ ទឹកថ្នាំនៃម៉ាស៊ីនបោះពុម្ព 3D គឺជាសម្ភារៈដ៏សំខាន់ ជាពិសេសស៊ីម៉ងត៍លាយស្រេច និងមានភាពរឹងមាំ…

សាជីវកម្មផលិតយន្តហោះដ្រូន United Aircraft របស់ប្រទេសចិន បានបញ្ចេញរូបរាងយន្តហោះដ្រូនគំរូថ្មីមួយប្រភេទ មានឈ្មោះថា tiltrotor ដែលគ្រោងនឹងផលិតទ្រង់ទ្រាយធំនៅសួនឧស្សាហកម្មអាកាសចរណ៍ Wuhu ក្នុងសង្កាត់ Wanjun។ នេះបើតាមការចេញផ្សាយរបស់គេហទំព័រ interestingengineering។ យន្តហោះដ្រូនខ្នាតយក្សនេះ ត្រូវបានគេហៅរហ័សនាមថា Lanying R6000 គឺជាយានជំនិះគ្មានមនុស្សបើកប្រភេទ (UAV) ថ្នាក់អាកាសចរណ៍កម្រិតខ្ពស់បំផុតរបស់ពិភពលោក។ Lanying R6000 អាចហោះបញ្ឈរ ចុះចត និងហោះហើរនៅលើអាកាស ដូចនឹងឧទ្ធម្ភាគចក្រធម្មតាដែរ។ អ្នកអភិវឌ្ឍយន្តហោះនេះនិយាយថា បើសិនវាត្រូវបានដាក់ឱ្យដំណើរការជាផ្លូវការនៅពេលអនាគត យន្តហោះដ្រូន R6000 នឹងផ្លាស់ប្តូរវិធីសាស្រ្តធ្វើដំណើររបស់មនុស្ស និងឧស្សាហកម្មភស្តុភារ ព្រមទាំងផ្តល់អំណាចយ៉ាងខ្លាំងលើវិស័យជាច្រើន មានដូចជាការដឹកជញ្ជូន ការឆ្លើយតបបន្ទាន់ និងការការពារជាតិ។ អ្វីដែលធ្វើឱ្យវាពិសេសជាងគេនោះ គឺយន្តហោះដ្រូនប្រភេទថ្មីនេះ អាចធ្វើប្រតិបត្តិការបាន ទាំងមាន និងគ្មានមនុស្សបើក ហើយអាចហោះហើរក្នុងចម្ងាយជាង ៤,០០០គីឡូម៉ែត្រ ក្នុងល្បឿនប្រហែល ៥៥០គីឡូម៉ែត្រក្នុងមួយម៉ោង ជាមួយនឹងរយៈកម្ពស់អតិបរមា ៧,៦២០ម៉ែត្រ។ ទម្ងន់អតិបរមារបស់យន្តហោះដ្រូន R6000 គឺ៦តោន ហើយអាចមានសមត្ថភាពផ្ទុកទំនិញបានចំនួន២តោន និងដឹកអ្នកដំណើរបានរហូតដល់ ១០នាក់។ យន្តហោះដ្រូនខ្នាតយក្សនេះទៀតសោត បានបង្ហាញពីមហិច្ឆតាបច្ចេកវិទ្យារបស់ចិន…