-
អេស្ប៉ាញព្រមានថា ហ្គាហ្សាប្រឈមនឹងអំពើប្រល័យពូជសាសន៍
ព្រូចសែល ៖ នាយករដ្ឋមន្ត្រីអេស្ប៉ាញ លោក Pedro Sanchez នៅថ្ងៃព្រហស្បតិ៍ និយាយថា តំបន់ហ្គាហ្សាកំពុងស្ថិតក្នុងស្ថានភាពមហន្តរាយ នៃអំពើប្រល័យពូជសាសន៍ និងបានជំរុញឱ្យសហភាពអឺរ៉ុបផ្អាកកិច្ចព្រមព្រៀងសហប្រតិបត្តិការជាមួយអ៊ីស្រាអែលជាបន្ទាន់។ មេដឹកនាំអេស្ប៉ាញរូបនេះ ជាអ្នកប្រកាសថ្កោលទោសយ៉ាងខ្លាំង និងជាអ្នករិះគន់មិនសំចៃមាត់ចំពោះការវាយលុករបស់អ៊ីស្រាអែលនៅតំបន់ហ្គាហ្សា ដែលបង្កឡើងដោយការវាយប្រហារឆ្នាំ២០២៣ របស់ក្រុមហាម៉ាស់លើអ៊ីស្រាអែល។ យោងតាមរបាយការណ៍សិទ្ធិមនុស្សរបស់អឺរ៉ុប បានបង្ហាញថា អ៊ីស្រាអែលកំពុងរំលោភលើកាតព្វកិច្ចសិទ្ធិមនុស្សរបស់ខ្លួន ស្ថិតក្រោមកិច្ចព្រមព្រៀងដែលបង្កើតជាមូលដ្ឋានសម្រាប់ទំនាក់ទំនងពាណិជ្ជកម្ម។ របាយការណ៍នេះ បានចោទប្រកាន់អ៊ីស្រាអែលជាប់ពាក់ព័ន្ធនឹងការបិទផ្លូវជំនួយមនុស្សធម៌ ការស្លាប់ដ៏ច្រើននៃជនស៊ីវិល ការវាយប្រហារលើអ្នកកាសែត ការផ្លាស់ទីលំនៅ និងការបំផ្លិចបំផ្លាញដ៏ធំ ដែលបណ្តាលមកពីសង្រ្គាម។ គួរកត់សម្គាល់ សង្គ្រាមរវាងអ៊ីស្រាអែល និងក្រុមហាម៉ាស់ចាប់តាំងពីថ្ងៃទី៧ ខែតុលា ឆ្នាំ២០២៣ បណ្តាលឱ្យមនុស្សស្លាប់ចំនួន១.២១៩នាក់នៅខាងភាគីអ៊ីស្រាអែល ភាគច្រើនជាជនស៊ីវិល នេះបើយោងតាមការបូកសរុបរបស់ AFP ដោយផ្អែកលើតួលេខផ្លូវការ។ យុទ្ធនាការយោធាសងសឹករបស់អ៊ីស្រាអែល បានសម្លាប់មនុស្សយ៉ាងហោចណាស់ ៥៦.១៥៦ នាក់នៅតំបន់ ហ្គាហ្សា ដែលភាគច្រើនជាជនស៊ីវិលផងដែរ នេះបើតាមក្រសួងសុខាភិបាល ដែលគ្រប់គ្រងដោយក្រុមហាម៉ាស់ ខណៈអង្គការសហប្រជាជាតិក៏ចាត់ទុកតួលេខនេះគួរឱ្យទុកចិត្តផងដែរ។ ជាងនេះទៅទៀត ក្រុមសកម្មប្រយុទ្ធប៉ាឡេស្ទីនក៏បានចាប់មនុស្ស ២៥១នាក់ធ្វើជាចំណាប់ខ្មាំងផងដែរ ក្នុងនោះ ៤៩នាក់កំពុងជាប់ឃុំនៅហ្គាហ្សានៅឡើយ ហើយ២៧នាក់យោធាអ៊ីស្រាអែលនិយាយថាបានស្លាប់៕ ប្រភព ៖ AFP…
-
លោក ពូទីន រិះគន់ផែនការ NATO បង្កើនការចំណាយលើវិស័យការពារជាតិ
មូស្គូ ៖ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានរិះគន់មេដឹកនាំអង្គការណាតូ ដោយអះអាងថា ពួកគេកំពុងបង្កើនការរត់ប្រណាំងសព្វាវុធជាសកល តាមរយៈបង្កើនការចំណាយលើវិស័យការពារជាតិ។ ឆ្លើយតបការបង្កើនការចំណាយលើវិស័យការពារជាតិរបស់មេដឹកនាំណាតូ លោកប្រធានាធិបតី ពូទីន បាននិយាយថា នេះបង្ហាញពីកត្តាជំរុញផ្នែកយោធាពិភពលោក និងការរត់ប្រណាំងសព្វាវុធ។ លោក ពូទីន បន្តថា មេដឹកនាំណាតូបានបង្កើតការនិទានរឿងអំពីការឈ្លានពានដ៏មានសក្ដានុពលរបស់រុស្សីមកលើអឺរ៉ុប ហើយតែងតែធ្វើបែបនេះពីមួយឆ្នាំទៅមួយឆ្នាំ ដើម្បីបោកបញ្ឆោតប្រជាជនរបស់ពួកគេ។ លោកប្រធានាធិបតី ពូទីន បានសង្កត់ធ្ងន់ថា ចំពេលកើនឡើងភាពតានតឹងផ្នែកភូមិសាស្ត្រនយោបាយ រុស្ស៊ីនៅតែប្តេជ្ញាចាត់វិធានការសមស្រប ដើម្បីពង្រឹងសន្តិសុខរុស្ស៊ី និងសម្ព័ន្ធមិត្ត ខណៈជំរុញការអភិវឌ្ឍកងកម្លាំងប្រដាប់អាវុធរុស្ស៊ី សំដៅការពារអធិបតេយ្យភាព និងការអភិវឌ្ឍន៍ឯករាជ្យរបស់រុស្ស៊ី៕ ប្រភព ៖ NHK ប្រែសម្រួល ៖ ឈឹម ទីណា
-
លេចមុខរដ្ឋមន្ត្រីការពារជាតិអ៊ីរ៉ង់ នៅចិន ចំពេលជម្លោះនៅមជ្ឈិមបូព៌ា
បរទេស៖ រដ្ឋមន្ត្រីការពារជាតិអ៊ីរ៉ង់ លោក Aziz Nasirzadeh នៅថ្ងៃទី២៦ ខែមិថុនា ឆ្នាំ២០២៥នេះ បានលេចមុខចូលរួមកិច្ចប្រជុំ រដ្ឋមន្ត្រីការពារជាតិ នៃអង្គការសហប្រតិបត្តិការសៀងហៃ ហៅកាត់ SCO នៅទីក្រុង Qingdao ភាគខាងកើត ប្រទេសចិន ចំពេលអាមេរិកលូកដៃចូលក្នុងជម្លោះ នៅមជ្ឈិមបូព៌ា នេះបើយោងតាមតាមការចេញផ្សាយ របស់ទីភ្នាក់ងារព័ត៌មាន CNA។ ការលេចវត្តមាននេះ ក៏ស្របពេលដែលបទឈប់បាញ់គ្នា រវាងអ៊ីស្រាអែល និងអ៊ីរ៉ង់ កំពុងដំណើរការ បន្ទាប់ពីការប្រយុទ្ធគ្នា រយៈពេល១២ថ្ងៃ ផងដែរ។ ក្រៅពីអ៊ីរ៉ង់ កិច្ចប្រជុំនេះ ក៏មានការចូលរួមពី ប្រមុខការពារជាតិ រុស្ស៊ី ប៉ាគីស្ថាន បេឡារុស ឥណ្ឌា និងប្រទេស ផ្សេងៗទៀត ហើយក៏ធ្វើឡើង ក្នុងពេលដែលមានកិច្ចប្រជុំកំពូល នៃបណ្តាប្រទេសណាតូ នៅអឺរ៉ុប។ ថ្លែងស្វាគមន៍ប្រមុខការពារជាតិទាំងនោះ រដ្ឋមន្ត្រីក្រសួងការពារជាតិចិន លោក Dong Jun បាននិយាយថា «ទង្វើអនាធិបតេយ្យ ការត្រួតត្រា និងការសម្លុតធ្វើឲ្យប៉ះពាល់យ៉ាងធ្ងន់ធ្ងរដល់សណ្តាប់ធ្នាប់អន្តរជាតិ»។ ទីក្រុងប៉េកាំង ត្រូវបានគេដឹងថា…
-
រុស្ស៊ីប្រឆាំងអ៊ីរ៉ង់ដែលផ្អាកសហការជាមួយទីភ្នាក់ងារបរមាណូអន្តរជាតិ
បរទេស ៖ លោក Sergei Lavrov រដ្ឋមន្ត្រីការបរទេសរុស្ស៊ីបាននិយាយប្រឆាំងនឹងសម្ព័ន្ធមិត្តដ៏សំខាន់ របស់ទីក្រុងមូស្គូ គឺ អ៊ីរ៉ង់ ដែលផ្អាកកិច្ចសហប្រតិបត្តិការ ជាមួយទីភ្នាក់ងារថាមពលបរមាណូអន្តរជាតិ ហៅកាត់ IAEA ពោលគឺបន្ទាប់ពីសមាជិកសភាអ៊ីរ៉ង់ បានបោះឆ្នោតគាំទ្រ ការបញ្ឈប់ការងារ ជាមួយទីភ្នាក់ងារនុយក្លេអ៊ែរ របស់អង្គការសហប្រជាជាតិ មួយនេះ។ លោក Lavrov បាននិយាយ នៅក្នុងសន្និសីទសារព័ត៌មាន នៅទីក្រុងមូស្គូ កាលពីថ្ងៃព្រហស្បតិ៍ ថា «យើងចាប់អារម្មណ៍ ក្នុងការបន្តកិច្ចសហប្រតិបត្តិការ រវាងអ៊ីរ៉ង់ និង IAEA ដូច្នេះ គ្រប់គ្នា គោរពសេចក្តីថ្លែងការណ៍ ម្តងហើយម្តងទៀត របស់អ៊ីរ៉ង់ ដែលថាខ្លួនមិនមានផែនការអភិវឌ្ឍន៍អាវុធនុយក្លេអ៊ែរ»។ ការសម្រេចចិត្ត របស់សមាជិកសភាអ៊ីរ៉ង់ បានធ្វើឡើង បន្ទាប់ពីសង្គ្រាមរយៈពេល ១២ថ្ងៃ ដែលបានឃើញការពីវាយប្រហារ របស់អ៊ីស្រាអែល និងសហរដ្ឋអាមេរិក លើទីតាំងនុយក្លេអ៊ែរ។ ទីក្រុងមូស្គូផ្តល់ការគាំទ្រយ៉ាងសំខាន់ សម្រាប់ទីក្រុងតេអេរ៉ង់ ប៉ុន្តែ មិនបានវាយបក ដោយបង្ខំ ពីក្រោយដៃគូ របស់ខ្លួនឡើយ បើទោះបីជាសហរដ្ឋអាមេរិកបានបើកការវាយប្រហារ លើអ៊ីរ៉ង់…
-
មេដឹកនាំកំពូលអ៊ីរ៉ង់គំរាមវាយប្រហារមូលដ្ឋានទ័ពអាមេរិកជាថ្មី
តេហេរ៉ង់ ៖ មេដឹកនាំកំពូលអ៊ីរ៉ង់ លោក Ayatollah Ali Khamenei នៅថ្ងៃព្រហស្បតិ៍ បានគំរាមបាញ់ស្រោចមីស៊ីលបន្ថែមទៀតលើមូលដ្ឋានទ័ពអាមេរិកនៅក្នុងតំបន់មជ្ឈិមបូព៌ា ប្រសិនបើអ៊ីរ៉ង់ស្ថិតនៅក្រោមការវាយប្រហារមួយទៀតពីអាមេរិក។ លោក Khamenei បានព្រមានខ្លាំងៗតាមកញ្ចក់ទូរទស្សន៍រដ្ឋថា សាធារណរដ្ឋអ៊ីស្លាមមានសិទ្ធិវាយប្រហារមូលដ្ឋានទ័ពសំខាន់ៗរបស់អាមេរិកនៅក្នុងតំបន់ ហើយអាចធ្វើសកម្មភាពប្រឆាំងនឹងពួកគេ នៅពេលណាដែលអ៊ីរ៉ង់យល់ថា វាចាំបាច់។ មេដឹកនាំកំពូលអ៊ីរ៉ង់រូបនេះ បានអះអាងថា លោកប្រធានាធិបតីអាមេរិក Donald Trump និយាយបំផ្លើស អំពីផលប៉ះពាល់នៃការទម្លាក់គ្រាប់បែករបស់អាមេរិកលើទីតាំងនុយក្លេអ៊ែរអ៊ីរ៉ង់។ ហើយជាមួយគ្នានេះ លោក Khamenei បានសាទរចំពោះជ័យជម្នះរបស់ប្រទេសអ៊ីរ៉ង់លើអ៊ីស្រាអែល ហើយបានប្តេជ្ញាថា នឹងមិនអោនក្បាលចុះចាញ់អាមេរិកឡើយ។ លោកថា ការវាយប្រហាររបស់អ៊ីរ៉ង់លើមូលដ្ឋានទ័ពអាមេរិកនៅកាតា និងអ៊ីរ៉ាក់ គឺប្រៀបដូចជាការទះកំផ្លៀងអាមេរិក៕ ប្រភព ៖ AFP ប្រែសម្រួល ៖ ឈឹម ទីណា
-
លោក Trump ចង់ប្តូរឈ្មោះ “ក្រសួងការពារជាតិ” ទៅជា “ក្រសួងសង្គ្រាម” ក្រោយជោគជ័យនៅអ៊ីរ៉ង់
វ៉ាស៊ីនតោន ៖ លោកប្រធានាធិបតី Donald Trump បានស្នើឱ្យផ្លាស់ប្តូរឈ្មោះក្រសួងការពារជាតិអាមេរិកបច្ចុប្បន្ន ត្រឡប់ទៅឈ្មោះកាលពីជំនាន់មុនសង្គ្រាមលើកទី២វិញ នោះគឺក្រសួងសង្គ្រាម បន្ទាប់ពីទទួលជោគជ័យក្នុងការទម្លាក់គ្រាប់បែកបំផ្លាញសំបុកនុយក្លេអ៊ែររបស់អ៊ីរ៉ង់។ មេដឹកនាំអាមេរិករូបនេះ បានប្រាប់អ្នកសារព័ត៌មាននៅថ្ងៃទី២៥ ខែមិថុនា នៅចុងបញ្ចប់នៃកិច្ចប្រជុំកំពូលរបស់អង្គការណាតូក្នុងប្រទេសហូឡង់ថា អ្នកធ្លាប់បានដឹងហើយថា ក្រសួងការពារជាតិធ្លាប់ត្រូវបានគេហៅឈ្មោះថា ជាក្រសួងសង្គ្រាម។ ដូច្នេះ ប្រហែលជាពីរបីសប្តាហ៍ទៀត ពួកយើងនឹងហៅឈ្មោះវាបែបនេះ ពីព្រោះយើងមានអារម្មណ៍ថា ជា “អ្នកចម្បាំង”។ ការអត្ថាធិប្បាយបែបនេះរបស់លោក Trump កើតឡើងក្រោយបញ្ចបបេសកកម្មទម្លាក់គ្រាប់បែករបស់យោធាអាមេរិកប្រឆាំងនឹងប្រទេសអ៊ីរ៉ង់ កាលពីថ្ងៃទី២១ ខែមិថុនា។ លោកប្រធានាធិបតី Trump បានសរសើរអំពីយន្តហោះទម្លាក់គ្រាប់បែកបំបាំងកាយ B-2 ដែលហោះហើររយៈពេល ៣៦ម៉ោង ចេញពីមូលដ្ឋានទ័ពនៅរដ្ឋ Missouri និងវាយប្រហារចំគោលដៅ “យ៉ាងល្អឥតខ្ចោះ” ទាំងយប់អាធ្រាត្រ ទោះបីគ្មានជំនួយពីពន្លឺព្រះចន្ទក៏ដោយ។ ក្រៅពីចង់ប្តូរឈ្មោះក្រសួងការពារជាតិ លោកប្រធានាធិបតី Trump ក៏បានស្នើឱ្យផ្លាស់ប្តូរឈ្មោះមុខតំណែងលោក Marco Rubio និងលោក Pete Hegseth ថា ជារដ្ឋមន្រ្តីការបរទេសសង្គ្រាម និងរដ្ឋមន្រ្តីសង្គ្រាមផងដែរ។ លោកប្រធានាធិបតី Trump បានលើកឡើងថា ស្លាកឈ្មោះរបស់ក្រសួងសង្គ្រាម…
-
រុស្ស៊ីសង្ងំផលិតមីស៊ីលរយៈចម្ងាយមធ្យមទ្រង់ទ្រាយធំ
មូស្គូ ៖ ប្រទេសរុស្ស៊ីបានប្រកាសថា ការផលិតប្រព័ន្ធមីស៊ីលផ្លោងរយៈចម្ងាយមធ្យមចុងក្រោយបង្អស់ទ្រង់ទ្រាយធំបាននឹងកំពុងដំណើរការ។ ទន្ទឹមគ្នា មេដឹកនាំអ៊ុយក្រែនបានទទូចឱ្យរឹតបន្តឹងការដាក់ទណ្ឌកម្មប្រឆាំងនឹងរុស្ស៊ី ដើម្បីរារាំងការផលិតរបស់រុស្ស៊ី។ នៅក្នុងសុន្ទរកថាទៅកាន់និស្សិតរុស្ស៊ីបញ្ចប់ការសិក្សានៅមហាវិទ្យាល័យយោធា កាលពីថ្ងៃចន្ទ លោកប្រធានាធិបតី វ្ល៉ាឌីមៀ ពូទីន បានលើកឡើងថា ការផលិតប្រព័ន្ធមីស៊ីលរយៈចម្ងាយមធ្យមថ្មីបំផុត Oreshnik ដែលបានបញ្ចេញអនុភាពរបស់វាយ៉ាងល្អ ក្នុងសង្គ្រាមអ៊ុយក្រែនត្រូវបានចាប់ផ្តើមជាលក្ខខណ្ឌទ្រង់ទ្រាយធំ។ កងទ័ពរុស្ស៊ីបានប្រើប្រាស់មីស៊ីល Oreshnik ជាលើកដំបូងក្នុងការប្រយុទ្ធនៅលើសមរភូមិ នៅពេលដែលវាបានវាយប្រហារទីក្រុង Dnipro ភាគខាងកើតអ៊ុយក្រែនកាលពីខែវិច្ឆិកាឆ្នាំមុន។ ទីភ្នាក់ងារចារកម្មការពារជាតិអ៊ុយក្រែននិយាយថា យោងតាមការវិភាគរបស់ខ្លួនបង្ហាញថា ល្បឿនអតិបរមារបស់មីស៊ីល Oreshnik លឿនជាងសំលេង១១ដង ឬអាចហោះក្នុងចម្ងាយលើសពី ១៣.០០០គីឡូម៉ែត្រក្នុងមួយម៉ោង។ ចារកម្មអ៊ុយក្រែនបានលើកឡើងថា ក្នុងករណីរុស្ស៊ីពន្លឿនការផលិតមីស៊ីលនេះទ្រង់ទ្រាយធំ ហើយការប្រើប្រាស់វាកើនឡើង នោះប្រព័ន្ធការពារដែនអាកាសអ៊ុយក្រែននឹងពិបាកស្ទាក់ចាប់កម្ទេច ហើយហានិភ័យខូចខាតធ្ងន់ធ្ងរនឹងកើនឡើងថែមទៀត។ ស្របពេលជាមួយគ្នានេះ លោកប្រធានាធិបតី ហ្សេលេនស្គី បានអំពាវនាវឱ្យមានការរឹតបន្តឹងទណ្ឌកម្មកាន់តែទូលំទូលាយប្រឆាំងនឹងរុស្ស៊ី ហើយបានបង្ហោះសារលើបណ្តាញសង្គមកាលពីថ្ងៃចន្ទថា សម្ពាធត្រូវតែអនុវត្តចំពោះអ្នកពាក់ព័ន្ធទាំងអស់នៅក្នុងផលិតកម្មមីស៊ីល Oreshnik៕ ប្រភព ៖ NHK ប្រែសម្រួល ៖ ឈឹម ទីណា
-
ជំនួបអាមេរិក-អ៊ីរ៉ង់នឹងមាននៅសប្តាហ៍ក្រោយ
បរទេស ៖ លោក Trump បានអះអាងថា មន្ត្រីអាមេរិក នឹងជួបពិភាក្សាជាមួយមន្ត្រីអ៊ីរ៉ង់ នៅសប្តាហ៍ក្រោយ ពិភាក្សាអំពីកម្មវិធីនុយក្លេអ៊ែរ។ លោក ប្រធានាធិបតី Donald Trump បាននិយាយបែបនេះ អំឡុងសន្និសីទសារព័ត៌មាន កាលពីថ្ងៃពុធ ពោលគឺបន្ទាប់ពីលោកបានចូលរួមកិច្ចប្រជុំកំពូល របស់អង្គការ ណាតូ នៅទីក្រុងឡាអេ ប្រទេសហូឡង់។ លោក Trump មានប្រសាសន៍ថា សហរដ្ឋអាមេរិកនឹងជួបពិភាក្សា ជាមួយអ៊ីរ៉ង់ នៅសប្តាហ៍ក្រោយ ជាមួយនឹងកិច្ចព្រមព្រៀងដែលអាចកើតមាន នៅលើតុ អំពីកម្មវិធីនុយក្លេអ៊ែរ របស់ទីក្រុងតេអេរ៉ង់។ «យើងនឹងនិយាយជាមួយពួកគេ នៅសប្តាហ៍ក្រោយ ជាមួយអ៊ីរ៉ង់…យើងអាចចុះហត្ថលេខាលើកិច្ចព្រមព្រៀងមួយ»។ ទោះបីជាយ៉ាងណា លោកមិនបានបញ្ជាក់ថា អ្នកណានឹងចូលរួម ក្នុងកិច្ចប្រជុំ ឬ ទីកន្លែង ដែលត្រូវរៀបចំ សម្រាប់ជំនួបនេះទេ។ លោក Trump ក៏បានឆ្លៀតបង្ហាញពីការជឿជាក់ថា ទីតាំងនុយក្លេអ៊ែររបស់អ៊ីរ៉ង់ ពិតជាត្រូវបានបំផ្លាញ ដោយសារការទម្លាក់គ្រាប់បែកអាមេរិក កាលពីថ្ងៃអាទិត្យ។ លោក ប្រធានាធិបតី Trump ក៏បានជួបជាមួយមេដឹកនាំពិភពលោក ផ្សេង@ទៀត នៅក្រៅកិច្ចប្រជុំកំពូល…
-
ហេសបូឡាថាអ៊ីស្រាអែលចាញ់សង្គ្រាមអ៊ីរ៉ង់
បរទេស ៖ ក្រុមហេសបូឡាបានប្រកាសសាទរ ចំពោះអ្វីដែលពួកគេហៅថា ជ័យជំនះដ៏អស្ចារ្យ របស់អ៊ីរ៉ង់ លើអ៊ីស្រាអែល ក្នុងសង្គ្រាម ១២ថ្ងៃមកនេះ។ នៅក្នុងសេចក្តីថ្លែងការណ៍មួយ កាលពីថ្ងៃពុធ ពួកហេសបូឡា ដែលជាក្រុមសកម្មប្រយុទ្ធ នៅប្រទេសលីបង់ បានហៅថា ជាជ័យជម្នះរបស់សម្ព័ន្ធមិត្ត របស់ខ្លួន លើអ៊ីស្រាអែល ចាត់ទុកថាជាការចាប់ផ្តើមនៃ “ដំណាក់កាលប្រវត្តិសាស្ត្រថ្មី” ក្នុងការប្រឈមមុខនឹងអនុត្តរភាព របស់អាមេរិក និង ភាពក្រអឺតក្រទម របស់អ៊ីស្រាអែល ក្នុងតំបន់។ អ៊ីស្រាអែលបានបើកការទម្លាក់គ្រាប់បែកដ៏ធំលើទីតាំងនុយក្លេអ៊ែរ និងយោធារបស់អ៊ីរ៉ង់ នៅថ្ងៃទី១៣ ខែមិថុនា ព្រមទាំងការវាយប្រហារចំគោលដៅលើអ្នកវិទ្យាសាស្ត្រ និងមេបញ្ជាការកំពូលៗ។ ការវាយប្រហាររបស់អ៊ីស្រាអែល បានសម្លាប់ជនស៊ីវិលយ៉ាងតិច ៦២៧នាក់ និងរបួស ជាង៤.៨០០នាក់ នេះបើយោងតាមក្រសួងសុខាភិបាលអ៊ីរ៉ង់។ ការវាយប្រហារសងសឹករបស់អ៊ីរ៉ង់ ទៅលើអ៊ីស្រាអែលបានសម្លាប់មនុស្ស ២៨ នាក់ នេះបើយោងតាមតួលេខរបស់អ៊ីស្រាអែល៕ ប្រភពពី AFP ប្រែសម្រួល៖ សារ៉ាត
-
លោក Trump ឲ្យអ៊ីស្រាអែលឈប់កាត់ទោសលោក Netanyahu
បរទេស៖ ប្រធានាធិបតីអាមេរិក លោក Donald Trump បានជំរុញឲ្យប្រទេសអ៊ីស្រាអែល លុបចោលការកាត់ទោស លោកនាយករដ្ឋមន្ត្រី Benjamin Netanyahu ដោយសារតែ មេដឹកនាំអ៊ីស្រាអែល រូបនេះ បានព្រមឲ្យមានបទឈប់បាញ់ជាមួយអ៊ីរ៉ង់។ នៅក្នុងការបង្ហោះសារដ៏វែងមួយ នៅលើវេទិកាសង្គម Truth Social លោក ប្រធានាធិបតីអាមេរិក Donald Trump បានហៅរឿងក្តីកាត់ទោស ពីបទពុករលួយ លើលោក Netanyahu ថា ជា «ការប្រមាញ់ បែបមេធ្មប់» គួរតែ ត្រូវលុបចោល។ លោក Donald Trump បានចាត់ទុក សម្ព័ន្ធមិត្ត Netanyahu ថា ជា «នាយករដ្ឋមន្ត្រីនៃសង្គ្រាមដ៏អស្ចារ្យ» របស់អ៊ីស្រាអែល និង ជាវីរបុរសដ៏អស្ចារ្យ ដែលត្រូវលើកលែងទោស។ លោក Netanyahu ត្រូវបានតុលាការ ផ្តើមកាត់ទោស តាំងពីឆ្នាំ២០២០ តែ ការសម្រេចរបស់តុលាការ នៅមិនទាន់មាន ខណៈដែលមេដឹកនាំអ៊ីស្រាអែល រូបនេះ…