បរទេស ៖ នាវាចម្បាំងរុស្ស៊ី ឈ្មោះ «Boikiy» បានប្រើប្រាស់លេខកូដ ID ក្លែងក្លាយ បន្លំខ្លួនទៅការពារកប៉ាល់ដឹកប្រេង The Sierra និង The Naxos ដែលរងទណ្ឌកម្ម ដើម្បីបើកឆ្លងកាត់ដែនទឹកអង់គ្លេស។ យោងតាមការចេញផ្សាយ របស់ទីភ្នាក់ងារព័ត៌មាន BBC កាលពីថ្ងៃអង្គារ ទី២៤ ខែមិថុនា បាឲ្យដឹងថា នាវាមួយគ្រឿងនេះ បានអមដំណើរ ជាមួយនាវាដឹកប្រេង ដែលរងការដាក់ទណ្ឌកម្ម ពីអង់គ្លេស និងអឺរ៉ុប កាលពីថ្ងៃសៅរ៍ ហើយ ថែមទាំងបង្ហាញពីរូបភាព បានបើកឆ្លងកាត់ ក្រោមស្ពាននៅប្រទេស ដាណឺម៉ាក ទៀតផង។ លោក Frederik Van Lokeren អ្នកវិភាគ និងជាអតីតអនុសេនីយ៍ឯក នៅក្នុងកងនាវាចរ ប្រទេសបែលហ្ស៊ិក បានកត់សម្គាល់ថា រុស្ស៊ីបានបិទសញ្ញា ប្រព័ន្ធកំណត់អត្តសញ្ញាណដោយស្វ័យប្រវត្តិ ហៅកាត់ AIS ទើបអាចបំភាន់ភ្នែក របស់ក្រុមអ្នកឃ្លាំមើល បាន។ លោកអះអាងថា ដោយសារតែ សកម្មភាពតាមដានរបស់លោកខាងលិច…

វ៉ាស៊ីនតោន ៖ មន្ទីរបញ្ចកោណនៃក្រសួងការពារជាតិអាមេរិកទើបទទួលជោគជ័យ ក្នុងការសាកល្បងប្រព័ន្ធរ៉ាដារយៈចម្ងាយឆ្ងាយក្នុងរដ្ឋអាឡាស្កា ដែលអាចរកឃើញការគំរាមកំហែងដោយមីស៊ីលពីរុស្ស៊ី ឬចិន ហើយថ្ងៃណាមួយអាចបម្រើជាឧបករណ៍ចាប់សញ្ញានៅក្នុងប្រព័ន្ធខែលការពារមីស៊ីល Golden Dome របស់សហរដ្ឋអាមេរិក។ មន្ទីរបញ្ចកោណ នៅថ្ងៃអង្គារ បានលើកឡើងថា រ៉ាដាចាប់សញ្ញាគ្រប់ប្រភេទរយៈចម្ងាយឆ្ងាយ ហៅកាត់ (LRDR) បានទទួលជោគជ័យ ក្នុងការតាមដាន និងរាយការណ៍ពីទិន្នន័យគោលដៅមីស៊ីល។ ទាំងនេះគឺជាកិច្ចការសំខាន់សម្រាប់គម្រោង Golden Dome តម្លៃ ១៧៥ពាន់លានដុល្លារ ដែលមានគោលបំណងការពារ បានទាំងអាមេរិក និងសម្ព័ន្ធមិត្តប្រឆាំងជាមួយមីស៊ីលបាលីស្ទិក។ ទីភ្នាក់ងារការពារមីស៊ីលអាមេរិក (MDA) រួមជាមួយកងកម្លាំងអវកាសអាមេរិក និងបញ្ជាការខាងជើងអាមេរិក បានធ្វើការសាកល្បងនេះ នៅស្ថានីយ៍កងកម្លាំងអវកាស Clear ក្នុងរដ្ឋអាឡាស្កា កាលពីថ្ងៃទី២៣ ខែមិថុនា។ រ៉ាដារយៈចម្ងាយឆ្ងាយ (LRDR) របស់ក្រសួងការពារជាតិអាមេរិក នៅតំបន់អាឡាស្កាភាគកណ្តាលនោះ ត្រូវបានសាងសង់ដោយក្រុមហ៊ុន Lockheed Martin ដែលជាផ្នែកមួយនៃប្រព័ន្ធការពារមីស៊ីលមានមូលដ្ឋានលើដីគោកដែលមានស្រាប់។ ប្រព័ន្ធនេះបង្កើតឡើងដើម្បីបង្កើនប្រសិទ្ធភាពនៃឧបករណ៍ស្ទាក់ចាប់ ដែលមានមូលដ្ឋាននៅរដ្ឋអាឡាស្កា និងកាលីហ្វ័រញ៉ា ដែលបច្ចុប្បន្នកំពុងរង់ចាំការបាញ់ទម្លាក់មីស៊ីលដែលចូលមកទឹកដីអាមេរិក ដោយអ៊ីរ៉ង់ ឬកូរ៉េខាងជើង។ យ៉ាងណា ដោយមានការបំផុសគំនិតពីប្រព័ន្ធខែលការពារមីស៊ីល Iron Dome…

អូស្លូ ៖ ចក្រភពអង់គ្លេសមានផែនការបញ្ជាទិញយន្តហោះចម្បាំងប្រភេទ F-35A ចំនួន ១២គ្រឿងពីសហរដ្ឋអាមេរិក ក្នុងតម្លៃសរុបខ្ទង់ ១.២ពាន់លានដុល្លារ ដោយយន្តហោះទាំងនេះ មានសមត្ថភាពទុកគ្រាប់បែកនុយក្លេអ៊ែរ B-61 នេះបើតាមការចេញផ្សាយរបស់សារព័ត៌មាន BBC។ វិមាន Downing Street បាននិយាយថា ការទិញយន្តហោះចម្បាំងពីក្រុមហ៊ុន Lockheed Martin នេះ នឹងអនុញ្ញាតឱ្យកងកម្លាំងអាកាសរបស់អង់គ្លេស អាចផ្ទុកគ្រាប់បែកនុយក្លេអ៊ែរបានជាលើកដំបូងក្នុងរយៈពេលរាប់ទសវត្សរ៍។ នាយករដ្ឋមន្ត្រីអង់គ្លេស លោក Keir Starmer បាននិយាយក្នុងសេចក្តីថ្លែងការណ៍មួយថា នៅក្នុងយុគសម័យនៃភាពមិនប្រាកដប្រជាជ្រុលនិយមបែបនេះ អង់គ្លេសមិនអាចព្រងើយកន្តើយនឹងសន្តិភាពបានទៀតទេ ហើយនេះជាមូលហេតុដែលរដ្ឋាភិបាលអង់គ្លេស កំពុងវិនិយោគលើសន្តិសុខជាតិរបស់ខ្លួន។ អង់គ្លេសនិយាយថា ការទិញយន្តហោះចម្បាំងនេះនឹងអនុញ្ញាតឱ្យខ្លួនរួមចំណែកនូវអ្វីដែលគេហៅថា យន្តហោះដែលមានសមត្ថភាពពហុមុខងារជួយដល់អង្គការណាតូ ដើម្បីផ្ទុកអាវុធនុយក្លេអ៊ែរក្នុងករណីមានជម្លោះ។ អង់គ្លេសក៏បានប្ដេជ្ញាដែរថា នឹងបង្កើនថវិកាការពារជាតិ និងសន្តិសុខរបស់ខ្លួនដល់ ៥% នៃផលិតផលក្នុងស្រុកសរុបនៅឆ្នាំ២០២៥ ដើម្បីបំពេញតាមគោលដៅរបស់ណាតូ។ ស្របពេលជាមួយគ្នានេះ អគ្គលេខាធិការអង្គការណាតូ លោក Mark Rutte និយាយថា ការសម្រេចចិត្តរបស់អង់គ្លេស គឺជាការរួមចំណែកដ៏រឹងមាំមួយទៀតរបស់ទីក្រុងឡុងដ៍ ចំពោះសម្ព័ន្ធយោធាណាតូ។ យោងតាមសារព័ត៌មាន CNN បានឱ្យដឹងថា យន្តហោះចម្បាំងជំនាន់ទី៥…

បរទេស៖ ប្រធានាធិបតីអាមេរិក លោក Donald Trump កាលពីថ្ងៃអង្គារ បានក្លាយជាបេក្ខភាព ទទួលពានរង្វាន់ណូបែលសន្តិភាព ក្រោយជួយឲ្យមានបទឈប់បាញ់ រវាងអ៊ីស្រាអែល-អ៊ីរ៉ង់ នេះបើតាមការចុះផ្សាយ របស់ទីភ្នាក់ងារព័ត៌មាន The News York Post។ តាមរយៈលិខិតមួយ ផ្ញើទៅកាន់គណៈកម្មាធិការណូបែលន័រវេស Norwegian Nobel Committee លោក Buddy Carter សមាជិកសភា មកពីគណបក្សសាធារណរដ្ឋ បានរៀបរាប់ពីតួនាទី ដ៏អស្ចារ្យ និងជាប្រវត្តិសាស្ត្ររបស់លោក ក្នុងការឈានទៅដល់ការបញ្ចប់ជម្លោះប្រដាប់អាវុធ រវាងអ៊ីស្រាអែល និងអ៊ីរ៉ង់ ហើយចាត់ទុក លោកប្រធានាធិបតី ទើបឈានដល់វ័យ ៧៩ឆ្នាំរូបនេះថា ជាអ្នកការពារ ទប់ស្កាត់អំពើភេរវកម្ម ដ៍សាហាវបំផុត នៅលើភពផែនដី។ គួរបញ្ជាក់ថា សមាជិកសភាជាតិ, សាស្ត្រាចារ្យសាកលវិទ្យាល័យ និងអ្នកផ្សេងទៀត អាចដាក់ការតែងតាំង សម្រាប់ពានរង្វាន់នេះ។ ប៉ុន្តែ លោក Trump ខ្លួនឯង បានបញ្ជាក់យ៉ាងច្បាស់ថា គាត់មិនរំពឹងថា នឹងឈ្នះពានរង្វាន់នេះទេ។ លោក Trump…