វ៉ាស៊ីនតោន ៖ ទីបំផុត តុលាការកំពូលអាមេរិក នៅថ្ងៃទី២៣ ខែមិថុនា បានបើកភ្លើងខៀវឱ្យរដ្ឋបាលលោកប្រធានាធិបតី ដូណាល់ ត្រាំ មានសិទ្ធិនិរទេសជនអន្តោប្រវេសន៍ទៅកាន់ប្រទេសទីបី។ ជាមួយគ្នានេះ រដ្ឋបាលរបស់លោក ត្រាំ បានសាទរចំពោះសេចក្តីសម្រេចរបស់តុលាការកំពូល។ ករណីនេះមានជាប់ពាក់ព័ន្ធនឹងជនចំណាកស្រុកមកពីប្រទេសចំនួន៨ មានដូចជាមីយ៉ាន់ម៉ា ស៊ូដង់ខាងត្បូង គុយបា ម៉ិកស៊ិក ឡាវ និងវៀតណាម ដែលត្រូវបាននិរទេសកាលពីខែឧសភា តាមជើងហោះហើរទៅកាន់ប្រទេសស៊ូដង់ខាងត្បូង។ ឧបការីទទួលបន្ទុកកិច្ចការសាធារណៈនៃក្រសួងសន្តិសុខមាតុភូមិអាមេរិក (DHS) លោកស្រី Tricia McLaughlin បាននិយាយនៅក្នុងសេចក្តីថ្លែងការណ៍មួយថា សេចក្តីសម្រេចនេះ គឺជាជ័យជម្នះសម្រាប់សុវត្ថិភាព និងសន្តិសុខរបស់ប្រជាជនអាមេរិក។ លោកស្រីថា ការនិរទេសជនអន្តោប្រវេសន៍នឹងធ្វើឡើងតាមរយៈជើងហោះហើរ ហើយក្រសួងសន្តិសុខមាតុភូមិនឹងអាចអនុវត្តសិទ្ធិអំណាចស្របច្បាប់របស់ខ្លួន និងដកជនបរទេសខុសច្បាប់ទៅកាន់ប្រទេសដែលមានបំណងទទួលយកពួកគេ។ គួរកត់សម្គាល់ សេចក្តីសម្រេចរបស់តុលាការកំពូល ដែលមានសំឡេងភាគច្រើនដោយក្រុមអភិរក្សនិយម បានធ្វើឡើងនៅក្នុងជម្លោះផ្លូវច្បាប់ ជុំវិញកិច្ចខិតខំប្រឹងប្រែងរបស់រដ្ឋបាលលោក ត្រាំ នៅក្នុងការនិរទេសជនអន្តោប្រវេសន៍យ៉ាងឆាប់រហ័សទៅកាន់ប្រទេសផ្សេងៗក្រៅពីប្រទេសរបស់ពួកគេ៕ ប្រភព ៖ BBC ប្រែសម្រួល ៖ ឈឹម ទីណា

បរទេស ៖ ប្រធានាធិបតីអាមេរិក លោក Donald Trump បានអះអាងថា ការវាយប្រហារសងសឹករបស់អ៊ីរ៉ង់ ប្រឆាំងនឹងមូលដ្ឋានអាមេរិក នៅប្រទេសកាតា ថា ជាមីស៊ីលខ្សោយខ្លាំងណាស់ ហើយលោកថែមទាំងអរគុណ ដល់អ៊ីរ៉ង់ ដែលបានជូនដំណឹងមុន ពីការវាយប្រហារនេះ ទៀតផង។ លោក Trump បានបង្ហោះ នៅលើវេទិកាសង្គម កាលពីយប់ថ្ងៃចន្ទថា «អ៊ីរ៉ង់បានឆ្លើយតប ខ្សោយបំផុត ដែលយើងអាចរំពឹងទុក និងបានឆ្លើយតប យ៉ាងមានប្រសិទ្ធភាពបំផុត»។ លោកបានបន្ថែមថា «ខ្ញុំចង់អរគុណអ៊ីរ៉ង់ ដែលបានផ្តល់ឱ្យយើង នូវការជូនដំណឹងជាមុន ចំពោះការសងសឹកនេះ គ្មានមនុស្សស្លាប់ និង គ្មាននរណាម្នាក់ រងរបួសទេ»។ លោក Trump បានបន្ថែមថា «ប្រហែលជា ពេលនេះ អ៊ីរ៉ង់អាចបន្តឆ្ពោះ ទៅរកសន្តិភាព និងភាពសុខដុមរមនា នៅក្នុងតំបន់ ហើយខ្ញុំនឹងលើកទឹ កចិត្តអ៊ីស្រាអែល ធ្វើដូចគ្នា»៕ ប្រភពពី AFP ប្រែសម្រួល៖ សារ៉ាត

ប៉េកាំង ៖ ប្រទេសចិននឹងរៀបចំពិធីព្យុហយាត្រាយោធាដ៏ធំសម្បើមមួយ ដើម្បីរំលឹកដល់ខួបបញ្ចប់សង្គ្រាមលោកលើកទី២។ នេះជាលើកទី២ហើយ ដែលចិនរៀបចំព្រឹត្តិការណ៍សម្ញែងយោធាខ្នាតយក្សបែបនេះ ខណៈដែលជម្លោះបានផ្ទុះឡើងជុំវិញពិភពលោក ហើយចុងក្រោយនេះ គឺជម្លោះអ៊ីរ៉ង់ និងអ៊ីស្រាអែល។ ព្យុហយាត្រាយោធានេះ នឹងប្រារព្ធឡើងនៅទីលាន ធានអានមិន ក្នុងរដ្ឋធានីប៉េកាំង នៅថ្ងៃទី៣ ខែកញ្ញាខាងមុខ ពោលគឺមួយទសវត្សរ៍បន្ទាប់ពីកងទ័ពរំដោះប្រជាជនចិន បានចាប់ផ្តើមក្បួនដង្ហែរទិវាជ័យជំនះជាលើកដំបូង។ ព្រឹត្តិការណ៍បង្ហាញសាច់ដុំយោធានេះដែរ ក៏ជាផ្នែកមួយនៃពិធីរំលឹកខួប ៨០ឆ្នាំ ចាប់តាំងពីប្រទេសចិនបានយកឈ្នះលើប្រទេសជប៉ុន និងជ័យជម្នះជាសកលប្រឆាំងនឹងពួកហ្វាស៊ីសនិយម នេះបើតាមការបញ្ជាក់របស់លោក ហ៊ូ ហ៊ីពីង អនុប្រធាននាយកដ្ឋានផ្សព្វផ្សាយរបស់បក្សកុម្មុយនិស្តចិន បានប្រាប់អ្នកយកព័ត៌មាននៅថ្ងៃអង្គារ។ វិមានក្រឹមឡាំងបានប្រកាសកាលពីសប្តាហ៍មុនថា លោកប្រធានាធិបតីរុស្ស៊ី វ្ល៉ាឌីមៀ ពូទីន ក៏នឹងធ្វើទស្សនកិច្ចទៅកាន់ប្រទេសចិន ចាប់ពីថ្ងៃទី៣១ ខែសីហាដល់ថ្ងៃទី៣ ខែកញ្ញា ដើម្បីចូលរួមព្រឹត្តិការណ៍នេះ និងជួបពិភាក្សាជាមួយមេដឹកនាំចិន លោក ស៊ី ជីនពីង នៅថ្ងៃទី២ ខែកញ្ញា។ រីឯលោកប្រធានាធិបតីបេឡារុស អាឡិចសាន់ឌើ លូកាសិនកូ ក៏ត្រូវបានរំពឹងថា នឹងចូលរួមផងដែរ។ សូមរម្លឹកថា លោកប្រធានាធិបតី ពូទីន ព្រមទាំងមេដឹកនាំមកពីប្រទេសប្រហែល៣០ផ្សេងទៀត ភាគច្រើននៅសកលលោកខាងត្បូង បានចូលរួមក្បួនដង្ហែរទិវាជ័យជំនះលើកដំបូងរបស់ប្រទេសចិនក្នុងឆ្នាំ២០១៥ ដើម្បីរំលឹកខួបលើកទី៧០។…

បរទេស ៖ មេដឹកនាំប្រទេសរុស្ស៊ី លោក ពូទីន បានប្រកាសថ្កោលទោស ការវាយប្រហារលើអ៊ីរ៉ង់ ដោយនិយាយបន្ថែមថា រុស្ស៊ីនឹងព្យាយាមជួយជនជាតិអ៊ីរ៉ង់។ ប្រធានាធិបតីរុស្ស៊ី លោក វ្ល៉ាឌីមៀ ពូទីន បានថ្កោលទោស ការវាយប្រហារ លើទីក្រុងតេអេរ៉ង់ថា ជា «ការឈ្លានពាន» ហើយនិយាយថា ទីក្រុងមូស្គូ កំពុងព្យាយាម ជួយប្រជាជនអ៊ីរ៉ង់។ លោកពូទីន បានអះអាងបែបនេះ ក្នុងពេលទទួលជួប រដ្ឋមន្ត្រីការបរទេសអ៊ីរ៉ង់ លោក Abbas Araghchi នៅទីក្រុងមូស្គូ កាលពីថ្ងៃចន្ទ។ បើតាមកាសែត RT បានចុះផ្សាយបន្ថែមថា ក្នុងជំនួបនោះលោក ពូទីន បានបន្ថែមថា សកម្មភាពរបស់អ៊ីស្រាអែល និងអាមេរិក គឺ «មិនស្របច្បាប់» និង រំលោភលើបទដ្ឋានអន្តរជាតិ។ លោក Araghchiបានយល់ស្របនឹងការវាយតម្លៃ របស់លោក Putin ដោយនិយាយថា «រុស្ស៊ី សព្វថ្ងៃ ឈរនៅលើភាពត្រឹមត្រូវ នៃប្រវត្តិសាស្ត្រ និង ច្បាប់អន្តរជាតិ»។អ្នកការទូត រូបនេះ…