បរទេស៖ ទោះបីជាអាមេរិកបានទម្លាក់គ្រាប់បែកយ៉ាងដំណំ លើប្រទេសអ៊ីរ៉ង់ក៏ដោយ អង់គ្លេសបានចេញមុខប្រាប់ ទៅរដ្ឋាភិបាលក្រុងតេអេរ៉ង់ ឲ្យចូលតុចរចាជាមួយរដ្ឋាភិបាលក្រុងវ៉ាស៊ីងតោន ឡើងវិញ។ នាយករដ្ឋមន្ត្រីអង់គ្លេស លោក Keir Starmer បានអំពាវនាវឱ្យអ៊ីរ៉ង់ “ត្រឡប់ទៅតុចរចា” ជុំវិញមហិច្ឆតានុយក្លេអ៊ែរ របស់ខ្លួន បន្ទាប់ពីសហរដ្ឋអាមេរិក បានធ្វើការវាយប្រហារ លើទីតាំងនុយក្លេអ៊ែរអ៊ីរ៉ង់។ លោក Starmer បាននិយាយ នៅលើបណ្តាញសង្គម X ថា “អ៊ីរ៉ង់មិនអាចត្រូវបានអនុញ្ញាតឱ្យអភិវឌ្ឍអាវុធនុយក្លេអ៊ែរបានទេ ហើយសហរដ្ឋអាមេរិកបានចាត់វិធានការដើម្បីកាត់បន្ថយការគំរាមកំហែងនោះ” ដោយបន្ថែមប្រាប់ថា “ស្ថិរភាពនៅក្នុងតំបន់ គឺជាអាទិភាព” ។ នាយករដ្ឋមន្ត្រីអង់គ្លេស រូបនេះ បានលើកឡើងថា «យើងអំពាវនាវឱ្យអ៊ីរ៉ង់ ត្រលប់ទៅតុចរចា និងឈានដល់ដំណោះស្រាយការទូត ដើម្បីបញ្ចប់វិបត្តិនេះ»។ គួរបញ្ជាក់ថា លោក ប្រធានាធិបតីអាមេរិក Donald Trump បានប្រកាស នៅព្រឹកថ្ងៃអាទិត្យនេះថា កងកម្លាំងយោធាអាមេរិក បានទម្លាក់គ្រាប់បែក ទៅលើទីតាំងនុយក្លេអ៊ែរអ៊ីរ៉ង់ ចំនួនបី ហើយលោក Trump អះអាងថា នឹងបន្តវាយប្រហារ បើ អ៊ីរ៉ង់ មិនព្រមស្វែងរកសន្តិភាព៕…

បរទេស ៖ ភ្លាមៗ ក្រោយពេលអាមេរិក បានទម្លាក់គ្រាប់បែក លើរោងចក្ររបស់ខ្លួន ចំនួន៣កន្លែង អ៊ីរ៉ង់បានបាញ់មីស៊ីល ចូលតំបន់ភាគកណ្តាល នៃទឹកដីអ៊ីស្រាអែល បណ្តាលឲ្យរបួសមនុស្សធ្ងន់ ស្រាល ចំនួន១៦នាក់។ ទូរទស្សន៍រដ្ឋអ៊ីរ៉ង់ KAN 11 បានបង្ហាញរូបភាព នៃអគារ ដែលត្រូវបានបំផ្លិចបំផ្លាញ ជាមួយនឹងគំនរបាក់បែក ដែលខ្លួនបាននិយាយថា ស្ថិតនៅកណ្តាល ប្រទេសអ៊ីស្រាអែល បន្ទាប់ពីរលកនៃកាំជ្រួចមីស៊ីល បាញ់ទៅលើអ៊ីស្រាអែល ចាប់ពីម៉ោងប្រហែល ៧.៣០នាទីព្រឹក ថ្ងៃអាទិត្យនេះ។ ស៊ីរ៉ែនបានបន្លឺឡើង ជុំវិញប្រទេសអ៊ីស្រាអែល បន្ទាប់ពីកងទ័ពបានរាយការណ៍ពីកាំជ្រួចដែលហោះចូលមក បណ្តាលឱ្យមានការផ្ទុះយ៉ាងខ្លាំង នៅក្នុងទីក្រុង Tel Aviv និង Jerusalem ។ គួរបញ្ជាក់ថា លោក ប្រធានាធិបតីអាមេរិក Donald Trump បានប្រកាស នៅព្រឹកថ្ងៃអាទិត្យនេះថា កងកម្លាំងយោធាអាមេរិក បានទម្លាក់គ្រាប់បែក ទៅលើទីតាំងនុយក្លេអ៊ែរអ៊ីរ៉ង់ ចំនួនបី Fordow, Natanz និង Esfahan ជាហេតុនាំឲ្យមានការរុញច្រានសហរដ្ឋអាមេរិក ចូលទៅក្នុងជម្លោះមជ្ឈិមបូព៌ា…

បរទេស៖ ប្រធានាធិបតីអាមេរិក លោក Donald Trump ប្រាប់ឲ្យអ៊ីរ៉ង់ ងាកមកស្វែងរកសន្តិភាព ក្រោយពេលអាមេរិក បានទម្លាក់គ្រាប់បែក កម្ទេចរោងចក្រនុយក្លេអ៊ែរ របស់អ៊ីរ៉ង់ ចំនួន៣កន្លែង។ លោក Donald Trump បាននិយាយថា ការវាយប្រហារតាមអាកាស របស់សហរដ្ឋអាមេរិក នៅថ្ងៃអាទិត្យនេះ បាន “បំផ្លាញចោលទាំងស្រុង” នូវរោងចក្រចម្រាញ់នុយក្លេអែរសំខាន់ៗ របស់អ៊ីរ៉ង់ ហើយបានព្រមានអំពីការវាយប្រហារ បន្ថែមទៀត ដែលនឹងកើតឡើង ប្រសិនបើទីក្រុងតេអេរ៉ង់ មិនស្វែងរកសន្តិភាព ឲ្យបានលឿនទេ។ នេះគឺជាសុន្ទរកថា តាមទូរទស្សន៍ ទៅកាន់ប្រជាជាតិ ចេញពីសេតវិមាន បន្ទាប់ពីសហរដ្ឋអាមេរិកបានចូលរួម ក្នុងយុទ្ធនាការផ្លូវអាកាស ជាមួយអ៊ីស្រាអែល ប្រឆាំងនឹងទីក្រុងតេអេរ៉ង់។ លោក Trump បានហៅការវាយប្រហារ របស់សហរដ្ឋអាមេរិកថា ជា “ជោគជ័យខាងយោធាដ៏អស្ចារ្យ”។ លោក Trump និយាយបន្ថែមថា «បើអ៊ីរ៉ង់ នៅតែមិនព្រម ការវាយប្រហារ នាពេលអនាគត នឹងកាន់តែធំ»។ លោក Trump បានប្រកាស នៅព្រឹកថ្ងៃអាទិត្យនេះថា…

បរទេស ៖ មេដឹកនាំអ៊ីស្រាអែល លោក Netanyahu បានថ្លែងសាទរ និងអរគុណដល់លោក Trump ដែលបានសម្រេចឲ្យអាមេរិកទម្លាក់គ្រាប់បែក លើទីតាំងនុយក្លេអ៊ែររបស់អ៊ីរ៉ង់ ដោយលោកបញ្ជាក់ថា ជា «ចំណុចរបត់ ប្រវត្តិសាស្ត្រ» នៅមជ្ឈិមបូព៌ា។ លោក Netanyahu បានថ្លែងថា «សូមអបអរសាទរ លោក Trump លើការសម្រេចចិត្ត ដ៏ក្លាហានរបស់អ្នក ដើម្បីកំណត់គោលដៅ ទីតាំងនុយក្លេអ៊ែររបស់អ៊ីរ៉ង់ នឹងផ្លាស់ប្តូរប្រវត្តិសាស្រ្ត»។ លោកបានបន្ថែមថា ប្រតិបត្តិការនេះ ធ្វើឡើងទាន់ពេលវេលា ដ៏សំខាន់ ហើយប្រវត្តិសាស្ត្រនឹងកត់ត្រាថា លោកប្រធានាធិបតី Trump បានធ្វើសកម្មភាព ដើម្បីបដិសេធរបបដ៏គ្រោះថ្នាក់បំផុត របស់ពិភពលោក ដែលជាអាវុធដ៏គ្រោះថ្នាក់បំផុត របស់ពិភពលោក ដោយលោកចង់សំដៅ លើអាវុធនុយក្លេអ៊ែរអ៊ីរ៉ង់ ប៉ុន្តែ អ៊ីរ៉ង់តែងតែបដិសេធថា ខ្លួនមិនបានផលិតទេ គឺជាកម្មវិធីបម្រើ ដល់វិស័យស៊ីវិល។ លោក ប្រធានាធិបតី Donald Trump បានប្រកាស នៅព្រឹកថ្ងៃអាទិត្យនេះថា កងកម្លាំងយោធាអាមេរិក បានទម្លាក់គ្រាប់បែក ទៅលើទីតាំងនុយក្លេអ៊ែរអ៊ីរ៉ង់ ចំនួនបី…

បរទេស ៖ លោក ប្រធានាធិបតី Donald Trump បានប្រកាស នៅព្រឹកថ្ងៃអាទិត្យនេះថា កងកម្លាំងយោធាអាមេរិក បានទម្លាក់គ្រាប់បែក ទៅលើទីតាំងនុយក្លេអ៊ែរអ៊ីរ៉ង់ ចំនួនបី ដោយបញ្ចប់រយៈពេលនៃការពិភាក្សាមួយសប្តាហ៍ ជុំវិញការចូលរួម ក្នុងយុទ្ធនាការរបស់អ៊ីស្រាអែល ប្រឆាំងនឹងទីក្រុងតេអេរ៉ង់ និងបានរុញច្រានសហរដ្ឋអាមេរិក ចូលទៅក្នុងជម្លោះមជ្ឈិមបូព៌ា ដែលកំពុងកើនឡើង។ លោក Trump បានសរសេរ នៅលើបណ្តាញសង្គម Truth Social ថា «យើងបានបញ្ចប់ការវាយប្រហារ ដោយជោគជ័យ ទៅលើទីតាំងនុយក្លេអ៊ែរ រួមមាន Fordow, Natanz និង Esfahan ដោយលោកបញ្ជាក់បន្ថែមថា «យន្តហោះចម្បាំងទាំងអស់ ឥឡូវនេះ ស្ថិតនៅក្រៅលំហអាកាសអ៊ីរ៉ង់»។ វាជាលើកដំបូង ក្នុងរយៈពេលជាច្រើនទសវត្សរ៍ ពោលគឺចាប់តាំងពីបដិវត្តន៍អ៊ីរ៉ង់ ក្នុងឆ្នាំ១៩៧៩ ដែលប្រធានាធិបតីអាមេរិកបានពង្រាយកងទ័ពអាកាស កំណត់គោលដៅវាយប្រហារទីតាំងសំខាន់ៗ របស់សាធារណរដ្ឋឥស្លាម មួយនេះ។ គួររម្លឹកថា ខណៈដែលលោក Trump កំពុងពិចារណាលើការសម្រេចចិត្តចូលរួមឬអត់នោះ អ៊ីរ៉ង់ធ្លាប់បានប្តេជ្ញា សងសឹកចំពោះការឈ្លានពាន របស់សហរដ្ឋអាមេរិក អាចនឹងវាយកម្ទេចទ្រព្យសម្បត្តិយោធារបស់អាមេរិក យ៉ាងច្រើន…

បរទេស៖ អ៊ីស្រាអែលបានប្រកាសធានាអាយុជីវិតក្រុមអ្នកជំនាញការរុស្ស៊ី ដែលកំពុងបំពេញការងារ នៅទីតាំងនុយក្លេអ៊ែរ របស់អ៊ីរ៉ង់ នេះបើតាមការលើកឡើង របស់អ្នកនាំពាក្យ វិមានក្រឹមឡាំង លោក Dmitry Peskov ចុះផ្សាយដោយទីភ្នាក់ងារព័ត៌មាន RT កាលពីថ្ងៃព្រហស្បតិ៍។ ថ្លែងទៅកាន់អ្នកសារព័ត៌មាន នៅខាងក្រៅវេទិកាសេដ្ឋកិច្ចអន្តរជាតិ St. Petersburg កាលពីថ្ងៃព្រហស្បតិ៍ លោក Peskov អះអាងថា អ៊ីស្រាអែលសន្យាផ្តល់ព័ត៌មានជាប្រចាំដល់រុស្ស៊ី ជុំវិញដំណឹងអំពីជនជាតិរុស្ស៊ីដែលធ្វើការ នៅរោងចក្រថាមពលនុយក្លេអ៊ែរ Bushehr នាភាគខាងត្បូង ប្រទេសអ៊ីរ៉ង់។ លោកបានបញ្ជាក់ទៀតថា កាលពីថ្ងៃពុធ ប្រធានាធិបតី Vladimir Putin ទទួលបានការជូនដំណឹងពីភាគីអ៊ីស្រាអែល ទាក់ទងនឹងសុវត្ថិភាព របស់អ្នកឯកទេសរុស្ស៊ី ទាំងនោះ ដោយ ទីក្រុងម៉ូស្គូ បានឈានដល់កិច្ចព្រមព្រៀង ជាមួយថ្នាក់ដឹកនាំអ៊ីស្រាអែល រួចហើយ ជុំវិញរឿងនេះ។ យ៉ាងណាមិញ RT ពុំបានចុះផ្សាយថា មានអ្នកឯកទេសរុស្ស៊ី ប៉ុន្មាននាក់ ធ្វើការ នៅទីនោះទេ។ ប៉ុន្តែ បើតាម yahoo បានចេញផ្សាយ ដោយបានដកស្រង់សម្តី…

បរទេស ៖ ខណៈកំពុងធ្វើសង្គ្រាមជាមួយអ៊ីរ៉ង់ ឈានដល់ថ្ងៃទី៨ អ៊ីស្រាអែលបានបើកការវាយប្រហារសម្ព័ន្ធមិត្ត របស់សាធារណរដ្ឋឥស្លាម មួយនេះ ជាមុន គឺ ពួក ហេសបូឡាស នៅក្នុងប្រទេសលីបង់។ ក្រសួងសុខាភិបាល ប្រទេសលីបង់ បាននិយាយថា ការវាយប្រហាររបស់អ៊ីស្រាអែល ទៅលើ លីបង់ភាគខាងត្បូង បានសម្លាប់មនុស្សម្នាក់ កាលពីថ្ងៃសុក្រ ខណៈដែលអ៊ីស្រាអែល បាននិយាយថា ខ្លួនបានសម្លាប់សមាជិក នៃក្រុមសកម្មប្រយុទ្ធ Hezbollah ដែលគាំទ្រដោយអ៊ីរ៉ង់។ ការវាយប្រហារនេះ បានកើតឡើង ក្រោយពេលក្រុមនេះ ទើបប្រកាសថា នឹងជួយអ៊ីរ៉ង់ ធ្វើសង្គ្រាមជាមួយអ៊ីស្រាអែល។ យ៉ាងណាមិញ អ៊ីស្រាអែលធ្លាប់អះអាងថា ខ្លួននឹងបន្តការវាយប្រហារ លើប្រទេសលីបង់ រហូតដល់ក្រុម Hezbollah ត្រូវបានរំសាយអាវុធពេញលេញ។ ខណៈដែលសង្រ្គាម របស់អ៊ីស្រាអែល ជាមួយអ៊ីរ៉ង់ បានឈានចូលដល់ថ្ងៃទី៨ រដ្ឋមន្ត្រីការពារជាតិអ៊ីស្រាអែល លោក Israel Katz បានព្រមានក្រុម Hezbollah ឱ្យជៀសចេញ ពីជម្លោះនេះ។ បេសកជនពិសេស របស់សហរដ្ឋអាមេរិកនៅស៊ីរី ក៏ទើបនិយាយថា អន្តរាគមន៍ណាមួយរបស់…