បរទេស ៖ ខណៈកំពុងធ្វើសង្គ្រាមជាមួយអ៊ីរ៉ង់ ឈានដល់ថ្ងៃទី៨ អ៊ីស្រាអែលបានបើកការវាយប្រហារសម្ព័ន្ធមិត្ត របស់សាធារណរដ្ឋឥស្លាម មួយនេះ ជាមុន គឺ ពួក ហេសបូឡាស នៅក្នុងប្រទេសលីបង់។ ក្រសួងសុខាភិបាល ប្រទេសលីបង់ បាននិយាយថា ការវាយប្រហាររបស់អ៊ីស្រាអែល ទៅលើ លីបង់ភាគខាងត្បូង បានសម្លាប់មនុស្សម្នាក់ កាលពីថ្ងៃសុក្រ ខណៈដែលអ៊ីស្រាអែល បាននិយាយថា ខ្លួនបានសម្លាប់សមាជិក នៃក្រុមសកម្មប្រយុទ្ធ Hezbollah ដែលគាំទ្រដោយអ៊ីរ៉ង់។ ការវាយប្រហារនេះ បានកើតឡើង ក្រោយពេលក្រុមនេះ ទើបប្រកាសថា នឹងជួយអ៊ីរ៉ង់ ធ្វើសង្គ្រាមជាមួយអ៊ីស្រាអែល។ យ៉ាងណាមិញ អ៊ីស្រាអែលធ្លាប់អះអាងថា ខ្លួននឹងបន្តការវាយប្រហារ លើប្រទេសលីបង់ រហូតដល់ក្រុម Hezbollah ត្រូវបានរំសាយអាវុធពេញលេញ។ ខណៈដែលសង្រ្គាម របស់អ៊ីស្រាអែល ជាមួយអ៊ីរ៉ង់ បានឈានចូលដល់ថ្ងៃទី៨ រដ្ឋមន្ត្រីការពារជាតិអ៊ីស្រាអែល លោក Israel Katz បានព្រមានក្រុម Hezbollah ឱ្យជៀសចេញ ពីជម្លោះនេះ។ បេសកជនពិសេស របស់សហរដ្ឋអាមេរិកនៅស៊ីរី ក៏ទើបនិយាយថា អន្តរាគមន៍ណាមួយរបស់…

បរទេស៖ មេដឹកនាំអាមេរិក លោក Donald Trump បាននិយាយ កាលពីថ្ងៃសុក្រ បង្ហាញពីការមើលស្រាលថា អឺរ៉ុបទំនងគ្មានលទ្ធភាព ក្នុងការបញ្ចប់សង្គ្រាម អ៊ីរ៉ង់ និងអ៊ីស្រាអែល នោះទេ។ លោក ដូណាល់ ត្រាំ ប្រធានាធិបតីអាមេរិក បាននិយាយថា មហាអំណាចអឺរ៉ុប នឹងមិនអាចជួយបញ្ចប់សង្គ្រាមអ៊ីរ៉ង់ និងអ៊ីស្រាអែល បានទេ បន្ទាប់ពីអ្នកការទូតកំពូល របស់អង់គ្លេស អាល្លឺម៉ង់ បារាំង និង សហភាពអឺរ៉ុប ទើបបានជួបមន្ត្រីអ៊ីរ៉ង់ នៅទីក្រុងហ្សឺណែវ។ លោក Trump បានប្រាប់អ្នកយកព័ត៌មាន នៅពេលទៅដល់តំបន់ Morristown រដ្ឋ New Jersey ថា «អ៊ីរ៉ង់មិនចង់និយាយ ទៅកាន់អឺរ៉ុបទេ… ពួកគេចង់និយាយជាមួយយើង… អឺរ៉ុបនឹងមិនអាចជួយ ក្នុងរឿងនេះទេ»។ មហាអំណាចអឺរ៉ុប កាលពីថ្ងៃសុក្រ បានជំរុញឱ្យអ៊ីរ៉ង់ស្តារកិច្ចខិតខំប្រឹងប្រែងការទូត ជាមួយសហរដ្ឋអាមេរិក ដើម្បីស្វែងរកដំណោះស្រាយ ក្នុងការប្រឈមមុខនឹងកម្មវិធីនុយក្លេអ៊ែររបស់ខ្លួន ប៉ុន្តែ ទីក្រុងតេអេរ៉ង់បានព្រមានថា ខ្លួនអាចពិចារណាការទូតបាន លុះត្រាតែអ៊ីស្រាអែលបញ្ឈប់ការទម្លាក់គ្រាប់បែក លើសាធារណរដ្ឋអ៊ីស្លាម…

បរទេស៖ មេដឹកនាំប្រទេសរុស្ស៊ី លោក ពូទីន បានប្រកាសបដិសេធ លើការព្យាយាម ធ្វើជាអ្នកសម្រុះសម្រួល ក្នុងសង្គ្រាម អ៊ីរ៉ង់ និងអ៊ីស្រាអែល។ នៅឯវេទិកាសេដ្ឋកិច្ចអន្តរជាតិមួយ នៅរុស្ស៊ី កាលពីថ្ងៃសុក្រ លោក ប្រធានាធិបតី Vladimir Putin បាននិយាយថា លោកមិនស្វែងរក ការធ្វើជាអ្នកសម្រុះសម្រួល រវាងអ៊ីរ៉ង់ និងអ៊ីស្រាអែលទេ ហើយគ្រាន់តែផ្តល់យោបល់ អំពីរបៀបដែលប្រទេសនានា អាចដោះស្រាយវិបត្តិ ដែលកំពុងកើនឡើង។ ការប្រកាសបដិសេធនេះ បានធ្វើឡើង ក្រោយពេលដែលគេដឹងថា វិមានក្រឹមឡាំង បានចំណាយពេល ប៉ុន្មានថ្ងៃនេះ ចង់ដាក់ទីក្រុងម៉ូស្គូ ជាអ្នកបង្កើតសន្តិភាព ដ៏មានសក្តានុពល បន្ទាប់ពីអ៊ីស្រាអែល បានបើកការវាយប្រហារលើអ៊ីរ៉ង់ ដែលបានសងសឹកវិញ ដោយការបាញ់មីស៊ីល និងបញ្ជាយន្តហោះគ្មានមនុស្សបើក ទៅវាយប្រហារលើអ៊ីស្រាអែល។ លោក ពូទីន បាននិយាយថា «យើងមិនស្វែងរក ការធ្វើសកម្មភាព ជាអ្នកសម្រុះសម្រួលទេ យើងគ្រាន់តែផ្តល់យោបល់…ប្រសិនបើពួកគេប្រែក្លាយ ទៅជាភាពទាក់ទាញ សម្រាប់ភាគីទាំងសងខាង យើងនឹងមានតែភាពសប្បាយរីករាយ»។ ទីក្រុងម៉ូស្គូ បានថ្កោលទោស ការវាយប្រហាររបស់អ៊ីស្រាអែល តែ…

បរទេស៖ អ៊ីរ៉ង់ចង់បន្តកិច្ចចរចានុយក្លេអ៊ែរ ជាមួយសហរដ្ឋអាមេរិក ប៉ុន្តែ លុះត្រាតែ ការឈ្លានពានរបស់អ៊ីស្រាអែលត្រូវបញ្ឈប់ ជាមុនសិន។ រដ្ឋមន្ត្រីការបរទេសអ៊ីរ៉ង់បានអះអាងបែបនេះ កាលពីថ្ងៃសុក្រ ពោលគឺបន្ទាប់ពីមួយថ្ងៃដែលមានកិច្ចចរចានុយក្លេអ៊ែរ នៅទីក្រុងហ្សឺណែវ រវាងរដ្ឋមន្ត្រីការបរទេសអ៊ឺរ៉ុប និង ភាគីអ៊ីរ៉ង់។ រដ្ឋមន្ត្រីការបរទេសអ៊ីរ៉ង់ លោក Abbas Araghchi មានប្រសាសន៍ថា ទីក្រុងតេអេរ៉ង់នឹងពិចារណាឡើងវិញ នូវការចរចានុយក្លេអ៊ែរ ជាមួយទីក្រុងវ៉ាស៊ីនតោន ដែលជាប់គាំង ដោយសារសង្គ្រាមជាមួយអ៊ីស្រាអែល។ លោកបន្តថា ការចរចានឹងមាន នៅពេលដែលការឈ្លានពានត្រូវបានបញ្ឈប់ ហើយអ្នកឈ្លានពាន ត្រូវទទួលខុសត្រូវ ចំពោះឧក្រិដ្ឋកម្ម ដែលខ្លួនបានប្រព្រឹត្ត។ ប្រធានាធិបតីអាមេរិក លោក ដូណាល់ ត្រាំ បាននិយាយ កាលពីថ្ងៃសុក្រថា អ៊ីរ៉ង់មានពេលពីរសប្តាហ៍ ដើម្បីជៀសវាង ការវាយប្រហារតាមអាកាស របស់អាមេរិក ដែលអាចធ្វើទៅបាន បើមិនព្រមចរចា។ ការបំផ្ទុះជាបន្តបន្ទាប់ ត្រូវបានឮ នៅក្នុងទីក្រុងតេអេរ៉ង់ របស់អ៊ីរ៉ង់ កាលពីថ្ងៃសុក្រ ខណៈដែលអ៊ីស្រាអែល បន្តវាយប្រហារ ជាអ្វីដែលខ្លួន អះអាងថា មានគោលបំណងបញ្ឈប់អ៊ីរ៉ង់ ពីការអភិវឌ្ឍអាវុធនុយក្លេអ៊ែរ ប៉ុន្តែ…

បរទេស ៖ រញ្ជួយដីកម្រិត ៥.១រ៉ិចទ័រ បានវាយប្រហារប្រទេសអ៊ីរ៉ង់ ចំពេលមានសង្រ្គាម ជាមួយអ៊ីស្រាអែល ប្រមាណជា១សប្តាហ៍ មកហើយ នេះបើតាមទីភ្នាក់ងារជំនាញរបស់អាមេរិក ហៅកាត់ USGS។ ទីភ្នាក់ងារស្ទាបស្ទង់ភូមិសាស្ត្រអាមេរិក USGS អះអាងថា ការរញ្ជួយបានអង្រួន ភាគខាងជើង ប្រទេស កាលពីថ្ងៃសុក្រ ខណៈដែលអ៊ីស្រាអែល បានវាយលុកប្រទេសអ៊ីរ៉ង់ ដោយបាញ់តាមអាកាស ម្តងហើយម្តងទៀត តែខ្លួន ក៏បានបាញ់តបត វិញដែរ។ ទីភ្នាក់ងារ USGS បាននិយាយថា គ្រោះរញ្ជួយដី បានវាយប្រហារ នៅជម្រៅ ១០គីឡូម៉ែត្រ ចម្ងាយ ប្រហែល ៣៧គីឡូម៉ែត្រ ភាគនិរតីនៃទីក្រុង Semnan ។ USGS បញ្ជាក់ថា រញ្ជួយដីមានកម្រិត ៥.១រ៉ិចទ័រ តែ ទូរទស្សន៍រដ្ឋអ៊ីរ៉ង់វិញ អះអាងថា ការរញ្ជួយដីនេះ មានកម្លាំង ៥.៥ រ៉ិចទ័រ។ ជាមួយគ្នានេះ ទីភ្នាក់ងារព័ត៌មានផ្លូវការអ៊ីរ៉ង់ IRNA បានរាយការណ៍ថា មិនមានអ្នកស្លាប់និងរបួសទេ…

វ៉ាស៊ីនតោន ៖ លោកប្រធានាធិបតីអាមេរិក Donald Trump បានអនុម័តជាសម្ងាត់នូវផែនការសម្រាប់ការវាយប្រហារដោយផ្ទាល់របស់សហរដ្ឋអាមេរិកប្រឆាំងនឹងប្រទេសអ៊ីរ៉ង់ ប៉ុន្តែមិនទាន់បានចេញបញ្ជាឱ្យដំណើរការផង ស្រាប់តែអ៊ីស្រាអែលបើកយុទ្ធការនេះរួចបាត់ទៅហើយ នេះបើតាមកាសែត The Wall Street Journal ចេញផ្សាយកាលពីថ្ងៃទី១៩ ខែមិថុនា ឆ្នាំ២០២៥។ សារព័ត៌មាន RT បានរាយការណ៍ថា លោកប្រធានាធិបតី Trump បានធ្វើការគំរាមកំហែងដោយផ្ទាល់ប្រឆាំងនឹងអ៊ីរ៉ង់ក្នុងរយៈពេលប៉ុន្មានថ្ងៃថ្មីៗនេះ ហើយបានយល់ស្របនឹងការអះអាងរបស់អ៊ីស្រាអែល ដែលថា អ៊ីរ៉ង់ជិតផលិតបានអាវុធនុយក្លេអ៊ែរហើយ ពោលគឺមិនដល់ពីរសប្តាហ៍ទៀតទេ។ កាសែត The Wall Street Journal បានចេញផ្សាយកាលពីថ្ងៃពុធថា លោក Donald Trump សង្ឃឹមថា ការគំរាមរបស់អាមេរិក ក្នុងការចូលរួមយុទ្ធនាការទម្លាក់គ្រាប់បែករបស់អ៊ីស្រាអែល នឹងបង្ខំឱ្យអ៊ីរ៉ងបំពេញតាមការទាមទាររបស់គាត់ នោះគឺការចុះចាញ់សង្គ្រាមដោយគ្មានលក្ខខណ្ឌ។ ជាការឆ្លើយតប ក្រៅពីការវាយប្រហារដោយមីស៊ីលសងសឹកអ៊ីស្រាអែលវិញ អ៊ីរ៉ង់ក៏បានព្រមានខ្លាំងៗដល់អាមេរិកដែរថា ការអន្តរាគមន៍យោធាណាមួយដោយទីក្រុងវ៉ាស៊ីនតោន នឹងត្រូវប្រឈមមុខនូវផលវិបាកធ្ងន់ធ្ងរបំផុត ដែលមិនអាចជួសជុលបានសម្រាប់សហរដ្ឋអាមេរិកខ្លួនឯង។ ការព្រមានរបស់អ៊ីរ៉ង់ខាងលើនេះ កើតឡើងស្របពេលដែលសារព័ត៌មាន Axios បានដកស្រង់សម្តីមន្ត្រីអនាមិកម្នាក់ចុះផ្សាយកាលពីថ្ងៃពុធថា លោកប្រធានាធិបតី Trump បានសួរទីប្រឹក្សារបស់គាត់ថាតើគ្រាប់បែកដ៏ធំរបស់អាមេរិក (MOP) អាចជ្រាបចូល…

អង់ការ៉ា ៖ លោកប្រធានាធិបតីតួកគី Tayyip Erdogan បានថ្កោលទោសការឈ្លានពានរបស់អ៊ីស្រាអែលនៅតំបន់ហ្កាហ្សា និងការវាយប្រហារជាបន្តបន្ទាប់លើអ៊ីរ៉ង់ ហើយថែមទាំងចាត់ទុកលោកនាយករដ្ឋមន្ត្រី Benjamin Netanyahu សាហាវព្រៃផ្សៃជាងអតីតមេដឹកនាំប្រល័យពូជសាស លោក Adolf Hitler ទៅទៀត។ ក្នុងកំលុងសម័យប្រជុំសភាជាមួយគណបក្សកាន់អំណាច AK កាលពីថ្ងៃព្រហស្បតិ៍ លោកប្រធានាធិបតីតួកគី Erdogan បានលើកឡើងថា បើមើលរូបថត និងវីដេអូពីសង្គ្រាមលោកលើកទី២ គឺដូចនឹងអ្វីដែលយើងឃើញនៅហ្កាហ្សាអ៊ីចឹងដែរ។ ហើយលោកនាយករដ្ឋមន្រ្តី Netanyahu គឺសាហាវជាងជនផ្តាច់ការ Hitler ទៅទៀត បើនិយាយពីឧក្រិដ្ឋកម្មប្រល័យពូជសាសន៍។ ក្រៅពីថ្លែងដិះដៀលមេដឹកនាំអ៊ីស្រាអែល លោកប្រធានាធិបតី Erdogan បានគូសបញ្ជាក់ថា តួកគីនឹងធ្វើគ្រប់យ៉ាង ដើម្បីបញ្ចប់ភាពសាហាវព្រៃផ្សៃអមនុស្សធម៌មិនមែនតែនៅអ៊ីរ៉ង់ និងហ្កាហ្សាទេ ថែមទាំងនៅអ៊ីរ៉ង់ ស៊ីរី លីបង់និងយេម៉ែនផងដែរ ហើយរដ្ឋាភិបាលទីក្រុងអ៊ីស្តង់ប៊ុលត្រៀមរួចជាស្រេច សម្រាប់ការវិវឌ្ឍ ឬសេណារីយ៉ូអវិជ្ជមានណាមួយ។ គួរកត់សម្គាល់ ចាប់តាំងពីអ៊ីស្រាអែលបើកប្រតិបត្តិការ «Risisng Lion» បំផ្លាញកម្មវិធីនុយក្លេអ៊ែរអ៊ីរ៉ង់ កាលពីថ្ងៃសុក្រទី១៣ ខែមិថុនា បានសម្លាប់មនុស្ស ៦៣៩នាក់ និង១.៣២៩នាក់ទៀតរងរបួស ហើយក្នុងចំណោមនោះ មាន…

បរទេស៖ នាយករដ្ឋមន្ត្រីថៃ លោកស្រី ផែថងថាន ស៊ីណាវ៉ាត់ បានលុបចោលដំណើរទស្សនកិច្ច ដែលបានគ្រោងទុក ទៅកាន់ប្រទេសបែលហ្សិក ដែលស្ថិតនៅក្នុងទ្វីបអឺរ៉ុប ចាប់ពីថ្ងៃទី ២៩ ខែមិថុនា ដល់ថ្ងៃទី ៤ ខែកក្កដា ខណៈដែលលោកស្រីផ្តោតលើការគ្រប់គ្រងស្ថានការណ៍នយោបាយនៅក្នុងស្រុក ដែលកំពុងឡើងកម្តៅខ្លាំង។ ប្រភពពីវិមានរដ្ឋាភិបាលបាលបានលាតត្រដាងថា ដោយសារតែកម្តៅនយោបាយនាពេលបច្ចុប្បន្ន លោកស្រី ផែថងថាន បានកែសម្រួលកាលវិភាគ ឡើងវិញ៕ ប្រភព៖ The Nation ប្រែសម្រួល៖ សារ៉ាត

បរទេស ៖ យោងតាមការចុះផ្សាយ របស់កាសែត Thairath កាលពីព្រឹកថ្ងៃទី២០ ខែមិថុនានេះ លោកស្រី ផែថងថាន នាយករដ្ឋមន្ត្រីថៃ ត្រូវបានមីក្រូហ្វូន របស់អ្នកកាសែត ធ្លាក់ត្រូវក្បាល ក្នុងពេលមានវត្តមាន នៅក្នុងខេត្ត Ubon Ratchathani។ អំឡុងពេលនោះ លោកស្រី ផែថងថាន ស៊ីណាវ៉ាត្របានលាន់មាត់ ហាក់បង្ហាញពីការឈឺ បន្តិចបន្តួច ដោយប្រាប់ថា «ត្រូវចំក្បាលខ្ញុំហើយ» ប៉ុន្តែ បន្ទាប់មក លោកស្រីបានប្រែទឹកមុខ មកញញឹម វិញ ហើយប្រាប់អ្នកសារព័ត៌មានវិញ ថា «មិនអីទេ»។ ហេតុការណ៍នេះ បានកើតឡើង ក្នុងពេលដែល លោកស្រី នាយករដ្ឋមន្ត្រី បានអញ្ជើញទៅសួរសុខទុក្ខ ប្រជាពលរដ្ឋ នៅឃុំ Dom Pradit ស្រុក Nam Yuen ខេត្ត Ubon Ratchathani ដោយពេលនោះ ក៏មានការស្វាគមន៍ពីអ្នកភូមិ ជាច្រើននាក់ ដែលចង់ប្រគល់ផ្កា ជូនលោកស្រី ផងដែរ។…

បរទេស៖ មានការផ្ទុះគ្រាប់បែក ៣លើក ផ្ទួនៗគ្នា នៅកន្លែងរៀបចំ ពិព័រណ៍មួយ ស្ថិតក្នុងខេត្តប៉ាតានី ភាគខាងត្បូង ប្រទេសថៃ បណ្តាលឲ្យរបួសមនុស្ស ចំនួន៧នាក់ រួមមាន អ្នកលក់ដូរ ៥នាក់ និង នគរបាល ២នាក់ កាលពីព្រឹកថ្ងៃសុក្រ ទី២០ ខែមិថុនានេះ។ ផ្អែកតាមការចុះផ្សាយ របស់ទីភ្នាក់ងារព័ត៌មាន Bangkok Post ប៉ូលីសបានប្រាប់ថា គ្រាប់បែកទីមួយ បានផ្ទុះ នៅម៉ោង៤.៤៤នាទីព្រឹក នៅក្នុងស្តង់សន្តិសុខ ដែលមានទីតាំង ស្ថិតនៅលើផ្លូវ Suan Somdet ភូមិ Moo 6 នៃស្រុក Tambon Rumamilae។ បន្តិចក្រោយមក គ្រាប់បែកទីពីរ និងទីបី បានផ្ទុះ នៅចម្ងាយប្រហែល ៤០០ ម៉ែត្រ ពីកន្លែងកើតហេតុទីមួយ។ នាយឧត្តមសេនីយ៍ Santhat Chuephuttan ស្នងការប៉ូលិសខេត្តប៉ាតានី ប្រាប់ថា ផ្អែកតាមការស៊ើបអង្កេត និងពិនិត្យមើលកាំមេរ៉ាសុវត្ថិភាព CCTV…