សហរដ្ឋអាមេរិក នៅថ្ងៃអង្គារ ប្រកាសផ្តល់ប្រាក់រង្វាន់ចំនួន ៥លានដុល្លារសម្រាប់ព័ត៌មានអំពីការទម្លាក់គ្រាប់បែកពីលើយន្តហោះកាលពីឆ្នាំ ១៩៩៤ នៅប្រទេសប៉ាណាម៉ា ខណៈហេតុការណ៍នេះ គេសង្ស័យថា ជាថ្វីដៃរបស់ក្រុមសកម្មប្រយុទ្ធលីបង់ ហេសបូឡា ដែលបានសម្លាប់មនុស្ស ២១នាក់។ យន្តហោះ Alas Chiricanas (AC 901) បានផ្ទុះនៅកណ្តាលអាកាស បន្ទាប់ពីហោះចេញពីអាកាសយានដ្ឋាននៅខេត្ត Colon នៃឧបទ្វីប Caribbean។ អ្នកជិះទាំងអស់ដែលភាគច្រើនជាសមាជិកនៃសហគមន៍ជ្វីហ្វរបស់ប្រទេសអាមេរិកកណ្តាលត្រូវបានសម្លាប់ រួមទាំងជនជាតិអាមេរិក៣នាក់ផងដែរ។ សេចក្តីថ្លែងការណ៍ដែលចេញផ្សាយដោយក្រសួងការបរទេសអាមេរិក និងស្ថានទូតអាមេរិកប្រចាំប្រទេសប៉ាណាម៉ា បានបញ្ជាក់ថា យោងតាមការិយាល័យនាយកស៊ើបការណ៍ជាតិអាមេរិកបានវាយតម្លៃថា ក្រុមហេសបូឡា គឺជាអ្នកនៅពីក្រោយករណីបំផ្ទុះគ្រាប់បែកនៅលើយន្តហោះ AC 901។ បន្ទាប់ពីការវាយប្រហារនោះ បុគ្គលម្នាក់ឈ្មោះ Ali Hawa Jamal ដែលបានស្លាប់នៅក្នុងហេតុការណ៍នេះ ត្រូវបានគេកំណត់អត្តសញ្ញាណថា ជាជនសង្ស័យបំផ្ទុះគ្រាប់បែកនៅលើយន្តហោះ។ ទន្ទឹមគ្នា សាច់ញាតិជនរងគ្រោះបានស្វាគមន៍ចំពោះការប្រកាសនេះ ដោយនិយាយថា សហរដ្ឋអាមេរិក និងប្រព័ន្ធយុត្តិធម៌ពិភពលោក មិនបានបំភ្លេចហេតុការណ៍នោះទេ។ វាជាថ្ងៃសោកនាដកម្មដែលឈឺចាប់បំផុតមិនអាចពិពណ៌នាបាន សម្រាប់ក្រុមគ្រួសារនៃជនរងគ្រោះ ហើយសង្ឃឹមថា នៅពេលណាមួយ អ្នកទទួលខុសត្រូវនឹងត្រូវអូសកយកមកកាត់ទោស៕ ប្រភព៖ AFP ប្រែសម្រួលដោយ៖ ឈឹម…

អគ្គលេខាធិការអង្គការណាតូថ្មី លោក Mark Rutte បានគូសបញ្ជាក់ថា ប្រធានាធិបតីរុស្ស៊ី លោក វ្ល៉ាឌីមៀ ពូទីន ទំនងជាមិនអាចទ្រាំទ្រការធ្វើសង្គ្រាមជាមួយអ៊ុយក្រែនដោយគ្មានជំនួយបានទេ។ លោក Mark Rutte កាលពីថ្ងៃចន្ទនិយាយថា ទាហានកូរ៉េខាងជើងត្រូវបានបញ្ជូនទៅកាន់ភាគខាងលិចនៃប្រទេសរុស្ស៊ី ហើយបើតាមការអះអាងរបស់មន្រ្តី ទាហានទាំងនោះមានចំនួនប្រហែល ១ម៉ឺននាក់ ដាក់ពង្រាយនៅក្នុងតំបន់ Kursk ជាតំបន់ដែលរងការវាយប្រហារពីកងកម្លាំងអ៊ុយក្រែន។ លោក Rutte បន្ថែមថា កិច្ចសហប្រតិបត្តិការយោធាកាន់តែស៊ីជម្រៅរវាងរុស្ស៊ី និងកូរ៉េខាងជើង គឺជាការគំរាមកំហែងដល់សន្តិសុខទាំងឥណ្ឌូប៉ាស៊ីហ្វិក និងអឺរ៉ុប-អាត្លង់ទិក ហើយថា វាក៏បំផ្លាញសន្តិភាពនៅលើឧបទ្វីបកូរ៉េ និងដុតបញ្ឆេះភ្លើងសង្គ្រាមរុស្ស៊ី-អ៊ុយក្រែន។ ប្រមុខអង្គការណាតូរូបនេះបានហៅការដាក់ពង្រាយទាហានកូរ៉េខាងជើងថា ជា “ការពង្រាយកងទ័ពដ៏គ្រោះថ្នាក់” នៃសង្រ្គាម ដោយលោកបានអំពាវនាវឲ្យរុស្ស៊ី និងកូរ៉េខាងជើងបញ្ឈប់សកម្មភាពទាំងនេះជាបន្ទាន់។ សហរដ្ឋអាមេរិកនឹងមិនដាក់កំហិតជាថ្មីណាមួយលើអ៊ុយក្រែន សម្រាប់ការប្រើប្រាស់អាវុធផ្ដល់ដោយសហរដ្ឋអាមេរិកនោះទេ ប្រសិនបើកងទ័ពកូរ៉េខាងជើងចូលរួមនៅក្នុងសង្រ្គាមអ៊ុយក្រែនដែរ បន្ទាប់ពីណាតូបញ្ជាក់ថា កងទ័ពកូរ៉េខាងជើងត្រូវបានដាក់ពង្រាយទៅកាន់តំបន់ Kurst នៅក្នុងប្រទេសរុស្ស៉ី។ នេះជាការបញ្ជាក់របស់មន្ទីរបញ្ចកោណ ដកស្រង់ចេញផ្សាយដោយទីភ្នាក់ងារសារព័ត៌មានរ៉យទ័រ៕ ប្រភព៖ NHK ប្រែសម្រួលដោយ៖ ឈឹម ទីណា

បរទេស៖ យន្តហោះសង្គ្រោះចំនួនពីរគ្រឿង មកពីប្រទេស អេមីរ៉ាត់ អារ៉ាប់រួម បានចុះចត នៅទីក្រុង Beirut ប្រទេសលីបង់ សម្រាប់ជួយដល់អ្នកម្តាយជនជាតិលីបង់ ពីកម្មវិធី «Mother of the Nation» ឬ មាតានៃប្រជាជាតិ។ យន្តហោះនីមួយៗផ្ទុកទៅដោយ ជំនួយផ្គត់ផ្គង់ ៤០តោន សម្រាប់ស្ត្រីលីបង់ ដែលទទួលរងពីផលវិបាកនៃជម្លោះ ដែលកំពុងបន្តមានរវាងអ៊ីស្រាអែល និងពួកហេបូឡាស។ សារអមជាមួយ ការបរិច្ចាគពី «មាតានៃប្រជាជាតិ» បានរៀបរាប់ថា «អ្នកម្តាយលីបង់ ជាទីស្រឡាញ់ បេះដូងរបស់យើង នៅជាមួយអ្នកគ្រប់កាលៈទេសៈ និងពេលវេលា។ អេមីរ៉ាត់ អារ៉ាប់រួម នៅតែ នៅជាមួយប្រទេសលីបង់ ដោយសង្ឃឹមថា នឹងមានស្ថិរភាព និងសន្តិសុខ»។ ជំនួយការ រដ្ឋមន្ត្រីក្រសួងការបរទេស សម្រាប់ការអភិវឌ្ឍន៍ និងអង្គការអន្តរជាតិ និងជាសមាជិកក្រុមប្រឹក្សាមនុស្សធម៌ និងសប្បុរសធម៌អន្តរជាតិនេះ បានសង្កត់ធ្ងន់ លើការយកចិត្តទុកដាក់ ពីសំណាក់ភរិយាទី៣ របស់ស្ថាបនិក អេមីរ៉ាត់ អារ៉ាប់រួម ក្នុងការគាំទ្រស្ត្រី នៅប្រទេសលីបង់៕ ប្រភពពី…

ហ្គាហ្សា : មន្ត្រីមនុស្សធម៌កំពូលរបស់អង្គការសហប្រជាជាតិ និយាយថា សង្គ្រាមដែលកងកម្លាំងអ៊ីស្រាអែល កំពុងបន្តធ្វើប្រឆាំងនឹងក្រុមហាម៉ាស់នៅតំបន់ហ្គាហ្សា គួរតែបញ្ឈប់ជាបន្ទាន់ បើមិនចង់ឃើញប្រជាជនហ្គាហ្សាភាគខាងជើងទាំងអស់ស្លាប់។ អគ្គលេខាធិការរងស្តីទី ទទួលបន្ទុកកិច្ចការមនុស្សធម៌ និងជាអ្នកសម្របសម្រួលជំនួយសង្គ្រោះបន្ទាន់របស់អង្គការសហប្រជាជាតិ លោកស្រី ចយ អឹមស៊ូយ៉ា បានព្រមានកាលពីសប្តាហ៍មុនថា ប្រជាជនទាំងមូលនៅភាគខាងជើង តំបន់ហ្គាហ្សា កំពុងប្រឈមមុខនឹងការបាត់បង់ជីវិតយ៉ាងខ្លោចផ្សារ។ លោកស្រី អឹមស៊ូយ៉ា និយាយថា មន្ទីរពេទ្យក្នុងតំបន់បានរងការវាយប្រហារ និងបុគ្គលិកសុខាភិបាលត្រូវបានឃុំខ្លួន ហើយអ្នកផ្តល់ជំនួយត្រូវបានរារាំងពីការជួយសង្គ្រោះមនុស្ស ដែលជាប់នៅក្រោមគំនរផ្ទាំងថ្មបាក់បែក ចំពេលប្រតិបត្តិការយោធាអ៊ីស្រាអែលនៅតែបន្តយ៉ាងក្តៅគគុក។ ដោយឡែកប្រធានអង្គការសុខភាពពិភពលោក (WHO) លោក ថេដ្រូស អាដាណម ហ្គេប្រេយ៉េសឹស ក៏បានព្រមានដូចគ្នានេះផងដែរ និងបានសម្តែងការព្រួយបារម្ភយ៉ាងខ្លាំង អំពីស្ថានភាពដ៏ “មហន្តរាយ” នៅក្នុងតំបន់ហ្គាហ្សា ជាពិសេសលោកក៏បានលើកឡើងអំពីផលប៉ះពាល់យ៉ាងធ្ងន់ធ្ងរលើការថែទាំសុខភាពនៅក្នុងតំបន់។ យោងតាមមន្ត្រីសុខាភិបាលរបស់ប៉ាឡេស្ទីន បានឱ្យដឹងថា មនុស្សជាង ៤២,០០០នាក់ហើយត្រូវបានសម្លាប់ និងជិត ៩៧,០០០នាក់ទៀតបានរងរបួស ចាប់តាំងពីការប្រយុទ្ធគ្នារវាងក្រុមហាម៉ាស់ និងអ៊ីស្រាអែលបានផ្ទុះឡើងក្នុងខែតុលា ឆ្នាំ ២០២៣។ ជាងមួយឆ្នាំនៅក្នុងជម្លោះនេះ ប្រហែល ៩០ភាគរយនៃចំនួនប្រជាជន ២.៣លាននាក់នៅតំបន់ហ្គាហ្សា បានបង្ខំចិត្តផ្លាស់ទីលំនៅ នេះបើយោងតាមការប៉ាន់ស្មានរបស់អង្គការសហប្រជាជាតិ៕ ប្រភព…

ឡាប៉ាស : អតីតប្រធានាធិបតីបូលីវី លោក Evo Morales បានរួចជីវិតពីការប៉ុនប៉ងធ្វើឃាត កាលពីថ្ងៃអាទិត្យម្សិលមិញ។ កាសែតបារាំង AFP បានចេញផ្សាយថា អតីតមេដឹកនាំបូលីវី លោក Morales និងតៃកុងឡានរបស់គាត់ បានធ្វើដំណើរតាមផ្លូវនៅកណ្តាលទីក្រុង Shinahota កាលពីព្រឹកព្រលឹមថ្ងៃអាទិត្យ ហើយពេលបើកសុខៗស្រាប់តែមានឡានពីរគ្រឿងជិះមកស្ទាក់ពីមុខឡានរបស់គាត់។ ភ្លាមៗ ខ្មាន់កាំភ្លើងចំនួន៤នាក់ ស្លៀកសម្លៀកបំពាក់ពណ៌ ខ្មៅបានចេញ ពី ឡាន ហើយបានបាញ់រះលើឡានរបស់ លោក Moralesតែម្តង។ លោក Morales និយាយថា ខ្មាន់កាំភ្លើងមិនស្គាល់អត្តសញ្ញាណបានធ្វើការបាញ់រះមកលើរថយន្តរបស់គាត់ចំនួន ១៤គ្រាប់។ ជាសំណាងល្អ នៅក្នុងហេតុការណ៍បាញ់ប្រហារនេះ អតីតមេដឹកនាំបូលីវី លោក Morales ត្រូវបានគេរាយការណ៍ថា មិនមានរងរបួសទេ ប៉ុន្តែអ្នកបើកបររបស់គាត់បានរងរបួសនៅត្រង់ក្បាល។ មក ទល់ ពេល នេះ អាជ្ញាធរ បូលីវី មិន បាន ធ្វើ អត្ថាធិប្បាយ ជុំវិញ ហេតុការណ៍ នេះ ទេ…

បរទេស៖ អតីតប្រធានាធិបតីហ្វីលីពីន លោក Rodrigo Duterte បានការពារយ៉ាងម៉ឺងម៉ាត់ ចំពោះសង្គ្រាមគ្រឿងញៀន ដ៏សាហាវរបស់លោក ខណៈដែលលោកបានផ្តល់សក្ខីកម្ម នៅឯសវនាការស៊ើបអង្កេត របស់ព្រឹទ្ធសភា នៅថ្ងៃចន្ទនេះ។ ប៉ូលិសបាននិយាយថា យុទ្ធនាការបង្ក្រាប បានធ្វើឱ្យមនុស្សជាង ៦,០០០ នាក់បានស្លាប់ ប៉ុន្តែ ក្រុមសិទ្ធិមនុស្សប៉ាន់ប្រមាណថា មានច្រើនជាងនេះ ហើយអ្នកក្រីក្រ ជារឿយៗ ត្រូវបានចោទ ដោយគ្មានភស្តុតាងថា ជាប់ពាក់ព័ន្ធនឹងគ្រឿងញៀន។ តុលាការឧក្រិដ្ឋកម្មអន្តរជាតិ ហៅកាត់ ICC កំពុងស៊ើបអង្កេត ដោយចោទប្រកាន់ថា ការសម្លាប់នេះគឺជា «ឧក្រិដ្ឋកម្មប្រឆាំងមនុស្សជាតិ»។ លោក Duterte ក្នុងវ័យ ៧៩ឆ្នាំ បាននិយាយ នៅក្នុងសេចក្តីថ្លែងការណ៍ បើកចំហថា «កុំចោទសួរពីគោលនយោបាយរបស់ខ្ញុំ ពីព្រោះខ្ញុំ មិនផ្តល់ការសុំទោស គ្មានការដោះសារ..ខ្ញុំស្អប់គ្រឿងញៀន សូមកុំធ្វើខុស»។ ក្នុងអំឡុងយុទ្ធនាការប្រឆាំងគ្រឿងញៀន ដែលលោកបានចាប់ផ្តើមភ្លាមៗ បន្ទាប់ពីឡើងកាន់តំណែង ក្នុងឆ្នាំ២០១៦ លោក Duterte បានបញ្ជាឱ្យប៉ូលីស បាញ់សម្លាប់ជនសង្ស័យ ប្រសិនបើមន្រ្តីជឿថា ពួកគេបង្កគ្រោះថ្នាក់។ មកដល់ពេលនេះ…

វ៉ាស៊ីនតោន : នាយកប្រតិបត្តិក្រុមហ៊ុន Tesla និង SpaceX លោក Elon Musk បានរិះគន់ចំៗលើប្រធានាធិបតីអាមេរិក លោក ចូ បៃដិន ដែលបាននិយាយថា អ្នកជំនួញរូបនេះជា “កម្មករខុសច្បាប់” មុនពេលគាត់ក្លាយជាបុរសមានទ្រព្យជាងគេបំផុតនៅលើពិភពលោក។ ប្រធានាធិបតីអាមេរិក លោក ចូ បៃដិន ថ្មីៗនេះ បានចោទប្រកាន់មហាសេដ្ឋីបច្ចេកវិទ្យារូបនេះថា ជាមនុស្សលាក់ពុតទាក់ទងនឹងប្រវត្តិអន្តោប្រវេសន៍របស់ខ្លួន។ ឆ្លើយតបទៅនឹងការអះអាងនេះ មេធំក្រុមហ៊ុន Tesla និង SpaceX លោក Musk បានចោទប្រកាន់លោក បៃដិន ថាបាននិយាយកុហកទាំងស្រុង និងថា ការបាត់បង់សម្លេងឆ្នោតកំពុងធ្វើឱ្យគណបក្សប្រជាធិបតេយ្យអស់សង្ឃឹម។ លោក Musk បានបង្ហោះសារនៅលើបណ្តាញសង្គម X យ៉ាងដូច្នេះថា តាមពិត ខ្ញុំបានទទួលការអនុញ្ញាតឱ្យធ្វើការនៅសហរដ្ឋអាមេរិកស្របច្បាប់។ ពួកគេ (រដ្ឋាភិបាល) បានដឹងរឿងនេះ ពីព្រោះពួកគេមានកំណត់ត្រារបស់ខ្ញុំទាំងអស់។ ការអះអាងបែបនេះរបស់លោក បៃដិន ធ្វើឡើងកាលពីថ្ងៃសៅរ៍ ដោយយោងតាមរបាយការណ៍របស់កាសែត Washington Post ដែលបានចោទប្រកាន់លោក Musk…

បាងកក៖ នៅក្នុងទីក្រុងបាងកក កាលពីថ្ងៃអាទិត្យ ការដង្ហែទូកចំនួន៥២គ្រឿង ត្រូវបានធ្វើឡើង សម្រាប់ព្រះរាជពិធីបុណ្យចម្រើនព្រះជន្ម របស់ព្រះមហាក្សត្រ ​Maha Vajiralongkorn​ យាងចូល ៧២ព្រះវស្សា ដែលត្រូវនឹង ថ្ងៃចន្ទនេះ។ ព្រះរាជពិធីដង្ហែ តាមដងទន្លេចៅប្រាយ៉ា។ ព្រះមហាក្សត្រ និងម្ចាស់ក្សត្រី ក៏បានយាងគង់នៅលើក្បួនដង្ហែ ខណៈប្រជាជនរាប់ពាន់នាក់មកជួបជុំគ្នា នៅឯច្រាំងទន្លេទស្សនាក្បួនទូកដែលតុបតែងដោយពណ៌ក្រហម និងពណ៌មាស ហើយជិះដោយទាហានជើងទឹក ក្នុងសំលៀកបំពាក់ បែបប្រពៃណី។ កាសែត បាងកកប៉ុស្តិ៍ បានចុះផ្សាយថា ក្បួនបានធ្វើដំណើរ ក្នុងចម្ងាយផ្លូវ ជាង៤គីឡូម៉ែត្រ។ អ្នកដែលបានទៅរង់ចាំ តាំងពីព្រឹកព្រលឹម បាននិយាយថា គេមានអារម្មណ៍រំភើបរីករាយ ដែលបានមកទស្សនា៕ ប្រភពពី NHK ប្រែសម្រួល៖ សារ៉ាត