-
កោះតៃវ៉ាន់ធ្វើសមយុទ្ធយោធាប្រចាំឆ្នាំ ដើម្បីត្រៀមខ្លួនទប់ទល់ក្នុងករណីចិនវាយប្រហារ
-
ទីបំផុត Apple បញ្ចេញរូបរាង iPhone 13 និង iPad mini ជំនាន់ថ្មីជាផ្លូវការ
-
អ្នកឆ្លង COVID-19 នៅទូទាំងពិភពលោកកើនឡើងដល់២២៦លាន៦៧ម៉ឺននាក់ ក្នុងនោះស្លាប់ជាង៤លាន៦៦ម៉ឺននាក់ និងជាសះស្បើយ២០៣លាន៣៧ម៉ឺននាក់
-
ថៃ៖ ជាង៨៣%នៃអ្នកស្លាប់ព្រោះកូវីដ មិនបានចាក់វ៉ាក់សាំង
-
រដ្ឋាភិបាលម៉ាឡេស៊ីនិងគណបក្សប្រឆាំងចុះហត្ថលេខាលើកិច្ចព្រមព្រៀងទ្វេភាគី
កាលពីថ្ងៃច័ន្ទ ទី១៣ កញ្ញានេះ រដ្ឋាភិបាលម៉ាឡេស៊ី និងគណបក្សប្រឆាំង Pakatan Harapan (PH) បានចុះហត្ថលេខាព្រមព្រៀងដែលជាសារមួយបង្ហាញពីការបើកផ្លូវសម្រាប់ស្ថិរភាពនយោបាយ និងកំណែទម្រង់ស្ថាប័ន។ នាយករដ្ឋមន្ត្រីម៉ាឡេស៊ី លោក Ismail Sabri Yaakob បាននិយាយនៅក្នុងសេចក្តីថ្លែងការណ៍ថា កិច្ចព្រមព្រៀងជាអនុស្សរណៈយោគយល់គ្នាសម្រាប់ការផ្លាស់ប្តូរ និងស្ថិរភាពនយោបាយគ្របដណ្តប់លើវិស័យសំខាន់ៗ ។ លោក Ismail បាននិយាយថា ក្នុងចំណោមវិស័យសំខាន់ៗស្តីពីការផ្លាស់ប្តូររដ្ឋបាលផ្តល់អំណាចដល់សភា និងពង្រឹងឯករាជ្យភាពនៃប្រព័ន្ធតុលាការ។ កិច្ចព្រមព្រៀងនេះក៏គូសបញ្ជាក់ផងដែរថា សភានឹងរក្សាដល់ខែសីហាឆ្នាំក្រោយ។
-
ប្រទេសឥណ្ឌូនេស៊ីសម្រេចបន្ធូរបន្ធយវិធានការណ៍រិតត្បិតនៅកោះទេសចរណ៍ល្បី បាលី
កាលថ្ងៃច័ន្ទ ទី១៣ កញ្ញាមន្ត្រីជាន់ខ្ពស់ប្រទេសឥណ្ឌូនេស៊ីបាននិយាយថា តំបន់ទេសចរណ៍កោះ Bali នឹងត្រូវបន្ធូរបន្ថយការរឹតត្បិត ទោះបីអ្នកដំណើរអន្តរជាតិនឹងប្រឈមនឹងការអនុវត្តវិធានការរណ៍ពេលដែលមកដល់ប្រទេសនេះដើម្បីជួយទប់ស្កាត់ការរីករាលដាលក្នុងសហគមន៍កំឡុងពេលមានវីរុសបំប្លែងថ្មីបានរាលដាលនៅប្រទេសនានា។ រដ្ឋមន្ត្រីក្រសួងទេសចរណ៍ លោក Luhut Panjaitan បានប្រាប់សន្និសីទថា ដរាបណាភ្ញៀវទេសចរណ៍ប្រកាន់ខ្ជាប់នូវវិធានការណ៍ដែលតម្រូវអោយមានការបញ្ជាក់ស្តីពីការទទួលចាក់វ៉ាក់សាំងការពារកូវីដ-១៩ ។ វិធានការណ៍រិតបន្តឹង និងលទ្ធភាពនៃការធ្វើដំណើរនៅកោះបាលីនឹងត្រូវវាយតម្លៃប្រចាំសប្តាហ៍។ ទោះជាមានការបន្ធូរបន្ថយយ៉ាងណាក៏ដោយ ភ្ញៀវអន្តរជាតិត្រូវធ្វើចត្តាឡីស័ករយៈពេល ៨ ថ្ងៃនិងធ្វើតេស្ត PCR ចំនួន ៣ ដងមុនពេលពួកគេទៅដល់កោះនេះ។
-
ជំនួយជាង១ពាន់លានដុល្លារត្រូវបានសន្យាសម្រាប់ប្រទេសអាហ្វហ្គានីស្ថានខណៈពេលដែលUN ព្រមានពីវិបត្តិ
កាលពីថ្ងៃចន្ទ ទី១៣ កញ្ញាជំនួយជាង ១ ពាន់លានដុល្លារត្រូវបានសន្យាសម្រាប់ប្រទេសអាហ្វហ្គានីស្ថាននៅក្នុងសន្និសីទមួយរបស់អង្គការសហប្រជាជាតិនៅទីក្រុងហ្សឺណែវប្រទេសស្វីស ខណៈពេលដែលប្រជាជនរាប់លាននាក់របស់ប្រទេសនេះប្រឈមនឹងភាពអត់ឃ្លានក្នុង «វិបត្តិមនុស្សធម៌ដ៏អាក្រក់បំផុត»។ អង្គការសហប្រជាជាតិបានធ្វើសំណើជំនួយបន្ទាន់ប្រមាណ ៦០៦ លានដុល្លារ សម្រាប់ជួយដោះស្រាយបញ្ហាធំបំផុតក្នុងប្រទេសអាហ្វហ្គានីស្ថាន។ ថ្លែងនៅក្នុងសន្និសីទរៃអង្គាសប្រាក់ជំនួយ អគ្គលេខាធិការអង្គការសហប្រជាជាតិលោកអាន់តូនីញ៉ូ ហ្គូទែរ៉េស បាននិយាយថាអត្រាភាពក្រីក្រនៅអាហ្វហ្គានីស្ថានបានកើនឡើងយ៉ាងខ្លាំងចាប់តាំងពីការចូលកាន់កាប់របស់តាលីបង់កាលពីខែមុន ដោយប្រជាជនមួយក្នុងបីនាក់មិនមានម្ហូបអាហារជាទៀងទាត់ ហើយសេវាកម្មសាធារណមិនមានដំណើរការ។ «ប្រជាជនត្រូវការជំនួយចេញពីស្ថានភាពដ៏លំបាក។ បន្ទាប់ពីសង្គ្រាមជាច្រើនទសវត្ស ការរងទុក្ខវេទនានិងអសន្តិសុខ ពួកគេកំពុងប្រឈមមុខនឹងពេលវេលាដ៏គ្រោះថ្នាក់បំផុត» លោកហ្គូទែរ៉េសនិយាយបែបនេះ ហើយបន្តទៀតថា៖ «ប្រជាជនអាហ្វហ្គានីស្ថានកំពុងប្រឈមមុខនឹងការដួលរលំនៃប្រទេសទាំងមូល – ទាំងអស់នៅពេលតែមួយ»។ លោកនិយាយថាអាហ្វហ្គានីស្ថានអាចអស់ស្បៀងអាហារត្រឹមដំណាច់ខែនេះ ហើយកម្មវិធីស្បៀងអាហារពិភពលោកបានព្យាករណ៍ថាប្រជាជនជាង ១៤ លាននាក់នឹងប្រឈមមុខនឹងការអត់ឃ្លាន។ ដោយមានសង្គ្រាមរ៉ាំរ៉ៃ គ្រោះរាំងស្ងួតជាបន្តបន្ទាប់ និងអត្រាភាពក្រីក្រខ្ពស់ អាហ្វហ្គានីស្ថាន គឺក្នុងចំណោមប្រទេសដែលពឹងផ្អែកលើជំនួយច្រើនបំផុតក្នុងពិភពលោក។ ជំនួយពីបរទេសគឺស្មើនឹង ៤០ ភាគរយនៃផលិតផលក្នុងស្រុកសរុបរបស់អាហ្វហ្គានីស្ថាន និងផ្គត់ផ្គង់បីភាគបួននៃចំណាយសរុបរបស់រដ្ឋាភិបាល។ ជាងពាក់កណ្ដាលនៃប្រជាជនអាហ្វហ្គានីស្ថានគឺរំពឹងទៅលើជំនួយដោយផ្ទាល់ពីខាងក្រៅ។ ជាមួយនឹងការត្រឡប់មកកាន់អំណាចវិញរបស់ក្រុមតាលីបង់ និងការដកទ័ពរបស់អាមេរិក ប្រាក់ជំនួយរាប់ពាន់លានដុល្លារជារាងរាល់ឆ្នាំត្រូវបានកាត់ផ្ដាច់ ដោយសារការមិនទុកចិត្តក្រុមនេះដោយបណ្ដាប្រទេសលោកខាងលិច ក្នុងការគោរពសិទ្ធមនុស្ស។ ការមិនទុកចិត្តរបស់លោកខាងលិច ត្រូវបានកត់សម្គាល់ដោយឧត្ដមស្នងការអង្គការសហប្រជាជាតិទទួលបន្ទុកសិទ្ធិមនុស្សលោកស្រីមីសែល បាសេលេត ដែលបានចោទប្រកាន់ក្រុមតាលីបង់ថាបានក្បត់ការសន្យា ដោយបានបញ្ជាឱ្យស្ត្រីចាកចេញពីកន្លែងធ្វើការហើយត្រឡប់ទៅផ្ទះវិញ ហើយរារាំងមិនឱ្យកុមារីមិនឱ្យចូលរៀន។ ប៉ុន្តែអ្នកខ្លះបាននិយាយថាលោកខាងលិចនៅមានកាតព្វកិច្ចជួយប្រជាជនអាហ្វហ្គានីស្ថាន បន្ទាប់ធ្វើសង្គ្រាមអស់រយៈពេល ២០ ឆ្នាំនៅក្នុងប្រទេសនេះ។…
-
យោធាអាមេរិក៖ ការធ្វើតេស្តមីស៊ីលរបស់កូរ៉េខាងជើងបង្កជាការគំរាមកំហែងដល់ប្រទេសជិតខាង
យោធាសហរដ្ឋអាមេរិក កាលពីថ្ងៃអាទិត្យកន្លងទៅ បានចាត់ទុកការធ្វើតេស្តមីស៊ីលរបស់ប្រទេសកូរ៉េខាងជើង ជាការគំរាមកំហែងមួយដល់ប្រទេសជិតខាង និងសហគមន៍អន្តរជាតិ។ នេះបើតាមសេចក្ដីប្រកាសព័ត៌មានរបស់បញ្ជាការដ្ឋានយោធាសហរដ្ឋអាមេរិកប្រចាំតំបន់ឥណ្ឌូ-ប៉ាស៊ីហ្វិក។ ប្រភពខាងលើបានឱ្យដឹងថា អាមេរិកបានជ្រាបដឹងអំពីការបាញ់មីស៊ីលគ្រូស (Cruise Missile) របស់កូរ៉េខាងជើង ហើយបន្តតាមដាន និងពិភាក្សាយ៉ាងជិតស្និទ្ធជាមួយនឹងដៃគូ និងសម្ព័ន្ធមិត្តរបស់ខ្លួន។ «សកម្មភាពនេះ [ការធ្វើតេស្តបាញ់មីស៊ីល] គូសបញ្ជាក់ថា ការផ្ដោតរបស់កូរ៉េខាងជើង ទៅលើកម្មវិធីយោធា និងបង្កជាការគំរាមកំហែងទៅដល់អ្នកជិតខាងរបស់ខ្លួន និងសហគមន៍អន្តរជាតិ»។ នេះជាការលើកឡើងរបស់បញ្ជាការដ្ឋានតំបន់របស់អាមេរិក។ កាលពីថ្ងៃច័ន្ទកន្លងទៅ សារព័ត៌មានរដ្ឋកូរ៉េខាងជើងបានចុះផ្សាយថា ខ្លួនបានធ្វើតេស្តមីស៊ីលគ្រូសរយៈចម្ងាយវែង កាលពីថ្ងៃសៅរ៍ និងថ្ងៃអាទិត្យ។ ប្រទេសកូរ៉េមួយនេះ រងទណ្ឌកម្មអន្តរជាតិ សម្រាប់កម្មវិធីផលិតអាវុធនុយក្លេអ៊ែរ និងមីស៊ីលបាលីស្ទិក តែមីស៊ីលគ្រូស ដែលទើបតែតេស្តនេះមិនមានជាប់បម្រាមហាមឃាត់មិនឱ្យផលិតនោះទេ៕
-
អាជ្ញាធរវៀតណាមស្ទាក់បានមនុស្ស ១៥នាក់ ដែលគេចចេញពីតំបន់រាលដាលជំងឺកូវីដ-១៩តាមរថយន្តទូទឹកកក
អាជ្ញាធរវៀតណាមបានធ្វើការស្ទាក់បានមនុស្សចំនួន ១៥នាក់ ដោយក្នុងនោះក៏មានកុមារាវ័យ ៧ឆ្នាំ នៅក្នុងរថយន្តទូទឹកកក ខណៈពួកគេមានបំណងគេចចេញពីតំបន់ភាគខាងត្បូង ដែលកំពុងមានការផ្ទុះរាលដាលខ្លាំងនូវជំងឺកូវីដ-១៩។ នេះបើតាមការចុះផ្សាយរបស់សារព័ត៌មានក្នុងស្រុកវៀតណាម។ ប៉ូលិសខេត្ត Binh Thuan ដែលនៅជាប់នឹងសមុទ្រចិនខាងត្បូង ចម្ងាយប្រមាណ ២០០គីឡូម៉ែត្រពីទីក្រុងហូជីមិញ បានរកឃើញឡានទូទឹកកកមួយបង្កជាការសង្ស័យ ក្រោយពេលដែលព្យាយាមឆ្លងកាត់ប៉ុស្តិ៍ត្រួតពិនិត្យច្រកចេញ-ចូលទៅកាន់តំបន់ភាគខាងជើងវៀតណាម។ បើតាមប្រភពដដែល រថយន្តនោះបានបរបានរាប់សិបគីឡូម៉ែត្រមកហើយ ដោយចេញពីខេត្ត Dong Nai ដែលជាតំបន់ឧស្សាហកម្មក្បែរទីក្រុងហូជីមិញ ដោយអ្នកដំណើរទាំងនោះព្យាយាមទៅស្រុកកំណើតរបស់ពួកគេនៅភាគកណ្ដាលវៀតណាម។ អ្នកដំណើរមួយទៀតសោតក៏មានវិជ្ជមានជំងឺកូវីដ-១៩ផងដែរ ដោយខ្លះមានអាការៈបែកញើស និងដកដង្ហើមខ្លី។ «យើងដឹងហើយថា ជ្រកនៅក្នុងឡានទឹកកកមានហានិភ័យខ្ពស់ និងគ្រោះថ្នាក់ខ្លាំងណាស់ តែយើងនឹងប្រឈមនឹងហានិភ័យខ្លាំងជាងនេះទៀត បើយើងឆ្លងជំងឺនេះ»។ នេះជាការលើកឡើងរបស់បុរសម្នាក់ ដែលធ្វើដំណើរជាមួយកូនប្រុសអាយុ ៧ឆ្នាំរបស់លោក។ ខេត្ត Dong Nai កត់ត្រាអ្នកឆ្លងកូវីដ-១៩សរុប ៣៥ ០០០ករណី ជាមួយនឹងការស្លាប់ ៣២០កណី។ ខេត្តនេះកំពុងស្ថិតក្នុងការបិទខ្ទប់ចាប់តាំងពីខែកក្កដាមកម្ល៉េះ។ វៀតណាមរកឃើញករណីវិជ្ជមានកូវីដ-១៩សរុប ៦១ម៉ឺនករណីហើយ ដោយក្នុងនោះមានអ្នកស្លាប់ប្រមាណ ១១ ៤០០នាក់៕
-
តើដូសជំនួយមានប្រសិទ្ធិភាព អាចប្រឆាំងនឹងវ៉ារ៉្យង់ដែលតាដែរឬយ៉ាងណា?
យោងតាមក្រុមអ្នកស្រាវជ្រាវអន្ដរជាតិមួយក្រុម ដែលបានសរសេរនៅក្នុងទស្សនាវដ្តីវេជ្ជសាស្ត្រ Lancet កាលពីចន្ទ បានបង្ហាញអំពីភស្តុតាង ដែលថាដូសជំនួយមានប្រសិទ្ធភាពខ្ពស់នោះ ខាងផ្នែកវិទ្យាសាស្ត្រមិនសូវជាគាំទ្រនូវការអះអាងនេះប៉ុន្មានទេ តែទោះយ៉ាងណាគេឃើញមានភស្ដុតាងជាច្រើនបង្ហាញពីប្រសិទ្ធភាពខ្ពស់របស់ដូសជំនួយប្រឆាំងនឹងវ៉ារ៉្យង់ដែលតា។ យ៉ាងណាមិញ សម្រាប់ទីក្រុងប៉េកាំង ដែលតែងនិយាយពីប្រសិទ្ធភាពនៃវ៉ាក់សាំងរបស់ខ្លួនអស់ជាច្រើនខែមកហើយ និងបរិច្ចាគ និងលក់ដូសដល់ប្រទេស ដែលមានចំណូលទាប និងមធ្យមក្នុងកិច្ចប្រឹងប្រែងមួយ ដែលជារឿយៗត្រូវបានគេហៅថា «វ៉ាក់សាំងការទូត» ជឿជាក់លើប្រសិទ្ធិភាពនៃការចាក់វ៉ាក់សាំងបរទេសលាយវ៉ាក់សាំងខ្លួន។ លោកស្រី Shih Shin-ru នាយកមជ្ឈមណ្ឌលស្រាវជ្រាវការឆ្លងមេរោគឆ្លងថ្មី និងជាសាស្រ្តាចារ្យនៅនាយកដ្ឋានបច្ចេកវិទ្យាជីវសាស្ត្រវេជ្ជសាស្ត្រ និងវិទ្យាសាស្ត្រមន្ទីរពិសោធន៍នៅសាកលវិទ្យាល័យ Chang Gung នៅតៃវ៉ាន់ បាននិយាយថា៖ «វ៉ាក់សាំងល្អគួរតែមានសុវត្ថិភាព និងមានប្រព័ន្ធភាពស៊ាំ (អាចផលិតអង់ទីករ ដែលបន្សាបគ្រប់គ្រាន់) និងការពារប្រឆាំងនឹងការឆ្លងមេរោគពិត។ លោកស្រី បាននិយាយថា៖ «នៅពេលគេបង្កើតវ៉ាក់សាំងមួយៗ គេមិនទាន់ដឹងប្រសិទ្ធិភាពវាខ្លាំងប៉ុណ្ណាទេ ទើបតែពេលថ្មីៗនេះទេ ដែលអ្នកវិទ្យាសាស្ត្រប៉ាន់ប្រមាណដឹងពីប្រសិទ្ធិភាពរបស់វា។ ដូច្នេះ ខ្ញុំគិតថាអ្នកវិទ្យាសាស្ត្រនៅប្រទេសចិន ក៏បានដឹងអំពីការពិតនៃកម្រិតអង្គបដិប្រាណទាបនៅក្នុង វ៉ាក់សាំងស៊ីណូវ៉ាក ឬ ស៊ីណូហ្វាំមដែរ។ ដូច្នេះ ទើបរដ្ឋាភិបាលណែនាំឱ្យប្រើវ៉ាក់សាំងបរទេសធ្វើជាដូសជំនួយ»។ សាស្រ្តាចារ្យលោក Andrew Pollard ប្រធានក្រុមវ៉ាក់សាំង Oxford ដែលបានរួមចំណែកក្នុងការបង្កើតវ៉ាក់សាំង Oxford-AstraZeneca បានអត្ថាធិប្បាយថាតាមគំនិតរបស់គាត់ថា…