-
បេក្ខជនសំខាន់ម្នាក់ ដកខ្លួនចេញពីការបោះឆ្នោតរបស់ក្រុមមេធាវីហុងកុង ដោយសារការព្រួយបារម្ភសុវត្ថិភាព
ហុងកុង៖ សមាជិកក្រុមប្រឹក្សានៃក្រុមមេធាវីដ៏ជំនាញម្នាក់នៅទីក្រុងហុងកុងកាលពីថ្ងៃសៅរ៍ បានដកបេក្ខភាពរបស់ខ្លួនចេញពីការបោះឆ្នោតឡើងវិញនៅសប្តាហ៍ក្រោយ ដោយលើកឡើងពីការភ័យខ្លាចចំពោះសុវត្ថិភាពផ្ទាល់ និងគ្រួសារ ខណៈពេលដែលអង្គភាពនេះធ្វើរបាយការណ៍អំពី «សារគំរាមកំហែង»។ លោកមេធាវី Jonathan Ross និយាយនៅក្នុងសេចក្តីថ្លែងការណ៍មួយដោយមិនបញ្ជាក់ពីហានិភ័យអ្វីថា៖ «ដើម្បីសុវត្ថិភាពផ្ទាល់ខ្លួន និងគ្រួសារ ខ្ញុំសូមប្រកាសដកឈ្មោះខ្ញុំចេញពីបេក្ខភាព។ វាជាថ្ងៃគួរឱ្យអាម៉ាស់ និងសោកស្តាយមួយសម្រាប់ទីក្រុងហុងកុង ដែលការបោះឆ្នោតសម្រាប់ក្រុមប្រឹក្សានៃស្ថាប័នកិត្តិយសរបស់យើង បានឈានដល់កម្រិតនេះ»។ ទាក់ទងនឹងរឿងនេះ អ្នកនាំពាក្យរដ្ឋាភិបាលបានប្រាប់ទីភ្នាក់ងារសារព័ត៌មានរ៉យទ័រថា៖ «អ្នកណាដែលមានហេតុផលជឿថាសុវត្ថិភាពរបស់ខ្លួនត្រូវបានគំរាមកំហែង អាចទាក់ទងប៉ូលីសដើម្បីសុំជំនួយ»។ ការបោះឆ្នោតសមាគមច្បាប់ ដែលជាស្ថាប័នអាជីពនិងនិយតករសម្រាប់មេធាវីចំនួន ១២ ០០០ នាក់នឹងត្រូវធ្វើឡើងនៅថ្ងៃអង្គារនេះ ខណៈអ្នករិះគន់និយាយថា ប្រព័ន្ធច្បាប់នៅហុងកុងប្រឈមនឹងសម្ពាធពីច្បាប់សន្តិសុខជាតិដែលដាក់ដោយប្រទេសចិន។ បើទោះបីជាមន្រ្តីក្រុងហុងកុង និងប៉េកាំង បានច្រានចោលការព្រួយបារម្ភទាំងនេះក៏ដោយ ការស្ទង់មតិនានា បានធ្វើឱ្យមានការត្រួតពិនិត្យពីភាពមិនប្រក្រតីពីប្រព័ន្ធផ្សព្វផ្សាយដែលគាំទ្រក្រុងប៉េកាំង និងមន្ត្រីជាន់ខ្ពស់របស់ហុងកុង។ លោកស្រី Carrie Lam នាយកប្រតិបត្តិទីក្រុងហុងកុងនិយាយកាលពីសប្ដាហ៍មុនថា រដ្ឋាភិបាលហុងកុងនឹងពិចារណាកាត់ផ្តាច់ទំនាក់ទំនងជាមួយសមាគមច្បាប់ ប្រសិនបើអង្គភាពនេះធ្វើឱ្យប៉ះពាល់ដល់នយោបាយ។ ប្រភព៖ Reuters
-
ចក្រភពអង់គ្លេស៖ ចិន និងរុស្សីត្រូវការចាំបាច់សម្រាប់ «ឥទ្ធិពលបន្ធូរបន្ថយ» លើតាលីបង់
រដ្ឋមន្ត្រីក្រសួងការបរទេសអង់គ្លេសលោកដូមីនិក រ៉ាបបាននិយាយថាទីក្រុងឡុងដុងត្រូវតែងាកទៅរករុស្ស៊ី និងចិនដើម្បីអនុវត្ត «ឥទ្ធិពលបន្ធូរបន្ថយ» លើក្រុមឧទ្ទាមតាលីបង់ បើទោះបីជាមានការមិនទុកចិត្តគ្នារវាងចក្រភពអង់គ្លេស និងរដ្ឋាភិបាលទាំងនោះក៏ដោយ។ លោករ៉ាបបានប្រាប់កាសែត The Sunday Telegraph ថា៖ «យើងនឹងត្រូវនាំប្រទេសដែលមានឥទ្ធិពលបន្ធូរបន្ថយដូចជាចិន និងរុស្សីជាដើម បើទោះបីជាយើងមិនពេញចិត្តក៏ដោយ»។ ការត្រឡប់មកកាន់អំណាចរបស់តាលីបង់នៅប្រទេសអាហ្វហ្គានីស្ថាន បានធ្វើឱ្យប្រទេសលោកខាងលិចមានការព្រួយបារម្ភថានឹងមានការត្រឡប់មកវិញនៅជំនឿជ្រុលនិយម រួមជាមួយការរំលោភសិទ្ធមនុស្ស និងសិទ្ធស្ត្រី។ អ្នកវិភាគជាច្រើនបានគិតថាប្រទេសចិន និងរុស្សីអាចប្រើប្រាស់ឥទ្ធិពលរបស់ពួកគេដើម្បីធ្វើឱ្យក្រុមតាលីបង់បន្ធូរបន្ថយភាពជ្រុលនិយមរបស់ពួកគេ ដែលជាអ្វីលោកខាងលិចបានបរាជ័យ។ ប៉ុន្តែកិច្ចសហប្រតិបត្តិការរវាងចក្រភពអង់គ្លេស និងប្រទេសទាំងពីរអាចនឹងមានការលំបាក។ ថ្មីៗនេះអង់គ្លេសនិងចិនមានភាពមិនចុះសម្រុងគ្នាលើបញ្ហាផ្សេងៗរួមទាំងទីក្រុងហុងកុង និងការចោទប្រកាន់ពីការរំលោភសិទ្ធិមនុស្សលើជនជាតិភាគតិចអ៊ុយហ្គ័រនៅតំបន់ស៊ីនជាំង។ ទំនាក់ទំនងរបស់អង់គ្លេសជាមួយរុស្ស៊ីមានភាពតានតឹងតាំងពីឆ្នាំ២០១៤ បន្ទាប់ពីរុស្សីកាត់យកឧបទ្វីបគ្រីមៀររបស់ប្រទេសអ៊ុយក្រែន។ ភាពតានតឹងបានកើនឡើងបន្ថែមទៀតកាលពីឆ្នាំ២០១៨ ដោយសារការប៉ុនប៉ងបំពុលអតីតភ្នាក់ងារចារកម្មសម្ងាត់រុស្សីលោក Sergei Skripal ដែលបានក្បត់រុស្សីហើយបានផ្ដល់ព័ត៌មានសម្ងាត់ឱ្យទីភ្នាក់ងារចារកម្មអង់គ្លេស ដែលជួយក្នុងការចាប់ខ្លួនភ្នាក់ងារចារកម្មរុស្សីរាប់រយនាក់។ ថ្មីៗនេះអង់គ្លេសបានបង្កើនកិច្ចសហប្រតិបត្តិការជាមួយប្រទេសអ៊ុយក្រែន ហើយបានប្រឈមដាក់គ្នាដោយផ្ទាល់ជាមួយរុស្សីនៅតំបន់សមុទ្រខ្មៅ៕ ប្រភព៖ Reuters
-
កូវីដធ្វើឱ្យមានកំណើនយុទ្ធនាការផ្សព្វផ្សាយ IPO និងមូលបត្របំណុលតាមប្រព័ន្ធវីដេអូ
តម្លៃរបស់ក្រុមហ៊ុនបច្ចេកវិទ្យាអន្តរជាតិប្រេស៊ីល VTex កើនដល់ ៣,៥ ប៊ីដុល្លារនៅក្នុងការចុះបញ្ជីជាសាធារណៈកាលពីខែមុន បន្ទាប់ពីនាយកប្រតិបត្តិនិងធនាគាររបស់ខ្លួន បានទាក់ទាញវិនិយោគិននៅក្នុងកិច្ចប្រជុំជាង ៥០ តាមប្រព័ន្ធវីដេអូ ក្រោយការតាំងបង្ហាញ ឬយុទ្ធនាការផ្សព្វផ្សាយដោយផ្ទាល់ជុំវិញពិភពលោកដែលត្រូវចំណាយដើមទុនច្រើន ត្រូវបានផ្អាកដោយសារតែជំងឺរាតត្បាតកូវីដ១៩។ ក្រុមហ៊ុនហិរញ្ញវត្ថុលក់ភាគហ៊ុន និងប័ណ្ណបំណុលធំៗនិយាយថា បន្ទាប់ពីវីរុសកូរ៉ូណាវាយលុក ការស្វែងរកការបង្កើនដើមទុនជុំវិញពិភពលោករបស់ខ្លួនត្រូវបានបញ្ចប់ ឬពន្យារពេលភ្លាមៗ ប៉ុន្តែផ្ទុយទៅវិញ ធនាគារិក វិនិយោគិន និងសូម្បីតែនាយកប្រតិបត្តិក្រុមហ៊ុនខ្លះ ហាក់ដូចជាមានភាពកក់ក្តៅចំពោះវិធីថ្មីក្នុងការធ្វើប្រតិបត្តិការរបស់ខ្លួន។ ជាទូទៅ កិច្ចព្រៀមព្រៀងតាមអ៊ីនធឺណិត ឬតាមប្រព័ន្ធវីដេអូ ត្រូវចំណាយទុនតិចហើយរហ័ស ដោយនាយកប្រតិបត្តិសាជីវកម្មមិនចាំបាច់ចំណាយពេល ឬលុយច្រើនធ្វើដំណើរដើម្បីជួបជាមួយវិនិយោគិនដែលមានសក្តានុពលនោះទេ ដូចករណីរបស់ក្រុមហ៊ុន VTex ជាឧទាហរណ៍ស្រាប់។ លោកស្រី Chris Israelski មន្រ្តីទំនាក់ទំនងនៅទីភ្នាក់ងារ Imagination ដែលធ្វើការលើការបោះផ្សាយលក់មូលបត្រកម្មសិទ្ធិជាសាធារណៈលើកដំបូង (IPO) បានពិពណ៌នាអំពីផលពិបាកពីការដាក់បង្ហាញដោយផ្ទាល់ថា៖ «អ្នកត្រូវធ្វើដំណើរជាមួយក្រុមអ្នកគ្រប់គ្រងទាំងផ្នែកដឹកជញ្ជូន និងផលិតកម្ម ហើយត្រូវធ្វើដំណើរទៅមុខគេដើម្បីប្រាកដថាមិនមានបញ្ហាជាមួយសណ្ឋាគារ រថយន្ត ឬអ្វីដូចនោះទេ»។ លោកស្រីបន្ថែមថា ក្រោយមកក្នុងឆ្នាំ ២០១២ នៅពេលដែលក្រុមហ៊ុន Facebook បើកលក់ភាគហ៊ុនរបស់ខ្លួនទៅកាន់សាធារណជនជាលើកដំបូង គឺជាពេលដែលមានការតាំងបង្ហាញតាមប្រព័ន្ធវីដេអូស្រួលបួលជាងមុន ជំនួសឱ្យការដាក់បង្ហាញដោយផ្ទាល់។ ចាប់តាំងពីពេលនោះមក…
-
Pacquiao ត្រៀមប្រកាសពីការសម្រេចចិត្ត ការឈរឈ្មោះជាប្រធានាធិបតីហ្វីលីពីន នៅខែកញ្ញា
លោក Manny Pacquiao នឹងប្រកាសពីការសម្រេចចិត្ត ជុំការឈរការឈរឈ្មោះជាប្រធានាធិបតីហ្វីលីពីននាខែកញ្ញាខាងមុខនេះ។ ការលើកឡើងបែបនេះធ្វើឡើង បន្ទាប់ពីលោកចាញ់ប្រកួតដណ្ដើមខ្សែក្រវាត់សមាគមប្រដាល់ពិភពលោក WBA ទល់នឹងកីឡាករប្រដាល់សញ្ជាតិគុយបាលោក Yordenis Ugás កាលពីថ្ងៃអាទិត្យកន្លងទៅ។ ទាក់ទិននឹងរឿងឈរជាប្រធានាធិបតី សមាជិកព្រឹទ្ធសភាហ្វីលីពីនរូបនេះបានថ្លែងថា «ខ្ញុំនឹងធ្វើសេចក្ដីប្រកាសចុងក្រោយនៅខែក្រោយនេះ»។ លោកបានបន្ថែមថា «ខ្ញុំដឹងថាខ្ញុំកំពុងតែប្រឈមមុខនឹងពិភពលោកដ៏ពិបាកជាងពិភពប្រដាល់នេះទៅទៀត តែខ្ញុំចង់ជួយប្រជាជនរបស់ខ្ញុំ»។ «ពួកយើងបានសម្រេចក្ដីសុបិនក្នុងនាមជាអ្នកប្រដាល់។ ខ្ញុំជាអ្នកប្រដាល់ទាំងក្នុងសង្វៀន និងក្រៅសង្វៀន។ ខ្ញុំរីករាយនឹងត្រលប់ទៅកាន់ហ្វីលីពីនវិញ ដើម្បីបម្រើប្រជាជនរបស់ខ្ញុំ»។ នេះជាការលើកឡើងរបស់បុរសវ័យ ៤២ឆ្នាំ នៅក្នុងសន្និសីទកាសែតបញ្ចប់ការប្រកួត។ យ៉ាងណាមិញ មនុស្សជាច្រើន រាប់បញ្ចូលទាំងសម្ព័ន្ធមិត្តនយោបាយរបស់លោក Pacquiao យល់ស្របៗគ្នាថា កីឡាករប្រដាល់ដែលស្ថិតក្នុងដួងចិត្តរបស់ប្រជាជនហ្វីលីពីនរូបនេះ នឹងឈរឈ្មោះសម្រាប់ការបោះឆ្នោតជ្រើសរើសប្រធានាធិបតីនៅឆ្នាំ២០២២។ លោក Monico Puentevella អ្នកនាំពាក្យផ្នែកនយោបាយរបស់លោក Pacquiao បានប្រាប់សារព័ត៌មាន Al Jazeera ថា អ្នកនយោបាយហ្វីលីពីនរូបនេះនឹងឈរឈ្មោះបោះឆ្នោតប្រធានាធិបតីហើយ។ លោកបាននិយាយនៅមុនការប្រកួតនៅថ្ងៃអាទិត្យនេះថា «គាត់ [Pacquiao] ត្រៀមខ្លួនរួចរាល់ហើយ។ គាត់គ្រាន់តែសម្លឹងមើលពេលមួយរយៈ ហើយគ្រាន់តែចង់បញ្ចប់ប្រកួតមួយនេះ។ គាត់ឱ្យខ្ញុំប្រាប់អ្នកគ្រប់គ្នាថា គាត់នឹងឈរឈ្មោះធ្វើជាប្រធានាធិបតី»។ ងាកមកមើលអំពីស្ថានភាពនយោបាយក្នុងស្រុកហ្វីលីពីននៅពេលនេះវិញ លោក Pacquiao កំពុងតែមានទំនាក់ទំនងប្រេះឆាជាមួយនឹងលោកប្រធានាធិបតី…
-
វៀតណាមទទួលបានជំនួយវ៉ាក់សាំងពីប៉ូឡូញ ៥០ម៉ឺនដូស
-
សិង្ហបុរីផ្តល់ជំនួយវ៉ាក់សាំងអាមេរិក ឲ្យទៅព្រុយណេ ១០ម៉ឺនដូស
ប្រទេសសិង្ហបុរីបានផ្តល់ជំនួយវ៉ាក់សាំងផលិតនៅអាមេរិក ប្រភេទ Moderna ចំនួន១០ម៉ឺនដូសជូនដល់ ប្រទេសព្រុយណេ ជាផ្នែកមួយនៃកិច្ចសហប្រតិបត្តិការទ្វេភាគីជាមួយព្រុយណេ ក្នុងការប្រយុទ្ធប្រឆាំងជំងឺកូវីដ១៩ នេះបើតាមក្រសួងការបរទេសសិង្ហបុរី ប្រកាស នាថ្ងៃសៅរ៍ទី២១ សីហា ឆ្នាំ២០២១។ ការផ្តល់ជូននេះបានកើតមានឡើង បន្ទាប់ពីប៉ុន្មានថ្ងៃដែលសង្ហបុរីប្រកាសថា ខ្លួនអនុញ្ញាតឲ្យមានការធ្វើដំណើរទៅមក ពីព្រុយណេ និងអាល្លឺម៉ង់ តែអ្នកដំណើរត្រូវចាក់វ៉ាក់សាំងនិងតេស្តកូវីដ៕
-
កូវីដរលកទី៣! មនុស្សស្លាប់នៅថៃ កើនដល់ជិត១ម៉ឺននាក់ហើយ
បន្ទាប់ពីក្រសួងសុខាភិបាលថៃប្រកាស នាព្រឹកថ្ងៃទី២១ សីហានេះ ថាមានមនុស្សប្រមាណ២៦០នាក់ទៀតបានស្លាប់ ព្រោះជំងឺកូវីដ១៩នោះ ធ្វើឲ្យចំនួនមនុស្សស្លាប់ដោយសារជំងឺនេះ ក្នុងប្រទេសបានកើនដល់៩០៨៧នាក់ហើយ។ រីឯ ចំនួនមនុស្សឆ្លងសរុប នៅថៃកើនដល់ប្រមាណ១លាន ៣ម៉ឺននាក់ហើយ ចាប់តាំងពីមានឆ្លងដំបូង កាលពីដើមឆ្នាំ២០២០នោះ។ រលកទី៣ ផ្តើមពីថ្ងៃទី១ មេសាមក បណ្តាលឲ្យស្លាប់និងឆ្លងប្រចាំថ្ងៃ ក្នុងអត្រាដ៏ខ្លាំង។ ក្នុងចំណោមស្លាប់ជិត១ម៉ឺននាក់នេះ គ្រាន់តែរលកទី៣ មាន៨៩៩៣នាក់ហើយ។ ក្នុងចំណោមនេះ ក៏មានអ្នកជំងឺជិត៨២ម៉ឺននាក់បានជាសះស្បើយវិញដែរ៕ ប្រភពពីបាងកកប៉ុស្តិ៍
-
វៀតណាមឆ្លងកូវីដជាង១ម៉ឺននាក់ទៀត ថ្ងៃនេះ
ក្រសួងសុខាភិបាលវៀតណាមបានឲ្យដឹងមុននេះថា នៅថ្ងៃសុក្រទី២០ សីហា ២០២១នេះ វៀតណាមមានករណីឆ្លងថ្មីៗ នៃជំងឺកូវីដ១៩ រហូតដល់ ១០,៦៥៧ករណីបន្ថែមទៀត ដែលជាតួលេខឆ្លងប្រចាំថ្ងៃដ៏ខ្ពស់មួយទៀត ហើយក៏ជាការឆ្លងជាង១ម៉ឺននាក់ ប្រចាំថ្ងៃ ២ថ្ងៃជាប់ៗគ្នាហើយដែរ។ ក្រសួងសុខាភិបាលវៀតណាមក៏បានប្រកាសរកឃើញអ្នកស្លាប់ថ្មី ដោយសារជំងឺនេះ ចំនួន ៣៩០នាក់ទៀតផងដែរ នៅថ្ងៃនេះ។ គិតត្រឹមយប់ថ្ងៃទី២០ ខែសីហា ឆ្នាំ២០២១ វៀតណាមមានករណីឆ្លងកូវីដ-១៩ សរុបនៅទូទាំងប្រទេសចំនួន ៣៣២,២៦៨នាក់ ក្នុងនោះអ្នកជំងឺជាសះស្បើយចំនួន ១៣២,៨១៥នាក់ ខណៈចំនួនអ្នកស្លាប់កើនដល់ ៧,៥៤០នាក់៕
-
អាស៊ានឆ្លងកូវីដ១៩មានជាង៩ម៉ឺនករណីរយៈពេល២៤ម៉ោងចុងក្រោយ
ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៩ម៉ឺន៤ពាន់៤៩៩ករណី និងការស្លាប់ថ្មីមានចំនួន២ពាន់៦៩២នាក់។ប្រទេសដែលមានការឆ្លងថ្មីក្នុងរយៈ ពេល២៤ម៉ោងចុង ក្រោយ នេះនៅ អាស៊ាន មាន៩ប្រទេស។ ប្រទេសដែលមានការស្លាប់ថ្មីរយៈពេល២៤ម៉ោងចុងក្រោយនេះ មានចំនួន ៧ប្រទេស។ ការឆ្លងថ្មីនៃវីរុសកូវីដ១៩ក្នុងប្រទេសអាស៊ានទាំង១០នៅក្នុងរយ:ពេលនេះ២៤ម៉ោងចុងក្រោយនេះមានចំនួន៩ម៉ឺន៤ពាន់៤៩៩ករណី និងការស្លាប់ថ្មីមានចំនួន២ពាន់៦៩២នាក់។ការឆ្លងថ្មីនៅថ្ងៃនេះបានកើតឡើងលើប្រទេសចំនួន៩គឺប្រទេសឥណ្ឌូនេស៊ី, ហ្វីលីពីន, ម៉ាឡេស៊ី, មីយ៉ាន់ម៉ា,សឹង្ហបុរី, ថៃ, កម្ពុជា, វៀតណាម, និងប្រទេសប្រុយណេ។ ប្រទេសដែលមានការស្លាប់ថ្មីមាន៧ប្រទេស គឺប្រទេសឥណ្ឌូណេស៊ី, មីយ៉ាន់ម៉ា, ថៃ, ម៉ាឡេស៊ី, ហ្វីលីពីន,សឹង្ហបុរី, វៀតណាម, និងប្រទេសកម្ពុជា។ប្រទេសឥណ្ឌូនេស៊ីនៅក្នុងរយ:ពេល២៤ម៉ោងចុងក្រោយនេះមានការឆ្លងថ្មីចំនួន២ម៉ឺន៤ករណីដែលនាំឲ្យការឆ្លងសារុបមានចំនួន៣លាន៩៥ម៉ឺន៣០៤ករណី។ ចំណែកការស្លាប់ថ្មីវិញមានចំនួន១ពាន់៣៤៨នាក់ដែលនាំឲ្យការស្លាប់សារុបមានចំនួន១២ម៉ឺន៣ពាន់៩៨១នាក់។ ប្រទេសឥណ្ឌូនេស៊ីគឺ ជាប្រទេសដែលមានការឆ្លងនិងការស្លាប់ច្រើនជាងគេក្នុងចំណោមប្រទេសអាស៊ានទាំង១០។ចំណែកប្រទេសម៉ាឡេស៊ីនៅក្នុងរយ:ពេល២៤ម៉ោងចុងក្រោយនេះមានការឆ្លងថ្មី ចំនួន២ម៉ឺន៣ពាន់៥៦៤ករណីដែលនាំឲ្យការឆ្លងសារុបចំនួន១លាន៥១ម៉ឺន៣ពាន់២៤ករណី។ ចំណែកការស្លាប់ថ្មីវិញ មានចំនួន២៣៣នាក់ដែលនាំឲ្យការស្លាប់សារុបមានចំនួន១ម៉ឺន៣ពាន់៧១៣នាក់។ប្រទេសថៃមានការឆ្លងថ្មីចំនួន១ម៉ឺន៩ពាន់៨៥១ករណីដែលនាំឲ្យការឆ្លងសារុបមានចំនួន១លាន៩ពាន់៧១០ករណី។ ចំណែកការស្លាប់ថ្មីមានចំនួន២៤០នាក់ដែលនាំឲ្យការស្លាប់សារុបមានចំនួន៨ពាន់៨២៦នាក់។នៅក្នុងប្រទេសហ្វីលីពីនមានការឆ្លងថ្មីចំនួន១ម៉ឺន៧ពាន់២៣១ករណីដែលនាំឲ្យការឆ្លងសារុបមានចំនួន១លាន៨០ម៉ឺន៧ពាន់៨០០ករណី។ ចំណែកការស្លាប់ថ្មីមានចំនួន៣១៧នាក់ដែលនាំឲ្យការស្លាប់សារុបមានចំនួន៣ម៉ឺន១ពាន់១៩៨នាក់។ប្រទេសមីយ៉ាន់ម៉ាមានការឆ្លងថ្មីចំនួន២ពាន់៥៩០ករណីដែលនាំឲ្យការឆ្លងសារុបមានចំនួន៣៦ម៉ឺន៥ពាន់៧៥៩ករណី។ ចំណែកការស្លាប់ថ្មីមានចំនួន១៥៩នាក់ដែលនាំឲ្យការស្លាប់សារុបមានចំនួន១ម៉ឺន៣ពាន់៩៤៥នាក់។ប្រទេសវៀតណាមមានការឆ្លងថ្មី១ម៉ឺន៥១០ករណីដែលនាំឲ្យការឆ្លងសារុបចំនួន៣១ម៉ឺន២ពាន់៦១១ករណី។ ចំណែកការស្លាប់ថ្មីមានចំនួន៣៨០នាក់ដែលនាំឲ្យការស្លាប់សារុបមានចំនួន៧ពាន់១៥០នាក់។ប្រទេសកម្ពុជាមានការឆ្លងថ្មីចំនួន៥១៩ករណីដែលនាំឲ្យការឆ្លងសារុបមានចំនួន៨ម៉ឺន៨ពាន់២៤២ករណី។ ចំណែកការស្លាប់ថ្មី១៥នាក់ដែលនាំឲ្យការស្លាប់សារុបមានចំនួន១ពាន់៧៦២នាក់។ប្រទេសសឹង្ហបុរីមានការឆ្លងថ្មីចំនួន៤០ករណីដែលនាំឲ្យការឆ្លងសារុបមានចំនួន៦ម៉ឺន៦ពាន់៤០៦ករណី។ប្រទេសប្រុយណេមានការឆ្លងថ្មីចំនួន១៩០ករណីដែលនាំឲ្យការឆ្លងសារុបមានចំនួន១ពាន់១៣៦ករណី។ប្រទេសដែលមិនរងការឆ្លងថ្មីនោះគឺប្រទេសឡាវ។គិតសារុបរួមនៃប្រទេសទាំង១០អាស៊ាននាពេលនេះ មានការឆ្លងសារុបមាន៩លាន១២ម៉ឺន៦ពាន់៣០៥ករណី, និងការស្លាប់មាន២០ម៉ឺន៦៣៣នាក់។បើគិតសារុបនៅលើសាកលលោកនោះវិញការឆ្លងវីរុសកូវីដ១៩សារុបមានចំនួនជាង ២១០លានករណី, និងការស្លាប់មានជាង៤លាន៤១ម៉ឺននាក់។
-
ឡាវនឹងបើកសាលារៀនឡើងវិញ ខែក្រោយ
ប្រទេសឡាវបានសម្រេចបើកសាលារៀនឡើងវិញ ចាប់ពីដើមខែក្រោយ ហើយបានអំពាវនាវឲ្យមាតាបិតានិងអាណាព្យាបាលបញ្ជូនកូនមកសាលារៀនតាមកាលវិភាគកំណត់ នេះបើតាមការផ្សាយរបស់ សារព័ត៌មានឡាវ The Laotian Times នាថ្ងៃទី២០ សីហានេះ។ ក្រសួងអប់រំឡាវបានបញ្ជាក់ដែរថា មុនសាលាត្រូវបើកឡើងវិញ ទាំងស្រុង គ្រូបង្រៀន និងបុគ្គលិកទាំងអស់ក្នុងវិស័យអប់រំជារួមត្រូវអនុវត្តតាមលក្ខខណ្ឌទទួល វ៉ាក់សាំងការពារជំងឺកូវីដ -១៩ ជាមុនសិន។ យ៉ាងណាក៏ដោយ សាលាមួយចំនួនមិនអាចចាប់ផ្តើមដំណើរការឡើងវិញត្រឹមដើមខែក្រោយឡើយ ដោយសារទីតាំងទាំងនោះត្រូវបានប្រើប្រាស់ជាកន្លែងចត្តាឡីស័កសម្រាប់ពលករមកពីប្រទេសថៃ។ ឡាវបន្តរកឃើញករណីឆ្លងថ្មីច្រើន ប៉ុន្មានថ្ងៃចុងក្រោយនេះ។ សម្រាប់របាយការណ៍ថ្ងៃនេះ ឡាវប្រកាសរកឃើញ៤៤០នាក់ទៀត ស្លាប់មនុស្ស២នាក់៕