-
មូលហេតុកិច្ចចរចាពាណិជ្ជកម្មអាមេរិក-ចិនបរាជ័យក្នុងការចាប់ផ្តើម ទោះបីមានការជំរុញពីអាជីវកម្មអាមេរិកក្ដី
សហគមន៍ពាណិជ្ជកម្មអាមេរិក បានដាក់សម្ពាធលើសេតវិមាន ដើម្បីចាប់ផ្តើមការចរចាពាណិជ្ជកម្ម និងកែសម្រួលពន្ធគយជាមួយចិនឡើងវិញ ប៉ុន្តែកង្វះការលើកទឹកចិត្តផ្នែកនយោបាយ ធ្វើឱ្យទស្សនវិស័យសម្រាប់ការចូលរួមប្រកបដោយអត្ថន័យរវាងរដ្ឋាភិបាលនៃប្រទេសទាំងពីរធ្លាក់ចុះ។ ជាផ្នែកមួយនៃយុទ្ធនាការនេះ ក្រុមពាណិជ្ជករបានជំរុញឱ្យប្រធានសេដ្ឋកិច្ចអាមេរិក បន្តដំណើរការនៃការលើកលែងពន្ធគយដែលផុតកំណត់កាលពីចុងឆ្នាំមុន ដោយសម្អាងថា ការដាក់ពន្ធគយលើប្រទេសចិនក្នុងសង្គ្រាមពាណិជ្ជកម្មដែលផ្តួចផ្តើមដោយអតីតប្រធានាធិបតីលោក ដូណាល់ ត្រាំ នាំឱ្យឧស្សាហកម្មអាមេរិកប្រឈមនឹងកំណើននៃការចំណាយក្នុងការផលិតទំនិញ និងផ្តល់សេវាកម្មក្នុងស្រុក ដែលធ្វើឱ្យការនាំចេញផលិតផល និងសេវាកម្មទាំងនេះរបស់ពួកគេ មិនសូវមានការប្រកួតប្រជែងនៅបរទេស ហើយក៏កំពុងប៉ះពាល់ដល់វិស័យការងាររបស់អាមេរិកផងដែរ។ ការអំពាវនាវស្រដៀងគ្នានេះ ក៏ត្រូវបានគាំទ្រដោយសមាជិកព្រឹទ្ធសភាអាមេរិកចំនួន ៤០រូប រួមទាំងលោក Lindsey Graham និងលោក Macro Rubio រូបលោកទាំងពីរជាមេនាំមុខគេរបស់ចិនមកពីគណបក្សសាធារណរដ្ឋ ក្នុងលិខិតមួយដែលបានដាក់ជូនតំណាងពាណិជ្ជកម្មអាមេរិកលោកស្រី Katherine Tai កាលពីខែមេសានេះ។ លើសពីនេះទៅទៀត ក្រុមហ៊ុនអាមេរិកជាង ៣ ៧០០ បានដាក់ពាក្យបណ្តឹងចាប់តាំងពីឆ្នាំមុនទៅតុលាការពាណិជ្ជកម្មអន្តរជាតិអាមេរិក ដោយស្នើឱ្យបញ្ចប់ និងសងប្រាក់ពន្ធនាំចូលលើទំនិញចិនវិញ នេះបើយោងតាមរបាយការណ៍ប្រព័ន្ធផ្សព្វផ្សាយអាមេរិកកាលពីខែឧសភានេះ។ យ៉ាងណាមិញ បញ្ហាពាណិជ្ជកម្មបានទម្លាក់បញ្ជីអាទិភាពទាំងនៅក្រុងប៉េកាំង និងវ៉ាស៊ីនតោន ដោយទំនាក់ទំនងផ្តោតលើការប្រឈមមុខដាក់គ្នាផ្នែកសន្តិសុខ វិស័យបច្ចេកវិទ្យា និងមនោគមវិជ្ជាវិញ។ មន្រ្តីជំនាញសេដ្ឋកិច្ច បានត្រឹមតែធ្វើកិច្ចពិភាក្សាដំបូងនៅឆ្នាំនេះ ហើយក្រុងវ៉ាស៊ីនតោន នៅតែពិនិត្យឡើងវិញលើគោលនយោបាយរួមរបស់ចិន ដោយធ្វើឱ្យទស្សនវិស័យក្លាយទៅជាមិនច្បាស់សម្រាប់ការផ្លាស់ប្តូរយ៉ាងច្រើនលើកិច្ចព្រមព្រៀងពាណិជ្ជកម្មដែលជិតឈានដល់ឆ្នាំទីពីររបស់ខ្លួនមួយនេះ។ សង្រ្គាមពាណិជ្ជកម្ម បានចាប់ផ្តើមយ៉ាងធ្ងន់ធ្ងរនៅខែមីនាឆ្នាំ ២០១៨។…
-
មនុស្សរាប់ពាន់នាក់ចូលរួមធ្វើបាតុកម្ម ទាមទារឱ្យនាយករដ្ឋមន្ត្រីថៃចុះចេញពីដំណែង
បាងកក៖ ក្រុមបាតុកររាប់ពាន់នាក់ជិះរថយន្ត និងកង់ ប្រមូលផ្តុំគ្នានៅសង្កាត់ផ្សារកណ្តាលទីក្រុងបាងកកកាលពីថ្ងៃអាទិត្យ ដែលជាការប្រមូលផ្តុំចល័តមួយនៅទូទាំងប្រទេសថៃ ទាមទារឱ្យលោកនាយករដ្ឋមន្ត្រី ប្រាយុទ្ធ ចាន់អូចា ចុះចេញពីតំណែងដោយសារការបរាជ័យរបស់រដ្ឋាភិបាលលើការគ្រប់គ្រងការរីករាលដាលនៃជំងឺកូវីដ-១៩។ ប្រទេសនេះ កំពុងប្រឈមមុខនឹងការផ្ទុះឡើងដ៏អាក្រក់បំផុតរបស់ខ្លួន ដោយរហូតមកទល់ពេលនេះ មានអ្នកឆ្លងជាង ៩០៧ ០០០ ករណី និងមានអ្នកស្លាប់ ៧ ៥៥១ នាក់ដោយសារកូវីដ-១៩ ។ ភាពយឺតយ៉ាវនៃវ៉ាក់សាំង រួមជាមួយបញ្ហាហិរញ្ញវត្ថុពីការរឹតបន្តឹងអាជីវកម្មជាច្រើនសប្តាហ៍ បានធ្វើឱ្យមានការខឹងសម្បារចំពោះរដ្ឋបាលលោកប្រាយុទ្ធ។ ក្រោយមានការព្រួយបារម្ភអំពីការប្រមូលផ្តុំសាធារណៈអាចធ្វើឱ្យវីរុសកាន់តែរីករាលដាល ក្រុមអ្នកតវ៉ាបានចាប់ផ្តើមរៀបចំក្បួនរថយន្ត និងម៉ូតូដ៏ធំនៅតាមផ្លូវបំបែកធំៗ ដែលធ្វើឱ្យស្ទះផ្លូវនៅក្រុងបាងកក។ ក្រុមអ្នកតវ៉ាដែលចូលរួមដោយព្រះសង្ឃ និងក្រុមអ្នកស្រឡាញ់ភេទដូចគ្នា បានបញ្ចេញពន្លឺនៃការតស៊ូដោយម្រាមដៃបី។ លោក Nattawut Saikuar អ្នកនយោបាយដែលមានទំនាក់ទំនងជាមួយអតីតនាយករដ្ឋមន្រ្តីលោក ថាក់ស៊ីន ស៊ីណាវ៉ាត្រា (Thaksin Shinawatra) បាននិយាយថា៖ «ដល់ពេលលោកប្រាយុទ្ធហើយ។ រដ្ឋាភិបាលបានបង្ហាញយ៉ាងច្បាស់ ថាពួកគេនឹងមិនទទួលខុសត្រូវចំពោះការបាត់បង់ណាមួយឡើយ»។ បាតុកម្មកាលពីថ្ងៃអាទិត្យ កើតឡើងបន្ទាប់ពីការប៉ះទង្គិចគ្នាមួយសប្តាហ៍រវាងក្រុមបាតុករ និងប៉ូលីសដែលបានប្រើគ្រាប់កាំភ្លើងជ័រ កាណុងបាញ់ទឹក និងឧស្ម័នបង្ហូរទឹកភ្នែក ដើម្បីបញ្ឈប់ការប្រមូលផ្តុំគ្នា។ ការប្រមូលផ្ដុំដោយយានជំនិះបែបនេះ ក៏ត្រូវបានគេគ្រោងទុកធ្វើឡើងនៅក្រុងឆ្នេរប៉ាតាយ៉ា ក៏ដូចជានៅឈៀងម៉ៃផងដែរ។
-
ផ្ទុះធុងប្រេង នៅលីបង់បណ្ដាលអោយមានមនុស្សស្លាប់ចំនួន ២៨ នាក់
យោងតាមក្រុមអ្នកជួយសង្គ្រោះបន្ទាន់បានឲ្យដឹងថា ការផ្ទុះធុងប្រេងឥន្ធនៈមួយនៅប្រទេសលីបង់ បានសម្លាប់មនុស្សយ៉ាងតិច ២៨ នាក់និងរាប់សិបនាក់ទៀតរងរបួស។ កាកបាទក្រហមលីបង់ ដែលជាអ្នកស្ម័គ្រចិត្ត ដែលផ្តល់សេវាកម្ម រថយន្តសង្គ្រោះបន្ទាន់ភាគច្រើនរបស់ប្រទេស បាននិយាយនៅព្រឹកថ្ងៃអាទិត្យថា. មានមនុស្សយ៉ាងតិច ៧៩ នាក់បានរងរបួសនៅក្នុងការផ្ទុះនៅតំបន់ Akkar ភាគខាងជើងដែលជាតំបន់ដាច់ស្រយាលជាប់ព្រំដែនប្រទេសស៊ីរី។ ឧបទ្ទវហេតុនេះ គឺជាគ្រោះមហន្តរាយដ៏ធំបំផុតរបស់ប្រទេសលីបង់ដែលជួបវិបត្តិចាប់តាំងពីការផ្ទុះកំពង់ផែបេរូតកាលពីឆ្នាំមុន។ ទីភ្នាក់ងារសារព័ត៌មានរដ្ឋរបស់ប្រទេសលីបង់ បាននិយាយថាមូលហេតុពិតប្រាកដនៃការផ្ទុះធុងប្រេងឥន្ធនៈលើកនេះ នៅមិនទាន់ច្បាស់នោះទេ ប៉ុន្តែវាបានកើតឡើងនៅក្បែរកន្លែងផ្ទុកប្រេងខុសច្បាប់ដែលអ្នកស្រុកបានរកឃើញនៅរសៀលថ្ងៃដដែលនោះ។ លោកស្រី Diana Menhem នាយកគ្រប់គ្រងនៃក្រុមបញ្ចុះបញ្ចូលនិងគាំទ្រកំណែទម្រង់ ឈ្មោះKulluna Irada បាននិយាយថា « វាជាមហន្តរាយមួយ ។ អ្វីដែលកាន់តែមានភាពមហន្តរាយ ជាងនេះ គឺថាគ្មានយន្តការនៅនឹងកន្លែងសម្រាប់គ្រោះថ្នាក់នេះទេ។» លោកស្រីបានបន្ថែមថា ក៏មិនទាន់ឃើញមានយន្តការសម្រាប់ជួយប្រជាជន ទប់ទល់នឹងសម្ពាធអតិផរណាដែលអត្រាទីផ្សារប្រេងថ្មីអាចនឹងបង្ក។ អង្គការសហប្រជាជាតិនិងធនាគារពិភពលោក បានប៉ាន់ប្រមាណថា ប្រជាជនលីបង់ជាងពាក់កណ្តាលរស់នៅក្រោមអត្រាភាពក្រីក្រ។ វិបត្តិសេដ្ឋកិច្ច និងនយោបាយដែលប្រទាក់ក្រឡាគ្នារបស់ប្រទេសលីបង់ បានធ្លាក់ចូលក្នុងសភាពកាន់តែអាក្រក់ក្នុងរយៈពេលប៉ុន្មានថ្ងៃចុងក្រោយនេះ។ កាលពីថ្ងៃពុធ ធនាគារកណ្តាលរបស់លីបង់បានប្រកាសការសម្រេចចិត្តជាឯកតោភាគី ដើម្បីបញ្ឈប់ការឧបត្ថម្ភដល់វិស័យប្រេងឥន្ធនៈ ដែលធ្វើឱ្យប្រទេសនេះធ្លាក់ចូលក្នុងភាពវឹកវរជាថ្មី។
-
បញ្ហាគ្មានផ្ទះសម្បែងរស់នៅរបស់ប្រជាជានអូស្ត្រាលី នៅតែជាបញ្ហារ៉ាំរៃមិនអាចដោះស្រាយបាន
មានមនុស្សជាង ១១៦.០០០ នាក់គ្មានផ្ទះសម្បែងសម្រាប់ស្នាក់នៅ ក្នុងប្រទេសអូស្ត្រាលី ហើយចំនួន នេះកំពុងកើនឡើងគ្រប់ពេលវេលា។ ទីក្រុង Melbourne ជារឿយៗត្រូវបានគេចាត់ទុកថា ជាទីក្រុងមួយក្នុងចំណោមទីក្រុង ដែលមានលក្ខខណ្ឌសមរម្យអាចឲ្យប្រជាពលរដ្ឋរស់នៅបានប្រកបដោយផាកសុកភាពតាមស្ដង់ដារបស់ពិភពលោក។ ហើយភាគច្រើនទីក្រុងនេះគឺ សំបូរទៅដោយ ភោជនីយដ្ឋាន និងបារ កន្លែងរៀបចំព្រឹត្តិការណ៍កីឡាអន្តរជាតិនិងជាកន្លែងសម្តែងសិល្បៈនិងតន្រ្តីយ៉ាងរីកចម្រើនមួយ។ ប៉ុន្តែទោះបីជាមានលក្ខខណ្ឌល្អដូចរៀបរាប់ខាងលើក៏ដោយ ជាក់ស្តែងការធ្វើជំរឿនចុងក្រោយនៅឆ្នាំ ២០១៦ បានឲ្យដឹងថាមានមនុស្សជិត ២៥.០០០ នាក់ដែលកំពុងជួបប្រទះភាពគ្មានផ្ទះសម្បែងសម្រាប់ស្នាក់នៅ។ នៅទូទាំង ប្រទេសអូស្រ្តាលីជនគ្មានផ្ទះសម្បែងកំពុងកើនឡើងដោយយផងតាមជំរឿនប្រជាជនឆ្នាំ ២០១៦ បង្ហាញពីការកើនឡើងជិត ១៤ ភាគរយក្នុងរយៈពេល ៥ ឆ្នាំ។ ស្ថិតិនេះកាន់តែគួរឱ្យភ្ញាក់ផ្អើល បើសិនយើងពិចារណា លើការពិតមួយដែល ប្រទេសអូស្រ្តាលី ឈរនៅលើកំពូលតារាងសម្រាប់ប្រជាជនដែលមានទ្រព្យសម្បត្តិក្នុងក្របខណ្ឌសកលឆ្នាំ ២០១៨ ។ តម្លៃផ្ទះជាមធ្យម នៅក្នុងទីក្រុងដូចជា Melbourne និង Sydney មានតម្លៃប្រហែល ៧៣៧,០០០ ដុល្លារអាមេរិក ដែលជាតម្លៃមួយដែលថ្លៃខ្ពស់។ កញ្ញាAnna Paris គឺជាអ្នកគ្រប់គ្រងប្រតិបត្តិការ នៅ Sacred Heart Mission ដែលជាអង្គការក្រៅរដ្ឋាភិបាលមួយដែលមានមូលដ្ឋាននៅទីក្រុងMelbourne ហើយអង្គការនេះផ្តល់ជូនសេវាកម្មជាច្រើនដល់អ្នកដែលជួបប្រទះបញ្ហាគ្មានផ្ទះសម្បែង…
-
នាយករដ្ឋមន្ត្រីម៉ាឡេស៊ី និងគណៈរដ្ឋមន្ត្រីលាលែងពីតំណែង បន្ទាប់ពីចូលគាល់ព្រះមហាក្សត្រ
កាលពីថ្ងៃចន្ទ ទី១៦ សីហានាយករដ្ឋមន្ត្រីម៉ាឡេស៊ីលោក Muhyiddin Yassin និងគណៈរដ្ឋមន្ត្រីរបស់លោកបានលាលែងពីតំណែងបន្ទាប់ពីពួកគេបានចូលគាល់ព្រះមហាក្សត្រម៉ាឡេស៊ី នេះបើតាមការលើកឡើងរដ្ឋមន្ត្រីមួយរូប។ រដ្ឋមន្ត្រីក្រសួងវិទ្យាសាស្ត្រ បច្ចេកវិទ្យា និងនវានុវត្តន៍ម៉ាឡេស៊ីលោកKhairy Jamaluddin បានបង្ហោះសារមួយលើបណ្ដាញសង្គម Instagram ថាកិច្ចប្រជុំចុងក្រោយនៃគណៈរដ្ឋមន្ត្រីត្រូវបានបានបញ្ចប់កាលពីព្រឹកថ្ងៃចន្ទ ហើយលោកបាននិយាយថា៖ «សូមអរគុណជាថ្មីម្តងទៀត ចំពោះឱកាសដើម្បីបម្រើប្រទេសជាតិ។ សូមព្រះប្រទានពរដល់ប្រទេសម៉ាឡេស៊ី»។ ការលាលែងទាំងនេះ គឺបានបញ្ចប់ការគ្រប់គ្រងរយៈពេល១៨ខែរបស់លោក Muhyiddin បន្ទាប់ការដឹកនាំរបស់លោកត្រូវបានគេប្រឆាំងអស់ជិតពីសប្ដាហ៍ ដែលចាប់ផ្ដើមនៅពេលសមាជិកសភាមកពីបក្ស UMNO ចំនួន ១១ នាក់បានដកការគាំទ្ររបស់គេកាលពីថ្ងៃទី៣ សីហា។ ប៉ុន្តែការទម្លាក់លោក Muhyiddinពីតំណែងអាចនឹងបង្កភាពចលាចលបន្ថែមទៀតក្នុងនយោបាយប្រទេសម៉ាឡេស៊ី ខណៈពេលគេមិនទាន់ដឹងច្បាស់ថានរណាគេនឹងមានសិទ្ធបង្កើតរដ្ឋាភិបាលបន្ទាប់ពីការចាកចេញរបស់លោក។ បើទោះបីជាមានការជួបប្រជុំជាច្រើនរវាងគណបក្សនានាកាលពីចុងសប្ដាហ៍គេនៅមិនទាន់រកឃើញបេក្ខជនអាចជំនួសលោក Muhyiddin បានទេ។ លោក Muhiyiddin ត្រូវបានអ្នកវិភាគគិតថានឹងនៅគាំទ្របេក្ខជនមកពីសម្ព័ន្ធភាពនយោបាយ PN របស់លោក ដែលមាន ១០០ អាសនៈក្នុងសភា ២២២អាសនៈ។ លោក Muhiyiddin ក៏អាចត្រូវតែងតាំងជានាយករដ្ឋមន្ត្រីចាំផ្ទះ ខណៈពេលដែលព្រះមហាក្សត្រ Sultan Abdullah Ahmad Shah ស្វែងរកបេក្ខជនបង្កើតរដ្ឋាភិបាល។ រីឯមេដឹកនាំបក្សប្រឆាំងលោក Anwar Ibrahim…
-
នាយករដ្ឋមន្ត្រីកាណាដារៀបចំការបោះឆ្នោតមុនកំណត់ ខណៈលោកព្យាយាមបន្តអាណត្តបន្ទាបពីកូវីដ-១៩
នាយករដ្ឋមន្ត្រីកាណាដាលោក Justin Trudeau បានប្រកាសរៀបចំការបោះឆ្នោតមុនពេលកំណត់ ដោយរំពឹងថាការគាំទ្ររបស់លោកបានកើនឡើងបន្ទាប់ពីការទប់ស្កាត់ការរីករាលដាលជំងឺកូវីដ-១៩ នៅកាណាដា ខណៈពេលដែលលោកព្យាយាមទទួលសំឡេងភាគច្រើនក្នុងសភា បន្ទាប់ពីដឹកនាំរដ្ឋាភិបាលសំឡេងភាគតិចអស់រយៈពេលពីរឆ្នាំ។ កាលពីថ្ងៃអាទិត្យទី១៥ សីហាលោក Trudeau បានស្នើអគ្គអភិបាលកាណាដាលោកស្រី Mary Simon ដែលជាតំណាងរបស់មហាក្សត្រីអេលីសាបេត ឱ្យរំសាយសភាដើម្បីធ្វើការបោះឆ្នោតមុនពេលកំណត់។ លោកស្រី Simon បានសម្រេចអនុម័តសំណើរបស់លោក Trudeau។ ក្នុងរយៈពេលពីរឆ្នាំចុងក្រោយនេះលោក Trudeau បានរំពឹងលើគណបក្សប្រឆាំង ដូចជាគណបក្សប្រជាធិបតេយ្យថ្មី ដើម្បីធ្វើការអនុម័តច្បាប់ ច្បាប់ថវិកាជាតិ និងកញ្ចប់ថវិកាជំនួយវិបត្តិជំងឺកូវីដ-១៩។ ប៉ុន្តែក្នុងរយៈពេលប៉ុន្មានខែចុងក្រោយនេះលោក Trudeau បានចោទប្រកាន់គណបក្សប្រឆាំងបានធ្វើការរារាំងការអនុម័តច្បាប់នានា។ ជាមួយនឹងអត្រាចាក់វ៉ាក់សាំងឈានមុខគេនៅលើពិភពលោក និងទស្សនវិស័យប្រសើរឡើងសម្រាប់សេដ្ឋកិច្ច រួមជាមួយជ័យជម្នះថ្មីៗរបស់គណបក្សលោកក្នុងការបោះឆ្នោតថ្នាក់មូលដ្ឋាន លោក Trudeau បានមើលឃើញឱកាសសម្រាប់ទាមទារសំឡេងភាគច្រើនមកវិញ ដែលលោកបានបាត់បង់កាលពីឆ្នាំ២០១៩៕
-
ទូតមីយ៉ាន់ម៉ាប្រចាំ UN ជឿជាក់ថានឹងបន្តគ្រប់គ្រងអាសនៈរបស់ខ្លួន ទោះរងការគំរាមកំហែងនានា
លោក Kyaw Moe Tun ដែលពេលនេះជាឯកអគ្គរដ្ឋទូតមីយ៉ាន់ម៉ាប្រចាំអង្គការសហប្រជាជាតិ នៅតែជឿជាក់ថា ខ្លួននៅតែអាចបន្តឈរជើងនៅស្ថាប័នពិភពលោកនេះបាន ទោះបីជារងការគំរាមកំហែងដល់សន្តិសុខរបស់ខ្លួន ព្រមទាំងការប្រជែងដណ្ដើមយកអាសនៈរបស់ខ្លួននៅអង្គការសហប្រជាជាតិពីសំណាក់រដ្ឋាភិបាល ដឹកនាំដោយក្រុមយោធាកំពុងកាន់អំណាច។ បុរសវ័យ ៥២ឆ្នាំរូបនេះ ប្រកាសកាលពីខែកុម្ភៈថា លោកតំណាងឱ្យរដ្ឋាភិបាលស៊ីវិលដឹកនាំដោយគណបក្សសម្ព័ន្ធជាតិដើម្បីប្រជាធិបតេយ្យ (NLD) ដែលឈ្នះឆ្នោតកាលពីខែវិច្ឆិកា ឆ្នាំ២០២០។ បុរសវ័យ ៥២ឆ្នាំរូបនេះ ជារឿយៗធ្វើការថ្កោលទោសខាងយោធា ដែលធ្វើរដ្ឋប្រហារទម្លាក់រដ្ឋាភិបាលស៊ីវិល។ ការប្រកាន់ជំហរគាំទ្រក្រុមស៊ីវិល ធ្វើឱ្យក្រសួងការបរទេសរបស់រដ្ឋាភិបាលយោធា ប្រកាសដកតំណែងរបស់លោកចេញ ហើយដកលិខិតឆ្លងដែនរបស់លោក ក៏ដូចជាចោទប្រកាន់លោកទូតរូបនេះក្រោមបទល្មើសក្បត់ជាតិ។ កាលពីដើមខែសីហាកន្លងទៅ អាជ្ញាធរយុត្តិធម៌អាមេរិកចាប់ខ្លួនពលរដ្ឋសញ្ជាតិមីយ៉ាន់ម៉ាចំនួន ២នាក់ ក្រោមបទល្មើសនឹងការឃុបឃិតក្នុងការវាយប្រហារ និងបង្កអំពើហិង្សាទៅលើ លោក Kyaw Moe Tun។ យោងតាមពាក្យបណ្ដឹងរបស់ការិយាល័យស៊ើបអង្កេតសហព័ន្ធរបស់សហរដ្ឋអាមេរិកហៅកាត់ថា FBI បុរសទាំងពីរនាក់ខាងលើនេះ ជាពលរដ្ឋមីយ៉ាន់ម៉ា ដែលរស់នៅទីក្រុងញូវយ៉ក ដែលម្នាក់មានអាយុ ២៨ឆ្នាំ មានឈ្មោះថា Phyo Hein Htut និងម្នាក់ទៀតមានអាយុ ២០ឆ្នាំមានឈ្មោះថា Ye Hein Zaw។ អ្នកទាំងពីរនេះមានជាប់ពាក់ព័ន្ធជាមួយនឹងឈ្មួញលក់អាវុធនៅប្រទេសថៃ ដែលជាអ្នកផ្គត់ផ្គង់ឱ្យយោធាមីយ៉ាន់ម៉ា ដែលកំពុងកាន់អំណាច។ នេះបើតាមពាក្យបណ្ដឹងរបស់ភ្នាក់ងារពិសេសរបស់…
-
តើនឹងមានរឿងអ្វីកើតឡើង នៅពេលរដ្ឋាភិបាលបើកសាលារៀនវិញ ខណៈស្ថានភាពកូវីដមិនទាន់ធូរស្បើយ?
នេះគឺជាឆ្នាំសិក្សាទី ៣ ដែលត្រូវ បានរំខាន ដោយជំងឺរីករាលដាលជាសកល។ បើទោះជាផ្នែកខ្លះនៃពិភពលោកទទួលបានវ៉ាក់សាំងការពារប្រជាជន និងដល់កុមារមួយចំនួនក្ដី ការកើនឡើងនៃវ៉ារ្យ៉ង់ឌែលតា កាន់តែបង្ហាញពីភាពមិនច្បាស់លាស់បន្ថែមទៀត ថាតើសាលារៀនអាចនឹងបើកឱ្យចូលរៀនវិញបានជាធម្មតាវិញក្នុងពេលឆាប់ៗ ឬយ៉ាងណា។ វិបត្តិឌែលតាវ៉ារ៉្យង់ ក្លាយជាប្រធានបទជជែកវែកញែកផ្នែកនយោបាយក្ដៅគគុក ជាពិសេសលើបញ្ហាពាក់ម៉ាស់ និងវ៉ាក់សាំង។ ការជជែកវែកញែកស្ដីអំពីគោលការណ៍ណែនាំដល់ឪពុក ម្តាយឱ្យធ្វើការសម្រេចចិត្តឱ្យកូនរបស់ពួកគេគួរតែទទួលវ៉ាក់សាំង ឬ ពាក់ម៉ាស់ ឬ បន្តរៀនតាមអ៊ីនធឺណេត។ យ៉ាងណាមិញ បើក្រឡេកទៅមើលតំបន់ ជាយក្រុងអាត្លង់តា នៃសហរដ្ឋអាមេរិក បើទោះជាករណីក្នុងស្រុក បានកើនឡើង ៧៦ ភាគរយក្នុងរយៈពេល ១៤ ថ្ងៃចុងក្រោយ (គិតត្រឹមថ្ងៃសុក្រ) ក៏ដោយ ក៏សាលាក្រុងបានជ្រើសរើសយកគោលការណ៍មិនពាក់ម៉ាស់។ ក្នុងរយៈពេលពីរសប្តាហ៍ដំបូងនៃការបើកឱ្យចូលរៀនធម្មតា ចាប់ផ្តើមនៅថ្ងៃទី ២ ខែសីហា សាលក្រុងបានរកឃើញករណីឆ្លងថ្មីជាង ៧០០ ក្នុងចំណោមសិស្ស និងបុគ្គលិក ក្នុងចំណោមសិស្ស និងបុគ្គលិកសរុប ១១ ម៉ឺននាក់។ បើទោះជា មានការបាតុកម្មតវ៉ាប្រឆាំងឱ្យមានការពាក់ម៉ាស់នៅសាលាវិញ ក្រោយព្រឹត្តិការណ៍នេះក៏ដោយ ក៏នៅមានឪពុកម្ដាយមួយចំនួនជឿជាក់ថា ម៉ាស់មួយមុខគ្រប់គ្រាន់ ការពារកូនៗរបស់ពួកគេពីមេរោគឡើយ។ ការចែកចាយវ៉ាក់សាំងសម្រាប់គ្រូ និងបុគ្គលិកសាលា ក៏ដូចជាការអនុវត្តវិធានតឹងរឹងនៅតែជាវិធីដ៏ល្អបំផុតក្នុងការពារការរីករាលដាលក្នុងពេលបើកសាលារៀនវិញ។…
-
តាលីបង់ចូលកាន់កាប់អំណាចនៅអាហ្វហ្គានីស្ថាន ខណៈពេលប្រធានាធិបតី និងអ្នកការទូតបានភៀសខ្លួន
កាលពីថ្ងៃចន្ទ ទី១៦ សីហាក្រុមឧទ្ទាមតាលីបង់បានប្រកាសត្រៀមបង្កើតរបបកាន់អំណាចនៅប្រទេសអាហ្វហ្គានីស្ថាន បន្ទាប់ពីពួកគេចូលកាន់កាប់រដ្ឋធានីកាប៊ុល ខណៈពេលដែលលោកប្រធានាធិបតី Ashraf Ghani បានភៀសខ្លួនទៅប្រទេសតាហ្ស៊ីគីស្ថាន ដោយនិយាយថាលោកមានបំណងជៀសវាងការបង្ហូរឈាម ។ លោក Mohammad Naeem អ្នកនាំពាក្យការិយាល័យនយោបាយរបស់តាលីបង់បានប្រាប់ទូរទស្សន៍ Al Jazeera ថា៖ «”ថ្ងៃនេះគឺជាថ្ងៃដ៏អស្ចារ្យមួយសម្រាប់ប្រជាជនអាហ្វហ្គានីស្ថាន និងយុទ្ធជនមូចារហ៊ីដីន។ ពួកគេបានឃើញនូវផលផ្លែនៃកិច្ចខិតខំប្រឹងប្រែងនិងការលះបង់របស់ពួកគេអស់រយៈពេល ២០ ឆ្នាំ»។ លោកនិយាយថា «អរគុណព្រះជាម្ចាស់ សង្គ្រាមបានបញ្ចប់នៅក្នុងប្រទេស»។ លោក Naeem និយាយថារចនាសម្ព័ន្ធនៃរបបកាន់អំណាចថ្មីនៅអាហ្វហ្គានីស្ថាននឹងត្រូវបានប្រកាសនាពេលឆាប់ៗនេះ ដោយបន្ថែមទៀតថាតាលីបង់មិនចង់នៅដោយឡែកទៀតទេ ហើយចង់មានទំនាក់ទំនងអន្តរជាតិ។ «យើងបានឈានដល់អ្វីដែលយើងកំពុងស្វែងរក ជាសេរីភាពរបស់ប្រទេសយើង និងឯករាជ្យភាពរបស់ប្រជាជនយើង» លោកនិយាយបែបនេះ ហើយបន្តទៀតថា៖ «យើងនឹងមិនអនុញ្ញាតឱ្យនរណាម្នាក់ប្រើទឹកដីរបស់យើងដើម្បីវាយប្រហារនរណាផ្សេងឡើយ ហើយយើងមិនចង់ធ្វើបាបអ្នកដទៃឡើយ»។ លោកនិយាយថាតាលីបង់នឹងប្រកាន់យកគោលនយោបាយមិនជ្រៀតជ្រែកចូលកិច្ចការអ្នកដទៃ ជាថ្នូរនឹងនិងការមិនជ្រៀតជ្រែកចូលកិច្ចការរបស់ខ្លួន។ ប្រជាជនជាច្រើនមានភាពភ័យខ្លាចថាការត្រឡប់មកវិញរបស់តាលីបង់នឹងមានន័យថាប្រទេសអាហ្វហ្គានីស្ថាននឹងស្ថិតក្រោមច្បាប់តឹងរឹងរបស់សាសនាអ៊ីស្លាម។ អតីតមន្ត្រី និងទាហានរដ្ឋាភិបាល ក៏ដូចជាអ្នកបកប្រែឱ្យអាមេរិកជាច្រើននាក់មានការព្រួយបារម្ភថាពួកគេនឹងត្រូវកែនដោយក្រុមតាលីបង់ដើម្បីប្រហារជីវិត ដរាបណាពួកគេមិនអាចចាកចេញពីប្រទេស។ លោក Naeem និយាយថាតាលីបង់នឹងមិនប្រកាន់ជំហរតឹងរឹងដូចមុនទេ ហើយបានធ្វើការធានាសុវត្ថិភាពឱ្យអតីតមន្ត្រីរដ្ឋាភិបាលអាហ្វហ្គានីស្ថាន។ កាលពីថ្ងៃកាលល្ងាចថ្ងៃអាទិត្យ ក្រុមតាលីបង់បានចាប់ផ្ដើមឡោមព័ទ្ធរដ្ឋធានីកាប៊ុល ក្រោយពីបានវាយលុកដណ្ដើមទីរួមខេត្តនានារបស់អាហ្វហ្គានីស្ថានស្ទើរទាំងអស់ក្នុងរយៈពេលត្រឹមតែមួយសប្ដាហ៍ប៉ុណ្ណោះ ដោយគ្មានការតតាំងធំដុំណាមួយពីកងយោធារដ្ឋាភិបាលអាហ្វហ្គានីស្ថាន ដែលហ្វឹកហាត់ដោយសហរដ្ឋអាមេរិក។ ការចូលកាន់កាប់ក្នុងរយៈពេលដ៏ខ្លីនេះកើតឡើង បន្ទាប់ភ្នាក់ងារចារកម្មអាមេរិកបានប៉ាន់ស្មានថាតាលីបង់ត្រូវការរយៈពេលយ៉ាងហោចណាស់…
-
ចំនួនអ្នកស្លាប់ដោយសារគ្រោះរញ្ជួយដីនៅហៃទីបន្តកើនឡើង
ប្រជាជនហៃទីកំពុងវាយកំទេចអគារដែលបាក់បែកដើម្បីស្វែងរកសមាជិកក្រុមគ្រួសារ និងសាច់ញាតិ ដែលជាប់នៅក្នុងគំនរបាក់បែក បន្ទាប់ពីគ្រោះរញ្ជួយដីកម្រិត ៧,២ រ៉ិចទ័រ បានវាយប្រហារភាគខាងត្បូងនៃប្រទេសមួយនេះ ដោយបានសម្លាប់មនុស្សជិត ១ ៣០០ នាក់ និងរងរបួសជាច្រើននាក់។ យោងតាមទីភ្នាក់ងារការពារជនស៊ីវិលហៃទី គ្រោះរញ្ជួយដីដ៏ខ្លាំងក្លានេះបានបំផ្លាញផ្ទះចំនួន ១៣ ៦៩៤ ខ្នង សម្លាប់មនុស្សអស់ ១ ២៩៧ នាក់ ខណៈមនុស្សជាង ៥ ៧០០ នាក់បានរងរបួស និងជាច្រើននាក់ផ្សេងទៀតបានបាត់ខ្លួន។ ការរញ្ជួយដីបានវាយប្រហារភាគឦសាននៃតំបន់ Saint-Louis-du-Sud ស្ថិតនៅភាគខាងត្បូងនៃប្រទេស ដែលមានចម្ងាយប្រមាណជា ៩៦ គីឡូម៉ែត្រពីកន្លែងរញ្ជួយចាស់ឆ្នាំ ២០១០ ធ្វើឱ្យវិហារគ្រិស្តសាសនា សណ្ឋាគារ មន្ទីរពេទ្យ និងសាលារៀនខូចខាតយ៉ាងដំណាំជាពិសេសនៅក្នុងតំបន់ និងនៅជុំវិញក្រុង Les Cayes។ គ្រោះលើកនេះ ក្លាយជាបញ្ហាប្រឈមថ្មីមួយទៀតសម្រាប់ហៃទី ដែលមិនទាន់ដោះស្រាយបញ្ហាបន្សល់ទុកក្រោយគ្រោះរញ្ជួយដីកាលពីឆ្នាំ ២០១០ ដែលសម្លាប់មនុស្សអស់ជាង ២០០ ០០០ នាក់ ខណៈដែលការធ្វើឃាតលោកប្រធានាធិបតី Jovenel Moïse កាលពីដើមខែកក្កដាបានធ្វើឱ្យប្រទេសនេះធ្លាក់ចូលក្នុងវិបត្តិរួចទៅហើយ។ ជាមួយគ្នានេះ នាយករដ្ឋមន្រ្តីហៃទីថ្មី លោក…