-
លីទុយអានីនឹងសង់របងព្រំដែនជាប់បេឡារុស ដើម្បីបញ្ឈប់ជនចំណាកស្រុក
សភាលីទុយអានី បានបោះឆ្នោតដើម្បីសាងសង់របងដែកលួសឡាមកម្ពស់៤ម៉ែត្រ តាមបណ្ដោយព្រំដែនជាប់បេឡារុសប្រវែងជាង ៥០០ គីឡូម៉ែត្រ ដើម្បីបញ្ឈប់ជនអន្តោប្រវេសន៍អ៊ីរ៉ាក់ អាហ្វហ្កានីស្ថាន និងជនចំណាកស្រុកក្រៅសហភាពអឺរ៉ុបផ្សេងទៀតចូលប្រទេសរបស់ខ្លួន ក្រោយចោទប្រកាន់រដ្ឋាភិបាលក្រុងមីនស្ក៍កាលពីដើមខែមុនថាបានផ្ដល់ជើងហោះហើរឱ្យជនអន្តោប្រវេសន៍ឆ្ពោះទៅតំបន់ព្រំដែន។ ចំនួនជនចំណាកស្រុកខុសច្បាប់ចូលទឹកដីលីទុយអានី ឡេតូនី និងប៉ូឡូញ តាមបេឡារុស បានកើតឡើងក្នុងរយៈពេលប៉ុន្មានសប្តាហ៍ថ្មីៗនេះ ហើយអាជ្ញាធរនៅក្នុងប្រទេសទាំងនេះ បានចោទប្រកាន់ប្រធានាធិបតីបេឡារុស លោក Alexander Lukashenko ថាបានប្រើប្រាស់ពួកគេ ដើម្បីសងសឹកសហភាពអឺរ៉ុបដែលដាក់ទណ្ឌកម្មប្រឆាំងនឹងរដ្ឋាភិបាលរបស់ខ្លួន។ ទំនាក់ទំនងរវាងសហភាពអឺរ៉ុប និងបេឡារុស កាន់តែធ្លាក់ចុះយ៉ាប់ទៅៗ បន្ទាប់ពីប្លុកនេះបន្ថែមទម្ងន់ទណ្ឌកម្មរបស់ខ្លួនប្រឆាំងរដ្ឋាភិបាលលោក Lukashenko មួយខែក្រោយមានការបង្ខំជើងហោះហើរមួយឱ្យចតនៅក្រុងមីនស្ក៍ ដើម្បីស្ទាក់ចាប់អ្នកកាសែតប្រឆាំងលេចធ្លោម្នាក់របស់បេឡារុស បន្ថែមពីលើបញ្ហាសិទ្ធិមនុស្សផ្សេងទៀតៗរួមមានទាំងការចាប់ខ្លួនបាតុករ និងការចាប់ខ្លួនអ្នកនយោបាយដាក់ពន្ធនាគារជាដើម។ ឆ្លើយតបនឹងទណ្ឌកម្ម លោក Lukashenko បានបើកច្រកព្រំដែនអនុញ្ញាតឱ្យជនចំណាកស្រុកក្រៅសហភាពអឺរ៉ុប ចូលទៅប្លុក ដោយនិយាយសម្ដៅលើជនអន្តោប្រវេសន៍ថា ខ្លួននឹងមិនបញ្ឈប់ចលនារបស់នរណាម្នាក់ទេ ក្នុងគោលបំណងដាក់សម្ពាធលើសហភាពនេះវិញ។ ចំណែកឯប្រទេសឡាតូវីឯណោះវិញ បានប្រកាសស្ថានភាពគ្រាអាសន្ននៅតាមព្រំដែនរបស់ខ្លួនជាមួយប្រទេសបេឡារុស ជាកន្លែងដែលខ្លួនមានផែនការបង្កើនការល្បាត។ វិធានការនេះ អនុញ្ញាតឱ្យឆ្មាំព្រំដែនបញ្ជូនជនចំណាកស្រុកខុសច្បាប់ដោយកម្លាំងទៅវិញ។ យ៉ាងណាមិញ លោក Lukashenko កាលពីថ្ងៃចន្ទនេះបានប្តេជ្ញាថា បេឡារុសនឹងមិនទទួលយកជនចំណាកស្រុកត្រឡប់ពីប្រទេសបាល់ទិកជិតខាងរបស់ខ្លួនទេ។ ប្រភព៖ BBC
-
រដ្ឋសមាជិកសហភាពអឺរ៉ុបចំនួន ៦ ជំរុញឱ្យប្លុកប្រឆាំងនឹងការបញ្ឈប់ការនិរទេសជនភៀសខ្លួនអាហ្វហ្គានីស្ថាន
ប្រ៊ុចសែល៖ រដ្ឋសមាជិកសហភាពអឺរ៉ុបចំនួន ៦ បានព្រមាននាយកប្រតិបត្តិប្លុកនេះ ពីការបញ្ឈប់ការនិរទេសអ្នកស្វែងរកសិទ្ធិជ្រកកោនអាហ្វហ្គានីស្ថានចូលមកអឺរ៉ុប ទោះបីក្រុមឧទ្ទាមតាលីបង់ហែកហួរប្រទេសអាស៊ីកណ្ដាលនេះសាជាថ្មីម្ដងទៀតក្រោយកងទ័ពបរទេសដឹកនាំដោយសហរដ្ឋអាមេរិកបានដកចេញ ក៏ដោយក្ដី។ ប្រទេសដែលរួមមានអូទ្រីស ដាណឺម៉ាក បែលហ្ស៊ិក ហូឡង់ ក្រិក និងអាល្លឺម៉ង់ បាននិយាយនៅក្នុងលិខិតមួយផ្ញើទៅកាន់គណៈកម្មការអឺរ៉ុបកាលពីថ្ងៃទី ៥ ខែសីហា ថា៖ «ការបញ្ឈប់ការនិរទេស (ជនភៀសខ្លួន) នឹងផ្តល់ជាសញ្ញាខុស ហើយទំនងជាជំរុញឱ្យពលរដ្ឋអាហ្វហ្គានីស្ថានកាន់តែច្រើន ចាកចេញពីផ្ទះរបស់ពួកគេទៅសហភាពអឺរ៉ុប»។ លិខិតដដែលបន្ត៖ «នេះហើយជាមូលហេតុដែលយើងជម្រុញឱ្យគណៈកម្មការ បង្កើនកិច្ចពិភាក្សាជាមួយរដ្ឋាភិបាលអាហ្វហ្គានីស្ថានអំពីរបៀបនៃការបញ្ជូន (ជនភៀសខ្លួន) ត្រឡប់ទៅកាន់អាហ្វហ្គានីស្ថាន អាចធ្វើឡើងទៅបាន និងបន្តនៅប៉ុន្មានខែខាងមុខនេះ»។ រដ្ឋជាសមាជិកសហភាពអឺរ៉ុបជាច្រើន មានការព្រួយបារម្ភថាការទទួលយកជនភៀសខ្លួនអាហ្វហ្គានីស្ថាន អាចបង្កឱ្យមានវិបត្តិជនអន្តោប្រវេសន៍អឺរ៉ុបដូចឆ្នាំ ២០១៥ និង២០១៦ នៅពេលជនភៀសខ្លួនជាង ១លាននាក់មកពីមជ្ឈឹមបូព៌ាបានចូលមកប្លុកនេះ ដែលទាមទារឱ្យខ្លួនត្រូវពង្រីកប្រព័ន្ធសន្តិសុខ និងសុខុមាលភាពជាដើម។ គណៈកម្មការអឺរ៉ុបបាននិយាយថា ខ្លួនបានទទួលលិខិតនេះហើយ ដោយនឹងឆ្លើយតបនៅពេលរួចរាល់។ គណៈកម្មការដដែលបន្តថា អាហ្វហ្គានីស្ថានជាប្រទេសមានសុវត្ថិភាពដែលអាចបញ្ជូនអ្នកស្វែងរកសិទ្ធិជ្រកកោនទៅវិញ ឬយ៉ាងណា នោះ គឺអាស្រ័យលើប្រទេសជាសមាជិកធ្វើសេចក្តីសម្រេច។ ចាប់តាំងពីឆ្នាំ ២០១៥ មក ជនជាតិអាហ្វហ្គានីស្ថានប្រមាណជាង ៥៧០ ០០០ នាក់ បានសុំសិទ្ធិជ្រកកោននៅសហភាពអឺរ៉ុប។ លិខិតពីប្រទេសចំនួន…
-
អ្នកតវ៉ាប្រឆាំងនឹងរដ្ឋអំណាចថៃ បន្តធ្វើបាតុកម្មតាមដងផ្លូវ
អ្នកតវ៉ាប្រឆាំងនឹងរដ្ឋអំណាចថៃនៅបន្តធ្វើបាតុកម្មតាមដងផ្លូវ ដោយដង្ហែក្បួនឡាន និងម៉ូតូ កាលពីថ្ងៃអង្គារកន្លងទៅ ដោយបន្តទាមទារឱ្យនាយករដ្ឋមន្ត្រីថៃលោកប្រាយុទ្ធ ចាន់អូឆា ចុះចេញពីតំណែង ក្រោយពីមិនសប្បាយនឹងការឆ្លើយតបនឹងវិបត្តិជំងឺកូវីដ-១៩ ពីសំណាក់រដ្ឋាភិបាលថៃ។ បន្ថែមពីការទាមទារឱ្យលោកប្រាយុទ្ធចុះចេញពីតំណែង ក្រុមបាតុករថៃក៏ទាមទារឱ្យមានកំណែទម្រង់ស្ថាប័នព្រះមហាក្សត្រផងដែរ។ សារព័ត៌មាន Bangkok Post បានចុះផ្សាយថា បាតុកម្មលើកនេះដឹកនាំដោយរណសិរ្សសាមគ្គីធម្មសាស្ត្រ និងការធ្វើបាតុកម្ម។ កាលពីរសៀលថ្ងៃអង្គារ ក្រុមបាតុករបានស៊ីផ្លេឡាន និងម៉ូតូ និងដង្ហែក្បួនតាមដងផ្លូវនៃរាជធានីបាងកក។ យ៉ាងណាមិញ នៅល្ងាចថ្ងៃដដែល ក្រុមបាតុករ និងប៉ូលិសប៉ះទង្គិចគ្នា។ ប៉ូលិសបង្ក្រាបកុប្បកម្មបានប្រើគ្រាប់ជ័រ ឧស្ម័នបង្ហូរទឹកភ្នែក និងរថយន្តបាញ់ទឹក ហើយបើយោងតាមប្រភពពីប៉ូលិសថៃ ក្រុមអ្នកតវ៉ាបានគប់ដុំថ្ម ផាវ និងគ្រឿងផ្ទុះផ្សេងៗទៅកាន់ខាងប៉ូលិស។ ស្នងការរងនៃប៉ូលិសក្រុងបាងកកលោក Piya Tavichai លើកឡើងថា ខាងប៉ូលិសចំនួន ៦នាក់រងរបួស ខណៈបាតុករ ៦នាក់ត្រូវបានចាប់ខ្លួន ជាមួយនឹងការរឹបអូសម៉ូតូបាតុករសរុប ១០០គ្រឿង។ យ៉ាងណាមិញ គេមិនដឹងច្បាស់ថាបាតុករប៉ុន្មាននាក់ទេ ដែលបានរងរបួសក្នុងការប៉ះទង្គិចគ្នានោះ៕ ប្រភព៖ Bangkok Post
-
មន្ត្រីអារ៉ាប៊ីសាអ៊ូឌីតច្រើនជាង ២០០នាក់ ត្រូវបានចាប់ខ្លួនពីបទពុករលួយ
គណៈកម្មការប្រឆាំងអំពើពុករលួយនៃប្រទេសអារ៉ាប៊ីសាអ៊ូឌីត ឬ ហៅកាត់ថា Nazaha ប្រកាសកាលពីថ្ងៃច័ន្ទថា មន្ត្រីមកពីក្រសួង-ស្ថាប័ននានានៅប្រទេសនេះចំនួន ២០៧នាក់ ត្រូវបានចាប់ខ្លួនពីបទប្រព្រឹត្តិអំពើពុករលួយ បទរំលោភអំណាច ក៏ដូចជាបទកេងប្រវ័ញ្ចផងដែរ។ នេះបើតាមការចុះផ្សាយរបស់សារព័ត៌មាន Al Jazeera។ អង្គភាព Nazaha ក៏បន្ថែមថា មន្ត្រីចំនួនប្រមាណ ៤៦០នាក់ផ្សេងទៀតកំពុងតែស្ថិតក្រោមការស៊ើបអង្កេត ពាក់ព័ន្ធនឹងបទល្មើសខាងលើផងដែរ។ គណៈកម្មការប្រឆាំងអំពើពុករលួយ ត្រូវបានគេសង្កេតឃើញថាមានការបង្កើនឥទ្ធិពល បន្ទាប់ពីព្រះអង្គម្ចាស់ Mohammed bin Salman ឡើងជារជ្ជទាយាទនៃរាជាណាចក្រនេះកាលពីឆ្នាំ២០១៧។ ចាប់តាំងពីពេលនោះមក Nazaha ចាប់ខ្លួនញាតិវង្ស ក៏ដូចជាមន្ត្រីធំៗ និងអ្នកជំនួញជាច្រើនពាក់ព័ន្ធនឹងបទប្រព្រឹត្តិអំពើពុករលួយ ហើយរឹបអូសទ្រព្យសម្បត្តិក្នុងតម្លៃសរុប ១០៦ប៊ីលានដុល្លារ៕ ប្រភព៖ Aljazeera
-
អឺរ៉ុបបើកព្រំដែនជាមួយអាមេរិកវិញ តែហេតុអ្វីបានជាអាមេរិកនៅមិនទាន់ឆ្លើយតបអ្វី?
កាលពីខែមិថុនាកន្លងទៅ សហរដ្ឋអាមេរិកនាំមុខគេនៅក្នុងយុទ្ធនាការចាក់វ៉ាក់សាំង ដោយពេលនោះមេដឹកនាំសហភាពអឺរ៉ុប បានណែនាំឱ្យប្រទេសជាសមាជិករបស់ខ្លួនបើកព្រំដែនជាមួយអាមេរិកវិញ ក្នុងក្ដីសង្ឃឹមថាជំងឺរាតត្បាតកូវីដ-១៩ ចាប់ផ្ដើមបញ្ចប់ក្នុងរយៈពេលដ៏ខ្លី។ នេះបើតាមឱ្យដឹងពីសារព័ត៌មាន The New York Times។ ប៉ុន្តែជិតពីរខែក្រោយមក ទោះបីអឺរ៉ុបបាននាំមុខសហរដ្ឋអាមេរិកក្នុងយុទ្ធនាការចាក់វ៉ាក់សាំងវិញក្ដី ក៏ព្រំដែនអាមេរិកនៅតែបិទ ចំពោះអ្នកធ្វើដំណើរមកពីអឺរ៉ុបភាគច្រើន សូម្បីតែអ្នកចាក់វ៉ាក់សាំងរួចក៏ដោយ។ ក្រោយមក ដោយសារមានភាពភ័យខ្លាច ចំពោះការរីករាលដាលនៃវ៉ារ៉្យង់ឌែលតា ដែលកំពុងផ្ទុះឡើងកាន់តែធ្វើឱ្យការសម្រេចចិត្តបើកព្រំដែនរបស់អាមេរិកជាមួយអឺរ៉ុបស្ថិតក្នុងភាពមន្ទិលជាងមុនទៅទៀត។ ការសម្រេចបិទព្រំដែលរបស់សហរដ្ឋអាមេរិក បានធ្វើឱ្យអឺរ៉ុបភ្ញាក់ផ្អើល និងធ្វើឱ្យមេដឹកនាំរបស់ពួកគេខកចិត្តយ៉ាងខ្លាំង ហើយទាមទារឱ្យអាមេរិកឆ្លើយតបនឹងការសម្រេចរបស់អឺរ៉ុបក្នុងការបើកព្រំដែនរវាងគ្នានឹងគ្នា។ លោក Ursula von der Leyen ប្រធានគណៈកម្មការអឺរ៉ុប ដែលជាអង្គភាពប្រតិបត្តិរបស់ប្លុកនេះ បាននិយាយកាលពីសប្តាហ៍មុនថា៖ «យើងទទូចថា ច្បាប់នេះអនុវត្តបានលុះត្រាមានការយល់ព្រមទាំងភាគីសងខាង»។ មន្រ្តីក្នុង ប្លុកនេះ ថែមទាំងស្នើឱ្យដាក់កំហិតលើការធ្វើដំណើរអាមេរិកឡើងវិញទៀតផង ប៉ុន្តែការសម្រេចចិត្តភ្លាមគ្មានការរំពឹងទុកនេះ អាចធ្វើឱ្យវិស័យទេសចរណ៍នៅរដូវក្តៅប្លុកនេះធ្លាក់ក្នុងស្ថានភាពប្រថុយប្រថាន។ លោកស្រី Michele Kastelein ដែលជាជនជាតិបារាំង-អាមេរិក ពលរដ្ឋរស់នៅ Portola Valley រដ្ឋ California បាននិយាយថា៖ «ឥឡូវនេះ យើងមានវ៉ាក់សាំងហើយ យ៉ាងហោចណាស់អនុញ្ញាតឱ្យអ្នក ដែលចាក់វ៉ាក់សាំងបានមកអាមេរិកវិញផង។ បងប្រុសជនជាតិបារាំងរបស់នាងឈ្មោះ Morris…
-
បុគ្គលិកក្រុមហ៊ុន ហ្គូហ្គោល (Google ) ធ្វើការពីផ្ទះប្រឈមមុខនឹងការកាត់ប្រាក់ខែ
បុគ្គលិកក្រុមហ៊ុនហ្គូហ្គោល(Google )ដែលធ្វើការនៅក្នុងការិយាល័យតែមួយមុនពេលមានជំងឺរាតត្បាតកូវីដ១៩អាចនឹងឃើញមានបម្រែបម្រួលចំពោះប្រាក់ខែរបស់ពួកគេ ប្រសិនបើពួកគេប្តូរទៅធ្វើការពីផ្ទះជាអចិន្ត្រៃយ៍ ។ ការផ្លាស់ប្តូរនេះគឺជាការពិសោធន៍នៅ ទូទាំងតំបន់សេដ្ឋកិច្ចបច្ចេកវិទ្យា Silicon Valley ហើយនឹងអាចជាគំរូសម្រាប់ក្រុមហ៊ុនយក្សផ្សេងទៀត។ ក្រុមហ៊ុនហ្វេសប៊ុក និង Twitter ក៏បានកាត់បន្ថយប្រាក់ខែសម្រាប់ និយោជិតដែលធ្វើការពីចម្ងាយហើយបានផ្លាស់លំនៅទៅតំបន់ ដែលមិនសូវតម្រូវឲ្យចំណាយច្រើន។ បុគ្គលិកហ្គូហ្គោល(Google) ម្នាក់ដែលសុំមិនបញ្ចេញឈ្មោះបាន ឲ្យដឹងថា ជាធម្មតាគាត់ធ្វើដំណើរ ទៅការិយាល័យ រដ្ឋ សីអាថល (Seattle ) ហើយគាត់ទំនងនឹងត្រូវបានកាត់បន្ថយប្រាក់ខែរបស់គាត់ប្រហែល ១០% ដោយសារគាត់ធ្វើការពីផ្ទះពេញម៉ោង ។ និយោជិកដទៃក៏កំពុងពិចារណាការធ្វើការងារពីផ្ទះផងដែរ ប៉ុន្តែពួកគេនៅតែសំរេចចិត្តបន្តទៅការិយាល័យ ទោះបីជាមានការធ្វើដំណើរចំណាយពេល ដល់ពីរម៉ោងក៏ដោយ ដោយសារការកាត់ប្រាក់ខែគាត់ខ្ពស់ ជាងថ្លៃចំណាយធ្វើដំណើរទៅការិយាល័យ។ បទសម្ភាសន៍ជាមួយនិយោជិកក្រុមហ៊ុនហ្គូហ្គោល (Google) បានបង្ហាញ ថាការកាត់បន្ថយប្រាក់ខែខ្ពស់បំផុតអាចដល់ ២៥% នៃប្រាក់ខែដើមអាស្រ័យលើទីតាំងរបស់បុគ្គលិក។ អ្នកនាំពាក្យរបស់ហ្គូហ្គោល (Google )បាននិយាយថា ក្រុមហ៊ុននឹងមិនផ្លាស់ប្តូរប្រាក់ខែរបស់និយោជិត ដោយសារពួកគេប្តូរការធ្វើការពីការិយាល័យ ទៅជាការធ្វើការមកពីផ្ទះនោអទេ។ ឧទាហរណ៍និយោជិតដែល ធ្វើការនៅក្នុងការិយាល័យទីក្រុងញូវយ៉ក នឹងត្រូវបានទទួលប្រាក់ខែដូចគ្នានឹងអ្នកដែលធ្វើការពីចម្ងាយ ពីទីតាំងផ្សេងក្នុងទីក្រុងញូវយ៉កដែរ នេះបើយោងតាមអ្នកនាំពាក្យ។ ប្រភព៖ Reuters
-
អភិបាលរដ្ឋញូវយ៉ក សម្រេចលាលែងពីតំណែង
កាលពីថ្ងៃអង្គារនេះ អភិបាលរដ្ឋញូវយ៉កសហរដ្ឋអាមេរិកបានសម្រេចចិត្តលាឈប់ពីតំណែងក្រោយពីមានការចោទប្រកាន់ពីករណីបំពានផ្លូវភេទទៅលើអតីតបុគ្គលិក។ អភិបាលរដ្ឋញូវយ៉ក លោក Andrew Cuomo បានសម្រេចលាឈប់ពីតំណែងរបស់លោកជាអភិបាលរដ្ឋក្រោយពីមានការស៊ើបអង្កេតទៅលើរូបលោកទាក់ទងនឹងករណីបំពានផ្លូវភេទទៅលើអតីតបុគ្គលិករបស់ខ្លួនចំនួន ១១ នាក់។ ក្រោយពីមានជនរងគ្រោះធ្វើការរាយការណ៍ទាក់ទងនឹងសកម្មភាពរបស់លោក Cuomo អគ្គរដ្ឋអាជ្ញារដ្ឋញូវយ៉ក លោកស្រី Letitia James បានបើកការស៊ើបអង្កេតទៅលើករណីនេះ ហើយរបាយការណ៍ស៊ើបអង្កេតបានចេញផ្សាយកាលពីសប្តាហ៍មុនដែលបង្ហាញថា លោក Cuomo បានបំពានទៅលើអតីតបុគ្គលិករបស់លោកពិតមែន។ តាមការស្រង់សម្តីរបស់សារព័ត៌មាន BBC លោក Cuomo បាននិយាយថា មធ្យោបាយដែលល្អបំផុតពេលនេះគឺលោកលាលែងពីតំណែង។ នៅពេលដែលលោកប្រកាសលាលែងពីតំណែងកាលពីថ្ងៃទី ១០ សីហាលោក Cuomo នៅតែបន្តបដិសេធការចោទប្រកាន់ពីការបំពានផ្លូវភេទ ប៉ុន្តែលោកបាននិយាយថា លោកចង់សុំទោសទៅស្រ្តីរូបណាដែលមិនពេញចិត្តចំពោះសកម្មភាពរបស់លោក។ គួរបញ្ជាក់ផងដែរថា អនុប្រធានរដ្ឋាភិបាល លោកស្រី Kathy Hochul ដែលជាសមាជិកគណបក្សប្រជាធិបតេយ្យនឹងបន្តតំណែងលោកក្នុងកំឡុងពេលដែលអាណត្តិលោក Cuomo មិនទាន់ដល់ពេលកំណត់។ ការលាលែងពីតំណែងរបស់លោក Cuomo នឹងចូលជាធរមានក្នុងរយៈពេល ១៤ ថ្ងៃបន្ទាប់។ បន្ទាប់ពីលោកត្រូវបានរងការចោទប្រកាន់ពីបទបៀតបៀនផ្លូវភេទលើកដំបូងនៅឆ្នាំនេះលោក Cuomo មិនអើពើនឹងការទាមទារពីសំណាក់គណបក្សទាំងពីរអោយលោកលាលែងពីតំណែងទេ។ ផ្ទុយទៅវិញរបាយការណ៍ស៊ើបអង្កេតបានចោទប្រកាន់លោកថា លោកបានបំពានទៅលើស្ត្រី ១១ នាក់ដែលក្នុងនោះមានស្រ្តី ៩ នាក់ជាបុគ្គលិករដ្ឋ…
-
ប្រេសិតអង្គការសហប្រជាជាតិ៖ មេដឹកនាំរបបយោធាមីយ៉ាន់ម៉ា មានបំណងពង្រឹងការក្ដាប់អំណាច
កាលពីថ្ងៃអង្គារ ទី១០ សីហាប្រេសិតពិសេសអង្គការសហប្រជាជាតិទទួលបន្ទុកមីយ៉ាន់ម៉ា បាននិយាយថាមេដឹកនាំរបបយោធាមីយ៉ាន់ម៉ាមានបំណងការក្ដាប់អំណាចរបស់លោកលើប្រទេសនេះ ខណៈពេលដែលគណបក្សធ្លាក់ពីអំណាចក្នុងរដ្ឋប្រហារថ្ងៃទី១ កុម្ភៈ អាចនឹងគេរំសាយនៅពេលខាងមុខ។ លោកស្រី Christine Schraner Burgener បានធ្វើការលើកឡើងបែបនេះដោយផ្អែកលើការប្រកាសរបស់ឧត្ដមសេនីយ៍ មីន អ៊ុងឡាំងកាលពីដើមខែនេះថាលោកនឹងក្លាយជានាយករដ្ឋមន្ត្រីនៃរដ្ឋាភិបាលចាំផ្ទះ និងការលុបចោលជាផ្លូវការនូវលទ្ធផលនៃការបោះឆ្នោតខែវិច្ឆិកា ២០២០ ដែលគណបក្សសម្ព័ន្ធជាតិដើម្បីលទ្ធិប្រជាធិបតេយ្យ (NLD) របស់លោកស្រីអ៊ុងសានសូជីបានឈ្នះ។ «ខ្ញុំខ្លាចថាយើងនឹងឮក្នុងពេលឆាប់ៗនេះថាគណបក្ស NLD អាចនឹងត្រូវរំសាយ។ នេះគឺជាការប៉ុនប៉ងដើម្បីលើកកម្ពស់ភាពស្របច្បាប់ប្រឆាំងនឹងកង្វះសកម្មភាពអន្តរជាតិដែលបានអនុវត្ត» លោកស្រី Schraner Burgener បាននិយាយបែបនេះហើយបន្តទៀតថា៖ «ខ្ញុំត្រូវតែបញ្ជាក់ឱ្យច្បាស់ថាអង្គការសហប្រជាជាតិមិនទទួលស្គាល់រដ្ឋាភិបាលនេះទេ ដូច្នេះវាអាស្រ័យលើរដ្ឋជាសមាជិក»។ លោកស្រីបាននិយាយថាលុះត្រាតែសមាជិកអង្គការសហប្រជាជាតិធ្វើការសម្រេចផ្សេងពីនេះ លោក Kyaw Moe Tun ដែលជាអ្នកប្រឆាំងរបបយោធា គឺនៅតែជាឯកអគ្គរដ្ឋទូតមីយ៉ាន់ម៉ានៅអង្គការសហប្រជាជាតិ ហើយលោកស្រីអ៊ុងសានសូជី និងលោកប្រធានាធិបតី Win Myint គឺនៅជាមេដឹកនាំប្រទេសនេះ៕ ប្រភព៖ Reuters
-
អតីតមេដឹកនាំអូស្ត្រាលីពីររូប យល់ថាទំនាក់ទំនងអូស្ត្រាលី-ចិន ធ្លាក់ចុះក៏ព្រោះគោលនយោបាយរបស់ ស៊ី ជីនភីង និងអ្នកនយោបាយអូស្ត្រាលីមួយចំនួន
ទំនាក់ទំនងចិន និងអូស្ត្រាលីនៅមួយរយៈចុងក្រោយ ហាក់បីដូចជាមានភាពរកាំរកូស និងធ្លាក់ចូលក្នុងចំណុចដ៏ទាបមួយ។ ជាមួយគ្នានេះដែរ អតីតនាយករដ្ឋមន្ត្រីអូស្ត្រាលីលោក Kevin Rudd និងលោក Malcom Turnbull យល់ឃើញ គោលនយោបាយការបរទេសរបស់ចិនដឹកនាំដោយលោកស៊ី ជីនភីង ក៏ដូចជាកត្តាអ្នកនយោបាយក្នុងស្រុកអូស្ត្រាលី ជាមូលហេតុរុញច្រានឱ្យទំនាក់ទំនងរវាងប្រទេសទាំងពីរស្ថិតក្នុងសភាពបែបនេះ។ កាលពីឆ្នាំ២០១៨ អូស្ត្រាលីក្លាយជាប្រទេសទីមួយ ដែលហាមមិនឱ្យប្រើប្រាស់ប្រព័ន្ធ 5G របស់បណ្ដាញទូរស័ព្ទចិន Huawei ហើយកាលពីឆ្នាំមុន អំឡុងពេលមានផ្ទុះការរាតត្បាតជំងឺកូវីដ-១៩ ជាសកល អូស្ត្រាលីស្ថិតក្នុងចំណោមប្រទេសដែលអំពាវនាវឱ្យធ្វើការស្វែងរកប្រភពនៃជំងឺនេះ។ យ៉ាងណាមិញ ចិនឆ្លើយតបទៅអូស្ត្រាលីវិញ តាមរយៈការដំឡើងពន្ធទំនិញមួយចំនួនដូចជា ស្រា និងគ្រឿងសមុទ្រអូស្ត្រាលី ចំណែកឯអូស្ត្រាលីវិញ ក៏យករឿងនេះទៅប្ដឹងអង្គការពាណិជ្ជកម្មពិភពលោក WTO។ ក្រៅពីរឿងពាណិជ្ជកម្មនេះ កាលពីខែមេសាកន្លងទៅ អូស្ត្រាលីប្រកាសលុបចោលគម្រោងវិនិយោគរបស់ចិនចំនួន ២ នៅរដ្ឋ Victoria ដែលពាក់ព័ន្ធនឹងគំនិតផ្ដួចផ្ដើមខ្សែក្រវាត់ និងផ្លូវ ដែលជាគំនិតផ្ដួចផ្ដើមបង្កើតដោយលោក ស៊ី ជីនភីងផ្ទាល់។ ការលុបចោលនេះ អូស្ត្រាលីប្រាប់ហេតុត្រង់ៗតែម្ដងថា «គម្រោងនេះប្រាសចាកគោលនយោបាយការបរទេសរបស់រដ្ឋាភិបាលសហព័ន្ធអូស្ត្រាលី» ខណៈរដ្ឋាភិបាលនេះប្រកាន់យកគោលជំហរ «តំបន់ឥណ្ឌូ-ប៉ាស៊ីហ្វិកសេរី និងបើកចំហ»។ ចិននៅពេលនោះតាមរយៈអ្នកនាំពាក្យក្រសួងការបរទេសរបស់ខ្លួន ចាត់ទុកអូស្ត្រាលីថា «ប្រកាន់យកស្មារតីសង្គ្រាមត្រជាក់»។ និយាយនៅក្នុងកម្មវិធីអនឡាញមួយ…
-
ប្រទេសកូរ៉េខាងត្បូង មានករណីកូវីដ១៩ថ្មីជាងពីរពាន់ករណី
កាលពីថ្ងៃអង្គារ ទី ១០ សីហាប្រទេសកូរ៉េខាងត្បូងមានចំនួនអ្នកវិជ្ជមានកូវីដ-១៩ ជាង ២ ករណីក្នុងរយៈពេល ២១ ម៉ោងចុងក្រោយដែលចំនួននេះកើនឡើងជិត ៥០ ភាគរយពីថ្ងៃទី ៩ សីហា។ ករណីឆ្លងថ្មីចំនួន ១៣៨០ ករណីគឺមកពីតំបន់ទីប្រជុំជន នៅទីក្រុងសេអ៊ូលប្រទេសកូរ៉េខាងត្បូង។ ការកើនឡើងករណីនេះបន្ថែមសម្ពាធលើប្រទេសកូរ៉េខាងត្បូងដែលមានចំនួនអ្នកទទួលបានការចាក់វ៉ាក់សាំង ១៥ ភាគរយនៃប្រជាជនចំនួន ៥២ លាននាក់។ ទន្ទឹមនឹងនេះដែរ រដ្ឋាភិបាលបានបន្តការរឹតត្បិតនៅតំបន់សេអ៊ូលដែលរួមមាន ការហាមឃាត់ការជួបជុំមនុស្សលើសពីពីរនាក់បន្ទាប់ពីម៉ោង ៦ ល្ងាច។ ប្រភព៖ Reuters