-
ប៉ូលីសអ៊ីតាលីបង្ក្រាបគម្រោងក្លែងបន្លំ ប័ណ្ណសុខភាពកូវីដ១៩ នៅលើកម្មវិធីតេលេក្រាម
ប៉ូលីសអ៊ីតាលីនៅថ្ងៃច័ន្ទនេះ បានបញ្ឈប់ក្រុមជាច្រើននៅលើកម្មវិធីផ្ញើសារតាមទូរសព្ទ័ដៃគឺកម្មវិធី Telegram ដែលមានការ ទិញ-លក់ប័ណ្ណសុខភាពកូវីដ -១៩ ក្លែងក្លាយដែលអាចអនុញ្ញាតឱ្យអ្នកកាន់ប័ណ្ឌចូលប្រើសេវាកម្មនិងសកម្មភាពកម្សាន្តជាច្រើន។ ប៉ូលីសបាននិយាយនៅក្នុងសេចក្តីថ្លែងការណ៍មួយថា ពួកគេបានបិទក្រុមតេឡេក្រាមចំនួន ៣២ ដែលកំពុងប្រតិបត្តិការនៅទូទាំងប្រទេស។ ដោយក្រុមនោះផ្តល់ជូនប័ណ្ណក្លែងក្លាយដល់អតិថិជនរាប់ពាន់នាក់ ក្នុងតម្លៃរហូតដល់ ៥០០ អឺរ៉ូ (៥៨៨ ដុល្លារ) ក្នុងទម្រង់ជារូបិយប័ណ្ណឌីជីថល (cryptocurrency)ឬប័ណ្ណទិញទំនិញតាមអ៊ីនធឺណិត។ មនុស្ស ៤ នាក់ត្រូវបានដាក់ឱ្យស្ថិតក្រោមការស៊ើបអង្កេតដោយសង្ស័យថាមានការក្លែងបន្លំនិងក្លែងបន្លំ។ប័ណ្ណសុខភាពកូវីដ ១៩ នោះក៏ត្រូវបានគេហៅថា ហ្គ្រីនផាស (Green Pass) គឺជាវិញ្ញាបនប័ត្រលើប្រព័ន្ធឌីជីថលឬក្រដាស ដែលបង្ហាញថាម្ចាស់ប័ណ្ណសុខភាពកូវីដ ១៩ នោះបានទទួល វ៉ាក់សាំងការពារជំងឺកូវីដ ១៩ យ៉ាងតិចមួយដូស ឬបានធ្វើតេស្តអវិជ្ជមានចឬទើបជាសះស្បើយ។ រដ្ឋាភិបាលរបស់លោក Mario Draghi បានអនុម័តច្បាប់នេះដើម្បីព្យាយាមពន្លឿនការចាក់វ៉ាក់សាំងនៅចំពោះមុខការរីករាលដាលវ៉ារ្យ៉ង់ដែលតា ប៉ុន្តែច្បាប់នេះបានបង្កឱ្យមានការតវ៉ា ដោយជនជាតិអ៊ីតាលីខ្លះ ដែលពួកគេបាននិយាយថា វាជាការជាន់ឈ្លីសេរីភាពនិងជាវិធីប្រយោលនៃការបង្កើតកាតាព្វកិច្ចចាក់វ៉ាក់សាំង។ គិតត្រឹមថ្ងៃទី ៦ ខែសីហានេះ មានការតំរូវអោយមានប័ណ្ណសុខភាពកូវីដ ១៩នេះដើម្បី ចូលទៅកន្លែងហាត់ប្រាណ អាងហែលទឹក សារមន្ទីរ និងរោងកុន និងការទទួលទានអាហារនៅតាមភោជនីយដ្ឋាន។ ចាប់ពីថ្ងៃទី ១…
-
វៀតណាម៖ តាក់ស៊ីរាប់រយគ្រឿងក្លាយជារថយន្តដឹកអ្នកជំងឺកូវីដ នៅហូជីមិញ
រថយន្តតាក់ស៊ីជិត ៥០០គ្រឿង នៅទីក្រុងហូជីមិញ ត្រូវបានបំប្លែងទៅជារថយន្តសង្គ្រោះបន្ទាន់ ដើម្បីដឹកបញ្ជូនអ្នកជំងឺកូវីដ១៩ ទៅមន្ទីរពេទ្យ ដែលមានការកើនឡើងយ៉ាងគំហុក។ ក្រុមហ៊ុនតាក់ស៊ីអះអាងថា តាក់ស៊ីរបស់ខ្លួនត្រូវបានប្រែក្លាយជារថយន្តដឹកអ្នកជំងឺកូវីដ១៩ ខណៈតាក់ស៊ីខ្លះត្រូវរង់ចាំបំពាក់ឧបករណ៍វេជ្ជសាស្ត្រ ដើម្បីបម្រើក្នុងគោលបំណងដូចគ្នា។ ក្រុមហ៊ុនថា ការធ្វើបែបនេះ ដើម្បីជួយសម្រួលដល់អាជ្ញាធរសុខាភិបាល ក្នុងតំបន់ ក្នុងការដឹកជញ្ជូនអ្នកជំងឺកូវីដ១៩។ រថយន្តដឹកជញ្ជូនផ្សេងៗទៀត ក៏ត្រូវបានប្រើប្រាស់ ដូចគ្នាបែបនេះដែរ ក្រៅពីក្រុមហ៊ុនតាក់ស៊ីនោះ។ សរុបទាំងអស់នៅហូជីមិញ មានប្រមាណ៥០០គ្រឿងហើយ។ សូមបញ្ជាក់ថា វៀតណាមឆ្លងប្រចាំថ្ងៃរាប់ពាន់នាក់ ថ្ងៃខហលះមានដល់ជិត១ម៉ឺននាក់៕
-
កូរ៉េខាងត្បូង នឹងចាប់ផ្ដើមសមយុទ្ធខ្នាតតូចមួយជាមួយអាមេរិក ខណៈមានការព្រមានពីកូរ៉េខាងជើង
កូរ៉េខាងត្បូង និងសហរដ្ឋអាមេរិកនឹងចាប់ផ្ដើមធ្វើសមយុទ្ធខ្នាតតូចមួយហៅថា «ការហ្វឹកហាត់បុគ្គលិកដើម្បីគ្រប់គ្រងវិបត្តិ» ដែលនឹងចាប់ផ្ដើមពីថ្ងៃអង្គារ រហូតដល់ថ្ងៃសុក្រ។ ការធ្វើសមយុទ្ធនេះជាការត្រៀមខ្លួន សម្រាប់សមយុទ្ធខ្នាតធំ ដែលនឹងចាប់ផ្ដើមនៅថ្ងៃទី១៦ ដល់ថ្ងៃទី២៦ ខែសីហា។ នេះបើតាមការចុះផ្សាយរបស់សារព័ត៌មានកូរ៉េខាងត្បូង Yonhap ដែលស្រង់យកពីប្រភពយោធា និងរដ្ឋាភិបាលមិនបង្ហាញអត្តសញ្ញាណ។ ប្រទេសទាំងពីរច្រើនតែធ្វើសមយុទ្ធយោធានៅរដូវផ្ការីក (អំឡុងខែមីនា ដល់ខែមិថុនា) និងរដូវក្ដៅ (អំឡុងខែមិថុនា ដល់ខែកញ្ញា) ប៉ុន្តែតែងតែរងការប្រតិកម្មខ្លាំងៗពីសំណាក់ប្រទេសកូរ៉េខាងជើង ដោយរដ្ឋអំណាចក្រុងព្យុងយ៉ាង តែងតែហៅថា ការធ្វើសមយុទ្ធនេះជាការហាត់សមសម្រាប់ធ្វើសង្គ្រាម។ នៅមួយរយៈចុងក្រោយនេះ កូរ៉េទាំងពីរកំពុងតែមានភាពផ្អែមល្ហែមដាក់គ្នា ដោយមេដឹកនាំនៃប្រទេសទាំងពីរបង្ហាញពីគោលជំហរចង់ពិភាក្សាជាមួយគ្នា ខណៈប្រទេសទាំងពីរក៏បានភ្ជាប់ប្រព័ន្ធទូរស័ព្ទបន្ទាន់ឡើងវិញ។ យ៉ាងណាមិញ ខាងកូរ៉េខាងជើងបានព្រមានកាលពីសប្ដាហ៍មុនថា ប្រសិនបើកូរ៉េខាងត្បូងនៅតែបន្តធ្វើសមយុទ្ធជាមួយអាមេរិក នោះការកសាងទំនាក់ទំនងប្រទេសទាំងពីរនឹងរងផលប៉ះពាល់។ ការព្រមានរបស់កូរ៉េខាងជើង ក៏ធ្វើឱ្យមានការអំពាវនាវពីសំណាក់មន្ត្រីរដ្ឋធានីសេអ៊ូល ឱ្យធ្វើការពន្យារពេលធ្វើសមយុទ្ធ ដើម្បីបន្តកិច្ចខិតខំប្រឹងប្រែងក្នុងការពង្រឹងទំនាក់ទំនងរវាងកូរ៉េទាំងពីរ។ ទោះជាយ៉ាងណាក៏ដោយ ប្រធានគណបក្សកាន់អំណាចកូរ៉េខាងត្បូង បានលើកឡើងកាលពីសប្ដាហ៍មុនថា ការរៀបចំសមយុទ្ធកំពុងតែដំណើរការទៅមុខហើយ៕ ប្រភព៖ CNA
-
ស.រ.អា៖ កងកម្លាំងអាហ្វហ្គានីស្ថាន មានទំនួលខុសត្រូវការពារប្រទេស ខណៈតាលីបង់ចូលកាន់កាប់បន្ថែមទៀត
រដ្ឋាភិបាលសហរដ្ឋអាមេរិកអះអាងថាកងកម្លាំងយោធាអាហ្វហ្គានីស្ថានមានទំនួលខុសត្រូវការពារប្រទេសដោយខ្លួនឯង ខណៈពេលដែលក្រុមឧទ្ទាមតាលីបង់ចូលកាន់កាប់ទីរួមខេត្តអាហ្វហ្គានីស្ថានទី៦កាលពីថ្ងៃចន្ទនេះ ជាមួយនឹងទីប្រជុំ និងច្រកពាណិជ្ជកម្មមួយចំនួននៅតាមព្រំដែន។ ក្នុងរយៈពេលប៉ុន្មានខែចុងក្រោយនេះ ក្រុមតាលីបង់បានបង្កើនការវាយលុកដណ្ដើមការគ្រប់គ្រងប្រទេសអាហ្វហ្គានីស្ថាន និងដើម្បីផ្ដួលរំលំរដ្ឋាភិបាលក្រុងកាប៊ុល បន្ទាប់ការដកខ្លួនកងទ័ពអន្តរជាតិដឹកនាំដោយអាមេរិក។ កាលពីថ្ងៃចន្ទ តាលីបង់បានចូលកាន់កាប់ទីក្រុង Aybak ដែលជាទីរួមប្រជុំជនរបស់ខេត្ត Samangan ភាគខាងត្បូងប្រទេសអាហ្វហ្គានីស្ថាន បន្ទាប់ពីការឡោមព័ទ្ធជិតមួយសប្ដាហ៍។ ដោយមិនមានជំនួយពីក្រុងកាប៊ុល កងកម្លាំងមូលដ្ឋានបានភៀសខ្លួនចេញពីទីក្រុងនេះ ហើយក្រុមតាលីបង់បានចូលកាន់កាប់ដោយមិនចាំបាច់មានការប្រយុទ្ធគ្នា។ ទីក្រុង Aybak គឺក្នុងចំណោមទីរួមខេត្តអាហ្វហ្គានីស្ថានចំនួនប្រាំមួយដែលធ្លាក់ចូលក្នុងដៃរបស់ក្រុមតាលីបង់ក្នុងរយៈពេលដ៏ខ្លី ដោយទីក្រុងទី១ទើបតែដួលរលំកាលពីថ្ងៃសុក្រសប្ដាហ៍មុន ហើយទីក្រុងបួនផ្សេងទៀតបានដួលរលំនៅចុងសប្ដាហ៍។ អ្នកនាំពាក្យក្រសួងការពារជាតិអាមេរិកលោក John Kirby និយាយថាសហរដ្ឋអាមេរិកមានការព្រួយបារម្ភអំពីការចូលកាន់កាប់ទាំងនេះ ប៉ុន្តែនៅជឿជាក់ថាកងកម្លាំងយោធាអាហ្វហ្គានីស្ថានមានសមត្ថភាពគ្រប់គ្រាន់ក្នុងការប្រយុទ្ធជាមួយក្រុមឧទ្ទាម។ លោក Kirby និយាយថា៖ «ទាំងនេះគឺជាកម្លាំងយោធារបស់ពួកគេ ទាំងនេះគឺជាទីរួមខេត្តរបស់ពួកគេ ប្រជាជនរបស់ពួកគេ ដែលពួកគេត្រូវការពារ ហើយវាពិតជានឹងឈានភាពជាអ្នកដឹកនាំ ដែលពួកគេមានឆន្ទៈចង់បញ្ចេញនៅទីនេះក្នុងពេលពិសេសនេះ»។ នៅពេលត្រូវអ្នកសារព័ត៌មានសួរថាតើយោធាអាមេរិកអាចធ្វើអ្វីបានប្រសិនបើកងកម្លាំងសន្តិសុខអាហ្វហ្គានីស្ថានមិនអាចទប់ទល់នឹងក្រុមតាលីបង់ លោក Kirby ឆ្លើយ៖ «មិនអាចធ្វើអ្វីបានច្រើនទេ»។ ប្រធានាធិបតីអាមេរិកលោកចូ បៃដិន បានបង្ហាញជំហរយ៉ាងច្បាស់ថាបេសកកម្មយោធាអាមេរិកនៅអាហ្វហ្គានីស្ថាននឹងត្រូវបញ្ចប់នៅថ្ងៃទី ៣១ ខែសីហា ដោយលើកឡើងថាប្រជាជនអាហ្វហ្គានីស្ថានត្រូវតែសម្រេចចិត្តអំពីអនាគតរបស់ពួកគេខ្លួនឯង ហើយលោកបានប្ដេជ្ញាមិនបញ្ជូនជនជាតិអាមេរិកមួយជំនាន់ថ្មីទៀតឱ្យទៅចូលរួមក្នុងសង្គ្រាមរយៈពេល២០ឆ្នាំនេះទេ។ ក្នុងលក្ខខណ្ឌមិនបញ្ចេញអត្តសញ្ញាណ មន្ត្រីសហរដ្ឋអាមេរិកមួយរួប បានប្រាប់សារព័ត៌មាន Reuters ថា ខណៈពេលដែលយោធាអាមេរិកបានប្រាប់លោកបៃដិនរួចហើយថាទីរួមខេត្តជាច្រើននឹងដួលរលំប្រសិនបើមានការដកខ្លួនកងទ័ពអន្តជាតិ…
-
នូវែលសេឡង់ គ្រោងបើកព្រំដែនឡើងវិញ ខណៈប្រទេសនេះកំពុងខ្វះកម្លាំងពលកម្ម
ក្រោយទទួលសម្ពាធពីអាជីវកម្ម និងវិស័យសាធារណៈ ដែលប្រឈមនឹងកង្វះកម្មករ អ្នកគោលនយោបាយនានា ខ្លាចថា បញ្ហានេះនឹងជំរុញឱ្យមានអតិផរណាដល់ប្រទេសនេះ ហេតុដូចនេះហើយ នាយករដ្ឋមន្ត្រីនូវែលសេឡង់ លោកស្រី Jacinda Ardern គ្រោងនឹងបង្ហាញផែនការនៅសប្តាហ៍នេះ ស្ដីអំពីការបើកព្រំដែនប្រទេសឡើងវិញ។ លោកស្រី Ardern ទទួលបានការកោតសរសើរជាសកល ចំពោះការទប់ស្កាត់ការចម្លងមេរោគកូវីដ -១៩ ក្នុងតំបន់តាមរយៈយុទ្ធសាស្ត្រកំចាត់កូវីដ ការបិទខ្ទប់យ៉ាងតឹងរ៉ឹង និងបិទព្រំដែនអន្តរជាតិនូវែលសេឡង់នៅខែ មីនា ឆ្នាំ ២០២០ ។ ទោះយ៉ាងណា បច្ចុប្បន្នយុទ្ធសាស្ត្រនេះ កំពុងធ្វើឱ្យសេដ្ឋកិច្ចពឹងផ្អែកយ៉ាងខ្លាំងទៅលើកម្លាំងពលករអន្តោប្រវេសន៍ បង្កឱ្យមានការចំណាយខ្ពស់ និងទិន្នផលទាប។ ផលិតផលទឹកដោះគោ សាកវប្បកម្ម លំនៅដ្ឋាន សេវាកម្ម សុខភាព និងវិស័យសាធារណៈ បានរាយការណ៍អំពីកង្វះបុគ្គលិកយ៉ាងធ្ងន់ធ្ងរ ហើយបានអំពាវនាវឱ្យរដ្ឋាភិបាលបើកព្រំដែនវិញ។ លោកស្រី Ardern បានឱ្យដឹងថា លោកស្រីនឹងនៅតែប្រយ័ត្នប្រយែងជានិច្ច និងបានបង្ហាញផែនការរយៈពេល ៦ ខែរបស់រដ្ឋាភិបាលនាង សម្រាប់សុខភាពសាធារណៈ និងការត្រួតពិនិត្យព្រំដែនប្រទេសនេះ។ កាលពីសប្តាហ៍មុន លោកស្រីក៏បានបើកការធ្វើដំណើរ ដោយគ្មានចត្តាឡីស័កសម្រាប់កម្មករតាមរដូវពីប្រទេសសាម័រ តុងហ្គា និងវ៉ានូអាទូ ដែលសុទ្ធសឹងតែជាប្រទេសគ្មានករណីឆ្លង ដើម្បីដោះស្រាយបញ្ហាកង្វះកម្លាំងពលកម្មនៅក្នុងឧស្សាហកម្មសាកវប្បកម្ម។ គួរបញ្ជាក់ផងដែរថា…
-
តើដល់ពេល ដែលចិនត្រូវបន្ធូរបន្ថយការទប់ស្កាត់ជំងឺកូវីដ និងរៀនរស់ជាមួយមេរោគហើយឬនៅ?
ក្រោយមានការផ្ទុះឡើងវ៉ារ៉្យង់ដែលតា ចេញពីអាកាសយានដ្ឋានណានជីង និងបានរាលដាលដល់ខេត្តយ៉ាងតិច ចំនួន១៧ និងមានករណីឆ្លងជាង ៧០០ ករណីគិតចាប់ពីថ្ងៃទី ២០ កក្កដា មក ប្រទេសចិនម្នីម្នាចាត់វិធានការរឹតត្បិតការធ្វើដំណើរ និងបិទខ្ទប់តំបន់ ដែលរីករាលដាល ដើម្បីទប់ស្កាត់ឥទ្ធិពលវ់ារ៉្យង់ឌែលតានេះ។ នេះបានតាមឱ្យដឹងពីសារព័ត៌មាន South China Morning Post។ វ៉ារ៉្យង់ឌែលតានេះទៀតសោត បានដាក់សម្ពាធដល់ យុទ្ធសាស្រ្ត «លុបបំបាត់ ដល់សូន្យរបស់ចិន» ដែលព្យាយាមធ្វើឱ្យករណីកម្រិតទាបបំផុត ដោយការដាក់ឱ្យនៅដាច់ដោយឡែក ការធ្វើតេស្តិ៍ ពាក់ម៉ាស់ការចាក់សោរ ការទប់ស្កាត់ ការធ្វើដំណើរ និងវិធានការផ្សេងទៀត ដែលជាវិធីសាស្រ្តមួយ ត្រូវបានអនុវត្តនៅនឹងកន្លែងផងដែរ អូស្ត្រាលី និងនូវែលសេឡង់ផងដែរ។ លោក Feng Zijian ប្រធានសមាគមវេជ្ជសាស្ត្របង្ការចិន បានប្រាប់ទស្សនាវដ្តី China Newsweek កាលពីសប្តាហ៍មុនថា ប្រទេសនេះនឹងត្រូវរក្សាវិធានការត្រួតពិនិត្យយ៉ាងតឹងរ៉ឹងនៅតាមព្រំដែន និងនៅពេលមានការផ្ទុះឡើង រហូតដល់វាឈានដល់អត្រាចាក់វ៉ាក់សាំងខ្ពស់។ យោងតាមមជ្ឈមណ្ឌលគ្រប់គ្រង និងបង្ការជំងឺចិន បានឱ្យដឹងថា ប្រទេសនេះបានចែកចាយវ៉ាក់សាំងរួចចំនួន ១,៧៧ ពាន់លានដូសគិតត្រឹមថ្ងៃ សៅរ៍ សប្ដាហ៍មុន សម្រាប់ប្រជាជនក្នុងប្រទេសសរុបប្រមាណ…
-
ជំងឺកូវីដរយៈពេលវែង កំពុងគំរាមគំហែងដល់កុមារតូចៗ និងក្មេងវ័យជំទង់
ខណៈដែលយុវជនវ័យជំទង់ និងកុមារនានា ត្រៀមខ្លួនត្រឡប់ទៅសាលារៀនវិញ យុវជនជំទង់ និងកុមារដទៃទៀត កំពុងព្យាយាមព្យាបាលផលប៉ះពាល់លើសរសៃប្រសាទ រាងកាយ ឬ ផ្លូវចិត្ត បន្សល់ដោយជំងឺកូវីដ-១៩ ។ ជារឿយៗ គេហៅថាជំងឺនេះថា «ជំងឺកូវីដរយៈពេលវែង» ដោយសាររោគសញ្ញា និងរយៈពេលក្នុងការព្យាបាលរបស់វាមានរយៈពេលយូរ។ នេះបើតាមឱ្យដឹងពីសារព័ត៌មានញូយ៉កថែមស៍។ ការសិក្សា បានប៉ាន់ប្រមាណថា ជំងឺកូវីដ-១៩ បង្កផលប៉ះពាល់ដល់មនុស្សពេញវ័យចន្លោះពី ១០ ទៅ ៣០ ភាគរយ ក្រោយឆ្លងវីរុសនេះ។ ការប៉ាន់ស្មានពីការសិក្សាមួយចំនួនលើផលប៉ះពាល់លើកុមារ និងក្មេងវ័យជំទង់រហូតមកដល់ពេលនេះ មានលក្ខណៈខុសពីផលប៉ះពាល់លើមនុស្សពេញវ័យ។ លោកវេជ្ជបណ្ឌិត Francis Collins ប្រធានវិទ្យាស្ថានជាតិសុខភាព កាលពីខែ មេសា បានដកស្រង់ការសិក្សាស្រាវជ្រាវមួយ ដែលបង្ហាញពីផលប៉ះពាល់លើយុវជន ចន្លោះពី ១១% ទៅ ១៥% និងបន្សល់ដោយផលវិបាករយៈពេលវែងនេះ ដែលអាចរំខានដល់លក្ខខណ្ឌនានារបស់ពួកគេដូចជាទៅសាលារៀនជាដើម។ បញ្ហាប្រឈម ចំពោះអ្នកជំងឺវ័យក្មេង កើតឡើង ដោយសារករណីកុមារ ដែលឆ្លងកូវីដ-១៩ កើនឡើងយ៉ាងខ្លាំង ដែលបណ្តាលមកពីការប្រែប្រួលវ៉ារ៉្យង់ឌែលតាលើកុមារអាយុក្រោម ១២ ទៅ ១៧ ឆ្នាំ ដែលទើបតែចាក់វ៉ាក់សាំងបានពាក់កណ្ដាល…
-
កូរ៉េខាងជើង៖ អាមេរិក និងកូរ៉េខាងត្បូងនឹងប្រឈមមុខការគំរាមកំហែងថ្មីចំពោះសមយុទ្ធយោធា
ក្រុងសេអ៊ូល៖ លោកស្រី គីម យ៉ូជុង (Kim Yo Jong) មន្រ្តីកូរ៉េខាងជើងដ៏មានអំណាច និងជាប្អូនស្រីរបស់មេដឹកនាំលោក គីម ជុងអ៊ុន បាននិយាយកាលពីថ្ងៃអង្គារថា ប្រទេសកូរ៉េខាងត្បូង និងសហរដ្ឋអាមេរិក នឹងប្រឈមមុខការគំរាមកំហែងផ្នែកសន្តិសុខកាន់តែខ្លាំង ដោយសារតែការធ្វើសមយុទ្ធយោធារួមគ្នាប្រចាំឆ្នាំរបស់ខ្លួនដែលចាប់ផ្តើមនៅសប្តាហ៍នេះ។ នេះបើយោងតាមការរាយការណ៍ របស់ទីភ្នាក់ងារសារព័ត៌មានរ៉យទ័រ។ លោកស្រី បាននិយាយនៅក្នុងសេចក្តីថ្លែងការណ៍មួយ ចេញផ្សាយដោយទីភ្នាក់ងារព័ត៌មានរដ្ឋ KCNA ថា សមយុទ្ធនេះគឺជាសកម្មភាពដែលបំផ្លាញខ្លួនឯង និងមិនគួរឱ្យស្វាគមន៍ បង្កការគំរាមកំហែងដល់ប្រជាជនកូរ៉េខាងជើង និងបង្កើនភាពតានតឹងនៅឧបទ្វីបកូរ៉េ។ លោកស្រីបន្តថា៖ «សហរដ្ឋអាមេរិក និងកូរ៉េខាងត្បូង នឹងប្រឈមមុខការគំរាមកំហែងសន្តិសុខធ្ងន់ធ្ងរជាងមុន ដោយសារមិនអើពើនឹងការព្រមានរបស់យើងម្តងហើយម្តងទៀត ជំរុញឱ្យមានការធ្វើសមយុទ្ធសង្គ្រាមដ៏គ្រោះថ្នាក់»។ លោកស្រី គីម បានចោទប្រកាន់កូរ៉េខាងត្បូងថា ក្បត់ការប្រព្រឹត្តរបស់ខ្លួនឯង ដោយធ្វើសមយុទ្ធភ្លាមៗ មិនបានប៉ុន្មានផងក្រោយក្រុងព្យុងយ៉ាង និងសេអ៊ូល និយាយគ្នាអំពីការបន្ធូរបន្ថយភាពតានតឹង។ អ្នកនាំពាក្យក្រសួងការពារជាតិអាមេរិកលោក Martin Meiners បានបដិសេធមិនធ្វើអត្ថាធិប្បាយលើសេចក្តីថ្លែងការណ៍របស់កូរ៉េខាងជើង ដោយថាវាប្រឆាំងនឹងគោលនយោបាយសមយុទ្ធ។ ចំណែកឯអ្នកនាំពាក្យក្រសួងការពារជាតិកូរ៉េខាងត្បូង ក៏បានបដិសេធមិនធ្វើអត្ថាធិប្បាយដូចគ្នា ដោយលើកឡើងថា ប្រទេសទាំងពីរនៅតែពិភាក្សាអំពីពេលវេលា ទំហំ និងវិធីសាស្ត្រនៃសមយុទ្ធជាប្រចាំ។ ប្រទេសកូរ៉េខាងត្បូង និងសហរដ្ឋអាមេរិក បានចាប់ផ្តើមសមយុទ្ធយោធាបឋមរបស់ខ្លួនកាលពីថ្ងៃអង្គារ…
-
កូរ៉េខាងជើងនៅតែមានឆន្ទៈក្នុងការផលិតអាវុធមីស៊ីល ទោះរងទណ្ឌកម្មជុំទិស គួបផ្សំជាមួយវិបត្តិមនុស្សធម៌
ជាច្រើនឆ្នាំមកហើយ ប្រទេសកូរ៉េខាងជើងបានរងទណ្ឌកម្មផ្នែកសេដ្ឋកិច្ចពីសំណាក់ប្រទេសធំៗនានាដូចជា សហភាពអឺរ៉ុប និងសហរដ្ឋអាមេរិក ហើយកាន់តែខ្លាំងទៅទៀតនោះគឺ ទណ្ឌកម្មដាក់ចេញដោយអង្គការសហប្រជាជាតិ។ ទោះជាយ៉ាងណាក៏ដោយ អ្នកវិភាគ និងអ្នកតាមដានស្ថានការណ៍កូរ៉េខាងជើងជាច្រើនយល់ថា ទណ្ឌកម្មនេះហាក់ដូចជាមិនមានប្រសិទ្ធភាពសោះ ខណៈថ្នាក់ដឹកនាំប្រទេសនេះនៅតែចិញ្ចឹមចិត្តក្នុងការផលិតអាវុធនុយក្លេអ៊ែរជារឿយៗ។ អង្គការសហប្រជាជាតិតាមរយៈស្ថាប័នក្រុមប្រឹក្សាសន្តិសុខបានដាក់ទណ្ឌកម្មក្នុងការហាមប្រាមមិនឱ្យមានការនាំចូលអាវុធទៅកាន់ប្រទេសកូរ៉េកុម្មុយនិស្តនេះតាំងពីឆ្នាំ២០០៦មក ប៉ុន្តែទើបតែមកដល់ឆ្នាំ២០១៧នេះទេ ទើបមានការដាក់ទណ្ឌកម្មក្នុងទ្រង់ទ្រាយធំមួយ ដែលដាក់បម្រាមមិនឱ្យមានការនាំចូលទំនិញជាច្រើនទៅកាន់ប្រទេសកូរ៉េខាងត្បូង តម្រូវឱ្យពលករ និងពលរដ្ឋកូរ៉េខាងជើងដែលធ្វើការនៅក្រៅប្រទេសត្រលប់ទៅស្រុកវិញ ហើយព្រមទាំងដាក់ទណ្ឌកម្មទៅមន្ត្រីៗកូរ៉េខាងជើងទៀតផង។ បន្ថែមពីលើទណ្ឌកម្មរបស់អង្គការសហប្រជាជាតិ សហរដ្ឋអាមេរិកបានដាក់ទណ្ឌកម្មដោយឯកតោភាគីទៅលើកូរ៉េខាងជើងតាមរយៈការបង្កើតច្បាប់ជាបន្តបន្ទាប់នៅក្នុងសភាអាមេរិក ហើយអ្វីដែលខ្លាំងជាងគេនោះគឺ «យុទ្ធនាការដាក់សម្ពាធជាអតិបរមា» របស់រដ្ឋបាលលោក ដូណាល់ ត្រាំ ទៅកាន់ប្រទេសកូរ៉េខាងជើងកាលពីឆ្នាំ២០១៧។ រដ្ឋមន្ត្រីក្រសួងរតនាគារជាតិអាមេរិកនៅពេលនោះបានលើកឡើងថា ស្ថាប័នហិរញ្ញវត្ថុអន្តរជាតិមានជម្រើសក្នុងការរកស៊ីជាមួយអាមេរិក ឬ ជាមួយកូរ៉េខាងជើង តែមិនអាចរកស៊ីជាមួយប្រទេសទាំងពីរទេ។ គ្រប់ទណ្ឌកម្មទាំងអស់ទៅលើប្រទេសកូរ៉េខាងជើងគឺធ្វើឡើងក្រោមមូលហេតុចម្បងធំមួយគឺ ប្រទេសនេះផលិត និងធ្វើតេស្តអាវុធមីស៊ីលបាលីស្ទិក និងជាពិសេសគឺ អាវុធប្រល័យលោកនុយក្លេអ៊ែរ។ ទណ្ឌកម្មទាំងអស់នេះត្រូវបានដាក់ ដើម្បីខ្ទប់ដង្ហើមសេដ្ឋកិច្ច ដែលធ្វើយ៉ាងណាឱ្យប្រទេសកូរ៉េខាងជើងដកថយក្នុងការផលិតអាវុធទាំងអស់នោះ ហើយចូលរួមក្នុងការចរចាណាមួយក្នុងគោលបំណងរក្សាសន្តិសុខ និងស្ថិរភាពនៅតំបន់ឧបទ្វីបកូរ៉េ។ សហរដ្ឋអាមេរិកនៅក្នុងជំនាន់លោក ដូណាល់ ត្រាំ បានធ្វើការចរចាដោយផ្ទាល់ជាមួយថ្នាក់ដឹកនាំកូរ៉េខាងជើងពាក់ព័ន្ធនឹងរឿងនេះ។ លោក ត្រាំ បានចូលជួបជាមួយលោក គីម ជុងអ៊ុន ពីរដងនៅតំបន់អាស៊ីអាគ្នេយ៍ តែបរាជ័យនៅវៀតណាមកាលពីឆ្នាំ២០១៩ ដោយនិយាយមិនត្រូវគ្នាថា តើការដាក់ទណ្ឌកម្មគួរលើកលែងត្រឹមកម្រិតណា ហើយការរំសាយអាវុធនុយក្លេអ៊ែរត្រូវធ្វើនៅកម្រិតណា។…
-
BioNTech ដែលរួមដៃផលិតវ៉ាក់សាំកូវីដជាមួយក្រុមហ៊ុនអាមេរិក Pfizer រកបាន៦.២ពាន់លានដុល្លារ ត្រឹម៣ខែ
ក្រុមហ៊ុនផលិតវ៉ាក់សាំងកូវីដ១៩ របស់អាល្លឺម៉ង់ BioNTech បានរកចំណូលបាន៥.៣ពាន់លានអឺរ៉ូ ឬ ៦.២ពាន់លានដុល្លារអាមេរិក ក្នុងត្រីមាសទី២ នៃឆ្នាំ២០២១ កើនឡើង៤២លានអឺរ៉ូ បើប្រៀបធៀបនឹងពេលដូចគ្នា កាលពីឆ្នាំមុន នេះបើតាមក្រុមហ៊ុនបច្ចេកវិទ្យាអាល្លឺម៉ង់មួយនេះប្រកាស កាលពីថ្ងៃទី៩ សីហា ។ ចំណូលដុលរបស់ក្រុមហ៊ុនក្នុងអំឡុងពេល៣ខែមកនេះ គេប៉ាន់ស្មានថា ២.៨ពាន់លានអឺរ៉ូបានមកពីការលក់វ៉ាក់សាំងបង្ការជំងឺកូវីដ១៩ ពោលគឺក្រោយពេលខាតបង់ចំណូល៨៨.៣លានអឺរ៉ូ កាលពីឆ្នាំ២០២០ នេះបើតាមក្រុមហ៊ុនដដែល។ ក្រុមហ៊ុន BioNTech រួមនឹងក្រុមហ៊ុន Pfizer បានចែកចាយវ៉ាក់សាំងកូវីដ១៩ ច្រើនជាង១ពាន់លានដូស ទូទាំងពិភពលោក កាលពីពាក់កណ្តាលឆ្នាំ២០២១។ ក្រុមហ៊ុន BioNTech បានចុះកុងត្រាជាមួយក្រុមហ៊ុន Pfizer (អាមេរិក) ផ្គត់ផ្គង់វ៉ាក់សាំងកូវីដ១៩ ជាង២.២ពាន់លានដូស ក្នុងឆ្នាំ២០២១ ហើយនិងច្រើនជាង១ពាន់លានដូស ក្នុងឆ្នាំ២០២២។ ក្រុមហ៊ុននេះព្យាករណ៍ថា នឹងលក់វ៉ាក់សាំងនេះ ឲ្យបាន១៥.៩ពាន់លានដូស ក្នុងឆ្នាំ២០២១៕