-
ថៃបន្តរកឃើញអ្នកឆ្លង Covid-19 ថ្មីៗចំនួន១ម៉ឺន៩ពាន់៨៤៣ករណី និងស្លាប់២៣៥នាក់ទៀតក្នុងរបាយការណ៍ថ្ងៃអង្គារនេះ
ថៃ៖ ក្រសួងសុខាភិបាលថៃ នៅព្រឹកថ្ងៃអង្គារនេះ បានបន្តរកឃើញអ្នកឆ្លងជំងឺកូវីដ១៩ថ្មីៗចំនួន១ម៉ឺន៩ពាន់៨៤៣ករណី និងស្លាប់២៣៥នាក់បន្ថែមទៀត នៅក្នុងរយៈពេល២៤ម៉ោងចុងក្រោយនេះ ។ នៅក្នុងចំណោមករណីឆ្លងថ្មីៗទាំងអស់ខាងលើនេះ មាន១ម៉ឺន៩ពាន់៤៤៥ករណីជាប្រជាជនទូទៅ និង ៣៩៨ករណីទៀតជាអ្នកទោសក្នុងពន្ធនាគារ ។ ដោយឡែកនៅក្នុងរយៈពេល២៤ម៉ោងចុងក្រោយនេះដែរ ក៏មានអ្នកជំងឺ២ម៉ឺន២ពាន់៨០៦នាក់បានជាសះស្បើយ និងត្រូវបានអនុញ្ញាតអោយចេញពីមន្ទីរពេទ្យ ។ ចាប់តាំងពីថ្ងៃទី១ ខែមេសាមក នៅពេលជំងឺកូវីដ១៩រលកទី៣ផ្ទុះឡើង នៅទូទាំងប្រទេសថៃមានអ្នកជំងឺកូវីដ១៩ចំនួន៧៦ម៉ឺន៧ពាន់៨៨ករណី ក្នុងនោះមានអ្នកជំងឺ៥៥ម៉ឺន៧១៤នាក់បានជាសះស្បើយឡើងវិញ ។ ចាប់តាំងពីជំងឺរាតត្បាតនេះផ្ទុះឡើងកាលពីដើមឆ្នាំមុនមក នៅទូទាំងប្រទេសថៃមានអ្នកឆ្លងជំងឺកូវីដ១៩ចំនួន៧៩ម៉ឺន៥ពាន់៩៥១ករណី និងអ្នកជំងឺ៥៧ម៉ឺន៨ពាន់១៤០នាក់បានជាសះស្បើយឡើងវិញ ។ ចំណែកចំនួនអ្នកស្លាប់ក្នុងរលកទី៣ មានចំនួន៦ពាន់៤៩៤នាក់ ធ្វើអោយអ្នកស្លាប់សរុបចាប់តាំងពីរោគរាតត្បាតផ្ទុះឡើងកាលពីដើមឆ្នាំមុនមក កើនឡើងដល់៦ពាន់៥៨៨នាក់ ៕ ប្រភព៖ Bangkok Post
-
វៀតណាមរកឃើញអ្នកឆ្លង Covid-19 ថ្មីៗចំនួន៥ពាន់១៤៩ករណីបន្ថែមទៀតក្នុងរបាយការណ៍ព្រឹកថ្ងៃអង្គារនេះ
វៀតណាម៖ ក្រសួងសុខាភិបាលវៀតណាមនៅព្រឹកថ្ងៃអង្គារនេះ បានប្រកាសរកឃើញករណីឆ្លងថ្មីៗនៃជំងឺកូវីដ១៩រហូតដល់៥ពាន់១៤៩ករណីបន្ថែមទៀត ក្នុងនោះ៥នាក់ជាករណីនាំចូល និង៥ពាន់១៤៤នាក់ទៀតជាករណីឆ្លងក្នុងសហគមន៍ភាគច្រើននៅក្នុងទីក្រុងហូជីមិញ ។ សូមរំលឹកថា ក្រសួងសុខាភិបាលវៀតណាមនៅថ្ងៃចន្ទម្សិលមិញ បានប្រកាសរកឃើញករណីឆ្លងថ្មីៗនៃជំងឺកូវីដ១៩រហូតដល់៩ពាន់៣៤០ករណី ដែលជាតួលេខឆ្លងប្រចាំថ្ងៃខ្ពស់បំផុតមួយ សម្រាប់ប្រទេសអាស៊ានមួយនេះ ។ ក្នុងចំណោមករណីឆ្លងថ្មីៗខាងលើ មានតែ១៧ករណីប៉ុណ្ណោះដែលជាករណីនាំចូល ក្រៅពីនោះជាករណីឆ្លងក្នុងស្រុកទាំងអស់ ខណៈទីក្រុងហូជីមិញដែលជាចំណុចកណ្តាល នៃការផ្ទុះរីករាលនៃជំងឺនេះបានរ៉ាប់រងករណីឆ្លងតែឯងរហូតដល់៣ពាន់៩៩១នាក់ ។ នៅក្នុងថ្ងៃចន្ទម្សិលមិញនេះដែរ ក្រសួងសុខាភិបាលវៀតណាមក៏បានប្រកាសរកឃើញអ្នកស្លាប់ថ្មី ដោយសារជំងឺដ៏កាចសាហាវនេះចំនួន៣៦០នាក់ទៀតផងដែរ ។ សរុបមក គិតត្រឹមយប់ថ្ងៃទី០៩ ខែសីហា ឆ្នាំ២០២១នេះ វៀតណាមមានករណីឆ្លងកូវីដ១៩សរុបនៅទូទាំងប្រទេសចំនួន២១ម៉ឺន៩ពាន់៧៤៥នាក់ ក្នុងនោះអ្នកជំងឺជាសះស្បើយចំនួន៧ម៉ឺន៥ពាន់៩២០នាក់ ខណៈចំនួនអ្នកស្លាប់កើនដល់ ៣ពាន់៧៥៧នាក់ ៕ ប្រភព៖ Viet Nam News
-
មន្ទីរបញ្ជកោណនឹងតម្រូវអោយកងទ័ពទាំងអស់ចាក់វ៉ាក់សាំង Covid-19 នៅត្រឹមពាក់កណ្តាលខែកញ្ញាខាងមុខនេះ
អាមេរិក៖ មន្ទីរបញ្ចកោណនៅថ្ងៃចន្ទដើមសប្តាហ៍នេះបញ្ជាក់ថា ខ្លួនកំពុងរង់ចាំការអនុម័តពីប្រធានាធិបតីអាមេរិកលោក ចូ បៃដិន ក្នុងការតម្រូវអោយសមាជិកយោធាប្រមាណ១,៣លាននាក់ទៅទទួលការចាក់វ៉ាក់សាំងប្រឆាំងកូវីដ១៩ នៅត្រឹមពាក់កណ្តាលខែកញ្ញាខាងមុខនេះ ។ បន្ទាប់ពីការដាក់ចេញច្បាប់កូវីដ១៩សម្រាប់បុគ្គលិកសហព័ន្ធ លោក ចូ បៃដិន កាលពីខែមុន បានណែនាំមន្ទីរបញ្ចកោណអោយពិនិត្យមើលថាតើពេលណា និងរៀបចំដូចម្តេច ដែលនឹងត្រូវតម្រូវអោយសមាជិកយោធាវ៉ាក់សាំង ។ បើតាមអ្នកនាំពាក្យមន្ទីរបញ្ចកោណលោក ចន ឃើប៊ី បានហៅសេចក្តីប្រកាសកាលពីថ្ងៃចន្ទ ដែលចេញដោយរដ្ឋមន្រ្តីការពារជាតិអាមេរិកលោក ល្លយដ៍ អូស្ទីន ថា ជា “បទបញ្ជាព្រមាន” ។ លោក ឃើប៊ី បន្ថែមថា បទបញ្ជានេះជិតមកដល់ហើយ ហើយយើងចង់អោយអ្នកត្រៀមខ្លួនសម្រាប់វាផងដែរ ។ ហើយជាក់ស្តែងយើងចង់អោយអ្នកចាក់វ៉ាក់សាំងឥឡូវនេះ ហើយកុំរង់ចាំតទៅទៀត ។ គួរកត់សម្គាល់ ក្រសួងការពារជាតិអាមេរិកកំពុងកំណត់គោលដៅនៅពាក់កណ្តាលខែកញ្ញាខាងមុខ សម្រាប់កាលបរិច្ឆេទនៃការចាក់វ៉ាក់សាំង ដោយផ្អែកលើការរំពឹងទុកសម្រាប់រដ្ឋបាលចំណីអាហារ និងឱសថអាមេរិក (FDA) ដើម្បីផ្តល់ការយល់ព្រមពេញលេញចំពោះវ៉ាក់សាំង ហ្វាហ្សឺ (Pfizer) ខណៈបច្ចុប្បន្នវាស្ថិតនៅក្រោមការអនុញ្ញាតអោយប្រើក្នុងគ្រាអាសន្នប៉ុណ្ណោះ ៕ ប្រភព៖ Reuters
-
សហរដ្ឋអាមេរិកជំរុញអោយជៀសវាងការធ្វើដំណើរទៅកាន់ប្រទេសបារាំង អ៊ីស្រាអែល និងថៃ ដោយសារព្រួយបារម្ភពីជំងឺ Covid-19
អាមេរិក៖ មជ្ឈមណ្ឌលគ្រប់គ្រង និងបង្ការជំងឺឆ្លងអាមេរិក (CDC) បានព្រមាន ប្រឆាំងនឹងការធ្វើដំណើរទៅកាន់ប្រទេសអ៊ីស្រាអែល បារាំង ថៃ អ៊ីស្លង់ និងប្រទេសមួយចំនួនទៀត ដោយសារតែការកើនឡើងនៃករណីជំងឺកូវីដ១៩នៅក្នុងប្រទេសទាំងនោះ ។ មជ្ឈមណ្ឌលគ្រប់គ្រង និងបង្ការជំងឺឆ្លងអាមេរិក (CDC) បានបង្កើនកម្រិតប្រកាសអាសន្នដល់កម្រិត៤ ដែលជាកម្រិតខ្ពស់បំផុតនៃជំងឺកូវីដ១៩ ខណៈដែលករណីឆ្លងថ្មីៗកំពុងកើនឡើងនៅពាសពេញពិភពលោក ។ សហរដ្ឋអាមេរិកបានដាក់បន្ថែមអ៊ីស្រាអែល តំបន់វេសប៊ែង និងហ្គាហ្សា រួមជាមួយកន្លែងផ្សេងទៀតដូចជាកោះអារូបា និងបារាំងប៉ូលីណេស៊ី ផងដែរ ទៅក្នុងបម្រាមធ្វើដំណើរកម្រិត៤ ដែលជាកម្រិតខ្ពស់បំផុតរបស់ខ្លួន ។ ក្រសួងការបរ ទេសអាមេរិកក៏បានចេញសេចក្តីណែនាំរបស់ខ្លួន ស្តីពីការហាមឃាត់ធ្វើដំណើរកម្រិត៤ សម្រាប់ប្រទេសអ៊ីស្លង់និងបារាំងផងដែរកាលពីថ្ងៃចន្ទដើមសប្តាហ៍ ។ កាលពីខែកក្កដា CDC បានបង្ហាញពីការព្រួយបារម្ភអំពីប្រទេសអ៊ីស្រាអែល តំបន់វេសប៊ែង និង ហ្គាហ្សា ដោយដកការជូនដំណឹងអំពីសុខភាពធ្វើដំណើររបស់ខ្លួនពីកម្រិតពីរ ដំឡើងដល់កម្រិត៣វិញ ។ បើតាម CDC អ្នកដំណើរដែលមិនចាក់វ៉ាក់សាំងគួរតែចៀសវាងការធ្វើដំណើរមិនចាំបាច់ទៅកាន់ប្រទេសទាំងនោះ៕ ប្រភព៖ Reuters
-
អ្នកឆ្លង COVID-19 នៅទូទាំងពិភពលោកកើនឡើងដល់២០៤លាន១៣ម៉ឺននាក់ ក្នុងនោះស្លាប់ជាង៤លាន៣១ម៉ឺននាក់ និងជាសះស្បើយ១៨៣លាន៣១ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន២០៤លាន១៣ម៉ឺន៣ពាន់២៥៧ករណី ក្នុងនោះមានអ្នកជម្ងឺសរុបចំនួន៤លាន៣១ម៉ឺន៦ពាន់១០៥នាក់ស្លាប់ និង ជាសះស្បើយឡើងវិញសរុបចំនួន១៨៣លាន៣១ម៉ឺន៩ពាន់១៩៣នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី១០ ខែសីហា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣៦លាន៧៨ម៉ឺន៤៨០នាក់ ស្លាប់ចំនួន៦៣ម៉ឺន៣ពាន់៧៩៩នាក់ និងជាសះស្បើយចំនួន២៩លាន៩២ម៉ឺន៣ពាន់៣២០នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៣១លាន៩៩ម៉ឺន៧ពាន់១៧នាក់ ស្លាប់៤២ម៉ឺន៨ពាន់៧១៥នាក់ និងជាសះស្បើយ៣១លាន១៧ម៉ឺន៣ពាន់៣៨៣នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន២០លាន១៧ម៉ឺន៨ពាន់១៤៣នាក់ ស្លាប់ចំនួន៥៦ម៉ឺន៣ពាន់៧០៧នាក់ និងជាសះស្បើយ១៨លាន៩៣ម៉ឺន៩ពាន់៥១នាក់ ៕ ប្រភព៖ worldometers
-
អ្នកវិភាគ៖ ការអះអាងរបស់លោក Bolsonaro ពីរឿងលួចបន្លំការបោះឆ្នោត បង្កឱ្យមានវិបត្តិមិនធ្លាប់មាន
សៅប៉ូឡូ៖ ដោយគ្មានភស្តុតាងជាក់លាក់ និងផ្ទុយគ្នាពីអ្នកជំនាញផង ប្រធានាធិបតីប្រេស៊ីលលោក ជែ បុលសូណារ៉ូ (Jair Bolsonaro) បាននិយាយប៉ុន្មានឆ្នាំមកនេះថា ប្រព័ន្ធបោះឆ្នោតអេឡិចត្រូនិករបស់ប្រទេសនេះងាយនឹងរងការលួចបន្លំ។ ក្នុងរយៈពេលប៉ុន្មានសប្តាហ៍ថ្មីៗនេះ ស្របពេលដែលក្រុមប្រឆាំងរបស់លោក Bolsonaro ធ្វើបាតុកម្មនៅតាមទីក្រុងធំៗនានា ទាមទារឱ្យលោកចុះចេញពីដំណែង អ្នកនយោបាយស្តាំនិយមរូបនេះ បានតម្លើងសម្លេងនៃការអះអាងរបស់លោកនៅក្នុងបទសម្ភាសន៍ ការផ្សព្វផ្សាយ និងការជួបប្រជុំជាមួយបាតុកររាប់ពាន់នាក់ដែលធ្វើបាតុកម្មដើម្បីបង្ហាញការគាំទ្ររបស់ពួកគេ ចំពោះការអំពាវនាវឱ្យផ្លាស់ប្តូរប្រព័ន្ធបោះឆ្នោតរបស់លោក។ សារព័ត៌មាន Al Jazeera បានស្រង់សម្ដីរបស់លោកប្រធានាធិបតីរូបនេះពីក្នុងបទសម្ភាសន៍តាមវិទ្យុមួយនាពេលថ្មីៗនេះ ដោយលោកបានលើកឡើងថា៖ «យើងមិនអាចមានការបោះឆ្នោតដែលគួរឱ្យសង្ស័យអញ្ចឹងនៅឆ្នាំ ២០២២ បានទេ»។ ការចោទប្រកាន់ម្តងហើយម្តងទៀតដោយគ្មានមូលដ្ឋាន លើការលួចបន្លំធ្វើឱ្យប៉ះពាល់ដល់ប្រព័ន្ធបោះឆ្នោត រួមជាមួយការវាយប្រហារដោយពាក្យសំដីលើចៅក្រមតុលាការកំពូលប្រេស៊ីល បានបង្កឱ្យក្លាយជារឿងមួយដែលអ្នកវិភាគហៅថា «វិបត្តិដែលមិនធ្លាប់មានពីមុនមក» រវាងស្ថាប័ននីតិប្រតិបត្តិ និងតុលាការ។ លោក Rafael Cortez អ្នកវិទ្យាសាស្ត្រនយោបាយនៅក្រុមហ៊ុនសិក្សាស្រាវជ្រាវទិផ្សារ Tendencias ក្នុងក្រុងសៅប៉ូឡូបាននិយាយថា៖ « វាគឺជាស្ថានភាពដ៏ពិបាក ជាជម្លោះដែលមិនអាចដោះស្រាយក្នុងរយៈពេលខ្លី»។ កាលពីថ្ងៃពុធសប្ដាហ៍មុន ចៅក្រមតុលាការកំពូលលោក Alexandre de Moraes បានដាក់លោក Bolsonaro ឱ្យស្ថិតនៅក្រោមការស៊ើបអង្កេតលើសំណុំរឿង «ព័ត៌មានក្លែងក្លាយ» ដែលកំពុងបន្ត…
-
អារ៉ាប៊ីសាអូឌីត ចាប់ផ្តើមបើកធម្មយាត្រា Umrah សម្រាប់ជនបរទេសដែលបានចាក់វ៉ាក់សាំង
អារ៉ាប៊ីសាអូឌីតនិយាយថា ខ្លួននឹងចាប់ផ្តើមបើក ឲ្យមានធម្មយាត្រា Umrah (មានន័យថា ការទស្សនាកន្លែង ដែលមានមនុស្សច្រើនកុះករ ) ដល់ជនមកពីបរទេសដែលបានចាក់វ៉ាក់សាំងរួចរាល់ចាប់ពីថ្ងៃទី ៩ ខែសីហានេះតទៅ។ សេចក្តីប្រកាសនៅលើប្រព័ន្ធផ្សព្វផ្សាយរដ្ឋ នៅព្រឹកថ្ងៃអាទិត្យនេះបាន ប្រកាសប្រហែល ១៨ ខែបន្ទាប់ពី ព្រះរាជាណាចក្រនេះ បានបិទព្រំដែនរបស់ខ្លួន មិនឱ្យមានអ្នកធម្មយាត្រាមកពីបរទេសដោយសារការរីករាលដាលនៃមេរោគឆ្លងកូវីដ១៩។ ទីភ្នាក់ងារសារព័ត៌មានអារ៉ាប៊ីសាអ៊ូឌីត បាននិយាយថា អាជ្ញាធរនៅក្នុងក្រសួងដែល សម្របសម្រួលអ្នកធ្វើធម្មយាត្រាមកពីក្រៅប្រទេស នឹងចាប់ផ្តើមទទួលសំណើសុំធ្វើធម្មយាត្រា ពីថ្ងៃច័ន្ទ ៩ សីហានេះតទៅ។ ការអនុញ្ញាតដំបូងនឹងត្រូវ ផ្តល់ដល់អ្នកធ្វើធម្មយាត្រា ចំនួន ៦ ម៉ឺននាក់ក្នុងមួយខែ ប៉ុន្តែចំនួននេះនឹងអាចកើនឡើងជាលំដាប់ដល់ ទៅ ២ លាននាក់ក្នុងមួយខែ។ អ្នកធ្វើធម្មយាត្រាមកពីក្រៅប្រទេស នឹងត្រូវបង្ហាញវិញ្ញាបនប័ត្រចាក់វ៉ាក់សាំងកូវីដ១៩ រួមជាមួយ លិខិតរស្នើសុំធ្វើធម្មយាត្រា។ Umrah គឺជាការធ្វើ ធម្មយាត្រាទៅកាន់ទីសក្ការៈបូជា ដូចជាកន្លែងពិសិដ្ឋចំនួនពីររបស់សាសនាអ៊ីស្លាមនៅក្នុងទីក្រុង Mecca និង Medina ហើយអាចធ្វើនៅពេលណាក៏បាន។ វាមានលក្ខណៈខុសប្លែកពី Hajj ដែលប្រព្រឹត្តឡើងមួយលើកប៉ុណ្ណោះជារៀងរាល់ឆ្នាំ។ ជំងឺរាតត្បាតកូវីដ ១៩ បានរំខានដល់ការធ្វើធម្មយាត្រានានា ដែលជាធម្មតា…
-
ហ្វីលីពីន រកឃើញករណីស្លាប់ដោយជំងឺកូវីដ១៩ ប្រចាំថ្ងៃ រហូតដល់ទៅ ២៨៧ករណី
ប្រទេសហ្វីលីពីនរកឃើញករណីស្លាប់ដោយជំងឺកូវីដ-១៩ប្រចាំថ្ងៃរហូតដល់ទៅ ២៨៧ករណី កាលពីថ្ងៃអាទិត្យកន្លងទៅ។ នេះបើតាមព្រឹត្តិបត្រព័ត៌មានចុះផ្សាយដោយក្រសួងសុខាភិបាលប្រទេសនេះ។ ចំនួនអ្នកស្លាប់កាលពីថ្ងៃអាទិត្យ ជាចំនួនមួយដ៏ខ្ពស់បំផុតក្នុងរយៈពេល ៤ខែចុងក្រោយនេះ ដោយកាលពីថ្ងៃទី៩ ខែមេសាកន្លងទៅ ហ្វីលីពីនរកឃើញ អ្នកស្លាប់ក្នុងមួយថ្ងៃរហូតដល់ទៅ ៤០១ករណីឯណោះ។ យោងតាមប្រភពព័ត៌មានខាងលើ ប្រទេសនេះរកឃើញមានករណីប្រចាំថ្ងៃចំនួន ៩ ៦៧១ករណី ដែលធ្វើឱ្យករណីសរុបមានប្រមាណ ១,៦លានករណី និងមានអ្នកស្លាប់ក្បែរ ៣ម៉ឺននាក់៕ ប្រភព៖ CNA
-
សង្គ្រាមនៅអាហ្វហ្គានីស្ថាន៖ តាលីបង់ដណ្ដើមបានទីរួមខេត្តចំនួនបី ក្នុងមួយថ្ងៃ
កាលពីថ្ងៃអាទិត្យនេះ ក្រុមឧទ្ទាមតាលីបង់បានធ្វើការវាយដណ្ដើមយកទីរួមខេត្តអាហ្វហ្គានីស្ថានចំនួនបី ខណៈពេលដែលពួកគេបានបន្តការវាយលុកដណ្ដើមការគ្រប់គ្រងបន្ទាប់ពីការដកកងទ័ពអាមេរិក។ ទីក្រុង Kunduz ទីក្រុង Sar-e-Pul និងទីក្រុង Taloqan បានធ្លាក់ចូលការគ្រប់គ្រងរបស់តាលីបង់នៅថ្ងៃតែមួយក្នុងរយៈប៉ុន្មានម៉ោងពីគ្នាប៉ុណ្ណោះ។ នេះមានន័យថាទីរួមខេត្តសំខាន់ៗចំនួនប្រាំបានធ្លាក់ក្រោមការគ្រប់គ្រងរបស់តាលីបង់ចាប់តាំងពីថ្ងៃសុក្រសប្ដាហ៍មុនមក។ ការចូលកាន់កាប់ទីក្រុង Kunduz គឺត្រូវបានគេគិតថាជាជ័យជម្នះដ៏ធំមួយរបស់ក្រុមតាលីបង់ ដោយសារទីក្រុងនេះគឺច្រកទ្វារទៅកាន់តំបន់សម្បូររ៉ែនៅភាគខាងជើងប្រទេសអាហ្វហ្គានីស្ថាន។ ទីតាំងទីក្រុងនេះក៏មានលក្ខណៈសំខាន់ផងដែរ ដោយសារមានផ្លូវជាតិជាច្រើនតភ្ជាប់ទីក្រុងនេះទៅនឹងទីក្រុងសំខាន់ផ្សេងទៀត ដែលរួមទាំងរដ្ឋធានីកាប៊ុល។ បន្ថែមពីលើនេះទីក្រុង Kunduz គឺជាតំណភ្ជាប់ដ៏សំខាន់ទៅកាន់ព្រំដែនជាមួយប្រទេសតាហ្ស៊ីគីស្ថាន ដែលច្រករត់ពន្ធអាភៀន និងហេរ៉ូអ៊ីនអាហ្វហ្គានីស្ថានទៅតំបន់អាស៊ីកណ្ដាល និងអឺរ៉ុប។ អំពើហិង្សា បានកើនឡើងពាសពេញប្រទេសអាហ្វហ្គានីស្ថាន បន្ទាប់ពីសហរដ្ឋអាមេរិក និងកងកម្លាំងអន្តរជាតិដទៃទៀតបានចាប់ផ្ដើមដកកងទ័ពរបស់ពួកគេចេញពីប្រទេសនេះ បន្ទាប់ពីប្រតិបត្តិការយោធាអស់រយៈពេល ២០ ឆ្នាំ។ ក្នុងរយៈពេលប៉ុន្មានសប្ដាហ៍ចុងក្រោយនេះ ក្រុមតាលីបង់បានបង្កើនការឡោមព័ទ្ធទីក្រុង និងទីប្រជុំជនសំខាន់ៗ បន្ទាប់ពីបានធ្វើការវាយលុកដណ្ដើមការគ្រប់គ្រងនៅតំបន់ជនបទ។ បើទោះបីជាបញ្ឈប់បេសកកម្មយោធាជើងគោក សហរដ្ឋអាមេរិកបានបង្កើនការវាយប្រហារតាមអាកាសទៅលើគោលដៅក្រុមតាលីបង់ ដោយរដ្ឋាភិបាលអាហ្វហ្គានីស្ថានបានអះអាងថាបានសម្លាប់សមាជិកក្រុមនេះជាច្រើន។ ប៉ុន្តែក្រុមតាលីបង់បានអះអាងថាការវាយប្រហារបែបនេះបានធ្វើឱ្យខូចខាតមន្ទីរពេទ្យចំនួនពីរ និងសាលារៀនមួយ។ ការអះអាងទាំងពីរនេះមិនអាចបញ្ជាក់ជាឯករាជ្យបានទេ។ ប្រភព៖ BBC
-
រឿងអាស្រូវ Kris Wu លាតត្រដាងបញ្ហាប្រជាប្រិយភាព និងអ្នកគាំទ្ររបស់លោក
តារាសម្តែងនិងអ្នកចំរៀងដើមកំណើតចិន សញ្ជាតិកាណាដា លោកKris Wu Yifan រងការចោទប្រកាន់ថារូបលោកបានប្រព្រឹត្តបទល្មើសបំពានផ្លូវភេទជាបន្តបន្ទាប់ ដោយលោកបានចាប់រំលោភនារីវ័យក្មេងអស់ជាច្រើននាក់។ លោកបាន បដិសេធដោយហៅអ្នកចោទប្រកាន់ទាំងនោះ ថាជាមនុស្សកុហក ហើយនិយាយថារូបលោកនឹងចូលពន្ធធនាគារដោយខ្លួនឯងប្រសិនបើការអះអាងប្រឆាំងនឹងរូបលោកគឺជាការពិត។ យោងតាមរបាយការណ៍តាមប្រព័ន្ធអនឡាញ បានបង្ហាញថាលោក“ Wu Yifa បានបញ្ឆោតស្ត្រីវ័យក្មេងជាច្រើននាក់ម្តងហើយម្តងទៀតឱ្យរួមភេទជាមួយលោក” ។ លោក Wu ត្រូវបានចោទប្រកាន់ដោយ កញ្ញា Du Meizhu ដែលជាអ្នកមានអ្នកតាមដានច្រើន លើអ៊ីនធឺណិតម្នាក់ ហើយបានអះអាងថា ខ្លួនជាមិត្តស្រីរបស់ Krisផងដែរ។នាងបានចោទលោក Kris ពីបទល្បួងក្មេងស្រីមិនទាន់គ្រប់អាយុឱ្យរួមភេទជាមួយលោក ក្រោមហេតុផលថាគាត់កំពុងជ្រើសរើសតារាសម្តែងស្រី ។ កន្លងមក កញ្ញា Du បានប្រាប់សារព័ត៏មានថា លោក Kris បានប្រើវិធីផ្សេងៗដើម្បីទាក់ទងនិងល្បួងក្មេងស្រីវ័យក្មេងទាំងនោះហើយ ចំនួនជនរងគ្រោះរួមទាំងខ្លួននាងផងដែរនោះ គឺលើសពី ៨ នាក់ ដែលក្នុងនោះពីរនាក់ជាអនីតិជន។ កញ្ញា Du បាននិយាយថានាងបានស្គាល់លោកWu នៅពេលនាងមានអាយុ ១៧ ឆ្នាំដោយនាង បានបន្តថា នាងត្រូវបានគេអញ្ជើញឱ្យទៅផ្ទះរបស់គាត់រួមជាមួយក្មេងស្រីដទៃទៀត ដែលពួកគេត្រូវបានគេបង្ខំឱ្យផឹកស្រា ហើយពេលនាងភ្ញាក់ឡើងគឺនាង នៅលើគ្រែលោក…