-
អាជ្ញាធរហុងកុងចាប់ខ្លួនតារាចម្រៀងនិន្នាការប្រជាធិបតេយ្យ ក្រោមបទល្មើស «ប្រព្រឹត្តិអំពើពុករលួយ»
គណៈកម្មការឯករាជ្យប្រឆាំងអំពើពុករលួយហុងកុង កាលពីថ្ងៃទី២ ខែសីហាកន្លងទៅ បានធ្វើការចោទប្រកាន់តារាចម្រៀង និងសកម្មជនប្រជាធិបតេយ្យហុងកុងលោក Anthony Wong ពីបទល្មើសប្រព្រឹត្តិអំពើពុករលួយ ក្នុងអំឡុងពេលយុទ្ធនាការឃោសនាការបោះឆ្នោតកាលពីឆ្នាំ២០១៨។អង្គភាពប្រឆាំងអំពើពុករលួយខាងលើបាននិយាយក្នុងសេចក្ដីថ្លែងការណ៍របស់ខ្លួនថា លោក Wong បានច្រៀងចម្រៀងចំនួន ២បទក្នុងការជួបជុំដ៏ធំមួយ ហើយក្រោយពីច្រៀងចប់ តារាចម្រៀងមួយបានអំពាវនាវឱ្យអ្នកចូលរួមទាំងអស់បោះឆ្នោតឱ្យសកម្មជនប្រជាធិបតេយ្យហុងកុងលោក Au Nok-hin ក្នុងការបោះឆ្នោតបំពេញបន្ថែមជ្រើសរើសក្រុមប្រឹក្សាតាក់តែងច្បាប់នៅហុងកុង។ សកម្មភាពនេះផ្ទុយនឹងច្បាប់ស្ដីពី អំពើពុករលួយ និងសកម្មភាពខុសច្បាប់ក្នុងការបោះឆ្នោត។ ប្រសិនបើរកឃើញថាមានកំហុសមែន លោក Wong អាចជាប់ពន្ធនាគាររហូតដល់ ៧ឆ្នាំ និងរងការពិន័យជាទឹកប្រាក់ចំនួន ៦៤ ០០០ដុល្លារអាមេរិក។ លោក Au ក៏បានឈ្នះឆ្នោតកាលពីឆ្នាំ២០១៨ តែលោកត្រូវបានចាប់ខ្លួន និងដាក់ឱ្យជាប់ពន្ធនាគាររយៈពេល ១០ខែ កាលពីខែមេសាកន្លងទៅ។ នៅក្នុងឆ្នាំ២០២១នេះ សកម្មជនប្រជាធិបតេយ្យហុងកុងចំនួនច្រើនជាង ៤៦នាក់ ត្រូវបានចាប់ខ្លួន ក្រោមបទល្មើសនឹងច្បាប់សន្តិសុខជាតិហុងកុង ដែលអនុម័តដោយរដ្ឋាភិបាលប៉េកាំងកាលពីឆ្នាំ២០២០កន្លងទៅ៕
-
អាមេរិកច្រានចោលផែនការបោះឆ្នោតមីយ៉ាន់ម៉ា និងជំរុញឱ្យមានការដាក់សម្ពាធពីសំណាក់អាស៊ានបន្ថែមទៀត
សៅ សម្ភស្ស សហរដ្ឋអាមេរិក បាននិយាយនៅថ្ងៃច័ន្ទថា របបយោធាមីយ៉ាន់ម៉ា គ្រោងនឹងរៀបចំការបោះឆ្នោតរយៈពេល ២ឆ្នាំមួយ ខណៈដែលរដ្ឋលេខាធិការអាមេរិកលោក Antony Blinken បានត្រៀមលើកទឹកចិត្តអាស៊ានឱ្យតែងតាំងបេសកជនម្នាក់ប្រចាំនៅប្រទេសនេះ។ លោក Blinken បានចូលរួមកិច្ចពិភាក្សាស្ទើរតែមួយសប្តាហ៍ជាមួយរដ្ឋមន្ត្រីការបរទេសនៃសមាគមប្រជាជាតិអាស៊ីអាគ្នេយ៍ ដែលជាវិធានចុងក្រោយ ដោយរដ្ឋបាលរបស់ប្រធានាធិបតី Joe Biden ដើម្បីចូលរួមក្នុងតំបន់មួយទប់ទល់នឹងប្រកួតប្រជែងរបស់អាមេរិកជាមួយចិន។ មុននឹងកិច្ចពិភាក្សាអាស៊ាន ប្រមុខរបបយោធាមីយ៉ាន់ម៉ា បានសន្យាថា នឹងរៀបចំការបោះឆ្នោត និងលើកស្ថានភាពគ្រាអាសន្ននៅត្រឹមខែ សីហា ឆ្នាំ ២០២៣ ។ សេចក្តីប្រកាសនេះ គឺជាការអំពាវនាវឱ្យអាស៊ាន ត្រូវបង្កើនកិច្ចខិតខំប្រឹងប្រែងរបស់ខ្លួន ព្រោះអាមេរិកដឹងច្បាស់ណាស់ថា របបយោធាមីយ៉ាន់ម៉ា ចង់ធ្វើឱ្យមានការជាប់គាំងមួយរយៈ ហើយចង់ពន្យាពេលវេលាឱ្យបានយូរ ដើម្បីផលប្រយោជន៍ផ្ទាល់ខ្លួន។ ប្រភព៖ US dismisses Myanmar election plan, urges ASEAN pressure https://www.channelnewsasia.com/news/world/us-dismisses-myanmar-election-plan-urges-asean-pressure-15366804
-
កូរ៉េខាងត្បូងបញ្ជាក់ថា គ្មានការសម្រេចចិត្តលើសមយុទ្ធអាមេរិកទេ ប៉ុន្តែសមយុទ្ធនេះមិនគួរបង្កើតឱ្យមានភាពតានតឹងនៅកូរ៉េខាងជើងទេ
សៅ សម្ភស្ស កូរ៉េខាងត្បូង បាននិយាយនៅថ្ងៃ ច័ន្ទ កន្លងទៅថា ខ្លួនមិនទាន់មានការសម្រេចចិត្តណាមួយអំពីសមយុទ្ធយោធារួមគ្នា ជាមួយសហរដ្ឋអាមេរិកទេ ប៉ុន្តែការធ្វើបែបនេះក៏មិនគួរ បង្កើតឱ្យមានភាពតានតឹងជាមួយកូរ៉េខាងជើងទេ ក្រោយប្រទេសនេះបាន ព្រមានកូរ៉េខាងត្បូងថា កុំឱ្យធ្វើសមយុទ្ធនេះ ចំពេលសញ្ញាទំនាក់ទំនងប្រទេសទាំងពីរកំពុងធ្លាក់ចុះ។ បើតាមឱ្យដឹងពីសារព័ត៌មាន Reuter កូរ៉េខាងត្បូង និងសហរដ្ឋអាមេរិកតែងតែធ្វើសមយុទ្ធយោធាជាទៀងទាត់ ជាពិសេសនៅនិទាឃរដូវ និងរដូវក្តៅ ដែលកូរ៉េខាងជើងតែងតែព្រមានមិនឱ្យធ្វើ ដោយហៅការសកម្មភាពនេះថាជាការហាត់សមសម្រាប់សង្គ្រាម។ លោក គីមយ៉ូជុង បងប្អូនស្រីរបស់មេដឹកនាំកូរ៉េខាងជើង គីមជុងអ៊ុន និងមន្រ្តីជាន់ខ្ពស់គណបក្សពលករ ដែលកំពុងកាន់អំណាច បានព្រមានទីក្រុងសេអ៊ូលកាលពីថ្ងៃ អាទិត្យ ថា ការធ្វើសមយុទ្ធនេះ នឹងកាត់បន្ថយកិច្ចខិតខំប្រឹងប្រែង ដើម្បីកសាងទំនាក់ទំនងឡើងវិញ។ ការព្រមានរបស់លោកស្រី បានកើតឡើងប៉ុន្មានថ្ងៃ បន្ទាប់ពីប្រទេសកូរ៉េទាំងពីរ បានស្តារឡើងវិញនូវខ្សែទូរស័ព្ទបន្ទាន់ នៅក្រុងព្យុងយ៉ាង ដែលបានផ្តាច់ខ្លួនកាលពីមួយឆ្នាំមុន ហើយមន្រ្តីកូរ៉េខាងត្បូង បាននិយាយថា លោក គីម និងប្រធានាធិបតីកូរ៉េខាងត្បូង គឺលោក មូនជេអ៊ីន កំពុងស្វែងរកកាផ្សះផ្សារ ទំនាក់ទំនង ដែលតានតឹងកន្លងមក ហើយនឹងបន្តកិច្ចប្រជុំកំពូលឡើងវិញពេលឆាប់ៗ។ យ៉ាងណាមិញ ក្រសួងការពារជាតិកូរ៉េខាងត្បូង បាននិយាយថា…
-
អ៊ីរ៉ង់ក្រើនរំលឹកថានឹងមានការឆ្លើយតប ប្រសិនបើមានការគំរាមកំហែងដល់សន្តិសុខខ្លួន
សុខ វេងឈាង កាលពីថ្ងៃចន្ទនេះ ក្រសួងការបរទេសអ៊ីរ៉ង់បាននិយាយថាក្រុងតេហេរ៉ង់នឹងឆ្លើយតបភ្លាមៗ ចំពោះការគំរាមកំហែងណាមួយដល់សន្តិសុខរបស់ខ្លួន បន្ទាប់ពីសហរដ្ឋអាមេរិក ចក្រភពអង់គ្លេស និងអ៊ីស្រាអែលបានធ្វើការចោទប្រកាន់អ៊ីរ៉ង់ថាបានវាយប្រហារទៅលើនាវាដឹកប្រេងគ្រប់គ្រងដោយអ៊ីស្រាអែល។ អ្នកនាំពាក្យក្រសួងការបរទេសអ៊ីរ៉ង់លោក Saeed Khatibzadeh បាននិយាយថា៖ «អ៊ីរ៉ង់គ្មានការស្ទាក់ស្ទើរក្នុងការការពារសន្តិសុខ និងផលប្រយោជន៍ជាតិរបស់ខ្លួនឡើយ ហើយនឹងឆ្លើយតបភ្លាមៗ និងយ៉ាងម៉ឺងម៉ាត់ចំពោះដំណើរផ្សងព្រេងណាមួយដែលអាចកើតមាន»។ ក្រុងតេហេរ៉ង់បានបដិសេធការជាប់ពាក់ព័ន្ធទៅនឹងការវាយប្រហារដោយប្រើយន្តហោះដ្រូនទៅលើនាវាដឹកប្រេងMercer Street កាលពីយប់ថ្ងៃព្រហស្បតិ៍សប្ដាហ៍មុន ធ្វើឱ្យនាវិកពីររូប មួយជាជនជាតិអង់គ្លេស និងមួយទៀតជាជនជាតិរ៉ូម៉ានីស្លាប់។ អាមេរិក និងអង់គ្លេស បាននិយាយកាលពីថ្ងៃអាទិត្យថាពួកគេជឿជាក់ថាអ៊ីរ៉ង់គឺនៅពីក្រោយការវាយប្រហារនេះ ហើយពួកគេនឹងសហការជាមួយសម្ព័ន្ធមិត្តដើម្បីធ្វើការឆ្លើយតបរួមគ្នា។ នាយករដ្ឋមន្ត្រីអ៊ីស្រាអែលលោក Naftali Bennett បានចោទប្រកាន់ទីក្រុងតេហេរ៉ង់ថា «កំពុងព្យាយាមលាក់បាំងការទទួលខុសត្រូវ» ចំពោះការវាយប្រហារនេះ ហើយការបដិសេធរបស់ពួកគេគឺជាអំពើ«កំសាក»។ រដ្ឋមន្ត្រីការបរទេសអ៊ីស្រាអែលបាននិយាយកាលពីថ្ងៃអាទិត្យថាហេតុការណ៍នេះសមនឹងទទួលបានការឆ្លើយតបដ៏អាក្រក់មួយ។ Source: https://www.reuters.com/world/middle-east/iranian-official-warns-strong-response-if-security-threatened-agency-2021-08-02/
-
តាលីបង់រងការចោទប្រកាន់ពីការ «សម្លាប់រង្គាលជនស៊ីវិល» នៅទីក្រុងជាប់ព្រំដែនមួយរបស់អាហ្វហ្គានីស្ថាន
សុខ វេងឈាង ខណៈពេលដែលកងកម្លាំងយោធាអាហ្វហ្គានីស្ថានកំពុងធ្វើការប្រយុទ្ធដើម្បីកុំឱ្យទីក្រុងធំទីមួយធ្លាក់ក្នុងដៃរបស់ក្រុមឧទ្ទាមតាលីបង់ សហរដ្ឋអាមេរិក និងចក្រភពអង់គ្លេសបានចោទប្រកាន់ក្រុមនេះថាបាន «សម្លាប់រង្គាលជនស៊ីវិល» នៅទីក្រុងមួយនៃខេត្តកាន់ដាហារ ដែលពួកគេទើបចូលកាន់កាប់នៅជិតព្រំដែនជាប្រទេសប៉ាគីស្ថាន។ ស្ថានទូតអាមេរិក និងអង់គ្លេសប្រចាំនៅទីក្រុងកាប៊ុលបានបង្ហោះសារទៅលើបណ្ដាញសង្គម Twitter ថា៖ «ក្រុមតាលីបង់បានសម្លាប់ជនស៊ីវិលរាប់សិបនាក់ក្នុងការសម្លាប់សងសឹក។ ឃាតកម្មទាំងនេះអាចចាត់បានថាជាឧក្រិដ្ឋកម្មសង្គ្រាម»។ ពួកគេបានបន្តទៀតថា៖ «ថ្នាក់ដឹកនាំតាលីបង់ត្រូវតែទទួលខុសត្រូវចំពោះឧក្រិដ្ឋកម្មរបស់យុទ្ធជនរបស់ពួកគេ។ ប្រសិនបើអ្នកមិនអាចគ្រប់គ្រងយុទ្ធជនរបស់អ្នកឥឡូវនេះបានទេ នោះអ្នកគ្មានកិច្ចការអ្វីការអភិបាលកិច្ចនាពេលអនាគតទេ»។ លោក Suhail Shaheen សមាជិកក្រុមចរចាតាលីបង់ដែលមានមូលដ្ឋាននៅទីក្រុងដូហា ប្រទេសកាតា បាននិយាយថាសាររបស់ស្ថានទូតទាំងពីរគឺផ្អែកលើ «ការអះអាងគ្មានមូលដ្ឋាន»។ ការចោទប្រកាន់របស់អាមេរិក និងអង់គ្លេសបានធ្វើឡើងបន្ទាប់ពីគណៈកម្មការសិទ្ធមនុស្សរបស់អាហ្វហ្គានីស្ថាន បានរាយការណ៍ថាយុទ្ធជនក្រុមតាលីបង់បានធ្វើការសងសឹកតាមរយៈការសម្លាប់រង្គាលនៅក្រុង Spin Boldak។ «បន្ទាប់ពីបានចូលកាន់កាប់ Spin Boldak ក្រុម តាលីបង់ បានដេញតាមនិងកំណត់អត្តសញ្ញាណមន្រ្តីរដ្ឋាភិបាលទាំងអតីត និងបច្ចុប្បន្ន ហើយបានសម្លាប់មនុស្សទាំងនេះដែលគ្មានតួនាទីធ្វើសឹកនៅក្នុងជម្លោះនេះទេ» គណៈកម្មការនេះបាននិយាយបែបនេះហើយបន្ថែមទៀតថាយ៉ាងហោចណាស់មានមនុស្ស ៤០ នាក់ត្រូវបានសម្លាប់ដោយតាលីបង់។ Source: https://www.aljazeera.com/news/2021/8/2/taliban-accused-of-massacring-civilians-in-afghan-border-town
-
ប្រធានាធិបតី និងសភាសហរដ្ឋអាមេរិក នៅលើផ្លូវស្របគ្នាក្នុងការពង្រឹងគោលនយោបាយលើបច្ចេកវិទ្យាចិន
ហ៊ីម រដ្ឋា សហរដ្ឋអាមេរិក និងចិននៅពេលនេះ គឺកំពុងតែស្ថិតក្នុងការប្រកួតប្រជែងគ្នាដ៏ស្វិតស្វាញមួយ សឹងតែគ្រប់ផ្នែកទាំងអស់ ដែលរាប់បញ្ចូលទាំងពីផ្នែកនយោបាយ ផ្នែកសន្តិសុខ និងផ្នែកសេដ្ឋកិច្ចជាដើម។ ក្នុងនោះដែរ វិស័យបច្ចេកវិទ្យា និងនវានុវត្តន៍ក៏គេចមិនផុតពីការប្រកួតប្រជែងគ្នារវាងប្រទេសមហាអំណាចទាំងពីរផងដែរ។ ពាក់ព័ន្ធនឹងផ្នែកបច្ចេកវិទ្យានេះដែរ រដ្ឋាភិបាលលោកប្រធានាធិបតីចូ បៃដិន នៅពេលនេះ កំពុងតែរៀបចំក្រុមការងារមួយទទួលបន្ទុកលើការឆ្លើយតប និងរៀបចំពង្រឹងគោលនយោបាយលើបច្ចេកវិទ្យាចិន។ ក្រៅពីរដ្ឋាភិបាលអាមេរិក សភាអាមេរិកកន្លងមកក៏បានតាក់តែងចេញជាឯកសារផ្លូវច្បាប់ ក្នុងគោលបំណងមួយស្រដៀងគ្នានឹងរដ្ឋាភិបាលលោកបៃដិនផងដែរ។ ក្នុងការរៀបចំក្រុមការងារពិសេសមួយរបស់រដ្ឋាភិបាល នៅ ៦ខែដំបូងនេះ គេសង្កេតឃើញថាលោកបៃដិន បានតែងតាំងអ្នកជំនាញ ដែលមានបទពិសោធន៍ផ្នែកវិទ្យាសាស្ត្រ និងផ្នែកសន្តិសុខជាតិ ឱ្យចូលកាន់កាប់តំណែងសំខាន់ៗក្នុងការតាក់តែងគោលនយោបាយបច្ចេកវិទ្យាអាមេរិក។ កាលពីខែមីនាកន្លងទៅ លោកបៃដិន បានតែងតាំងលោក Jason Matheny ដើម្បីឱ្យកាន់តំណែងជាអ្នកសម្របសម្រួលផ្នែកបច្ចេកវិទ្យា និងសន្តិសុខជាតិ ប្រចាំក្រុមប្រឹក្សាសន្តិសុខជាតិ ដែលជាផ្នែកមួយនៃសេតវិមាន។ តំណែងនេះជាតំណែងថ្មី ទើបតែបង្កើតនៅក្នុងជំនាន់លោកបៃដិន ហើយមានតួនាទីក្នុងការផ្ដល់យោបល់ ក៏ដូចជាសម្របសម្រួលការងាររបស់ការិយាល័យពាក់ព័ន្ធនឹងបច្ចេកវិទ្យា និងសន្តិសុខជាតិនៅក្នុងសេតវិមាន។ លោកមានបទពិសោធន៍ពាក់ព័ន្ធការស្រាវជ្រាវលើការទប់ស្កាត់ចារកម្ម ហើយក៏ធ្លាប់បំពេញការងារនៅតាមសាកលវិទ្យាល័យ និងស្ថាប័នអន្តរជាតិនានាដូចជា ធនាគារពិភពលោកជាដើម។ ២ ខែក្រោយមក នៅខែឧសភា លោក Eric Lander ត្រូវបានសភាយល់ព្រមឱ្យតែងតាំងជានាយកការិយាល័យគោលនយោបាយវិទ្យាសាស្ត្រ និងបច្ចេកវិទ្យា។…
-
នាវាចម្បាំងអាល្លឺម៉ង់នឹងរំកិលខ្លួនឆ្ពោះទៅសមុទ្រចិនខាងត្បូង ទោះបីមានភាពតានតឹងជាមួយក្រុងប៉េកាំង
ហួន ឌីណា ប៊ែរឡាំង៖ ប្រទេសអាល្លឺម៉ង់កាលពីថ្ងៃចន្ទ បានបញ្ជូននាវាចម្បាំងមួយគ្រឿងទៅកាន់សមុទ្រចិនខាងត្បូងជាលើកដំបូងក្នុងរយៈពេលជិតពីរទសវត្សរ៍ ដើម្បីចូលរួមជាមួយប្រទេសលោកខាងលិចដទៃទៀតក្នុងការពង្រីកវត្តមានយោធារបស់ខ្លួននៅក្នុងតំបន់ ចំពេលមានការព្រួយបារម្ភអំពីមហិច្ឆតាទឹកដីរបស់ចិន។ យោងតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ មន្រ្តីនៅទីក្រុងប៊ែរឡាំងបាននិយាយថា កងទ័ពជើងទឹកអាល្លឺម៉ង់ នឹងប្រកាន់ខ្ជាប់នូវផ្លូវពាណិជ្ជកម្មរួម ហើយនាវាចម្បាំងនេះមិនរំពឹងថានឹងធ្វើដំណើរឆ្លងកាត់ច្រកសមុទ្រតៃវ៉ាន់នោះទេ។ ទោះយ៉ាងណាក៏ដោយ ក្រុងប៊ែរឡាំងបានបញ្ជាក់យ៉ាងច្បាស់ថា បេសកកម្មនេះសង្កត់ធ្ងន់លើការពិតដែលថាអាល្លឺម៉ង់មិនអាចទទួលយកការទាមទារដែនទឹករបស់ចិនបាន។ នាវាដែលមានឈ្មោះថា Bayern នេះ ត្រូវបានគេរំពឹងថានឹងឆ្លងកាត់សមុទ្រចិនខាងត្បូងនៅពាក់កណ្តាលខែធ្នូ ហើយនឹងក្លាយជានាវាចម្បាំងអាល្លឺម៉ង់ដំបូងគេដែលឆ្លងកាត់តំបន់នេះ ចាប់តាំងពីឆ្នាំ ២០០២ មក។ អាល្លឺម៉ង់កំពុងដើរយ៉ាងតឹងរ៉ឹងរវាងសន្តិសុខ និងផលប្រយោជន៍សេដ្ឋកិច្ចរបស់ខ្លួន ក្រោយចិនបានក្លាយជាដៃគូពាណិជ្ជកម្មសំខាន់បំផុតរបស់ក្រុងប៊ែរឡាំង។ ការនាំចេញរបស់អាល្លឺម៉ង់ទៅប្រទេសចិន បានជួយកាត់បន្ថយផលប៉ះពាល់នៃជំងឺរាតត្បាតកូវីដ-១៩ ទៅលើប្រទេសដែលមានសេដ្ឋកិច្ចធំបំផុតរបស់អឺរ៉ុបមួយនេះ។ ប្រទេសផ្សេងៗទៀតរួមមានអង់គ្លេស អាមេរិក បារាំង ជប៉ុន អូស្ត្រាលី និងនូវែលសេឡង់ ក៏បានពង្រីកសកម្មភាពរបស់ខ្លួននៅប៉ាស៊ីហ្វិកដើម្បីទប់ទល់ឥទ្ធិពលចិនផងដែរ។ កងនាវាចរអាមេរិក ក្នុងការបង្ហាញពីកម្លាំងប្រឆាំងការទាមទារដែនទឹករបស់ចិន តែងតែធ្វើប្រតិបត្តិការដែលគេហៅថា «សេរីភាពនាវាចរណ៍» ដោយបើកឆ្លងកាត់ក្បែរកោះដែលមានជម្លោះខ្លះ។ ប្រទេសចិន បានប្រឆាំងនឹងបេសកកម្មអាមេរិកនេះ ដោយនិយាយថា ពួកគេមិនជួយលើកកម្ពស់សន្តិភាព ឬស្ថិរភាពនោះទេ។ ប្រភព៖ German warship heads for South China Sea…
-
កូវីដ៖ ក្រសួងសុខាភិបាលវៀតណាមឈប់ឲ្យបាញ់ថ្នាំតាមទីសាធារណៈ ប៉ះពាល់បរិស្ថាន
ទីភ្នាក់ងារសារព័ត៌មាន VN express បានចេញផ្សាយថាក្រសួងសុខាភិបាលវៀតណាមបានប្រាប់អាជ្ញាធរឈប់បាញ់ថ្នាំសម្លាប់មេរោគកូវីដ១៩ នៅតាមទីសាធារណៈ ព្រោះវាខ្ជះខ្ជាយផង ប៉ះពាល់បរិស្ថានផង។ ក្រសួងសុខាភិបាលថា ការអនុវត្តវិធីបាញ់ថ្នាំគីមីសម្លាប់មេរោគ គួរធ្វើលើបុគ្គលផ្ទាល់ ឬនៅខាងក្នុងបន្ទប់សំលាប់មេរោគ។ ការបាញ់ថ្នាំគួរតែធ្វើឡើងតែនៅកន្លែងដែលមានការផ្ទុះឆ្លងនូវវីរុសកូវីដ១៩ ខណៈដែលសាធាតុគីមីដែលប្រើនោះត្រូវកំណត់សម្រាប់សុវត្ថិភាពបរិស្ថានផងដែរ៕
-
អាមេរិកច្រានចោលផែនការបោះឆ្នោតមីយ៉ាន់ម៉ា និងជំរុញឱ្យមានការដាក់សម្ពាធពីសំណាក់អាស៊ានបន្ថែមទៀត
សហរដ្ឋអាមេរិក បាននិយាយនៅថ្ងៃ ច័ន្ទ ថា របបយោធាមីយ៉ាន់ម៉ា គ្រោងនឹងរៀបចំការបោះឆ្នោតរយៈពេល ២ ឆ្នាំមួយ ខណៈដែលរដ្ឋលេខាធិការអាមេរិកលោក Antony Blinken បានត្រៀមលើកទឹកចិត្តអាស៊ានឱ្យតែងតាំងបេសកជនម្នាក់ប្រចាំនៅប្រទេសនេះ។ លោក Blinken បានចូលរួមកិច្ចពិភាក្សាស្ទើរតែមួយសប្តាហ៍ជាមួយរដ្ឋមន្ត្រីការបរទេសនៃសមាគមប្រជាជាតិអាស៊ីអាគ្នេយ៍ ដែលជាវិធានចុងក្រោយ ដោយរដ្ឋបាលរបស់ប្រធានាធិបតី Joe Biden ដើម្បីចូលរួមក្នុងតំបន់មួយទប់ទល់នឹងប្រកួតប្រជែងរបស់អាមេរិកជាមួយចិន។ មុននឹងកិច្ចពិភាក្សាអាស៊ាន ប្រមុខរបបយោធាមីយ៉ាន់ម៉ា បានសន្យាថា នឹងរៀបចំការបោះឆ្នោត និងលើកស្ថានភាពគ្រាអាសន្ននៅត្រឹមខែ សីហា ឆ្នាំ ២០២៣ ។ សេចក្តីប្រកាសនេះ គឺជាការអំពាវនាវឱ្យអាស៊ាន ត្រូវបង្កើនកិច្ចខិតខំប្រឹងប្រែងរបស់ខ្លួន ព្រោះអាមេរិកដឹងច្បាស់ណាស់ថា របបយោធាមីយ៉ាន់ម៉ា ចង់ធ្វើឱ្យមានការជាប់គាំងមួយរយៈ ហើយចង់ពន្យាពេលវេលាឱ្យបានយូរ ដើម្បីផលប្រយោជន៍ផ្ទាល់ខ្លួន។
-
កូរ៉េខាងត្បូង៖ គ្មានការសម្រេចចិត្តលើសមយុទ្ធអាមេរិកទេ ប៉ុន្តែសមយុទ្ធនេះមិនគួរបង្កើតឱ្យមានភាពតានតឹងនៅកូរ៉េខាងជើងទេ
កូរ៉េខាងត្បូង បាននិយាយនៅថ្ងៃ ច័ន្ទ កន្លងទៅថា ខ្លួនមិនទាន់មានការសម្រេចចិត្តណាមួយអំពីសមយុទ្ធយោធារួមគ្នា ជាមួយសហរដ្ឋអាមេរិកទេ ប៉ុន្តែការធ្វើបែបនេះក៏មិនគួរ បង្កើតឱ្យមានភាពតានតឹងជាមួយកូរ៉េខាងជើងទេ ក្រោយប្រទេសនេះបាន ព្រមានកូរ៉េខាងត្បូងថា កុំឱ្យធ្វើសមយុទ្ធនេះ ចំពេលសញ្ញាទំនាក់ទំនងប្រទេសទាំងពីរកំពុងធ្លាក់ចុះ។ បើតាមឱ្យដឹងពីសារព័ត៌មាន Reuter កូរ៉េខាងត្បូង និងសហរដ្ឋអាមេរិកតែងតែធ្វើសមយុទ្ធយោធាជាទៀងទាត់ ជាពិសេសនៅនិទាឃរដូវ និងរដូវក្តៅ ដែលកូរ៉េខាងជើងតែងតែព្រមានមិនឱ្យធ្វើ ដោយហៅការសកម្មភាពនេះថាជាការហាត់សមសម្រាប់សង្គ្រាម។ លោក គីមយ៉ូជុង បងប្អូនស្រីរបស់មេដឹកនាំកូរ៉េខាងជើង គីមជុងអ៊ុន និងមន្រ្តីជាន់ខ្ពស់គណបក្សពលករ ដែលកំពុងកាន់អំណាច បានព្រមានទីក្រុងសេអ៊ូលកាលពីថ្ងៃ អាទិត្យ ថា ការធ្វើសមយុទ្ធនេះ នឹងកាត់បន្ថយកិច្ចខិតខំប្រឹងប្រែង ដើម្បីកសាងទំនាក់ទំនងឡើងវិញ។ ការព្រមានរបស់លោកស្រី បានកើតឡើងប៉ុន្មានថ្ងៃ បន្ទាប់ពីប្រទេសកូរ៉េទាំងពីរ បានស្តារឡើងវិញនូវខ្សែទូរស័ព្ទបន្ទាន់ នៅក្រុងព្យុងយ៉ាង ដែលបានផ្តាច់ខ្លួនកាលពីមួយឆ្នាំមុន ហើយមន្រ្តីកូរ៉េខាងត្បូង បាននិយាយថា លោក គីម និងប្រធានាធិបតីកូរ៉េខាងត្បូង គឺលោក មូនជេអ៊ីន កំពុងស្វែងរកកាផ្សះផ្សារ ទំនាក់ទំនង ដែលតានតឹងកន្លងមក ហើយនឹងបន្តកិច្ចប្រជុំកំពូលឡើងវិញពេលឆាប់ៗ។ យ៉ាងណាមិញ ក្រសួងការពារជាតិកូរ៉េខាងត្បូង បាននិយាយថា ទីក្រុងសេអ៊ូល និងវ៉ាស៊ីនតោន កំពុងចរចាអំពីសមយុទ្ធនេះ…