-
សហរដ្ឋអាមេរិកច្រានច្រោលគម្រោងរៀបចំការបោះឆ្នោតរបស់យោធាមីយ៉ាន់ម៉ា
អាមេរិក៖ សហរដ្ឋអាមេរិកបានច្រានចោលគម្រោងរៀបចំការបោះឆ្នោតរបស់យោធាមីយ៉ាន់ម៉ា ដោយចាត់ទុកថា វាគ្រាន់តែជាការកេងចំណេញពេលវេលាតែប៉ុណ្ណោះ ចំពេលដែលរដ្ឋមន្ត្រីការបរទេសអាមេរិកលោក អាន់តូនី ប្លីងគែន កំពុងជំរុញអោយអាស៊ានតែងតាំងបេសកជនពិសេសម្នាក់ ទទួលបន្ទុកកិច្ចការមីយ៉ាន់ម៉ា ។ ការប្រកាសច្រានចោលរបស់សហរដ្ឋអាមេរិកខាងលើនេះ បានកើតមានឡើងក្រោយមេដឹកនាំយោធាមីយ៉ាន់ម៉ា លោក មីន អោង ហ្លេង បានសន្យាថា នឹងរៀបចំការបោះឆ្នោតមួយតាមបែបប្រជាធិបតេយ្យ ហើយលុបចោលការប្រកាសដាក់ប្រទេសក្នុងគ្រាអាសន្ន នៅខែសីហា ឆ្នាំ២០២៣ ។ គួរកត់សម្គាល់ លោក អាន់តូនី ប្លីងគែន នឹងត្រូវចូលរួមក្នុងកិច្ចប្រជុំតាមអនឡាញជាមួយរដ្ឋមន្ត្រីការបរទេសអាស៊ាននៅក្នុងសប្ដាហ៍នេះ ដែលជាកិច្ចខិតខំប្រឹងប្រែងថ្មីស្ថិតក្រោមរដ្ឋបាលរបស់ប្រធានាធិបតីអាមេរិកលោក ចូ បៃដិន ក្នុងការបញ្ចុះបញ្ចូលសម្ព័ន្ធមិត្តក្នុងតំបន់របស់សហរដ្ឋអាមេរិក បង្កើនការប្រកួតប្រជែងជាមួយប្រទេសចិន និងផ្ដោតជាសំខាន់លើស្ថានការណ៍បច្ចុប្បន្ននៅមីយ៉ាន់ម៉ា ៕ ប្រភព៖ Bangkok Post
-
ឥណ្ឌូនេស៊ីអំពាវនាវអោយមីយ៉ាន់ម៉ាទទួលស្គាល់ការតែងតាំងបេសកជនអាស៊ាន
ឥណ្ឌូនេស៊ី៖ រដ្ឋមន្ត្រីការបរទេសឥណ្ឌូនេស៊ីលោកស្រី រ៉េតណូ ម៉ាស៊ូឌី បានធ្វើការជំរុញអោយមីយ៉ាន់ម៉ាអនុម័តទទួលស្គាល់ការតែងតាំងបេសកជនពិសេសរបស់សមាគមប្រជាជាតិអាស៊ីអាគ្នេយ៍ ដែល(អាស៊ាន) ប្រចាំប្រទេសនេះ ។ រយៈពេល៦ខែបន្ទាប់ពីយោធាបានផ្តួលរំលំរដ្ឋាភិបាលជាប់ឆ្នោតតាមបែបប្រជាធិបតេយ្យរបស់មីយ៉ាន់ម៉ា រដ្ឋមន្ត្រីការបរទេសអាស៊ានបានជួបប្រជុំគ្នានៅក្នុងថ្ងៃចន្ទដើមសប្តាហ៍នេះ ដើម្បីសម្រេចតែងតាំងបេសកជនម្នាក់ដែលមានភារកិច្ចបញ្ចប់អំពើហិង្សា និងជំរុញការសន្ទនារវាងរបបយោធា និងគូប្រជែងរបស់ខ្លួន ។ និយាយជាមួយប្រព័ន្ធផ្សព្វផ្សាយតាមរយៈវីដេអូអនឡាញ លោកស្រី រ៉េតណូ ម៉ាស៊ូឌី បានបញ្ជាក់ថា អាស៊ានមិនមានវឌ្ឍនភាពគួរឱ្យកត់សម្គាល់លើការអនុវត្តផែនការប្រាំចំណុចរបស់ខ្លួន ដើម្បីបញ្ឈប់ភាពចលាចលនៅមីយ៉ាន់ម៉ា ដែលបានប្រកាសកាលពីខែមេសាទេ ។ លោកស្រីបន្ថែមថា ការអូសបន្លាយពេលដូច្នេះ មិនផ្តល់ផលល្អដល់អាស៊ានទេ ហើយប្រសិនបើភាពអសកម្មនៅតែបន្ត បញ្ហានេះគួរតែប្រគល់ជូនមេដឹកនាំនានាដើម្បីផ្តល់ការណែនាំ ៕ ប្រភព៖ Bangkok Post
-
ថៃបន្តរកឃើញអ្នកឆ្លង Covid-19 ថ្មីៗចំនួន១ម៉ឺន៨ពាន់៩០១ករណី និងស្លាប់១៤៧នាក់ទៀតក្នុងរបាយការណ៍ថ្ងៃអង្គារនេះ
ថៃ៖ ក្រសួងសុខាភិបាលថៃ នៅព្រឹកថ្ងៃអង្គារនេះ បានបន្តរកឃើញអ្នកឆ្លងជំងឺកូវីដ១៩ថ្មីៗចំនួន១ម៉ឺន៨ពាន់៩០១ករណី និងស្លាប់១៤៧នាក់បន្ថែមទៀត នៅក្នុងរយៈពេល២៤ម៉ោងចុងក្រោយនេះ ។ នៅក្នុងចំណោមករណីឆ្លងថ្មីៗទាំងអស់ខាងលើនេះ មាន១ម៉ឺន៨ពាន់១៥៨ករណីជាប្រជាជនទូទៅ និង ៧៤៣ករណីទៀតជាអ្នកទោសក្នុងពន្ធនាគារ ។ ដោយឡែកនៅក្នុងរយៈពេល២៤ម៉ោងចុងក្រោយនេះដែរ ក៏មានអ្នកជំងឺ១ម៉ឺន៨ពាន់៥៩០នាក់បានជាសះស្បើយ និងត្រូវបានអនុញ្ញាតអោយចេញពីមន្ទីរពេទ្យ ។ ចាប់តាំងពីថ្ងៃទី១ ខែមេសាមក នៅពេលជំងឺកូវីដ១៩រលកទី៣ផ្ទុះឡើង នៅទូទាំងប្រទេសថៃមានអ្នកជំងឺកូវីដ១៩ចំនួន៦២ម៉ឺន៣ពាន់៣២២ករណី ក្នុងនោះមានអ្នកជំងឺ៤១ម៉ឺន៤០៥នាក់បានជាសះស្បើយឡើងវិញ ។ ចាប់តាំងពីជំងឺរាតត្បាតនេះផ្ទុះឡើងកាលពីដើមឆ្នាំមុនមក នៅទូទាំងប្រទេសថៃមានអ្នកឆ្លងជំងឺកូវីដ១៩ចំនួន៦៥ម៉ឺន២ពាន់១៨៥ករណី និងអ្នកជំងឺ៤៣ម៉ឺន៧ពាន់៨៣១នាក់បានជាសះស្បើយឡើងវិញ ។ ចំណែកចំនួនអ្នកស្លាប់ក្នុងរលកទី៣ មានចំនួន៥ពាន់២២១នាក់ ធ្វើអោយអ្នកស្លាប់សរុបចាប់តាំងពីរោគរាតត្បាតផ្ទុះឡើងកាលពីដើមឆ្នាំមុនមក កើនឡើងដល់៥ពាន់៣១៥នាក់ ៕ ប្រភព៖ Bangkok Post
-
វៀតណាមបន្តរកឃើញអ្នកឆ្លង Covid-19 ថ្មីៗចំនួន៣ពាន់៥៦៣ករណីបន្ថែមទៀតក្នុងរបាយការណ៍ព្រឹកថ្ងៃអង្គារនេះ
វៀតណាម៖ ក្រសួងសុខាភិបាលវៀតណាម នៅព្រឹកថ្ងៃអង្គារនេះ បានរាយការណ៍ពីការរកឃើញអ្នកឆ្លងជំងឺកូវីដ១៩ថ្មីៗចំនួន៣ពាន់៥៦៣ករណីបន្ថែមទៀតនៅ២៨ទីតាំង ។ នៅក្នុងចំណោមករណីឆ្លងថ្មីៗទាំងអស់ខាងលើនេះ មាន១ពាន់៩៩៨ករណីនៅទីក្រុងហូជីមិញ ។ ជាមួយនឹងចំនួនករណីឆ្លងថ្មីៗនេះ វៀតណាមបានកត់ត្រាពីការរកឃើញអ្នកជំងឺកូវីដ១៩ចំនួន១៦ម៉ឺន១ពាន់៤៣១ករណីនៅក្នុង៦២ខេត្ត-ក្រុង ក្នុងចំណោមខេត្ត-ក្រុងសរុប៦៣របស់ប្រទេសនេះ ចាប់តាំងពីវីរុសកូវីដ១៩រលកថ្មីវាយប្រហារវៀតណាមកាលពី៣ខែមុន ។ ទីក្រុងហូជីមិញ មានអ្នកឆ្លងជំងឺកូវីដ១៩ខ្ពស់ជាងគេបំផុតរហូតដល់១០ម៉ឺន៥៥៧ករណី ។ នៅក្នុងរបាយការណ៍នៅព្រឹកថ្ងៃអង្គារនេះដែរ អាជ្ញាធរសុខាភិបាលវៀតណាមក៏បានរាយការណ៍ពីអ្នកស្លាប់ចំនួន១៨៦នាក់ទៀតផងដែរ នៅក្នុងទីក្រុង-ខេត្តចំនួន១០ ក្នុងនោះ១៦៥នាក់នៅក្នុងទីក្រុងហូជីមិញ នៅចន្លោះពីថ្ងៃទី២៨ ខែកក្កដា ដល់ទី២ ខែសីហា ។ ជាមួយគ្នានេះ វៀតណាមក៏បានចាក់វ៉ាក់សាំងបង្ការជំងឺកូវីដ១៩ ជូនដល់ប្រជាជនខ្លួនបានជាង៦.៩៥លាននាក់ផងដែរ តែមានមនុស្សប្រមាណ៧១ម៉ឺន២ពាន់៨៦៤នាក់ប៉ុណ្ណោះ ដែលបានទទួលការចាក់វ៉ាក់សាំងពេញលេញ ឬពីរដូស ៕ ប្រភព៖ VNExpress
-
អ្នកឆ្លង COVID-19 នៅទូទាំងពិភពលោកកើនឡើងដល់១៩៩លាន៥៩ម៉ឺននាក់ ក្នុងនោះស្លាប់ជាង៤លាន២៤ម៉ឺននាក់ និងជាសះស្បើយ១៨០លាន៨ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១៩៩លាន៥៩ម៉ឺន៥ពាន់៣៩ករណី ក្នុងនោះមានអ្នកជម្ងឺសរុបចំនួន៤លាន២៤ម៉ឺន៨ពាន់៨៨៦នាក់ស្លាប់ និង ជាសះស្បើយឡើងវិញសរុបចំនួន១៨០លាន៨ម៉ឺន៣ពាន់៣១១នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី០៣ ខែសីហា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣៥លាន៨៩ម៉ឺន៥ពាន់៩៨០នាក់ ស្លាប់ចំនួន៦២ម៉ឺន៩ពាន់៨៦២នាក់ និងជាសះស្បើយចំនួន២៩លាន៧១ម៉ឺន៧ពាន់៥៣៧នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៣១លាន៧២ម៉ឺន៥ពាន់៣៩៩នាក់ ស្លាប់៤២ម៉ឺន៥ពាន់២២៨នាក់ និងជាសះស្បើយ៣០លាន៨៨ម៉ឺន៨ពាន់៧០២នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន១៩លាន៩៥ម៉ឺន៣ពាន់៥០១នាក់ ស្លាប់ចំនួន៥៥ម៉ឺន៧ពាន់៣៥៩នាក់ និងជាសះស្បើយ១៨លាន៦៨ម៉ឺន៧ពាន់២០៣នាក់ ៕ ប្រភព៖ worldometers
-
ប្អូនស្រី របស់មេដឹកនាំកូរ៉េខាងជើងព្រមានទីក្រុងសេអ៊ូលអំពីធ្វើសមយុទ្ធយោធាជាមួយអាមេរិក
មឹង ច័ន្ទសុម៉ានីតា ប្រព័ន្ធផ្សព្វផ្សាយរដ្ឋ KCNA របស់កូរ៉ខាងជើង បានរាយការណ៍ថាលោកស្រី គីម យ៉ូជុង ប្អូនស្រីរបស់មេដឹកនាំកូរ៉េខាងជើងលោក គីម ជុងអ៊ុន បាននិយាយកាលពី ថ្ងៃអាទិត្យថា ប្រសិនបើកូរ៉េខាងត្បូងអនុវត្តសមយុទ្ធយោធារួមគ្នា ជាមួយសហរដ្ឋអាមេរិកនោះពួកគេនឹងធ្វើឱ្យខូចខាតដល់ការសម្រេចចិត្ត របស់កូរ៉េទាំងពីរក្នុងការកសាងទំនាក់ទំនងឡើងវិញ។ លោកស្រី គីម យ៉ូជុងក៏បាននិយាយផងដែរថា ការសម្រេចចិត្តដើម្បីស្តារខ្សែទូរស័ព្ទរវាងកូរ៉េទាំងពីរនាពេលថ្មីៗនេះមិនគួរត្រូវបានគេមើលឃើញថាមានអ្វីលើសពីការភ្ជាប់ទំនាក់ទំនង«ខាងផ្លូវកាយ» ឡើងវិញនោះទេ។ ការអត្ថាធិប្បាយរបស់លោកស្រីបានកើតឡើង នៅពេលដែលប្រទេសកូរ៉េខាងជើងនិងកូរ៉េខាងត្បូងកំពុងពិភាក្សាគ្នា ដើម្បីរៀបចំកិច្ចប្រជុំកំពូលមួយដែលជាផ្នែកមួយនៃកិច្ចខិតខំប្រឹងប្រែង ដើម្បីស្ដារទំនាក់ទំនងឡើងវិញ។ គួរឱ្យដឹងដែរថា ក្រុងវ៉ាស៊ីនតោននិងក្រុងសេអ៊ូល គ្រោងនឹងធ្វើសមយុទ្ធយោធារួមគ្នា នៅចុងខែសីហាខាងមុខនេះ។ លោកស្រីគីម យ៉ូជុងបាននិយាយបន្តនៅក្នុងសេចក្ដីថ្លែងការណ៍មួយថា៖ «រដ្ឋាភិបាលនិងយោធា របស់យើងនឹងឃ្លាំមើលយ៉ាងដិតដល់ថាតើកូរ៉េខាងត្បូងនឹងបន្តធ្វើសមយុទ្ធសង្គ្រាមឈ្លានពានឬនឹងធ្វើការសម្រេចចិត្តដែលត្រឹមត្រូវមួយ»។ ប្រភព៖ N.Korean leader’s sister warns Seoul against military drill with Washington https://www.reuters.com/world/asia-pacific/nkorean-leaders-sister-warns-seoul-against-military-drill-with-washington-2021-08-01/
-
ទីក្រុងមានប្រជាជនច្រើនបំផុតនៅទ្វីបអាហ្វ្រិករងទឹកជំនន់ធ្ងន់ធ្ងរ ហើយអ្នកជំនាញព្រមានថានៅពេលឆាប់នេះមនុស្សនឹងមិនអាចរស់នៅទីនោះបាន
មឹង ច័ន្ទសុម៉ានីតា ប្រទេសនីហ្សេរីយ៉ា ដែលជាប្រទេសមានប្រជាជនច្រើនបំផុតនៅទ្វីបអាហ្វ្រិក គឺតែងតែជួបគ្រោះទឹកជំនន់ ដែលធ្វើឱ្យខូចខាតរចនាសម្ព័ន្ធនានាតាមទីក្រុងតាមឆ្នេរសមុទ្រក្នុងអំឡុងខែមីនា ដល់ខែវិច្ឆិកា ជារៀងរាល់ឆ្នាំ។ ប៉ុន្តែនៅពាក់កណ្ដាលខែកក្កដានេះ មជ្ឈមណ្ឌលសេដ្ឋកិច្ចនីហ្សេរីយ៉ា ទីក្រុងឡាហ្គោស គឺកំពុងជួបប្រទះនឹងគ្រោះទឹកជំនន់ដ៏អាក្រក់បំផុតមួយក្នុងរយៈពេលប៉ុន្មានឆ្នាំចុងក្រោយនេះរ។រូបថតនិងវីដេអូដែលបានបង្ហោះទៅក្នុងបណ្ដាញសង្គមបានបង្ហាញ ថាមានរថយន្តរាប់សិបគ្រឿងបានជន់លិចដោយទឹកបន្ទាប់ពីមានភ្លៀងធ្លាក់យ៉ាងខ្លាំងហើយគ្រោះជំនន់ដោយសារទឹកភ្លៀងធ្វើឱ្យសកម្មភាពសេដ្ឋកិច្ចខាតបង់ប្រមាណ ៤ ពាន់លានដុល្លារក្នុងមួយឆ្នាំ។ អ្នកជំនាញបានព្រមានថាទីក្រុងឡាហ្គោស ដែលជាទីក្រុងតំបន់ឆ្នេរមហាសមុទ្រអាត្លង់ទិចនីហ្សេរីយ៉ា អាចនឹងគ្មានមនុស្សរស់នៅទេនៅត្រឹមចុងសតវត្សនេះដោយសារកម្ពស់ទឹកសមុទ្រកើនឡើង និងការប្រែប្រួលអាកាសធាតុ។ យោងតាម ការសិក្សាដែលដឹកនាំដោយវិទ្យាស្ថានសិក្សាការអភិវឌ្ឍបាននិយាយថាបញ្ហានេះអាចនឹងកាន់តែធ្ងន់ធ្ងរទៅៗ ដោយសារ «ប្រព័ន្ធលូមិនមានភាពគ្រប់គ្រាន់ និងការមើលថែទាំមិនបានល្អរួមជាមួយនឹងកំណើនប្រជាជនមករស់នៅទីក្រុងដែលមិនអាចទ្រទ្រង់បាន។ អ្នកជំនាញខាងផ្នែកបរិស្ថាន បាននិយាយថា ការជីកយកខ្សាច់សម្រាប់ការសាងសង់គឺជាការរួមចំណែកដ៏ធំមួយចំពោះបញ្ហាសំណឹកនៅតាមច្រាំងសមុទ្រនៅទីក្រុងឡាហ្គោសផងដែរ។លោក Manzo Ezekiel អ្នកនាំពាក្យទីភ្នាក់ងារគ្រប់គ្រងគ្រាអាសន្នរបស់នីហ្សេរីយ៉ា បានប្រាប់ CNN ថាច្រាំងនៃកោះ Victoria របស់ទីក្រុង Lagos ត្រូវបានទឹកជំនន់ធ្វើលិច រួចទៅហើយ ជាពិសេសនៅក្នុងតំបន់ V.I នៃទីក្រុងឡាហ្គោស ។ ប្រធានាធិបតីនីហ្សេរីយ៉ាលោក Muhammadu Buhari ក៏បានបង្ហាញពីឆន្ទៈរបស់ប្រទេសនេះក្នុងការធ្វើជាដៃគូជាមួយសម្ព័ន្ធមិត្តពិភពលោក ក្នុងការដោះស្រាយវិបត្តប្រែប្រួលអាកាសធាតុ។លោកបាននិយាយថា៖ «យើងទន្ទឹងរង់ចាំធ្វើការជាមួយប្រធានាធិបតីបៃដិន និង អនុប្រធានាធិបតី កាម៉ាឡា ហារីស។ យើងមានក្តីសង្ឃឹមនិង សុទិដ្ឋិនិយមចំពោះការពង្រឹងទំនាក់ទំនងស្និទ្ធស្នាល ដែលមានស្រាប់ដើម្បីធ្វើការរួមគ្នាដើម្បីដោះស្រាយ…
-
វៀតណាមនឹងបានវ៉ាក់សាំងអាមេរិក Pfizer ប្រមាណ៥០លានដូសទៀត
វ៉ាក់សាំងបង្ការជំងឺកូវីដ១៩ Pfizer ប្រមាណ៥០លានដូសបន្ថែមទៀតនឹងត្រូវបញ្ជូនទៅដល់ប្រទេសវៀតណាម ក្នុងត្រីមាសទី៤នៃឆ្នាំ២០២១ នេះបើតាមរដ្ឋមន្ត្រីសុខាភិបាលវៀតណាម។ លោក Nguyen Thanh Long បាននិយាយនៅថ្ងៃទី២ សីហានេះថា វ៉ាក់សាំងកូវីដជាច្រើនលានដូសទៀតនឹងត្រូវបញ្ជូនមកដល់វៀតណាម ក្នុងត្រីមាសទី៤ ក្នុងនោះ រួមមានទាំងវ៉ាក់សាំងអាមេរិកនេះដែរ គឺប្រមាណពី៤៧ ទៅ៥០លានដូសដែរ។ លោក Nguyen Thanh Long មិនបានអះអាងពីចំនួនវ៉ាក់សាំងប្រភេទផ្សេងទៀតទេ គ្រាន់តែនិយាយថា នឹងត្រូវបញ្ជូនមក។ វៀតណាមបានទទួលវ៉ាក់សាំងអាមេរិក Pfizer នេះជាង៤២ម៉ឺនដូសមកហើយ៕ ប្រភពពី VNexpress
-
តើអ្វីជាផលប្រយោជន៍រួមនៅពីក្រោយកិច្ចពិភាក្សារវាងចិន និងមេដឹកនាំក្រុមឧទ្ទាមតាលីបង់ក្នុងក្រុងធានជីន?
ហួន ឌីណា មិនបានប៉ុន្មានផង ក្រោយអនុរដ្ឋមន្រ្តីក្រសួងការបរទេសអាមេរិកលោកស្រី Wendy Sherman ចាកចេញពីធានជីន (Tianjin) បន្ទាប់ពីកិច្ចពិភាក្សាតឹងសរសៃរកជាមួយមន្ត្រីចិនកាលពីសប្ដាហ៍មុន គណៈប្រតិភូរបស់ក្រុមឧទ្ទាមតាលីបង់ក៏មកដល់ក្រុងនេះ ហាក់ដូចជាសារមួយដែលបង្ហាញថា ក្រុងប៉េកាំងនឹងបង្កើតយុទ្ធសាស្ត្រផ្ទាល់ខ្លួនជាមួយប្រទេសជិតខាងរបស់ខ្លួន បន្ទាប់ពីបានហៅគោលនយោបាយអាមេរិកដែលប្រតិបត្តិនៅអាហ្វហ្គានីស្ថានថាបរាជ័យ។ ខណៈពេលកាលកំណត់នៃការដកកងទ័ពរបស់សហរដ្ឋអាមេរិក នឹងមកដល់ក្នុងខែកញ្ញា ទំនាក់ទំនងរវាងចិន និងក្រុមឧទ្ទាម ហាក់កើនឡើងក្រោយជំនួបកាលពីថ្ងៃពុធសប្ដាហ៍មុន ដោយគេឃើញមានការធានារបស់ក្រុងប៉េកាំង ថាខ្លួននឹងគាំទ្រតួនាទីរបស់តាលីបង់នៅអាហ្វហ្គានីស្ថានទាំងផ្នែកសន្តិសុខ និងការស្ដារឡើងវិញ។ រដ្ឋមន្ត្រីការបរទេសចិនលោក Wang Yi បាននិយាយក្នុងអំឡុងនៃកិច្ចពិភាក្សាជាមួយគណៈប្រតិភូដឹកនាំដោយក្រុមតាលីបង់លោក Mullah Abdul Ghani Baradar ថា៖ «តាលីបង់នៅអាហ្វហ្គានីស្ថាន គឺជាកម្លាំងយោធា និងនយោបាយដ៏សំខាន់នៅក្នុងប្រទេស ហើយទំនងជាដើរតួនាទីយ៉ាងសំខាន់នៅក្នុងដំណើរការនៃការផ្សះផ្សារ និងការកសាងឡើងវិញនៅអាហ្វហ្គានីស្ថាន»។ រដ្ឋមន្ត្រីរូបនេះបន្តថា ជំហរផ្លូវការរបស់ចិនលើបញ្ហាអាហ្វហ្គានីស្ថាន គឺប្រកាន់ខ្ជាប់នូវគោលការណ៍ «កម្មសិទ្ធិរបស់អាហ្វហ្គានីស្ថាន» និង «ដឹកនាំដោយអាហ្វហ្គានីស្ថាន» និងប្រឆាំងការជ្រៀតជ្រែកពីកងកម្លាំងបរទេស។ លោកបន្ថែមថា៖ «ការដកទ័ពអាមេរិក និងណាតូ គឺជាមូលដ្ឋាននៃការបរាជ័យនៃគោលនយោបាយអាមេរិកចំពោះអាហ្វហ្គានីស្ថាន»។ យ៉ាងណាមិញ អ្នកជំនាញការទូតនានានិយាយថា ប្រទេសចិននៅតែនៅឆ្ងាយពីការទទួលស្គាល់ក្រុមនេះថាជារដ្ឋាភិបាលស្របច្បាប់ ប៉ុន្តែកំពុងត្រៀមខ្លួនសម្រាប់លទ្ធភាពដែលថា ក្រុមនេះនឹងឡើងកាន់អំណាចប្រសិនបើការផ្សះផ្សារជាតិបរាជ័យ។ លើសពីនេះ ទំនាក់ទំនងជិតស្និទ្ធជាមួយតាលីបង់ ត្រូវបានក្រុងប៉េកាំងមើលឃើញថា…
-
មនុស្ស ២នាក់ត្រូវបានបាញ់សម្លាប់ នៅក្នុងរោងកុនមួយនៅក្នុងរដ្ឋកាលីហ្វ័រញ៉ា
ហ៊ីម រដ្ឋា មនុស្សចំនួន ២នាក់ត្រូវបានគេបាញ់សម្លាប់ក្នុងអំឡុងពេលចាក់បញ្ចាំងខ្សែភាពយន្ត «The Forever Purge» នៅក្នុងទីប្រជុំជន Corona នៃតំបន់ Riverside County រដ្ឋកាលីហ្វ័រញ៉ា សហរដ្ឋអាមេរិក កាលពីថ្ងៃច័ន្ទសប្ដាហ៍មុន នេះបើតាមការឱ្យដឹងពីសំណាក់ការិយាល័យរដ្ឋអាជ្ញា Riverside County។ ប៉ូលិសបានឱ្យដឹងថា អ្នកស្លាប់ទាំងពីរបានទៅមើលកុនជាមួយគ្នា ហើយអត្តសញ្ញាណបុគ្គលទាំងពីររូបនោះគឺកញ្ញា Rylee Goodrich អាយុ ១៨ឆ្នាំ និងលោក Anthony Barajas មានអាយុ ១៩ឆ្នាំ ដែលជាតារាបណ្ដាញសង្គម Tik Tok។ បុគ្គលិកបោសសម្អាតបានប្រទះឃើញអ្នកទាំងពីររងរបួសក្បាល ដោយគ្រាប់កាំភ្លើង។ អាជ្ញាធរបានប្រកាសថាកញ្ញា Goodrich បានស្លាប់នៅកន្លែងកើតហេតុ ខណៈតារាលោក Barajas ត្រូវបានបញ្ជូនទៅកាន់មន្ទីរពេទ្យ តែបានបាត់បង់ជីវិតកាលពីថ្ងៃសៅរ៍កន្លងទៅ។ ប៉ូលិសបានចាប់ខ្លួនជនសង្ស័យឈ្មោះថា Joseph Jimenez ភេទប្រុស អាយុ ២០ឆ្នាំ កាលពីយប់ថ្ងៃអង្គារ ដល់ផ្ទះរបស់ខ្លួននៅទីប្រុជុំជន El Cerritoដោយមានការឱ្យតម្រុយដោយសាក្សី ជាមួយនឹងដីកាចាប់ខ្លួន ខណៈរដ្ឋអាជ្ញាកាលពីថ្ងៃសុក្រ បានចោទប្រកាន់បុរសរូបនេះក្រោមបទល្មើសមនុស្សឃាត…