-
ជនចំណាកស្រុកជាច្រើននាក់ត្រូវបានសង្រ្គោះនៅសមុទ្រមេឌីទែរ៉ាណេ
នាវាចំនួន ២ បានសង្រ្គោះជនចំណាកស្រុកចំនួន ៣៩៤ នាក់ចេញពីទូកឈើដែលមានផ្ទុកមនុស្សច្រើនកកកុញនៅសមុទ្រមេឌីទែរ៉ាណេ។ កាលពីថ្ងៃទី ១ សីហាអង្គការក្រៅរដ្ឋាភិបាលអាឡឺម៉ង់ និងបារាំងមួយគ្រឿងឈ្មោះ Sea-Watch 3 និង Ocean Viking បានជួយសង្គ្រោះជនចំណាកស្រុកនៅក្នុងដែនទឹកប្រទេសទុយនីស៊ីដែលមានចម្ងាយ ៦៨ គីឡូម៉ែត្រពីឆ្នេរអាហ្វ្រិកខាងជើង។ ទូកដែលដឹកជនចំណាកស្រុកដែលចាកចេញពីប្រទេសលីប៊ី និងទុយនីស៊ីទៅកាន់ប្រទេសអ៊ីតាលី និងតំបន់ផ្សេងទៀតនៃទ្វីបអឺរ៉ុបបានកើនឡើងក្នុងរយៈពេលប៉ុន្មានខែចុងក្រោយនេះ។ តាមអង្គការអន្តោប្រវេសន៍អន្តរជាតិដែលមានទំនាក់ទំនងជាមួយអង្គការសហប្រជាជាតិមានមនុស្សជាង ១ ពាន់នាក់ដែលរត់គេចពីជម្លោះ និងភាពក្រីក្រនៅទ្វីបអាហ្វ្រិក និងមជ្ឈឹមបូព៌ាបានស្លាប់នៅឆ្នាំនេះនៅតំបន់មេឌីទែរ៉ាណេ។
-
ច្រើនជាង ១០០នាក់បានបាត់បង់ជីវិតក្នុងគ្រោះទឹកជំនន់នៅប្រទេសអាហ្វហ្គានីស្ថាន
យ៉ាងតិចមានមនុស្ស ១១៣នាក់បានបាត់បង់ជីវិត ដោយគ្រោះទឹកជំនន់នៅខេត្ត Nuristan ដែលស្ថិតនៅភាគខាងកើតប្រទេសអាហ្វហ្គានីស្ថាន ខណៈមនុស្សជាច្រើននាក់ទៀតកំពុងតែបាត់ខ្លួន នេះបើតាមតួលេខ ដែលផ្ដល់ដោយអាជ្ញាធរគ្រប់គ្រងគ្រោះមហន្តរាយរបស់រដ្ឋាភិបាលអាហ្វហ្គានីស្ថាន។ គ្រោះទឹកជំនន់កំពុងតែវាយប្រហារខេត្តភាគកើតជាប់នឹងព្រំដែនប៉ាគីស្ថាន ក្រោយពីភ្លៀងយ៉ាងធំមួយកាលពីថ្ងៃពុធសប្ដាហ៍មុន។ ខេត្តនេះស្ថិតក្រោមការគ្រប់គ្រងរបស់ក្រុមឧទ្ទាមតាលីបង់ ខណៈក្រុមសង្គ្រោះកំពុងតែធ្វើប្រតិបត្តិស្វែងរករបស់ខ្លួននៅក្នុងថ្ងៃអាទិត្យ។ អាជ្ញាធរគ្រប់គ្រងគ្រោះមហន្តរាយបានឱ្យដឹងថា ផ្ទះចំនួន ១៧០ខ្នងត្រូវបានកម្ទេចទាំងស្រុង ឬ កម្ទេចដោយផ្នែកណាមួយ ខណៈប្រជាជន ៣០០គ្រួសាររងការប៉ះពាល់ពីទឹកជំនន់នេះ។ ការដឹកជញ្ជូនជំនួយចាំបាច់មួយចំនួនដូចជា ស្បៀងអាហារ ជម្រកបណ្ដោះអាសន្ន ក៏ដូចជា ថ្នាំសង្កូវ មិនអាចធ្វើទៅបាន ក៏ព្រោះតែទឹកជំនន់កាត់ផ្ដាច់ស្ពានធំមួយនៅតំបន់នោះ ហើយនៅទីនោះទៀតសោតកំពុងកាន់កាប់ដោយក្រុមតាលីបង់៕
-
ចិនធ្វើតេស្តប្រជាជនរាប់លាននាក់ ស្របពេលដែលករណីកូវីដ-១៩ថ្មីកើនឡើងក្រោយផ្ទុះការឆ្លងពីព្រលានយន្តហោះ Nanjing
ប៉េកាំង៖ ទីក្រុងនានារបស់ប្រទេសចិន បានធ្វើតេស្តមនុស្សរាប់លាននាក់ និងបានដាក់កំហិតលើបំរាមគោចរថ្មីៗ ខណៈអាជ្ញាធរសុខាភិបាល កំពុងប្រយុទ្ធប្រឆាំងដើម្បីទប់ស្កាត់ការផ្ទុះឡើងថ្មីនៃជំងឺកូវីដ-១៩ ក្រោយពីបានធូរស្បើយអស់រយៈពេលប៉ុន្មានខែមក។ យោងតាមទីភ្នាក់ងារសារព័ត៌មានបារាំង Agence France-Presse ប្រទេសចិនកាលពីថ្ងៃអាទិត្យ បានរាយការណ៍ជំងឺកូវីដ-១៩ថ្មីចំនួន ៧៥ ករណី ដោយរាប់បញ្ជូលទាំង ៥៣ ករណីក្នុងសហគមន៍ ពាក់ព័ន្ធនឹងការឆ្លងជាចង្កោមនៃវ៉ារ្យ៉ង់ដែលតាពីអាកាសយានដ្ឋានNanjing កាលពីចុងខែកក្កដា ដែលមកទល់ឥឡូវនេះបានរាលដាលដល់ក្រុងជាង ២០ និងខេត្តជាង ១0 ។ ខណៈនេះ អាជ្ញាធរចិនបានធ្វើតេស្តចំនួនបីជុំ ទៅលើប្រជាជនចំនួន ៩,២ លាននាក់ក្នុងទីក្រុង Nanjing ហើយបានបិទខ្ទប់តំបន់មួយចំនួនដែលមានប្រជាជនរស់នៅរាប់សែននាក់ ដើម្បីទប់ស្កាត់ការផ្ទុះឡើងនៃវ៉ារ្យ៉ង់ដែលឆ្លងរហ័សនេះ។ ទន្ទឹមនឹងនេះ អាជ្ញាធរក៏កំពុងតាមដានមនុស្សជាង ៥ ០០០ នាក់នៅទូទាំងប្រទេស ដែលបានចូលរួមមហោស្រពនៅទីក្រុង Zhangjiajie ដែលជាទីក្រុងទេសចរណ៍មួយក្នុងខេត្តហ៊ូណាន។ ក្រុងដែលមានប្រជាជន ១,៥ លាននាក់នេះ ត្រូវបានបិទខ្ទប់ រួមជាមួយកន្លែងទាក់ទាញទេសចរណ៍ទាំងអស់ក្នុងក្រុង បន្ទាប់ពីអ្នកទេសចរ ៤ នាក់បានធ្វើតេស្តិ៍វិជ្ជមាន។ ចំណែកឯអាជ្ញាធរក្រុងប៉េកាំងឯណោះវិញ បានបិទផ្លូវដែក ឡានក្រុង និងផ្លូវអាកាសទាំងអស់ ក្នុងតំបន់ដែលមានករណីឆ្លងវីរុសកូរ៉ូណា និងបិទទេសចរណ៍ក្នុងស្រុកដោយអនុញ្ញាតឱ្យចូលតែអ្នកធ្វើដំណើរសំខាន់ៗដែលមានលិខិតបញ្ជាក់ថាគ្មានវីរុសប៉ុណ្ណោះ។ ករណីថ្មីៗ…
-
ការផុតកំណត់នៃសេចក្ដីបញ្ជាផ្អាកការបណ្ដេញចេញពីលំនៅឋាន ជំរុញឱ្យមានការព្រួយបារម្ភ
ការព្រួយបារម្ភកំពុងកើនឡើងនៅសហរដ្ឋអាមេរិក បន្ទាប់សេចក្ដីបញ្ជាផ្អាកការបណ្ដេញអ្នកជួលចេញពីលំនៅឋានក្នុងអំឡុងពេលការរីករាលដាលជំងឺកូវីដ១៩ត្រូវបានផុតកំណត់នៅចុងសប្ដាហ៍មុន ហើយគំរាមកំហែងធ្វើឱ្យពលរដ្ឋអាមេរិករាប់លាននាក់គ្មានលំនៅឋាននៅសប្ដាហ៍នេះ។ អ្នកជួលផ្ទះត្រូវបានការពារពីបណ្ដេញចេញ បន្ទាប់ពីមជ្ឈមណ្ឌលគ្រប់គ្រង និងបង្ការជំងឺ របស់អាមេរិក (CDC) បានចេញសេចក្ដីបញ្ជាផ្អាកខាងលើនេះកាលពីឆ្នាំមុន ដើម្បីរក្សាមនុស្សក្នុងផ្ទះ ខណៈពេលដែលជំងឺកូវីដ១៩កំពុងរីករាលដាលយ៉ាងខ្លាំងនៅអាមេរិក ដែលមកដល់ពេលនេះបានសម្លាប់មនុស្សជាង ៦១៣.០០០ នាក់នៅទូទាំងប្រទេស ហើយបង្កការខូចខាតយ៉ាងខ្លាំងទៅលើសេដ្ឋកិច្ច។ សេចក្ដីបញ្ជាបានផុតកំណត់នៅកណ្ដាលអធ្រាត្រថ្ងៃសៅរ៍ឈានចូលថ្ងៃអាទិត្យ បង្កប្រញាប់ប្រញាល់រំដោះកញ្ចប់ថវិកាជំនួយឈ្នួលផ្ទះរាប់ពាន់លានដុល្លារ ដែលជាប់គាំងនៅសភាអាមេរិក ហើយរួមជាមួយនឹងអសកម្មភាព និងការបោះការចោទប្រកាន់ទៅវិញទៅមក។ ស្ថាប័ននីតិប្រតិបត្តិ និងនីតិប្បញ្ញត្តិអាមេរិក បានធ្វើដូចពួកគេមិនដឹងជាមុនអំពីការផុតកំណត់នេះ ហើយទើបតែចាប់ផ្ដើមពិភាក្សាលើវិធានការបន្តនៅនាទីចុងក្រោយ។ កាលពីថ្ងៃសុក្រ សភាតំណាងរាស្ត្រអាមេរិកបានបិទសម័យប្រជុំ ដោយបរាជ័យក្នុងការអនុម័តវិធានការណ៍ណាមួយសម្រាប់ដោះស្រាយបញ្ហានេះ បន្ទាប់ពីសមាជិកសភាបក្សសាធារណរដ្ឋមួយរូបបានរារាំងការព្រមព្រៀងជាឯកច្ឆន្ទធ្វើការបន្តសេចក្ដីបញ្ជាផ្អាកនេះរហូតដល់ថ្ងៃទី ១៨ ខែតុលា។ មេដឹកនាំបក្សប្រជាធិបតេយ្យនៅសភាអាមេរិក បាននិយាយថាពួកគេមិនការគ្រប់គ្រាន់សម្រាប់អនុម័តការបន្តវិធានការនេះក្នុងការបោះឆ្នោតផ្លូវការនៅក្នុងសភាទេ។ ព្រឹទ្ធសភាអាមេរិកបានរៀបចំសម័យប្រជុំដ៏កម្រមួយនៅថ្ងៃសៅរ៍ ប៉ុន្តែមិនបានពិភាក្សាអំពីការហាមឃាត់ការបណ្ដេញចេញទេ។ រីឯសេតវិមានវិញ បានបញ្ជាក់យ៉ាងច្បាស់ថាខ្លួននឹងមិនពង្រីកការការពារនេះជាឯកតោភាគីឡើយ ដោយសំអាងថាខ្លួនមិនមានសិទ្ធិអំណាចស្របច្បាប់ដើម្បីធ្វើដូចនេះបន្ទាប់ពីសេចក្ដីសម្រេចរបស់តុលាការកំពូលកាលពីខែមិថុនា ដែលបានរកឃើញថាសេចក្ដីបញ្ជារបស់ CDC គឺលើសពីដែនសិទ្ធអំណាចចែងក្នុងច្បាប់របស់ភ្នាក់ងារនេះ។ ប៉ុន្មានម៉ោងមុនការផុតកំណត់ លោកប្រធានាធិបតីចូ បៃដិន បានធ្វើការអំពាវនាវដល់អាជ្ញាធរមូលដ្ឋានឱ្យ «ចាត់វិធានការទាំងអស់ដែលអាចធ្វើទៅបាន» ដើម្បីផ្ដល់ប្រាក់ជំនួយភ្លាមៗ។ ប៉ុន្តែសមាជិកសភា ទាំងសមាជិកខ្លះមកពីគណបក្សប្រជាធិបតេយ្យផ្ទាល់របស់លោកបៃដិន បាននិយាយថាពួកគេត្រូវមានការភ្ញាក់ផ្អើលដោយភាពអសកម្មរបស់ប្រធានាធិបតីនៅពេលដែលថ្ងៃកំណត់ពាក់កណ្ដាលអធ្រាត្រឈានចូលមកដល់។ អ្នកខ្លះសម្ដែងការខឹងសម្បារដែលលោកបៃដិនបានអំពាវនាវឱ្យសភាផ្ដល់ដំណោះស្រាយនាទីចុងក្រោយដើម្បីការពារអ្នកជួល។ បើយោងតាមការសិក្សារបស់វិទ្យាស្ថាន Aspen និងគម្រោងការពារការបណ្ដេញចេញកូវីដ១៩ ប្រជាជនអាមេរិកជាង ១៥…
-
កម្មវិធីវីដេអូ Zoom សងសំណង ៨៦ លានដុល្លារក្នុងពាក្យបណ្ដឹងឯកជនភាពទិន្នន័យផ្ទាល់ខ្លួន
ក្រុមហ៊ុនសន្និសីទវីដេអូអាមេរិក Zoom បានយល់ព្រមសងសំណងចំនួន ៨៦ លានដុល្លារ ដើម្បីដោះស្រាយពាក្យបណ្ដឹងឯកជនភាពទិន្នន័យផ្ទាល់ខ្លួន ដែលមានការចោទប្រកាន់ថា Zoom បានរំលោភសិទ្ធឯកជនភាពរបស់អ្នកប្រើប្រាស់រាប់លាននាក់ ដោយចែកចាយទិន្នន័យផ្ទាល់ខ្លួនរបស់ពួកគេទៅឱ្យក្រុមហ៊ុនដទៃទៀតដូចជា Facebook Google និងLinkedIn។ ក្រុមហ៊ុនបានបដិសេធរាល់ការធ្វើខុស ប៉ុន្តែបានយល់ព្រមសងសំណើងហើយបង្កើនការអនុវត្តសន្តិសុខទិន្នន័យរបស់ខ្លួន។ ក្នុងដំណោះស្រាយបឋម ដែលនៅត្រូវការការអនុម័តដោយចៅក្រម រួមមានបទប្បញ្ញត្តិកំណត់ឱ្យក្រុមហ៊ុន Zoomផ្ដល់ការបណ្ដុះបណ្ដាលជំនាញដល់បុគ្គលិករបស់ខ្លួនក្នុងការគ្រប់គ្រងទិន្នន័យ និងឯកជនភាព។ ពាក្យបណ្ដឹង ដែលបានប្ដឹងនៅខែមីនាឆ្នាំ ២០២០ នៅតុលាការភាគខាងជើងរដ្ឋកាលីហ្វ័រញ៉ា គឺគ្រាន់តែជាពាក្យបណ្ដឹងមួយក្នុងចំណោមពាក្យបណ្ដឹងជាច្រើនដែលក្រុមហ៊ុននេះកំពុងប្រឈមមុខនឹង។ ពាក្យបណ្ដឹងនេះ គឺមានដើមបណ្ដឹងជាអ្នកប្រើប្រាស់បង់ថ្លៃ និងអ្នកប្រើប្រាស់ឥតគិតថ្លៃរាប់លាននាក់នៅអាមេរិក។ បើសិនសំណងនេះត្រូវបានអនុម័តដោយតុលាការ អតិថិជនបង់ថ្លៃនីមួយៗ នឹងទទួលសំណងប្រមាណ ២៥ ដុល្លារ ហើយអ្នកប្រើប្រាស់ឥតគិតថ្លៃនឹងទទួលសំណង ១៥ ដុល្លារ។ រីឯមេធាវីតំណាងដើមបណ្ដឹងវិញ គ្រោងនឹងទាមទារសំណងជាថ្លៃសេវាច្បាប់ ២១,៣ លានដុល្លារពីក្រុមហ៊ុន Zoom។
-
មហាសេដ្ឋី Bill Gates ៖ ការច្នៃប្រឌិតមួយទសវត្សរ៍បានផ្តល់នូវដំណោះស្រាយផ្នែកអនាម័យថ្មីៗយ៉ាងច្រើន ដែលនឹងការពារមនុស្សពីជំងឺ និងការស្លាប់ (មានវីដេអូ)
អន្តរជាតិ៖ មហាសេដ្ឋីពិភពលោក និងជាស្ថាបនិកក្រុមហ៊ុន Microsoft លោក Bill Gates បញ្ជាក់ថា រយៈពេល១០ឆ្នាំមកនេះ មូលនិធិរបស់លោក ដែលមានឈ្មោះ Bill & Melinda Gates បានប្រកួតប្រជែងនឹងបរិបទពិភពលោក តាមរយៈការបង្កើតបង្គន់ប្រកបដោយអនាម័យឡើងវិញ ។ លោកថា ដើម្បីលើកកម្ពស់ការយល់ដឹងអំពីបញ្ហាប្រឈមនេះ ខ្ញុំបានចែករំលែកដំណាក់កាលមួយជាមួយនឹងពាងលាមករបស់មនុស្ស ។ ការស្រង់ក្លិនមិនល្អនៃបង្គន់សម្រាប់ការបន្ទោរបង់ ។ ផឹកទឹកដែលធ្វើពីកាកសំណល់លាមក ។ ហើយបានបញ្ចុះបញ្ចូលពិធីករដ៏ល្បីលោក Jimmy Fallon អោយផឹកវាផងដែរ ។ សកម្មភាពទាំងអស់នេះវាមើលទៅគួរអោយអស់សំណើច ប៉ុន្តែគោលដៅរបស់ខ្ញុំ គឺផ្តោតការយកចិត្តទុកដាក់ចំពោះបញ្ហាធ្ងន់ធ្ងរមួយ គឺវិបត្តិកង្វះអនាម័យ ។ មនុស្សប្រហែល៣,៦ពាន់លាននាក់ ឬជិតពាក់កណ្តាលនៃចំនួនប្រជាជនសរុបនៅលើពិភពលោក ត្រូវបានគេរាយការណ៍ថា គ្មានបង្គន់ ឬប្រើប្រាស់បង្គន់គ្មានអនាម័យ ។ ការរស់នៅដោយគ្មានបង្គន់អនាម័យ គឺប្រឈមនឹងបញ្ហាជាច្រើន… វាគឺជាគ្រោះថ្នាក់… បញ្ហាកង្វះអនាម័យក្នុងន័យនេះចង់សំដៅដល់បញ្ហាទឹកកខ្វក់ ដី និងអាហារជាដើម ដែលវាបណ្តាលអោយមានជំងឺ និងស្លាប់ ។ ជាក់ស្តែង យោងតាមការប៉ាន់ស្មានចុងក្រោយបានបង្ហាញថា ជំងឺដែលមានជាប់ទាក់ទងនឹងការរាគរុះ និងកង្វះអនាម័យផ្សេងទៀតបានផ្តាច់ជីវិតកុមារជិត៥០ម៉ឺននាក់ជារៀងរាល់៥ឆ្នាំ…
-
ក្រុមហ៊ុន Pfizer និង Moderna បានដំឡើងថ្លៃវ៉ាក់សាំងនៅសហភាពអឺរ៉ុប (មានវីដេអូ)
អឺរ៉ុប៖ ក្រុមហ៊ុនផលិតវ៉ាក់សាំងអាមេរិក ហ្វាយហ្សឺ អាយអិនស៊ី (Pfizer Inc) និង ម៉ូឌែណា អាយអិនស៊ី (Moderna Inc) បានដំឡើងថ្លៃវ៉ាក់សាំងបង្ការជំងឺកូវីដ១៩របស់ពួកគេ នៅក្នុងកិច្ចព្រមព្រៀងថ្មីជាមួយក្រុមហ៊ុនចែកចាយបន្តនៅក្នុងសហភាពអឺរ៉ុប នេះបើតាមកាសែត ហ្វាយនិនសល ថាមស៍ (Financial Times) ។ ពាក់ព័ន្ធនឹងបញ្ហានេះដែរ អ្នកសារព័ត៌មានបរទេសបានទាក់ទងទៅសួរនាំអំពីមូលហេតុនៃការដំឡើងថ្លៃវ៉ាក់សាំងនៅក្នុងកិច្ចព្រមព្រៀងថ្មីជាមួយគណៈកម្មការអឺរ៉ុប (EC) ផងដែរ ប៉ុន្តែក្រុមហ៊ុន ហ្វាហ្សឺ មិនបានឆ្លើយតបឡើយ ខណៈដែលទីភ្នាក់ងារព័ត៌មានរ៉យទ័រវិញក៏បានទាក់ទងទៅសួរនាំក្រុមហ៊ុន ម៉ូឌែណា ផងដែរ ហើយភ្លាមៗក៏មិនទាន់ទទួលបានចម្លើយដូចគ្នា ។ យ៉ាងណាមិញ ប្រភពបានអោយដឹងថា តម្លៃថ្មីសម្រាប់វ៉ាក់សាំង Pfizer ត្រូវបានដំឡើងពី១៥.៥០អឺរ៉ូ ស្មើនឹង១៨.៣៧ដុល្លារអាមេរិក ទៅ១៩.៥០អឺរ៉ូ ស្មើនឹង២៣.១៥ដុល្លារអាមេរិកនៅក្នុងមួយដូស ។ សម្រាប់វ៉ាក់សាំង ម៉ូឌែណា វិញត្រូវបានដំឡើងដល់២៨.៥០ដុល្លារអាមេរិកក្នុងមួយដូស ខណៈនៅក្នុងកិច្ចព្រមព្រៀងចាស់ គឺត្រឹមតែ២៥.៥០ដុល្លារអាមេរិកប៉ុណ្ណោះ ៕ ប្រភព៖ CNA
-
អ្នកជំនាញកំពូលផ្នែកជំងឺឆ្លងអាមេរិក៖ សហរដ្ឋអាមេរិកនឹងមិនបិទខ្ទប់ប្រទេសសាជាថ្មីឡើយ ទោះបីវីរុសបម្លែងថ្មី Delta កំពុងរាតត្បាតខ្លាំង (មានវីដេអូ)
អាមេរិក៖ អ្នកជំនាញកំពូលផ្នែកជំងឺឆ្លងអាមេរិកលោក អាន់ថូនី ហ្វាវស៊ី (Anthony Fauci) អះអាងថា សហរដ្ឋអាមេរិកនឹងនឹងមិនបិទខ្ទប់ប្រទេស ដើម្បីទប់ស្កាត់ជំងឺកូវីដ១៩សាជាថ្មីឡើយ បើទោះជាវីរុសបម្លែងថ្មី Delta កំពុងធ្វើអោយករណីឆ្លងកើនឡើងខ្លាំង ជាពិសេសក្នុងចំណោមប្រជាជនដែលទាន់បានចាក់វ៉ាក់សាំងក៏ដោយ ។ លោក អាន់ថូនី ហ្វាវស៊ី បានប្រាប់នៅក្នុងបទសម្ភាសន៍ក្នុងកម្មវិធី This Week របស់ស្ថានីយទូរទស្សន៍ ABC ថា យើងនៅមិនទាន់អាចកាត់ផ្ដាច់ការឆ្លង COVID-19 នោះទេ ប៉ុន្តែខ្ញុំជឿថា យើងនឹងមិនត្រលប់ទៅស្ថានភាពដូចកាលពីរដូវរងារកន្លងទៅនោះទេ ។ លោកបន្ថែមថា យើងមានប្រជាជនប្រមាណ១០០លាននាក់នៅក្នុងសហរដ្ឋអាមេរិក ដែលមានសិទ្ធិទទួលការចាក់វ៉ាក់សាំង ហើយក៏ជាអ្នកដែលមិនទៅចាក់វ៉ាក់សាំង ។ យើងពិតជាបានអំពាវនាវទៅកាន់ប្រជាជនទាំងនោះអោយផ្លាស់ប្តូរផ្នត់គំនិតរបស់ពួកគេ, ផ្តល់ភាពងាយដល់ពួកគេ, បញ្ចុះបញ្ចូលពួកគេ និងធ្វើអ្វីៗគ្រប់យ៉ាងដើម្បីអោយពួកគេទៅទទួលការចាក់វ៉ាក់សាំង ពីព្រោះមានតែពួកគេប៉ុណ្ណោះ ដែលអាចកាត់ផ្ដាច់មេរោគរាតត្បាតបាន ។ បើតាមលោក អាន់ថូនី ហ្វាវស៊ី ការចាក់វ៉ាក់សាំងជូនប្រជាជនអាមេរិកឱ្យបានគ្រប់គ្រាន់ អាចបញ្ចៀសកុំឱ្យសហរដ្ឋអាមេរិកធ្លាក់ចូលក្នុងស្ថានការណ៍បិទខ្ទប់ប្រទេសសាជាថ្មី ។ ប៉ុន្តែលោកក៏បានជំរុញឱ្យអ្នកមិនទាន់ចាក់វ៉ាក់សាំង រួសរាន់ទៅចាក់វ៉ាក់សាំងផងដែរ ៕ ប្រភព៖ CGTN និង Reuters
-
វៀតណាមបន្តរកឃើញអ្នកឆ្លង Covid-19 ថ្មីៗចំនួន៣ពាន់១៩៨ករណីបន្ថែមទៀតនៅព្រឹកថ្ងៃចន្ទនេះ ខណៈប្រជាជនសម្រុកចេញពីទីក្រុងហូជីមិញជាបន្តបន្ទាប់(មានវីដេអូ)
-
មេដឹកនាំយោធាមីយ៉ាន់ម៉ាសន្យាថា នឹងរៀបចំការបោះឆ្នោត និងត្រៀមខ្លួនរួចរាល់ដើម្បីធ្វើការជាមួយអាស៊ាន (មានវីដេអូ)
