-
អ្នករត់ប្រណាំងបេឡារុស្សម្នាក់ ត្រូវបង្ខំឱ្យឈប់ពាក់កណ្ដាលការប្រកួត ដោយសាររិះគន់មន្ត្រីកីឡាអូឡាំពិក
យោងតាមគណៈកម្មាធិការអូឡាំពិកអន្តរជាតិ (IOC) អ្នករត់ប្រណាំងជនជាតិបេឡារុស្សម្នាក់ ត្រូវបានគេបង្ខំឱ្យឈប់ពាក់កណ្ដាលការប្រកួត និងបញ្ជាឱ្យចាកចេញពីទីក្រុងតូក្យូ ដោយសាររិះគន់មន្ត្រីកីឡាអូឡាំពិក។ កីឡាការនី Krystsina Tsimanouskaya បានរិះគន់គណៈកម្មាធិការអូឡាំពិកបេឡារុសនៅលើបណ្តាញសង្គមថា គ្រូបង្វឹកបានបញ្ជានាងឱ្យចូលរួមក្នុងការប្រណាំងភ្លាមៗលើទាំងមិនទាន់បានហ្វឹកហាត់ ក្រោយក្រុមការងារដដែលនេះ មិនបានប្រាប់ដល់អត្តពលិកដទៃទៀតឱ្យបញ្ចប់ការធ្វើតេស្តសារធាតុហាមឃាត់តាមការកំណត់។ យោងតាមលោក Aliaksandr Apeikin នាយកប្រតិបត្តិនៅមូលនិធិ Vilnius ប្រទេសបេឡារុស្ស ដែលមានមូលដ្ឋាននៅ Lithuania កីឡាការនី Tsimanouskaya បានបដិសេធមិនចាកចេញពី រដ្ឋធានីរបស់ប្រទេសជប៉ុនទេ ក្រោយអាជ្ញាធរកីឡាបេឡារុស្សកីឡាការនីរូបនេះទៅអាកាសយានដ្ឋានទាំងបង្ខំ។ យ៉ាងណាមិញ គណៈកម្មាធិការអូឡាំពិកជាតិបេឡារុស បាននិយាយកាលពីថ្ងៃ អាទិត្យ ថា ខ្លួនបានសម្រេចចិត្តដកកីឡាការនីរូបនេះ ចេញពីការប្រកួតកីឡាអូឡាំពិក ដោយសារតែស្ថានភាពផ្លូវចិត្ត មិននឹងនរបស់នាង ដោយយោងតាមការសន្និដ្ឋានរបស់វេជ្ជបណ្ឌិត។ ទោះយ៉ាងណាក្ដី គណកម្មការ IOC ក៏ធ្លាប់បានស៊ើបអង្កេតលើប្រទេសបេឡារុសជាច្រើនខែមកហើយ ក្រោយមានរបាយការណ៍ថា រដ្ឋាភិបាលរបស់ប្រធានាធិបតី Alexander Lukashenko បានដាក់ទណ្ឌកម្មអត្តពលិក ដែលបាននិយាយប្រឆាំងនឹងច្បាប់របស់គាត់ ឬ ចូលរួមក្នុងការតវ៉ាប្រឆាំងនានា។ កីឡាការនីអាយុ ២៤ ឆ្នាំមួយនេះ បាននិយាយនៅក្នុងបទសម្ភាសន៍ជាមួយគេហទំព័រកីឡា Tribuna.com ដែលបានចុះផ្សាយកាលពីថ្ងៃ អាទិត្យ…
-
អ្នកឃ្លាំមើលមូលបត្រចិនស្វែងរកកិច្ចសហប្រតិបត្តិការជិតស្និទ្ធជាមួយសហរដ្ឋអាមេរិក
ប៉េកាំង៖ និយតករមូលបត្រចិនបាននិយាយកាលពីថ្ងៃអាទិត្យថា ខ្លួននឹងស្វែងរកកិច្ចសហប្រតិបត្តិការកាន់តែជិតស្និទ្ធជាមួយសមភាគីអាមេរិក ហើយនឹងគាំទ្រការចុះបញ្ជីនៅក្រៅប្រទេស បន្ទាប់ពីនិយតករអាមេរិកពង្រីកការរឹតបន្តឹងលើក្រុមហ៊ុនចិន និងសម្តែងការព្រួយបារម្ភអំពីសកម្មភាពរបស់ក្រុងប៉េកាំង។ យោងតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ គណៈកម្មការមូលបត្រចិន (CSRC) បាននិយាយនៅក្នុងសេចក្តីថ្លែងការណ៍មួយថា ខ្លួនបានកត់សំគាល់នូវតម្រូវការថ្មីរបស់គណៈកម្មការមូលបត្រអាមេរិកសម្រាប់ការបង្ហាញព័ត៌មានទាក់ទងនឹងការចុះបញ្ជីក្រុមហ៊ុនចិន ហើយភាគីទាំងពីរគួរតែប្រកាន់ខ្ជាប់នូវស្មារតីនៃការគោរពគ្នាទៅវិញទៅមក និង ពង្រឹងទំនាក់ទំនងលើការធ្វើនិយ័តកម្មភាគហ៊ុនដែលទាក់ទងនឹងប្រទេសចិន។ អង្គភាពដដែលបាននិយាយក្នុងវែបសាយរបស់ខ្លួនថា CSRC តែងតែបើកចំហចំពោះក្រុមហ៊ុនដែលជ្រើសរើសកន្លែងដែលត្រូវផ្សព្វផ្សាយជាសាធារណៈ ចំណែកឯគោលនយោបាយជាតិជាមូលដ្ឋាននៃការធ្វើកំណែទម្រង់ និងការបើកចំហររបស់ប្រទេសចិនទៀតសោត ក៏មិនមានភាពរអាក់រអួល ហើយការបើកហិរញ្ញវត្ថុក្រៅប្រទេសនឹងបន្ត។ ជាមួយគ្នានេះ គណៈកម្មការមូលបត្រអាមេរិកបាននិយាយកាលពីថ្ងៃសុក្រសប្ដាហ៍មុនថា ខ្លួននឹងតម្រូវឱ្យក្រុមហ៊ុនចិនបង្ហាញពី «ភាពមិនច្បាស់លាស់អំពីសកម្មភាពនាពេលអនាគតរបស់រដ្ឋាភិបាលចិន ដែលអាចប៉ះពាល់យ៉ាងខ្លាំងដល់ដំណើរការហិរញ្ញវត្ថុរបស់ក្រុមហ៊ុនប្រតិបត្តិការ» មុនពេលអនុញ្ញាតឱ្យពួកគេបង្កើនដើមទុនតាមរយៈផ្សារហ៊ុនអាមេរិក។ គណៈកម្មការមូលបត្រអាមេរិក បានបន្ថែមថា អ្នកចេញប័ណ្ណចិនត្រូវតែបង្ហាញផងដែរប្រសិនបើពួកគេត្រូវបានបដិសេធការអនុញ្ញាតពីអាជ្ញាធរចិនក្នុងការចុះបញ្ជីលើទីផ្សារអាមេរិក និងហានិភ័យដែលការយល់ព្រមបែបនេះអាចត្រូវបានបដិសេធឬលុបចោល។ ចិនបានរឹតបន្តឹងបទបញ្ជារបស់ខ្លួនលើការចេញភាគហ៊ុននៅបរទេស បន្ទាប់ពីខ្លួនបានបើកការស៊ើបអង្កេតសន្តិសុខតាមអ៊ីនធឺណិតរបស់ក្រុមហ៊ុន Didi Global Inc (DIDI.N) កាលពីខែមុន ប៉ុន្មានថ្ងៃបន្ទាប់ពីការចុះបញ្ជីនៅក្រុងញូវយ៉ក។ ខុទ្ទកាល័យចិនបាននិយាយកាលពីថ្ងៃទី ៦ ខែកក្កដា ថា ខ្លួននឹងពង្រឹងការត្រួតពិនិត្យលើក្រុមហ៊ុនចិនទាំងអស់ដែលបានចុះបញ្ជីនៅឯបរទេស។
-
អាមេរិក អង់គ្លេស និងអ៊ីស្រាអែលចោទប្រកាន់អ៊ីរ៉ង់អំពីការវាយប្រហារនាវាដឹកប្រេងគ្រប់គ្រងដោយអ៊ីស្រាអែល
សហរដ្ឋអាមេរិក បានចូលរួមជាមួយចក្រភពអង់គ្លេស និងអ៊ីស្រាអែលក្នុងការចោទប្រកាន់អ៊ីរ៉ង់ថាបានធ្វើការវាយប្រហារដោយយន្តហោះគ្មានមនុស្សបើកទៅលើនាវាដឹកប្រេងមួយគ្រឿងនៅដែនសមុទ្រអូម៉ង់ ធ្វើឱ្យមនុស្សពីរអ្នកស្លាប់។ ក្នុងសេចក្ដីថ្លែងការណ៍មួយចុះផ្សាយកាលពីថ្ងៃអាទិត្យនេះ រដ្ឋមន្ត្រីការបរទេសអាមេរិកលោក Anthony Blinken បាននិយាយថា៖ «បន្ទាប់ពីបានពិនិត្យព័ត៌មានដែលមានស្រាប់ យើងជឿជាក់ថាអ៊ីរ៉ង់បានធ្វើការវាយប្រហារនេះដែលបានសម្លាប់មនុស្សស្លូតត្រង់ពីរនាក់ ដោយប្រើដ្រូន ដែលជាសមត្ថភាពដ៏សាហាវមួយពួកគេកំពុងប្រើប្រាស់ខ្លាំងឡើងនៅតំបន់»។ លោកបានបន្ថែមទៀតថាអ៊ីរ៉ង់ «គ្មានយុត្តិកម្មសម្រាប់ការវាយប្រហារនេះ ដែលធ្វើតាមលំនាំនៃការវាយប្រហារ និងអាកប្បកិរិយាអរិភាពផ្សេងទៀត»។ ប្រទេសអ៊ីរ៉ង់បានធ្វើការបដិសេធថាខ្លួនមិនបានជាប់ពាក់ព័ន្ធនឹងការវាយប្រហារនេះទេ បន្ទាប់ពីនាយករដ្ឋមន្ត្រីអ៊ីស្រាអែលលោក Naftali Bennett ធ្វើការចោទប្រកាន់ដោយផ្ទាល់ ហើយលោកថែមទាំងបានធ្វើការគំរាមកំហែងអំពីការសងសឹក។ លោក Bennett បាននិយាយកាលពីថ្ងៃអាទិត្យថា៖ «យើងដឹង ក្នុងអត្រាណាមួយ ដឹងពីរបៀបបញ្ជូនសារទៅអ៊ីរ៉ង់តាមវិធីរបស់យើងផ្ទាល់» រដ្ឋមន្ត្រីការបរទេសចក្រភពអង់គ្លេសលោក Dominic Raab បានហៅការវាយប្រហារនេះថា «ជាការវាយប្រហារដោយខុសច្បាប់ និងគ្មានការយោគយល់» ហើយនិយាយថា «ទំនងណាស់» ដែលអ៊ីរ៉ង់ធ្វើការវាយប្រហារដោយប្រើយន្តហោះដ្រូនមួយ ឬច្រើន។ លោកបានបន្ថែមថាប្រទេសលោក និងសម្ព័ន្ធមិត្តគឺកំពុងរៀបចំការឆ្លើយតបរួមគ្នា។ នៅរាត្រីថ្ងៃព្រហស្បតិ៍សប្ដាហ៍មុន នាវាដឹកប្រេងគ្រប់គ្រងដោយអ៊ីស្រាអែលមានឈ្មោះថា Mercer Street បានរងការវាយប្រហារពីអាកាស ដោយការផ្ទុះនៅកាប៊ីនបញ្ជានាវាបានធ្វើនាវិកជនជាតិអង់គ្លេសមួយរូប និងរ៉ូម៉ានីមួយរូបស្លាប់។ ខណៈពេលដែលគ្មាននរណាម្នាក់ចេញមុខទទួលខុសត្រូវចំពោះការវាយប្រហារនេះ នៅពេលថ្មីៗអ៊ីរ៉ង់ និងសម្ព័ន្ធមិត្តរបស់ពួកគេបានប្រើយន្តហោះគ្មានមនុស្សបើកទៅធ្វើអត្តឃាតបុកនាវា ដើម្បីបំផ្ទុះគ្រាប់បែកនៅលើយន្តហោះនោះ។ ប៉ុន្តែសម្រាប់ការចោទប្រកាន់លើកនេះអ៊ីស្រាអែល ចក្រភពអង់គ្លេស និងកងទ័ពជើងទឹកអាមេរិកមិនបានបង្ហាញភស្តុតាង…
-
អតីតប្រមុខកងទ័ពកូឡុំប៊ីនឹងត្រូវចោទពីបទប្រហារជីវិតក្រៅប្រព័ន្ធតុលាការ
កាលពីថ្ងៃអាទិត្យ ទី ១ សីហាការិយាល័យអគ្គរដ្ឋអាជ្ញានៃប្រទេសកូឡុំប៊ីចោទប្រកាន់អតីតមេបញ្ជាការលោក Mario Montoya ចំពោះការទទួលខុសត្រូវលើការប្រហារជីវិតក្រៅប្រព័ន្ធច្បាប់ចំនួន ១០៤ ករណី។ តាមការរាយកាណ៍របស់សារព័ត៌មាន Reuters តុលាការយុត្តិធម៌អន្តរកាលរបស់ប្រទេសកូឡុំប៊ី (JEP) បាននិយាយថា មនុស្សយ៉ាងតិច ៦៤០២ នាក់ត្រូវបានសម្លាប់តាមវិធីនេះ ប៉ុន្តែក្រុមជនរងគ្រោះខ្លះបាននិយាយថា ចំនួនអ្នកស្លាប់អាចខ្ពស់ជាងនេះ។ ការចោទប្រកាន់លើលោក Montoya គឺទាក់ទងនឹងការសម្លាប់ដែលបានកើតឡើងចាប់ពីខែវិច្ឆិកាឆ្នាំ ២០០៧ និងខែវិច្ឆិកាឆ្នាំ ២០០៨ រួមទាំងការស្លាប់របស់អនីតិជន ៥ នាក់ទៀត។ លោក Montoya ពីមុនបានបដិសេធថាលោកមិនបានប្រព្រឹត្តបទល្មើសដែលត្រូវបានគេចោទប្រកាន់នោះទេ។ មេធាវីរបស់លោកបានប្រាប់សារព័ត៌មានក្នុងស្រុកថា ករណីនេះកំពុងត្រូវបានស៊ើបអង្កេតដោយតុលាការយុត្តិធម៌អន្តរកាលរបស់ប្រទេសកូឡុំប៊ី ។
-
មេដឹកនាំយោធាមីយ៉ាន់ម៉ានិយាយថារដ្ឋាភិបាលនឹងមិនរៀបចំការបោះឆ្នោតនៅមីយ៉ាន់ម៉ាទេ រហូតដល់ឆ្នាំ ២០២៣
ប្រាំមួយខែបន្ទាប់ពីរដ្ឋប្រហារថ្ងៃទី ១ កុម្ភៈមេដឹកនាំយោធាមីយ៉ាន់ម៉ាលោក Min Aung Hlaing បានសន្យាក្នុងសុន្ទរកថាតាមកញ្ចក់ទូរទស្សន៍កាលពីថ្ងៃអាទិត្យថានឹងមានការរៀបចំការបោះឆ្នោតពហុបក្ស និងការលុបចោលការដាក់ប្រទេសក្រោមស្ថានភាពអាសន្នត្រឹមខែសីហាឆ្នាំ ២០២៣ ដោយការប្រកាសនេះនឹងដាក់មីយ៉ាន់ម៉ា ក្រោមការគ្រប់គ្រងរបស់យោធារយៈពេលពីរឆ្នាំកន្លះបន្តទៀត ផ្ទុយពីការសន្យាមុន។ ប្រទេសមីយ៉ាន់ម៉ាមានភាពច្របូកច្របល់ ចាប់តាំងពីការធ្វើរដ្ឋប្រហារដោយយោធា ដោយមានការប្រឈមមុខនឹងការតវ៉ានិងកូដកម្ម ដែលបានធ្វើឱ្យរដ្ឋបាលនិងសេដ្ឋកិច្ចធ្លាក់ចុះ។ ក្រុមឃ្លាំមើលក្នុងតំបន់បាននិយាយថាកងកម្លាំងសន្តិសុខបានសម្លាប់មនុស្សជាង ៩០០ នាក់រួចមកហើយ នៅក្នុងការបង្រ្កាបបាតុកម្មប្រឆាំងការធ្វើរដ្ឋប្រហារ ហើយក៏មានការផ្ទុះឡើងនូវជម្លោះប្រដាប់អាវុធឡើងវិញ នៅតាមតំបន់ព្រំដែនផងដែរ។ ប្រទេសនេះក៏កំពុងប្រយុទ្ធប្រឆាំងនឹង ការកើនឡើងនៃការឆ្លងមេរោគកូរ៉ូណា ផងដែរដោយមន្ទីរពេទ្យជាច្រើនគ្មានបុគ្គលិកពេទ្យប្រចាំការទេ។ នៅក្នុងសុន្ទរកថារបស់គាត់ លោក Min Aung Hlaing បាននិយាយថា អាជ្ញាធរយោធា «ត្រូវតែបង្កើតលក្ខខណ្ឌមួយចំនួនដើម្បីរៀបចំការបោះឆ្នោតសកលដោយសេរីនិងយុត្តិធម៌»។ លោកបាននិយាយថា៖ «យើងត្រូវតែរៀបចំខ្លួនហើយ ខ្ញុំសូមសន្យាថានឹងរៀបចំការបោះឆ្នោតសកលពហុបក្សដោយមិនឱ្យបរាជ័យឡើយ»។ គួរបញ្ជាក់ផងដែរថា កាលពីថ្ងៃអាទិត្យប្រព័ន្ធផ្សព្វផ្សាយរដ្ឋបានរាយការណ៍ថា លោក Min Aung Hlaing បានដើរតួនាទីជា នាយករដ្ឋមន្ត្រី នៅក្នុងរដ្ឋាភិបាលចាំផ្ទះ ដែលទើបបង្កើតថ្មីដែលនឹងជំនួសក្រុមប្រឹក្សារដ្ឋបាលរដ្ឋ ដែលក្រុមនាយឧត្ដមសេនីយ៍មួយចំនួនជាមួយលោក Min Aung Hlaing បានបង្កើតឡើងភ្លាមៗបន្ទាប់ពីដណ្ដើមបានអំណាច។
-
មីយ៉ាន់ម៉ា ៦ ខែក្រោយរដ្ឋប្រហារ៖ រដ្ឋាភិបាលយោធាចូលអង្គុយប្រជុំអាស៊ាន ខណៈរដ្ឋាភិបាលស្រមោលមិនបានទទួលស្គាល់លើឆាកអន្តរជាតិ
អស់រយៈពេលពេល ៦ ខែមកហើយដែលកងយោធាមីយ៉ាន់ម៉ាបានចូលកាន់កាប់អំណាច បន្ទាប់ពីធ្វើរដ្ឋប្រហារទម្លាក់រដ្ឋាភិបាលស៊ីវិល ដឹកនាំដោយគណបក្សសម្ព័ន្ធជាតិដើម្បីប្រជាធិបតេយ្យ (NLD) កាលពីខែកុម្ភៈកន្លងទៅ។ យោធាជារឿយៗបានលើកឡើងថា រដ្ឋប្រហារនេះធ្វើឡើង ក្រោយពីរកឃើញថា ការបោះឆ្នោតឆ្នាំ២០២០ ដែល NLD ឈ្នះក្នុងសំឡេងច្រើនលើសលប់ មានភាពមិនប្រក្រតី ជាពិសេសផ្នែកបញ្ជីឈ្មោះបោះឆ្នោត។ ក្រោយរដ្ឋប្រហារបានប៉ុន្មានខែ ក្រុមតំណាងរាស្ត្របក្ស NLD និងតំណាងរាស្ត្រស៊ីវិលផ្សេងទៀតបាននាំគ្នា បង្កើតគណៈកម្មការតំណាងសភា (CRPH) ក្រោយមកបង្កើតរដ្ឋាភិបាលរួបរួមជាតិ ដែលហៅកាត់ជាភាសាអង់គ្លេសថា NUG ហើយព្រមទាំងបង្កើតកងកម្លាំងប្រដាប់អាវុធផ្ទាល់ខ្លួនទៀតផង ដែលមានឈ្មោះថា កងទ័ពការពារប្រជាជន (PDF)។ NUG មិនមានមូលដ្ឋានច្បាស់លាស់នោះទេ នៅមីយ៉ាន់ម៉ា ខណៈសមាជិកខ្លះបានគេចខ្លួននៅក្រៅប្រទេស ខណៈខ្លះទៀតកំពុងតែជាប់នៅក្នុងស្រុក។ នេះបើតាមការលើកឡើងរបស់លោក Sasa អ្នកនាំពាក្យនៃរដ្ឋាភិបាលស្រមោលនេះ។ ស្ថានភាពនយោបាយក្នុងស្រុករបស់មីយ៉ាន់ម៉ាពោរពេញ ភាពចលាចល និងអស្ថិរភាព ចំណែកឯដំណោះស្រាយផ្នែកនយោបាយហាក់ដូចជាស្ងាត់សូន្យឆឹង ខណៈថ្មីៗនេះវិបត្តិជំងឺរាតត្បាតសកលកូវីដ-១៩ ជាពិសេសវីរុសបម្លែងខ្លួនថ្មី ដែលតា បានបន្ថែមជាបញ្ហា ទៅលើបញ្ហាច្រើនជំពូក ដែលកើតមាននៅមីយ៉ាន់ម៉ា។ យ៉ាងណាមិញ នៅលើឆាកអន្តរជាតិ របបយោធាបន្តិចម្ដងៗបានចូលរួមនៅក្នុងវេទិកាអាស៊ានគ្រប់ជាន់ថ្នាក់ទាំងអស់ ក្នុងនាមជារដ្ឋាភិបាលមួយតំណាងប្រទេសមីយ៉ាន់ម៉ា។ ក្នុងអំឡុងពេលថ្លែងសុន្ទរកថាទៅកាន់ប្រជាជាតិ កាលពីថ្ងៃអាទិត្យ លោក មីន…
-
ភ្លើងឆេះព្រៃនៅទ្វីបអឺរ៉ុបភាគខាងត្បូងបង្ករអោយមានការជម្លៀសប្រជាជនចេញពីតំបន់គ្រោះថ្នាក់
ភ្លើងឆេះព្រៃបានឆាបឆេះតំបន់ជាច្រើននៅទូទាំងទ្វីបអឺរ៉ុបភាគខាងត្បូងដែលបង្កឡើងដោយអាកាសធាតុក្តៅ និងខ្យល់បក់ខ្លាំងខណៈដែលប្រទេសមួយចំនួននៅភាគខាងជើងទ្វីបអ៊ឺរ៉ុបកំពុងបោសសំអាតតំបន់ដែលមានមនុស្សរស់នៅបន្ទាប់ពីមានភ្លៀងធ្លាក់ និងទឹកជំនន់កាលពីសប្តាហ៍កន្លងទៅនេះ។ នាយករដ្ឋមន្រ្តីប្រទេសក្រិក លោក Kyriakos Mitsotakis បាននិយាយថាកាលពីខែកក្កដាថា អ្នកពន្លត់អគ្គីភ័យបានប្រយុទ្ធប្រឆាំងនឹងភ្លើងឆេះព្រៃប្រហែល ៥០ ដងក្នុងរយៈពេល ២៤ ម៉ោងចុងក្រោយនេះ ហើយមានការព្យាករណ៍បន្ថែមថា អាចនឹងមានរលកកំដៅបន្ថែមទៀត។ តាមការស្រង់សម្តីរបស់សារព័ត៌មាន Reuters លោក Mitsotakis បាននិយាយថា៖ «ខ្ញុំចង់បញ្ជាក់ថាខែសីហានៅតែជាខែលំបាក ។ យើងទាំងអស់គ្នាត្រូវមានការប្រុងប្រយត្ន័ខ្ពស់រហូតដល់ការពន្លត់អគ្គីភ័យត្រូវបានបញ្ចប់ជាផ្លូវការ»។ ស្ថានភាពនៅអឺរ៉ុបភាគខាងត្បូងគឺផ្ទុយស្រឡះពីព្យុះភ្លៀងដែលបានបក់បោកនៅបណ្តាប្រទេសនៅភាគខាងជើងអ៊ឺរ៉ុបពីប្រទេសអូទ្រីសរហូតដល់អង់គ្លេស បន្ទាប់ពីមានគ្រោះទឹកជំនន់នៅប្រទេសអាល្លឺម៉ង់ និងប្រទេសជិតខាងកាលពីសប្តាហ៍មុន។ នៅលើកោះ Sardinia ប្រទេសអ៊ីតាលីយន្តហោះសម្រាប់ពន្លត់អគ្គីភ័យមកពីប្រទេសបារាំង និងក្រិកបានប្រើយន្តហោះសម្រាប់ពន្លត់អគ្គិភ័យក្នុងស្រុករបស់ខ្លួនមកជួយពន្លត់ភ្លើងឆេះព្រៃនៅលើកោះនោះដែលមានព្រៃឈើជាង ៤ ពាន់ហិកតាត្រូវបានដុតបំផ្លាញ ហើយមនុស្សជាង ៣៥០ នាក់ត្រូវបានជម្លៀសចេញពីតំបន់នោះ។ អាជ្ញាធរនៅទ្វីបអឺរ៉ុបខាងត្បូងបានព្រមានពីរលកកម្តៅដែលអាចបណ្តាលឱ្យមានភ្លើងឆេះព្រៃដែលបំផ្លិចបំផ្លាញផ្នែកខ្លះនៃតំបន់នេះ ទោះបីជាក្រុមអ្នកពន្លត់អគ្គីភ័យបានគ្រប់គ្រងអគ្គិភ័យនៅតំបន់មួយចំនួនរួមទាំងនៅប្រទេសអេស្ប៉ាញ ក្រិក និងអ៊ីតាលី។ ចំពោះប្រទេសទួរគីកំពុងទទួលរងនូវអគ្គីភ័យដ៏អាក្រក់បំផុតរបស់ខ្លួនដោយមានផ្ទៃដីជិត ៩៥ ពាន់ហិកតាត្រូវបានដុតបំផ្លាញ។ ទូរទស្សន៍ CNN បានរាយការណ៍តំបន់ទេសចរណ៍ Bodrum ត្រូវបានគេជម្លៀសប្រជាជនចេញខណៈដែលមានខ្យល់បក់ខ្លាំងបណ្តាលឱ្យមានអណ្តាតភ្លើងឆាបឆេះចេញពីស្រុក Milas ក្បែរនោះ។ តាមតួលេខរបស់សហភាពអឺរ៉ុបប្រទេសទួរគីបានរងគ្រោះដោយភ្លើងឆេះព្រៃចំនួន ១៣៣ កន្លែងនៅឆ្នាំ ២០២១នេះ។
-
ប្អូនស្រី របស់មេដឹកនាំកូរ៉េខាងជើងព្រមានទីក្រុងសេអ៊ូលអំពីធ្វើសមយុទ្ធយោធាជាមួយអាមេរិក
ប្រព័ន្ធផ្សព្វផ្សាយរដ្ឋ KCNA របស់កូរ៉ខាងជើង បានរាយការណ៍ថាលោកស្រី គីម យ៉ូជុង ប្អូនស្រីរបស់មេដឹកនាំកូរ៉េខាងជើងលោក គីម ជុងអ៊ុន បាននិយាយកាលពី ថ្ងៃអាទិត្យថា ប្រសិនបើកូរ៉េខាងត្បូងអនុវត្តសមយុទ្ធយោធារួមគ្នា ជាមួយសហរដ្ឋអាមេរិកនោះពួកគេនឹងធ្វើឱ្យខូចខាតដល់ការសម្រេចចិត្ត របស់កូរ៉េទាំងពីរក្នុងការកសាងទំនាក់ទំនងឡើងវិញ។ លោកស្រី គីម យ៉ូជុងក៏បាននិយាយផងដែរថា ការសម្រេចចិត្តដើម្បីស្តារខ្សែទូរស័ព្ទរវាងកូរ៉េទាំងពីរនាពេលថ្មីៗនេះមិនគួរត្រូវបានគេមើលឃើញថាមានអ្វីលើសពីការភ្ជាប់ទំនាក់ទំនង«ខាងផ្លូវកាយ» ឡើងវិញនោះទេ។ ការអត្ថាធិប្បាយរបស់លោកស្រីបានកើតឡើង នៅពេលដែលប្រទេសកូរ៉េខាងជើងនិងកូរ៉េខាងត្បូងកំពុងពិភាក្សាគ្នា ដើម្បីរៀបចំកិច្ចប្រជុំកំពូលមួយដែលជាផ្នែកមួយនៃកិច្ចខិតខំប្រឹងប្រែង ដើម្បីស្ដារទំនាក់ទំនងឡើងវិញ។ គួរឱ្យដឹងដែរថា ក្រុងវ៉ាស៊ីនតោននិងក្រុងសេអ៊ូល គ្រោងនឹងធ្វើសមយុទ្ធយោធារួមគ្នា នៅចុងខែសីហាខាងមុខនេះ។ លោកស្រីគីម យ៉ូជុងបាននិយាយបន្តនៅក្នុងសេចក្ដីថ្លែងការណ៍មួយថា៖ «រដ្ឋាភិបាលនិងយោធា របស់យើងនឹងឃ្លាំមើលយ៉ាងដិតដល់ថាតើកូរ៉េខាងត្បូងនឹងបន្តធ្វើសមយុទ្ធសង្គ្រាមឈ្លានពានឬនឹងធ្វើការសម្រេចចិត្តដែលត្រឹមត្រូវមួយ»។
-
ទីក្រុងមានប្រជាជនច្រើនបំផុតនៅទ្វីបអាហ្វ្រិករងទឹកជំនន់ធ្ងន់ធ្ងរ ហើយអ្នកជំនាញព្រមានថានៅពេលឆាប់នេះមនុស្សនឹងមិនអាចរស់នៅទីនោះបាន
ប្រទេសនីហ្សេរីយ៉ា ដែលជាប្រទេសមានប្រជាជនច្រើនបំផុតនៅទ្វីបអាហ្វ្រិក គឺតែងតែជួបគ្រោះទឹកជំនន់ ដែលធ្វើឱ្យខូចខាតរចនាសម្ព័ន្ធនានាតាមទីក្រុងតាមឆ្នេរសមុទ្រក្នុងអំឡុងខែមីនា ដល់ខែវិច្ឆិកា ជារៀងរាល់ឆ្នាំ។ ប៉ុន្តែនៅពាក់កណ្ដាលខែកក្កដានេះ មជ្ឈមណ្ឌលសេដ្ឋកិច្ចនីហ្សេរីយ៉ា ទីក្រុងឡាហ្គោស គឺកំពុងជួបប្រទះនឹងគ្រោះទឹកជំនន់ដ៏អាក្រក់បំផុតមួយក្នុងរយៈពេលប៉ុន្មានឆ្នាំចុងក្រោយនេះរ។ រូបថតនិងវីដេអូដែលបានបង្ហោះទៅក្នុងបណ្ដាញសង្គមបានបង្ហាញ ថាមានរថយន្តរាប់សិបគ្រឿងបានជន់លិចដោយទឹកបន្ទាប់ពីមានភ្លៀងធ្លាក់យ៉ាងខ្លាំងហើយគ្រោះជំនន់ដោយសារទឹកភ្លៀងធ្វើឱ្យសកម្មភាពសេដ្ឋកិច្ចខាតបង់ប្រមាណ ៤ ពាន់លានដុល្លារក្នុងមួយឆ្នាំ។ អ្នកជំនាញបានព្រមានថាទីក្រុងឡាហ្គោស ដែលជាទីក្រុងតំបន់ឆ្នេរមហាសមុទ្រអាត្លង់ទិចនីហ្សេរីយ៉ា អាចនឹងគ្មានមនុស្សរស់នៅទេនៅត្រឹមចុងសតវត្សនេះដោយសារកម្ពស់ទឹកសមុទ្រកើនឡើង និងការប្រែប្រួលអាកាសធាតុ។ យោងតាម ការសិក្សាដែលដឹកនាំដោយវិទ្យាស្ថានសិក្សាការអភិវឌ្ឍបាននិយាយថាបញ្ហានេះអាចនឹងកាន់តែធ្ងន់ធ្ងរទៅៗ ដោយសារ «ប្រព័ន្ធលូមិនមានភាពគ្រប់គ្រាន់ និងការមើលថែទាំមិនបានល្អរួមជាមួយនឹងកំណើនប្រជាជនមករស់នៅទីក្រុងដែលមិនអាចទ្រទ្រង់បាន។ អ្នកជំនាញខាងផ្នែកបរិស្ថាន បាននិយាយថា ការជីកយកខ្សាច់សម្រាប់ការសាងសង់គឺជាការរួមចំណែកដ៏ធំមួយចំពោះបញ្ហាសំណឹកនៅតាមច្រាំងសមុទ្រនៅទីក្រុងឡាហ្គោសផងដែរ។ លោក Manzo Ezekiel អ្នកនាំពាក្យទីភ្នាក់ងារគ្រប់គ្រងគ្រាអាសន្នរបស់នីហ្សេរីយ៉ា បានប្រាប់ CNN ថាច្រាំងនៃកោះ Victoria របស់ទីក្រុង Lagos ត្រូវបានទឹកជំនន់ធ្វើលិច រួចទៅហើយ ជាពិសេសនៅក្នុងតំបន់ V.I នៃទីក្រុងឡាហ្គោស ។ ប្រធានាធិបតីនីហ្សេរីយ៉ាលោក Muhammadu Buhari ក៏បានបង្ហាញពីឆន្ទៈរបស់ប្រទេសនេះក្នុងការធ្វើជាដៃគូជាមួយសម្ព័ន្ធមិត្តពិភពលោក ក្នុងការដោះស្រាយវិបត្តប្រែប្រួលអាកាសធាតុ។ លោកបាននិយាយថា៖ «យើងទន្ទឹងរង់ចាំធ្វើការជាមួយប្រធានាធិបតីបៃដិន និង អនុប្រធានាធិបតី កាម៉ាឡា ហារីស។ យើងមានក្តីសង្ឃឹមនិង សុទិដ្ឋិនិយមចំពោះការពង្រឹងទំនាក់ទំនងស្និទ្ធស្នាល…
-
តើអ្វីជាផលប្រយោជន៍រួមនៅពីក្រោយកិច្ចពិភាក្សារវាងចិន និងមេដឹកនាំក្រុមឧទ្ទាមតាលីបង់ក្នុងក្រុងធានជីន?
មិនបានប៉ុន្មានផង ក្រោយអនុរដ្ឋមន្រ្តីក្រសួងការបរទេសអាមេរិកលោកស្រី Wendy Sherman ចាកចេញពីធានជីន (Tianjin) បន្ទាប់ពីកិច្ចពិភាក្សាតឹងសរសៃរកជាមួយមន្ត្រីចិនកាលពីសប្ដាហ៍មុន គណៈប្រតិភូរបស់ក្រុមឧទ្ទាមតាលីបង់ក៏មកដល់ក្រុងនេះ ហាក់ដូចជាសារមួយដែលបង្ហាញថា ក្រុងប៉េកាំងនឹងបង្កើតយុទ្ធសាស្ត្រផ្ទាល់ខ្លួនជាមួយប្រទេសជិតខាងរបស់ខ្លួន បន្ទាប់ពីបានហៅគោលនយោបាយអាមេរិកដែលប្រតិបត្តិនៅអាហ្វហ្គានីស្ថានថាបរាជ័យ។ ខណៈពេលកាលកំណត់នៃការដកកងទ័ពរបស់សហរដ្ឋអាមេរិក នឹងមកដល់ក្នុងខែកញ្ញា ទំនាក់ទំនងរវាងចិន និងក្រុមឧទ្ទាម ហាក់កើនឡើងក្រោយជំនួបកាលពីថ្ងៃពុធសប្ដាហ៍មុន ដោយគេឃើញមានការធានារបស់ក្រុងប៉េកាំង ថាខ្លួននឹងគាំទ្រតួនាទីរបស់តាលីបង់នៅអាហ្វហ្គានីស្ថានទាំងផ្នែកសន្តិសុខ និងការស្ដារឡើងវិញ។ រដ្ឋមន្ត្រីការបរទេសចិនលោក Wang Yi បាននិយាយក្នុងអំឡុងនៃកិច្ចពិភាក្សាជាមួយគណៈប្រតិភូដឹកនាំដោយក្រុមតាលីបង់លោក Mullah Abdul Ghani Baradar ថា៖ «តាលីបង់នៅអាហ្វហ្គានីស្ថាន គឺជាកម្លាំងយោធា និងនយោបាយដ៏សំខាន់នៅក្នុងប្រទេស ហើយទំនងជាដើរតួនាទីយ៉ាងសំខាន់នៅក្នុងដំណើរការនៃការផ្សះផ្សារ និងការកសាងឡើងវិញនៅអាហ្វហ្គានីស្ថាន»។ រដ្ឋមន្ត្រីរូបនេះបន្តថា ជំហរផ្លូវការរបស់ចិនលើបញ្ហាអាហ្វហ្គានីស្ថាន គឺប្រកាន់ខ្ជាប់នូវគោលការណ៍ «កម្មសិទ្ធិរបស់អាហ្វហ្គានីស្ថាន» និង «ដឹកនាំដោយអាហ្វហ្គានីស្ថាន» និងប្រឆាំងការជ្រៀតជ្រែកពីកងកម្លាំងបរទេស។ លោកបន្ថែមថា៖ «ការដកទ័ពអាមេរិក និងណាតូ គឺជាមូលដ្ឋាននៃការបរាជ័យនៃគោលនយោបាយអាមេរិកចំពោះអាហ្វហ្គានីស្ថាន»។ យ៉ាងណាមិញ អ្នកជំនាញការទូតនានានិយាយថា ប្រទេសចិននៅតែនៅឆ្ងាយពីការទទួលស្គាល់ក្រុមនេះថាជារដ្ឋាភិបាលស្របច្បាប់ ប៉ុន្តែកំពុងត្រៀមខ្លួនសម្រាប់លទ្ធភាពដែលថា ក្រុមនេះនឹងឡើងកាន់អំណាចប្រសិនបើការផ្សះផ្សារជាតិបរាជ័យ។ លើសពីនេះ ទំនាក់ទំនងជិតស្និទ្ធជាមួយតាលីបង់ ត្រូវបានក្រុងប៉េកាំងមើលឃើញថា មានសារៈសំខាន់សម្រាប់កិច្ចប្រឹងប្រែងប្រឆាំងភេរវកម្ម និងផលប្រយោជន៍សេដ្ឋកិច្ចនៅក្នុងតំបន់។…