-
បិសាចក្រហម Man Utd រំសាយការប្រកួត ក្រោយសមាជិកក្រុម៩នាក់ ឆ្លងកូវីដ
ក្រុមបិសាចក្រហម Man Utd នៅអង់គ្លេស បានរំសាយការប្រកួតមិត្តភាពចោល បន្ទាប់ពីសមាជិក ក្នុងក្រុម៩នាក់មានឆ្លងកូវីដ១៩។ Man Utd នឹងត្រូវប្រកួតមិត្តភាពរបស់ខ្លួនទល់ក្រុម Preston North End នៅចុងសប្ដាហ៍នេះ ប៉ុន្ដែត្រូវរំសាយចោលវិញ ក្រោយពីរកឃើញមានកីឡាករក្នុងក្រុមឆ្លងមេរោគកូវីដ១៩។ ការតេស្ដឃើញនេះ បន្ទាប់ពី Manchester United ប្រកួតមិត្តភាពជាមួយក្រុម Brentford កាលពីថ្ងៃពុធកន្លងទៅ៕
-
លោកប្រាយុទ្ធនិយាយលួងពលរដ្ឋខ្លួនថា ប្រទេសផ្សេងឆ្លងខ្លាំងជាងថៃទៀត
នាយករដ្ឋមន្រ្តីថៃ លោក ប្រាយុទ្ធ ចាន់អូចា បាននិយាយប្រាប់ទៅប្រជាពលរដ្ឋខ្លួនថា ប្រទេសដទៃៗទៀតលើពិភពលោក កំពុងប្រឈមការរាតត្បាតជំងឺនេះ អាក្រក់ជាងថៃទៅទៀត។ ទីភ្នាក់ងារសារព័ត៌មាន CNA បានចេញផ្សាយ នៅថ្ងៃសុក្រ ទី៣០ ខែកក្កដាថា ក្នុងបទសម្ភាសន៍ពិសេសមួយ ថ្មីៗនេះ លោក ប្រាយុទ្ធ បានលើកឡើងថា ប្រសិនបើនិយាយពីការឆ្លងរាលដាលនៃ COVID-19 នៅក្នុងប្រទេសថៃ មើលទៅវាហាក់គួរឲ្យតក់ស្លុតខ្លាំងណាស់ ក៏ប៉ុន្តែលោកចង់ឲ្យពលរដ្ឋខ្លួន ព្យាយាមផ្តោតមើលតួលេខករណីឆ្លង និងស្លាប់ដោយសារជំងឺនេះ នៅតាមប្រទេសជិតខាង ក៏ដូចជាប្រទេសដទៃផ្សេងទៀត នៅជុំវិញពិភពលោកផង។ ជាមួយនឹងការនិយាយហាក់លួងដល់ប្រជាពលរដ្ឋនេះ ខណៈដែលថៃកំពុងកើនឡើងយ៉ាងគំហុកនៃករណីឆ្លង ដែលពីរសប្តាហ៍មកនេះ ស្ថិតនៅលើសជាង១ម៉ឺននាក់ ក្នុងមួយថ្ងៃក៏ដោយ លោកនាយករដ្ឋមន្រ្តីថៃ នៅតែប្រកាន់ជំហរថា កិច្ចប្រឹងប្រែងរបស់រដ្ឋាភិបាលលោក ក្នុងការដោះស្រាយការឆ្លងរាតត្បាត COVID-19 មិនមែនជាបញ្ហាឡើយ ហើយលោកបាននិយាយថា ប្រទេសជាច្រើនផ្សេងទៀត ក៏មិនអាចគ្រប់គ្រងការរាតត្បាតជំងឺនេះបានដូចគ្នា។ ថៃមានឆ្លងករកណីកូវីដ១៩ សរុបនៅទូទាំងប្រទេសកើនដល់ ៥៧៨,៣៧៥នាក់ និងស្លាប់៤,៦៧៩នាក់ គិតត្រឹមថ្ងៃសុក្រ ទី៣០ កក្កដា ២០២១៕
-
ជប៉ុនដាក់បណ្តាខេត្តក្បែរក្រុងតូក្យូទីតាំងកីឡា អូឡាំពិក ក្នុងគ្រាអាសន្នបន្តទៀត
រាជធានីជប៉ុន ដែលជាទីក្រុងតូក្យូ ទីតាំងរៀបចំព្រឹត្តិការណ៍កីឡាអូឡាពិក ហ្គេម បានប្រកាសពីការឆ្លងមេរោគប្រចាំថ្ងៃកើនឡើងខ្លាំង ក្នុងនោះ ទើបប្រកាសថាមានចំនួន ៣,៨៦៥ ករណីទៀត នាថ្ងៃទី៣០ កក្កដានេះ។ រាជរដ្ឋាភិបាលជប៉ុនបានស្នើដាក់ក្នុងគ្រាអាសន្នរហូតដល់ថ្ងៃទី ៣១ ខែសីហា នៅក្នុងខេត្តចំនួនបីស្ថិតក្បែរទីក្រុងម្ចាស់ផ្ទះអូឡាំពិកតូក្យូ ព្រមទាំងខេត្តអូសាកាខាងលិច ក្រោយជំងឺកូវីដ-១៩ បានកើនឡើងខ្លាំង នៅជុំវិញប្រទេស។ លោក Yasutoshi Nishimura រដ្ឋមន្រ្តីសេដ្ឋកិច្ចជប៉ុននិយាយថា តំបន់ដែលមានភាពអាសន្នដូចជាតូក្យូនិងកោះអូគីណាវ៉ាខាងត្បូង ដែលគួរតែត្រូវបានពន្យារ ដល់ថ្ងៃទី ៣១ ខែសីហា៕
-
ថៃបន្តរកឃើញអ្នកឆ្លង Covid-19 ថ្មីៗចំនួន១ម៉ឺន៧ពាន់ ៣៤៥ ករណី និងស្លាប់១១៧នាក់ទៀតនៅក្នុងថ្ងៃសុក្រនេះ (មានវីដេអូ)
-
វៀតណាមបន្តរកឃើញអ្នកឆ្លង Covid-19 ថ្មីៗចំនួន៤ពាន់៩៨៧ ករណីបន្ថែមទៀតនៅព្រឹកថ្ងៃសុក្រនេះ (មានវីដេអូ)
-
លោក ចូ បៃដិន ជំរុញការផ្ដល់ប្រាក់រង្វាន់លើកទឹកចិត្ត សម្រាប់ពលរដ្ឋអាមេរិកដែលទៅទទួលការចាក់វ៉ាក់សាំងប្រឆាំងនឹងជំងឺកូវីដ-១៩ (មានវីដេអូ)
-
អ៊ីស្រាអែលនឹងចាប់ផ្តើមចាក់វ៉ាក់សាំង Pfizer ដូសទី៣ ដល់មនុស្សចាស់មានអាយុពី៦០ឡើងទៅ (មានវីដេអូ)
-
ប្រមុខការពារជាតិអាមេរិក-វៀតណាមសន្យាពង្រឹងកិច្ចសហការប្រយុទ្ធប្រឆាំងជំងឺកូវីដ១៩
រដ្ឋមន្ត្រីការពារជាតិអាមេរិក និងរដ្ឋមន្ត្រីការពារជាតិវៀតណាមបានព្រមព្រៀងគ្នា លើកិច្ចសហប្រតិបត្តិការផ្នែកសុខាភិបាល ក្នុងកិច្ចប្រយុទ្ធប្រឆាំងនឹងជំងឺរាតត្បាតកូវីដ១៩។ ជាការអះអាងរួមគ្នាក្នុងជំនួបពិភាក្សាការងារនាក្រុងហាណូយ កាលពីថ្ងៃពីពេលថ្មីៗនេះ ខណៈដែលលោករដ្ឋមន្ត្រីការពារជាតិអាមេរិក Lloyd Austin បំពេញទស្សនកិច្ចផ្លូវការ នៅវៀតណាម។ លោករដ្ឋមន្ត្រីការពារជាតិអាមេរិក ក្នុងពេលជួបសមភាគី Phan Van Giang កាលពីថ្ងៃទី២៩ កក្កដា បានមានប្រសាសន៍បញ្ជាក់ថា ភាគីអាមេរិកប្រកាសគាំទ្រវៀតណាម តាមរយៈការផ្តល់ជូនសម្ភារទប់ស្កាត់ជំងឺកូវីដ១៩។ ក្នុងជំនួបនោះ ភាគីទាំងពីរក៏បានពិភាក្សាអំពីកិច្ចសហប្រតិបត្តិការលើវិស័យយោធា ដែលត្រូវពង្រឹងបន្ថែមទៀតផងដែរ៕
-
ថៃបន្តរកឃើញអ្នកឆ្លង Covid-19 ថ្មីៗចំនួន១ម៉ឺន៧ពាន់៣៤៥ករណី និងស្លាប់១១៧នាក់ទៀតនៅក្នុងថ្ងៃសុក្រនេះ
ថៃ៖ ក្រសួងសុខាភិបាលថៃ នៅព្រឹកថ្ងៃសុក្រនេះ បានបន្តរកឃើញអ្នកឆ្លងជំងឺកូវីដ១៩ថ្មីៗចំនួន១ម៉ឺន៧ពាន់៣៤៥ករណី និងស្លាប់១១៧នាក់បន្ថែមទៀត នៅក្នុងរយៈពេល២៤ម៉ោងចុងក្រោយនេះ ។ នៅក្នុងចំណោមករណីឆ្លងថ្មីៗទាំងអស់ខាងលើនេះ មាន១ម៉ឺន៦ពាន់៦៦៤ករណីជាប្រជាជនទូទៅ និង ៦៨១ករណីទៀតជាអ្នកទោសក្នុងពន្ធនាគារ ។ នៅក្នុងរយៈពេល២៤ម៉ោងចុងក្រោយនេះដែរ ក៏មានអ្នកជំងឺចំនួន១ម៉ឺន៦៧៨នាក់បានជាជាសះស្បើយ និងត្រូវបានអនុញ្ញាតអោយចេញពីមន្ទីរពេទ្យវិញ ។ ចាប់តាំងពីថ្ងៃទី១ ខែមេសាមក នៅពេលជំងឺកូវីដ១៩រលកទី៣ផ្ទុះឡើង នៅទូទាំងប្រទេសថៃមានអ្នកជំងឺកូវីដ១៩ចំនួន៥៤ម៉ឺន៩ពាន់៥១២ករណី ក្នុងនោះមានអ្នកជំងឺ៣៥ម៉ឺន៣ពាន់៧៤៤នាក់បានជាសះស្បើយឡើងវិញ ។ ហើយចាប់តាំងពីជំងឺរាតត្បាតនេះផ្ទុះឡើងកាលពីដើមឆ្នាំមុនមក នៅទូទាំងប្រទេសថៃមានអ្នកឆ្លងជំងឺកូវីដ១៩ចំនួន៥៧ម៉ឺន៨ពាន់៣៧៥ករណី និងអ្នកជំងឺ៣៨ម៉ឺន១ពាន់១៧០នាក់បានជាសះស្បើយឡើងវិញ ។ ចំណែកចំនួនអ្នកស្លាប់ក្នុងរលកទី៣ មានចំនួន៤ពាន់៥៨៥នាក់ធ្វើអោយអ្នកស្លាប់សរុបចាប់តាំងពីរោគរាតត្បាតផ្ទុះឡើងកាលពីដើមឆ្នាំមុនមក កើនឡើងដល់៤ពាន់៦៧៩នាក់ ៕ ប្រភព៖ Bangkok Post
-
វៀតណាមបន្តរកឃើញអ្នកឆ្លង Covid-19 ថ្មីៗចំនួន៤ពាន់៩៨៧ករណីបន្ថែមទៀតនៅព្រឹកថ្ងៃសុក្រនេះ
វៀតណាម៖ ក្រសួងសុខាភិបាលវៀតណាម នៅព្រឹកថ្ងៃសុក្រនេះ បានរាយការណ៍ពីការរកឃើញអ្នកឆ្លងជំងឺកូវីដ១៩ថ្មីៗចំនួន៤ពាន់៩៨៧ករណីបន្ថែមទៀតនៅ២០ទីតាំង ។ នៅក្នុងចំណោមករណីឆ្លងថ្មីៗទាំងអស់ខាងលើនេះ មាន២ពាន់៧៤០ករណីនៅទីក្រុងហូជីមិញ ។ ជាមួយនឹងចំនួនករណីឆ្លងថ្មីៗនេះ វៀតណាមបានកត់ត្រាពីការរកឃើញអ្នកជំងឺកូវីដ១៩ក្នុងស្រុកចំនួន១២ម៉ឺន៩ពាន់៥៧១ករណីនៅក្នុង៦២ខេត្ត-ក្រុង ក្នុងចំណោមខេត្ត-ក្រុងសរុប៦៣របស់ប្រទេសនេះ ចាប់តាំងពីវីរុសកូវីដ១៩រលកថ្មីវាយប្រហារវៀតណាមកាលពី៣ខែមុន ។ ទីក្រុងហូជីមិញ មានអ្នកឆ្លងជំងឺកូវីដ១៩ខ្ពស់ជាងគេបំផុតរហូតដល់៨ម៉ឺន៤ពាន់៥២១ករណី ។ ជាមួយគ្នានេះ វៀតណាមក៏បានចាក់វ៉ាក់សាំងបង្ការជំងឺកូវីដ១៩ ជូនដល់ប្រជាជនខ្លួនបានជាង៥.៥២លាននាក់ផងដែរ តែមានមនុស្សប្រមាណ៥៤ម៉ឺន៦ពាន់៤០២នាក់ប៉ុណ្ណោះ ដែលបានទទួលការចាក់វ៉ាក់សាំងពេញលេញ ឬពីរដូស ៕ ប្រភព៖ VNExpress