-
បណ្ដាញសង្គមចិន WeChat ផ្អាកការចុះឈ្មោះអ្នកប្រើប្រាស់ថ្មីដល់ខែសីហា ដើម្បីធ្វើការកែទម្រង់សន្តិសុខ
ក្រុមហ៊ុន អ៊ីនធឺណិតយក្សចិន Tencent Holdings បានសម្រេចផ្អាកការចុះឈ្មោះសម្រាប់អ្នកប្រើប្រាស់ថ្មីសម្រាប់កម្មវិធីពហុមុខងាររបស់ពួកគេ WeChat រហូតដល់ខែសីហា ដើម្បី«ធ្វើឱ្យសន្តិសុខប្រសើរឡើង» និងអនុលោមតាម«ច្បាប់ និងបទប្បញ្ញត្តិពាក់ព័ន្ធ» បន្ទាប់ពីមានការត្រួតពិនិត្យកាន់តែខ្លាំងឡើង ពីរដ្ឋាភិបាលក្រុងប៉េកាំងលើវិស័យអ៊ីនធឺណិតប្រទេសចិន។ ក្រុមការងារកម្មវិធី WeChat បាននិយាយនៅលើបណ្ដាញសង្គមចិន Weiboថា៖ «យើងកំពុងធ្វើការកែលម្អបច្ចេកទេស និងប្រព័ន្ធសន្តិសុខ ស្របតាមច្បាប់និងបទប្បញ្ញត្តិពាក់ព័ន្ធ ហើយយើងនឹងផ្អាកការចុះឈ្មោះបង្កើតគណនីផ្ទាល់ខ្លួន និងគណនីផ្លូវការនានាជាបណ្ដោះអាសន្ន»។ក្រុមការងារ WeChat បានបន្តទៀតថា៖ «ការកែលម្អនេះត្រូវបានគេរំពឹងថា នឹងបញ្ចប់នៅដើមខែ សីហា ហើយការចុះឈ្មោះនឹងបន្តឡើងវិញនៅពេលធ្វើរួច»។ ភាគហ៊ុនរបស់ក្រុមហ៊ុន Tencentដែលចុះបញ្ជីនៅទីក្រុងហុងកុង បានធ្លាក់ចុះ ៨,៩ ភាគរយ កាលពីថ្ងៃអង្គារ ដែលជាចំនួនច្រើនបំផុតក្នុងរយៈពេលជិតមួយទសវត្សរ៍ចុងក្រោយនេះ ខណៈភាគហ៊ុននៃក្រុមហ៊ុនបច្ចេកវិទ្យាចិនមានការធ្លាក់ចុះសឹងទាំងអស់។ WeChat ដែលមានឈ្មោះថា Weixin នៅចិនដីគោក បានមានវត្តមានគ្រប់ទីកន្លែងជាងគេ ក្នុងចំណោមអ្នកប្រើប្រាស់បណ្ដាញអ៊ីនធឺណិតចិន ដោយមានអ្នកប្រើប្រាស់សកម្មប្រចាំខែ ចំនួន ១,២៤ ពាន់លាននាក់។ ពួកគេប្រើកម្មវិធីនេះ ដើម្បីជជែកគ្នា លេងហ្គេម ទិញទំនិញ អានព័ត៌មាន បង់ប្រាក់សម្រាប់អាហារ និងបង្ហោះគំនិតនិងរូបភាពរបស់ពួកគេ សម្រាប់មិត្តភ័ក្ដិពួកគេមើល។ ការផ្អាកទទួលអ្នកប្រើប្រាស់ថ្មីរបស់ WeChatនេះបាន…
-
គណបក្ស Ennahda អំពាវនាវឱ្យមានការសន្ទនាគ្នាដើម្បីដោះស្រាយវិបត្តិនយោបាយ នៅទុយនីស៊ី
ទុយនីស៖ គណបក្សនយោបាយធំបំផុតរបស់ទុយនីស៊ី បានអំពាវនាវឲ្យមានកិច្ចសន្ទនាដើម្បីដោះស្រាយវិបត្តិនយោបាយ ដោយផ្លាស់ប្តូរយុទ្ធសាស្ត្រ បន្ទាប់ពីបានជំរុញឱ្យសមាជិកសភា និងអ្នកគាំទ្ររបស់ខ្លួន ធ្វើបាតុកម្មនៅខាងក្រៅសភាក្នុងរដ្ឋធានីទុយនីសកាលពីថ្ងៃច័ន្ទនេះ។ នៅក្នុងសេចក្តីថ្លែងការណ៍មួយចេញផ្សាយកាលពីថ្ងៃអង្គារ គណបក្ស Ennahda បានបញ្ជាក់ជាថ្មីថាខ្លួនបានចាត់ទុកការសម្រេចចិត្តដកនាយករដ្ឋមន្រ្តី Hichem Mechich និងបង្កកសភារបស់លោកប្រធានាធិបតី Kais Saied ផ្ទុយពីរដ្ឋធម្មនុញ្ញ ប៉ុន្តែបានប្រកាន់យកវិធីផ្សះផ្សាជាច្រើនទៀត ដោយអំពាវនាវដល់លោក Saied ឲ្យប្តូរវិធានការឡើងវិញ។ មុខសេចក្ដីថ្លែងការណ៍នេះ លោក Rachid Ghannouchi ដែលជាប្រធានសភា និងជាមេដឹកនាំបក្ស Ennahda ដំបូងឡើយបានអំពាវនាវដល់សមាជិកសភា និងអ្នកគាំទ្ររបស់ខ្លួន ឱ្យអង្គុយនៅខាងក្រៅសភាដោយថ្កោលទោសទង្វើរបស់ប្រធានាធិបតី បន្ទាប់ពីសមាជិកសភាជាច្រើនត្រូវបានកងទ័ពបដិសេធមិនឱ្យចូលប្រជុំសភា។ យោងតាមការផ្សាយរបស់ Al Jazeera មានប្រជាពលរដ្ឋប្រហែលជាពីរបីរយនាក់បានប្រមូលផ្តុំគ្នានៅថ្ងៃច័ន្ទក្រោយការអំពាវនាវរបស់មន្រ្តីសភាជាន់ខ្ពស់រូបនេះ។ ទោះជាយ៉ាងណាក៏ដោយ ចំនួនអ្នកទៅចូលរួមមានកម្រិត ដោយលាយឡំជាមួយក្រុមមនុស្សដែលគាំទ្រលោកប្រធានាធិបតីផង។ កាលពីថ្ងៃច័ន្ទសប្ដាហ៌នេះ លោកប្រធានាធិបតីក៏បានចេញបទបញ្ជាបម្រាមគោចរនៅពេលយប់ចាប់ពីម៉ោង ៧ ល្ងាច ដល់ម៉ោង ៦ ព្រឹក ម៉ោងក្នុងស្រុក និងហាមឃាត់មិនឱ្យមានការប្រមូលផ្តុំមនុស្សលើសពី ៣ នាក់ ដែលមានន័យថា ក្រុមអ្នកតវ៉ាអាចប្រថុយប្រឈមមុខនឹងកងកំលាំងសន្តិសុខ។ ក្នុងថ្ងៃជាមួយគ្នា លោកក៏បានចេញក្រឹត្យប្រធានាធិបតីជាច្រើនដោយបណ្តេញរដ្ឋមន្រ្តីក្រសួងការពារជាតិ…
-
ករណី ជំងឺកូវីដ១៩ បានកើនឡើងខ្ពស់បំផុតនៅទីក្រុងតូក្យូ ខណៈព្រឹត្តិការណ៍កីឡាអូឡាំពិកនៅបន្ត
នាយករដ្ឋមន្ត្រីជប៉ុន នៅថ្ងៃអង្គារនេះ បាននិយាយថារដ្ឋាភិបាលមិនមានផែនការដើម្បីបិទការប្រកួត កីឡាអូឡាំពិក បើទោះបីជាមានការព្រួយបារម្ភអំពីការកើនឡើងករណីឆ្លងជំងឺកូវីដ១៩ខ្ពស់បំផុតរបស់ប្រទេសនេះ។ កាលពីថ្ងៃអង្គារ ទីក្រុងតូក្យូបានរកឃើញករណីឆ្លងថ្មីចំនួន ២៨៤៨ ករណី ដែលបំបែកកំណត់ត្រាខ្ពស់បំផុតកាលពីមករា ហើយធ្វើឱ្យករណីសរុបក្នុងទីក្រុងនេះកើនលើស ២០០.០០០ ករណីចាប់តាំងពីការរីករាលដាលដំបូងកាលពីឆ្នាំមុន។ លោកនាយករដ្ឋមន្ត្រី Yoshihide Suga បានថ្លែងក្នុងសន្និសីទកាសែតមួយថា៖ «ដំបូងបង្អស់ សូមថ្លែងអំណរគុណ ចំពោះការរឹតបន្តឹងចរាចរណ៍លើយានយន្ត និងតាមរយៈវិធានការដូចជាការធ្វើការពីចម្ងាយ (ធ្វើការពីផ្ទះ) ដោយមានការសហការពីសាធារណៈជន លំហូរនិងចរាចរណ៍របស់ប្រជាជន នៅក្នុងទីក្រុងតូក្យូមានការថយចុះ»។ លោក Suga បាននិយាយថាការកើនឡើងដ៏ខ្ពស់នេះ គឺបណ្ដាលមកពីការរីករាលដាលនៃវីរុសកូវីដ១៩បម្លែងដែលតា ហើយលោកក៏បាននិយាយថា៖ «រដ្ឋាភិបាល បានបញ្ជាទិញ ឱសថថ្មីមួយប្រភេទ ដែលអាចកាត់បន្ថយហានិភ័យនៃការឈឺធ្ងន់ធ្ងររហូតដល់ទៅ ៧០ ភាគរយ ហើយយើងអាចបញ្ជាក់បានថាឱសថនេះនឹងត្រូវបានប្រើប្រាស់ជាទូទៅចាប់ពីពេលនេះតទៅ។ ប៉ុន្តែលោកមិនបានកំណត់អត្តសញ្ញាណឱសថនេះទេ។ លោកក៏បាននិយាយថា៖ «ក្នុងករណីណាក៏ដោយ ក្នុងកាលៈទេសៈដូចនេះ ខ្ញុំសូមស្នើឱ្យប្រជាជន ជៀសវាងការចេញទៅក្រៅដោយមិនចាំបាច់ និងប្តូរមកមើលការប្រកួតកីឡាអូឡាំពិក និងប៉ារ៉ាឡាំពិកនៅលើកញ្ចក់ទូរទស្សន៍វិញ» ។ ការចាក់វ៉ាក់សាំងរបស់ ជប៉ុនបានចាប់ផ្ដើមក្នុងល្បឿនយឺត ប៉ុន្តែទើបតែបានកើនឡើងយ៉ាងប្រសើរនៅក្នុងខែឧសភា ដោយសារតែការផ្គត់ផ្គង់វ៉ាក់សាំងមានស្ថិរភាព ហើយរដ្ឋាភិបាលរបស់លោក Suga ក៏បានជំរុញឱ្យប្រជាជនទៅទទួលការចាក់វ៉ាក់សាំងមុនព្រឹត្តិការណ៍កីឡាអូឡាំពិកមកដល់។ ត្រឹមថ្ងៃចន្ទប្រទេសជប៉ុន បានមានករណីឆ្លងសរុប…
-
Blinken ទៅឥណ្ឌាគ្រោងនិយាយរឿងយុទ្ធសាស្ត្រ និងរឿងសិទ្ធិមនុស្ស ខណៈឥណ្ឌាគ្រោងនឹងស្នើឱ្យបើកជើងហោះហើរ
រដ្ឋមន្ត្រីការបរទេសសហរដ្ឋអាមេរិកលោក Anthony Blinken ធ្វើដំណើរទស្សនកិច្ចទៅកាន់រដ្ឋធានីញូដេលី ប្រទេសឥណ្ឌានៅក្នុងថ្ងៃពុធទី ២៨ កក្កដា នេះបើតាមសេចក្ដីប្រកាសព័ត៌មានរបស់ក្រសួងការបរទេសអាមេរិក។ ប្រភពខាងលើបានឱ្យដឹងថាអំឡុងពេលទស្សនកិច្ចនៅឥណ្ឌា លោក Blinken នឹងចូលជួបជាមួយរដ្ឋមន្ត្រីការបរទេសឥណ្ឌាលោក S. Jaishankar ក៏ដូចជាជួបជាមួយនាយករដ្ឋមន្ត្រីឥណ្ឌាលោក Narendra Modi។ អាមេរិកបានរៀបរាប់ថា របៀបវារៈដែលនឹងលើកមកពិភាក្សា នៅពេលដែលលោក Blinken ទៅជួបជាមួយថ្នាក់ដឹកនាំឥណ្ឌាមានដូចជា កិច្ចការឆ្លើយតបនឹងវិបត្តិជំងឺរាតត្បាតសកលកូវីដ១៩ ទំនាក់ទំនងនៅតំបន់ឥណ្ឌូ-ប៉ាស៊ីហ្វិក ផលប្រយោជន៍រួមផ្នែកសន្តិសុខតំបន់ តម្លៃប្រជាធិបតេយ្យ និងចុងក្រោយគឺពិភាក្សាពាក់ព័ន្ធនឹងវិបត្តិអាកាសធាតុ។ ឥណ្ឌា និងសហរដ្ឋអាមេរិកនៅក្នុងបរិបទរដ្ឋបាលលោកប្រធានាធិបតីចូ បៃដិនមានការទាក់ទងគ្នា ហាក់បីជារាងញឹកញាប់។ ក្នុងរយៈពេលតែជាងកន្លះឆ្នាំប៉ុណ្ណោះ ថ្នាក់ដឹកនាំនៃប្រទេសទាំងពីរនេះជួបគ្នាច្រើនដងមកហើយតាំងពីជំនួបមេដឹកនាំ និងជំនួបរដ្ឋមន្ត្រីការបរទេស ហើយឈានទៅដល់រដ្ឋមន្ត្រីការពារជាតិទៀតផង ទាំងក្នុងបែបផែនទ្វេភាគី និងពហុភាគី។ ជំនួបដែលកក្រើកដល់ភូមិសាស្ត្រនយោបាយតំបន់ឥណ្ឌូ-ប៉ាស៊ីហ្វិកគឺ ជំនួបក្រោមក្របខ័ណ្ឌកិច្ចសន្ទនាសន្តិសុខចតុភាគី ដែលហៅកាត់ថា Quad កាលពីខែមីនាកន្លងទៅ ដោយពេលនោះលោកប្រធានាធិបតីអាមេរិកបៃដិន បានជួបជាមួយនាយករដ្ឋមន្ត្រី Modi និងនាយករដ្ឋមន្ត្រីនៃប្រទេសចំនួន ២ទៀតគឺ ជប៉ុន និងអូស្ត្រាលី។ ជំនួបនោះបានបញ្ចេញនូវសេចក្ដីថ្លែងការណ៍រួមមួយជាលើកដំបូង ដោយពិភាក្សាពីការគំរាមកំហែងនានាដល់សន្តិសុខក្នុងតំបន់។ នៅក្នុងអំឡុងទស្សនកិច្ចទៅកាន់ឥណ្ឌា គេមានរំពឹងថា លោក Blinken…
-
តើអ្វីទៅជាវ៉ារ៉្យង់ឡាំដា (Lambda)?
ចាប់តាំងពីមានការរាតត្បាតជំងឺកូវីដ-១៩មក វីរ៉ុស SARS-CoV-2 បានបំលែងខ្លួនជាច្រើនដង និងកាន់តែបង្កើនសមត្ថភាពខ្លួនកាន់តែខ្លាំងឡើង។ បច្ចុប្បន្ន អង្គការសុខភាពពិភពលោក (WHO) បានចាត់ថ្នាក់វ៉ារ៉្យង់បំលែងខ្លួនទាំងនេះជាវ៉ារ៉្យង់គួរឱ្យបារម្ភ ដែលមាន ៤ ថ្នាក់ពោលគឺ ថ្នាក់អាល់ហ្វា (Alpha) បេតា (Beta ) ហ្គាម៉ា (Gamma) និងដែលតា (Delta)។ បន្ថែមពីនេះ ក៏មានវ៉ារ៉្យង់ ៤ ផ្សេងទៀត រួមមាន អេតា (Eta) អាយតា (Iota) កាប៉ា (Kappa) ហើយនិងឡាំដា (Lambda) ដែលត្រូវបានគេកំណត់ថា ជាវ៉ារ្យ៉ង់នៃគួរយកចិត្តទុកដាក់។ ទោះជាយ៉ាងណាក្ដី ក្នុងប៉ុន្មានសប្តាហ៍ថ្មីៗនេះ គេសង្កេតឃើញមានការរីករាលដាលយ៉ាងឆាប់រហ័សនៃវ៉ារ៉្យង់ឡាំដា ដែលត្រូវបានរកឃើញដំបូងនៅក្នុងប្រទេសប៉េរូ និងបានទាក់ទាញចំណាប់អារម្មណ៍អ្នកជំនាញជាច្រើន។ បច្ចុប្បន្ននេះ វ៉ារ៉្យង់នេះកំពុងលេចធ្លោជាងគេនៅក្នុងប្រទេស Andean ដែលបង្កឱ្យមានអត្រាមរណភាព ខ្ពស់ជាងគេបំផុតនៅលើពិភពលោក ខណៈពេលវ៉ារ៉្យង់នេះ បានរីករាលដាលដល់ប្រទេសយ៉ាងហោច ២៨ ប្រទេសផ្សេងទៀត រួមមាន អាហ្សង់ទីន ប្រេស៊ីល កូឡុំប៊ី…
-
ក្រុមហ៊ុន SpaceX ទទួលបានកិច្ចសន្យាដ៏សំខាន់មួយទៀតពីអង្គការ NASA (មានវីដេអូ)
Video: https://fb.watch/70SkjV0eTY/ អន្តរជាតិ៖ បេសសកម្មរបស់អង្គការណាសាក្នុងការរុករកព្រះចន្ទធំបំផុតរបស់ភពព្រហស្បតិ៍បានសម្រេចជាផ្លូវការនូវយានរបស់ខ្លួនទៅអវកាស ។ មន្រ្តីអង្គការ NASA បានឱ្យដឹងថា យានអវកាស Europer Clipper តម្លៃ៤.២៥ប៊ីលានដុល្លារអាមេរិកនឹងបាញ់បង្ហោះរ៉ុក្កែត SpaceX Falcon ធុនធ្ងន់ទៅកាន់ព្រះច័ន្ទរបស់ភពព្រហស្បតិ៍ ដែលមានឈ្មោះថា Europa ជាផ្នែកនៃកិច្ចសន្យាមានតម្លៃប្រហែល ១៧៨លានដុល្លារ ។ ប្រសិនបើអ្វីៗទាំងអស់ត្រូវបានគ្រោងទុកនោះ យាន Clipper នឹងដំណើរការបេស កកម្មរបស់ខ្លួននៅខែតុលា ឆ្នាំ ២០២៤ ពីមជ្ឈមណ្ឌលអវកាស Kennedy របស់ណាសា នៅរដ្ឋ Florida និងទៅដល់ភពព្រហស្បតិ៍ក្នុងខែមេសា ឆ្នាំ ២០៣០ ។ Europa Clipper ត្រូវបានអង្គការណាសាអនុញ្ញាតជាផ្លូវការក្នុងបេសសកម្មទៅកាន់ភពព្រហស្បតិ៍នៅឆ្នាំ ២០១៥ ។ នៅក្នុងដំណើរបេសកកម្មរបស់ខ្លួននេះនឹងរួមបញ្ជូលការអង្កេត និងឆ្លងកាត់ព្រះចន្ទច្រើនដងដែលផ្តល់ឱ្យអ្នកស្រាវជ្រាវក្នុងការស្រាវជ្រាវភពនេះ ។ អ្នកវិទ្យាសាស្ត្រភាគច្រើនជឿថា ភពនេះអាចមាន មហាសមុទ្រនៅក្រោមសំបកទឹកកករបស់ភពនោះ ។ សេចក្តីប្រកាសដែលបានធ្វើឡើងកាលពីថ្ងៃទី២៣ ខែកក្កដា បានបង្ហាញពីជ័យជម្នះសម្រាប់យានអវកាសខណៈបេសកកម្ម Europa Clipper ដែលត្រូវបានជ្រើសយកយាននេះដើម្បីបំពេញបេសកកម្មទៅព្រះច័ន្ទរបស់ភពព្រហស្បតិ៍ ។…
-
អាជ្ញាធរសុខាភិបាលអាមេរិកណែនាំអោយពាក់ម៉ាសវិញ ស្របពេលវីរុសបម្លែងខ្លួនថ្មី Delta កំពុងបង្កការគំរាមកំហែងដល់មនុស្សចាក់វ៉ាក់សាំងរួច (មានវីដេអូ)
អាមេរិក៖ អាជ្ញាធរសុខាភិបាលអាមេរិកបញ្ជាក់ថា ប្រជាជនអាមេរិកដែលទទួលការចាក់វ៉ាក់សាំងពេញលេញ ឬពីរដូស គួរតែពាក់ម៉ាសឡើងវិញនៅតាមទីសាធារណៈនៅក្នុងតំបន់ផ្ទុះករណីឆ្លងជំងឺកូវីដថ្មីៗ ។ ជាមួយគ្នានេះ មជ្ឈមណ្ឌលត្រួតពិនិត្យ និងបង្ការជំងឺឆ្លងអាមេរិក (CDC) ក៏បានធ្វើការណែនាំដល់សិស្ស និងគ្រូបង្រៀនចាប់ពីថ្នាក់មតេយ្យរហូតដល់ថ្នាក់ទី១២ គួរតែពាក់ម៉ាសផងដែរ ទោះបីជាបានចាក់វ៉ាក់សាំងរួចហើយក៏ដោយ ដោយ CDC បានលើកឡើងពីការឆ្លងរីករាលដាលយ៉ាងគំហុក នៃវីរុសកូវីដ១៩បម្លែងខ្លួនថ្មី Delta ដែលមានប្រភពដើមនៅប្រទេសឥណ្ឌា ។ ការណែនាំថ្មីនេះបានគូសបញ្ជាក់ថា នៅក្នុងទីតាំងសាធារណៈដែលបិទជិត មនុស្សគ្រប់គ្នាគួរតែពាក់ម៉ាស ដើម្បីការពារការរីករាលដាលនៃវីរុសកូវីដ១៩បម្លែងខ្លួនថ្មី Delta ។ ម៉ាសបានក្លាយជាបញ្ហានយោបាយមួយនៅក្នុងសហរដ្ឋអាមេរិក ស្ថិតក្រោមរដ្ឋបាលរបស់អតីតប្រធានាធិបតីអាមេរិកលោក ដូណាល់ ត្រាំ ដែលប្រឆាំងនឹងការបង្ខំអោយពាក់ម៉ាស ។ ប៉ុន្តែរដ្ឋបាលថ្មីរបស់លោក ចូ បៃដិន វិញ បានកែតម្រូវអោយយប្រជាជនខ្លួនពាក់ម៉ាសវិញ បន្ទាប់ពីចូលកាន់តំណែងជាប្រធានាធិបតីថ្មីរបស់សហរដ្ឋអាមេរិក ៕ ប្រភព៖ Reuters
-
លោក ចូ បៃដិន កំពុងពិចារណាដាក់កាតព្វកិច្ចចាក់វ៉ាក់សាំង សម្រាប់បុគ្គលិករដ្ឋទាំងអស់ (មានវីដេអូ)
អាមេរិក៖ ប្រធានាធិបតីអាមេរិកលោក ចូ បៃដិន ថ្លែងថា រដ្ឋបាលរបស់លោកបាននិងកំពុងធ្វើការពិចារណាលើកាតព្វកិច្ចមួយ ដែលនឹងទាមទារអោយបុគ្គលិករដ្ឋទាំងអស់ត្រូវទៅចាក់វ៉ាក់សាំងប្រឆាំងនឹងជំងឺកូវីដ១៩ ស្របពេលមានការកើនឡើងយ៉ាងគំហុក នៃការឆ្លងរីករាលដាលវីរុសបម្លែងខ្លួនថ្មី Delta ។ នៅពេលត្រូវបានអ្នកយកព័ត៌មានម្នាក់ សាកសួរថាតើរដ្ឋបាលរបស់លោកកំពុងថ្លឹងថ្លែងលើតម្រូវការបែបនេះដែរឬទេ?នោះ លោក បៃដិន បាននិយាយប្រាប់វិញថា បញ្ហាខាងលើកំពុងស្ថិតក្រោមការពិចារណាក្នុងពេលបច្ចុប្បន្ននេះ ។ កាត្វកិច្ចចាក់វ៉ាក់សាំងសម្រាប់បុគ្គលិកសហព័ន្ធ គឺអាស្រ័យទៅលើអត្រាករណីឆ្លងនៅក្នុងតំបន់ដែលពួកគេរស់នៅ ហើយជម្រើសមួយនេះ ក៏កំពុងស្ថិតនៅក្រោមការពិចារណារបស់លោក ចូ បៃដិន ផងដែរ ។ ទន្ទឹមនេះ សេតវិមានត្រូវបានគេរំពឹងថា អាចនឹងប្រកាសពីការសម្រេចចិត្តចុងក្រោយ បន្ទាប់ពីបញ្ចប់ការត្រួតពិនិត្យ លើគោលនយោបាយនេះទាំងស្រុងនៅក្នុងសប្ដាហ៍នេះ ។ ទិន្នន័យផ្ដល់ដោយការិយាល័យសហព័ន្ធគ្រប់គ្រង និងកញ្ចប់ថវិកាបានអោយដឹងថា កាលពីឆ្នាំ២០២០ បុគ្គលិករដ្ឋាភិបាលសហព័ន្ធអាមេរិកមានច្រើនជាង៤.២លាននាក់នៅទូទាំងប្រទេស ក្នុងនោះរាប់បញ្ចូលទាំងបុគ្គលិក នៅក្នុងវិស័យយោធាផងដែរ ៕ ប្រភព៖ CGTN
-
លោក ចូ បៃដិន ចោទរុស្ស៊ីថា កំពុងព្យាយាមរំខានដល់ដំណើរការបោះឆ្នោតសភាឆ្នាំ ២០២២ តាមរយៈការផ្សព្វផ្សាយ “ព័ត៌មានមិនពិត” (មានវីដេអូ)
អាមេរិក៖ ប្រធានាធិបតីអាមេរិកលោក ចូ បៃដិន បានចោទប្រកាន់សមភាគីរុស្ស៊ីរបស់លោក គឺលោក វ្លាឌីមៀ ពូទីន ជុំវិញការព្យាយាមរំខានដល់ដំណើរការបោះឆ្នោតសភាឆ្នាំ ២០២២ តាមរយៈការផ្សព្វផ្សាយ «ព័ត៌មានមិនពិត» ។អំឡុងដំណើរទស្សនកិច្ចទៅកាន់ការិយាល័យអគ្គនាយក នៃទីភ្នាក់ងារចារកម្មជាតិ ស្ថិតនៅក្បែររដ្ឋធានីវ៉ាស៊ីនតោន លោក បៃដិន បានថ្លែងនៅក្នុងសន្និសីទកាសែតប្រចាំថ្ងៃមួយថា ពិនិត្យមើលអ្វីដែលរុស្ស៊ីកំពុងធ្វើរួចទៅហើយ អំពីការបោះឆ្នោតឆ្នាំ ២០២២ និង “ព័ត៌មានមិនពិត” វាជាការរំលោភលើអធិបតេយ្យភាពរបស់យើង ។ លោក បៃដិន បន្ថែមថា លោក ពូទីន មានបញ្ហាពិតប្រាកដ គាត់កំពុងអង្គុយនៅលើកំពូលនៃសេដ្ឋកិច្ចដែលមានអាវុធនុយក្លេអ៊ែរ ហើយគ្មានអ្វីទៀតទេ ។ គាត់ដឹងថា គាត់ពិតជាមានបញ្ហាពិតប្រាកដ ដែលធ្វើឱ្យគាត់កាន់តែមានគ្រោះថ្នាក់នៅក្នុងទស្សនៈរបស់ខ្ញុំ ។មេដឹកនាំអាមេរិករូបនេះក៏បានបង្ហាញការព្រួយបារម្ភអំពីការកើនឡើងនៃការវាយប្រហារតាមប្រព័ន្ធអ៊ីនធើណិតនាពេលថ្មីៗនេះ រាប់បញ្ចូលទាំងតាមរយៈមេរោគកុំព្យូទ័រប្រភេទចាប់ជំរិត រ៉េនហ្សំវ៊ែរ (ransomware) ដែលជាធម្មតាគេឃើញក្រុម Hacker បានចូលគ្រប់គ្រងទិន្នន័យជនរងគ្រោះ ហើយបន្ទាប់មកទាមទារប្រាក់សម្រាប់ការចូលប្រើវិញ ។ សហរដ្ឋអាមេរិកនឹងរៀបចំការបោះឆ្នោតពាក់កណ្ដាលនារដូវស្លឹកឈើជ្រុះឆ្នាំ ២០២២ ដែលក្នុងនោះអាសនៈទាំងអស់នៅក្នុងសភាតំណាងរាស្រ្ត និងមួយភាគបីនៃអាសនៈព្រឹទ្ធសភា នឹងស្ថិតនៅលើសន្លឹកឆ្នោត ៕ ប្រភព៖ Bangkok Post
-
ប្រាយុទ្ធ៖ កូវីដឆ្លងប្រចាំថ្ងៃជាង១ម៉ឺននាក់នៅថៃ អាចអូសបន្លាយដល់១ខែទៀត
នាយករដ្ឋមន្ត្រីថៃ លោក ប្រាយុទ្ធ ចាន់អូចា បានប៉ាន់ប្រមាណថា ស្ថានភាពតានតឹងនៃជំងឺកូវីដ១៩ ក្នុងប្រទេសនឹងអូសបន្លាយប្រមាណ២សប្តាហ៍ ទៅដល់៤សប្តាហ៍ទៀត នេះបើតាមការអនុរដ្ឋមន្ត្រីសុខាភិបាលថៃ។ លោក Sathit Pitutecha ថា លោកប្រាយុទ្ធបានបង្ហាញពីការប៉ាន់ប្រមាណនេះប្រាប់ទៅអង្គប្រជុំគណៈរដ្ឋមន្ត្រី កាលពីថ្ងៃទី២៧ កក្កដា។ លោកប្រាយុទ្ធបន្ថែមទៀតថា គ្រប់អាជ្ញាធរមានសមត្ថកិច្ចទាំងអស់ត្រូវឲ្យពលរដ្ឋដឹងពីស្ថានភាពពិតនៃបញ្ហាជំងឺកូវីដ១៩ក្នងប្រទេស។ ថៃមានការឆ្លងប្រចាំថ្ងៃ ជាង១ម៉ឺននាក់ ប៉ុន្មានថ្ងៃជាប់ៗគ្នាហើយ ខណៈការស្លាប់ប្រចាំថ្ងៃវិញ ភាគច្រើន លើសពី១០០នាក់៕ ប្រភពពី បាងកកប៉ុស្តិ៍