-
ក្រុងរៀបចំកីឡាTokyo Olympic ស្នើសុំទីតាំងព្យាបាលកូវីដបន្ថែម ខណៈការឆ្លងកើនឡើងខ្លាំង
ទីក្រុងតូក្យូដែលជាម្ចាស់ផ្ទះរៀបចំព្រឹត្តិការណ៍កីឡាអន្តរជាតិ មានអត្តពលិកមកពីរាប់រយប្រទេសចូលរួម បានស្នើឲ្យមានកន្លែងព្យាបាលជំងឺកូវីដ១៩ ជាមួយនឹងគ្រែព្យាបាលបន្ថែមទៀត ខណៈដែលក្រុងមួយនេះកំពុងមានកំណើនឆ្លងកូវីដ១៩ខ្លាំង នេះបើតាមទូរទស្សន៍ ចេញផ្សាយនៅថ្ងៃទី២៧ កក្កដា ២០២១នេះ។ ការឆ្លងប្រចាំថ្ងៃនៅក្រុងនេះ ដែលរកឃើញពីអ្នកទៅចូលរួមមើលព្រឹត្តការណ៍ តូក្យូ ២០២០ បានកើនឡើងទ្វេដង គឺមាន១៤២៩ករណី កាលពីថ្ងៃចន្ទ ម្សិលមិញ ហើយចំនួនឆ្លងជាមធ្យម រយៈពេល៧ថ្ងៃនេះ មានកំណើនប្រមាណ៤១ភាគរយ បើប្រៀបធៀបនឹង១សប្តាហ៍មុន។ ជាមួយនឹងគ្រែព្យាបាលកើនឡើងជាមួយនឹងកំណើនវត្តមានអ្នកជំងឺនោះ ក្រុងតូក្យូមានបំណងបង្កើនគ្រែឲ្យបាន៦៤០៦គ្រែ នៅត្រឹមខែសីហា ខណៈបច្ចុប្បន្ន មាន៥៩៦៧ នេះបើតាមប្រភពដដែល៕ ប្រភពពី CNA
-
អនុប្រធានាធិបតីអាមេរិកអាចទៅវៀតណាម និងសិង្ហបុរី ខែក្រោយ
អនុប្រធានាធិបតីអាមេរិកលោកស្រី Kamala Harris អាចនឹងបំពេញទស្សនកិច្ចនៅវៀតណាម និងសិង្ហបុរី នាខែសីហា ២០២១ខាងមុខនេះ នេះបើតាមប្រភពច្បាស់ការមួយ បញ្ជាក់នាថ្ងៃទី២៦ កក្កដា ចេញផ្សាយដោយទីភ្នាក់ងារព័ត៌មាន VNexpress។ ប្រភពសុំមិនបញ្ចេញឈ្មោះថា ព័ត៌មានលម្អិតនៃដំណើរទស្សនកិច្ចនេះមិនទាន់ត្រូវបានសម្រេចចុងក្រោយនៅឡើយទេ ប៉ុន្តែបញ្ហាជំងឺរាតត្បាតកូវីដ១៩ ទំនងជាប្រធានបទសំខាន់នៃទស្សនកិច្ចនេះ។ លោកស្រី Kamala Harris ថ្មីៗនេះ ទើបបំពេញទស្សនកិច្ចនៅមិចស៊ីកូ និងក្វាតេម៉ាឡា ក្នុងគោលបំណងបន្ថយការធ្វើអន្តោប្រវេសន៍ពីតំបន់ទាំងនោះ។ ក្នុងពេលទស្សនកិច្ច លោកស្រីផ្តោតលើការអភិវឌ្ឍសេដ្ឋកិច្ច អសុវត្ថិភាពអាហារ និងបញ្ហាស្ត្រី៕
-
ថៃបន្តរកឃើញអ្នកឆ្លង Covid-19 ថ្មីៗចំនួន១ម៉ឺន៤ពាន់១៥០ករណី និងស្លាប់១១៨នាក់ទៀតនៅក្នុងថ្ងៃអង្គារនេះ (មានវីដេអូ)
-
វៀតណាមបន្តរកឃើញអ្នកឆ្លង Covid-19 ថ្មីៗចំនួន២ពាន់៧៦២ករណីបន្ថែមទៀតនៅព្រឹកថ្ងៃអង្គារនេះ (មានវីដេអូ)
-
ប្រជាជនជាង១០លាននាក់ក្នុងទីក្រុងហូជីមិញ នឹងស្ថិតក្រោមបម្រាមគោចរដ៏តឹងរ៉ឹងនៅពេលយប់ ខណៈវៀតណាមកំពុងប្រយុទ្ធប្រឆាំងនឹង Covid-19(មានវីដេអូ)
-
ថៃបន្តរកឃើញអ្នកឆ្លង Covid-19 ថ្មីៗចំនួន១ម៉ឺន៤ពាន់១៥០ករណី និងស្លាប់១១៨នាក់ទៀតនៅក្នុងថ្ងៃអង្គារនេះ
ថៃ៖ ក្រសួងសុខាភិបាលថៃ នៅថ្ងៃអង្គារនេះបានបន្តរកឃើញអ្នកឆ្លងជំងឺកូវីដ១៩ថ្មីៗចំនួន១ម៉ឺន៤ពាន់១៥០ករណី និងស្លាប់១១៨នាក់បន្ថែមទៀត នៅក្នុងរយៈពេល២៤ម៉ោងចុងក្រោយនេះ ។ នៅក្នុងចំណោមករណីឆ្លងថ្មីៗទាំងអស់ខាងលើនេះ មាន១ម៉ឺន៣ពាន់៩០៥ករណីជាប្រជាជនទូទៅ និង ២៤៥ករណីទៀតជាអ្នកទោសក្នុងពន្ធនាគារ ។ ហើយនៅក្នុងរយៈពេល២៤ម៉ោងចុងក្រោយនេះដែរ ក៏អ្នកជំងឺកូវីដ១៩ចំនួន៩ពាន់១៦៨នាក់បានជាសះស្បើយ និងត្រូវបានអនុញ្ញាតអោយចាកចេញពីមន្ទីរពេទ្យ ។ ចាប់តាំងពីថ្ងៃទី១ ខែមេសាមក នៅពេលជំងឺកូវីដ១៩រលកទី៣ផ្ទុះឡើង នៅទូទាំងប្រទេសថៃមានអ្នកជំងឺកូវីដ១៩ចំនួន៤៩ម៉ឺន៧ពាន់៩៦៥ករណី ក្នុងនោះមានអ្នកជំងឺ៣២ម៉ឺន៣ពាន់២១៧នាក់បានជាសះស្បើយឡើងវិញ ៕ ប្រភព៖ Bangkok Post
-
វៀតណាមបន្តរកឃើញអ្នកឆ្លង Covid-19 ថ្មីៗចំនួន២ពាន់៧៦២ករណីបន្ថែមទៀតនៅព្រឹកថ្ងៃអង្គារនេះ
វៀតណាម៖ ក្រសួងសុខាភិបាលវៀតណាមនៅព្រឹកថ្ងៃអង្គារនេះ បានរាយការណ៍ពីការរកឃើញអ្នកឆ្លងជំងឺកូវីដ១៩ថ្មីៗចំនួន២ពាន់៧៦២ករណីបន្ថែមទៀតនៅ២១ទីតាំង ។ នៅក្នុងចំណោមករណីឆ្លងថ្មីៗទាំងអស់ខាងលើនេះ មាន១ពាន់៨៤៩ករណីនៅទីក្រុងហូជីមិញ ។ ជាមួយនឹងចំនួនករណីឆ្លងថ្មីៗនេះ វៀតណាមបានកត់ត្រាពីអ្នកជំងឺកូវីដ១៩ចំនួន១០ម៉ឺន៥ពាន់២៨៧ករណីនៅក្នុង៦២ខេត្ត-ក្រុង ចាប់តាំងពីជំងឺកូវីដ១៩រលកថ្មីវាយប្រហារប្រទេសនេះកាលពី៣ខែមុន និង ៥២៤នាក់ស្លាប់ដោយសារជំងឺកូវីដ១៩ ។ ប្រទេសវៀតណាមក៏បានចាក់វ៉ាក់សាំងបង្ការជំងឺកូវីដ១៩ បានជាង៤,៧៤លាននាក់ តែមនុស្សទើបតែ៤២ម៉ឺន៣ពាន់៧១នាក់ប៉ុណ្ណោះបានទទួលការចាក់វ៉ាក់សាំងពេញលេញ ឬពីរដូស ៕ ប្រភព៖ VNExpress
-
ប្រជាជនជាង១០លាននាក់ក្នុងទីក្រុងហូជីមិញ នឹងស្ថិតក្រោមបម្រាមគោចរដ៏តឹងរ៉ឹងនៅពេលយប់ ខណៈវៀតណាមកំពុងប្រយុទ្ធប្រឆាំងនឹង Covid-19
វៀតណាម៖ មនុស្សជាង១០លាននាក់ដែលកំពុងរស់នៅក្នុងទីក្រុងហូជីមិញ នឹងត្រូវដាក់ឱ្យនៅក្រោមបម្រាមគោចរដ៏តឹងរ៉ឹងនៅពេលយប់ ដែលចាប់ពីថ្ងៃចន្ទសប្តាហ៍នេះតទៅ ខណៈដែលវៀតណាមកំពុងប្រយុទ្ធប្រឆាំងនឹងការឆ្លងរាលដាលជំងឺកូវីដ១៩ ។ គិតចាប់ពីថ្ងៃចន្ទសប្តាហ៍នេះតទៅ វិធានការតម្រូវអោយស្ថិតនៅក្នុងផ្ទះដ៏តឹងរ៉ឹង នឹងត្រូវចូលជាធរមានចាប់ពីម៉ោង៦៖០០នាទីល្ងាច រហូតដល់ម៉ោង៦៖០០នាទីព្រឹក ដោយមិនទាន់មានការកំណត់ថាតើវានឹងត្រូវបញ្ចប់នៅពេលណានោះទេ ។ នេះជាវិធានការថ្មីទៀត បន្ថែមពីលើការបិទខ្ទប់ (lockdown) ទីក្រុងហូជីមិញរយៈពេល១៥ថ្ងៃ ដែលត្រូវបានប្រកាសចេញកាលពីចុងសប្តាហ៍មុន ។ គួរកត់សម្គាល់ ក្រោយទទួលបានជោគជ័យក្នុងការទប់ស្កាត់ជំងឺកូវីដ១៩កាលពីឆ្នាំ២០២០ វៀតណាមបាននិងកំពុងកត់ត្រាពីការកើនឡើងនូវករណីឆ្លង និងស្លាប់ ដែលបង្កឡើងដោយវីរុសបម្លែងថ្មី Delta ដែលមានប្រភពដើមនៅឥណ្ឌា ៕ ប្រភព៖ CNA
-
សហរដ្ឋអាមេរិករក្សាការរឹតត្បិតលើការចូលមកប្រទេសខ្លួន ដោយសារតែការកើនឡើងករណីឆ្លងវីរុសបម្លែងខ្លួនថ្មី Delta
អាមេរិក៖ រដ្ឋាភិបាលអាមេរិកនឹងរក្សាការរឹតត្បិតលើការធ្វើដំណើរអន្តរជាតិចូលមកក្នុងប្រទេសរបស់ខ្លួន ដោយទុកចោលសិននូវសម្ពាធរបស់សហភាពអឺរ៉ុប ដោយសារតែការកើនឡើងករណីឆ្លងវីរុសកូវីដ១៩បម្លែងខ្លួនថ្មី Delta នៅក្នុងស្រុក និងក្រៅប្រទេស ។ បច្ចុប្បន្នករណីឆ្លងជំងឺកូវីដ១៩ បានកើនឡើងជាថ្មីម្តងទៀតនៅសហរដ្ឋអាមេរិក ដែលភាគច្រើនគឺដោយសារករណីឆ្លងវីរុសបម្លែងខ្លួនថ្មី Delta ដែលមានប្រភពដើមនៅឥណ្ឌា ក្នុងចំណោមមនុស្សដែលមិនបានចាក់វ៉ាក់សាំង ទោះបីជាវ៉ាក់សាំងអាចរកបានច្រើនហូរហៀរ ។ ជុំវិញបញ្ហានេះដែរ អ្នកនាំពាក្យសេតវិមានលោកស្រី ជេន ផ្សារគី បានប្រាប់អ្នកយកព័ត៌មានថា យើងនឹងរក្សាការរឹតបន្តឹងលើការធ្វើដំណើរដែលមានស្រាប់នៅចំណុចនេះ ហើយថា វីរុសបម្លែងខ្លួនថ្មី Delta ដែលឆ្លងកាន់តែលឿនកំពុងសាយភាយទាំងនៅទីនេះ និងជុំវិញពិភពលោក ។ លោកស្រីបានសង្កត់ធ្ងន់ទៀតថា សេតវិមានបានព្យាករណ៍ថា ករណីឆ្លងជំងឺកូវីដ១៩នឹងបន្តកើនឡើងនៅប៉ុន្មានសប្តាហ៍ខាងមុខទៀត ៕ ប្រភព៖ Bangkok Post
-
អ្នកឆ្លង COVID-19 នៅទូទាំងពិភពលោកកើនឡើងដល់១៩៥លាន៣៤ម៉ឺននាក់ ក្នុងនោះស្លាប់ជាង៤លាន១៨ម៉ឺននាក់ និងជាសះស្បើយ១៧៧លាន១៨ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១៩៥លាន៣៤ម៉ឺន៥ពាន់៧៩១ករណី ក្នុងនោះមានអ្នកជម្ងឺសរុបចំនួន៤លាន១៨ម៉ឺន២ពាន់៨៣១នាក់ស្លាប់ និង ជាសះស្បើយឡើងវិញសរុបចំនួន១៧៧លាន១៨ម៉ឺន២ពាន់៨៤០នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី២៧ ខែកក្កដា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣៥លាន២៨ម៉ឺន៧ពាន់២៦៩នាក់ ស្លាប់ចំនួន៦២ម៉ឺន៧ពាន់៣៩នាក់ និងជាសះស្បើយចំនួន២៩លាន៥៤ម៉ឺន៨ពាន់៤៦៨នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៣១លាន៣៤ម៉ឺន៩ពាន់៧៦៤នាក់ ស្លាប់៤២ម៉ឺន១ពាន់៤១១នាក់ និងជាសះស្បើយ៣០លាន៦១ម៉ឺន៣ពាន់៤៧នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន១៩លាន៧០ម៉ឺន៧ពាន់៦៦២នាក់ ស្លាប់ចំនួន៥៥ម៉ឺន៥៨៦នាក់ និងជាសះស្បើយ១៨លាន៣៩ម៉ឺន៨ពាន់៥៦៧នាក់ ៕ ប្រភព៖ worldometers