-
ប្រទេសអាស៊ាន១នេះទើបឆ្លងកូវីដសរុប ជាង៣០០នាក់
ប្រទេសព្រុយណេ ដែកជាប្រទេសនៃសហគមន៍អាស៊ាន ត្រូវបានចាត់ទុកថាជាប្រទេសជោគជ័យខ្លាំងលើការទប់ស្កាត់ជំងឺកូវីដ១៩ ក្នុងនោះ មានរយៈពេលជាង១ឆ្នាំហើយ ដែលប្រទេសមួយនេះគ្មានឆ្លងក្នុងសហគមន៍សោះ គ្រាន់តែមានករណីវិជ្ជមាននាំចូលពីក្រៅប្រទេសទេ ហើយក៏មិនមានច្រើនដែរ។ មកទល់ពេលនេះ ប្រទេសព្រុយណេមានករណីឆ្លងសរុបប្រមាណជាង៣០០នាក់ប៉ុណ្ណោះ។ នៅថ្ងៃទី២៧ កក្កដា ២០២១នេះ ប្រទេសព្រុយណេបានរាយការណ៍ពីករណីវិជ្ជមានកូវីដ១៩ ចំនួន១២ករណី។ ទោះត្រូវបានចាត់ទុកថា ជាករណីវិជ្ជមានប្រចាំថ្ងៃដ៏ខ្ពស់ក៏ពិតមែន តែសុទ្ធតែជាករណីនាំចូលពីក្រៅប្រទេសដដែល។ នៅក្នុងរយៈពេលជាង ១ឆ្នាំមកនេះ ប្រទេសព្រុយណេទទួលបានជោគជ័យយ៉ាងពេញលេញក្នុងការទប់ស្កាត់ការឆ្លងចូលក្នុងសហគមន៍ ដោយសារតែរាជរដ្ឋាភិបាលប្រទេសនេះបានអនុវត្តវិធានការនានា ដូចជា ការហាត់ឃាត់ការធ្វើដំណើរ ការធ្វើចត្តាឡីស័ក ការធ្វើតេស្តរកមេរោគ និងការជួបជុំដែលមិនមានមនុស្សច្រើន ជាដើម។ គិតត្រឹមព្រឹកថ្ងៃទី២៧ កក្កដា ២០២១ ព្រុយណេមានករណីវិជ្ជមានកូវីដ១៩ សរុបចំនួន ៣៣៣នាក់ ស្លាប់មនុស្ស៣នាក់ប៉ុណ្ណោះ៕
-
អនុរដ្ឋលេខាធិការអាមេរិក ប្តេជ្ញាដាក់កម្រិតលើការពង្រីកនុយក្លេអ៊ែររុស្ស៊ី និងចិន
យោងតាមសេចក្តីប្រកាសមួយនៅលើ Twitter បានឱ្យដឹងថា អនុរដ្ឋលេខាធិការអាមេរិកសម្រាប់ការគ្រប់គ្រងអាវុធ និងសន្តិសុខអន្តរជាតិ ដែលត្រូវបានតែងតាំងថ្មីលោកស្រី Bonnie Jenkins ប្តេជ្ញាចិត្តក្នុងការកំណត់ការពង្រីកនុយក្លេអ៊ែររបស់រុស្ស៊ី និងចិន។ សេចក្តីថ្លែងការណ៍នោះ លោកស្រីបានសរសេរថា៖ «ខ្ញុំពិតជាចង់ធ្វើវាឱ្យលឿនណាស់។ អ្នកទាំងអស់គ្នានឹងឮព័ត៌មានពីខ្ញុំបន្ថែមទៀតក្នុងពេលឆាប់ៗ។ ខ្ញុំប្តេជ្ញាកាត់បន្ថយហានិភ័យនៃសង្គ្រាមនុយក្លេអ៊ែរ ដោយការគ្រប់គ្រងអាវុធប្រកបដោយប្រសិទ្ធភាព កំណត់ការពង្រីកអាវុធនុយក្លេអ៊ែររបស់រុស្ស៊ី និងពង្រឹងដល់ជីវភាព និងការទទួលខុសត្រូវ ចំពោះការប្រើប្រាស់អាវុធគីមី»។ ប្រភពដដែលបានឱ្យដឹងថា សហរដ្ឋអាមេរិក ត្រូវតែពង្រឹងសម្ព័ន្ធភាពអឺរ៉ុប – អាត្លង់ទិក និងឥណ្ឌូ – ប៉ាស៊ីហ្វិក ដើម្បីការពារ និងប្រឆាំងនឹងការគំរាមកំហែងកាន់តែខ្លាំងឡើង។ ហើយអាមេរីកក៏ត្រូវអភិវឌ្ឍ និងពង្រឹងបទដ្ឋាននៃឥរិយាបទប្រកបដោយការទទួលខុសត្រូវក្នុងលំហ និងការផ្សាភ្ជាប់ជាមួយបច្ចេកវិទ្យា ដែលកំពុងលេចចេញ និងគំរាមកំហែងដល់យុទ្ធសាស្ត្រស្ថិរភាព។ នៅថ្ងៃទី ២៨ ខែកក្កដា ទីក្រុងហ្សឺណែវនឹងធ្វើជាម្ចាស់ផ្ទះនៃការពិគ្រោះយោបល់ថ្មីរវាងរុស្ស៊ី និងអាមេរិកស្តីពីយុទ្ធសាស្ត្រស្ថិរភាព។ គណៈប្រតិភូរុស្ស៊ី នឹងដឹកនាំដោយអនុរដ្ឋមន្រ្តីក្រសួងការបរទេសលោក Sergei Ryabkov និងសហរដ្ឋអាមេរិក ដោយអនុរដ្ឋលេខាធិការ Wendy Sherman ។ ប្រតិភូអាមេរិកក៏នឹងចូលរួមផងដែរ រួមមានទាំងលោកស្រី Jenkins ។ លោក Ryabkov…
-
ឥណ្ឌូនេស៊ីបន្តវិធានការទប់ស្កាត់ជំងឺកូវីដ១៩ រយៈពេលមួយសប្ដាហ៍ទៀត ប៉ុន្តែមានការបន្ធូរបន្ថយជាងមុនខ្លះ
ឥណ្ឌូនេស៊ីបន្តវិធានការទប់ស្កាត់ជំងឺកូវីដ-១៩ រយៈពេលមួយសប្ដាហ៍ទៀត ដែលមានសុពលភាពរហូតដល់ថ្ងៃទី២ ខែសីហាខាងមុខនេះ ប៉ុន្តែវិធានការដាក់ចេញលើកចុងក្រោយនេះ មានលក្ខណៈបន្ធូរបន្ថយជាងមុនឆ្ងាយ។ លោក Joko Widodo ប្រធានាធិបតីឥណ្ឌូនេស៊ីបានលើកឡើងថា វិធានការទប់ស្កាត់ជំងឺកូវីដ១៩នៅប្រទេសអាស៊ីអាគ្នេយ៍ដីកោះនេះ នឹងមានការកែសម្រួលមួយចំនួន ដោយផ្សារប្រពៃណី និងភោជនីយដ្ឋានមួយចំនួនអាចឱ្យបើកវិញបាន ជាមួយនឹងបទបញ្ជាមួយចំនួនដូចជា អតិថិជនមានពេលតែ ២០នាទីប៉ុណ្ណោះក្នុងការទទួលទានអាហារ។ ជំនួញមួយចំនួនដូចជា កន្លែងជួសជុលយានយន្តត្រូវបានអនុញ្ញាតឱ្យបើកវិញផងដែរ។ យោងតាមការលើកឡើងរបស់ទេសរដ្ឋមន្ត្រីទទួលបន្ទុកលើកិច្ចការប្រយុទ្ធប្រឆាំងជំងឺកូវីដ១៩ លោក Luhut Pandjaitan បានឱ្យដឹងថា វិធានការឆ្លើយតបនេះនឹងដាក់ទៅលើកោះជ្វា និងកោះបាលី ដោយរាប់បញ្ចូលទាំងរដ្ឋធានីហ្សាការតា។ បុគ្គលិកដែលធ្វើការនៅផ្នែកណា ដែលមិនចាំបាច់ ត្រូវបន្តធ្វើការពីផ្ទះដដែល ខណៈការពាក់ម៉ាសនៅទីសាធារណៈជាកាតព្វកិច្ចចាំបាច់។ ការធ្វើដំណើរឆ្លងកាត់ខេត្ត-ក្រុង នៅតែរឹតត្បិត។ យ៉ាងណាមិញ នៅតំបន់ដែលមានស្ថានភាពធូរស្រាល វិធានការនឹងបន្ធូរបន្ថយទៅតាមនោះ។ ឥណ្ឌូនេស៊ីកាលពីសប្ដាហ៍មុនមានករណីថ្មីប្រចាំថ្ងៃជាមធ្យមប្រមាណ ៤ម៉ឺនករណី តែអ្នកស្លាប់វិញនៅមានកម្រិតខ្ពស់ ដោយថ្ងៃខ្លះមានដល់ទៅជាង ១ ៥០០នាក់ក្នុងមួយថ្ងៃ៕ ប្រភព៖ Reuters
-
សហរដ្ឋអាមេរិកនឹងបន្តការវាយប្រហារតាមអាកាស ដើម្បីជួយអាហ្វហ្គានីស្ថាន ទប់ស្កាត់តាលីបង់
កាលពីអាទិត្យនេះ មេបញ្ជាការសហរដ្ឋអាមេរិកប្រចាំមជ្ឈិមបូព៌ាបាននិយាយថាសហរដ្ឋអាមេរិកនឹងបន្តការវាយប្រហារតាមអាកាសដើម្បីកងយោធាអាហ្វហ្គានីស្ថានក្នុងការទប់ស្កាត់ការវាយប្រហាររបស់ក្រុមឧទ្ទាមតាលីបង់។ តាលីបង់បានបង្កើនការវាយលុករបស់ខ្លួននៅក្នុងប៉ុន្មានសប្តាហ៍ថ្មីៗនេះ ដោយដណ្ដើមយកតំបន់ជនបទ និងទីរួមខេត្តជាច្រើន បន្ទាប់ពីប្រធានាធិបតីអាមេរិកលោកចូ បៃដិនបានបញ្ជាឱ្យដកកងទ័ពអាមេរិកចេញពីអាហ្វហ្គានីស្ថាន។ មេបញ្ជាការបញ្ជាការដ្ឋានមជ្ឈិមបូព៌ានាយឧត្ដមសេនីយ៍ Kenneth McKenzie បាននិយាយថា៖ «សហរដ្ឋអាមេរិកបានបង្កើនការវាយប្រហារតាមអាកាសក្នុងការគាំទ្រដល់កងកម្លាំងអាហ្វហ្គានីស្ថានក្នុងរយៈពេលប៉ុន្មានថ្ងៃចុងក្រោយនេះហើយយើងបានត្រៀមខ្លួនដើម្បីបន្តការគាំទ្រកម្រិតខ្ពស់នេះនៅក្នុងប៉ុន្មានសប្ដាហ៍ខាងមុខ ប្រសិនបើតាលីបង់នៅតែបន្តការវាយប្រហាររបស់ពួកគេ»។ ប៉ុន្តែលោកមិនបានបញ្ជាក់ថាសហរដ្ឋអាមេរិកនឹងបន្តជួយធ្វើការវាយប្រហារទាំងនេះបន្ទាប់ពីការដកខ្លួនទាំងស្រុងរបស់កងទ័ពអាមេរិកទេ។ បន្ទាប់ការបាត់បង់ដែនដីជនបទជាច្រើន រដ្ឋាភិបាលអាហ្វហ្គានីស្ថានគឺកំពុងផ្លាស់ប្ដូរយុទ្ធសាស្ត្រ មកផ្ដោតកម្លាំងលើការការពារតំបន់សំខាន់ដូចជារដ្ឋធានីកាប៊ុល ច្រកព្រំដែន ហេដ្ឋារចនាសម្ព័ន្ធសំខាន់ៗវិញ រដ្ឋមន្ត្រីក្រសួងការពារជាតិសហរដ្ឋអាមេរិកលោក Lloyd Austin បាននិយាយកាលពីថ្ងៃសៅរ៍ថាការងារដំបូងរបស់កងកម្លាំងសន្តិសុខអាហ្វហ្គានីស្ថាន គឺដើម្បីធ្វើឱ្យប្រាកដថាពួកគេអាចបន្ថយសន្ទុះរបស់តាលីបង់មុនពេលការចូលកាន់កាប់ទឹកដីវិញ៕ ប្រភព៖ Reuters
-
សន្ទុះនៃការគាំទ្រលោកនាយករដ្ឋមន្ត្រីជប៉ុន Suga ធ្លាក់ចុះ ខណៈការប្រកួតកីឡាអូឡាំពិកចាប់ផ្ដើម
សន្ទុះនៃការគាំទ្ររបស់លោកនាយករដ្ឋមន្ត្រីជប៉ុន Yoshihide Suga បានធ្លាក់ចុះ ខណៈព្រឹត្តិការណ៍ប្រកួតកីឡាអូឡាំពិកនៅរាជធានីតូក្យូបានចាប់ផ្ដើម នេះបើតាមការធ្វើប្រជាមតិវាយតម្លៃសមត្ថភាពដឹកនាំ ដោយសារព័ត៌មាន Nikkei។ យោងតាមប្រភពខាងលើបានឱ្យដឹងថា អត្រានៃការគាំទ្រលោក Suga បានធ្លាក់ចុះសល់តែ ៣៤% ខណៈអត្រាកាលពីខែមិថុនាមានរហូតដល់ទៅ ៤៣% ដោយអត្រានេះជាភាគរយទាបបំផុត គិតចាប់ពីបុរសវ័យ ៧២ឆ្នាំរូបនេះឡើងកាន់តំណែង កាលពីខែកញ្ញា ឆ្នាំ២០២០កន្លងទៅ។ បើតាមការធ្វើប្រជាមតិដោយ Nikkei បានឱ្យដឹងថា មូលហេតុចម្បងដែលធ្វើឱ្យធ្លាក់ចុះការគាំទ្រនេះគឺ ដោយសារតែ «កង្វះភាពដឹកនាំ» និង «ការគ្រប់គ្រងរដ្ឋាភិបាល និងគណបក្សមិនបានល្អ»។ ក្នុងនោះដែរ ប្រមាណ ២/៣ នៃអ្នកចូលរួមការធ្វើប្រជាមតិនេះយល់ថា យុទ្ធនាការចាក់វ៉ាក់សាំងនៅជប៉ុនហាក់បីដូចជាមិនសូវល្អប៉ុន្មាននោះទេ។ ការចាក់វ៉ាក់សាំងនៅប្រទេសជប៉ុន មានភាពយឺតយ៉ាវ ដោយសារតែចាប់ផ្ដើមយឺត និងការផ្គត់ផ្គង់មិនទាន់ពេលវេលា។ លោក Suga បានឡើងកាន់តំណែងកាលពីឆ្នាំ២០២០ ដោយជំនួសលោក Shinzo Abe ដែលលាលែងតំណែងដោយសារបញ្ហាសុខភាព។ យ៉ាងណាមិញ អាណត្តិជាប្រធានគណបក្សកាន់អំណាច ប្រជាធិបតេយ្យសេរី (LDP) នឹងផុតកំណត់នៅខែកញ្ញានេះ ខណៈការបោះឆ្នោតសភាជាន់ទាបដ៏មានឥទ្ធិពលនៅជប៉ុន នឹងប្រព្រឹត្តនៅខែវិច្ឆិកា។ បេក្ខភាពនាយករដ្ឋមន្ត្រី ដែលនាំមុខគេនៅក្នុងការធ្វើប្រជាមតិ Nikkei…
-
វៀតណាម៖ ការបរិច្ចាគវ៉ាក់សាំងសហរដ្ឋអាមេរិកបន្ថែមទៀត ត្រូវរំពឹងទុកបន្ទាប់ពីការបរិច្ចាគ ៥ លានដូស
កាលពីថ្ងៃអាទិត្យ ទី២៥កក្កដា ឯកអគ្គរដ្ឋទូតវៀតណាមប្រចាំនៅសហរដ្ឋអាមេរិក ថាក្រុងវ៉ាស៊ីនតោន កំពុងពិចារណាក្នុងការផ្តក់វ៉ាក់សាំងបង្ការជំងឺកូវីដ១៩បន្ថែមទៀតដល់ក្រុងហាណូយខណៈពេលដែលប្រទេសអាស៊ីអាគ្នេយ៍មួយនេះ កំពុងតែព្យាយាមគ្រប់គ្រងការផ្ទុះឡើងនៃការរីករាលដាលយ៉ាងឆាប់រហ័សនៃវីរុសកូរ៉ូណាបម្លែងដែលតា។ បន្ទាប់ពីទប់ស្កាត់ ការឆ្លងជំងឺកូវីដ១៩ ដោយជោគជ័យសម្រាប់កាលពីពេលមុនៗ ពេលនេះ ប្រទេសវៀតណាមកំពុងប្រឈមមុខនឹងការផ្ទុះឡើងនៃការឆ្លងយ៉ាងឆាប់រហ័ស ដោយករណីប្រចាំថ្ងៃបានកើនឡើងខ្ពស់ជាថ្មីម្តងទៀត។ កាលពីថ្ងៃអាទិត្យប្រទេសវៀតណាម បានទទួលវ៉ាក់សាំងModerna ចំនួន ៣ លានដូសពីអាមេរិកតាមរយៈកម្មវិធី COVAX ធ្វើឱ្យចំនួនសរុបនៃវ៉ាក់សាំងវៀតណាមទទួលពីអាមេរិកកើនឡើងដល់ ៥ លានដូស។ លោក ឯកអគ្គរដ្ឋទូត Ha Kim Ngoc បានមាននិយាយថា៖ «ភាគីអាមេរិក បាននិយាយថាខ្លួនកំពុងពិចារណា លើការបរិច្ចាគវ៉ាក់សាំងបន្ថែមទៀត ដល់ប្រទេសវៀតណាមក្នុងពេលឆាប់ៗនេះ» ។ ក្រសួងការបរទេសវៀតណាម បាននិយាយនៅថ្ងៃព្រហស្បតិ៍នេះថាពួកគេ កំពុងពិភាក្សាជាមួយ សហរដ្ឋអាមេរិក អំពីការផលិតវ៉ាក់សាំងប្រភេទ mRNA នៅក្នុងប្រទេសវៀតណាម ដោយបន្ថែមថាផលិតកម្មអាចចាប់ផ្ដើមនៅត្រីមាសទី ៤ ឆ្នាំនេះឬដើមឆ្នាំ ២០២២ ។ ក្រសួងការបរទេស មិនបានកំណត់អត្តសញ្ញាណ ក្រុមហ៊ុនអាមេរិកនិងក្រុមហ៊ុនវៀតណាមដែលបានចូលរួមនៅក្នុងកិច្ចពិភាក្សានោះទេ។ កាលពីថ្ងៃសៅរ៍ក្រសួងសុខាភិបាលវៀតណាម បានរាយការណ៍ថា មានអ្នកឆ្លងដល់ទៅ ៧.៩៦៨ នាក់កាលពីថ្ងៃសៅរ៍ ដែលជាការកើនឡើងប្រចាំថ្ងៃខ្ពស់បំផុត។ ប្រភព៖ CNA
-
សហរដ្ឋអាមេរិកនឹងបន្តការវាយប្រហារតាមអាកាសដើម្បីជួយអាហ្វហ្គានីស្ថានទប់ស្កាត់តាលីបង់
សុខ វេងឈាង កាលពីអាទិត្យនេះ មេបញ្ជាការសហរដ្ឋអាមេរិកប្រចាំមជ្ឈិមបូព៌ាបាននិយាយថាសហរដ្ឋអាមេរិកនឹងបន្តការវាយប្រហារតាមអាកាសដើម្បីកងយោធាអាហ្វហ្គានីស្ថានក្នុងការទប់ស្កាត់ការវាយប្រហាររបស់ក្រុមឧទ្ទាមតាលីបង់។ តាលីបង់បានបង្កើនការវាយលុករបស់ខ្លួននៅក្នុងប៉ុន្មានសប្តាហ៍ថ្មីៗនេះ ដោយដណ្ដើមយកតំបន់ជនបទ និងទីរួមខេត្តជាច្រើន បន្ទាប់ពីប្រធានាធិបតីអាមេរិកលោកចូ បៃដិនបានបញ្ជាឱ្យដកកងទ័ពអាមេរិកចេញពីអាហ្វហ្គានីស្ថាន។ មេបញ្ជាការបញ្ជាការដ្ឋានមជ្ឈិមបូព៌ានាយឧត្ដមសេនីយ៍ Kenneth McKenzie បាននិយាយថា៖ «សហរដ្ឋអាមេរិកបានបង្កើនការវាយប្រហារតាមអាកាសក្នុងការគាំទ្រដល់កងកម្លាំងអាហ្វហ្គានីស្ថានក្នុងរយៈពេលប៉ុន្មានថ្ងៃចុងក្រោយនេះហើយយើងបានត្រៀមខ្លួនដើម្បីបន្តការគាំទ្រកម្រិតខ្ពស់នេះនៅក្នុងប៉ុន្មានសប្ដាហ៍ខាងមុខ ប្រសិនបើតាលីបង់នៅតែបន្តការវាយប្រហាររបស់ពួកគេ»។ ប៉ុន្តែលោកមិនបានបញ្ជាក់ថាសហរដ្ឋអាមេរិកនឹងបន្តជួយធ្វើការវាយប្រហារទាំងនេះបន្ទាប់ពីការដកខ្លួនទាំងស្រុងរបស់កងទ័ពអាមេរិកទេ។ បន្ទាប់ការបាត់បង់ដែនដីជនបទជាច្រើន រដ្ឋាភិបាលអាហ្វហ្គានីស្ថានគឺកំពុងផ្លាស់ប្ដូរយុទ្ធសាស្ត្រ មកផ្ដោតកម្លាំងលើការការពារតំបន់សំខាន់ដូចជារដ្ឋធានីកាប៊ុល ច្រកព្រំដែន ហេដ្ឋារចនាសម្ព័ន្ធសំខាន់ៗវិញ រដ្ឋមន្ត្រីក្រសួងការពារជាតិសហរដ្ឋអាមេរិកលោក Lloyd Austin បាននិយាយកាលពីថ្ងៃសៅរ៍ថាការងារដំបូងរបស់កងកម្លាំងសន្តិសុខអាហ្វហ្គានីស្ថាន គឺដើម្បីធ្វើឱ្យប្រាកដថាពួកគេអាចបន្ថយសន្ទុះរបស់តាលីបង់មុនពេលការចូលកាន់កាប់ទឹកដីវិញ៕ Source: https://www.reuters.com/world/asia-pacific/us-offers-further-air-support-afghan-troops-amid-taliban-offensive-2021-07-25/
-
វិបត្តិកង្វះទឹកនៅតែបន្តកើតមាននៅអ៊ីរ៉ង់ ខណៈប្រជាពលរដ្ឋបាតុកម្មពេញរដ្ឋធានី
ការតវ៉ា និងអំពើហឹង្សាតាមដងផ្លូវស្តីពីកង្វះទឹកនៅភាគនិរតីអ៊ីរ៉ង់បានបន្តអស់រយៈពេល៦យប់ហើយ ខណៈពេលប្រជាពលរដ្ឋនៅរដ្ឋធានីតេអេរ៉ង់ បានស្រែកពាក្យស្លោកប្រឆាំងនឹងរដ្ឋាភិបាលទាមទារដំណោះស្រាយ។ នេះបើយោងតាមវីដេអូ ដែលបានផ្សព្វផ្សាយនៅលើបណ្តាញសង្គមនៅថ្ងៃពុធសប្ដាហ៍មុន និងបណ្តាញព័ត៌មានអ៊ីរ៉ង់។ វីដេអូជាច្រើនត្រូវបានបង្ហោះដោយអ្នកប្រើបណ្តាញសង្គម បានបង្ហាញពីកម្លាំងសន្តិសុខ ប្រើឧស្ម័នបង្ហូរទឹកភ្នែក ដើម្បីបំបែកក្រុមអ្នកតវ៉ា ហើយទីភ្នាក់ងារព័ត៌មានពាក់កណ្តាលផ្លូវការហៅថា Fars ហៅសកម្មភាពនេះថាជា «សកម្មភាពកុបកម្ម» ដោយប៉ូលីសម្នាក់ត្រូវបានគេបាញ់សម្លាប់ និងម្នាក់ទៀតរងរបួសនៅក្នុងទីក្រុងកំពង់ផែ Mahshahr ក្នុងខេត្ត Khuzestan ដែលជាតំបន់កង្វះទឹកដ៏អាក្រក់បំផុត។ កម្លាំងសន្តិសុខបានពង្រឹងវត្តមានរបស់ពួកគេនៅក្នុងទីក្រុងតេអេរ៉ង់ នៅទីលាន Azadi នៃរដ្ឋធានី។នៅពេលយប់មនុស្សមួយចំនួននៅក្នុងរដ្ឋធានី បានបញ្ចេញកំហឹងរបស់ពួកគេ ដោយស្រែកប្រឆាំងនឹងមេដឹកនាំកំពូល Ayatollah Ali Khamenei។ មានយុវជនយ៉ាងហោចណាស់ពីរនាក់ ត្រូវបានបាញ់សម្លាប់នៅក្នុងការតវ៉ានេះ។ មន្ត្រីប៉ូលីសបានស្តីបន្ទោសក្រុមបាតុករប្រដាប់អាវុធ ប៉ុន្តែក្រុមសកម្មជនបាននិយាយនៅលើបណ្តាញសង្គមថា ពួកគេក៏ត្រូវបានសម្លាប់ដោយកម្លាំងសន្តិសុខដែរ។ គួរបញ្ជាក់ផងដែរថា ប្រទេសអ៊ីរ៉ង់កំពុងប្រឈមមុខនឹងគ្រោះរាំងស្ងួតដ៏អាក្រក់បំផុតរបស់ខ្លួនក្នុងរយៈពេល ៥០ ឆ្នាំ ហើយវិបត្តិកង្វះទឹកនេះ បានជះឥទ្ធិពលដល់គ្រួសារកសិកម្ម និងការចិញ្ចឹមសត្វ និងបណ្តាលឱ្យដាច់ចរន្តអគ្គិសនីទៀតផង។ យ៉ាងហោចណាស់មានការតវ៉ាចំនួន ៣១ នៅទូទាំងប្រទេសអ៊ីរ៉ង់នៅថ្ងៃ ច័ន្ទ និងថ្ងៃ អង្គារសប្ដាហ៌មុន រួមទាំងការប្រមូលផ្តុំគ្នា ដោយកម្មករ និងកសិករផងដែរ។ ប្រព័ន្ធផ្សព្វផ្សាយរដ្ឋ ពាក់កណ្តាលផ្លូវការ ISNA…
-
ពូទីន៖ កងទ័ពជើងទឹករុស្សីអាចធ្វើ «ការវាយប្រហារមិនអាចទប់ស្កាត់បាន» ប្រសិនបើចាំបាច់
កាលពីថ្ងៃអាទិត្យនេះ ប្រធានាធិបតីរុស្សីលោក វ្លាឌីមៀ ពូទីន និយាយថាកងទ័ពជើងទឹករុស្សីអាចរកឃើញគ្រប់សត្រូវ ហើយធ្វើ «ការវាយប្រហារមិនអាចទប់ស្កាត់បាន» ប្រសិនចាំបាច់ ដោយការលើកឡើងបែបនេះធ្វើឡើងប៉ុន្មានសប្ដាហ៍បន្ទាប់ពីការប្រឈមមុខជាមួយនាវាចម្បាំងអង់គ្លេសនៅដែនសមុទ្រឧបទ្វីបគ្រីមៀរ។ ថ្លែងក្នុងពិធីគម្រប់ខួបកងទ័ពជើងទឹករុស្សី លោកពូទីនបាននិយាយថា៖ «យើងមានសមត្ថភាពក្នុងការរាវរកសត្រូវនៅក្រោមទឹក នៅលើទឹក និងនៅលើអាកាស ហើយប្រសិនបើចាំបាច់ ធ្វើការវាយប្រហារមិនអាចទប់ស្កាត់បាន»។ ការលើកឡើងរបស់លោកពូទីន ធ្វើឡើងបន្ទាប់ពីមានការប្រឈមមុខជាមួយនាវាចម្បាំងអង់គ្លេស HMS Defender ដែលរុស្សីបានអះអាងថាខ្លួនបានធ្វើការបាញ់ព្រមានទៅលើ ដើម្បីបណ្ដេញនាវានេះចេញពីដែនទឹកឧបទ្វីបគ្រីមៀរ។ រុស្សី បានកាត់យកឧបទ្វីបគ្រីមៀរពីប្រទេសអ៊ុយក្រែនកាលពីឆ្នាំ២០១៤ ប៉ុន្តែអង់គ្លេស និងបណ្ដាប្រទេសលោកខាងលិចមិនទទួលស្គាល់ការកាត់យកនេះទេ ហើយនៅមានជំហរថាឧបទ្វីបគ្រីមៀរគឺជារបស់អ៊ុយក្រែន៕ ប្រភព៖ CNBC
-
ឥណ្ឌូនេស៊ីបន្តវិធានការទប់ស្កាត់ជំងឺកូវីដ១៩ រយៈពេលមួយសប្ដាហ៍ទៀត ប៉ុន្តែមានការបន្ធូរបន្ថយជាងមុនខ្លះ
ហ៊ីម រដ្ឋា ឥណ្ឌូនេស៊ីបន្តវិធានការទប់ស្កាត់ជំងឺកូវីដ-១៩ រយៈពេលមួយសប្ដាហ៍ទៀត ដែលមានសុពលភាពរហូតដល់ថ្ងៃទី២ ខែសីហាខាងមុខនេះ ប៉ុន្តែវិធានការដាក់ចេញលើកចុងក្រោយនេះ មានលក្ខណៈបន្ធូរបន្ថយជាងមុនឆ្ងាយ។ លោក Joko Widodo ប្រធានាធិបតីឥណ្ឌូនេស៊ីបានលើកឡើងថា វិធានការទប់ស្កាត់ជំងឺកូវីដ១៩នៅប្រទេសអាស៊ីអាគ្នេយ៍ដីកោះនេះ នឹងមានការកែសម្រួលមួយចំនួន ដោយផ្សារប្រពៃណី និងភោជនីយដ្ឋានមួយចំនួនអាចឱ្យបើកវិញបាន ជាមួយនឹងបទបញ្ជាមួយចំនួនដូចជា អតិថិជនមានពេលតែ ២០នាទីប៉ុណ្ណោះក្នុងការទទួលទានអាហារ។ ជំនួញមួយចំនួនដូចជា កន្លែងជួសជុលយានយន្តត្រូវបានអនុញ្ញាតឱ្យបើកវិញផងដែរ។ យោងតាមការលើកឡើងរបស់ទេសរដ្ឋមន្ត្រីទទួលបន្ទុកលើកិច្ចការប្រយុទ្ធប្រឆាំងជំងឺកូវីដ១៩ លោក Luhut Pandjaitan បានឱ្យដឹងថា វិធានការឆ្លើយតបនេះនឹងដាក់ទៅលើកោះជ្វា និងកោះបាលី ដោយរាប់បញ្ចូលទាំងរដ្ឋធានីហ្សាការតា។ បុគ្គលិកដែលធ្វើការនៅផ្នែកណា ដែលមិនចាំបាច់ ត្រូវបន្តធ្វើការពីផ្ទះដដែល ខណៈការពាក់ម៉ាសនៅទីសាធារណៈជាកាតព្វកិច្ចចាំបាច់។ ការធ្វើដំណើរឆ្លងកាត់ខេត្ត-ក្រុង នៅតែរឹតត្បិត។ យ៉ាងណាមិញ នៅតំបន់ដែលមានស្ថានភាពធូរស្រាល វិធានការនឹងបន្ធូរបន្ថយទៅតាមនោះ។ ឥណ្ឌូនេស៊ីកាលពីសប្ដាហ៍មុនមានករណីថ្មីប្រចាំថ្ងៃជាមធ្យមប្រមាណ ៤ម៉ឺនករណី តែអ្នកស្លាប់វិញនៅមានកម្រិតខ្ពស់ ដោយថ្ងៃខ្លះមានដល់ទៅជាង ១ ៥០០នាក់ក្នុងមួយថ្ងៃ៕ ប្រភព៖ Asian COVID epicentre of Indonesia extends curbs by a week…