-
ការបើកអង្គប្រជុំលើកដំបូងរបស់សភាម៉ាឡេស៊ីនៅឆ្នាំនេះដោយទុកចន្លោះតិចតួចសម្រាប់ការតស៊ូមតិ
កាលពីថ្ងៃចន្ទនេះ សភាប្រទេសម៉ាឡេស៊ី បានបើកអង្គប្រជុំជាលើកដំបូងក្នុងឆ្នាំ ខណៈពេលដែលមានការមិនជឿទុកចិត្តថាសម័យប្រជុំពិសេសរយៈពេល៥ថ្ងៃនេះនឹងផ្ដល់នូវការតស៊ូមតិធំដុំទៅលើវិបត្តិសុខភាព ឬសេដ្ឋកិច្ចកំពុងធ្លាក់ចុះរបស់ប្រទេសនេះ។ លោកនាយករដ្ឋមន្ត្រី Muhyiddin Yassin កាលពីដើមខែនេះ បានឯកភាព បើកអង្គប្រជុំសភាសារជាថ្មី បន្ទាប់ពីមានសម្ពាធពីព្រះមហាក្សត្រស៊ុលតង់ អាប់ឌុលឡាអាម៉ាត់សាហ៍ ខណៈស្ថានភាពជំងឺកូវីដ១៩នៅក្នុងប្រទេស កាន់តែដុនដាបទៅៗ។ សភាម៉ាឡេស៊ីត្រូវបានព្យួរជាបណ្ដោះអាសន្នចាប់តាំងពីការប្រកាសដាក់ប្រទេសក្នុងភាពអាសន្នកាលពីខែ មករាដើម្បីដោះស្រាយ ការឆ្លងរីករាលដាលជំងឺកូវីដ១៩ ។ ប៉ុន្តែចំនួនករណីឆ្លងនិងករណីស្លាប់ នៅតែកើនឡើងយ៉ាងខ្លាំងចាប់តាំងពីពេលនោះមក។ ការប្រជុំរយៈពេល ៥ ថ្ងៃនេះ ត្រូវបានអ្នកវិភាគមើលឃើញថា នឹងមិនមានពេលវេលាគ្រប់គ្រាន់សម្រាប់ការធ្វើការតស៊ូមតិ ឬការសួរសំណួរគណៈរដ្ឋមន្ត្រី ឬសំខាន់ជាងនេះទៅទៀត មិនមានពេលគ្រប់គ្រាន់សម្រាប់ការបោះឆ្នោតអនុម័តអ្វីមួយ ដូច្នេះមានន័យថាការកាន់អំណាចរបស់លោក Muhyiddin នឹងមិនរងការប្រឆាំងធំដុំណាមួយ។ យោងតាមសេចក្ដីថ្លែងការណ៍ដែល មានពីរទំព័រ ដែលត្រូវបានផ្សព្វផ្សាយ នៅលើគេហទំព័រសភាម៉ាឡេស៊ី កាលពីថ្ងៃសុក្រសប្ដាហ៍មុន ការប្រជុំនេះនឹងមានបទបង្ហាញសង្ខេបដោយទេសរដ្ឋមន្ត្រីជាច្រើនដែលទទួលបន្ទុកលើទិដ្ឋភាពសំខាន់ៗនៃការឆ្លើយតបរបស់របស់រដ្ឋាភិបាលទៅនឹងជំងឺកូវីដ១៩។ ការប្រជុំនេះ ក៏ត្រូវបានអមដោយការបង្ហាញអំពីខ្លឹមសារនៃការប្រកាសអាសន្នចំនួន ១២ ចំណុច។ ការប្រកាសទាំងនេះបាន ចូលជាធរមានរួចទៅហើយ ដោយមិនមានការយល់ព្រម ពីសភា ក្នុងពេលដែលប្រទេសស្ថិតក្នុងគ្រាមានអាសន្ន។ សេចក្ដីរាយការណ៍សង្ខេប ដែលនឹងធ្វើឡើងដោយគណៈរដ្ឋមន្ត្រី នឹងចាប់ផ្ដើម ជាមួយលោក Muhyiddin និយាយអំពីផែនការស្ដារប្រទេសជាតិ ហើយអាចរួមមានការបង្ហាញអំពីរបៀបដែលរដ្ឋាភិបាលរៀបចំសម្រាប់ការចាកចេញពីវិបត្តិកូវីដ១៩។ រដ្ឋមន្រ្តីចំនួន…
-
បទអត្ថាធិប្បាយ៖ តើការអន្តរាគមន៍យោធារបស់សហរដ្ឋអាមេរិករយៈពេល២០ឆ្នាំនៅអាហ្វហ្គានីស្ថានមានតម្លៃដែរទេ? (មានវីដេអូ)
អន្តរជាតិ៖ ក្រុមតាលីបង់ដែលត្រូវបានផ្តួលរំលំដោយរដ្ឋាភិបាលអាមេរិកដឹកនាំរបស់អតីតប្រធានាធិបតីអាមេរិកលោក ចច ដាប់បាយយូ ប៊ូស (George W.Bush) បន្ទាប់ពីថ្ងៃទី០៩ ខែ១១ ២០០១។ តឡូវនេះក្រុមតាលីបង់ មានការប្រមូលផ្តុំ និងត្រួតត្រា ប្រជែងទៅលើកម្លាំរដ្ឋាភិបាលអាហ្វហ្គានីស្តាន ចំនួន ៣២៨ នៃស្រុកសរុប ៤០៧ របស់ប្រទេសអាហ្វហ្គានីស្ថាន ។ ២០ឆ្នាំក្រោយ តើមានមេរៀនអ្វីខ្លះពីសង្គ្រាមនៅបរទេសដែលវែងជាងគេបំផុតរបស់សហរដ្ឋអាមេរិក? តើការអន្តរាគមន៍យោធារបស់សហរដ្ឋអាមេរិកមានតម្លៃដែរទេ? ២០ឆ្នាំក្រោយ អាហ្វហ្គានីស្ថានបានប្រែក្លាយជាសមរភូមិសង្គ្រាមវែងបំផុតរបស់សហរដ្ឋអាមេរិក ។ ដោយដឹងថា សង្គ្រាមមិនអាចបន្តទៅមុខបានទៀតនោះ ប្រធានាធិបតីអាមេរិកបច្ចុប្បន្ន លោក ចូ បៃដិន បានប្រកាសថា នឹងដកកងទ័ពអាមេរិកទាំងអស់ចេញពីអាហ្វហ្គានីស្ថាននៅត្រឹមថ្ងៃទី១១ ខែកញ្ញា ឆ្នាំ២០២១។ ឥឡូវមានសំណួរពិបាកមួយ៖តើការអន្តរាគមន៍យោធារបស់សហរដ្ឋអាមេរិករយៈពេល ២០ឆ្នាំពិតជាសមនឹងតម្លៃចំណាយទេ? ទោះបីអាហ្វហ្គានីស្ថានជាមូលដ្ឋានសម្រាប់ក្រុមអាល់កៃដាក៏ដោយ ក៏គ្មានក្រុមប្លន់យន្តហោះណាម្នាក់ ក្នុងចំណោម១៩នាក់ដែលបង្កអំពើភេវរកម្មថ្ងៃទី៩ ខែ១១លើសហរដ្ឋអាមេរិក ជាជនជាតិអាហ្វហ្គានីស្ថាននោះដែរ ។ ម៉ូដាម៉េដ អាដតា (Mohamed Atta) ជាជនជាតិអេហ្ស៊ីបម្នាក់ ដែលបានដឹកនាំក្រុមប្លន់យន្តហោះចំនួន១៥នាក់ទៀតដែលមានដើមកំណើតមកពីប្រទេសអារ៉ាប៊ីសាអូឌីត ។ លោកប្រធានាធិបតី ចច ដាប់បាយយូ ប៊ូស…
-
សភាបារាំងអនុម័តច្បាប់លិខិតចាក់វ៉ាក់សាំងកូវីដ-១៩ បើទោះបីមានការតវ៉ាប្រឆាំងក៏ដោយ (មានវីដេអូ)
បារាំង៖ សភាបារាំងបានបោះឆ្នោតអនុម័តច្បាប់លិខិតចាក់វ៉ាក់សាំងកូវីដ១៩ ដែលធ្វើឱ្យប័ណ្ណវ៉ាក់សាំងជាផ្នែកសំខាន់មួយនៃជីវិតប្រចាំថ្ងៃ ក្នុងការប្រយុទ្ធប្រឆាំងនឹងជំងឺកូវីដ១៩ បន្ទាប់ពីមានការព្រមព្រៀងគ្នារវាងសមាជិកសភាមកពីសភាជាន់ខ្ពស់ និងជាន់ទាប ។ ការអនុម័តច្បាប់ខាងលើនេះ បានកើតឡើងមួយថ្ងៃបន្ទាប់ពីប្រទេសបារាំងត្រូវបានរង្គោះរង្គើម្តងទៀតដោយក្រុមបាតុករប្រមាណ១៦ម៉ឺននាក់ ដែលបានធ្វើបាតុកម្មនៅទូទាំងប្រទេស ដើម្បីប្រឆាំងនឹងច្បាប់នេះ ខណៈមានមនុស្សរាប់សិបនាក់ត្រូវបានចាប់ខ្លួន ។ កាលពីសប្តាហ៍មុន ប្រធានាធិបតីបារាំងលោក អែមម៉ានុយអែល ម៉ាក្រុង ក៏បានបញ្ជាក់ដែរថា ប្រជាជនបារាំងដែលមានប័ណ្ណវ៉ាក់សាំង និងធ្វើតេស្តអវិជ្ជមានកូវីដ១៩ នឹងត្រូវអនុញ្ញាតអោយចូលរួមកន្លែងកម្សាន្តនានាដូចជារោងកុន ឬក្លឹបរាត្រី ដែលមិនអោយលើសពី៥០នាក់ ។ សេចក្តីប្រកាសនេះគឺជាការផ្លាស់ប្តូរដោយលោក ម៉ាក្រុង ដើម្បីធ្វើឱ្យការចាក់វ៉ាក់សាំងជាអាវុធកំពូលប្រឆាំងនឹងជំងឺកូវីដ១៩ នៅពេលដែលមានបំរែបំរួលថ្មីលេចចេញជាចាំបាច់ដែលតម្រូវអោយមនុស្សត្រូវចាក់វ៉ាក់សាំង ប្រសិនបើពួកគេចង់បន្តទម្លាប់ប្រចាំថ្ងៃ ។ ការប្រកាសរបស់លោក ម៉ាក្រុង ធ្វើឡើងក៏ដើម្បីលើកទឹកចិត្តប្រជាជនបារាំងចូលរួមចាក់វ៉ាក់សាំងប្រឆាំងនឹងជំងឺកូវីដ១៩ ដោយលោកថាដាច់ខាតត្រូវចាក់វ៉ាក់សាំងប្រសិនបើពួកគេចង់បន្តទម្លាប់ប្រចាំថ្ងៃ ៕ ប្រភព៖ Reuters
-
អ្នកជំនាញកំពូលផ្នែកជំងឺឆ្លងអាមេរិក៖ ប្រជាជនអាមេរិកដែលមានប្រព័ន្ធភាពសុំាទន់ខ្សោយ អាចនឹងត្រូវចាក់វ៉ាក់សាំងដូសទី៣ជាចាំបាច់ (មានវីដេអូ)
អាមេរិក៖ អ្នកជំនាញផ្នែកជំងឺឆ្លងអាមេរិក លោក អាន់តូនី ហ្វាវស៊ី (Anthony Fauci)និយាយថា ប្រជាជនអាមេរិកដែលមានប្រព័ន្ធភាពសុំាទន់ខ្សោយ អាចនឹងត្រូវចាក់វ៉ាក់សាំងបន្ថែម ឬដូសទី៣ជាចាំបាច់ ។ លោក អាន់តូនី ហ្វាវស៊ី បានថ្លែងនៅក្នុងបទសម្ភាសន៍ជាមួយទូរទស្សន៍ CNN ថា ក្រុមមន្ត្រីសុខាភិបាលអាមេរិកក៏កំពុង ពិចារណាផងដែរថាតើត្រូវកែប្រែគោលការណ៍ណែនាំតម្រូវឱ្យពាក់ម៉ាសឡើងវិញសម្រាប់អ្នកចាក់វ៉ាក់រួចរាល់ ដែរឬក៏យ៉ាងណា? ស្របពេលដែលសហរដ្ឋអាមេរិកកំពុងប្រឹងប្រែងទប់ស្កាត់ការកើនឡើងករណីឆ្លងកូវីដ១៩បង្កឡើងដោយវីរុសបម្លែងថ្មីឥណ្ឌា ឌែលតា (Delta) ។ សូមរំលឹកផងដែរថា ក្រុមហ៊ុន Pfizer និង BioNTech កាលពីថ្ងៃសុក្រសប្ដាហ៍មុនបានបញ្ជាក់ថា សហរដ្ឋអាមេរិកបានទិញវ៉ាក់សាំងរបស់ខ្លួនច្រើនជាង២០០លានដូស ដើម្បីបង្កើនល្បឿនយុទ្ធនាការចាក់វ៉ាក់សាំង និងទុកសម្រាប់ការចាក់វ៉ាក់សាំងបន្ថែម ឬដូសទី៣ ៕ ប្រភព៖ Reuters
-
អនុប្រមុខការទូតចិនអំពាវនាវអោយសហរដ្ឋអាមេរិកផ្លាស់ប្តូរគោលនយោបាយគ្រោះថ្នាក់របស់ខ្លួន (មានវីដេអូ)
ប៉េកាំង ៖ អនុរដ្ឋមន្រ្តីការបរទេសចិន លោក ហ្ស៊ី ហ្វឹង (Xie Feng) បានធ្វើការអំពាវនាវអោយ សហរដ្ឋអាមេរិកផ្លាស់ប្តូរផ្នត់គំនិតដែលខុសទិសដៅ និង គោលនយោបាយ ប្រកបដោយគ្រោះថ្នាក់ ខណៈដែលទីក្រុងវ៉ាស៊ីនតោនបានចាត់ទុកចិនថា ជា “ សត្រូវដែលស្រមើស្រមៃ” ។ លោក ហ្ស៊ី ក៏បានពណ៌នាពីទំនាក់ទំនងរវាងចិន-សហរដ្ឋអាមេរិកដែរថា កំពុងស្ថិតក្នុងភាព «ទាល់ច្រក» និងប្រឈមនឹង “ការលំបាកធ្ងន់ធ្ងរ” ។ ការកត់សម្គាល់បែបនេះរបស់លោក ហ្ស៊ី ត្រូវបានធ្វើឡើងក្នុងពេលជួបពិភាក្សាជាមួយអនុរដ្ឋមន្រ្តីការបរទេសអាមេរិក លោកស្រី វេនឌី ហ្សឺមែន (Wendy Sherman) ដែលកំពុងបំពេញទស្សនកិច្ចនៅទីក្រុងធានជីង ពីថ្ងៃទី២៥ ដល់២៦ ខែកក្កដានេះ ។ លោកស្រី ហ្សឺមែន កំពុងធ្វើដំណើរទៅប្រទេសចិនសម្រាប់ដំណើរទស្សនកិច្ចរយៈពេលពីរថ្ងៃ ដោយចាប់ផ្តើមនៅថ្ងៃអាទិត្យម្សិលមិញនេះ ក្នុងកំឡុងពេលដែលលោកស្រីគ្រោងនឹងជួបជាមួយអ្នកការទូតជាន់ខ្ពស់របស់ចិន នៅទីក្រុងឆ្នេរធានជីន ប្រទេសចិន ។ ដំណើរទស្សនកិច្ចនេះត្រូវបានគេមើលឃើញថា ជាជំហានត្រៀមសម្រាប់កិច្ចប្រជុំឥតព្រាងទុករវាងលោក ចូ បៃដិន និង លោក ស៊ី ជិនពីង…
-
Tesla ផ្ញើលិខិតទៅកាន់ក្រសួងពាក់ព័ន្ធនានារបស់រដ្ឋាភិបាលឥណ្ឌា ដើម្បីស្វែងរកការកាត់បន្ថយពន្ធលើការនាំចូលរថយន្តអគ្គិសនី (មានវីដេអូ)
ឥណ្ឌា៖ ប្រភពចំនួនពីរបានអោយដឹងថា ក្រុមហ៊ុនផលិតរថយន្តអគ្គិសនីដ៏ល្បី តេស្លា (Tesla) របស់កំពូលមហាសេដ្ឋីពិភពលោក Elon Musk បានផ្ញើលិខិតទៅកាន់ក្រសួងពាក់ព័ន្ធមួយចំនួននៅក្នុងប្រទេសឥណ្ឌា ដើម្បីស្វែងរកការកាត់បន្ថយពន្ធលើការនាំចូលរថយន្តអគ្គិសនី (EVs) ដែលវាជាផ្នែកមួយនៃការជំរុញលទ្ធភាពនៃការលក់រថយន្តរបស់ខ្លួន ។ តម្លៃពន្ធនាំចូលរថយន្តនៅក្នុងប្រទេសឥណ្ឌានាពេលបច្ចុប្បន្ន គឺមានតម្លៃ៦០ភាគរយសម្រាប់រថយន្តដែលមានតម្លៃក្រោម៤ម៉ឺនដុល្លារ និង ១០០ភាគរយសម្រាប់រថយន្តដែលមានតម្លៃលើសពី៤ម៉ឺនដុល្លារ ។ យ៉ាងណាមិញ ការស្នើសុំរបស់ តេស្លា ខាងលើនេះអាចនឹងបរាជ័យ ដោយសាររដ្ឋបាលរបស់នាយករដ្ឋមន្ត្រីឥណ្ឌាលោក ណារិន ដ្រាម៉ូឌី បានដាក់ចេញនូវច្បាប់ថ្មី ដោយបង្កើនតម្លៃពន្ធក្នុងការនាំចូលចូលក្នុងគោលបំណងជំរុញផលិតផលក្នុងស្រុក ។ សូមរំលឹកផងដែរថា ក្រុមហ៊ុន តេស្លា បានចុះបញ្ជីឈ្មោះក្រុមហ៊ុននៅក្នុងប្រទេសឥណ្ឌាកាលពីខែមករាកន្លងទៅនេះ និងបានប្រកាសស្វែងរកបុគ្គលិកបម្រើការងារ ខណ:ដែលទីតាំងដាក់តាំងបង្ហាញរថយន្ត (Showroom) នៅមិនទាន់មាននៅឡើយទេ ៕ ប្រភព៖ CNBC
-
ក្រុមហ៊ុន Rivian ទទួលបានទុនវិនិយោគថ្មី២.៥ពាន់លានដុល្លារពីក្រុមហ៊ុនខ្នាតយក្សចំនួន៣ ដើម្បីយកទៅវិនិយោគលើការបង្កើតរោងចក្រសម្រាប់ផលិតថ្ម និងរថយន្តអគ្គិសនី (មានវីដេអូ)
អាមេរិក៖ ក្រុមហ៊ុនផលិតបច្ចេកវិទ្យា និងរថយន្តអគ្គិសនីរបស់អាមេរិក រីវៀន (Rivian) បានទទួលទុនវិនិយោគថ្មីប្រមាណ២.៥ពាន់លានដុល្លារបន្ថែមទៀត ពីក្រុមហ៊ុនធំៗចំនួន៣គឺ អាម៉ាហ្សូន (Amazon.com Inc) និង ហ្វដ ម៉ូទ័រ (Ford Motor Co) និង ធី រ៉ូ ប្រ៊ៃយ៍ (T. Rowe Price) ដែលទុនថ្មីនេះ នឹងត្រូវយកទៅវិនិយោគលើការបង្កើតរោងចក្រសម្រាប់ផលិតថ្ម និងរថយន្តអគ្គិសនី ។ ការប្រកាសពីការទទួលបានទុនវិនិយោគថ្មីខាងលើនេះ បានកើតមានឡើងចំពេលដែលក្រុមហ៊ុន រីវៀន មានផែនការបង្កើតរោងចក្រទី២របស់ខ្លួននៅលើទឹកដីសហរដ្ឋអាមេរិក ដើម្បីបង្កើតការផលិតឱ្យបានទ្វេដងទៅលើគ្រឿងបង្គុំ និងគ្រឿងបន្លាស់រថយន្តអគ្គិសនី ។ ក្រុមហ៊ុន អាម៉ាហ្សូន និង ហ្វដ ម៉ូទ័រ បានបោះទុនវិនិយោគជាមួយនឹងក្រុមហ៊ុន រីវៀន គឺជាការវិនិយោគសម្រាប់ពេលអនាគត ដោយសារតែក្រុមហ៊ុនខ្នាតយក្សទាំងពីរនេះអាចនឹងត្រូវការគ្រឿងបន្លាស់ និងបច្ចេកវិទ្យារថយន្តអគ្គិសនីពី រីវៀន ដើម្បីជួយបម្រើដល់វិស័យដឹកជញ្ជូន ។ គួរកត់សម្គាល់ ក្រុមហ៊ុន រីវៀន មានគម្រោងផលិតរថយន្តអគ្គិសនីសម្រាប់វាយលុកទីផ្សារប្រទេសចិន និងតំបន់អឺរ៉ុប ស្របពេលដែលតំបន់ទាំងពីរនេះ មានសក្កានុពលខ្លាំងទៅលើទីផ្សាររថយន្តអគ្គិសនី ខណៈក្រុមហ៊ុន តេស្លា…
-
ថៃថា ខ្លួនមានអ៊ុកស៊ីសែនគ្រប់ ទោះឆ្លងជាង១ម៉ឺននាក់ ១ថ្ងៃៗ
ការផ្គត់ផ្គង់ម៉ាស៊ីនអ៊ុកស៊ីសែននៅប្រទេសថៃ គឺមានគ្រប់គ្រាន់ សម្រាប់តម្រូវការបច្ចុប្បន្ន ហើយប្រជាពលរដ្ឋគួរកុំខ្វល់អំពីបញ្ហាខ្វះខាតអី នេះបើតាមរដ្ឋមន្ត្រីឧស្សាហកម្មថៃ Suriya Juangroongruangkit មានប្រសាសន៍ នាថ្ងៃចន្ទទី២៦ កក្កដា ២០២១។ លោកបានមានប្រសាសន៍បែបនេះ ដើម្បីឆ្លើយតបនឹងការបារម្ភពីការខ្វះខាតអ៊ុកស៊ីសែន ខណៈការឆ្លងជំងឺកូវីដ១៩ ប្រចាំថ្ងៃកើនឡើងខ្លាំង ក្នុងពេលប៉ុន្មានសប្តាហ៍មកនេះ ជាពិសេស ប្រមាណ១សប្តាហ៍ចុងក្រោយនេះ សុទ្ធតែឆ្លងជាង១ម៉ឺននាក់ ប្រចាំថ្ងៃ។ លោកបញ្ចាក់ថា ក្រុមការងារក្រសួងបានទាក់ទងទៅបណ្តារោងចក្រឧស្ម័ន និងអ្នកផ្គត់ផ្គង់ពាក់ព័ន្ធជានិច្ចហើយពួកគេសុទ្ធតែបញ្ជាក់ពីការអាចផលិតឧស្ម័នវេជ្ជសាស្ត្រគ្រប់គ្រាន់សម្រាប់តម្រូវការរបស់ប្រជាពលរដ្ឋ ក្នុងពេលផ្ទុះខ្លាំងនេះ៕ ប្រភពពី The Nation
-
សមាជិកអាស៊ាន៣ប្រទេសហើយ មានអ្នកឆ្លងកូវីដ លើស១លាននាក់
បន្ទាប់ពីឥណ្ឌូនេស៊ី និងហ្វីលីពីន ឥលូវនេះ ប្រទេសអាស៊ានមួយទៀត មានអ្នកឆ្លងកូវីដ លើស១លាននាក់ដែរ នោះគឺប្រទេសម៉ាឡេស៊ី ដោយខ្លួនបានប្រកាសកាលពីថ្ងៃអាទិត្យ ទី២៥ កក្កដា ម្សិលមិញ ពីការឆ្លងកូវីដ១៩ ករណីថ្មីៗចំនួន១៧០៤៥នាក់ទៀត ជាអត្រាឆ្លងប្រចាំថ្ងៃដ៏ខ្ពស់បំផុត សម្រាប់ប្រទេសជាសមាជិកប្រជាជាតិអាស៊ានមួយនេះ។ ចំនួនឆ្លងថ្មីទាំងនេះ ធ្វើឲ្យម៉ាឡេស៊ីមានអ្នកឆ្លងសរុបកើនលើស ១លាននាក់ហើយ នេះបើតាមការក្រសួងសុខាភិបាលម៉ាឡេស៊ីប្រកាស។ ក្រៅពីឆ្លងថ្មីជាង១ម៉ឺន៧ពាន់នាក់ទៀត ម៉ាឡេស៊ីក៏បានរាយការណ៍ពីការស្លាប់មនុស្សព្រោះជំងឺកូវីដ១៩ ចំនួន៩២នាក់ទៀត នាំឲ្យមនុស្សស្លាប់សរុបកើនដល់ ៧៩៩៤នាក់ហើយ។ អ្នកជំងឺប្រមាណ ជិត១ម៉ឺននាក់ទៀតត្រូវបានព្យាបាលឲ្យជាសះស្បើយ នាំឲ្យអ្នកជាសរុបកើនដល់ ៨៤៤៥៤១នាក់៕
-
វៀតណាមកត់ត្រាពីអ្នកឆ្លង Covid-19 ថ្មីៗចំនួន២ពាន់៧០៤ករណីបន្ថែមទៀតនៅព្រឹកថ្ងៃចន្ទនេះ (មានវីដេអូ)
