អន្តរជាតិ៖ ក្រុមតាលីបង់ដែលត្រូវបានផ្តួលរំលំដោយរបបដឹកនាំរបស់អតីតប្រធា នាធិបតីអាមេរិកលោក George W.Bush បន្ទាប់ពីថ្ងៃទី០៩ ខែ១១ មានការប្រមូលផ្តុំ និងត្រួតត្រា ឬ ប្រកួតប្រជែងទៅលើ ៣២៨ នៃស្រុក ៤០៧ របស់ប្រទេសអាហ្គានីស្ថាន ។ ២០ឆ្នាំក្រោយ តើមានមេរៀនអ្វីខ្លះពីសង្គ្រាមនៅបរទេសដែលវែងជាងគេបំផុតរបស់សហរដ្ឋអាមេរិក? តើការអន្តរាគមន៍យោធារបស់សហរដ្ឋអាមេរិកមានតម្លៃទេ? ២០ឆ្នាំក្រោយ អាហ្វហ្គានីស្ថានបានប្រែក្លាយជាសមភូមិសង្គ្រាមវែងបំផុតរបស់សហរដ្ឋអាមេរិក ។ ដោយដឹងថា សង្គ្រាមមិនអាចបន្តទៅមុខបានទៀតនោះ ប្រធានាធិបតីអាមេរិកបច្ចុប្បន្ន លោក ចូ បៃដិន បានប្រកាសថា នឹងដកកងទ័ពអាមេរិកសរុបចេញពីអាហ្វហ្គានីស្ថាននៅត្រឹមថ្ងៃទី១១ ខែកញ្ញា ឆ្នាំ២០២១ ។ ឥឡូវមានសំណួរពិបាកមួយ៖តើការអន្តរាគមន៍យោធារបស់សហរដ្ឋអាមេរិករយៈពេល ២០ឆ្នាំពិតជាសមនឹងតម្លៃទេ? ទោះបីអាហ្វហ្គានីស្ថានជាមូលដ្ឋានសម្រាប់ក្រុមអាល់កៃដាក៏ដោយ ក៏គ្មានក្រុមប្លន់យន្តហោះណាម្នាក់ ក្នុងចំណោម១៩នាក់ដែលបង្កអំពើភេវរកម្មថ្ងៃទី៩ ខែ១១លើសហរដ្ឋអាមេរិក ជាជនជាតិអាហ្វហ្គានីស្ថាននោះដែរ ។ Mohamed Atta ជាជនជាតិអេហ្ស៊ីបម្នាក់ ដែលបានដឹកនាំក្រុមប្លន់យន្តហោះចំនួន១៥នាក់ទៀតដែលមានដើមកំណើតមកពីប្រទេសអារ៉ាប៊ីសាអូឌីត ។ លោកប្រធានាធិបតី George W.Bush បានសម្រេចចិត្តទម្លាក់រដ្ឋាភិបាលតាលីបង់នៅអាហ្វហ្គានីស្ថានដោយជឿជាក់ថា អាហ្វហ្គានីស្ថានគឺជាជម្រកសុវត្ថិភាពសម្រាប់ក្រុមអាល់កៃដា និងអង្គការរ៉ាឌីកាល់ (ក្រុមភេវរករ) ដទៃទៀត ។…

អាហ្វហ្គានីស្ថាន៖ សហរដ្ឋអាមេរិកនឹងបន្តជួយគាំទ្រដល់កងកម្លាំងអាហ្វហ្គានីស្ថាន តាមរយៈការវាយប្រហារតាមដែនអាកាសប្រឆាំងនឹងក្រុមតាលីបង់ បើទោះបីជាកងទ័ពអាមេរិក និងសម្ព័ន្ធមិត្ត នឹងត្រូវដកចេញទាំងស្រុងក្នុងពេលឆាប់ៗខាងមុខ នេះបើតាមការបញ្ជាក់របស់អគ្គមេបញ្ជាការយោធាថ្នាក់តំបន់ម្នាក់របស់សហរដ្ឋអាមេរិក ។ អគ្គមេបញ្ជាការកងទ័ពជើងទឹកអាមេរិក លោក ខេននែត ម៉ាខេនហ្ស៊ី (Kenneth McKenzie) បានប្រាប់ក្នុងសន្និសីទសារព័ត៌មានមួយនៅទីក្រុងកាប៊ុលថា សហរដ្ឋអាមេរិកបានបង្កើនការវាយប្រហារតាមផ្លូវការ ដើម្បីគាំទ្រដល់កងកម្លាំងអាហ្វហ្គានីស្ថាននៅក្នុងរយៈពេលប៉ុន្មានថ្ងៃចុងក្រោយនេះ ហើយយើងក៏បានរៀបចំរួចហើយ ដើម្បីបន្តគាំទ្រនៅប៉ុន្មានសប្តាហ៍ខាងមុខទៀត ប្រសិនបើពួកតាលីបង់ នៅតែបន្តសកម្មភាពវាយប្រហារនោះ ។ ទោះជាយ៉ាងណា លោក ម៉ាខេនហ្ស៊ី បាននិយាយថា ការចង់បានជ័យជម្នះរបស់ក្រុមតាលីបង់ គឺជារឿងមិនអាចចៀសផុតបានឡើយ ប៉ុន្តែដំណោះស្រាយតាមផ្លូវនយោបាយនៅតែអាចទៅរួច ។ គួរកត់សម្គាល់ ស្ថានការណ៍នៅអាហ្វហ្គានីស្ថានបានវិវឌ្ឍកាន់តែក្តៅគគុក នៅក្រោយពេលប្រធានាធិបតីអាមេរិក លោក ចូ បៃដិន កាលពីអំឡុងខែមេសាបានប្រកាសថា នឹងដកកងទ័ពអាមេរិកទាំងស្រុងចេញពីប្រទេសអាស៊ីខាងត្បូងមួយនេះ អោយបានមុនខែកញ្ញា ឆ្នាំ២០២១ (មុនខួបមហាភេរវកម្ម ១១ កញ្ញា) ៕ ប្រភព៖ Reuters