ហ៊ីម រដ្ឋា ចក្រភព​អង់គ្លេស​មាន​ផែនការ​ក្នុង​ការ​បញ្ជូន​នាវា​ចម្បាំង​របស់​ខ្លួន​ចំនួន ២គ្រឿង​ ដើម្បី​ឱ្យ​ទៅ​ឈរ​ជើង​ជា​អចិន្ត្រៃយ៍​នៅ​តំបន់​ឥណ្ឌូ-ប៉ាស៊ីហ្វិក។ នេះ​បើ​តាម​ការ​បញ្ជាក់​​ពី​​លោក Ben Wallace រដ្ឋមន្ត្រី​ក្រសួង​ការពារ​ជាតិ​អង់គ្លេស អំឡុង​ធ្វើ​សន្និសីទ​កាសែត​រួម​គ្នា​ជាមួយ​រដ្ឋមន្ត្រី​ក្រសួង​ការពារ​ជាតិ​ជប៉ុន​លោក Nobuo Kishi កាល​ពី​ថ្ងៃ​អង្គារ​កន្លង​ទៅនេះ​។ លោក Wallace បាន​ធ្វើ​ដំណើរ​ទស្សនកិច្ច​ទៅ​កាន់​ប្រទេស​ជប៉ុន​រយៈ​ពេល ២ថ្ងៃ កាល​ពី​ដើម​សប្ដាហ៍​នេះ ដោយ​លោក​បាន​ចូល​ជួប​ជាមួយ​លោក​នាយករដ្ឋមន្ត្រី​ជប៉ុន Yoshihide Suga និង​រដ្ឋមន្ត្រី​ការពារ​ជាតិ​របស់​ប្រទេស​នេះ។ ដំណើរ​ទស្សនកិច្ច​របស់​មន្ត្រី​ជាន់​ខ្ពស់​របស់​អង់គ្លេស​លើក​នេះ ធ្វើ​ឡើង​ដើម្បី​រឹត​ចំណង​មិត្តភាព​ ផ្នែក​សន្តិសុខ​រវាង​ប្រទេស​ជប៉ុន និង​អង់គ្លេស​ ខណៈ​ប្រទេស​ទាំង​ពីរ​នេះ​សន្យា​គ្នា​ថា «ប្រឆាំង​ដាច់​ខាត​នឹង​ការ​​ប្រព្រឹត្តិ​សកម្មភាព​ឯកតោភាគី​ណា​មួយ ដែល​​ប៉ុនប៉ង​ផ្លាស់​ប្ដូរ​ស្ថានភាព​បច្ចុប្បន្ន ដោយ​កម្លាំង​ប្រដាប់​អាវុធ ឬ ការ​គំរាមកំហែង ក៏​ដូច​ជា​សកម្មភាព​បញ្ឆេះ​បង្ក​ជា​ជម្លោះ​ណា​មួយ»។​​ តែទោះជា​យ៉ាង​ណា​ ផែនការ​នៃ​ការ​បញ្ជូន​នាវា​ទាំង​ពីរ​គ្រឿង​ មិន​ទាន់​បាន​បញ្ចេញពី​ពត៌មាន​​លម្អិត​ជា​សាធារណៈ​នៅ​ឡើយ​នោះ​ទេ។ បើ​យោង​តាម​ការ​ចុះ​ផ្សាយ​របស់​ក្រសួង​ការពារ​ជាតិ​អង់គ្លេស​បាន​ឱ្យ​ដឹង​ថា នាវា​ទាំង​ពីរ​គ្រឿង​នេះ​មាន​ឈ្មោះ​ថា HMS Spey និង HMS Tamar ​ជា​នាវា​ល្បាត​ក្រៅ​ឆ្នេរ​សមុទ្រ (Offshore Patrol Vessels)។ អ្នក​នាំ​ពាក្យ​របស់​ស្ថានទូត​អង់គ្លេស​បាន​ប្រាប់​អ្នក​សារព័ត៌មាន​ថា នាវា​ទាំង​ពីរ​គ្រឿង​នេះ​នឹង​មិន​មាន​មូលដ្ឋាន​អចិន្ត្រៃយ៍​នោះ​ទេ។ ចំណែក​ឯ​ខាង​ក្រសួង​ការពារ​ជាតិ​បាន​បង្ហើប​​ថា ប្រតិបត្តិការ​នៃ​នាវា​ទាំង​ពីរ​នេះ​នឹង​ចាប់​ផ្ដើម​នៅ​ចុង​ខែ​សីហា ជាមួយ​នឹង​ការ​ទំនុក​បម្រុង​ពី​សំណាក់​ប្រទេស​ជា​ដៃ​គូ ដែល​មាន​ដូច​ជា អូស្ត្រាលី ជប៉ុន…

ប្រទេសអាស៊ានទាំង១០ក្នុងរយៈពេល២៤ម៉ោងចុងក្រោយនេះ ការឆ្លងកូវីដ១៩ថ្មី មានចំនួន៩ម៉ឺន៤ពាន់៨៩៧ករណី និងការស្លាប់ថ្មីមានចំនួន១ពាន់៩៩០នាក់។ ប្រទេសដែលមានការឆ្លងថ្មីក្នុងរយៈ ពេល២៤ម៉ោងចុង ក្រោយ នេះនៅ អាស៊ាន មាន១០ប្រទេស។ ប្រទេសដែលមានការស្លាប់ថ្មីរយៈពេល២៤ម៉ោងចុងក្រោយនេះ មានចំនួន ៧ប្រទេស ។ ការឆ្លងថ្មីនៃវីរុសកូវីដ១៩ក្នុងប្រទេសអាស៊ានទាំង១០នៅក្នុងរយ:ពេលនេះ២៤ម៉ោងចុងក្រោយនេះមានចំនួន៩ម៉ឺន៤ពាន់៨៩៧ករណី និងការស្លាប់ថ្មីមានចំនួន១ពាន់៩៩០នាក់។ការឆ្លងថ្មីនៅថ្ងៃនេះបានកើតឡើងលើប្រទេសចំនួន១០គឺប្រទេសឥណ្ឌូនេស៊ី, ហ្វីលីពីន, ម៉ាឡេស៊ី, មីយ៉ាន់ម៉ា,សឹង្ហបុរី, ថៃ, កម្ពុជា, វៀតណាម, ឡាវ, និងប្រទេសប្រុយណេ។ ប្រទេសដែលមានការស្លាប់ថ្មីមាន៧ប្រទេស គឺប្រទេសឥណ្ឌូណេស៊ី, ហ្វីលីពីន, មីយ៉ាន់ម៉ា, ថៃ, ម៉ាឡេស៊ី, វៀតណាម, និងប្រទេសកម្ពុជា។ប្រទេសឥណ្ឌូនេស៊ីនៅក្នុងរយ:ពេល២៤ម៉ោងចុងក្រោយនេះមានការឆ្លងថ្មីចំនួន៤ម៉ឺន៩ពាន់៥០៩ករណីដែលនាំឲ្យការឆ្លងសារុបមានចំនួន៣លាន៣ម៉ឺន៣ពាន់៣៣៩ករណី។ ចំណែកការស្លាប់ថ្មីវិញមានចំនួន១ពាន់៤៤៩នាក់ដែលនាំឲ្យការស្លាប់សារុបមានចំនួន៧ម៉ឺន៩ពាន់៣២នាក់។ ប្រទេសឥណ្ឌូនេស៊ីគឺ ជាប្រទេសដែលមានការឆ្លងនិងការស្លាប់ច្រើនជាងគេក្នុងចំណោមប្រទេសអាស៊ានទាំង១០។ចំណែកប្រទេសម៉ាឡេស៊ីនៅក្នុងរយ:ពេល២៤ម៉ោងចុងក្រោយនេះមានការឆ្លងថ្មី ចំនួន១ម៉ឺន៣ពាន់៣៤ករណីដែលនាំឲ្យការឆ្លងសារុបចំនួន៩៦ម៉ឺន៤ពាន់៩១៨ករណី។ ចំណែកការស្លាប់ថ្មីវិញ មានចំនួន១៣៤នាក់ដែលនាំឲ្យការស្លាប់សារុបមានចំនួន៧ពាន់៥៧៤នាក់។ប្រទេសថៃមានការឆ្លងថ្មីចំនួន១ម៉ឺន៣ពាន់៦៥៥ករណីដែលនាំឲ្យការឆ្លងសារុបមានចំនួន៤៥ម៉ឺន៣ពាន់១៣២ករណី។ ចំណែកការស្លាប់ថ្មីមានចំនួន៨៧ករណីដែលនាំឲ្យការស្លាប់សារុបមានចំនួន៣ពាន់៦៩៧នាក់។នៅក្នុងប្រទេសហ្វីលីពីនមានការឆ្លងថ្មីចំនួន៥ពាន់៨២៨ករណីដែលនាំឲ្យការឆ្លងសារុបមានចំនួន១លាន៥៣ម៉ឺន២៦៦ករណី។ ចំណែកការស្លាប់ថ្មីនៅថ្ងៃនេះមានចំនួន១៧នាក់ដែលនាំឲ្យការស្លាប់សារុបមានចំនួន២ម៉ឺន៦ពាន់៨៩១នាក់។ប្រទេសមីយ៉ាន់ម៉ានមានការឆ្លងថ្មីចំនួន៦ពាន់៩៣ករណីដែលនាំឲ្យការឆ្លងសារុបមានចំនួន២៤ម៉ឺន៦ពាន់៦៦៣ករណី។ ចំណែកការស្លាប់ថ្មីមានចំនួន២៤៧នាក់ដែលនាំឲ្យការស្លាប់សារុបមានចំនួន៥ពាន់៨១៤នាក់។ប្រទេសវៀតណាមមានការឆ្លងថ្មី៥ពាន់៥៣៧ករណីដែលនាំឲ្យការឆ្លងសារុបចំនួន៧ម៉ឺន១ពាន់១៤៤ករណី។ចំណែកការស្លាប់ថ្មីមានចំនួន៣៦នាក់ដែលនាំឲ្យការស្លាប់សារុបមានចំនួន៣៧០នាក់។ប្រទេសកម្ពុជាមានការឆ្លងថ្មីចំនួន៨១១ករណីដែលនាំឲ្យការឆ្លងសារុបមានចំនួន៧ម៉ឺន៤១៩ករណី។ ចំណែកការស្លាប់ថ្មី២០ដែលនាំឲ្យការស្លាប់សារុបមានចំនួន១ពាន់១៨៨នាក់។ប្រទេសសឹង្ហបុរីមានការឆ្លងថ្មីចំនួន១៧០ករណីដែលនាំឲ្យការឆ្លងសារុបមានចំនួន៦ម៉ឺន៣ពាន់៧៩១ករណី។ប្រទេសឡាវមានការឆ្លងថ្មីចំនួន២៥៦ករណីដែលនាំឲ្យការឆ្លងសារុបមានចំនួន៤ពាន់១១៩ករណី។ប្រទេសប្រុយណេមានការឆ្លងថ្មីចំនួន៤ករណីដែលនាំឲ្យការឆ្លងសារុបមានចំនួន៣០៩ករណី។គិតសារុបរួមនៃប្រទេសទាំង១០អាស៊ាននាពេលនេះ មានការឆ្លងសារុបមាន៦លាន៤៣ម៉ឺន៨ពាន់១០០ករណី, និងការស្លាប់មាន១២ម៉ឺន៤ពាន់៦១០នាក់។បើគិតសារុបនៅលើសាកលលោកនោះវិញការឆ្លងវីរុសកូវីដ១៩សារុបមានចំនួនជាង ១៩២លានករណី, និងការស្លាប់មានជាង៤លាន១៤ម៉ឺននាក់។

ឥណ្ឌូនេស៊ី​កំពុង​ព្យាយាម​គ្រប់​គ្រង​ស្ថានភាព​កូវីដ-១៩​ នៅ​ក្នុង​ប្រទេស​របស់​ខ្លួន​ដែល​បច្ចុប្បន្ន​ចំនួន​អ្នក​ឆ្លង​កើន​ឡើង​ជា​លំដាប់​ចាប់​តាំង​ពី​ខែ​ឧសភា​។ បន្ទាប់​ពី​ចំនួន​ករណី​​វិជ្ជមាន​កើន​ឡើង​ខ្លាំង​ ប្រជាពលរដ្ឋ​​ឥណ្ឌូនេស៊ី​ដែលលទ្ធផល​​វិជ្ជមាន​កូវីដ-១៩​ កម្រិត​ស្រាល​តម្រូវ​អោយ​ព្យាបាល​ និង​ដាក់​ខ្លួន​អោយ​ដាច់​ដោយ​ឡែក​នៅ​គេហដ្ឋាន​របស់​ពួក​គេ​។ ការ​​ព្យាបាល​អ្នក​ជម្ងឺ​កូវីដ-១៩​ ​​បណ្តាល​អោយ​មាន​អ្នក​ស្លាប់​នៅ​តាម​ផ្ទះ​ បន្ទាប់​ពី​មន្ទីរពេទ្យ​មិន​អាច​ទទួល​អ្នក​ទទួល​អ្នក​ជម្ងឺ​ថ្មី​ដោយ​សារ​កង្វះ​អុកស៊ីសែន​ និង​គ្រែ​សម្រាប់​ដាក់​អោយ​អ្នក​ជម្ងឺ​សម្រាក​ព្យាបាល​។ តួរយ៉ាង​ កាល​ពី​ថ្ងៃ​ទី​ពុធនេះ​ ​ប្រទេស​ឥណ្ឌូនេស៊ី​មាន​អ្នក​ឆ្លង​កូវីដ-១៩​ ថ្មី​ប្រមាណ​ ៣៣៧៧២​ នាក់​និង​មាន​អ្នក​ស្លាប់​ ១៣៨៣​ នាក់​។ តាម​ការ​ស្រង់​សម្តី​របស់​សារព័ត៌មាន​ CNA អគ្គលេខាធិការ​នៃ​សមាគម​មន្ទីរពេទ្យ​ឥណ្ឌូនេស៊ី​លោក​ស្រី​ Lia​ Gardenia​ Partakusuma​ បាន​និយាយ​​៖ «មន្ទីរពេទ្យ​មួយ​ជា​ធម្មតា​ត្រូវ​ប្រើ​អុកស៊ីសែន​ ៣​ តោន​ក្នុង​រយៈ​ពេល​ ៣​ ថ្ងៃ​ទៅ​មួយ​សប្តាហ៍​ ឥឡូវ​នេះ​បរិមាណ​អុកស៊ីសែន​ប្រើ​បាន​មួយ​ថ្ងៃ​ប៉ុណ្ណោះ​»។ ចំពោះ​ស្ថានភាព​កូវីដ-១៩​ នៅ​ឥណ្ឌូនេស៊ី​បច្ចុប្បន្ន​ដែល​មាន​ដូច​ជា​ កង្វះ​អុកស៊ីសែន​​សម្រាប់​ព្យាបាល​អ្នក​ជម្ងឺ​ សមាគម​អ្នក​ជំនាញ​សុខភាព​សាធារណៈ​ឥណ្ឌូនេស៊ី​បាន​និយាយ​ថា​ កង្វះ​អុកស៊ីសែន​កើត​ចេញ​ពី​អសមត្ថភាព​របស់​រដ្ឋាភិបាល​ក្នុង​គ្រប់​គ្រង​ស្ថានភាព​នៅ​ក្នុង​ប្រទេស​ខ្លួន​ និង​លទ្ធភាព​ដែល​អាច​មាន​ការ​កើន​ឡើង​ករណី​វិជ្ជមាន​កូវីដ-១៩​។ អ្នក​ជំនាញ​ផ្នែក​សុខភាព​បាន​ធ្លាប់​ដាស់​តឿន​​ទៅ​​រដ្ឋាភិបាល​ថា​​អាច​នឹង​មាន​ករណី​កើនឡើង​គួរ​ឱ្យ​កត់​សម្គាល់​ដោយ​សារ​តែ​ថ្ងៃ​បុណ្យ​ជាតិ​នា​ពេល​ខាង​មុខនេះ​​។ ការ​កើន​ឡើង​​​ចំនួនករណី​​វិជ្ជមាន​កូវីដ-១៩​ ត្រូវ​បាន​គេ​ជឿ​ថា​​បណ្តាល​មក​ពី​ការ​ល្មើស​បំរាម​គោច​ររបស់​ប្រជាពលរដ្ឋ​​នៅ​ថ្ងៃ​បុណ្យ​ Eid al-Fitr ។ បុណ្យ​ Eid al-Fitr មាន​រយៈ​ពេល​បី​ថ្ងៃ​ ហើយ​ក្នុង​កំឡុង​ពេល​ថ្ងៃ​បុណ្យ​នេះ​ពួក​គេ​ប្រារព្ធ​ដោយ​មាន​ការ​ជួប​ជុំ​ និង​ពិសារ​អាហារ​ជុំ​គ្នា​សម្រាប់​បញ្ចប់​ពីធី​បុណ្យ ​Ramadon​ ។ តាម​ការ​ស្រង់​សម្តី​របស់​សារព័ត៌មាន​ Aljazeera​ កាល​ពី​ថ្ងៃ​ទី​ ១០​…

មេធាវី​ទូទៅ​របស់​រដ្ឋ​មួយ​ក្រុម​នៅ​ស​ហ​រដ្ឋ​អាមេរិក​បាន​បង្ហាញ​នូវ​ដំណោះ​ស្រាយ​បញ្ហា​អ្នក​ញៀន​ថ្នាំ​បំ​បាត់​ការ​ឈឺ​ចាប់​នៅ​សហរដ្ឋអាមេរិក​ដោយ​តម្រូវ​អោយ​ក្រុមហ៊ុន​ផលិត​ឱសថ​ធំៗ​បង់​ជា​សំណង​ ២៦​ ប៊ីលាន​ដុល្លារ​អាមេរិក​។ តាម​ការ​រាយការណ៍​របស់​សារព័ត៌មាន​ Aljazeera​ សំណើ​ដំណោះស្រាយ​នេះ​ត្រូវ​បាន​ចេញ​ផ្សាយ​កាល​ពី​ថ្ងៃ​ទី​ ២១​​ កក្កដា​ក្រុមហ៊ុន​ផលិត​ឱសថ​ធំ​បំផុត​ចំនួន​ ៣​ របស់​អាមេរិក​មាន​ដូច​ជា​ McKesson​, Cardinal​ Health​ and​ Amerisource​ Bergen​ និង​ Johnson​ &​ Johnson​ ។ លោក​ Letitial​ James​ ដែល​ជា​មេធាវី​ម្នាក់​មក​ពី​រដ្ឋ​ចំនួន​ ១៥​ ដែល​ចូល​រួម​ក្នុង​កិច្ច​ព្រម​ព្រៀង​នេះ​បាន​និយាយ​ថា​៖​ «​ ក្រុមហ៊ុន​ជា​ច្រើន​ដែល​ផលិត​ និង​ចែក​ចាយ​ថ្នាំ​ប្រភេទ​នេះ​នៅ​ទូទាំង​ប្រទេស​បាន​ធ្វើ​ដូច្នេះ​ដោយ​មិន​គិត​ពី​អាយុ​ជីវិត​អ្នក​ប្រើ​ប្រាស់​ ឬ​វិបត្តិ​ជាតិ​ឡើយ​»​។​ ថវិការ​ដែល​តម្រូវ​អោយ​ក្រុមហ៊ុន​ផលិត​ឱសថ​ទាំង​នោះ​នឹង​ត្រូវ​បង់​ក្នុង​រយៈ​ពេល​ ១៨​ ឆ្នាំ​។ ក្រុមហ៊ុន​ Johnson​ &​ Johnson​ ​នឹង​បង់​សំណង​នោះ​ក្នុង​រយៈ​ពេល​ ៩​ ឆ្នាំ​ជា​មួយ​នឹង​ទឹក​ប្រាក់​រហូត​ដល់​ ៣,៧​ ពាន់​លាន​ដុល្លារ​ក្នុង​រយៈ​ពេល​ ​៣​ ឆ្នាំ​ដំបូង​។ ថវិកា​នេះ​ត្រូវ​បាន​គេ​រំពឹង​ថា​នឹង​ត្រូវ​បាន​ប្រើ​ប្រាស់​ក្នុង​ការ​ព្យាបាល​អ្នក​ដែល​ញៀន​ថ្នាំ​ប្រភេទ​នេះ​ ផ្គត់​ផ្គង់​​ក្រុម​​គ្រួសារ​​ដែល​ត្រូវ​ការ​ ការ​អប់រំ​ និង​កម្ម​វិធី​សង្គម​ផ្សេង​ៗ​ទៀត​។​ លោក​ Michael​ Ullmann​ អ្នក​ប្រឹក្សា​ទូទៅ​របស់​ក្រុមហ៊ុន​ Johnson​ &​…

កាល​ពី​ថ្ងៃ​អង្គារ​នេះ ​នៅ​​ឥណ្ឌា​មាន​ការ​រក​ឃើញ​ករណី​ស្លាប់​ដោយ​សារ​ជម្ងឺ​ផ្តាសាយ​បក្សី​ដំបូង​ដែល​កើត​​មាន​ឡើង​ទៅលើ​កុមារា​អាយុ​ ១១​ ឆ្នាំ។ តាម​ការ​រាយការណ៍​របស់​សារព័ត៌មាន​ CNA សេចក្តី​ថ្លែងការណ៍​របស់​រដ្ឋា​ភិបាល​ឥណ្ឌា​បាន​និយាយ​ថា​ក្មេងប្រុសម្នាក់​នោះ​ត្រូវបានចូល​សម្រាក​ព្យាបាល​នៅវិទ្យាស្ថាន​វេជ្ជសាស្ត្រ​ឥណ្ឌា​នៅ​ទីក្រុង​ New Delhi ​នៅ​ថ្ងៃ​ទី​ ២​ ខែ​កក្កដា​និង​បាន​ទទួល​មរណភាព​កាល​ពី​ថ្ងៃ​ទី​​ ២០​នេះ​ ​​បន្ទាប់​ពី​សរីរាង្គ​ខាង​ក្នុងភាគ​ច្រើន​លែង​ដំណើរការ​។ សេចក្តីថ្លែងការណ៍​បានបន្ត​និយាយ​ថា​ បុគ្គលិកពេទ្យដែល​ព្យាបាល​អ្នក​ជម្ងឺ​​ និង​ក្រុម​គ្រួសារ​ក្មេង​ប្រុស​នោះ​ត្រូវ​បាន​ដាក់​អោយ​នភ​ដាច់​ដោយ​ឡែក​។