-
វៀតណាមទទួលជោគជ័យ ក្នុងការផលិតបានវ៉ាក់សាំង របស់ រុស្ស៊ីជា លើកដំបូង (មានវីដេអូ)
-
វៀតណាមមានអ្នកឆ្លង Covid-19 ថ្មីៗជិត៣ពាន់នាក់បន្ថែមទៀត នៅក្នុងរបាយការណ៍ថ្ងៃព្រហស្បតិ៍នេះ (មានវីដេអូ)
-
ថៃមានអ្នកឆ្លង Covid-19 ថ្មីៗចំនួន១ម៉ឺន៣ពាន់៦៥៥ករណី និងស្លាប់៨៧នាក់ទៀតនៅក្នុងរបាយការណ៍ថ្ងៃព្រហស្បតិ៍នេះ (មានវីដេអូ)
-
អង្គការសុខភាពពិភពលោក WHO ព្រមានថា វីរុស COVID-19 បម្លែងថ្មី Delta នឹងរាតត្បាតពាសពេញពិភពលោកនៅប៉ុន្មានខែទៀត (មានវីដេអូ)
-
អង្គការសុខភាពពិភពលោក WHO ព្រមានថា វីរុស COVID-19 បម្លែងថ្មី Delta នឹងរាតត្បាតពាសពេញពិភពលោកនៅប៉ុន្មានខែទៀត
ស្វីស៖ អង្គការសុខភាពពិភពលោក (WHO) បានអោយដឹងថា វីរុសកូវីដ១៩បម្លែងថ្មី Delta ដែលត្រូវបានរកឃើញដំបូងនៅប្រទេសឥណ្ឌា ហើយវាត្រូវបានក្រុមអ្នកជំនាញអន្តរជាតិជឿជាក់ថា មានសមត្ថភាពចម្លងលឿនរហ័ស និងបង្កឲ្យអ្នកឆ្លងជំងឺធ្លាក់ខ្លួនឈឺធ្ងន់រហូតដល់ស្លាប់នោះ ត្រូវបានគេរំពឹងថា នឹងក្លាយជាវីរុសរាតត្បាតពាសពេញពិភពលោកនៅប៉ុន្មានខែទៀតប៉ុណ្ណោះ ។ បើតាមអង្គការសុខភាពពិភពលោក (WHO) វីរុសកូវីដ១៩បម្លែងថ្មី Delta បច្ចុប្បន្ននេះ វាត្រូវបានរកឃើញនៅក្នុងប្រទេស និងដែនដីសរុបចំនួន១២៤រួចទៅហើយ ពោលគឺកើនឡើងចំនួន១៣បន្ថែមទៀត បើធៀបនឹងសប្តាហ៍មុន ។ ហើយរហូតមកទល់ពេលនេះ ប្រទេសធំៗក៏កំពុងតែរាយការណ៍អំពីការរាតត្បាតវីរុសនេះយ៉ាងគំហុកផងដែរ ដោយស្ថិតនៅក្នុងអត្រាលើស២ភាគ៣នៃករណីឆ្លងថ្មីៗ ។ គួរកត់សម្គាល់ វីរុសបម្លែងថ្មីចំនួនបីទៀត គឺ Alpha ដែលមានប្រភពដើមនៅអង់គ្លេសត្រូវបានបានរកឃើញនៅ១៨០ប្រទេស និង ដែនដី វីរុសបម្លែងថ្មី Beta ដែលមានប្រភពដើមនៅអាហ្វ្រិកខាងត្បូងត្រូវបានរកឃើញនៅ១៣០ប្រទេស និង ដែនដី ហើយវីរុសបម្លែងថ្មី Gamma ដែលប្រភពដើមនៅប្រេស៊ីលត្រូវបានរកឃើញនៅ៧៨ប្រទេស និងដែនដី ៕ ប្រភព៖ AFP
-
ថៃមានអ្នកឆ្លង Covid-19 ថ្មីៗចំនួន១ម៉ឺន៣ពាន់៦៥៥ករណី និងស្លាប់៨៧នាក់ទៀតនៅក្នុងរបាយការណ៍ថ្ងៃព្រហស្បតិ៍នេះ
ថៃ៖ ក្រសួងសុខាភិបាលថៃបានរាយការណ៍នៅព្រឹកថ្ងៃព្រហស្បតិ៍នេះ ពីការរកឃើញអ្នកឆ្លងជំងឺកូវីដ១៩ថ្មីៗចំនួន១ម៉ឺន៣ពាន់៦៥៥ករណី និងស្លាប់៨៧នាក់បន្ថែមទៀតនៅក្នុងរយៈពេល២៤ម៉ោងចុងក្រោយ ។ ទន្ទឹមនេះ ក្នុងចំណោមករណីឆ្លងជំងឺកូវីដ១៩ថ្មីៗទាំងអស់ខាងលើនេះ មាន១ម៉ឺន៣ពាន់១១០ករណីជាប្រជាជនទូទៅ និង ៥៤៥ករណីទៀតជាអ្នកទោសក្នុងពន្ធនាគារ ។ ហើយនៅក្នុងរយៈពេល២៤ម៉ោងចុងក្រោយដែរ ក៏មានអ្នកជំងឹកូវីដ១៩ចំនួន៧ពាន់៩២១នាក់បានជាសះស្បើយ និងត្រូវបានអនុញ្ញាតអោយចាកចេញពីមន្ទីរពេទ្យ ។ គួរកត់សម្គាល់ ចាប់តាំងពីថ្ងៃទី១ ខែមេសាមក នៅពេលជំងឺកូវីដ១៩រលកទី៣ផ្ទុះឡើងនោះ ប្រទេសថៃមានអ្នកជំងឺកូវីដ១៩ចំនួន៤២ម៉ឺន៤ពាន់២៦៩ករណី ដែលក្នុងនោះមានអ្នកជំងឺ២៨ម៉ឺន៤ពាន់៩៥១នាក់បានជាសះស្បើយ ៕ ប្រភព៖ Bangkok Post
-
វៀតណាមមានអ្នកឆ្លង Covid-19 ថ្មីៗជិត៣ពាន់នាក់បន្ថែមទៀតនៅក្នុងរបាយការណ៍ថ្ងៃព្រហស្បតិ៍នេះ
វៀតណាម៖ ក្រសួងសុខាភិបាលវៀតណាមនៅព្រឹកថ្ងៃព្រហស្បតិ៍នេះ បានរាយការណ៍ពីការរកឃើញអ្នកឆ្លងជំងឺកូវីដ១៩ក្នុងសហគមន៍ចំនួន២ពាន់៩៦៥នាក់បន្ថែមទៀត ដែលនាំអោយចំនួនករណីឆ្លងជំងឺកូវីដ១៩នៅរលកថ្មីនៅទូទាំងប្រទេសវៀតណាម កើនឡើងដល់៦ម៉ឺន៧ពាន់៤២២ករណី ។ ចាប់តាំងពីជំងឺកូវីដ១៩រលកទី៤វាយប្រហារលើប្រទេសវៀតណាមកាលពីថ្ងៃ២៧ ខែមេសាមក ករណីឆ្លងក្នុងសហគមន៍បានរាលដាល់ដល់៦១ខេត្ត-ក្រុង ដោយខេត្ត ក្វាងប៊ិញ ត្រូវបានបន្ថែមចូលក្នុងបញ្ជីខេត្តមានអ្នកកើតជំងឺកូវីដ១៩ នៅក្នុងថ្ងៃព្រហស្បតិ៍នេះ ។ នៅទូទាំងប្រទេសវៀតណាម មានតែ២ខេត្តភាគខាងជើងទេ គឺ កាវ បាង និងឡាយ ចាវ ដែលមិនទាន់មានករណីឆ្លងជំងឺកូវីដ១៩ ។ គួរកត់សម្គាល់ ប្រទេសវៀតណាមបានចាក់វ៉ាក់សាំងបង្ការជំងឺកូវីដ១៩ជូនដល់ប្រជាជនខ្លួនបាន៤,៣៦លាននាក់ ស្មើនឹង៤,៥ភាគរយនៃប្រជាពលរដ្ឋរបស់ខ្លួន ក្នុងនោះតែមានមនុស្ស៣២ម៉ឺន៤ពាន់៩៥៥នាក់ប៉ុណ្ណោះ បានចាក់វ៉ាក់សាំងពេញលេញ (ពីរដូស) ៕ ប្រភព៖ VNExpress
-
វៀតណាមទទួលជោគជ័យ ក្នុងការផលិតបានវ៉ាក់សាំងរបស់រុស្ស៊ីនៅក្នុងប្រទេសខ្លួន
វៀតណាម៖ ប្រទេសរុស្សីបានប្រកាសនៅថ្ងៃពុធនេះថា កញ្ចប់វ៉ាក់សាំង Sputnik V មួយចំនួនត្រូវបានផលិតបានរួចរាល់ជាលើកដំបូងហើយនៅក្នុងប្រទេសវៀតណាម ដើម្បីអាចយកមកប្រយុទ្ធប្រឆាំងនឹងរលកថ្មីនៃជំងឺកូវីដ១៩ ។ កញ្ចប់វ៉ាក់សាំងដែលត្រូវបានផលិតនេះ ទោះបីជាយ៉ាងណាក្តីត្រូវបានគេចាត់ទុកថា ជាវ៉ាក់សាំងសម្រាប់តេស្តនៅឡើយ គឺជាការសហការគ្នារវាងរដ្ឋាភិបាលរុស្សីជាមួយនឹងក្រុមហ៊ុនរដ្ឋវៀតណាម Vabiotech ដែលក្នុងនោះ ទទួលបានការគាំទ្រហិរញ្ញវត្ថុទាំងស្រុងដោយ Sputnik V ។ ទន្ទឹមនេះ ប្រធានក្រុមហ៊ុន Vabiotech លោក Dat Tuan Do បានសំដែងការស្វាគមន៍យ៉ាងខ្លាំងចំពោះការប្រកាសនេះហើយថា វានឹងអាចជួយទៅដល់ប្រតិបត្តិការចាក់វ៉ាក់សាំងនៅវៀតណាមផង និងប្រទេសក្នុងតំបន់ផង ពីព្រោះថា វ៉ាក់សាំងនេះ នឹងប្រកបទៅដល់គុណភាព ជាពិសេសតម្លៃសមរម្យផងដែរ ។ យ៉ាងណាមិញ វ៉ាក់សាំងដែលផលិតរួចរាល់ជាលើកដំបូងនៅវៀតណាមទាំងនោះ នឹងត្រូវបញ្ចូនទៅដល់ដៃក្រុមហ៊ុនអ្នកផលិតនៅក្នុងទីក្រុងមូស្គូ ដើម្បីធ្វើការត្រួតពិនិត្យគុណភាពជាមុនសិន ៕ ប្រភព៖ Reuters
-
អ្នកឆ្លង COVID-19 នៅទូទាំងពិភពលោកកើនឡើងដល់១៩២លាន៨២ម៉ឺននាក់ ក្នុងនោះស្លាប់ជាង៤លាន១៤ម៉ឺននាក់ និងជាសះស្បើយ១៧៥លាន៣៤ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១៩២លាន៨២ម៉ឺន៥ពាន់៩៨២ករណី ក្នុងនោះមានអ្នកជម្ងឺសរុបចំនួន៤លាន១៤ម៉ឺន២ពាន់៤៧២នាក់ស្លាប់ និង ជាសះស្បើយឡើងវិញសរុបចំនួន១៧៥លាន៣៤ម៉ឺន៣ពាន់១៩៩នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី២២ ខែកក្កដា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣៥លាន១៤ម៉ឺន៦ពាន់៤៧៦នាក់ ស្លាប់ចំនួន៦២ម៉ឺន៥ពាន់៨០៨នាក់ និងជាសះស្បើយចំនួន២៩លាន៤៥ម៉ឺន៨ពាន់៤០៣នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៣១លាន២៥ម៉ឺន៦ពាន់៨៩៣នាក់ ស្លាប់៤១ម៉ឺន៩ពាន់២១នាក់ និងជាសះស្បើយ៣០លាន៤២ម៉ឺន១ពាន់៨១៣នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន១៩លាន៤៧ម៉ឺន៤ពាន់៤៩៨នាក់ ស្លាប់ចំនួន៥៤ម៉ឺន៥ពាន់៦៩០នាក់ និងជាសះស្បើយ១៨លាន២០ម៉ឺន៦ពាន់១៧៣នាក់ ៕ ប្រភព៖ worldometers
-
សភាហុងកុងបើកកិច្ចពិភាក្សាលើសេចក្ដីព្រាងច្បាប់ស្ដីពីការប្រឆាំងនឹងការទម្លាយព័ត៌មានឯកជន
ហ៊ីម រដ្ឋា សភាហុងកុងបានចាប់ផ្ដើមបើកកិច្ចពិភាក្សាអំពីសេចក្ដីព្រាងច្បាប់ស្ដីពីពីការប្រឆាំងនឹងការទម្លាយព័ត៌មានឯកជនជាសាធារណៈ កាលពីថ្ងៃពុធកន្លងទៅ។ យោងតាមការចុះផ្សាយរបស់សារព័ត៌មាន Reuters បានឱ្យដឹងថា សេចក្ដីព្រាងច្បាប់នេះត្រូវបានលើកយកមកពិភាក្សា ក្រោយពេលដែលព័ត៌មានឯកជនរបស់មន្ត្រីរដ្ឋបាលនៅលើដែនដីនេះ ដែលមានដូចជា អាសយដ្ឋានផ្ទាល់ខ្លួន ក៏ដូចជាសាលារៀន ដែលកូនរបស់ពួកគេកំពុងតែរៀន ត្រូវបានទម្លាយនៅលើបណ្ដាញអ៊ីនធឺណិត ដោយក្រុមប្រឆាំងនឹងរដ្ឋាភិបាលដែនដីស្វយ័តហុងកុង។ គេរំពឹងទុកថា ច្បាប់នេះអាចនឹងត្រូវអនុម័តយ៉ាងលឿន ដោយសារតែនៅពេលនេះសភាហុងកុងមិនសមាជិកក្រុមប្រឆាំងណាមួយទេ ខណៈអ្នកតាក់តែងច្បាប់មាននិន្នាការប្រឆាំងបានលាឈប់ ក្រោយពេលដែលច្បាប់សន្តិសុខជាតិត្រូវបានអនុម័ត ដោយក្រុងប៉េកាំងកាលពីឆ្នាំ២០២០។ បើតាម Reuters អ្នកដែលល្មើសនឹងច្បាប់នេះ គឺជាអ្នកដែលទម្លាយព័ត៌មានផ្ទាល់ខ្លួនរបស់បុគ្គលណាមួយ ដោយមិនមានការអនុញ្ញាត ដែលមានបំណងក្នុងការវាយប្រហារជាក់លាក់ណាមួយដូចជា ការគំរាមកំហែងផ្លូវកាយ និងផ្លូវចិត្តជាដើម។ អ្នកល្មើសច្បាប់ អាចនឹងប្រឈមនឹងការផាកពិន័យចំនួន ១លានដុល្លារហុងកុង ឬ ក្បែរ ១៣ម៉ឺនដុល្លារ ហើយអាចជាប់ពន្ធនាគារ ៥ឆ្នាំ។ បើទោះជាយ៉ាងណាក៏ដោយ ច្បាប់នេះត្រូវបានសម្ព័ន្ធអ៊ីនធឺណិតអាស៊ី ដែលរួមមានក្រុមហ៊ុន Google ក្រុមហ៊ុន Facebook និង Twitter សម្ដែងពីការព្រួយបារម្ភ ហើយបានហៅវិធានការនេះថា មិនសមស្របនឹងបទបញ្ញត្តិ និងទំនោររបស់ពិភពលោក៕ ប្រភព៖ Hong Kong begins talks on…