-
តួកគី៖ ក្រុង Varosha របស់ប្រទេសស៊ីបនឹងបើកឡើងវិញ ទោះបីមានការជំទាស់ពីក្រិកក្ដី
អាជ្ញាធរនៅសាធារណរដ្ឋទួរគីខាងជើងនៃកោះស៊ីប បានចេញសេចក្ដីប្រកាសកាលពីថ្ងៃអង្គារថា ផ្នែកមួយនៃក្រុងVarosha ដែលត្រូវបានបោះបង់ចោល នឹងត្រូវបើកឡើងវិញ បង្កជាការជំទាស់យ៉ាងខ្លាំងពីក្រិក ស៊ីប និងមេដឹកនាំអន្តរជាតិដទៃទៀតរួមទាំងសហរដ្ឋអាមេរិក។ ក្រុង Varosha ដែលជាកន្លែងប្រមូលផ្ដុំដោយសណ្ឋាគារ និងអគារស្នាក់នៅខ្ពស់ៗ ត្រូវបានគេបោះបង់ចោលក្លាយជាតំបន់យោធា ដោយមិនអនុញ្ញាតឱ្យនរណាចូលតាំងពីសង្រ្គាមឆ្នាំ ១៩៧៤ ហើយធ្វើឱ្យកោះស៊ីបបាក់បែក។ អាជ្ញាធរស៊ីបភាគខាងជើង បានបើកតំបន់តូចមួយសម្រាប់ដំណើរទស្សនកិច្ចកាលពីខែវិច្ឆិកា ឆ្នាំ ២០២០ ហើយកាលពីថ្ងៃអង្គារនេះ បាននិយាយថាផ្នែកមួយក្រុងនេះ នឹងត្រូវបើកជាធម្មតាជាមួយនឹងយន្តការមួយដែលអាចឱ្យប្រជាជនចូលទៅយកនូវទ្រព្យសម្បត្តិរបស់ខ្លួនបាន។ ប្រធានាធិបតីស៊ីបលោក Nicos Anastasiades បានពិពណ៌នាអំពីការផ្លាស់ប្តូរនេះថា ជាការមិនអាចទទួលយកបាន។ ចំណែកឯរដ្ឋមន្រ្តីការបរទេសអាមេរិកលោក Antony Blinken បានថ្លែងនៅក្នុងសេចក្ដីថ្លែងការណ៍មួយថា សេចក្តីសម្រេចនេះ គឺមិនស៊ីគ្នានឹងសេចក្តីសម្រេចចិត្តរបស់ក្រុមប្រឹក្សាសន្តិសុខអង្គការសហប្រជាជាតិ ដែលអំពាវនាវយ៉ាងជាក់លាក់ថាក្រុង Varosha ត្រូវបានគ្រប់គ្រងដោយអង្គការសហប្រជាជាតិ។ យ៉ាងណាមិញ ប្រធានាធិបតីតួកគីលោក Tayyip Erdogan ប្រាប់៖ «យើងមិនមានពេលវេលាខ្ជះខ្ជាយ ៥០ ឆ្នាំទៀតទេ»។ លោកនិយាយបែបនេះ ដោយសម្ដៅលើកិច្ចខិតខំប្រឹងប្រែងដែលរាប់ចាត់ទុកថាជាការបរាជ័យជាច្រើនទសវត្សរ៍របស់អង្គការសហប្រជាជាតិ ដើម្បីបង្រួបបង្រួមកោះស៊ីបដែលបែកបាក់។
-
ដ្រូនជ្រមុជទឹករបស់ចិន អាចផ្លាស់ប្តូររបៀបប្រយុទ្ធគ្នាលើដែនសមុទ្រ
ក្រុមស្រាវជ្រាវមួយនៅប្រទេសចិន បានបង្ហាញពីគម្រោងដ្រូនជ្រមុជទឹករបស់ខ្លួន ដែលអាចសម្គាល់ តាមដាន និងវាយប្រហារសត្រូវ ដោយមិនចាំបាច់មានមនុស្សបញ្ជា។ នេះបើតាមឱ្យដឹងពីរសារព័ត៌មាន South China Morning Post។ គម្រោងសំងាត់ ដែលត្រូវបានផ្តល់មូលនិធិដោយយោធានេះ ត្រូវបានប្រកាសជាផ្នែកៗ កាលពីសប្តាហ៍មុន ជាមួយនឹងការចែកចាយព័ត៌មានតាមរយៈឯកសារស្ដីអំពីការសាកល្បងប្រើប្រាស់ប្រភេទដ្រូនជ្រមុជទឹកគ្មានមនុស្សបើក (UUV) ដែលហាក់ដូចជា ដាក់សាកល្បងនៅច្រកសមុទ្រតៃវ៉ាន់កាលពីជាងមួយទសវត្សរ៍មុនឯណ្ណោះ។ គេមិនទាន់ដឹងច្បាស់ថា ហេតុអ្វីបានជាប្រទេសចិនទើបបានប្រកាសលម្អិតអំពីការសាកល្បងនេះ ប៉ុន្តែភាពតានតឹងលើច្រកសមុទ្រតៃវ៉ាន់ថ្មីៗនេះ បានកើនឡើងដល់ចំណុចខ្ពស់បំផុតក្នុងប៉ុន្មានទសវត្សចុងក្រោយនេះ។ បណ្តាប្រទេសដូចជា សហរដ្ឋអាមេរិក និងជប៉ុន បានលើកឡើងពីលទ្ធភាពនៃការធ្វើអន្តរាគមន៍ ផ្នែកយោធាប្រសិនបើ ក្រុងប៉េកាំង ដែលចាត់ទុកកោះតៃវ៉ាន់ជាផ្នែកមួយនៃទឹកដីរបស់ខ្លួន ព្យាយាមដណ្តើមយកកោះនេះដោយកម្លាំងបាយ។ យោងតាមសាស្ត្រាចារ្យ Liang Guolong និងសហសេវិកមកពីសាកលវិទ្យាល័យវិស្វកម្មវិស្វកម្មនាវាមុជទឹកកំពូលរបស់ប្រទេសចិន បានឱ្យដឹងថាយន្ដហោះរ៉ូបូតទាំងនេះ កំពុងធ្វើវិវឌ្ឍន៍ម្ដងបន្ដិចៗ ប៉ុន្តែការធ្វើឱ្យប្រសើរបច្ចេកវិទ្យាអាចនឹងធ្វើឡើងជាកញ្ចប់សរុបតែម្ដង។ នាវាប្រភេទផ្សេងៗគ្នា អាចត្រូវប្រើប្រាស់ដើម្បីតាំងទីនៅក្នុងបាតសមុទ្រ និងដាក់ធ្វើឱ្យសកម្មក្នុងករណីមានការប៉ះទង្គិច ឬ សង្គ្រាម។ អ្នកស្រាវជ្រាវ បាននិយាយនៅក្នុងឯកសារ ដែលបានចេញផ្សាយនៅក្នុងទិនានុប្បវត្តិនៃសាកលវិទ្យាល័យវិស្វកម្ម Harbin Engineering University កាលពីថ្ងៃ សុក្រ ថា៖ «សេចក្តីត្រូវការនៃអភិវឌ្ឍន៍អាវុធក្រោមទឹកនេះ នឹងនាំមកនូវឱកាសអភិវឌ្ឍន៍ថ្មីសម្រាប់សង្គ្រាមអាវុធដោយគ្មានមនុស្សបញ្ជានៅថ្ងៃអនាគត»។ នាវាមុជទឹកភាគច្រើន…
-
ចិនដាក់ដំណើរការរថភ្លើងល្បឿនលឿនបំផុតលើពិភពលោក ដែលរត់បានល្បឿន៦០០គីឡូម៉ែត្រក្នុងមួយម៉ោង (មានវីដេអូ)
ចិន៖ រថភ្លើងល្បឿនលឿនថ្មីមួយមានឈ្មោះថា Maglev របស់ប្រទេសចិន ចាប់ផ្តើមដាក់អោយដំណើរការហើយនៅថ្ងៃអង្គារសប្តាហ៍នេះ ដោយវាត្រូវបានរចនាឡើងក្នុងល្បឿនដ៏អស្ចារ្យ៦០០គីឡូម៉ែត្រក្នុងមួយម៉ោង ខណៈល្បឿនអតិបរិមានេះ នឹងធ្វើអោយរថភ្លើងដែលអភិវឌ្ឍដោយខ្លួនឯងរបស់ចិន និងផលិតនៅទីក្រុងឆ្នេរ ឈីងតាវ ក្លាយជាយានជំនិះលើដីគោកលឿនបំផុតនៅលើពិភពលោក ។ នៅក្នុងល្បឿន៦០០គីឡូម៉ែត្រក្នុងមួយម៉ោងនោះ វានឹងចំណាយពេលត្រឹមតែ២,៥ម៉ោងក្នុងការធ្វើដំណើរពីទីក្រុងប៉េកាំង ទៅទីក្រុងសៀងហៃតាមរថភ្លើង ដែលមានចម្ងាយជាង១ពាន់គីឡូម៉ែត្រ ។ បើធ្វើការប្រៀបធៀប ការធ្វើដំណើរបែបនេះនឹងចំណាយពេល៣ម៉ោងតាមយន្តហោះ និង ៥,៥ម៉ោងតាមរថភ្លើងល្បឿនលឿនធម្មតា ។ សូមជម្រាបផងដែរថា បណ្តាប្រទេសនានាចាប់ពីជប៉ុនរហូតដល់អាល្លឺម៉ង់ក៏កំពុងសម្លឹងមើលការកសាងបណ្តាញផ្លូវមេដែកនេះផងដែរ ៕ ប្រភព៖ ស៊ីនហួរ
-
WHO គាំទ្រព្រឹត្តិការណ៍កីឡាអូឡាំពិកទីក្រុងតូក្យូ ទោះបីធ្វើឡើងក្នុងកំឡុងពេលកូវីដ-១៩ក្ដី
លោក Tedros Adhanom Ghebreyesus ប្រធានអង្គការសុខភាពពិភពលោក (WHO) បានរៀបរាប់កាលពីថ្ងៃពុធនេះថា ព្រឹត្តិការណ៍កីឡាអូឡាំពិកទីក្រុងតូក្យូ គួរតែជាគំរូ បង្ហាញដល់ពិភពលោកនូវអ្វី ដែលយើងអាចជំនះបាន ប្រសិនបើមានផែនការ និងវិធានការណ៍ត្រឹមត្រូវ ក្នុងការទប់ស្កាត់វីរុសកូវីដ-១៩។ ថ្លែងទៅកាន់សមាជិកគណៈកម្មាធិការអូឡាំពិកអន្តរជាតិនៅក្នុងសម័យប្រជុំនៅរដ្ឋធានីជប៉ុនលោក Tedros បាននិយាយថាពិភពលោកកំពុងត្រូវការព្រឹត្តិការណ៍អូឡាំពិកឥឡូវនេះណាស់ ជាកាអបអរនៃក្តីសង្ឃឹមមួយ។ លោក បានមានប្រសាសន៍ថា៖ «កីឡាអូឡាំពិកនេះ ផ្ដល់នូវថាមពល ដើម្បីនាំពិភពលោករួមគ្នា បំផុស និងបង្ហាញនូវអ្វី ដែលអាចជំនះបាន»។ លោកថ្លែងថា៖ «សូមឱ្យពន្លឺនៃក្តីសង្ឃឹមចេញពីទឹកដីនេះ បំភ្លឺដល់ពន្លឺថ្ងៃថ្មីមួយ ដែលពិភពលោកមានសុខសុវត្ថិភាពជាងមុន។ វាជាក្តីសង្ឃឹមដ៏ស្មោះត្រង់របស់ខ្ញុំ ដែលខ្ញុំប៉ងឱ្យព្រឹត្តិការណ៍កីឡាតូក្យូនេះប្រព្រឹត្តិទៅដោយជោគជ័យ»។ មកដល់ពេលនេះ គេរកឃើញករណីវិជ្ជមាន ៦៧ ករណីនៅក្នុងប្រទេស ដែលមកដល់ប្រទេសជប៉ុនចាប់តាំងពីថ្ងៃទី ១ ខែកក្កដា មក ទោះបីជាមានវិធានការណ៍តឹងរឹងសម្រាប់ទប់ស្កាត់យ៉ាងណាក្ដី។
-
ធនាគារកណ្តាលថៃ៖ សេដ្ឋកិច្ចរបស់ថៃនឹងធ្លាក់ចុះទាបជាងការព្យាករណ៍ ដោយសារតែវិបត្តិកូវីដ-១៩ (មានវីដេអូ)
Video: https://fb.watch/v/I4NlzI63/ ថៃ៖ ធនាគារកណ្តាលរបស់ប្រទេសថៃបញ្ជាក់ថា សេដ្ឋកិច្ចរបស់ថៃអាចប្រឈមនឹងហានិភ័យធ្លាក់ចុះគួរអោយកត់សម្គាល់ ហើយអាចមានកំរិតទាបជាងការព្យាករណ៍ជាមូលដ្ឋាន ស្របពេលប្រទេសអាស៊ីដែលពឹងផ្អែកលើវិស័យទេសចរណ៍មួយនេះ បានជួបកំណើនដ៏ខ្ពស់នៃករណីឆ្លងជំងឺកូវីដ១៩នាពេលថ្មីៗនេះ ។ នាយកជាន់ខ្ពស់នៅធនាគារថៃ (BOT) លោកស្រី Chayawadee Chai-Anant បានថ្លែងនៅក្នុងកិច្ចប្រជុំរបស់អ្នកវិភាគថា ការរឹតត្បិតនេះនឹងមានផលប៉ះពាល់ខ្លាំងជាងការរំពឹងទុកទៅលើសេដ្ឋកិច្ច ។ លោកស្រីបានសង្កត់ធ្ងន់ថា គោលនយោបាយនេះ អាចធ្ងន់ធ្ងរជាងការរំពឹងទុក ហើយវានឹងប៉ះពាល់ដល់សកម្មភាពសេដ្ឋកិច្ចច្រើនជាងការព្យាករណ៍ ។ សូមរំលឹកថា កាលពីខែមុន ធនាគារថៃ (BOT) បានកាត់បន្ថយការព្យាករណ៍កំណើនផលិត ផលក្នុងស្រុកសរុប (GDP) ក្នុងឆ្នាំ២០២១ ពី៣.០%ទៅ១.៨% និងទស្សនវិស័យឆ្នាំ២០២២ ពី៤.៧% មកនៅត្រឹម៣.៩% ដោយសារចំនួនភ្ញៀវទេសចរបរទេសមានចំនួនទាបជាងការរំពឹងទុក ៕ ប្រភព៖ Reuters
-
ការនាំចេញរបស់ជប៉ុនកើនឡើង៤៨.៦%នៅក្នុងខែមិថុនា ឆ្នាំ២០២១នេះ (មានវីដេអូ)
ជប៉ុន៖ យោងតាមទិន្នន័យរបស់ក្រសួងហិរញ្ញវត្ថុជប៉ុនបានបង្ហាញអោយដឹងថា ការនាំចេញរបស់ជប៉ុនបានកើនឡើង៤៨.៦%នៅក្នុងខែមិថុនា ឆ្នាំ២០២១នេះ បើធៀបនឹងឆ្នាំមុន ។ ការកើនឡើងនេះ លើសពីតួលេខព្យាករណ៍របស់ក្រុមអ្នកសេដ្ឋកិច្ចវិទូនៅក្នុងបោះឆ្នោតមួយនៅក្នុងកាសែតរ៉យទ័រ ដែលមានចំនួនត្រឹមតែ៤៦.២% ។ ប៉ុន្តែវាបានធ្លាក់ចុះតិច បើធៀបនឹងខែឧសភា ដែលកើនឡើង៤៩.៦% ជាការកើនឡើងប្រចាំខែខ្ពស់បំផុតចាប់តាំងពីខែមេសា ឆ្នាំ១៩៨០ ។ ដោយឡែកការនាំចូលរបស់ជប៉ុនវិញក៏បានកើនឡើង៣២.៧%ផងដែរនៅក្នុងខែមិថុនាឆ្នាំ២០២១នេះ បើធៀបនឹងខែមិថុនាដូចគ្នាកាលពីឆ្នាំមុន កើនលើសការរំពឹងទុករបស់ប្រព័ន្ធផ្សព្វផ្សាយ ដែលមានចំនួន២៩.០%ប៉ុណ្ណោះ ។ ទន្ទឹមនេះ ប្រទេសជប៉ុនក៏បានរក្សាការវាយតម្លៃរួមនៃសេដ្ឋកិច្ចរបស់ខ្លួន មិនផ្លាស់ប្តូរក្នុងរយៈពេលពីរខែជាប់គ្នានៅក្នុងខែកក្កដាផងដែរ ដោយរក្សាទស្សនៈថា លក្ខខណ្ឌនៅតែធ្ងន់ធ្ងរដោយសារតែផលប៉ះពាល់នៃជំងឺរាតត្បាត ។ រដ្ឋាភិបាលជប៉ុនបាននិយាយនៅក្នុងការវាយតម្លៃខែកក្កដា អំពីលក្ខខណ្ឌសេដ្ឋកិច្ចថា សេដ្ឋកិច្ចបង្ហាញពីភាពទន់ខ្សោយ ការកើនឡើងនៅផ្នែកខ្លះ បើទោះបីជាសេដ្ឋកិច្ចបន្តកើនឡើង ចំពេលមានស្ថានភាពធ្ងន់ធ្ងរដោយសារជំងឺកូវីដ១៩ក៏ដោយ ៕ ប្រភព៖ CNA
-
ប្រមុខការពារជាតិអាមេរិកនឹងធ្វើទស្សនកិច្ចនៅប្លុកអាស៊ាន សប្តាហ៍នេះ
លោក Lloyd Austin រដ្ឋមន្ត្រីការពារជាតិអាមេរិកនឹងបំពេញទស្សនកិច្ចនៅប្រទេសសិង្ហបុរី វៀតណាម និងហ្វីលីពីន ដោយនឹងចាប់ផ្តើម នាថ្ងៃសុក្រ ទី២៣ កក្កដា ២០២១ នេះបើតាមការប្រកាសរបស់មន្ទីរបង់តាហ្គោនអាមេរិក កាលពីពេលថ្មីៗនេះ។ អ្នកនាំពាក្យមន្ទីរបង់តាហ្គោន John F. Kirby បាននិយាយថា ទស្សនកិច្ចដំបូងនៅអាស៊ីអាគ្នេយ៍ដោយសមាជិកជាន់ខ្ពស់របស់រដ្ឋបាល លោប្រធានាធិបតី ចូ បាយឌិននេះនឹងបង្ហាញពីសារៈសំខាន់របស់អាមេរិក ដើរតួនាទីនៅក្នុងតំបន់អាស៊ីអាគ្នេយ៍ និង បណ្តាប្រទេសនៃប្រជាជាតិអាស៊ាន ក៏ដូចជា ផ្នែកសំខាន់មួយនៃតំបន់ឥណ្ឌូប៉ាស៊ីហ្វិក៕
-
ថៃកត់ត្រាពីអ្នកឆ្លង Covid-19 ជាង១ម៉ឺន៣ពាន់ករណី និងស្លាប់ ១០៨ នាក់ទៀតនៅក្នុងរបាយការណ៍ថ្ងៃពុធនេះ (មានវីដេអូ)
-
វៀតណាមមានអ្នកឆ្លង Covid-19 ថ្មីៗចំនួន២ពាន់៧៧៥ ករណី បន្ថែមទៀតនៅក្នុងរបាយការណ៍នៅថ្ងៃពុធនេះ (មានវីដេអូ)
-
អស្ចារ្យ! លោក Jeff Bezos និងអ្នករួមដំណើរផ្សេង ទៀតបាន ត្រលប់មកផែន ដីវិញដោយជោគជ័យ ក្រោយបញ្ចប់ការហោះហើរ ទៅកាន់ទីអវកាស (មានវីដេអូ)
