វ៉ាស៊ីនតោន​​​៖​  រដ្ឋបាល​លោក​បៃដិន​ កាល​ពី​ថ្ងៃ​ចន្ទនេះ​​ បា​ន​ចោទ​រដ្ឋាភិបាល​ចិន​​​​ ថា​បាន​រំ​លោភ​បំ​ពាន​លើ​ប្រព័ន្ធ​អ៊ីម៉ែល​របស់​ក្រុម​ហ៊ុន​ Microsoft ​ដែល​​ប្រើ​ដោយ​ក្រុមហ៊ុន​ បណ្ដា​​រដ្ឋាភិបាល​ និង​​យោធា​ដ៏​ធំ​បំផុត​របស់​ពិភ​ព​លោក​ ខណៈ​​សហរដ្ឋ​អាមេរិក​ បាន​គៀងគរ​សម្ព័ន្ធ​មិត្ត​ជាច្រើន​​ថ្កោល​ទោស​រដ្ឋាភិបាល​ក្រុង​ប៉េកាំង​ ចំពោះ​ការ​វាយ​ប្រហារ​តាម​ប្រព័ន្ធ​អ៊ី​នធឺណិត​នៅ​ជុំ​វិញ​ពិភព​លោក​។​ យោង​តាម​ការ​ចុះផ្សាយ​របស់​កាសែត​ The New York Times ​លោក​​រដ្ឋ​​មន្ត្រី​ការ​បរទេស​ ​Anthony​ J. ​Blinken​ បាន​និយាយ​ថា​ ក្រសួង​សន្តិសុខ​រដ្ឋ​ចិន​ បាន​បង្កើត​ប្រព័ន្ធ​អេកូ​តាម​កិច្ច​សន្យា​ព្រហ្មទណ្ឌ​របស់​ពួក​ហ៊ែកឃឺរ​ (Hacker) ​ដែល​អនុវត្ត​ទាំង​សកម្មភាព​​ឧបត្ថម្ភ​ដោយ​រដ្ឋ​ និង​តាម​អ៊ីនធឺណិត​ ដើម្បី​ចំណេញ​ផ្នែក​ហិរញ្ញវត្ថុ​របស់​ខ្លួន​។​ ​យ៉ាង​ណា​មិញ​ សម្ព័ន្ធភាព​​​រួម​មាន​សហភាព​អឺរ៉ុប​ និង​សមាជិក​ទាំង​អស់​របស់​អង្គការ​ណាតូ​​ ហាក់​បាន​បញ្ឈប់​ការ​ដាក់​ទណ្ឌកម្ម​​ចិន​ជា​លើក​តំបូង​របស់​ខ្លួន​ ដោយ​គូស​បញ្ជាក់​ពី​ឧបសគ្គ​នៃ​ការ​ប្រឈម​មុខ​ជាមួយ​​ប្រទេស​នេះ​។​ អឺរ៉ុប​ដែល​មាន​កិច្ច​ព្រម​ព្រៀង​ពាណិជ្ជកម្ម​​រក​ចំណូល​បាន​ច្រើន​ជាមួយ​​ចិន​ ​មាន​ការ​ស្ទាក់​ស្ទើរ​ក្នុង​ការ​រិះគន់​ជា​សាធារណៈ​នា​ពេល​កន្លង​មក​។​​ ​ភាគ​ច្រើន​នៃ​ប្រទេស​សមាជិក​​សហគមន៍​អឺរ៉ុប​ គ្រាន់​តែ​បាន​ចោទ​ប្រកាន់​​ក្រុង​ប៉េកាំង​ថា​បាន​អនុញ្ញាត​ឱ្យ​ពួក​ វាយ​ប្រហារ​​តាមអ៊ីនធឺណែត​ ​​ ធ្វើ​ប្រតិបត្តិការ​ពី​ទឹក​ដី​របស់​ខ្លួន​។​ ​ប៉ុន្តែ​សហរដ្ឋ​អាមេ​រិក​ និង​អង់គ្លេស​ ដែល​មាន​ក្រុម​ហ៊ុន​​រង​ការ​វាយ​ប្រហារ​ធ្ងន់ធ្ងរ​​ បាន​ឈាន​មួយ​ជំហាន​ទៀត​ ដោយ​ចង្អុល​ចំ​ៗ​លើ​រដ្ឋាភិបាល​ចិន​ ដោយ​បាន​បញ្ជាក់​លម្អិត​អំពី​ទំនាក់​ទំនង​រវាង​ក្រុម​ស៊ើប​ការណ៍​សម្ងាត់​ចិន​ និង​ពួក​ឧក្រិដ្ឋ​ជន​ វាយ​ប្រហារ​តាមអ៊ីនធឺណែត​ ។​ សេចក្តី​ថ្លែងការណ៍​រួម​ថ្មី​ដែល​រិះគន់​ចិន​នេះ​ ត្រូវ​បាន​ចេញ​ដោយ​សហរដ្ឋ​អាមេរិក​ អូស្ត្រាលី ​អង់គ្លេស ​កាណាដា​ សហភាព​អឺរ៉ុប​…

នៅរដ្ឋ Oregon នៃ​សហរដ្ឋអាមេរិក មានភ្លើងឆេះព្រៃខ្លាំងមួយបានឆេះនៅលើផ្ទៃដីជាង ៣០ ម៉ឺនហិចតាបង្កឱ្យមានការជម្លៀសមនុស្សរាប់ពាន់នាក់នៅក្នុងតំបន់នោះ។ អ្នកពន្លត់អគ្គិភ័យជាង ២ពាន់នាក់កំពុងព្យាយាមគ្រប់គ្រងស្ថានការណ៍ភ្លើងឆេះព្រៃនោះដែលគេហៅថា The Bootleg Fire ។ ភ្លើងឆេះព្រៃ The Bootleg Fire​ បាន​បណ្ដាល​​​ឱ្យប្រជាជនយ៉ាងតិច ២​ពាន់នាក់នៅតំបន់ជនបទភាគច្រើនបោះបង់ចោលផ្ទះសម្បែងរបស់ពួកគេដើម្បីទៅស្នាក់នៅតំបន់ដែលមានសុវត្ថិភាព។ គិតមកដល់ពេលនេះ ផ្ទះនិងអគារចំនួន ១៦០ ត្រូវបានបំផ្លាញដោយសារឧប្បតិ្តវហេតុ​ភ្លើងឆេះព្រៃនេះ។ គួរបញ្ជាក់ផងដែរថា ភ្លើងឆេះព្រៃនៅរដ្ឋ Oregon នេះកើតឡើងចាប់តាំងពីថ្ងៃទី៦ ខែកក្កដាមកម្ល៉េះ ហើយបានដុតបំផ្លាញតំបន់មួយដែលធំជាងទីក្រុង Los Angeles ផងដែរ។ តាមការស្រង់សម្តីរបស់សារព័ត៌មាន BBC កាលពីថ្ងៃទី ១៨​ កក្កដានេះ ប្រធានផ្នែកប្រតិបត្តិការ លោក John Flannigan បានប្រាប់ប្រព័ន្ធផ្សព្វផ្សាយអាមេរិកថា កម្តៅភ្លើងឆេះព្រៃអាចនឹងកើនឡើងលឿនជាងមុនដោយសារអាកាសធាតុមិនអំណោយផលដែលមានសភាពក្តៅស្ងួត ហើយខ្យល់មិនមានស្ថេរភាពដែលធ្វើអោយកម្តៅកើនឡើងលឿនជាងមុន។ ភ្លើងឆេះព្រៃនេះមានសភាពខ្លាំងណាស់ដែលអគ្គិភ័យនេះអាចបង្កើតឱ្យមានអាកាសធាតុមួយដែលឯកឯងនៅក្នុងតំបន់ដែលមានភ្លើងឆេះនោះ។ អាំងតង់ស៊ីតេ និងកម្តៅខ្លាំងរបស់អគ្គិភ័យនេះអាចបង្ករអោយមានខ្យល់វិលជុំវិញដែលបង្កើតបានជាពពក ហើយជួនកាលបង្កើតបានជាព្យុះកំបុតត្បូងបក់កំដៅផ្សែង និងខ្យល់ខ្លាំង។ ភ្លើងឆេះព្រៃជាច្រើនរាលដាលទៅតំបន់ផ្សេងយ៉ាងឆាប់រហ័សហើយភ្លើងឆេះព្រៃ The Bootleg Fire នេះក៏មិនខុសគ្នាដែរ។ ក្នុងរយៈពេលពីរបីថ្ងៃដំបូង អគ្គិភ័យនេះបានបង្ករអោយមានការឆេះព្រៃត្រឹមប៉ុន្មាន…

កងកម្លាំងសន្តិសុខទួរគីបានឃុំខ្លួនជនចំណាកស្រុកនៅក្បែរព្រំដែនប្រទេសអ៊ីរ៉ង់​ជិត ១៥០០ នាក់ដែលភាគច្រើនជាជនជាតិអាហ្វហ្គានីស្ថាន។ តាមការស្រង់សម្តីរបស់សារព័ត៌មានរ៉យទ័រ​ មន្រ្តីអភិបាលខេត្ត និងក្រសួងមហាផ្ទៃបាននិយាយថា ជនចំណាកស្រុកចំនួន ១៤៥៦ នាក់ត្រូវបានឃុំខ្លួនចាប់តាំងពីថ្ងៃទី ១០ ខែកក្កដានេះ​ នៅភាគខាងកើតនៃខេត្ត Van ក៏ដូចជាអ្នកជួញដូរមនុស្សចំនួន ១១ នាក់ដែលបាននាំពួកគេចូលក្នុងប្រទេសទួរគី។ ការព្រួយបារម្ភពីលំហូរនៃជនចំណាកស្រុកទៅកាន់ប្រទេសទួរគីពីប្រទេសអាហ្វហ្គានីស្ថានតាមរយៈប្រទេសអ៊ីរ៉ង់បានកើនឡើងក្នុងប៉ុន្មានសប្តាហ៍ថ្មីៗនេះនៅពេលដែលអំពើហឹង្សារវាងរដ្ឋាភិបាលអាហ្វហ្គានីស្ថាន និងតាលីបង់បានកើតឡើងនៅពេលដែលកងកម្លាំងអាមេរិក និងណាតូដកកងទ័ស្លួនចេញពីតំបន់នោះ។

ការកើនឡើងករណីវិជ្ជមានកូវីដ-១៩ នៅទូទាំងសហរដ្ឋអាមេរិក និងនៅបរទេសបានធ្វើឱ្យមានការភ័យខ្លាចនៃការលេចចេញការរីករាលដាលក្នុងសហគមន៍ដែលបង្ករ​លក្ខណៈ​ក្នុងការគ្រប់គ្រង។ ការផ្ទុះឡើង​ថ្មីៗគឺនៅក្នុងផ្នែកខ្លះដែលមានប្រជាជនតិចភាគរយ​ ទទួលបានការចាក់វ៉ាក់សាំងការពារកូវីដ-១៩ ។មកទល់ពេលនេះ​ ចំនួនប្រជា​ជនតិចតួច​ដែលទទួលបានការចាក់វ៉ាក់សាំងបានជំរុញអោយមេដឹកនាំបង្កើនសម្ពាធទៅលើប្រជាជនអាមេរិកអោយទទួលការចាក់វ៉ាក់សាំង។ គួរបញ្ចាក់ផងដែរថា​ ចំនួនមធ្យមនៃករណីឆ្លងកូវីដ-១៩ ប្រចាំថ្ងៃនៅសហរដ្ឋអាមេរិកបានកើនឡើងបីដងក្នុងរយៈពេល ៣០ ថ្ងៃកន្លងមកនេះ។ តាមការស្រង់សម្តីរបស់សារព័ត៌មានរ៉យទ័រ​ ប្រធានាធិបតីអាមេរិក លោក Joe Biden បាននិយាយថា អត្រាខ្ពស់នៃការឆ្លងកូវីដ-១៩ កើតមាននៅក្នុងរដ្ឋដែលមានអត្រាចមនួនអ្នកចាក់វ៉ាក់សាំងទាប។ លោក Biden បានទទូចថា៖ «សូមមេត្តាទទួលការចាក់វ៉ាក់សាំងវ៉ាក់សាំងការពារកូវីដ-១៩ ។ សូមទទួលការចាក់វ៉ាក់សាំងឥឡូវនេះ»។ កាលថ្ងៃទីច័ន្ទ​នេះ នាយករដ្ឋមន្រ្តីកាណាដា លោក Justin Trudeau បាននិយាយថា ជនជាតិអាមេរិកាំងដែលបានចាក់វ៉ាក់សាំងគ្រប់ដូសហើយ អាចឆ្លងព្រំដែនអាមេរិក-កាណាដាចាប់ពីថ្ងៃទី ៩ ខែសីហាដោយមានការបន្ធូរបន្ថយការរិតត្បិតក្នុងការធ្វលដំណើរ។

ក្រោយ​ពី​សហរដ្ឋអាមេរិក និង​ក្រុម​ប្រទេស​អង្គការ​សម្ព័ន្ធមិត្ត NATO ប្រកាស​ដក​ទ័ព​ចេញ​ពី​ប្រទេស​អាហ្វហ្គានីស្ថាន ចិន និង​រុស្ស៊ី​ចាប់​ផ្ដើម​ឈឺ​ឆ្អាល​យ៉ាង​សកម្ម​ទៅ​លើ​បញ្ហា​នៅ​ក្នុង​ប្រទេស​មជ្ឈិមបូព៌ា​នេះ។ ទាំង​រដ្ឋមន្ត្រី​ការបរទេស​ចិន លោក Wang Yi និង​រដ្ឋមន្ត្រី​ការបរទេស​រុស្ស៊ី លោក Sergey Lavrov បាន​រិះ​គន់​ថា ការ​ដក​ទ័ព​យ៉ាង​ប្រញាប់​របស់​សហរដ្ឋអាមេរិក​ និង​ក្រុម​សម្ព័ន្ធ​មិត្ត​ ដែល​ធ្វើ​ឱ្យ​អាហ្វហ្គានីស្ថាន​ធ្លាក់​ក្នុង​ភាព​មិន​ប្រាកដ​ប្រជា​ផ្នែក​សន្តិសុខ​ និង​ផ្នែក​នយោបាយ។ បន្ថែម​ពី​លើ​នេះ​ទៅ​ទៀត ប្រទេស​មហាអំណាច​ទាំង​ពីរ​នេះ សុទ្ធ​តែ​បង្ហាញ​ពី​ការ​ត្រៀម​ខ្លួន​ក្នុង​ការ​ចូល​ជួយ​អាហ្វហ្គានីស្ថាន ស្វែងរក​ផ្លូវ​​ទៅ​កាន់​សន្តិភាព និង​ស្ថិរភាព។ ក្រៅ​ពី​បង្ហើរ​សារ​តាម​រយៈ​ក្រសួង​ការបរទេស​ប្រចាំ​រដ្ឋធានី​នីមួយៗ ប្រទេស​ទាំង​ពីរ​ក៏​បាន​លើក​ពី​បញ្ហា​នៅ​ប្រទេស​អាហ្វហ្គានីស្ថាន មក​ពិភាក្សា​នៅ​ក្នុង​វេទិកា​សន្តិសុខ​មួយ ដែល​បង្កើត​នៅ​ទីក្រុង​សៀងហៃ​ ប្រទេស​ចិន​កាល​ពី​ ២០ឆ្នាំ​មុន។ វេទិកា​នោះ​មាន​ឈ្មោះ​ថា អង្គការ​កិច្ច​សហប្រតិបត្តិការ​ទីក្រុង​សៀងហៃ ដែល​ហៅ​កាត់​ជា​ភាសា​អង់គ្លេស​ថា SCO។ អង្គការ​ SCO នៅ​ពេល​នេះ​មាន​សមាជិក​ចំនួន​ ៨ប្រទេស​ ដែល​ភាគ​ច្រើន​នៅ​តំបន់​អាស៊ី​កណ្ដាល និង​អាស៊ី​ខាង​ត្បូង។ ប្រទេស​ទាំង ៨នោះ​មាន​ដូច​ជា ចិន ឥណ្ឌា កាហ្សាក់ស្ថាន កៀហ្ស៊ីស៊ីស្ថាន ប៉ាគីស្ថាន រុស្ស៊ី តាហ្ស៊ីគីស្ថាន និង​អ៊ូបេគីស្ថាន។ អង្គការ​នេះ​ធ្វើ​ការ​លើ​ផ្នែក​សន្តិសុខ ដែល​ជាពិសេស​ព្យាយាម​ដោះស្រាយ​លើ​បញ្ហា​ធំៗ​ចំនួន ៣គឺ ភេរវកម្ម ចលនា​ផ្ដាច់​ខ្លួន…

អាមេរិក និង​អាឡឺម៉ង់​  រំពឹងថា​នឹង​ប្រកាស​ពី​ដំណោះស្រាយស្ដីពីជម្លោះដ៏យូរអង្វែង​របស់​ពួកគេ​លើ​បំពង់​បង្ហូរ​ឧស្ម័នធម្មជាតិរបស់​រុស្ស៊ី Nord Stream 2 តម្លៃជាង ១១ ពាន់លានដុល្លារ​ក្នុង​ពេល​ឆាប់​ៗ​នេះ​។ នេះបើ​យោង​តាម​ប្រភព​ ដែល​មាន​ជំនាញ​ពី​បញ្ហា​នេះ​។​ ប្រធានាធិបតីលោក​ Joe Biden និងអធិការបតីអាល្លឺម៉ង់ លោកស្រី Angela Merkel បានបរាជ័យ​ក្នុង​ការ​ដោះស្រាយភាពខុសគ្នារបស់ពួកគេជុំវិញ​បញ្ហា​បំពង់បង្ហូរប្រេងក្រោមសមុទ្រ​ក្នុង​ជំនួប​កាលពី​សប្តាហ៍​មុន​ ប៉ុន្តែបានយល់ព្រមថា ទីក្រុងម៉ូស្គូ មិនត្រូវ​ ប្រើប្រាស់ថាមពលជាអាវុធប្រឆាំង​នឹង​ប្រទេស​ជិត​ខាង​ឡើយ​។​ កិច្ចព្រមព្រៀងនេះ ត្រូ​វ​បាន​គេ​លើក​យក​មក​ពិភាក្សា​ក្នុង​ចំណោម​មន្រ្តី​អាមេរិក និងអាល្លឺម៉ង់​ ស្ដី​អំពី​ក្តី​បារម្ភ​របស់​អាមេរិក ដែលថា​ការ​សាងសង់​បំពង់បង្ហូរប្រេងនេះ​រួចរាល់បាន​ដល់​ ៩៨% ទៅហើយ ដែល​គម្រោង​នេះ​នឹងផ្គត់​ផ្គង់​ថាមពល​ឧស្ម័នទៅ​ឱ្យ​​អឺរ៉ុប ហើយ​អាច​កាត់បន្ថយថ្លៃដឹកជញ្ជូនឆ្លងកាត់អ៊ុយក្រែន​ ដែល​ប្រមូល​បាន​ពី​ការ​​បូម​ឧស្ម័ន​នៅ​​បំពង់ ដែល​មានស្រាប់។ កិច្ចព្រមព្រៀងនេះនឹង​បញ្ចៀសការបន្តដាក់ទណ្ឌកម្មរបស់សហរដ្ឋអាមេរិកប្រឆាំង នឹង ក្រុមហ៊ុន Nord Stream 2 AG ដែលជាក្រុមហ៊ុននៅពីក្រោយបំពង់បង្ហូរប្រេង និងនាយកប្រតិបត្តិរបស់ខ្លួន។ ព័ត៌មានលម្អិតទាក់ទិននឹង​កិច្ចព្រមព្រៀង​នេះ​នៅ​មិនទាន់​បាន​បង្ហាញ​នៅ​ឡើយ​ទេ ប៉ុន្តែ​ប្រភព​ដដែល​បាន​ឱ្យដឹងថា​ កិច្ចព្រមព្រៀងនេះនឹងរួមបញ្ចូល​ទាំងការប្តេជ្ញាចិត្តដោយភាគីទាំងពីរ ដើម្បីធានាកា​រវិនិយោគ​ទុន​នៅ​ក្នុងវិស័យថាមពលរបស់អ៊ុយក្រែន និង​ទូទាត់នូវការធ្លាក់ចុះអវិជ្ជមានណាមួយចេញ​ពីបំពង់​បង្ហូរប្រេង​ថ្មី ដែល​នឹងនាំឧស្ម័នពីតំបន់អាក់ទិ​កទៅ​កាន់ប្រទេសអាល្លឺម៉ង់​ក្រោមសមុទ្របាល់ទិ​ក។ ប្រភពមួយ ដែលបាននិយាយក្នុងលក្ខខណ្ឌអនាមិកពីព្រោះកិច្ចពិភាក្សានៅមិនទាន់បញ្ចប់ បាន​និយាយ​ថា​៖​ «ការព្រមព្រៀងនេះ មើលទៅដូចជា​ល្អ​ ។…

អង់គ្លេស បាន​ព្រមាន​សប្ដាហ៍​នេះថា ​ខ្លួន​​នឹង​ងាក​ចេញ​ពី​កិច្ចព្រមព្រៀង Brexit លុះត្រា​តែ​សហភាព​អឺរ៉ុប ជួយសម្រួល​ឱ្យ​អៀរឡង់ខាងជើង ដែលជាចំណាត់​ការ​មួយ​ ​ដែលអាចជំរុញឱ្យការ​ចាកចេញ​ពី​ Brexit រយៈពេល ៥ ឆ្នាំ ធ្លាក់​ក្នុង​សភាព​អាណាធិ​បតេយ្យ​។ នេះបើ​តាម​ឱ្យ​ដឹងពីប្រភព​ខាង​អង់គ្លេស និង​សហភាព​អឺរ៉ុប​ប្រាប់សារព័ត៌មាន​ Reuter។​ ​ ការងាកចេញពីកិច្ចព្រមព្រៀង ដែលគេហៅថា ពិធីសារអៀរឡង់ខាងជើង គឺជាជំហាន​ប្រកប​ដោយ​គ្រោះ​ថ្នាក់​មួយ​ ដោយ​មាន​​បំណងរារាំងមិន​ឱ្យ​ Brexit រំខាន​ដល់ស​ន្តិភាព​អៀរឡង់ខាងជើង ​ជាផ្នែក​មួយ​នៃ​កិច្ច​ព្រម​ព្រៀង​ឆ្នាំ​ ១៩៩៨ របស់សហរដ្ឋអាមេរិក ដែលបានបញ្ចប់ជម្លោះបីទសវត្សកន្លង​មក​។ ពិធីសារ ដែលបានដាក់ឯកសារ និងការត្រួតពិនិត្យ​ ដែល​អាចការពារ​ការនាំចេញ​អាហារ​អង់គ្លេស ដូចជា សាច់ក្រក ទៅ​ប្រទេសអៀរឡង់ខាងជើង​ បាន​រារាំង​ដំណើរ​ចាក​ចេញ​ពី​ Brexit ឆ្នាំ ២០២០ ដែល​បាន​ចុះ​ហត្ថលេខា​ដោយ​​នាយករដ្ឋមន្រ្តីលោក​ Boris Johnson។ ប្រភពមួយ បាននិយាយថា លោក David Frost រដ្ឋមន្រ្តីអង់គ្លេស ដែលដឹកនាំកិច្ចចរចា Brexit កំពុង​ត្រៀម​ប្រកា​សអំពីការផ្លាស់ប្តូរសក្តានុពលលើ​ពិធីសារ ដែលអាចមានផលវិបាក​ដ៏​ធំធេង​សម្រាប់​ទំនាក់ទំ​​​នងជាមួយសហភាពអឺរ៉ុប។ ផែនការនេះ កំពុ​ងត្រូវបានដំណើរ​ការដោយក្រុម​ការងារ​អង់គ្លេស​ Downing…

បេសកកម្ម​ការ​ទូត​ជាង​ដប់​ នៅ​ក្នុង​ប្រទេស​អាហ្វហ្គានីស្ថាន​​កាល​ពី​ថ្ងៃច័ន្ទ​ ទី​១៩ ​កក្កដា ​បាន​អំពាវនាវ​ ឱ្យ​មាន​ការ​បញ្ចប់​ជា​បន្ទាន់​ នូវ​ការ​វាយប្រហារ​របស់​ក្រុម​តាលីបង់​ ដោយ​ក្រុម​អ្នកការទូត​បាន​និយាយ​ថា​សកម្មភាព​របស់​តាលីបង់​គឺ ​ផ្ទុយ​ទៅ​នឹង​ការ​អះអាង​ថា​ពួក​គេ​ចង់​បាន​ដំណោះ​ស្រាយ​នយោបាយ​ដែល​កំពុង​ចរចា​ដើម្បី​បញ្ចប់​ជម្លោះ។​ សេចក្ដីថ្លែងការណ៍​ដែល​បាន​ ចុះ​ហត្ថលេខា​ដោយ​សហរដ្ឋ​អាមេរិក​ សហភាព​អឺរ៉ុប​ និង​បេសកកម្ម​ជាង ​១០ ផ្សេង​ទៀត​ នៅ​ក្នុង​ទីក្រុង​កាប៊ុល​បាន​ធ្វើ​ឡើង​ ក្រោយ​កិច្ច​ពិភាក្សា​កាល​ពី​ចុង​សប្ដាហ៍​មុន​នៅ​ក្នុង​ប្រទេស​កាតា​រវាង​រដ្ឋាភិបាល​អាហ្វហ្គានីស្ថាន​ និង​ក្រុម​តាលីបង់​មិន​បាន​សម្រេច​ក្នុង​ការ​ទទួល​លទ្ធផល​ណា​មួយ​។ សេចក្ដីថ្លែងការណ៍​នោះ​សរសេរ​ថា «ការ​វាយ​លុក​ របស់​តាលីបង់​គឺ​ផ្ទុយ​ស្រឡះ​ ពី​ការ​អះអាង​របស់​ពួកគេ​ ថា​ ពួកគេ​នឹង​គាំទ្រ​ដំណោះ​ស្រាយ​តាម​បែប​ចរចា​»​ ។ ការវាយប្រហារ​ របស់​ក្រុម​តាលីបង់​ បាន​បណ្ដាល​ឱ្យ​បាត់បង់​ជីវិត​ជន​ស៊ីវិល​អាហ្វហ្គានីស្ថាន ការ​ផ្លាស់​ទីលំនៅ​ ការ​លួច​ប្លន់​ ​ការ​ដុត​បំផ្លាញ​អាគារ​ ការ​បំផ្លាញ​ហេដ្ឋារចនាសម្ព័ន្ធ​សំខាន់​ៗ​ និង​ការ​ខូច​ខាត​បណ្ដាញ​ទំនាក់​ទំនង​នៅ​ក្នុង​ប្រទេស​។ លោក​ អាប់ឌុលឡា អាប់ឌុលឡា ​ដែល​ជា​អ្នកដឹកនាំ​ គណៈប្រតិភូ​រដ្ឋាភិបាល​អាហ្វហ្គានីស្ថាន​ក្នុង​ចរចា​បាន​ប្រាប់​សារព័ត៌មាន​ AFP​ ថា៖​ «យើង​ក៏​បាន​ព្រមព្រៀង​ផង​ដែរ ​ថា​មិន​គួរ​ មាន​ការ​ផ្អាក​ កិច្ច​សន្ទនា​នៅ​ក្នុង​ការចរចា​នេះ​ទេ​»។ ទោះ​យ៉ាងណា​ លោក​បាន​កត់​សម្គាល់​ថា​បច្ចុប្បន្ន​នេះ​ គ្មាន​ភាគី​ ណាមួយ​បាន​ធ្វើ​ការ​ឈប់​បាញ់​គ្នា​ ក្នុង​អំឡុង​កិច្ចពិភាក្សា​នោះ​ក៏ដោយ​ បើ​ទោះបី​មាន​ការ​អំពាវ​នាវ​ ជា​បន្ទាន់​ពី​សង្គម​ស៊ីវិល​ អាហ្វហ្គានីស្ថាន​និង​សហគមន៍​អន្តរជាតិ​ដើម្បី​បញ្ចប់​ការ​ប្រយុទ្ធ​គ្នា​ក៏​ដោយ​។

វៀតណាម​បាន​ព្រមព្រៀង​​សហរដ្ឋអាមេរិក​កាល​ពី​ថ្ងៃ​ទី១៩ ខែ​កក្កដា​ថា​ ខ្លួន​នឹង​មិន​ទម្លាក់​តម្លៃ​រូបិយប័ណ្ណ​ដុង ហើយ​សន្យា​ថា​នឹង​រៀបចំ​គោលនយោបាយ​រូបិយវត្ថុ​របស់​ខ្លួន​ឲ្យ​កាន់​តែ​តម្លាភាព​ជាង​មុន។ ការ​ព្រមព្រៀង​នេះ​ធ្វើ​ឡើង​តាម​រយៈ​សេចក្ដីថ្លែងការណ៍​រួម​រវាង​លោកស្រី Janet Yellen រដ្ឋមន្ត្រី​ក្រសួង​រតនាគារ​សហរដ្ឋអាមេរិក លោក​ស្រី​ ង្វៀន ធីហុង (Nguyen Thi Hong) ទេសាភិបាល​នៃ​ធនាគារ​រដ្ឋ​វៀតណាម។ ការ​ទម្លាក់​តម្លៃ​រូបិយប័ណ្ណ​ដុង ធ្វើ​ឱ្យ​វៀតណាម​អាច​ទាញ​យក​ចំណេញ​បាន​ច្រើន​ពី​ពាណិជ្ជកម្ម​ជាមួយ​សហរដ្ឋ​អាមេរិក។ កាល​ពី​ឆ្នាំ២០២០ ចំ​ពេល​ដែល​អាមេរិក និង​ចិន​មាន​ជម្លោះ​ពាណិជ្ជកម្ម​ និង​វិបត្តិ​ជំងឺ​កូវីដ១៩ វៀតណាម​មាន​អតិរេក​ពាណិជ្ជកម្ម​ជាមួយ​នឹង​សហរដ្ឋអាមេរិក បាន​សេចក្ដី​ថា​វៀតណាម​នាំ​ចេញ​ទៅ​កាន់​អាមេរិក​ ច្រើន​ជាង​នាំ​ចូល ដោយ​វៀតណាម​ចំណេញ​សរុប​គិត​ជា​សាច់ប្រាក់​នោះ​គឺ​ប្រមាណ​ក្បែរ​នឹង ៧ម៉ឺន​លាន​ដុល្លារ ដែល​ជា​ចំនួន​មួយ​កើន​ពី​ស្ថិតិ​ឆ្នាំ២០១៩។ ចំពោះ​មុខ​ស្ថានភាព​នេះ រដ្ឋបាល​របស់​លោក​ប្រធានាធិបតី​ដូណាល់ ត្រាំ​នៅ​ក្នុង​ពេលវេលា​ចុង​ក្រោយ​របស់​ខ្លួន បាន​ចាត់​ទុក​វៀតណាម​ថា ជា​ប្រទេស​ធ្វើ​ការ​អន្តរាគមន៍​ក្នុង​អត្រា​ប្ដូរ​ប្រាក់ ហើយ​ថែម​ទាំង​គំរាម​ដាក់​ទណ្ឌកម្ម​ទៀត​ផង។ យ៉ាងណាមិញ ក្នុង​រដ្ឋបាល​លោក Joe Biden ខាង​សហរដ្ឋអាមេរិក បាន​ចរចា​បញ្ចុះបញ្ចូល​​វៀតណាម​ រហូត​ដល់​ប្រទេស​សង្គមនិយម​មួយ​នេះ ព្រមព្រៀង​ឈប់​ទម្លាក់​តម្លៃ​រូបិយប័ណ្ណ​របស់​ខ្លួន៕