-
វៀតណាមផ្តើមដឹកទំនិញផ្ទាល់ទៅអឺរ៉ុប តាមរថភ្លើងលើកដំបូង
រថភ្លើងដឹកទំនិញបានចាកចេញពីក្រុងហាណូយ ឆ្ពោះទៅប្រទេសប៊ែលហ្សិក លើកដំបូង កាលពីថ្ងៃទី២០ កក្កដា ២០២១ ដោយផ្ទុកផលិតផល ដូចជា ផលិតផលកាត់ដេរវាយនភណ្ឌ មានទាំងស្បែកជើងស្បែកជាដើម។ ផ្លូវរថថ្មីនេះនាំជើងរថភ្លើងពីស្ថានីយ៍ នៅក្នុងក្រុងហាណូយ ទៅក្រុងនៃប្រទេសប៊ែលហ្សិក ដែលជាប្រទេសស្ថិតក្នុងទ្វីបអឺរ៉ុប ខណៈដែលទូរថភ្លើងផ្ទុកទំនិញទាំងនោះនឹងត្រូវដឹកបន្តដោយរថយន្ត ទៅកាន់ទិសដៅចុងក្រោយ គឺក្រុង Rotterdam នៃប្រទេសហូឡង់ នេះបើតាមអយស្ម័យានវៀតណាម Vietnam Railways ។ យ៉ាងណាក៏ដោយ រថភ្លើងផ្ទុកទូកុងតឺន័រប្រវែងជាង១២ម៉ែត្រនីមួយៗ នឹងត្រូវឆ្លងកាត់ក្រុង Zhengzhou ប្រទេសចិន ហើយក៏ក្លាយជារថភ្លើងភ្ជាប់រវាងអាស៊ីនិងអឺរ៉ុប គោលដៅនៅប៊ែលហ្សិក តាមរយៈរុស្ស៊ីនិងបណ្តាប្រទេសនៅអាស៊ី តំបន់កណ្តាលនានា ដោយដំណើរនេះនឹងត្រូវចំណាយពេល ចន្លោះពី២៥ ទៅ២៧ថ្ងៃ។ តាមគម្រោង ជើងរថភ្លើងវៀតណាមទៅអឺរ៉ុបនេះ ត្រូវបានក្រុមហ៊ុន Ratraco ដែលទាក់ទងផ្ទាល់ជាមួយបណ្តាប្រទេសផ្សេងៗក្នុងការនាំទំនិញ តាមរថភ្លើងនេះ គ្រោងនឹងចេញដំណើរ៨រថភ្លើង ក្នុង១ខែ៕ ប្រភពពី VNexpress
-
អធិការបតីអាល្លឺម៉ង់៖ ប្រទេសអាឡឺម៉ង់មានប្រព័ន្ធប្រកាសអាសន្នដែលសបស្រប
កាលពីថ្ងៃអង្គារនេះ អធិការបតីអាល្លឺម៉ង់បានការពារប្រព័ន្ធប្រកាសអាសន្នរបស់អាល្លឺម៉ង់ដែលជាការប្រឆាំងនឹងការរិះគន់ពីសំណាក់ប្រជាជន បន្ទាប់ពីមានទឹកជំនន់កាលពីសប្តាហ៍មុន។ ថ្លែងនៅក្នុងដំណើរទស្សនកិច្ចទៅកាន់តំបន់ដែលរងគ្រោះដោយទឹកជំនន់នៅភាគខាងជើងនៃ Rhine-Westphalia លោកស្រី Angela Merkel បាននិយាយថា ប្រទេសអាឡឺម៉ង់មានប្រព័ន្ធប្រកាសអាសន្នដែលសបស្របមួយ ប៉ុន្តែបានសន្យាពិនិត្យឡើងវិញនូវអ្វីដែលដំណើរការ និងមិនដំណើរការ។ លោកស្រីបាននិយាយថា រដ្ឋាភិបាលនឹងពិភាក្សាគ្នាដោយប្រើប្រព័ន្ធប្រកាសអាសន្នទឹកជំនន់តាមទូរស័ព្ទចល័តនាពេលអនាគត បន្ទាប់ពីមានការរិះគន់ថា ប្រជាជននៅតំបន់ដែលរងផលប៉ះពាល់មិនបានទទួលការប្រកាសអំពីគ្រោះថ្នាក់ដែលអាចកើតមានឡើងឡើយ។ គួរបញ្ជាក់ផងដែរថា នៅភាគខាងលិចនៅប្រទេសអាល្លឺម៉ង់កាលពីសប្តាហ៍មុនមានភ្លៀងធ្លាក់យ៉ាង់ខ្លាំងដែលបង្ករទៅជាទឹកជំនន់បណ្តាលអោយមនុស្សយ៉ាងតិច ១០០ នាក់បាត់បង់ជីវិត។
-
សម្ព័ន្ធមិត្តរបស់លោក Trump ត្រូវជាប់ពន្ធនាគារពីបទធ្វើសកម្មភាពក្នុងនាមជាភ្នាក់ងាររបស់រដ្ឋាភិបាលបរទេស
លោក Tom Barrack អតីតទីប្រឹក្សារបស់អតីតប្រធានាធិបតីសហរដ្ឋអាមេរិក លោក Donald Trump ត្រូវបានចោទប្រកាន់កាលពីថ្ងៃ អង្គារ ពីបទបញ្ចុះបញ្ចូលបរទេសខុសច្បាប់ក្នុងនាមជាមន្ត្រីសហភាពអារ៉ាប់រួម UAE សម្រាប់អ្វី ដែលរដ្ឋអាជ្ញាសហព័ន្ធពិពណ៌នាថា ជាកិច្ចខិតខំប្រឹងប្រែងមួយ ដើម្បីជះឥទ្ធិពលដល់តួនាទីគោលនយោបាយការបរទេសរបស់លោកតាំងពីឆ្នាំ ២០១៦ និងយុទ្ធនាការប្រធានាធិបតី និងរដ្ឋបាលជាបន្តបន្ទាប់។ លោក Barrack ត្រូវបានចោទប្រកាន់ក្នុងការចោទប្រកាន់ចំនួន ៧ ករណី រួមមានការដើរតួជាភ្នាក់ងាររបស់សហភាព UAE នៅចន្លោះខែមេសាឆ្នាំ ២០១៦ និងខែមេសាឆ្នាំ ២០១៨ និងបទរារាំងយុត្តិធម៌ និងធ្វើសេចក្តីថ្លែងការណ៍មិនពិតទៅកាន់ភ្នាក់ងារអនុវត្តច្បាប់សហព័ន្ធ។ យោងតាមការចោទប្រកាន់នេះលោក Barrack បានទាក់ទងដោយផ្ទាល់ និងដោយប្រយោលជាមួយថ្នាក់ដឹកនាំជាន់ខ្ពស់សហភាព UAE ហើយបុរសម្នាក់ក្នុងចំណោម ២ នាក់ទៀត ដែលចូលដៃជាមួយលោកថាជា «អាវុធសម្ងាត់» ដើម្បីលើកកម្ពស់របៀបវារៈគោលនយោបាយការបរទេសរបស់ខ្លួននៅអាមេរិក។ យ៉ាងណាមិញ ស្ថានទូតអារ៉ាប់រួមនៅទីក្រុងវ៉ាស៊ីនតោន មិនបានឆ្លើយតបភ្លាមៗនូវសំណើសុំការអត្ថាធិប្បាយពីសារព័ត៌មាន CNN នោះទេ។
-
រុស្ស៊ីដាក់បង្ហាញយន្តហោះចម្បាំងដ៏ទំនើបថ្មីមួយ ដើម្បីប្រកួតប្រជែងនឹងយន្តហោះពិឃាដបំបាំងកាយអាមេរិក F-35s (មានវីដេអូ)
រុស្ស៊ី៖ រុស្ស៊ីបានបង្ហាញគំរូយន្តហោះចម្បាំងដ៏ទំនើបថ្មីមួយរបស់ក្រុមហ៊ុន Sukhoi ដែលត្រូវបានផលិតឡើងដើម្បីប្រកួតប្រជែងជាមួយយន្តហោះពិឃាដបំបាំងកាយ F-35 របស់សហរដ្ឋអាមេរិក ។ យន្តហោះចម្បាំងរបស់រុស្ស៊ីថ្មីនេះ មានសមត្ថភាពបំបាំងកាយ និងវាយប្រហារគោលដៅចំនួន៦ក្នុងពេលតែមួយ ។ ប្រធានាធិបតីរុស្ស៊ីលោក វ្លាឌីមៀ ពូទីន បានពិនិត្យមើលយន្តហោះចម្បាំងអនា គត ដែលតាំងបង្ហាញជាមួយនឹងការគាំទ្រយ៉ាងខ្លាំងនៅឯពិព័រណ៍អាកាសចរណ៍ និងលំហអាកាសអន្តរជាតិ MAKS-2021 ដែលបានបើកកាលពីថ្ងៃអង្គារសប្តាហ៍នេះ នៅទីក្រុងហ្សូកូវស្គី នៅក្រៅរដ្ឋធានីមូស្គូ ។ លោក ពូទីន បានថ្លែងក្នុងពិធីបើកពិព័រណ៌យន្តហោះនេះថា អ្វីដែលយើងបានឃើញនៅទីក្រុងហ្សូកូវស្គីថ្ងៃនេះបង្ហាញឱ្យឃើញថា អាកាសចរណ៍រុស្ស៊ីមានសក្តានុពលធំធេងសម្រាប់ការអភិវឌ្ឍហើយឧស្សាហកម្មផលិតយន្តហោះរបស់យើង បន្តបង្កើតម៉ូតយន្តហោះដែលមានលក្ខណៈប្រកួតប្រជែងថ្មីៗជាច្រើន ។ បើតាមក្រុមហ៊ុនផលិតយន្តហោះរុស្ស៊ី Sukhoi យន្តហោះចម្បាំងថ្មីខាងលើនេះគ្រោងនឹងហោះហើរលើកដំបូងក្នុងឆ្នាំ ២០២៣ ហើយការចែកចាយអាចនឹងចាប់ផ្តើមនៅឆ្នាំ ២០២៦ ខាងមុខនេះ ៕ ប្រភព៖ AFP
-
មេដឹកនាំបក្សប្រឆាំងបេឡារុស ស្នើសុំឱ្យអាមេរិកដាក់ទណ្ឌកម្មលើរដ្ឋាភិបាលបន្ថែមទៀត
វ៉ាស៊ីនតោន៖ មេដឹកនាំបក្សប្រឆាំងបេឡារុសលោកស្រី Sviatlana Tsikhanouskaya បាននិយាយកាលពីថ្ងៃអង្គារថា លោកស្រីបានស្នើដល់មន្រ្តីសហរដ្ឋអាមេរិកឱ្យដាក់ទណ្ឌកម្មលើក្រុមហ៊ុនមួយចំនួននៅក្នុងប្រទេសរបស់ខ្លួន ដែលរួមមានក្រុមហ៊ុនប្រេងឥន្ធនៈ ឈើ និងដែកថែប ក្នុងពេលលោកស្រីធ្វើទស្សនកិច្ចនៅក្រុងវ៉ាស៊ីនតោន ស្វែងរកសកម្មភាពខ្លាំងក្លាប្រឆាំងនឹងរដ្ឋាភិបាលរបស់លោកប្រធានាធិបតី Alexander Lukashenko ។ លោកស្រីបានប្រាប់អ្នកសារព័ត៌មានថា វិធានការណ៍បែបនេះនឹងហួសពីការដាក់ទណ្ឌកម្មដែលមានស្រាប់ទៅលើសម្ព័ន្ធមិត្តនយោបាយ និងស្ថាប័នរដ្ឋាភិបាលរបស់លោក Lukashenko ហើយនឹងជះឥទ្ធិពលយ៉ាងខ្លាំងទៅលើមេដឹកនាំរូបនេះ ដើម្បីធ្វើឱ្យលោកផ្លាស់ប្តូរអាកប្បកិរិយា និងដោះលែងអ្នកទោសនយោបាយ។ លោកស្រី Tsikhanouskaya អាយុ ៣៨ ឆ្នាំ ជាបេក្ខជននៅក្នុងការបោះឆ្នោតជំនួសឱ្យប្តីរបស់លោកស្រី លោក Sergei Tsikhanouskiy ជាអ្នកសរសេរវីដេអូប្លុកដែលត្រូវបានចាប់ដាក់ពន្ធធានាគារចាប់តាំងពីខែឧសភា ឆ្នាំ ២០២០ ក្រោមបទចោទប្រកាន់ដូចជារំលោភសណ្តាប់ធ្នាប់សាធារណៈដែលលោកបានបដិសេធ។ អ្នកប្រឆាំងដែលនិរទេសខ្លួននៅបរទេសរូបនេះ បាននិយាយថា ការបោះឆ្នោតគ្រាន់តែត្រូវបានរៀបចំឡើងដើម្បីឱ្យមេដឹកនាំបច្ចុប្បន្នអាចរក្សាអំណាចបានប៉ុណ្ណោះ។ ប៉ុន្តែការលើកឡើងនេះ ត្រូវបានលោក Lukashenko បដិសេធ។ យោងតាមលទ្ធផលបោះឆ្នោតផ្លូវការ លោក Lukashenko ទទួលបាន ៨០ ភាគរយនៃសម្លេងសន្លឹងឆ្នោតកាលពីខែសីហា អាចឱ្យលោកបន្តកាន់តំណែងជាប្រធានាធិបតីអាណតិ្តទី ៦ របស់ខ្លួនរាប់តាំងពីឆ្នាំ ១៩៩៤ មក។ ក្រោយការបោះឆ្នោតដ៏ចម្រូងចម្រាសនេះ…
-
ប្រធានាធិបតីតួកគីអំពាវនាវឱ្យសហរដ្ឋអាមេរិកគាំទ្រខ្លួនដើម្បីការពារអាកាសយានដ្ឋានកាប៊ុល
ប្រធានាធិបតីតួកគីបានអំពាវនាវឲ្យសហរដ្ឋអាមេរិកគាំទ្រផ្នែកហិរញ្ញវត្ថុ ភស្តុភារ និងទំនាក់ទំនងការទូតដើម្បីឲ្យតួកគីអាចដំណើរការ និងការពារអាកាសយានដ្ឋានកាប៊ុល បន្ទាប់ពីកងទ័ពបរទេសផ្សេងទៀតបានចាកចេញពីប្រទេសអាហ្វហ្គានីស្ថាន។ តាមការស្រង់សម្តីរបស់សារព័ត៌មាន Aljazeera កាលពីថ្ងៃទីអង្គារនេះ ថ្លែងនៅក្នុងសុន្ទរកថាតាមទូរទស្សន៍មួយពីស៊ីបខាងជើង លោកប្រធានាធិបតីតួកគីបាននិយាយថា ទួរគីនឹងបំពេញបេសកកម្មនេះដរាបណាអាមេរិកដែលជាដៃគូរបស់ណាតូបំពេញតាមតម្រូវការទាំងបី។ ល័ក្ខខ័ណ្ឌទាំងនេះរួមមាន ការគាំទ្ររបស់សហរដ្ឋអាមេរិកក្នុងទំនាក់ទំនងការទូត គ្រឿងបរិក្ខារខាងដឹកនាំសាស្ត្រ និងការគាំទ្រផ្នែកហិរញ្ញវត្ថុនិងរដ្ឋបាល។ ប្រធានាធិបតីតួកគី លោក Recap Tayyip Erdogan បាននិយាយថា ប្រសិនបើលក្ខខណ្ឌទាំងនេះអាចត្រូវបានឆ្លើយតបពីសហរដ្ឋអាមេរិក តួកគីពិចារណាដំណើរការការពារអាកាសយានដ្ឋានកាប៊ុល។
-
លោក ប្រាយុទ្ធ ចាន់អូចា ដឹកនាំកិច្ចប្រជុំជាមួយប្រធានក្រុមហ៊ុនធំៗរបស់ថៃ ដើម្បីដោះស្រាយវិបត្តិកូវីដ-១៩ (មានវីដេអូ)
ថៃ៖ នាយករដ្ឋមន្ត្រីថៃលោក ប្រាយុទ្ធ ចាន់អូចា នៅថ្ងៃពុធនេះ នឹងជួបប្រជុំជាមួយនាយកប្រតិបត្តិក្រុមហ៊ុនប្រេង និងហ្គាស PTT Plc និងក្រុមហ៊ុន King Power Group ព្រមទាំងនាយកប្រតិបត្តិឈានមុខ៤០រូបទៀត ស្ថិតក្នុងគោលបំណងជជែកពិភាក្សាអំពីស្ថានការណ៍ជំងឺកូវីដ១៩ និងផលប៉ះពាល់សេដ្ឋកិច្ចមកលើប្រទេស ។ ការកោះប្រជុំបន្ទាន់ខាងលើនេះ បានកើតឡើងស្របពេលដែលប្រទេសថៃធ្លាក់ក្នុងវិបត្តិសុខភាពធ្ងន់ធ្ងរដោយសារការឆ្លងរីករាលដាលនៃជំងឺកូវីដ១៩ កើនឡើងដល់ជាង១ម៉ឺនករណីក្នុងប៉ុន្មានថ្ងៃជាប់ៗគ្នា ។ ក្នុងការផ្ទុះជំងឺកូវីដ១៩នៅរលកទី៣ក្នុងប្រទេសថៃ ដែលចាប់ផ្តើមកាលពីថ្ងៃទី១ ខែមេសាមក មានមនុស្ស៤១ម៉ឺន៦១៤នាក់បានឆ្លង និង៣ពាន់៥១៦នាក់បានបាត់បង់ជីវិត ។ យោងតាមកាលវិភាគការងាររបស់រដ្ឋាភិបាល លោកនាយករដ្ឋមន្រ្តី ប្រាយុទ្ធ នឹងជួបប្រជុំផ្ទាល់នៅម៉ោង០២រសៀលជាមួយក្រុមតំណាងក្រុមហ៊ុន PTT Plc និង នាយកប្រតិបត្តិក្រុមហ៊ុន King Power Group ដែលបានស្នើសុំផ្តល់ជំនួយ ដើម្បីគាំទ្រការប្រយុទ្ធប្រឆាំងរបស់រដ្ឋាភិបាលទល់នឹងវីរុសកូវីដ១៩ ។ នៅម៉ោង២៖២០នាទីរសៀលថ្ងៃដដែល លោក ប្រាយុទ្ធ នឹងធ្វើការប្រជុំតាមវីដេអូបន្តផ្ទាល់ជាមួយនាយកប្រតិបត្តិ៤០រូប ដើម្បីពិភាក្សារកវិធីទប់ស្កាត់ជំងឺកូវីដ១៩ និងបញ្ហាពាក់ព័ន្ធ ៕ ប្រភព៖ Bangkok Post
-
ប្រទេសចិនព្យាយាមប្រឆាំងនឹងសម្មតិកម្មទាក់ទងនឹងប្រភពនៃវីរុសកូវីដ-១៩
រដ្ឋាភិបាលចិនបានអំពាវនាវអោយមានការស៊ើបអង្កេតនៅមន្ទីរពិសោនធន៍អាមេរិកដែលអាចទាក់ទងនឹងប្រភពដើមនៃវីរុសកូវីដ-១៩ បន្ទាប់ពីមានការចោទប្រកាន់ជាច្រើនដែលថា ប្រភពវីរុសនេះគឺលេចចេញពីមន្ទីរពិសោធន៍នៅវូហានប្រទេសចិន។ អ្នកនាំពាក្យក្រសួងការបរទេសចិន លោកស្រី Hua Chunying និងសហការីចំនួនពីរនាក់នៅក្រសួងការបរទេសដូចគ្នាគឺ លោក Zhao Lijian និងលោក Wang Wenbin បានអំពាវនាវឱ្យមានការស៊ើបអង្កេតលើមន្ទីរពិសោធន៍ Fort Detrick សរុបចំនួន ៣៣ ដងនៅក្នុងសន្និសីទសារព័ត៌មានផ្លូវការ។ តាមការរាយការណ៍របស់សារព័ត៌មាន South China Morning Post បន្ទាប់ពីលោក Joe Biden ឡើងកាន់តំណែងជាប្រធានាធិបតីសហរដ្ឋអាមេរិកកាលពីខែមករានេះមក មានការអំពាវនាវអោយមានការស៊ើបអង្កេតទៅលើវិទ្យាស្ថាននេះមានចំនួន ២៧ រួចមកហើយទាក់ទងនឹងប្រពភនៃវីរុសកូវីដ-១៩។ កាលពីថ្ងៃទី ២២ ខែមិថុនាកន្លងទៅ អ្នកនាំពាក្យក្រសួងការបរទេសចិន លោកស្រី Hua Chunying បាននិយាយដោយបង្ហោះជាសារនៅក្នុងបណ្តាញសង្គមធ្វីតធឺថា៖ «ករណីផលប៉ះពាល់ទៅដល់សួតដែលបណ្តាលដោយសារជក់បារីអេឡិចត្រូនិច(EVALI)បានកើតឡើងនៅរដ្ឋ Wisconsin ក្នុងខែកក្កដាឆ្នាំ ២០១៩ ដោយករណីនេះមានរោគសញ្ញាស្ទើរតែដូចទៅនឹងវីរុសកូវីដ-១៩ ។ លោកស្រី Hua បានបន្តនិយាយថា កន្លែងដែលមានករណីនេះគឺស្ថិតនៅក្បែរមន្ទីរពិសោធន៍ Fort Detrick។» ការផ្តោតទៅលើមន្ទីរពិសោធន៍ Fort Detrick…
-
ប្រធានាធិបតីឥណ្ឌូនេស៊ីស្នើអោយបន្ធូរបន្ថយការវិធានការណ៍រឹតត្បិតទប់ស្កាត់ Covid-19 នៅសប្តាហ៍ក្រោយ (មានវីដេអូ)
ឥណ្ឌូនេស៊ី៖ ប្រធានាធិបតីឥណ្ឌូនេស៊ីលោក ចូកូ វីដូដូ បានថ្លែងក្នុងសន្និសិទសារព័ត៌មានតាមអនឡាញមួយនៅថ្ងៃអង្គារសប្តាហ៍នេះថា រដ្ឋាភិបាលបានសម្រេចពន្យារពេលអនុវត្តគោលនយោបាយរឹតបន្តឹង ពាក់ព័ន្ធនឹងជំងឺកូវីដ១៩មួយសប្តាហ៍ទៀត ហើយអាចនឹងធ្វើការបន្ធូរបន្ថយវិញនៅថ្ងៃទី២៦ ខែកក្កដា ប្រសិនបើករណីឆ្លងធ្លាក់ចុះ ។ ប្រធានាធិបតីឥណ្ឌូនេស៊ីរូបនេះក៏បានលើកឡើងផងដែរថា រដ្ឋាភិបាលនឹងបន្តចែកចាយជំនួយសង្គម និងហិរញ្ញវត្ថុដល់អ្នកដែលសមនឹងទទួលបាន នៅពេលមានស្ថានភាពយ៉ាប់យឺនដោយសារមេរោគរាតត្បាត ។ ការរឹតត្បិតដ៏តឹងរ៉ឹង ដែលត្រូវបានធ្វើឡើងចាប់តាំងពីថ្ងៃទី៣ ខែកក្កដា ត្រូវបានបញ្ចប់កាលពីថ្ងៃទី២០ ខែកក្កដា ។ តែការរឹតបន្តឹងនេះ ក្រោយមកត្រូវបានពង្រីកដល់តំបន់ចំនួន១៥ផ្សេងទៀតដែលមានករណីឆ្លងជំងឺកូវីដ១៩កើនឡើងខ្លាំង ។ គួរកត់សម្គាល់ ប្រទេសឥណ្ឌូនេស៊ីបានកត់ត្រាពីករណីឆ្លងកូវីដ១៩ថ្មីៗចំនួន ៣ម៉ឺន៨ពាន់៣២៥ករណី និងស្លាប់១ពាន់២៨០នាក់នៅថ្ងៃអង្គារម្សិលមិញ ដែលជាចំនួនខ្ពស់បំផុតទី២គិតមកទល់ពេលនេះ ខណៈករណីឆ្លងដែលកំពុងកើនឡើងនេះ ក៏មានចំណែកនៃវីរុសបម្លែងថ្មី Delta ដែលមានប្រភពដើមនៅឥណ្ឌាផងដែរ ៕ ប្រភព៖ ស៊ីនហួរ
-
ប្រមុខ WHO ព្រមានថា វីរុសបម្លែងខ្លួនកាន់តែច្រើននឹងលេចចេញ ហើយមានសក្តានុពលកាន់តែគ្រោះថ្នាក់ជាងវីរុសបម្លែងថ្មី Delta (មានវីដេអូ)
អន្តរជាតិ៖ អគ្គនាយកអង្គការសុខភាពពិភពលោក (WHO) លោក ថេដ្រូស អាដាណម ហ្គេប្រេយ៉េសឹស បានព្រមានថា វីរុសបម្លែងថ្មីកាន់តែច្រើននឹងលេចចេញ ហើយមានសក្តានុពលកាន់តែគ្រោះថ្នាក់ជាងវីរុសបម្លែងថ្មី ឌែលតា (Delta) ដែលកំពុងបង្កការបំផ្លិចបំផ្លាញដូចឥឡូវនេះទៅទៀត ។ ការព្រមានខាងលើនេះរបស់លោក ថេដ្រូស ត្រូវបានធ្វើឡើងនៅក្នុងសុន្ទរកថាដ៏សំខាន់មួយ នៅឯកិច្ចប្រជុំគណៈកម្មាធិការអូឡាំពិកអន្តរជាតិលើកទី១៣៨ ដោយនាឱកាសនោះ ប្រមុខ WHO រូបនេះ បានគូសបញ្ជាក់ថា ជំងឺរាតត្បាតនេះ គឺជាការធ្វើតេស្តមួយ ហើយពិភពលោកកំពុងតែបរាជ័យ… មនុស្សជាង៤លាននាក់បានស្លាប់ ហើយនឹងមានអ្នកស្លាប់ទៀត ។ ទន្ទឹមនេះ លោក ថេដ្រូស ថែមទាំងបានសង្កត់ធ្ងន់ទៀតថា ការរីករាលដាលនៃជំងឺកូវីដ១៩អាចនឹងត្រូវបញ្ចប់ ប្រសិនបើក្រុមប្រទេសមហាអំណាសេដ្ឋកិច្ច G20 បង្ហាញពីភាពជាអ្នកដឹកនាំសមូហភាព និង មានការចែកចាយវ៉ាក់សាំងកាន់តែសមរម្យ ៕ ប្រភព៖ CNBC