-
ឥណ្ឌារកឃើញករណី ជំងឺផ្សិតខ្មៅជាង ៤៥.០០០ ករណី
ក្រសួងសុខាភិបាលឥណ្ឌា រាយការណ៍ថាគេបានរកឃើញករណីជំងឺ ផ្សិតខ្មៅដែលកើតឡើងជាង ៤៥.០០០ ករណីក្នុងរយៈពេល ពីរខែចុងក្រោយនេះខណៈ ដែលការរាលដាលកើតមាននៅទូទាំងប្រទេស។ រដ្ឋមន្រ្តីក្រសួងសុខាភិបាល វ័យក្មេង គឺ លោក Bharati Pravin Pawar បានបកស្រាយប្រាប់សភា កាលពីថ្ងៃអង្គារទី ២០ ខែកក្កដា ថាមានមនុស្សជាង ៤.២០០ នាក់ បានស្លាប់ដោយសារជំងឺផ្សិត នេះដែលមានឈ្មោះបែបវិទ្យាសាស្ត្រថា mucormycosis។ ការឆ្លងនេះពីមុន ត្រូវបានគេចាត់ទុកថា កម្រមានណាស់ ប៉ុន្តែករណីឆ្លងបានផ្ទុះឡើងក្នុងកំឡុងពេលមានរោគរាតត្បាត កូវីដ១៩ដែលធ្វើឱ្យអ្នក ជំងឺដែលបានជាសះស្បើយ ពីជំងឺកូវីដ១៩ មានការភ្ញាក់ផ្អើល បន្ទាប់ពី ដឹងថាខ្លួនបានកើតជំងឺផ្សិតខ្មៅនោះ។ វាគឺជាជំងឺ ដែលមានភាពកាចសាហាវ ហើយគ្រូពេទ្យត្រូវធ្វើការវះកាត់ ដោយបង្ខំឱ្យយកភ្នែក ច្រមុះ និងថ្គាម ចេញពីអ្នកជំងឺដើម្បីបញ្ឈប់វាកុំឲ្យរាលដាលទៅខួរក្បាល។ គួរបញ្ជាក់ផងដែរថា អត្រាមរណភាពគឺច្រើនជាង ៥០ ភាគរយ។ យោងតាមទិន្នន័យរបស់រដ្ឋាភិបាល ចំនួនករណីខ្ពស់បំផុតត្រូវបានគេរាយការណ៍នៅរដ្ឋ Maharashtra ភាគខាងលិចដែលមានចំនួន ៩.៣៤៨ករណី ។ ក្រុមអ្នកជំនាញ បានសន្មតថា ការកើនឡើងថ្មីៗនេះគឺ ដោយសារការប្រើប្រាស់ថ្នាំ…
-
ហេតុអ្វីបានជាអ្នកចាក់វ៉ាក់សាំងហើយនៅតែឆ្លងកូវីដ-១៩?
បើទោះបីជាវ៉ាក់សាំងប្រឆាំងវីរុសកូវីដ-១៩ មានសមត្ថភាពកាត់បន្ថយហានិភ័យនៃការសម្រាកនៅមន្ទីរពេទ្យ និងការស្លាប់ពីជំងឺនេះក៏ដោយមនុស្ស ការទទួលបានវ៉ាក់សាំងទាំង ២ ដូស នៅតែអាចធ្លាក់ខ្លួនឈឺ និងស្លាប់ដោយសារវីរុសនេះ(ករណីកម្រ)។ នេះបើតាមឱ្យដឹងពីការស្ទង់មតិរបស់ NBC លើមន្ត្រីសុខាភិបាលទូទាំងសហរដ្ឋអាមេរិក ដែលក្រុមអាយុងាយរងគ្រោះថ្នាក់ជាងគេគឺក្រុមអាយុ ដែលមានអាយុ៦៥ឆ្នាំឡើងឬ មានប្រព័ន្ធភាពស៊ាំចុះខ្សោយ ឬស្ថានភាពសុខភាពធ្ងន់ធ្ងរដទៃទៀត។ មនុស្សស្ថិតក្រុមវ័យនេះ គឺជាក្រុមងាយរងផលវិបាកធ្ងន់ធ្ងរបំផុតនៃជំងឺកូវីដ-១៩ ចាប់តាំងពីមានការរាតត្បាតមក ហើយនិន្នាការនេះ ត្រូវបានគេមើលឃើញមិនមែនតែនៅសហរដ្ឋអាមេរិកនោះទេ ពោលវាក៏កើតឡើងនៅប្រទេសដទៃផងដែរ។ លោកវេជ្ជបណ្ឌិត Robert B. Darnell ជាអ្នកជីវគីមីជីវវិទ្យានៅសាកលវិទ្យាល័យ Rockefeller ក្នុងទីក្រុងញូវយ៉ក មានប្រសាសន៍៖ «វ៉ាក់សាំងកូវីដ-១៩ មានឥទ្ធិពលខ្លាំងក្នុងការពារជំងឺ។ ពួកគេមានប្រសិទ្ធិភាពល្អណាស់»។ ចំនែកឯលោក Roy M. Gulick ប្រធានមជ្ឍមណ្ឌលសិក្សាជំងឺឆ្លង Weill Cornell Medicine នៅញូវយ៉ក បានឱ្យដឹងដែរ៖ «ប្រសិនបើអ្នកក្រឡេកមើល ករណីស្នាក់នៅមន្ទីរពេទ្យ ប្រមាណ ៩៧ ភាគរយនៃអ្នកជំងឺសុទ្ធតែជាអ្នកមិនបានចាក់វ៉ាក់សាំង។ ហើយស្ទើរតែអ្នកស្លាប់ដោយសារកូវីដ-១៩ នៅអាមេរិក សុទ្ធតែជាអ្នកមិនបានទទួលបានវ៉ាក់សាំងទាំងអស់»។ លោក Anthony S. Fauci វេជ្ជបណ្ឌិតជំងឺឆ្លងកំពូលរបស់អាមេរិក…
-
សមរភូមិយកអំណាចនៅហៃទី ធ្វើឱ្យអ្នកនយោបាយបន្តបញ្ចុះបញ្ចូលក្រុងវ៉ាស៊ីនតោន ដើម្បីឱ្យអាមេរិកគាំទ្ររៀងៗខ្លួន
វ៉ាស៊ីនតោន៖ បញ្ហាប្រឈមប្រទេសហៃទីកំពុងតែជួប ក្រោយប្រធានាធិបតីរបស់ខ្លួនត្រូវបានគេធ្វើឃាត ធ្វើឱ្យ K Street ក្នុងក្រុងវ៉ាស៊ីនតោន ជាកន្លែងប្រមូលផ្ដុំគូប្រជែងនយោបាយហៃទី មេដឹកនាំធុរកិច្ចនានា ងាកទៅរកក្រុមអ្នកបញ្ចុះបញ្ចូល និងអ្នកតស៊ូមតិ ឱ្យធ្វើជាអ្នកតំណាងសម្រាប់ឥទ្ធិពលរបស់ខ្លួនជាមួយសហរដ្ឋអាមេរិក កាន់តែមានភាពមមាញឹកជាងមុន។ ឯកសារ បទសម្ភាសន៍ និងការប្រាស្រ័យទាក់ទងក្នុងចំណោមអ្នកនយោបាយនិងមន្រ្តីហៃទី បង្ហាញពីវិសាលភាពនៃផលប្រយោជន៍ហៃទី ដើម្បីជួលអ្នកបញ្ចុះបញ្ចូល និងអ្នកពិគ្រោះយោបល់នៅវ៉ាស៊ីនតោន ឱ្យជួយខ្លួនយកឈ្នះការគាំទ្រអាមេរិកនៅក្នុងភាពច្របូកច្របល់ដណ្ដើមគ្នាធ្វើជាអ្នកដឹកនាំនៅហៃទី។ យោងតាមការចុះផ្សាយរបស់កាសែតញូវយ៉កថែមស៍ មានកិច្ចសន្ទនាជាក្រុមប៉ុន្មានថ្ងៃបន្ទាប់ពីឃាតកម្មលោកប្រធានាធិបតី Jovenel Moïse ដែលរួមមានមន្រ្តីហៃទី ឥស្សរជននយោបាយ និងក្រុមអ្នករកមតិគាំទ្រអាមេរិកផង បានបង្ហាញពីយុទ្ធសាស្រ្តអំពីការប្រឆាំងនឹងការរិះគន់របស់អាមេរិក រួមទាំងគូប្រជែង ពោរពេញដោយសក្តានុពលសម្រាប់តំណែងប្រធានាធិបតី និងស្វែងរកមធ្យោបាយដើម្បីបន្ទោសឃាតករ។ ការសន្ទនាបានចាប់ផ្តើមមុនពេលការធ្វើឃាត និងដើមឡើយក៏មានទាំងលោក Moïse ដែរ ទោះបីជាវាហាក់ដូចជាស្តាប់ទៅគួរឱ្យអស់សំណើចជាងមុន បន្ទាប់ពីលោកត្រូវបានគេបាញ់សម្លាប់នៅក្នុងគេហដ្ឋានរបស់ខ្លួននៅខែកក្កដានេះ។ អត្ថបទ និងឯកសារផ្សេងទៀតពីក្រុមហ៊ុននានារួមទាំងក្រុមហ៊ុន Mercury Public Affairs កំពុងធ្វើការជាមួយអ្នកនយោបាយសម្ព័ន្ធមិត្ត ដើម្បីចាត់តាំងអ្នកស្នងតំណែងបន្ទាប់ពីឃាតកម្ម។ ក្រុមហ៊ុននេះហើយ ដែលរដ្ឋាភិបាលហៃទីបានផ្តល់ឱ្យលុយយ៉ាងតិច ២៨៥ ០០០ ដុល្លារ កាលពីពាក់កណ្តាលនៃចុងឆ្នាំមុន។ បន្ថែមពីលើនេះ ឯកសារបង្ហាញថា រដ្ឋាភិបាលហៃទីកំពុងចំណាយសរុប ៦៧ ០០០…
-
លោកបៃដិន នឹងត្រូវដោះស្រាយវិបត្តិធំៗ ថែមទៀតខណៈលោកឡើងកាន់ដំណែងបាន៦ខែ
ប្រធានាធិបតីសហរដ្ឋអាមេរិកលោកចូ បៃដិនបាននិយាយកាលពីថ្ងៃអង្គារនេះ ថាយុទ្ធនាការចាក់វ៉ាក់សាំងរបស់ប្រទេសមានសភាព និងស្ថានភាពថេរដូចជាការឡើងភ្នំដែលមានកម្ពស់ខ្ពស់បន្ទាប់ពីចូលកាន់តំណែងក្នុងសម័យមួយនៃភាពងងឹត ដោយមានជនជាតិអាមេរិកច្រើនជាង ៣.០០០ នាក់បានស្លាប់ដោយសារជំងឺកូវីដ១៩ ជារៀងរាល់ថ្ងៃ ។ លោករៀបរាប់ ៖«វានឹងមិនមាន ភាពងាយស្រួលទេ»។ សារពត៌មានស៊ីអិនអិន បានរាយការណ៍កាលពីថ្ងៃអង្គារនេះ ថាការរីករាលដាលនៃជំងឺរាតត្បាតកូវីដ១៩កើនឡើងវិញ ការប្រះឆាផ្នែកនយោបាយ និងភាពមិនប្រាកដប្រជាចំពោះជោគវាសនា នៃរបៀបវារៈនៃគោលនយោបាយរបស់ លោកបៃដិនទាំងក្នុង និងក្រៅប្រទេសបាន ធ្វើឱ្យមន្ត្រីជាន់ខ្ពស់ ដឹងច្បាស់ថា រដ្ឋបាលលោក បៃដិនកំពុងប្រឈមមុខនឹងពេលដ៏លំបាកមួយ។ មួយភាគប្រាំបីនៃអាណត្ដិរបស់គាត់បាន បញ្ចប់ទៅហើយ លោក បៃដិន បានលើកឡើងនៅក្នុងកិច្ចប្រជុំគណៈរដ្ឋមន្រ្តី អំពីលទ្ធផលជឿនលឿនដ៏សំខាន់ប្រឆាំងនឹង ជំងឺកូវីដ១៩ឆ្ពោះទៅរកភាពរស់រវើក នៃសេដ្ឋកិច្ចនិងការស្តារភាពជា អ្នកដឹកនាំពិភពលោក របស់សហរដ្ឋអាមេរិកឡើងវិញហើយបាននិយាយថា ជោគច័យដែលលោកសម្រេចបានគឺដោយសារមានជនជាតិ អាមេរិកភាគច្រើននៅពីក្រោយរូបលោក។ លោកបៃដិន មានអំណះអំណាងមួយចំនួនសម្រាប់គាំទ្រ ការលើកឡើងរបស់លោកដែលថា មានជនជាតិអាមេរិកាំងជាច្រើននៅគាំទ្រលោក ដោយយោងទៅលើការវាយតម្លៃនៃការយល់ព្រមនិង ពេញចិត្តរបស់ប្រជាជនមកលើរូបលោក ដែលអត្រាគាំទ្ររបស់លោក បៃដិននៅតែមានស្ថេរភាពប្រហែលជាង 50% ដែលខ្ពស់ជាងអតីតប្រធានាធិបតី លោកដូណាល់ ត្រាំ ។ លោក បៃដិន បាននិយាយដោយ សុទិដ្ឋិនិយមតាមធម្មតាថា“ ខ្ញុំគ្រាន់តែគិតថាគ្មានអ្វីដែល អាមេរិកមិនអាចធ្វើបានទេ…
-
លេខទូរស័ព្ទរបស់រាជវង្សឌូបៃពីរអង្គដែលត្រូវបានគេចាប់ឃុំឃាំង និងរត់គេចខ្លួន ត្រូវបានបែកធ្លាយ
លេខទូរស័ព្ទរបស់រាជវង្សឌូបៃពីរអង្គគឺព្រះនាងម្ចាស់ Latifa និងព្រះនាងម្ចាស់ Haya ត្រូវបានប្រទះឃើញក្នុងកម្មវិធីអង្កេតលើទូរស័ព្ទឈ្មោះ Pegasus ដែលគេដឹងថាជាវិធីសាស្រ្តរបស់រដ្ឋាភិបាលអារ៉ាប់រួមលួចស្តាប់ និងតាមដានទូរស័ព្ទរបស់ក្រុមគោលដៅ។ លេខទូរស័ព្ទរបស់អង្គក្សត្រីទាំងពីរអង្គ ស្ថិតក្នុងចំណោមងបញ្ជីលេខទូរស័ព្ទចំនួន ៥០ ០០០ របស់មនុស្សដែលត្រូវបានគេជឿថាជាផលប្រយោជន៍របស់អតិថិជនក្រុមហ៊ុនអ៊ីស្រាអែល NSO Group ហើយត្រូវបានធ្លាក់ចូលទៅក្នុងដៃសារព័ត៌មានធំៗ។ កាលពីពាក់កណ្ដាលខែកុម្ភៈនេះ ព្រះនាងម្ចាស់ Latifa ដែលជាបុត្រីរបស់ស្ដេច Sheikh Mohammed បាននិយាយនៅក្នុងវីឌីអូសម្ងាត់ដែលបែកធ្លាយមួយថា ទ្រង់ត្រូវបានគេចាប់ឃុំឃាំងបន្ទាប់ពីព្យាយាមរត់គេចខ្លួនពីក្រុងឌូបៃ ហើយមានការព្រួយបារម្ភពីសុវត្ថិភាពផ្ទាល់ខ្លួន។ ចំណែកឯព្រះនាងម្ចាស់ Haya ដែលជាមហេសីរបស់ស្ដេច Sheikh Mohammed វិញ បានរត់ភៀសខ្លួនចេញពីក្រុងឌូបៃកាលពីឆ្នាំ ២០១៩ ដោយហេតុថាព្រួយបារម្ភផ្នែកសុវត្ថិភាព ក្រោយពីអាពាហ៍ពិពាហ៍របស់ទ្រង់បានបែកបាក់ ព្រោះតែព្រះនាងបានសង្ស័យអំពីអ្វីដែលបានកើតឡើងចំពោះព្រះនាងម្ចាស់ Latifa ។ យ៉ាងណាមិញ រាជវាំងរបស់ប្រទេសអារ៉ាប់រួមមួយនេះ បានបដិសេធនូវការចោទប្រកាន់ទាំងឡាយរបស់ក្សត្រីទាំងពីរអង្គនេះ។ ទាក់ទងនឹងការលេចចេញខ្សែទូរស័ព្ទថ្មីៗ បានបង្កជាសំណួរលើកឡើងថាតើ ក្សត្រីទាំងពីរអង្គអាចជាគោលដៅរបស់អតិថិជនរដ្ឋាភិបាលទិញកម្មវិធីប្រតិបត្តិការឃ្លាំមើលតាមប្រព័ន្ធអ៊ីនធឺណែតនៃក្រុមហ៊ុននេះ ឬយ៉ាងណា។ អង្គការសិទ្ធិមនុស្ស Amnesty International បានចេញសេចក្តីថ្លែងការណ៍មួយដោយចោទប្រកាន់ថា ការរកឃើញពាក់ព័ន្ធរបស់ក្រុមហ៊ុន NSO Group គឺជាការរំលោភសិទ្ធិមនុស្ស ដែលធ្វើឱ្យក្សត្រីទាំងពីររងការរំលោភបំពាន។ ប៉ុន្តែក្រុមហ៊ុននេះ…
-
ប៉ូលិសហុងកុងចាប់អតីតបុគ្គលិកកាសែត Apple Daily ៤នាក់ទៀត ក្រោមច្បាប់សន្តិសុខជាតិ
ប៉ូលិសផ្នែកអនុវត្តច្បាប់សន្តិសុខជាតិហុងកុងកាលពីថ្ងៃពុធ បានចាប់ខ្លួនអតីតសមាជិកការីនិពន្ធចំនួន ៤រូបបន្ថែមទៀត របស់កាសែត Apple Daily ដែលត្រូវបានគេបិទការផ្សាយកន្លងទៅនេះ។ នេះបើតាមការចុះផ្សាយរបស់សារព័ត៌មាននៅក្នុងស្រុកហុងកុង។ បើយោងតាមសេចក្ដីថ្លែងការណ៍របស់ប៉ូលិសហុងកុងនៅរាត្រីថ្ងៃពុធបានឱ្យដឹងថា បុគ្គលទាំង ៤រូបនោះត្រូវបានចាប់ខ្លួន ក្រោមបទល្មើស «ឃុបឃិតជាមួយបរទេស»។ ពួកគេនឹងឡើងតុលាការនៅក្នុងថ្ងៃព្រហស្បតិ៍។ កាលពីខែមិថុនាកន្លងទៅ អាជ្ញាធរហុងកុងបានធ្វើការចូលលុកលុយអគាររបស់សារព័ត៌មាន Apple Daily ហើយក៏បានចាប់ខ្លួនថ្នាក់ដឹកនាំ ៥រូបរបស់កាសែតនេះ។ កាសែតនេះត្រូវបានគេស្គាល់ថា ជាកាសែតគាំទ្រចលនាប្រជាធិបតេយ្យនៅហុងកុង ហើយរិះគន់យ៉ាងចាស់ដៃទៅលើរដ្ឋាភិបាលតំបន់ស្វយ័តហុងកុង ក៏ដូចជារដ្ឋាភិបាលកណ្ដាលនៅឯរដ្ឋធានីប៉េកាំងផងដែរ។ ខាងអាជ្ញាធរហុងកុងបានលើកឡើងថា កាសែតមួយនេះបានអំពាវនាវឱ្យមានការដាក់ទណ្ឌកម្មអន្តរជាតិទៅលើចិន ដែលជាអំពើមួយប្រាសចាកពីច្បាប់សន្តិសុខជាតិហុងកុង ដែលអនុម័តកាលពីឆ្នាំ២០២០កន្លងទៅ៕
-
ចក្រភពអង់គ្លេសនឹងបញ្ជូននាវាចម្បាំង ២គ្រឿង ឱ្យឈរជើងជាអចិន្ត្រៃយ៍នៅតំបន់ឥណ្ឌូ-ប៉ាស៊ីហ្វិក ដើម្បីបង្ហាញពី«ការការពារសណ្ដាប់ធ្នាប់អន្តរជាតិ»
ចក្រភពអង់គ្លេសមានផែនការក្នុងការបញ្ជូននាវាចម្បាំងរបស់ខ្លួនចំនួន ២គ្រឿង ដើម្បីឱ្យទៅឈរជើងជាអចិន្ត្រៃយ៍នៅតំបន់ឥណ្ឌូ-ប៉ាស៊ីហ្វិក។ នេះបើតាមការបញ្ជាក់ពីលោក Ben Wallace រដ្ឋមន្ត្រីក្រសួងការពារជាតិអង់គ្លេស អំឡុងធ្វើសន្និសីទកាសែតរួមគ្នាជាមួយរដ្ឋមន្ត្រីក្រសួងការពារជាតិជប៉ុនលោក Nobuo Kishi កាលពីថ្ងៃអង្គារកន្លងទៅនេះ។ លោក Wallace បានធ្វើដំណើរទស្សនកិច្ចទៅកាន់ប្រទេសជប៉ុនរយៈពេល ២ថ្ងៃ កាលពីដើមសប្ដាហ៍នេះ ដោយលោកបានចូលជួបជាមួយលោកនាយករដ្ឋមន្ត្រីជប៉ុន Yoshihide Suga និងរដ្ឋមន្ត្រីការពារជាតិរបស់ប្រទេសនេះ។ ដំណើរទស្សនកិច្ចរបស់មន្ត្រីជាន់ខ្ពស់របស់អង់គ្លេសលើកនេះ ធ្វើឡើងដើម្បីរឹតចំណងមិត្តភាព ផ្នែកសន្តិសុខរវាងប្រទេសជប៉ុន និងអង់គ្លេស ខណៈប្រទេសទាំងពីរនេះសន្យាគ្នាថា «ប្រឆាំងដាច់ខាតនឹងការប្រព្រឹត្តិសកម្មភាពឯកតោភាគីណាមួយ ដែលប៉ុនប៉ងផ្លាស់ប្ដូរស្ថានភាពបច្ចុប្បន្ន ដោយកម្លាំងប្រដាប់អាវុធ ឬ ការគំរាមកំហែង ក៏ដូចជាសកម្មភាពបញ្ឆេះបង្កជាជម្លោះណាមួយ»។ តែទោះជាយ៉ាងណា ផែនការនៃការបញ្ជូននាវាទាំងពីរគ្រឿង មិនទាន់បានបញ្ចេញពីពត៌មានលម្អិតជាសាធារណៈនៅឡើយនោះទេ។ បើយោងតាមការចុះផ្សាយរបស់ក្រសួងការពារជាតិអង់គ្លេសបានឱ្យដឹងថា នាវាទាំងពីរគ្រឿងនេះមានឈ្មោះថា HMS Spey និង HMS Tamar ជានាវាល្បាតក្រៅឆ្នេរសមុទ្រ (Offshore Patrol Vessels)។ អ្នកនាំពាក្យរបស់ស្ថានទូតអង់គ្លេសបានប្រាប់អ្នកសារព័ត៌មានថា នាវាទាំងពីរគ្រឿងនេះនឹងមិនមានមូលដ្ឋានអចិន្ត្រៃយ៍នោះទេ។ ចំណែកឯខាងក្រសួងការពារជាតិបានបង្ហើបថា ប្រតិបត្តិការនៃនាវាទាំងពីរនេះនឹងចាប់ផ្ដើមនៅចុងខែសីហា ជាមួយនឹងការទំនុកបម្រុងពីសំណាក់ប្រទេសជាដៃគូ ដែលមានដូចជា អូស្ត្រាលី ជប៉ុន និងសិង្ហបុរី។ ខាងសហរដ្ឋអាមេរិក…
-
ក្រុមហ៊ុនលក់អាវុធរុស្ស៊ី៖ រុស្ស៊ី និងមីយ៉ាន់ម៉ាកំពុងតែសហការគ្នាយ៉ាងជិតស្និទ្ធពាក់ព័ន្ធនឹងការផ្ទេរបរិក្ខារយោធា
រុស្ស៊ីកំពុងតែមានទំនាក់ទំនងយ៉ាងជិតស្និទ្ធជាមួយមីយ៉ាន់ម៉ា លើផ្នែកទីផ្សារដោះដូរអាវុធ។ នេះបើតាមការលើកឡើងរបស់លោក Alexander Mikheev ប្រធានក្រុមហ៊ុនលក់អាវុធរបស់រដ្ឋរុស្ស៊ី Rosoboronexport ប្រាប់ទៅកាន់សារព័ត៌មាន Interfax ជាភាសារុស្ស៊ី កាលពីថ្ងៃពុធកន្លងទៅ។ លោក Mikheev បាននិយាយអំឡុងពិធីតាំងពិពណ៌បរិក្ខារយន្តហោះរុស្ស៊ី MAKS-2021 ថា «យើង [រុស្ស៊ី និងមីយ៉ាន់ម៉ា] កំពុងតែសហការគ្នាយ៉ាងជិតស្និទ្ធក្នុងការផ្គត់ផ្គង់បរិក្ខារយោធា ដោយរាប់បញ្ចូលទាំងសម្ភារៈយោធាផ្លូវអាកាសផងដែរ»។ បើយោងតាមការលើកឡើងរបស់ ប្រធានក្រុមហ៊ុនលក់អាវុធមួយនេះ មីយ៉ាន់ម៉ាជាអតិថិជនយ៉ាងសំខាន់របស់ក្រុមហ៊ុន ហើយក៏ជាដៃគូដ៏ធំមួយរបស់ក្រុមហ៊ុនសាជីវកម្មរបស់រដ្ឋរុស្ស៊ី Rostec នៅតំបន់អាស៊ីអាគ្នេយ៍។ យ៉ាងណាមិញ លោកមិនបានផ្ដល់នូវព័ត៌មានលម្អិតនោះទេ។ ខណៈរុស្ស៊ីផ្អែមល្ហែមជាមួយនឹងយោធាមីយ៉ាន់ម៉ា ដែលធ្វើរដ្ឋប្រហារទម្លាក់រដ្ឋាភិបាលស៊ីវិលកាលពីខែកុម្ភៈកន្លងទៅ សកម្មជនសិទ្ធិមនុស្សមួយចំនួនបានចោទរុស្ស៊ីថា ប្រទេសមានផ្ទៃដីធំជាងគេលើលោកមួយនេះ កំពុងតែផ្ដល់ភាពស្របច្បាប់ទៅកាន់រដ្ឋាភិបាលយោធាមីយ៉ាន់ម៉ា៕
-
WHO៖ វ៉ារ្យ៉ង់ ដែលតា អាចនឹងវាយលុកពិភពលោកកាន់តែខ្លាំងក្នុងរយៈពេលប៉ុន្មានខែទៀតប៉ុណ្ណោះ
អង្គការសុខភាពពិភពលោក (WHO) បាន និយាយកាលពីថ្ងៃពុធ (ថ្ងៃទី ២១ ខែកក្កដា) ថា វ៉ាវ៉ារ្យ៉ង់ដែលតារបស់កូវិដ១៩ ដែលកំពុងមានការរីករាលដាលយ៉ាងខ្លាំង នាពេលនេះត្រូវបានគេរំពឹងថានឹងក្លាយអាច ជាវីរុសដែលនឹងវាយប្រហារសុខភាពប្រជាជនទូទាំងពិភពលោក នៅក្នុងប៉ុន្មានខែខាងមុខនេះ។ វ៉ារ្យ៉ង់ដែលតា ដែលត្រូវបានរកឃើញដំបូង បង្អស់នៅក្នុងប្រទេសឥណ្ឌា ឥឡូវនេះត្រូវបានគេកត់ត្រាថាបានរកឃើញនៅតំបន់ចំនួន ១២៤ ដែលកើនបានចំនួន១៣ច្រើន សប្តាហ៍មុន។ អង្គការសុខភាពពិភពលោក បាននិយាយថាវាមានចំនួនច្រើនជាងបីភាគបួន នៃគំរូជាបន្តបន្ទាប់នៅក្នុងប្រទេសធំ ៗ ជាច្រើន។ ទីភ្នាក់ងារសុខភាពរបស់អង្គការសុខភាពពិភពលោកបាននិយាយ នៅក្នុងការធ្វើបច្ចុប្បន្នភាពប្រចាំសប្តាហ៍របស់ខ្លួនថា “គេរំពឹងថា វារ្យ៉ង់ដែលតានឹងបន្ត ចម្លងនិងសម្លាប់ប្រជាជាតិ ក្នុងពេលយ៉ាងឆាប់រហ័សនិងអាចក្លាយជាខ្សែស្រឡាយមេរោគដែលនឹងរីករាលដាលខ្លាំងជាងគេ នៅក្នុងប៉ុន្មានខែខាងមុខនេះ” ។ ក្នុងចំណោមការព្រួយបារម្ភទាក់ទងនឹង វ៉ារ្យ៉ង់ ចំនួនបីផ្សេងទៀត គឺវ៉ារ្យ៉ង់ទី១ អាល់ហ្វា ដែលត្រូវបានគេរកឃើញដំបូងនៅក្នុងប្រទេសអង់គ្លេស ដែលត្រូវបានគេរាយការណ៍ថា វាបានត្រូវគេរកឃើញ នៅក្នុងទឹកដីចំនួន ១៨០ (កើនឡើងចំនួន ៦ ពីសប្តាហ៍មុន) ។ វ៉ារ្យ៉ង់ទី២គឺបេតា ដែលត្រូវបានរកឃើញដំបូងនៅ អាហ្វ្រិកខាងត្បូង ហើយត្រូវបានគេរាយការណ៍ នៅក្នុងដែនដីចំនួន ១៣០ (កើនឡើង ៧បើធៀបនឹងសប្តាហ៍មុន)…
-
Perseverance យានរុករកនៅភពអង្គារ របស់អង្គការណាសា ត្រៀមរួចរាល់ដើម្បីខួងយកគម្រូថ្មលើកដំបូង
យានរុករកឈ្មោះ Perseverance របស់ទីភ្នាក់ងារអវកាសអាមេរិក បានត្រៀមខ្លួនរួចជាស្រេចក្នុងការខួងយកគំរូថ្មនៅភពអង្គារជាលើកដំបូងរបស់ខ្លួន ដើម្បីនាំថ្មទំហំប៉ុនម្រាមដៃ វេចខ្ចប់ដាក់ក្នុងបំពង់បិទជិតត្រឡប់មកផែនដីវិញ។ យានដែលបានចុះចតកាលពីខែកុម្ភៈនេះ គឺជាយានរ៉ូប៉ូតដែលសិក្សាអំពីទំរង់ផែនដីឬភពដទៃ និងជីវិតក្រៅផែនដី ត្រូវបានរចនាឡើងដើម្បីជួយអ្នកវិទ្យាសាស្ត្រ រកមើលដាននៃជីវិតពីបុរាណនៅតំបន់ Jezero Crater ដែលទំនងជាអតីតបឹងរាប់ពាន់លានឆ្នាំមុនរបស់ភពអង្គារ។ យានដដែលបានរំកិលខ្លួនប្រហែល ១ គីឡូម៉ែត្រ ពីកន្លែងដែលខ្លួនដាក់ជើង ហើយឈប់នៅកន្លែងមួយឈ្មោះថា Paver Stones ។ យោងតាមការចុះផ្សាយរបស់សារព័ត៌មាន BBC លោក Ken Farley ប្រធានអ្នកវិទ្យាសាស្ត្របាននិយាយថា គេចង់កំណត់ថាតើ Paver Stones ទាំងនេះ គឺជាសិលាកម្ទេចកំណ ឬជាសិលាភ្នំភ្លើងពីប្រភពដើម។ រវាងទាំងពីរ មួយណាក៏គួរឱ្យចាប់អារម្មណ៍ ប៉ុន្តែគុណភាពពិសេសនៃថ្មភ្នំភ្លើងគឺថា ពួកវាអាចចុះកាលបរិច្ឆេទបានដោយមានភាពជាក់លាក់ខ្ពស់ និងត្រឹមត្រូវនៅក្នុងមន្ទីរពិសោធន៍។