-
មន្ត្រីអាហ្វហ្គានីស្ថាន ជួបជាមួយតាលីបង់នៅប្រទេសកាតា ខណៈពេលដែលការប្រយុទ្ធគ្នាកើនឡើង
កាលពីថ្ងៃសៅរ៍ ទី១៧ កក្កដា តំណាងរដ្ឋាភិបាលអាហ្វហ្គានីស្ថាន និងក្រុមឧទ្ទាមតាលីបង់បានធ្វើការជួបពិភាក្សានៅក្រុងដូហា ប្រទេសកាតា ខណៈពេលដែលអំពើហិង្សា និងការប្រយុទ្ធគ្នាបានឡើងក្នុងប្រទេសពួកគេ បន្ទាប់ពីការដកខ្លួនកងទ័ពបរទេស។ ភាគីទាំងពីរបានធ្វើការចរចាសន្តិភាព ដោយមិនទៀងទាត់ជាច្រើនខែមកហើយនៅរាជធានីរបស់ប្រទេសកាតា ប៉ុន្តែសំទុះនៃការចរចាបានធ្លាក់ចុះបន្ទាប់ពីក្រុមតាលីបង់បានទទួលការជោគជ័យក្នុងការវាយដណ្ដើមដែនដីពីរដ្ឋាភិបាល។ មន្ត្រីជាន់ខ្ពស់ជាច្រើនរួមទាំង អតីតប្រមុខរដ្ឋាភិបាលអាហ្វហ្គានីស្ថានលោក Abdullah Abdullah ដែលបច្ចុប្បន្នជាប្រធានឧត្ដមក្រុមប្រឹក្សាសម្រាប់ការផ្សះផ្សាជាតិបានប្រមូលផ្ដុំនៅសណ្ឋាគារមួយកាលពីថ្ងៃសៅរ៍បន្ទាប់ពីអធិដ្ឋានពេលព្រឹក។ ពួកគេត្រូវបានចូលរួមដោយអ្នកចរចាមកពីការិយាល័យនយោបាយតាលីបង់ប្រចាំកាតា។ «(ពួកយើង) គួរតែចាត់វិធានការដើម្បីបន្តដំណើរការសន្តិភាព ដើម្បីទប់ស្កាត់ការសម្លាប់ប្រជាជន» លោក Abdullah បាននិយាយបែបនេះហើយបន្តទៀតថា៖ «ពីព្រោះយើងមិនអាចបង់ថ្លៃឈាមនេះបានទេ ហើយយើងក៏មិនអាចរួចផុតពីការទទួលខុសត្រូវដែរ»។ លោក Mullah Abdul Ghani Baradar ដែលជាមេដឹកនាំមួយរូប និងជាអ្នកចរចារបស់តាលីបង់ បានបង្ហាញការសោកស្ដាយចំពោះកង្វះការរីកចម្រើន។ លោកបាននិយាយថា៖ «ប៉ុន្តែនៅតែមានក្តីសង្ឃឹម ហើយតាលីបង់នឹងប្រឹងប្រែងធ្វើកិច្ចចរចាដើម្បីទទួលបានលទ្ធផលវិជ្ជមាន»។ កង្វះការរីកចម្រើនពីការចរចាមុនៗ បានដាក់សម្ពាធយ៉ាងខ្លាំងទៅលើភាគីទាំង២ឱ្យឈានដល់កិច្ចព្រមព្រៀងសន្តិភាព ខណៈពេលដែលអាមេរិកបានប្ដេជ្ញាដកទាហានចេញពីអាហ្វហ្គានីស្ថានទាំងស្រុងត្រឹមដំណាច់ខែកញ្ញា។ ស្របពេលនឹងការប្ដេជ្ញានេះ តាលីបង់បានធ្វើការអះអាងថាពួកគេបានចូលកាន់កាប់ ៨៥% នៃផ្ទៃដីប្រទេសអាហ្វហ្គានីស្ថាន ប៉ុន្តែក្រុមអ្នកឃ្លាំមើលបានប៉ាន់ស្មានថាតាលីបង់ចូលកាន់កាប់ជាងពាក់កណ្ដាលនៃផ្ទៃដីអាហ្វហ្គានីស្ថាន។ នៅក្នុងការប៉ះទង្គិចចុងក្រោយបង្អស់នៃការប្រយុទ្ធគ្នាប្រជាជនប្រមាណ ១២.០០០ គ្រួសារនៅខេត្តភាគខាងជើងប្រទេសត្រូវបានភៀសខ្លួនចេញពីផ្ទះរបស់ពួកគេនៅពេលដែលការប្រយុទ្ធគ្នានៅតែបន្តកើតមាន។ នៅខេត្ត Kandahar ភាគខាងត្បូងប្រទេសការប្រយុទ្ធគ្នាបានកើតមានឡើង ហើយក្រុមតាលីបង់នៅដើមសប្ដាហ៍នេះបានដណ្ដើមកាន់កាប់តំបន់ Spin Boldak ដែលជាតំបន់ជាប់ព្រំដែនប៉ាគីស្ថាន…
-
មន្ត្រីចិននៅហុងកុងនិយាយថាការដាក់ទណ្ឌកម្មដោយអាមេរិកគឺមាន «ចេតនាគួរឱ្យស្អប់ខ្ពើម»
សាខាក្រសួងការបរទេសចិននៅហុងកុង បាននិយាយថាការដាក់ទណ្ឌកម្មថ្មីរបស់សហរដ្ឋអាមេរិកទៅលើមន្ត្រីចិន និងការចេញសេចក្ដីណែនាំថ្មីអំពីទីក្រុងនេះ គឺជាសកម្មភាពយាយី «ឈ្លើយបំផុត» និង «មិនសមហេតុផលបំផុត» ជាមួយនឹង «ចេតនាគួរឱ្យស្អប់ខ្ពើម»។ កាលពីថ្ងៃសុក្រ ទី១៦ កក្កដា សហរដ្ឋអាមេរិកបានប្រកាសដាក់ទណ្ឌកម្មលើមន្ត្រីចិនចំនួន៧រូប ជុំវិញការបង្ក្រាបលទ្ធិប្រជាធិបតេយ្យនៅហុងកុង។ រដ្ឋបាលលោកប្រធានាធិបតីចូ បៃដិនក៏បានចេញសេចក្ដីណែនាំថ្មីដើម្បីព្រមានដល់សហគ្រាសអាមេរិកអំពីហានិភ័យចំពោះប្រតិបត្តិការ និងសកម្មភាពរបស់ពួកគេនៅក្នុងទីក្រុងហុងកុង បន្ទាប់ពីប្រទេសចិនបានដាក់ចេញនូវច្បាប់សន្តិសុខជាតិកាលពីឆ្នាំមុន។ កាលពីល្ងាចថ្ងៃសុក្រ អ្នកនាំពាក្យស្នងការក្រសួងការបរទេសចិនប្រចាំហុងកុងបានចេញសេចក្ដីថ្លែងការណ៍មួយ ថ្កោលទោសយ៉ាងខ្លាំងចំពោះសកម្មភាពរបស់សហរដ្ឋអាមេរិក ដោយនិយាយថាសកម្មភាពទាំងនេះ គឺជាការជ្រៀតជ្រែកដោយឥតលាក់លៀមចូលទៅក្នុងកិច្ចការផ្ទៃក្នុងរបស់ហុងកុង និងចិន។ អ្នកនាំពាក្យបាននិយាយថា៖ «ការព្រួយបារម្ភរបស់អាមេរិកចំពោះបរិស្ថានធុរកិច្ចហុងកុង គឺក្លែងក្លាយ។ ការប៉ុនប៉ងរបស់ពួកគេដើម្បីបំផ្លាញវិបុលភាព និងស្ថិរភាពបង្កគ្រោះថ្នាក់ដល់សន្តិសុខជាតិរបស់ចិន ហើយរារាំងការអភិវឌ្ឍរបស់ចិនគឺពិត»៕ អ្នកនាំពាក្យរូបនេះ ក៏បានបន្ថែមផងដែរថាការអនុវត្តច្បាប់សន្តិសុខ បានពង្រឹងជំហររបស់ទីក្រុងហុងកុងជាមជ្ឈមណ្ឌលហិរញ្ញវត្ថុ និងពាណិជ្ជកម្មអន្តរជាតិ ហើយការដាក់ទណ្ឌកម្មនិងសម្ពាធរបស់សហរដ្ឋអាមេរិកគឺត្រឹមតែជា «ការខ្ជះខ្ជាយក្រដាស» ដែលនឹងមិនរារាំងប្រទេសចិនមិនឱ្យរីកចម្រើននោះទេ។
-
ប្រទេសចិនចង់បានម៉ាស៊ីនផលិតបន្ទះឈីប ពីហូឡង់ ប៉ុន្តែសហរដ្ឋអាមេរិកជំទាស់
ម៉ាស៊ីនមួយចំនួន ដែលជាផ្នែកដ៏សំខាន់បំផុតរបស់ឧស្សាហកម្មបច្ចេកវិទ្យា ត្រូវបានគេផលិតនៅរោងចក្រមួយជាប់នឹងចំការពោតមួយកន្លែងនៅប្រទេសហូឡង់។ រដ្ឋាភិបាល សហរដ្ឋអាមេរិក កំពុងព្យាយាមធ្វើយ៉ាងកុំឱ្យម៉ាស៊ីនទាំងនេះធ្លាក់ចូលក្នុងដៃរបស់ប្រទេសចិន។ ទីក្រុងប៉េកាំង បានដាក់សម្ពាធលើរដ្ឋាភិបាលហូឡង់ ឱ្យអនុញ្ញាតឱ្យក្រុមហ៊ុនចិនទិញម៉ាស៊ីនផលិតបន្ទះឈីបជំនាន់ថ្មីរបស់ក្រុមហ៊ុនហូឡង់ASML Holding តាមរយៈបច្ចេកវិទ្យា extreme ultraviolet lithography ។ ម៉ាស៊ីនមានទម្ងន់ជាង ១៨០ តោននេះត្រូវបានប្រើប្រាស់ដោយក្រុមហ៊ុនបច្ចេកវិទ្យាធំៗ ជាច្រើនរួមមានក្រុមហ៊ុនអាមេរិក Intel Corp, ក្រុមហ៊ុនកូរ៉េខាងត្បូង Samsung Electronics និងក្រុមហ៊ុនផ្គត់ផ្គង់ឈានមុខគេរបស់ក្រុមហ៊ុន Apple Inc គឺក្រុមហ៊ុន Taiwan Semiconductor Manufacturing (TSMC) ដើម្បីផលិតបន្ទះឈីបគ្រប់បែបយ៉ាងសម្រាប់ប្រើក្នុងទូរស័ព្ទស្មាតហ្វូន និងកុំព្យូទ័រជំនាន់ថ្មី។ ប្រទេសចិនចង់ទិញម៉ាស៊ីន ដែលមានតម្លៃ ១៥០ លានដុល្លារនេះ សម្រាប់ក្រុមហ៊ុនផលិតបន្ទះឈីបក្នុងស្រុក ដើម្បីផ្គត់ផ្គង់ក្រុមហ៊ុនទូរស័ព្ទស្មាតហ្វូនដ៏ល្បីឈ្មោះHuawei និងក្រុមហ៊ុនបច្ចេកវិទ្យាចិនផ្សេងទៀត ក្នុងបំណងកាត់បន្ថយការពឹងផ្អែកលើអ្នកផ្គត់ផ្គង់បរទេស។ ប៉ុន្តែ ក្រុមហ៊ុន ASML របស់ហូឡង់ មិនទាន់បានយល់ព្រមធ្វើការលក់ម៉ាស៊ីនរបស់ពួកគេដល់ក្រុមហ៊ុនណាមួយមកពីប្រទេសចិន ពីព្រោះប្រទេសហូឡង់ ដែលស្ថិតក្រោមសម្ពាធពីសហរដ្ឋអាមេរិក គឺកំពុងដកហូតអាជ្ញាប័ណ្ណនាំចេញ ទៅកាន់ប្រទេសចិនរបស់ក្រុមហ៊ុនASML។ យោងតាមមន្ត្រីសហរដ្ឋអាមេរិក បានឱ្យដឹងថារដ្ឋបាល Biden បានស្នើសុំរដ្ឋាភិបាលរឹតបន្ទឹងការលក់នេះ…
-
ប្រទេសមេដឹកនាំពិភពលោកប្ដេជ្ញាប្រយុទ្ធប្រឆាំងនឹងជំងឺកូវីដ-១៩ ទ្វេដង នៅឯកិច្ចប្រជុំ APEC
កាលពីថ្ងៃសុក្រ កន្លងទៅ ក្រុមប្រទេសដឹកនាំក្រុមសហប្រតិបត្តិការសេដ្ឋកិច្ចអាស៊ីប៉ាស៊ីហ្វិក (APEC) រួមទាំងសហរដ្ឋអាមេរិក ប្រទេសរុស្ស៊ី និងប្រទេសចិន បានប្ដេជ្ញាប្រយុទ្ធប្រឆាំងនឹងជំងឺកូវីដ-១៩ ទ្វេដង ដោយធ្វើការពង្រីកការចែករំលែក និងផលិតវ៉ាក់សាំងកូវីដ-១៩ ដើម្បីប្រយុទ្ធប្រឆាំងនឹងជំងឺរាតត្បាតជាសកល។ នេះបើតាមឱ្យដឹងពីសារព័ត៌មាន CNA កាលពីពេលថ្មីៗនេះ។ មេដឹកនាំប្រទេសនានា កំពុងខិតខំប្រឹងប្រែងប្រយុទ្ធប្រឆាំងនឹងវ៉ារ៉្យង់ Delta ថ្មី បាននិយាយថា ពួកគេនឹងលើកទឹកចិត្តដល់ប្រទេស ដែលចង់ផ្ទេរបច្ចេកវិទ្យាផលិតវ៉ាក់សាំងដោយស្មគ្រ័ចិត្ត តាមលក្ខខណ្ឌ ដែលបានព្រមព្រៀងគ្នា។ ក្រុមប្រទេសមេដឹកនាំទាំងនេះ បាននិយាយនៅក្នុងសេចក្តីថ្លែងការណ៍រួមមួយថា ៖ «ជំងឺរាតត្បាតនេះនឹង នៅតែបន្តជះឥទ្ធិពលយ៉ាងធ្ងន់ធ្ងរដល់ប្រជាជន និងសេដ្ឋកិច្ចក្នុងតំបន់របស់យើង។ យើងនឹងយកឈ្នះលើភាពអាសន្នផ្នែកសុខភាពនេះ ដោយការបង្កើនល្បឿនចែកចាយវ៉ាក់សាំង ដែលមានសុវត្ថិភាព ប្រសិទ្ធភាព ធានាគុណភាព និងតម្លៃសមរម្យ»។ មេដឹកនាំក្រុម APEC បានពិភាក្សាអំពីសកម្មភាពរួម ដើម្បីស្វែងរកដំណោះស្រាយ និងធ្វើយ៉ាងណា ដើម្បីស្ដារសេដ្ឋកិច្ចឡើងវិញពីផលប៉ះពាល់បណ្ដាលមកពីជំងឺរាតត្បាតនេះ។ លោក Lee Hsien Loong នាយករដ្ឋមន្រ្តីសិង្ហបុរីក៏បានចូលរួមក្នុងកិច្ចប្រជុំនេះដែរ។ ប្រទេសនូវែលសេឡង់ ដែលជាម្ចាស់ផ្ទះកិចប្រជុំកិច្ចសហប្រតិបត្តិការសេដ្ឋកិច្ចអាស៊ី – ប៉ាស៊ីហ្វិកនេះ បាននិយាយនៅសប្តាហ៍នេះថា ខ្លួននឹងធ្វើជាប្រធានកិច្ចប្រជុំវិសាមញ្ញមុនការជួបជុំជាផ្លូវការមួយនៅក្នុងខែ វិច្ឆិកា ដែលនេះជាកិច្ចប្រជុំលើកទី…
-
ពួកយុវជនថៃបាតុកម្មជាថ្មីឲ្យនាយករដ្ឋមន្ត្រីចុះចេញ ទោះប្រទេសឆ្លងកូវីដជាង១ម៉ឺននាក់ ក្នុង១ថ្ងៃ
នៅថ្ងៃអាទិត្យ ទី១៨ កក្កដា ២០២១នេះ ក្រុមយុវសកម្មជនថៃ ហៅខ្លួនឯងថា អ្នកគាំទ្រប្រជាធិបតេយ្យនោះបានប្រមូលផ្តុំគ្នាធ្វើបាតុកម្មទាមទារឲ្យលោកនាយករដ្ឋមន្រ្តី ប្រាយុទ្ធ ចាន់អូចា លាលែងពីតំណែង បើទោះបីជារដ្ឋាភិបាលមិនឲ្យមានការប្រមូលផ្តុំជាសាធារណៈទូទាំងប្រទេស ដើម្បីទប់ស្កាត់ការឆ្លងរាតត្បាតវីរុសកូវីដ១៩ ក៏ដោយ។ ជាការជួបជុំ ទោះបីជាថៃ ឆ្លងជំងឺកូវីដ១៩ប្រចាំថ្ងៃ ជាង១ម៉ឺននាក់ ២ថ្ងៃជាប់គ្នា ហើយស្លាប់១ថ្ងៃៗ ជាង១០០នាក់ក៏ដោយ៕
-
ចក្រភពអង់គ្លេសគាំទ្រការសិក្សាអំពីករណី«កូវីដរយៈពេលវែង»
ចក្រភពអង់គ្លេស កំពុងគាំទ្រការស្រាវជ្រាវថ្មីចំនួន ១៥ ស្តីពីការព្យាបាល និងធ្វើរោគវិនិច្ឆ័យនៃ«កូវីដរយៈពេលយូរ» ជាករណីមួយ ដែលមានរោគសញ្ញារាប់សិបនិងមានរយៈពេលរាប់ខែ បន្ទាប់ពីការឆ្លងកូវីដជាលើកដំបូងហើយ។ គម្រោងនេះនឹងចំណាយថវិកាជិត ២៧.៥៤ លានដុល្លារនៃមូលនិធិរដ្ឋាភិបាល នឹងផ្តោតលើការយល់ដឹងកាន់តែច្បាស់អំពីស្ថានភាពនេះ និង កំណត់ការព្យាបាលប្រកបដោយប្រសិទ្ធភាព និងវិធីល្អបំផុត ដើម្បីថែទាំអ្នកជំងឺ។ អ្នកជំនាញបាននិយាយថា អ្នកដែលមាន «កូវីដរយៈពេលវែង» អាចមានរោគសញ្ញាពីអស់កម្លាំង និងអ័ព្ទខួរក្បាល រហូតដល់ខូចដង្ហើម និងខូចសរីរាង្គ។ លោក Nick Lemoine ប្រធានគណៈកម្មាធិការមូលនិធិ កូវីដរយៈពេលវែង របស់វិទ្យាស្ថានជាតិសម្រាប់ការស្រាវជ្រាវសុខភាព បានមានប្រសាសន៍ថា៖ «កញ្ចប់នៃការស្រាវជ្រាវនេះ នឹងផ្តល់នូវក្តីសង្ឃឹមដល់ប្រជាជន ដែលមានបញ្ហាសុខភាពរយៈពេលវែង បន្ទាប់ពីឆ្លងកូវីដ – ១៩ ហើយ»។ ការសិក្សាមួយនៅឯមហាវិទ្យាល័យសាកលវិទ្យាល័យឡុងដ៍ នឹងជ្រើសរើសមនុស្សជាង ៤.៥០០ នាក់ ដែលជំងឺកូវីដរយៈពេលវែង ដើម្បីសាកល្បងប្រសិទ្ធភាពនៃថ្នាំ ដែលមានស្រាប់ដូចជា ការព្យាបាលក្នុងរយៈពេល ៣ ខែ ដើម្បីមើលពីផលប៉ះពាល់រោគសញ្ញារោគសញ្ញា សុខភាពផ្លូវចិត្ត និងសមត្ថភាពក្នុងការត្រឡប់មកធ្វើការវិញ។ ដំណើរការនេះក៏រួមបញ្ជូលទាំង ការស្កេន MRI អាចត្រូវបានប្រើ ដើម្បីធ្វើរោគវិនិច្ឆ័យការខូចខាតសរីរាង្គទៀតផង។…
-
ក្រោយពីទឹកស្រកនៅភាគខាងលិចអ៊ឺរ៉ុប ប្រជាជនចាប់ផ្តើមសម្អាតតំបន់នោះឡើងវិញ
ប្រជាជននៅប្រទេសអាល្លឺម៉ង់ និងបែលហ្ស៊ិកដែលរងផលប៉ះពាល់ខ្លាំងបំផុតដោយទឹកជំនន់ថ្មីៗនេះបានចាប់ផ្តើមរៀបចំ និងត្រឡប់ទៅលំនៅដ្ឋានរបស់ពួកគេឡើងវិញពេលទឹកចាប់ផ្តើមស្រក។ ប្រជាជននៅតំបន់ Ahrweiler នៃ Rhineland-Palatinate បានប្តេជ្ញាចិត្តចាប់ផ្តើមប្រតិបត្តិការបោសសំអាតដោយយកភក់ចេញពីផ្លូវ និងបោសសំអាតគំនរកំទេចកំទីចេញ។ ប៉ុន្តែការខូចខាតគឺមានច្រើនដោយមានអាជីវកម្ម និងកន្លែងរស់នៅជាច្រើននៅក្នុងទីក្រុងនោះមិនមានអគ្គិសនី និងហ្គាសនៅតែត្រូវបានកាត់ផ្តាច់ ហើយបណ្តាញទំនាក់ទំនងត្រូវបានបំផ្លាញក្រោយពីមានទឹកជំនន់នោះ។ មនុស្សយ៉ាងតិចជាង ១០០ នាក់បានស្លាប់ហើយមានមនុស្សជាច្រើនបានបាត់ខ្លួន និងចំនួនអ្នកស្លាប់អាចកើនឡើងថែមទៀត។ ក្រុមជួយសង្គ្រោះបានជួយសង្គ្រោះមនុស្សចេញពីផ្ទះនៅតំបន់ដែលរងផលប៉ះពាល់នៅអ៊ឺរ៉ុប។ ទន្ទឹមនឹងនេះដែរ នៅប្រទេសអាឡឺម៉ង់នៅភាគខាងត្បូងទៅតំបន់ Bavaria ដែលជាកន្លែងដែលមានភ្លៀងធ្លាក់ខ្លាំងធ្វើឱ្យប៉ះពាល់ដល់ផ្លូវក្រោមដី និងផ្លូវថ្នល់ខ្លាំង។
-
កូរ៉េខាងត្បូង បានកោះហៅ ប្រេសិតជប៉ុនជុំវិញ ការអត្ថាធិប្បាយមិនសមរម្យអំពីលោក Moon
ប្រទេសកូរ៉េខាងត្បូងបាន កោះហៅឯកអគ្គរដ្ឋទូត ជប៉ុននៅថ្ងៃសៅរ៍ (១៧ ខែកក្កដា) ជុំវិញការលើកឡើងមិនសមរម្យអំពីប្រធានាធិបតី Moon Jae-in ដោយមន្ត្រីការទូតជប៉ុនមួយរូប និងលទ្ធភាពនៃកិច្ចប្រជុំកំពូលមួយអំឡុងព្រឹត្តិការណ៍អូឡាំពិក ទីក្រុងតូក្យូនាពេលខាងមុខនេះ។ មន្ត្រីការទូតជាន់ខ្ពស់ជប៉ុនម្នាក់ត្រូវបានគេរាយការណ៍ថា បានសើចចំអកជុំវិញការលើកឡើងរបស់លោក Moon ក្នុងការចង់ជួបជាមួយនាយករដ្ឋមន្ត្រីជប៉ុន លោក Yoshihide Suga ដោយនិយាយថាមេដឹកនាំកូរ៉េខាងត្បូងរូបនេះគឺ «កំពុងសម្រេចកាមដោយខ្លួនឯង»។ អ្នកការទូតរូបនោះ ដែលមិនត្រូវបានគេបញ្ចេញអត្តសញ្ញាណ បានបន្ថែមនៅក្នុងបទសម្ភាសន៍ជាមួយទូរទស្សន៍កូរ៉េខាងត្បូង JTBC ថា លោក Moon កំពុងស្ថិតក្នុង «ការទាញព្រ័ត្រជាមួយខ្លួនឯង» ពីព្រោះជប៉ុន«មិនដែលយកចិត្តទុកដាក់លើទំនាក់ទំនងសេអ៊ូល – តូក្យូទេ»។ ការអត្ថាធិប្បាយនេះធ្វើឡើង នៅពេលដែលប្រទេសទាំងពីរត្រូវគេរាយការណ៍ថា គឺកំពុងពិភាក្សាគ្នាអំពីការឈានទៅរកការជួបប្រជុំកំពូលមួយរវាងមេដឹកនាំក្នុងអំឡុងព្រឹត្តិការណ៍កីឡាអូឡាំពិក ដើម្បីធ្វើឱ្យប្រសើរឡើងនូវ ចំណងទាក់ទងដែលបានធ្លាក់ចុះដល់កម្រិតដ៏អាក្រក់បំផុតក្នុងរយៈពេលប៉ុន្មានឆ្នាំចុងក្រោយនេះ ជុំវិញជម្លោះប្រវត្តិសាស្ត្រ។ បន្ទាប់ពីការចេញផ្សាយរបាយការណ៍របស់ JTBC ឯកអគ្គរដ្ឋទូតជប៉ុនប្រចាំកូរ៉េខាងត្បូង បាននិយាយថាសំដីទាំងនេះគឺជារបស់ឯកអគ្គរដ្ឋទូតរងលោក Hirohisa Somaដែលបាននិយាយពាក្យ«មិនសមរម្យបំផុត» ប៉ុន្តែមិនបានបញ្ជាក់ច្បាស់ពីអ្វីខ្លះត្រូវបាននិយាយនៅក្នុងបទសម្ភាសន៍។ ទីក្រុងតូក្យូ និងសេអ៊ូល គឺជាសម្ព័ន្ធមិត្តដ៏សំខាន់របស់អាមេរិក ប៉ុន្តែទំនាក់ទំនងរវាងប្រទេសទាំងពីរមានភាពតានតឹងដោយសារជម្លោះ លើសំណងសម្រាប់ការគ្រប់គ្រងអាណានិគម របស់ជប៉ុននៅដើមសតវត្សទី ២០ លើឧបទ្វីបកូរ៉េ។ នៅក្នុងសន្និសីទកាសែត កាលពីដើមខែនេះមេដឹកនាំប្រទេសជប៉ុន…
-
កូនស្រីប្រេសិតអាហ្វហ្គានីស្ថាន ត្រូវបានគេចាប់ជំរិតនិងរងរបួសនៅ ប៉ាគីស្ថាន
កូនស្រីរបស់ឯកអគ្គរដ្ឋទូតទូតអាហ្វហ្គានីស្ថានប្រចាំនៅប្រទេសប៉ាគីស្ថាន ត្រូវបានចាប់ជំរិតដោយក្រុមជនមិនស្គាល់មុខ ហើយរងរបួសដោយការធ្វើ«ទារុណកម្ម។ កូនស្រីឯកអគ្គរដ្ឋទូត ដែលមានឈ្មោះ Silsila Alikhil ត្រូវបានឃុំខ្លួនអស់រយៈពេលជាច្រើនម៉ោងបន្ទាប់ពីត្រូវបានគេចាប់ខ្លួននៅតាមផ្លូវត្រលប់របស់មកផ្ទះមកវិញនៅឯរដ្ឋធានីប្រទេសប៉ាគីស្ថាន Islamabad កាលពីថ្ងៃសុក្រ។ ក្រសួងការបរទេសអាហ្វហ្គានីស្ថាននិយាយថា នាងត្រូវបានគេធ្វើទារុណកម្មយ៉ាងធ្ងន់ធ្ងរ ហើយគេកំពុងដាក់ពាក្យបណ្ដឹង។ មន្ត្រីប៉ាគីស្ថាននិយាយថា Silsila Alikhil ដែលមានអាយុជាង ២០ ឆ្នាំត្រូវបានគេឆ្មក់ក្នុងឡានដែលនាងកំពុងជិះ និងរងការវាយប្រហារយ៉ាងដំណំ។ ក្រសួងការបរទេសអាហ្វហ្គានីស្ថាន បានសម្ដែងនូវការព្រួយបារម្ភយ៉ាងខ្លាំង ហើយបានជំរុញឱ្យប្រទេសប៉ាគីស្ថានធានានូវសុវត្ថិភាពរបស់អ្នកការទូតនិងក្រុមគ្រួសាររបស់ពួកគេ។ ក្រសួងការបរទេសប៉ាគីស្ថាន បាននិយាយថា សន្តិសុខ របស់ឯកអគ្គរដ្ឋទូត ត្រូវបានគេរឹតបន្តឹង។ រដ្ឋមន្ត្រីក្រសួងមហាផ្ទៃប៉ាគីស្ថានលោក Sheikh Rashid Ahmed បាននិយាយថា នាយករដ្ឋមន្ត្រី Imran Khan បានបញ្ជាឱ្យចាប់ខ្លួនជនសង្ស័យឱ្យបានឆាប់រហ័ស។ ក្នុងប៉ុន្មានសប្តាហ៍ថ្មីៗនេះ ចំណងទាក់ទងរវាងប្រទេសទាំងពីរកាន់តែយ៉ាប់យ៉ឺនឡើងៗ ចំពេលមានអំពើហិង្សាកំពុងកើនឡើងនៅក្នុងប្រទេសអាហ្វហ្គានីស្ថាន។ រដ្ឋាភិបាលអាហ្វហ្គានីស្ថាន បានចោទប្រកាន់ប៉ាគីស្ថានថា បានផ្តក់ទីជម្រកសុវត្ថិភាពដល់ក្រុមឧទ្ទាមតាលីបង់ ដែលកំពុងធ្វើការវាយប្រហារនៅពាសពេញប្រទេស។ ក្រុមឧទ្ទាម តាលីបង់បានធ្វើឱ្យមានភាពចលាចលទូទាំងប្រទេសអាហ្វហ្គានីស្ថាន ដោយត្រូវវាយដណ្ដើមច្រកព្រំដែនសំខាន់ៗ ពីកងកម្លាំងរដ្ឋាភិបាលអាហ្វហ្គានីស្ថាន។
-
Pacquiao ត្រូវបានគេទម្លាក់ចេញពីតំណែងប្រធានគណបក្សកាន់អំណាចហ្វីលីពីន
លោក Manny Pacquiao ដែលជាកីឡាករប្រដាល់ដ៏ល្បីឈ្មោះ ត្រូវបានគេទម្លាក់ចេញពីតំណែងប្រធានគណបក្សប្រជាធិបតេយ្យហ្វីលីពីណូ-ឡាបាន (PDP-Laban) ដែលជាគណបក្សកំពុងកាន់អំណាចនៅក្នុងប្រទេសហ្វីលីពីន ក្នុងអំឡុងមហាសន្និបាតគណបក្សថ្នាក់ជាតិកាលពីថ្ងៃសៅរ៍កន្លងទៅ។ នៅក្នុងគណបក្សនេះមាន ២ក្រុមធំៗគឺ (១) ក្រុមរបស់លោក Pacquiao និងសមាជិកព្រឹទ្ធសភាលោក Koko Pimentel និង (២) ក្រុមរបស់លោក Alfonso Cusi ដែលជារដ្ឋមន្ត្រីក្រសួងថាមពល និងជាអនុប្រធានក្រុមប្រឹក្សាភិបាលគណបក្ស។ លោក Pimentel ជាកូនប្រុសរបស់ស្ថាបនិកគណបក្ស ហើយក្រុមរបស់លោក ត្រូវបានគេហៅថា «សមាជិកដើម» ខណៈក្រុមរបស់លោក Cusi វិញត្រូវបានគេសង្កេតឃើញថាជា ក្រុមរបស់លោកប្រធានាធិបតីហ្វីលីពីន Rodrigo Duterte។ ក្រុមទាំងពីរ ត្រូវបានគេមើលឃើញថាមានភាពមិនចុះសម្រុងយ៉ាងខ្លាំងលើការជ្រើសរើសបេក្ខជនប្រធានាធិបតីសម្រាប់ឈរឈ្មោះក្នុងការបោះឆ្នោតឆ្នាំ២០២២។ កាលពីថ្ងៃសៅរ៍ ក្រុមដែលដឹកនាំដោយលោក Cusi បានប្រជុំគ្នាជាមហាសន្និបាតគណបក្សថ្នាក់ជាតិ ហើយបានព្រមព្រៀងគ្នាក្នុងការដាក់តំណែងមន្ត្រីថ្នាក់ជាតិរបស់គណបក្សចំនួន ១៦ កន្លែងឱ្យនៅទំនេរ។ តំណែងទាំង ១៦ រួមមានទាំងតំណែងប្រធានគណបក្សរបស់លោក Pacquiao។ តំណែងជាប្រធានគណបក្សនេះត្រូវបានជំនួសមកវិញដោយលោក Alfonso Cusi តាមរយៈការបោះឆ្នោតនៅក្នុងថ្ងៃដដែល។ ក្នុងអំឡុងពេលមហាសន្និបាតបក្សនេះ ក៏មានវត្តមានលោកប្រធានាធិបតី Duterte…