បាងកក៖ សារព័ត៌មាន Bangkok Post ចុះផ្សាយពីករណីឆ្លងជំងឺ COVID-19 ថ្មីៗចំនួន ១១,៣៩៧ករណីបន្ថែម ដែលជាចំនួនករណីឆ្លងប្រចាំថ្ងៃខ្ពស់បំផុតមិនធ្លាប់មានពីមុនមក ខណៈអ្នកជំងឺចំនួន ១០១នាក់ទៀតក៏ត្រូវបានរាយការណ៍ថា ស្លាប់ផងដែរក្នុងរយៈពេល ២៤ម៉ោងចុងក្រោយនេះ។ ក្រសួងសុខាភិបាលថៃបញ្ជាក់ថា ក្នុងចំណោមករណីឆ្លងថ្មីៗខាងលើនេះ មាន ១១,០៧៩ករណី ត្រូវបានរកឃើញនៅលើប្រជាជនថៃទូទៅ ខណៈ ៣១៨ករណីទៀត ត្រូវបានរកឃើញនៅលើអ្នកទោសតាមពន្ធនាគារ។ ជុំវិញបញ្ហានេះ វិធានការរឹតត្បិតរួមទាំងបំរាមគោចរ ត្រូវបានដាក់នៅទីក្រុងបាងកក និងខេត្តជាប់គ្នាចំនួន ០៥ ក្នុងរយៈពេលពីរសប្តាហ៍ គិតចាប់តាំងពីថ្ងៃចន្ទដើមសប្ដាហ៍នេះ ខណៈរដ្ឋាភិបាលបានព្យាយាមទប់ស្កាត់ ការកើនឡើងនៃចំនួនករណីឆ្លងថ្មីៗ ដែលកំពុងតែកើនឡើងយ៉ាងគំហុកនេះ។ រហូតមកទល់ពេលនេះ ប្រទេសថៃ បានកត់ត្រានូវករណីឆ្លងសរុបនៅទូទាំងប្រទេស ៤០៣,៣៨៦ករណី ក្នុងនោះមានអ្នកស្លាប់ ៣,៣៤១នាក់ និងអ្នកជាសះស្បើយ ២៨៣,៩១០នាក់។ សម្រាប់ការចាក់វ៉ាក់សាំងបង្ការ COVID-19 វិញ គិតត្រឹមសប្តាហ៍នេះ ថៃសម្រេចបាន ១៣.៥លានដូស ដោយក្នុងនោះប្រជាជន ៣.៣៧លាននាក់ (៤.៨% នៃចំនួនប្រជាជនសរុប) បានទទួលការចាក់គ្រប់ដូស៕

ហ្វីលីពីន ៖ យោងតាមការចុះផ្សាយរបស់សារព័ត៌មានរយទ័រ នៅថ្ងៃទី១៨ ខែកក្កដា ឆ្នាំ២០២១ បានឱ្យ ដឹងថាស្តេចប្រដាល់ និងជាសមាជិកព្រឹទ្ធសភា លោក  ម៉ានី ប៉ាក់គីអៅ ត្រូវបានបោះឆ្នោតបណ្តេញ ចេញពីតំណែងជាមេដឹកនាំគណបក្សកាន់អំណាចកាលពីថ្ងៃសៅរ៍ ទី១៧ ខែកក្កដាម្សិលមិញ ។ ការបោះឆ្នោតបណ្តេញចេញពីតំណែងត្រូវបានធ្វើឡើងត្រឹមតែប៉ុន្មានសប្តាហ៍ក្រោយពីលោកបាន ប្រឈមមុខដាក់គ្នាជាមួយ ប្រធានាធិបតី រ៉ូឌ្រី ហ្គោឌូទើតេ (Rodrigo Duterte) ជុំវិញជំហររបស់លោក លើប្រទេសចិន និង កំណត់ត្រាប្រឆាំងនឹង អំពើពុករលួយ ។ នេះបើយោងតាមការចុះផ្សាយរបស់ សារព័ត៌មានរយទ័រ នៅថ្ងៃទី១៨ ខែកក្កដា ឆ្នាំ២០២១ ។ ប្រភពដដែលបានបន្តថា ប៉ាក់គីអៅ ដែលត្រូវបានគេមើលឃើញថាជាដៃគូរប្រជែងក្នុងការបោះឆ្នោត ជ្រើសរើសប្រធានាធិបតីនៅឆ្នាំក្រោយ គឺស្ថិតក្នុងចំណោមអ្នកគាំទ្រម្នាក់ក្នុងចំណោមអ្នកគាំទ្រខ្លាំងក្លា បំផុតរបស់ប្រធានាធិបតី រ៉ូឌ្រី ហ្គោឌូទើតេជាយូរមកហើយដោយគាំទ្រសង្គ្រាមបង្ហូរឈាមលើគ្រឿងញៀនរបស់លោក និងទាមទារឱ្យមានទោសប្រហារជីវិតឡើងវិញផងដែរ ។ ជម្លោះអ្នកទាំង២ បន្ទាប់ពីលោកប៉ាក់គីអៅ បានលើកបានលើកឡើងពីជំហរទន់ភ្លន់របស់លោក Duterte ស្តីពីការឈ្លានពានរបស់ទីក្រុងប៉េកាំងនៃប្រទេសចិននៅក្នុងបញ្ហាសមុទ្រចិនខាងត្បូង និង បាននិយាយថាលោកកំពុងស៊ើបអង្កេតអំពើពុករលួយនៅក្នុងរដ្ឋាភិបាលថែមទៀតផង ។ ក្រោយពីចំណងទាក់ទងហាក់មានភាពរង្គោះរង្គើរនោះក្រុមបក្សកាន់អំណាចប្រជាធិបតេយ្យដឹកនាំ…

អង់គ្លេស៖ រដ្ឋមន្រ្តីសុខាភិបាលអង់គ្លេស លោក សាជីដ ចាវីដ (Sajid Javid) បញ្ជាក់ថា ខ្លួនបានធ្វើតេស្ត វិជ្ជមានជំងឺកូវីដ១៩ ប៉ុន្តែលោកមានរោគសញ្ញាកម្រិតស្រាលប៉ុណ្ណោះ ហើយក៏បានទទួលការចាក់វ៉ាក់សាំងគ្រប់២ដូសផងដែរ ។ តាមរយៈបណ្តាញសង្គម Twitter លោក ចាវីដ បញ្ជាក់ថា ខ្ញុំបានធ្វើតេស្តឃើញវិជ្ជមាន COVID-19 តាមរយៈការធ្វើតេស្តរហ័ស និងកំពុងរង់ចាំលទ្ធផលបញ្ជាក់ ពីការធ្វើតេស្តបែប PCR ដែលត្រូវឆ្លងកាត់មន្ទីរពិសោធន៍មួយតង់ទៀត ប៉ុន្តែសំណាងល្អ ខ្ញុំបានចាក់វ៉ាក់សាំងគ្រប់ដូស ហើយរោគសញ្ញាគឺកម្រិតស្រាលប៉ុណ្ណោះ ៕ ប្រភព៖ Ajazeera