-
អ្នកឆ្លង COVID-19 នៅទូទាំងពិភពលោកកើនឡើងដល់១៨៩លាន៧៣ម៉ឺននាក់ ក្នុងនោះស្លាប់ជាង៤លាន៨ម៉ឺននាក់ និងជាសះស្បើយ១៧៣លាន១៤ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១៨៩លាន៧៣ម៉ឺន៧ពាន់៥៤៦ករណី ក្នុងនោះមានអ្នកជម្ងឺសរុបចំនួន៤លាន៨ម៉ឺន៣ពាន់១៤០នាក់ស្លាប់ និង ជាសះស្បើយឡើងវិញសរុបចំនួន១៧៣លាន១៤ម៉ឺន៨ពាន់៤នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី១៦ ខែកក្កដា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣៤លាន៨៨ម៉ឺន៧ពាន់១៥៥នាក់ ស្លាប់ចំនួន៦២ម៉ឺន៤ពាន់២១៤នាក់ និងជាសះស្បើយចំនួន២៩លាន៣៤ម៉ឺន១ពាន់៩១៣នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៣១លាន២ម៉ឺន៥ពាន់៨៧៥នាក់ ស្លាប់៤១ម៉ឺន២ពាន់៥៦៣នាក់ និងជាសះស្បើយ៣០លាន១៧ម៉ឺន៦ពាន់៣០៦នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន១៩លាន២៦ម៉ឺន២ពាន់៥១៨នាក់ ស្លាប់ចំនួន៥៣ម៉ឺន៩ពាន់៥០នាក់ និងជាសះស្បើយ១៧លាន៩១ម៉ឺន៧ពាន់១៨៩នាក់ ៕ ប្រភព៖ worldometers
-
តាលីបង់អះអាងថា ខ្លួនកាន់កាប់ព្រំដែនសំខាន់ជាប់ប៉ាគីស្ថាន
ហួន ឌីណា ក្រុមឧទ្ទាមតាលីបង់បាននិយាយថា ខ្លួនបានកាន់កាប់ច្រកព្រំដែន Spin Boldak ជាប់ប៉ាគីស្ថាន និងបន្តពង្វាតទី ខណៈក្រសួងមហាផ្ទៃអាហ្វហ្គានីស្ថានអះអាងថា កងកម្លាំងរដ្ឋាភិបាលបានគ្រប់គ្រង និងបង្ក្រាបជាស្ថាពរលើការវាយប្រហាររបស់ក្រុមប្រដាប់អាវុធមួយនេះ។ លោក Arif Kakar មន្ត្រីរដ្ឋបាលមូលដ្ឋានប៉ាគីស្ថានបានបញ្ចាក់ពីការអះអាងនេះ ដោយនិយាយថា ប៉ាគីស្ថានបានបិទច្រកព្រំដែន Chaman-Spin Boldak ជាប់អាហ្វហ្គានីស្ថាន ដោយមិនអនុញ្ញាតិឱ្យទំនិញ ឬប្រជាជនឆ្លងកាត់តាមច្រកសំខាន់នេះឡើយ។ លោកបានប្រាប់សារព័ត៌មាន Al Jazeera ថា គេអាចឃើញពីវត្តមានរបស់ពួកតាលីបង់នៅខាងក្រៅព្រំដែនប្រទេស ដោយគ្មានកងកម្លាំងទ័ពរបស់រដ្ឋាភិបាលអាហ្វហ្គានីស្ថាននោះទេ។ អ្នកនាំពាក្យក្រសួងមហាផ្ទៃនៃរដ្ឋាភិបាលអាហ្វហ្គានីស្ថានលោក Tareq Arian បានបដិសេធការអះអាងនេះដោយនិយាយថា ពួកភេរវជនបានធ្វើសកម្មភាពនៅក្បែរព្រំដែន ប៉ុន្តែត្រូវបានកងកម្លាំងសន្តិសុខបង្រ្កាប។ យ៉ាងណាមិញ ប្រជាជនដែលរស់នៅក្នុងតំបន់ បានបដិសេធនឹងការឆ្លើយតបរបស់រដ្ឋាភិបាល។ លោក Raz Mohammad អ្នកលក់ឥវ៉ាន់ម្នាក់នៅក្បែរព្រំដែនបាននិយាយថា៖ «ខ្ញុំទៅកន្លែងលក់ឥវ៉ាន់កាលពីព្រឹកមិញ ទាំងឃើញពួកតាលីបង់គ្រប់កន្លែងទាំងអស់ ហើយខ្ញុំក៏ឮសម្លេងបាញ់គ្នាក្បែរនោះដែរ»។ ពួកតាលីបង់បានធ្វើការវាយលុកពាសពេញអាហ្វហ្គានីស្ថាន ចាប់តាំងពីដើមខែឧសភា នៅពេលដែលកងកម្លាំងបរទេសដឹកនាំដោយសហរដ្ឋអាមេរិក និងអង្គការណាតូបានចាប់ផ្តើមដកខ្លួនចេញពីប្រទេសអាស៊ីកណ្ដាលមួយនេះ។ តាំងពីពេលនោះមក ក្រុមនេះបានចាប់យកច្រកឆ្លងកាត់យ៉ាងតិចចំនួន ៣ ទៀតនៅតាមបណ្តោយព្រំដែនជាមួយតាហ្ស៊ីគីស្ថាន តួកម៉េនីស្ថាន…
-
ជនជាតិអាហ្វហ្គានីស្ថាននជាង ៣០០ នាក់បានភៀសខ្លួនចូលទៅតាហ្ស៊ីគីស្ថានខណៈអសន្ដិសុខ
មឹង ច័ន្ទសុម៉ានីតា យ៉ាងហោចណាស់មាន ជនភៀសខ្លួនចំនួន ៣៤៧ នាក់មកពី ប្រទេសអាហ្វហ្គានីស្ថាន បានឆ្លងចូលទៅក្នុងប្រទេសអាស៊ីកណ្តាលមួយគឺប្រទេស តាជីគីស្ថាន យ៉ាងច្រើនក្នុងរយៈពេលតែពីរថ្ងៃ ដោយសារពួកគេចង់ភៀសខ្លួន ពីការគំរាមកំហែងពីសំណាក់យុទ្ធជនតាលីបង់នៅពេលដែលកងកម្លាំងបរទេសបានដកថយ។ ទីភ្នាក់ងារព័ត៌មានរដ្ឋKhovar ដែលដកស្រង់សម្តី មន្រ្តីការពារព្រំដែន តាហ្ស៊ីគីស្ថានបាននិយាយកាលពីថ្ងៃពុធថា ជនភៀសខ្លួនទាំងនោះ “សម្រេចចិត្តភៀសខ្លួន ពីពួកតាលីបង់ដើម្បីរក្សាអាយុជីវិតរបស់ពួកគេ” ។ កាលពីខែមិថុនា ក្រុមតាលីបង់បានរឹបអូសបានតំបន់តាមព្រំដែន Shir Khan Bandar របស់ប្រទេស អាហ្វហ្គានីស្ថាន ដែលមានទីតាំងនៅភាគខាងជើងប្រទេស អាហ្វហ្គានីស្ថានដែលមានចម្ងាយប្រហែល ៥០ គីឡូម៉ែត្រពីទីក្រុង Kunduz ។ ជនជាតិតាហ្ស៊ីគីស្ថានបាននិយាយថាជនភៀសខ្លួនទាំងនោះរួមមានក្មេងប្រុសប្រហែល ៦៤ នាក់និងក្មេងស្រី ១១៣ នាក់បានឆ្លងពីខេត្ត Badakhshan របស់អាហ្វហ្គានីស្ថានដោយនាំយកហ្វូងសត្វមកជាមួយផង។ នៅថ្ងៃពុធនេះដែររដ្ឋមន្រ្តីការបរទេស នៃអង្គការសហប្រតិបត្តិការសៀងហៃ (SCO) បានអំពាវនាវដល់ភាគីអាហ្វហ្គានីស្ថាននិងក្រុមតាលីបង់ឱ្យបញ្ឈប់អំពើហឹង្សានិងចាប់ផ្តើមការចរចាសន្តិភាពអំពីអនាគតរបស់ប្រទេស។ នៅក្នុងសេចក្តីថ្លែងការណ៍រួម បន្ទាប់ពីកិច្ចប្រជុំមួយ នៅក្នុងរដ្ឋធានី តាហ្សុគុនៃប្រទេសតាហ្ស៊ីគីស្ថាន ក្រុមរដ្ឋមន្រ្តីក្រសួងការបរទេស SCO បានសម្តែងការព្រួយបារម្ភចំពោះការកើនឡើងនៃការប្រមូលផ្តុំក្រៅច្បាប់និងក្រុមប្រដាប់អាវុធនៅភាគខាងជើងនៃប្រទេស។ ប្រភព៖ More than 300…
-
គុយបា៖ ពន្ធគយលើ ម្ហូបអាហារនិងឪសថត្រូវបានគេលើកលែងបន្ទាប់ពីមានចលាចល
មឹង ច័ន្ទសុម៉ានីតា ប្រទេសគុយបា បានដកពន្ធលើការនាំចូលជាបណ្តោះអាសន្ន លើស្បៀងអាហារ ថ្នាំពេទ្យនិងរបស់ចាំបាច់មួយចំនួនទៀតបន្ទាប់ពីមាន ភាពចលាចលពេញទីក្រុងធំៗនាពេលថ្មីៗនេះ។ នៅថ្ងៃច័ន្ទ ក្រោយនេះ នឹងមិនមានការកំណត់តម្លៃ ពន្ធលើទំនិញ ដូចរៀបរាប់ខាងលើ ដែលនាំចូលតាមអ្នកធ្វើដំណើររហូតដល់ចុងឆ្នាំនេះ។ គួរឲ្យដឹងដែរថា មានមនុស្សរាប់ពាន់នាក់បានធ្វើបាតុកម្មនៅ តាមដងផ្លូវកាលពីថ្ងៃអាទិត្យដើម្បីប្រឆាំងនឹងកង្វះខាត ស្បៀងអាហារនិងថ្នាំពេទ្យ ព្រមទាំងដើម្បីទប់ស្កាត់ ការឡើងថ្លៃនិងការគ្រប់គ្រងរបស់រដ្ឋាភិបាលលើ ចំណាត់ការកូវីដ១៩។ បាតុកម្មនោះគឹចង់ទាមទារឲ្យមានអ្នកដំណើរមកពីខាងក្រៅអាចចូលមកប្រទេសកុយបាហើយនាំចូលសម្ភារចាំបាច់ ឬស្បៀងដោយមិនចាំបាច់បង់ពន្ធ។ មនុស្សរាប់សិបនាក់ ត្រូវបានចាប់ខ្លួន នៅទូទាំងប្រទេសចាប់តាំង ពីមានភាពចលាចល បានចាប់ផ្តើមកាលពីថ្ងៃអាទិត្យ។ អាជ្ញាធរ បានបញ្ជាក់កាលពីថ្ងៃអង្គារថាមានបុរសម្នាក់បានស្លាប់។ មនុស្សជាច្រើន បានធ្វើការផ្សាយបន្តផ្ទាល់ តាមបណ្តាញសង្គម។ ការបង្ហោះនៅលើបណ្តាញសង្គមបានបង្ហាញថា ប្រជាជនបានក្រឡាប់រថយន្តប៉ូលីស ដែលបង្កការកកស្ទះនិងភាព ឥតសណ្តាប់ធ្នាប់។ គួរបញ្ជាក់ផងដែររ ថាបាតុកម្ម ដែលគ្មានការអនុញ្ញាតគឺ ខុសច្បាប់នៅក្នុងប្រទេសហើយការតវ៉ាប្រឆាំងនឹងរដ្ឋាភិបាលគឺ កម្រណាស់។ លោកនាយករដ្ឋមន្រ្តី Manuel Marrero Cruz បានប្រកាសពីការផ្លាស់ប្តូរ លើការបង់ពន្ធ នេះកាលពីថ្ងៃពុធនៅឯកិច្ចប្រជុំមួយ ដែលចាក់ផ្សាយតាមទូរទស្សន៍រដ្ឋ។ បច្ចុប្បន្នអ្នកធ្វើដំណើរ ទៅគុយបា អាចនាំថ្នាំសង្កូវចូលបានរហូតដល់ទៅ ១០ គីឡូក្រាមចូលក្នុងប្រទេសដោយមិនបាច់បង់ពន្ធ។ ទោះយ៉ាងណា…
-
ហេតុអ្វីបានជាម៉ាឡេស៊ីនៅមិនទាន់អនុម័តឱ្យប្រើប្រាស់ ivermectin ដើម្បីព្យាបាលជំងឺកូវីដ-១៩?
ថ្នាំលេបប្រឆាំងប៉ារ៉ាស៊ីត Ivermectin បានក្លាយទៅជាប្រធានបទក្ដៅគគុក ក្រោយមានការអំពាវនាវពីសំណាក់អ្នកជំនាញឱ្យដាក់បញ្ចូលថ្នាំនេះ ជាផ្នែកមួយនៃការព្យាបាលជំងឺកូវីដ ១៩ នៅរបស់ប្រទេសម៉ាឡេស៊ី។ នេះបើតាមឱ្យដឹងពីសារព័ត៌មាន CNA កាលពីថ្ងៃ ១៥ ខែកក្កដា កន្លងទៅ។ ការអំពាវនាវនេះកើតឡើង បន្ទាប់ពីមានសេចក្តីរាយការណ៍កាលពីខែ មេសា ឆ្នាំ ២០២០ ដោយលើកឡើងដោយ អ្នកស្រាវជ្រាវនៅសាកលវិទ្យាល័យ Australia’s Monash University ដែលបានធ្វើពិសោធលើថ្នាំនេះ ហើយបានរកឃើញថា ១ ដូសនៃថ្នាំនេះ អាចបញ្ឈប់ការរីកលូតលាស់វីរ៉ុសនៅក្នុងកោសិការយៈពេល ៤៨ ម៉ោង។ ក្រសួងសុខាភិបាលម៉ាឡេស៊ី បានប្រកាសនៅថ្ងៃទី ៥ មិថុនាថា ការសាកល្បងប្រើប្រាស់វ៉ាក់សាំងចេញអំពីថ្នាំ ivermectin ត្រូវបានចាប់ផ្តើមហើយ។ ការសាកល្បងទាំងនេះ នឹងត្រូវធ្វើឡើង ដោយក្រសួង និងវិទ្យាស្ថានស្រាវជ្រាវគ្លីនិកនៅមន្ទីរពេទ្យក្រសួងចំនួន ១២ ទូទាំងប្រទេស។ ការសាកល្បងនេះ ត្រូវបានអនុម័ត ដោយគណៈកម្មាធិការស្រាវជ្រាវវេជ្ជសាស្រ្ត និងក្រមសីលធម៌របស់ក្រសួង នៅថ្ងៃទី ២៥ ខែឧសភា ហើយអ្នកជំងឺដំបូងត្រូវបានចុះឈ្មោះនៅចុងខែ ឧសភា។ ក្រសួងរំពឹងថា ការសាកល្បងនេះនឹងបញ្ចប់នៅខែ កញ្ញា…
-
ទាហានបារាំងរាប់ម៉ឺននាក់ធ្វើក្បួនព្យុហយាត្រា រម្លឹកថ្ងៃបដិវត្តន៍ ក្លាយជាបារាំងទំនើប
ទាហានរាប់ម៉ឺននាក់បានដើរជាក្បួនព្យុហយាត្រា នៅតាមបណ្តោយ Champs-Elysees ដ៏ល្បីនៅក្នុងក្រុងប៉ារីស កាលពីថ្ងៃទី១៤ កក្កដា ២០២១ ដើម្បីរម្លឹកថ្ងៃ Bastille ជាបុណ្យជាតិរបស់ខ្លួន។ ប្រធានាធិបតី ម៉ាក្រុងក៏មានវត្តមានចូលរួមដែរ។ បុណ្យជាតិ Bastille រម្លឹកដល់កាលពីឆ្នាំ១៧៨៩ បង្ហាញពីបដិវត្តន៍បារាំង និងជាថ្ងៃធ្វើឲ្យបារាំងប្រែក្លាយជាប្រទេសទំនើប។ កាលពីឆ្នាំ២០២០ ការរៀបចំពិធីបុណ្យនេះត្រូវបានលុបចោល ដោយសារតែបញ្ហាជំងឺកូវីដ១៩៕ ប្រភពពី CGTN
-
សហភាពអ៊ឺរ៉ុប និងចិនបង្ហាញផែនការកាត់បន្ថយឧស្ម័នផ្ទះកញ្ចក់
សហគមន៍អ៊ឺរ៉ុបបានបង្ហាញច្បាប់ថ្មីដើម្បីកាត់បន្ថយការបំភាយឧស្ម័នផ្ទះកញ្ចក់ត្រឹម ៥៥ ភាគរយក្នុងទសវត្សនេះ។ កាលពីថ្ងៃទីពុធនេះ សហភាពអ៊ឺរ៉ុបបានស្នើឱ្យមានការផ្លាស់ប្តូរសេដ្ឋកិច្ចទូលាយមួយក្នុងប្លុកនេះដែលនឹងកាត់បន្ថយការពឹងផ្អែកទៅលើឥន្ធនៈផូស៊ីល។ តាមការស្រង់សម្តីរបស់សារព័ត៌មាន Aljazeera អនុប្រធានប្រតិបត្តិនៃគណៈកម្មការអឺរ៉ុបលោក Frans Timmermans បាននិយាយថា៖ «បើខកខានមិនបានធ្វើសកម្មភាពឥលូវនេះ យើងនឹងធ្វើអោយកូនៗ និងចៅៗរបស់យើងខកចិត្តដែរ ប្រសិនបើខ្ញុំមិនដោះស្រាយបញ្ហានេះទេ វានឹងធ្វើអោយមានសង្គ្រាមដណ្តើមទឹក និងចំណីអាហារ»។ ទីក្រុងប៉េកាំង និងព្រុចសែលក៏កំពុងធ្វើសកម្មភាពជាច្រើនខែ មុនសន្និសីទស្តីពីការប្រែប្រួលអាកាសធាតុបន្ទាប់របស់ពិភពលោកដែលគ្រោងនឹងធ្វើនៅខែវិច្ឆិកាឆ្នាំនេះនៅទីក្រុង Glasgow ប្រទេសស្កុតលែនសង្ឃឹមថានឹងដាក់ចេញគំនិតផ្តួចផ្តើមថ្មីៗដើម្បីកំណត់ការបំភាយឧស្ម័ននៅក្នុងបរិយាសផែនដី។ សេចក្ដីព្រាងច្បាប់ដោយគណៈកម្មការអឺរ៉ុបដែលជាក្រុមប្រតិបត្តិរបស់សហភាពអ៊ឺរ៉ុបដែលស្ថិតក្នុងមហាអំណាចសេដ្ឋកិច្ចដ៏សំខាន់ដើម្បីកាត់បន្ថយការបំភាយឧស្ម័នកាបូនឌីអុកស៊ីត និងឧស្ម័នផ្សេងៗទៀតដូចជាមេតាន ហើយអ្នកវិទ្យាសាស្ត្រនិយាយថា កំពុងបង្ករគ្រោះដល់ផែនដី។ ច្បាប់នេះទាមទារអោយមានការផ្លាស់ប្តូរយ៉ាងច្រើនពីសំណាក់ក្រុមហ៊ុន និងក្រុមគ្រួសារដោយជម្រុញអោយប្រើប្រាស់បច្ចេកវិទ្យាដូចជា ថាមពលពន្លឺព្រះអាទិត្យ និងយានយន្តអគ្គិសនី។ ផែនការនេះមានការមិនពេញចិត្តពីបណ្តាប្រទេសសហភាពអ៊ឺរ៉ុបដែលក្រីក្រមួយចំនួន និងវិស័យឧស្សាហកម្មដែលអះអាងថា ល្បឿននៃការផ្លាស់ប្តូរ និងការបង្កើនបទបញ្ញត្តិនេះនឹងក្លាយជាបន្ទុកផ្នែកហិរញ្ញវត្ថុ។ វិធានការណ៍នេះក៏នឹងត្រូវបានពិនិត្យយ៉ាងដិតដល់ដោយដៃគូពាណិជ្ជកម្មក្នុងប្លុកនេះផងដែរ ព្រោះថាក្រុមហ៊ុនរបស់ពួកគេប្រឈមនឹងការដាក់ទណ្ឌកម្មលើការនាំចេញផលិតផលដែលប្រើកាបូនដូចជា ដែកថែប និងស៊ីម៉ងត៍ជាដើម។ ផែនការនេះពាក់ព័ន្ធនឹងការកែលម្អគម្រោងពាណិជ្ជកម្មនៃការបំភាយឧស្ម័នក្នុងប្លុកដែលក្រុមហ៊ុនត្រូវចំណាយសម្រាប់កាបូនឌីអុកស៊ីតដែលពួកគេបញ្ចេញ និងណែនាំពន្ធលើឥវ៉ាន់ដឹកប្រេង និងអាកាសចរណ៍ជាលើកដំបូង។ ច្បាប់ថ្មីនេះនឹងពាក់ព័ន្ធនឹងសំណើសំខាន់ៗជាច្រើនដែលភាគច្រើនត្រូវបានបង្កើតដោយច្បាប់រួចហើយដើម្បីបំពេញតាមគោលដៅចាស់របស់សហភាពអ៊ឺរ៉ុបក្នុងការកាត់បន្ថយការបំភាយឧស្ម័ន ៤០ ភាគរយនៅឆ្នាំ ២០៣០ បើប្រៀបធៀបទៅនឹងកម្រិត ១៩៩០ ។ ច្បាប់នេះក៏នឹងត្រូវអនុម័តដោយសមាជិកទាំង និងអ្នកនយោបាយសហភាពអឺរ៉ុប មកពី២៧ប្រទេស ។ មេដឹកនាំពិភពលោកបានព្រមព្រៀងគ្នាកាលពី ៦ ឆ្នាំមុននៅទីក្រុងប៉ារីសដើម្បីរក្សាកំដៅផែនដីឱ្យកើនត្រឹមក្រោម…
-
សមុទ្រចិនខាងត្បូង និងវិបត្តិមីយ៉ាន់ម៉ាជារបៀបវារៈក្នុងកិច្ចប្រជុំរដ្ឋមន្ត្រីការបរទេសអាស៊ាន និងអាមេរិក
រដ្ឋមន្ត្រីការបរទេសនៃបណ្ដាប្រទេសអាស៊ាន និងសហរដ្ឋអាមេរិកបានជួបប្រជុំគ្នាតាមប្រព័ន្ធវីដេអូ កាលពីថ្ងៃពុធកន្លងទៅ ដោយលើយកបញ្ហាពាក់ព័ន្ធជាច្រើនមកពិភាក្សា ដោយក្នុងនោះរួមមាន ការប្រយុទ្ធប្រឆាំងនឹងជំងឺឆ្លងសកលកូវីដ-១៩ បញ្ហាដ៏រសើបនៅតំបន់សមុទ្រចិនខាងត្បូង ព្រមទាំងស្ថានភាពនៅប្រទេសមីយ៉ាន់ម៉ាផងដែរ។ កិច្ចប្រជុំនេះត្រូវបានដឹកនាំដោយរដ្ឋមន្ត្រីការបរទេសឡាវ លោក Saleumxay Kommasith និងរដ្ឋមន្ត្រីការបរទេសសហរដ្ឋអាមេរិកលោក Anthony Blinken។ អំឡុងកិច្ចប្រជុំនោះ ទាំងភាគីអាស៊ាន និងអាមេរិកបានប្ដេជ្ញាក្នុងការពង្រឹងទំនាក់ទំនងទ្វេភាគី ហើយព្រមទាំងបន្តកសាងភាពជាដៃគូប្រកបដោយយុទ្ធសាស្ត្រដោយផ្អែកលើ សិទ្ធិមនុស្ស និងសេរីភាពជាមូលដ្ឋាន វិបុលភាពផ្នែកសេដ្ឋកិច្ច និងចំណងដ៏ជិតស្និទ្ធរវាងប្រជាជន និងប្រជាជននៃភាគីទាំងពីរ។ នេះបើតាមសេចក្ដីថ្លែងការណ៍របស់ក្រសួងការបរទេសសហរដ្ឋអាមេរិក។ ក្រសួងការបរទេសកម្ពុជាបានចុះផ្សាយថា អាស៊ានបានស្វាគមន៍ការប្រកាន់ខ្ជាប់នូវស្មារតីពហុភាគីនិយមឡើងវិញ របស់រដ្ឋបាលថ្មីនៃសហរដ្ឋអាមេរិក ហើយក៏បានធ្វើការអរគុណទៅកាន់សមភាគីអាមេរិកក្នុងការគាំទ្រមជ្ឈភាពអាស៊ាន និងការកសាងសហគមន៍អាស៊ាន។ តាមរយៈប្រភពពីក្រសួងការបរទេសអាមេរិក លោក Blinken ក៏បានលើកឡើងថា អាមេរិកចាត់ទុកអាស៊ានមានតួនាទីសំខាន់នៅក្នុងក្របខ័ណ្ឌតំបន់ឥណ្ឌូ-ប៉ាស៊ីហ្វិក។ ទាក់ទិននឹងរឿងកូវីដ-១៩ លោក Blinken បាននិយាយថាអាមេរិកនឹងសហការជាមួយអាស៊ាន និងដៃគូអន្តរជាតិនានា ដើម្បីប្រយុទ្ធប្រឆាំងនឹងជំងឺឆ្លងនេះ។ អាមេរិកកន្លងមកបានបរិច្ចាគទឹកប្រាក់ចំនួន ២ពាន់លានដុល្លារទៅកាន់យន្តការចែកវ៉ាក់សាំងពិភពលោក COVAX ហើយសន្យាក្នុងការទិញវ៉ាក់សាំងចំនួន ៥០០លានដូស ដើម្បីទុកឲ្យយន្តការមួយនេះចែកចាយទៅកាន់ប្រទេសដែលមានចំណូលកម្រិតទាប និងកម្រិតមធ្យម។ ប្រទេសនេះក៏បានជួយជាទឹកប្រាក់រាប់លានដុល្លារផងដែរទៅកាន់ប្រទេសនៅក្នុងតំបន់អាស៊ាន ដែលជាជំនួយផ្នែកមនុស្សធម៌ និងសុខាភិបាល។ ពាក់ព័ន្ធនឹងរឿងសមុទ្រចិនខាងត្បូងវិញ ភាគីអាស៊ាន និងអាមេរិកបានបង្ហាញជំហររៀងៗខ្លួន និងសង្កត់ធ្ងន់ពីសារៈសំខាន់នៃស្ថិរភាព…
-
ក្រុមអ្នកឃ្លាំមើល៖ FBI បរាជ័យក្នុងការស៊ើបអង្កេតការរំលោភបំពានអ្នកកាយសម្ព័ន្ធអាមេរិក
ហួន ឌីណា ក្រុមអ្នកឃ្លាំមើលរបស់ការិយាល័យអគ្គអធិការនៃនាយកដ្ឋានយុត្តិធម៌ បានចេញរបាយការណ៍មួយកាលពីថ្ងៃពុធ ដោយរកឃើញថា ការិយាល័យស៊ើបអង្កេតរដ្ឋាភិបាលសហព័ន្ធ FBI មិនគោរពតាមការចោទប្រកាន់ការរំលោភបំពានផ្លូវភេទលើកីឡាការិនីកាយសម្ព័ន្ធអាមេរិកវ័យក្មេងប្រឆាំងនឹងអតីតគ្រូបង្វឹកក្រុមលោក Larry Nassar រួមទាំងមានកំហុសធ្ងន់ធ្ងរក្នុងការស៊ើបអង្កេតក្រោយមកទៀត។ របាយការណ៍និយាយថា ភាពមិនត្រឹមត្រូវ និងការបិទបាំងជាច្រើនរបស់ភ្នាក់ងារ FBI ក្រោយបើកការស៊ើបអង្កេតរបស់ខ្លួន បានអនុញ្ញាតឱ្យលោក Nassar បន្តរំលោភបំពានលើអត្តពលិកអស់រយៈពេលជាច្រើនខែ។ ឆ្លើយតបនឹងការចោទប្រកាន់ FBI បានចេញសេចក្ដីថ្លែងការណ៍មួយកាលពីថ្ងៃពុធដូចគ្នាថា បញ្ហាលើការកាន់សំណុំរឿងនេះមិនអាចប្រកែកដោះសារបាន និងបានធ្វើឱ្យខូចដល់កិត្តិយសរបស់អង្គភាពខ្លួន។ លោក Nassar ត្រូវបានកាត់ទោសឱ្យជាប់ពន្ធនាគារជាង ១០០ ឆ្នាំ កាលពីឆ្នាំ ២០១៨ ពីបទរំលោភបំពានផ្លូវភេទ និងកេងប្រវ័ញ្ចផ្លូវភេទលើកុមារ។ ប្រភព៖ FBI failed to investigate USA Gymnastics abuser, watchdog finds https://www.bbc.com/news/world-us-canada-57844784
-
WHO ៖ មជ្ឈឹមបូព៌ាអាចប្រឈមមុខនឹងមហន្តរាយនៃហានិភ័យឆ្លងជំងឺកូវីដ-១៩
ហួន ឌីណា អង្គការសុខភាពពិភពលោកប្រកាសកាលពីថ្ងៃពុធនេះថាការកើនឡើងនៃករណីឆ្លងជំងឺកូវីដ-១៩ក្នុងប្រទេសជាច្រើននៅមជ្ឈឹមបូព៌ា អាចមានផលវិបាក មហន្តរាយធ្ងន់ធ្ងរ ដោយសារតែការរាលដាលនៃវ៉ារ្យ៉ង់ដែលតា និង អត្រាចាក់វ៉ាក់សាំងទាប ហើយកង្វះនៃការប្រកាន់ខ្ជាប់នូវវិធានការសង្គមនិងសុខភាពសាធារណៈ។ ការិយាល័យប្រចាំតំបន់នៃទីភ្នាក់ងារ WHO បាននិយាយនៅក្នុងសេចក្តីថ្លែងការណ៍ថា ករណីឆ្លងថ្មីហក់ឡើងវិញគួរឱ្យកត់សម្គាល់ដូចជានៅលីប៊ី អ៊ីរ៉ាក់ អ៊ីរ៉ង់ ទុយនីស៊ី លីបង់ និងម៉ារ៉ុក។ ហើយសប្ដាហ៍ក្រោយ នៅទូទាំងតំបន់នេះនឹងប្រារព្ធពិធីបុណ្យ Eid al-Adha ដែលជាធម្មតាមនុស្សប្រមូលផ្ដុំគ្នា ធ្វើឱ្យករណីឆ្លងអាចកើនឡើងលើសដើម។ ទីភ្នាក់ងារដដែល បានគូសបញ្ជាក់ថា ទុយនីស៊ីជាប្រទេសដែលមានអត្រាអ្នកស្លាប់ដោយសារជំងឺកូវីដ-១៩ ខ្ពស់បំផុតក្នុងតំបន់ និងនៅអាហ្វ្រិក ហើយបានកត់សម្គាល់ថា ករណីឆ្លងប្រចាំថ្ងៃបានកើនឡើងទ្វេដងនៅក្នុងប្រទេសអ៊ីរ៉ង់អំឡុងពេល ៤ សប្តាហ៍រហូតដល់ដើមខែកក្កដា។ សេចក្តីថ្លែងការណ៍បាននិយាយថា ករណីឆ្លងសរុបនៅក្នុងតំបន់ភាគខាងកើតនៃសមុទ្រមេឌីទែរ៉ាណេដែលរួមមានប្រទេសប៉ាគីស្ថាន អាហ្វហ្គានីស្ថាន សូម៉ាលី និងហ្សីប៊ូទី ក៏ដូចជារដ្ឋមជ្ឈិមបូព៌ាដទៃផ្សេងទៀត បានកើនឡើងដល់ជាង ១១,៤ លានករណី ខណៈករណីស្លាប់បានកើនដល់ ២,២៣ សែនករណី។ ប្រភព៖ Risk of ‘catastrophic’ coronavirus surge in Middle East:…