-
នៅខែមិថុនា ឆ្នាំ២០២១ ការលក់រថយន្តរបស់ចិនធ្លាក់ចុះ៥,១ភាគរយ ដោយសារបញ្ហាកង្វះខាតបន្ទះឈីបជាសកល (មានវីដេអូ)
ចិន៖ យោងតាមទិន្នន័យរបស់សមាគមអ្នកផលិតរថយន្តចិនបានបង្ហាញថា ការលក់រាយនៃរថយន្តដឹកអ្នកដំណើរនៅក្នុងប្រទេសចិន បានធ្លាក់ចុះ៥,១ភាគរយពីមួយឆ្នាំទៅមួយ ស្មើនឹងចំនួនប្រមាណ១,៥៨លានគ្រឿងនៅក្នុងខែមិថុនា ឆ្នាំ២០២១នេះ ។ ការលក់រថយន្តថ្មីបានធ្លាក់ចុះយ៉ាងខ្លាំងនៅក្នុងប្រទេសចិនកាលពីខែមុន ដោយសារកង្វះ ខាតឧបករណ៍អេឡិចត្រូនិកសកល បានធ្វើឱ្យរាំងស្ទះការស្ទុះងើបឡើងវិញ ពីការធ្លាក់ចុះដែលបណ្តាលមកពីជំងឺរាតត្បាត ។ បើតាមសមាគមអ្នកផលិតរថយន្តចិន រថយន្តចំនួន២.០១លានគ្រឿងត្រូវបានលក់នៅក្នុងខែមិថុនា ដែលចំនួននេះបានធ្លាក់ចុះ១២.៤ភាគរយ បើធៀបនឹងខែដូចគ្នាកាលពីឆ្នាំមុន ។ នេះជាការធ្លាក់ចុះរយៈពេល០២ខែជាប់គ្នា ខណៈដែលការលក់បានធ្លាក់ចុះ៣.១ភាគរយនៅក្នុងខែឧសភា បើធៀបនឹងឆ្នាំមុន ។ ការលក់រថយន្តដឹកអ្នកដំណើរថ្មីបានធ្លាក់ចុះ១១.១ភាគរយ ដោយសារតែកង្វះខាតបន្ទះឈីប ចំណែកការលក់រថយន្តដឹកទំនិញ និងរថយន្តពាណិជ្ជកម្មផ្សេងទៀតបានធ្លាក់ចុះ១៦.៨ភាគរយ ។ ទោះជាយ៉ាងណា មន្រ្តីឧស្សាហកម្មចិនរំពឹងថា ការលក់នឹងមានភាពប្រសើរឡើងនៅចុងឆ្នាំនេះ នៅពេលសេដ្ឋកិច្ចងើបឡើង ប៉ុន្តែពួកគេកំពុងឃ្លាំមើលយ៉ាងដិតដល់ពីផលប៉ះពាល់នៃកង្វះខាតបន្ទះឈីប និងការកើនឡើងតម្លៃវត្ថុធាតុដើម ៕ ប្រភព៖ CGTN និង CNA
-
ការនាំចេញរបស់ចិនកើនឡើងលើសពីការព្យាករណ៍ ដោយមានចំនួន៣២.២%ក្នុងខែមិថុនា ឆ្នាំ២០២១ (មានវីដេអូ)
ចិន៖ ទិន្នន័យពីរដ្ឋបាលគយទូទៅ (GAC) បានបង្ហាញថា ការនាំចេញរបស់ប្រទេសចិនគិតជាដុល្លារបានកើនឡើង៣២,២ភាគរយនៅក្នុងខែមិថុនាឆ្នាំ២០២១នេះ បើធៀបនឹងឆ្នាំមុន ក្នុងល្បឿនលឿនជាងការរំពឹងទុក ដោយសារតែការបន្ធូរបន្ថយវិធានការទប់ស្កាត់ជំងឺកូវីដ១៩ និងការចាក់វ៉ាក់សាំងជាសកលបានធ្វើអោយតម្រូវការកើនឡើង ។ បើតាមការព្យាករណ៍របស់កាសែតរ៉យទ័រនោះ ការនាំចេញរបស់ចិននឹងកើនឡើង២៣,១ភាគរយ ហើយការព្យាករណ៍របស់សារព័ត៌មាន ប៊្លូមប៊ឺក (Bloomberg) មានចំនួន២២,៩ភាគយ ។ វាបានកើនឡើងពីកំណើនប្រចាំឆ្នាំ ២៧,៩ភាគរយនៅក្នុងខែឧសភា ។ ទន្ទឹមនេះ ការនាំចូល និងការនាំចេញសរុបរបស់ប្រទេសចិន បានកើនឡើង២៧,១ភាគរយ ស្មើនឹងទឹកប្រាក់១៨,០៧ទ្រីលានយន់ ឬប្រហែល២,៧៩ទ្រីលានដុល្លារ នៅក្នុងឆមាសទីមួយ ឆ្នាំ ២០២១ នេះបើតាមទិន្នន័យផ្លូវការចេញផ្សាយដោយរដ្ឋបាលគយទូទៅ ។ រដ្ឋបាលគយចិនបានអោយដឹងទៀតថា ការនាំចេញបានកើនឡើង២៨,១ភាគរយ បើធៀបនឹងឆ្នាំ២០២១កន្លងទៅ ស្របពេលដែលការនាំចូលវិញ ក៏បានកើនឡើង២៥,៩ភាគរយ ។ ដោយឡែកនៅក្នុងខែមិថុនាឆ្នាំនេះ ការនាំចូល និងនាំចេញរបស់ប្រទេសចិនបានកើនឡើង ២២%ពីមួយឆ្នាំទៅមួយឆ្នាំដែលមានចំនួនទឹកប្រាក់៣,២៩ទ្រីលានយ័ន ដែលជាការកើនឡើងរយៈពេល១៣ខែជាប់ៗគ្នា ៕ ប្រភព៖ CGTN
-
វៀតណាមឆ្លងកូវីដ១៩ប្រចាំថ្ងៃ ជិត៣ពាន់នាក់
ប្រទេសវៀតណាម កាលពីល្ងាចថ្ងៃទី១៤ កក្កដា ២០២១ បានប្រកាសពីការឆ្លងជំងឺកូវីដ១៩ ចំនួន២៩២៤នាក់ទៀត ក្នុងនោះ ក្រុងហូជីមីញមានច្រើនជាងគេ រហូតដល់២២២៩នាក់ ហើយនេះក៏ជាលើកដំបូងដែរ ដែលក្រុងហូជីមិញឆ្លងប្រចាំថ្ងៃជាង២ពាន់ករណីនោះ។ ចាប់តាំងពីមានជំងឺកូវីដ១៩ កាលពីដើមឆ្នាំ២០២០មក វៀតណាមមានករណីឆ្លងសរុបកើនដល់៣៧៣៤៣នាក់ហើយ ខណៈអ្នកស្លាប់សរុបមាន១៣៥នាក់ បន្ទាប់ពីស្លាប់៣នាក់ទៀត កាលពីថ្ងៃទី១៤ កក្កដា៕
-
អាមេរិកព្រមានប្រើវិធានផ្លូវច្បាប់លើក្រុមហ៊ុនណា ដែលលនៅបន្តសកម្មភាពនៅតំបន់ Xinjiang
សៅ សម្ភស្ស រដ្ឋបាលលោក Biden កាលពីថ្ងៃ អង្គារ បានព្រមានដល់ក្រុមហ៊ុន ដែលមានខ្សែសង្វាក់ផ្គត់ផ្គង់ និងការវិនិយោគនៅតំបន់ Xinjiang ទាំងអស់ថា ពួកគេអាចប្រឈមនឹងផលវិបាកផ្នែកច្បាប់ ដោយសំអាងពីភស្តុតាងជាច្រើន បង្ហាញអំពីអំពើប្រល័យពូជសាសន៍ និងការរំលោភសិទ្ធិមនុស្សដទៃទៀតនៅតំបន់នេះ។ ការព្រមានចេញពី ទីប្រឹក្សាអាជីវកម្មខ្សែសង្វាក់ផ្គត់ផ្គង់ខេត្ត Xinjiang ដែលបោះពុម្ពផ្សាយរួមគ្នា ដោយក្រសួងការបរទេស ក្រសួងរតនាគារពាណិជ្ជកម្ម និងក្រសួងសន្តិសុខមាតុភូមិការងារ រួមទាំងការិយាល័យតំណាងពាណិជ្ជកម្មសហរដ្ឋអាមេរិក បានឱ្យដឹងថា «ក្រុមហ៊ុន និងបុគ្គល ដែលនៅតែមបន្តខ្សែសង្វាក់ផ្គត់ផ្គង់ ការបណ្តាក់ទុននិងការវិនិយោគជាមួយនឹងតំបន់ Xinjiang អាចមានហានិភ័យខ្ពស់នៃការរំលោភលើច្បាប់របស់សហរដ្ឋអាមេរិក»។ ការព្រមានលើកនេះគឺ ជាការពង្រឹងបន្ថែមលើការប្រតិបត្តិរបស់ក្រុមហ៊ុននានា ដោយគូសបញ្ជាក់ពីការអនុវត្តលើវិធានការចាំបាច់ស្ដីអំពីការរំលោភច្បាប់សហរដ្ឋអាមេរិក ប្រសិនបើក្រុមហ៊ុនទាំងនេះនៅតែបន្តប្រតិបត្តិការពួកគេ ឬ សូម្បីតែមានទំនាក់ទំនង ដោយប្រយោលជាមួយរដ្ឋាភិបាលចិននៅ Xinjiang ក៏ដោយ។ លោក Ned Price អ្នកនាំពាក្យក្រសួងការបរទេសអាមេរិក បានឱ្យដឹងនៅក្នុងសេចក្ដីថ្លែងការណ៍មួយ កាលពីថ្ងៃ អង្គារ ថា៖ «ប្រទេសចិននៅតែ បន្តការរំលោភបំពានដ៏គួរឱ្យរន្ធត់របស់ខ្លួននៅក្នុងតំបន់ស្វយ័ត Xinjiang Uyghur និងកន្លែងផ្សេងទៀតនៅក្នុងប្រទេសចិន សំដៅលើជនជាតិភាគតិច Uyghurs ជនជាតិ…
-
អាមេរិក ចរចាឲ្យទួរគីកាន់កាប់ព្រលានយន្តហោះអន្តរជាតិអាហ្វហ្គានីស្ថាន ក្រោយដកទ័ពចេញ
ហ៊ីម រដ្ឋា សហរដ្ឋអាមេរិក និងទួរគីកំពុងតែបោះជំហានទៅមុខក្នុងការចរចា ដើម្បីបើកផ្លូវឲ្យទួរគីកាន់កាប់អាកាសយានដ្ឋានអន្តរជាតិ Hamid Karzai នៃរដ្ឋធានីកាប៊ុល ប្រទេសអាហ្វហ្គានីស្ថាន ដែលជាច្រកផ្លូវដ៏សុវត្ថិភាពតភ្ជាប់ពិភពលោក ជាមួយអាហ្វហ្គានីស្ថាន។ នេះបើតាមការអះអាងកាលពីថ្ងៃអង្គារនេះ របស់រដ្ឋមន្ត្រីការពារប្រទេសទួរគីលោក Hulusi Akar។ សហរដ្ឋអាមេរិក ព្រមទាំងអង្គការសន្ធិសញ្ញាសម្ព័ន្ធអាត្លង់ទិចខាងជើង ដែលហៅកាត់ជាភាសាអង់គ្លេសថា អង្គការ NATO បានសម្រេចចិត្តដកទ័ពចេញប្រទេសអាហ្វហ្គានីស្ថាន ក្រោយពីចូលនៅក្នុងទឹកដីមជ្ឈិមបូព៌ាមួយនេះអស់រយៈពេល ២០ឆ្នាំ ក្រោយពីមានភេរវកម្មយន្តហោះបុកអគារពាណិជ្ជកម្មពិភពលោកនៅសហរដ្ឋអាមេរិកកាលពីខែកញ្ញា ឆ្នាំ២០០១។ ការដកទ័ពរបស់សហរដ្ឋអាមេរិកនឹងបិទបញ្ចប់នៅថ្ងៃទី៣១ ខែសីហាខាងមុខនេះ ដោយទុកទាហានប្រមាណចំនួន ៦៥០នាក់ប៉ុណ្ណោះ ដើម្បីការពារស្ថានទូតរបស់ខ្លួន និងការពារអាកាសយានដ្ឋានអន្តរជាតិនៅរដ្ឋធានីកាប៊ុល។ នេះបើតាមការលើកឡើងរបស់លោក Joe Biden ប្រធានាធិបតីសហរដ្ឋអាមេរិកកាលពីខែមិថុនាកន្លងទៅ។ ក្រោយពីប្រជុំក្រៅឆាកជាមួយលោក Bidenអំឡុងកិច្ចប្រជុំកំពូល NATO កាលពីដើមខែមិថុនាកន្លងទៅ ប្រធានាធិបតីទួរគីលោក Recep Tayyip Erdogan បានប្រកាសថាកងទ័ពទួរគីមានបំណងបន្តនៅការពារអាកាសយានដ្ឋានកាប៊ុល ដើម្បីជាជំនួយដល់ការដកទ័ពរបស់អស់លោក NATO។ ចាប់តាំងពីពេលនោះមក មានការចុះផ្សាយជាច្រើនថា ទួរគីធ្វើការចរចាជាមួយអាមេរិក ដើម្បីទទួលបានការគាំទ្រផ្នែកការទូត ហិរញ្ញវត្ថុ និងផ្នែកភ័ស្តុភារ ក្នុងការបន្តបេសកកម្មក្នុងការការពារព្រលានយន្តហោះមួយនេះ។ ទាក់ទិននឹងលទ្ធផលនឹងកិច្ចចរចាជាមួយសហរដ្ឋអាមេរិក រដ្ឋមន្ត្រីការពារជាតិទួរគីបានឲ្យដឹងថាការពិភាក្សានៅតែបន្តជាមួយ…
-
ឥណ្ឌា ៖ វេជ្ជបណ្ឌិតកំពូលថាឥណ្ឌា មិនអាចជៀសផុតពីរលកទី៣បានទេ
មឹង ច័ន្ទសុម៉ានីតា ក្រុមគ្រូពេទ្យកំពូលៗ និងពូកែៗរបស់ឥណ្ឌាបាន ដាស់តឿនថា រលកទីបីនៃជំងឺ កូវីដ១៩ គឺអាចវាយលុកគ្រប់ពេលដោយជៀសមិនរួចដោយសារការរឹតបន្តឹងការធ្វើដំណើរ មានចាប់ផ្តើមមានសភាពធូរស្រាលទូទាំងប្រទេស។ រូបថតនិងវីដេអូរបស់អ្នកទេសចរដែល ធ្វើដំណើរទៅកាន់គោលដៅពេញនិយម បានរីករាលដាលនៅតាមបណ្តាញសង្គមប៉ុន្មានថ្ងៃថ្មីៗនេះ។ វីដេអូនិងរូបថតបង្ហាញ ថា ពួកគេភាគច្រើនមិនបានពាក់ម៉ាស់រ និង រក្សាសង្គម នៅតាមទីសាធារណៈទេ។ ករណីថ្មី ប្រចាំថ្ងៃនៅក្នុងប្រទេសឥណ្ឌា បានធ្លាក់ចុះមកនៅត្រឹមជាង ៤០.០០០ នាក់ក្នុងប៉ុន្មានសប្តាហ៍ថ្មីៗនេះ ដែលធ្លាក់ចុះពីកម្រិតកំពូលនៃ ៤០០.០០០ នាក់នៅក្នុងខែឧសភា។ ការធ្លាក់ចុះនៃ. ចំនួននេះភាគច្រើន ត្រូវបានបណ្តាលមកពីការបិទទ្វារយ៉ាងតឹងរឹងដោយរដ្ឋដែលកំពុងត្រូវបានបន្ធូរបន្ថយ។ ទោះបីជាករណីឆ្លង កំពុងថយចុះក្តី អ្នកជំនាញបារម្ភ ថាប្រទេសឥណ្ឌា អាចប្រឈមនឹងហានិភ័យនៃការឆ្លងមេរោគទី ៣ ដ៏មានសក្តានុពលខណៈដែលជាង ៦% នៃប្រជាជន បានទទួលបានការចាក់វ៉ាក់សាំងពេញលេញនិងប្រហែល ២២%នៃប្រជាជនសរុប បានទទួលយ៉ាងហោចណាស់មួយដូស។ កាលពីខែមេសា មានមនុស្សរាប់លាននាក់ បានប្រមូលផ្តុំ គ្នានៅទីប្រជុំ ជន និងតំបន់ហិម៉ាល័យ ដើម្បីចូលរួមក្នុងពិធីបុណ្យ កូឡាម៉ាឡា ដែលធ្វើឲ្យមានការស្ទះកកកុញ។ ទោះបីជាទីក្រុងជាច្រើន បានជួបប្រទះការខ្វះខាតអុកស៊ីសែន និងគ្រែមន្ទីរពេទ្យយ៉ាងធ្ងន់ធ្ងរក៏ដោយ។ ហើយអ្វីដែលគួរឲ្យបារម្ភគឺអ្នកធ្វើដំណើរត្រឡប់មកវិញមួយចំនួន ដែលមកត្រឡប់មកពីចូលរួមពិធីបុណ្យ…
-
ស្រ្តីកាន់សាសនាអ៊ីស្លាមរស់នៅប្រទេសកាណាដាភ័យខ្លាចពីសុវត្ថិភាពរបស់ពួកគេ
សុខ ស្រីលុច ការបៀតបៀន និងការយារយី ទៅលើស្ត្រីដែលកាន់សាសនាអ៊ីស្លាមបណ្តាលអោយស្ត្រីដែលរស់នៅប្រទេសកាណាដាមានការភ័យខ្លាចនឹងសុវត្ថិភាពរបស់ខ្លួន។ កាលពីប៉ុន្មានខែមុននេះ នៅប្រទេសកាណាដាមានការវាយប្រហារមួយទៅលើគ្រួសារកាន់សាសនាអ៊ីស្លាមដែលបង្ករដោយអ្នកបើកបររថយន្តម្នាក់បើកទៅបុកគ្រួសារនោះដែលបណ្តាលអោយមានអ្នកស្លាប់ និងរងរបួស។ អាជ្ញាធរបានសន្មត់ការវាយប្រហារនេះជាបទល្មើសស្អប់ខ្ពើមទៅលើអ្នកកាន់សាសនាអ៊ីស្លាម។ ហេតុការណ៍នេះជាហេតុការណ៍មួយដែលកើតមានឡើងទៅលើអ្នកកាន់សាសនាអ៊ីស្លាមនៅប្រទេសកាណាដា ដែលក្លាយជាហេតុការណ៌មួយធ្វើអោយអ្នកកាន់សាសនាអ៊ីស្លាមនៅទីនោះមានការភ័យខ្លាចពីសុវត្ថិភាពរបស់ខ្លួន។ លោកស្រី Nur ដែលជាជនជាតិសូម៉ាលីកាត់កាណាដា និងជាសហស្ថាបនិកនៃក្រុមប្រឹក្សាទំនាក់ទំនងស៊ីវិលរវាងអាហ្វ្រិកនិង កាណាដាបានបញ្ចេញភាពភ័យខ្លាចរបស់នាងបន្ទាប់ពីបានជួបប្រទះនឹងភាពរើសអ់ងនៅប្រទេសកាណាដាផ្ទាល់ ព្រមទាំងដឹងពីហេតុការណ៍មួយចំនួនទៅលើអ្នកកាន់សាសនាអ៊ីស្លាមដូចអនកស្រីដែរ។ តាមការស្រង់សម្តីរបស់សារព័ត៌មាន Aljazeera លោកស្រី Nur បាននិយាយថា៖« ស្ត្រីស្បែកខ្មៅកាន់សាសនាអ៊ីស្លាមកំពុងត្រូវបានគេវាយប្រហារ ហើយពួកគេត្រូវបានគេវាយប្រហារដោយសារតែការរើសអើងជាតិសាសន៍ស្បែកខ្មៅ ពួកគេត្រូវបានគេវាយប្រហារដោយសារតែជំនឿសាសនាអ៊ីស្លាម ហើយពួកគេត្រូវបានគេវាយប្រហារដោយសារតែពួកគេជាស្ត្រី។ ចំណុចទាំនេះធ្វើអោយយើងមិនប្រាកដថានឹងមានអ្វីកើតឡើងចំពោះយើងនៅពេលយើងចេញទៅខាងក្រៅ»។ គួរបញ្ជាក់ផងដែរថា កាលពីចុងខែមិថុនាបងប្អូនស្រីពីរនាក់ដែលជាស្ត្រីជនជាតិម៉ូស្លីមដែលស្លៀកសម្លៀកបំពាក់ហ៊ីចាប់ត្រូវបានវាយប្រហារដោយបុរសកាន់កាំបិត ហើយបុរសនោះបានបានជេរប្រមាថជាតិសាសន៍របស់អ្នកទាំងពីរលើផ្លូវមួយនៅខាងក្រៅទីក្រុង។ ក្នុងករណីផ្សេងទៀតស្ត្រីម៉ូស្លីមត្រូវបានគេបណ្តាញចេញ ឬគំរាមកំហែងខណៈពេលពួកគេរង់ចាំមធ្យោបាយធ្វើដំណើរសាធារណៈ។ ប៉ូលីស Edmonton បានទទួលសេចក្តីរាយការណ៍អំពីឧប្បត្តិហេតុចំនួន ៥ ដែលពាក់ព័ន្ធនឹងស្ត្រីស្បែកខ្មៅដែលពាក់ហ៊ីចាប់តាំងពីថ្ងៃទី ៨ ខែធ្នូឆ្នាំ ២០២០ ហើយអង្គភាពប្រឆាំងល្មើសរបស់កម្លាំងប៉ូលីសបានចាប់ខ្លួន និងបានធ្វើការចោទប្រកាន់ទៅលើជនសង្ស័យក្នុងករណីនីមួយៗ។ ការទាមទារឱ្យមានវិធានការណ៍បន្ថែមទៀតចំពោះស្ត្រីកាន់សាសនាអ៊ីស្លាមនៅ Edmonton កើតឡើងចំពេលប្រទេសកាណាដាអំពាវនាវឱ្យរដ្ឋាភិបាលអនុវត្តផែនការសកម្មភាពមួយចំនួនដើម្បីទប់ស្កាត់ការស្អប់ខ្ពើមសាសនាអ៊ីស្លាម។ សម្រាប់មនុស្សជាច្រើនការវាយប្រហារនៅខែមិថុនានៅរដ្ឋ Ontario ក៏ដូចជាការបាញ់សម្លាប់ដ៏សាហាវនៅឆ្នាំ ២០១៧ នៅឯវិហារអ៊ីស្លាមនៅក្នុងទីក្រុង Quebec និងការចាក់សម្លាប់កាលពីឆ្នាំមុននៅខាងក្រៅវិហារអ៊ីស្លាមមួយនៅចុងខាងលិចនៃទីក្រុង Toronto បង្ហាញពីបញ្ហាដែលអាចបង្កគ្រោះថ្នាក់ដល់អាយុជីវិតអ្នកកាន់សាសនាអ៊ីស្លាមដែលរស់នៅក្នុងប្រទេសកាណាដា។ តាមការស្រង់សម្តីរបស់សារព័ត៌មាន…
-
ម៉ាឡេស៊ីរកឃើញករណីថ្មីជាង ១១.០០០ ករណីក្នុងរយៈពេលតិចជាងមួយសប្តាហ៍
សៅ សម្ភស្ស ប្រទេសម៉ាឡេស៊ី បានរកឃើញករណីថ្មីជាង ១១.០៧៩ ករណីកាលពីថ្ងៃអង្គារ កន្លងទៅ ដែលជាការកើនឡើងយ៉ាងខ្លាំងពីកំរិតនៃការឆ្លងខ្ពស់ បើធៀបនឹងសប្តាហ៍មុនៗ ហើយក៏ជាលើកទី ១ ដែរ ដែលករណីឆ្លងប្រចាំថ្ងៃឡើងខ្លាំងដល់ ៥ តួ។ ក្នុងចំណោមករណីឆ្លងសរុបម ករណីនាំចូលពីក្រៅប្រទេសមានតែ ២៧ ករណីប៉ុណ្ណោះ ចំណែកឯករណីសេសសល់ គឺជាករណីក្នុងស្រុក។ ករណីជាងពាក់កណ្តាលនៃករណីថ្មី ស្ថិតនៅក្នុងតំបន់ Klang Valley នៅតំបន់ Selangor មាន ៥.២៦៣ ករណី និងនៅគូឡាឡាំពួមាន ១.៥២១ ករណី។ ក្រសួងសុខាភិបាល ក៏បានប្រកាសថា មានអ្នកស្លាប់ចំនួន ១២៥ នាក់បន្ថែមទៀត ដែលមានអាយុពី ២៧ ទៅ ៨៦ ឆ្នាំ ដែលធ្វើឱ្យចំនួនអ្នកស្លាប់ឡើងដល់ ៦.៣៨៥ នាក់ក្នុងប្រទេស។ ប្រភពដដែលបានបន្ថែមថា ការកើនឡើងនូវករណីទាំងនេះ គឺបណ្តាលមកពីការរីករាលដាលនៃវ៉ារ៉្យង់ Delta ថ្មី។ ទិន្នន័យរបស់ក្រសួងសុខាភិបាល ក៏បានបង្ហាញថា រហូតមកដល់ពេលនេះប្រជាជនជាង ៣.៦…
-
មនុស្សជាង ១០០ នាក់ត្រូវបានចាប់ និងបាត់ខ្លួនក្នុងបាតុកម្មទ្រង់ទ្រាយធំនៅគុយបា
ហួន ឌីណា ហាវ៉ាណា៖ ក្រុមសង្កេតការណ៍ និង ក្រុមសកម្មជន អះអាងថាមនុស្សចំនួន ១០០ នាក់រួមទាំងអ្នកកាសែតឯករាជ្យ និងសកម្មជនប្រឆាំងផងនោះ ត្រូវបានចាប់ខ្លួនឬកំពុងបាត់ខ្លួនក្នុងបាតុកម្មប្រឆាំងរដ្ឋាភិបាលទ្រង់ទ្រាយធំមិនធ្លាប់មានពីមុនមកនៅក្នុងប្រទេសគុយបា។ មកទល់ពេលនេះ រដ្ឋាភិបាលគុយបាមិនទាន់បានបញ្ជាក់ថា មានមនុស្សប៉ុន្មាននាក់ត្រូវបានចាប់ខ្លួន ឬរងរបួសនោះទេ ប៉ុន្តែយោងតាមក្រសួងមហាផ្ទៃរបស់ប្រទេសនេះ យ៉ាងហោចណាស់បុរសម្នាក់ត្រូវបានសម្លាប់អំឡុងពេលប៉ះទង្គិចជាមួយកងកម្លាំងប៉ូលីសកាលពីថ្ងៃចន្ទ។ មហាបាតុកម្ម បានចាប់ផ្ដើមកាលពីថ្ងៃអាទិត្យ ទី ១១ កក្កដា ខណៈប្រទេសនេះកំពុងមុខនឹងវិបត្តិសេដ្ឋកិច្ចដ៏អាក្រក់បំផុតរបស់ខ្លួនក្នុងរយៈពេល ៣០ ឆ្នាំដោយសារកង្វះអគ្គិសនី ស្បៀង និងថ្នាំពេទ្យ ហើយការរីករាលដាលនៃជំងឺកូវីដ-១៩ កាន់តែអាក្រក់ទៅៗ។ មេដឹករដ្ឋាភិបាលលោកប្រធានាធិបតី Miguel Díaz-Canel បានចោទប្រកាន់ថា ការដាក់ទណ្ឌកម្មរបស់អាមេរិកគឺជាមេនៃបញ្ហាទាំងអស់នេះ ហើយថា ការផ្ទុះឡើងនៃបាតុកម្មគឺជាលទ្ធផលនៃយុទ្ធនាការតាមបណ្ដាញសង្គមរបស់សហរដ្ឋអាមេរិក បំផុសបំផុលប្រជាជន បង្ករឱ្យប្រទេសរបស់ខ្លួនធ្លាក់ក្នុងភាពចលាចល។ ទំនាក់ទំនងអាមេរិក-គុយបា ស្ថិតក្នុងចំណុចទាបបំផុតក្នុងរយៈពេលប៉ុន្មានឆ្នាំចុងក្រោយ ដោយរដ្ឋបាលរបស់លោកត្រាំ បានដាក់ចេញនូវវិធានការសេដ្ឋកិច្ចតឹងរឹងបំផុតមួយចំនួនប្រឆាំងនឹងប្រទេសគុយបា ខណៈដែលរដ្ឋបាលរបស់លោកបៃដិន ហាក់ស្ទាក់ស្ទើរនឹងដកទណ្ឌកម្មនេះចេញ។ ប្រធានាធិបតីអាមេរិកលោក ចូ បៃដិន បានព្រមានរដ្ឋាភិបាលគុយបាមិនឱ្យបង្ក្រាបពលរដ្ឋរបស់ខ្លួនកាលពីថ្ងៃចន្ទ ប៉ុន្តែលោក Díaz-Canel បានហៅក្រុមបាតុករថាជាឧក្រិដ្ឋជន។ ប្រភព៖ More…
-
ផែនការការបើកច្រកធ្វើដំណើរតាមយន្តហោះរវាងសិង្ហបុរី-ហុងកុងនៅមិនច្បាស់ការ
ហ៊ីម រដ្ឋា ផែនការការឲ្យធ្វើដំណើរចេញ-ចូលដោយមិនឆ្លងកាត់ការធ្វើចត្តាឡីស័ក ឬ ជាភាសាអង់គ្លេសហៅថា Travel Bubble រវាងសិង្ហបុរី និងហុងកុងស្ថិតសភាពមិនប្រាកដប្រជាក្រោយពីពន្យារជាច្រើនដង រយៈពេលប៉ុន្មានខែចុងក្រោយមកនេះ។ យោងតាមការចុះផ្សាយរបស់ Straitstimes បានឲ្យដឹងថា កាលពីម្សិលមិញ ភាគីទាំងពីរគ្រោងនឹងប្រកាសដាក់ឲ្យដំណើរការផែនការនេះឡើងវិញ ត្រូវបានលុបចោលនៅនាទីចុងក្រោយ។ បើយោងតាមផែនការដាក់ដំណើរការជាថ្មីនេះ ទាំងអ្នកដំណើរមកពីសិង្ហបុរី និងហុងកុងត្រូវតែចាក់វ៉ាក់សាំងឲ្យបាន ២ដូស មុននឹងអាចធ្វើដំណើរក្នុងយន្តហោះ ដែលមានការរៀបចំរួចជាស្រេច។ យ៉ាងណាមិញ សមាជិកសភាហុងកុងមួយចំនួនបានជំរុញឲ្យរដ្ឋាភិបាលស្វយ័តហុងកុងលុបផែនការនេះចោល ដោយសារតែសិង្ហបុរីកំពុងតែដកខ្លួនចេញពី «យុទ្ធសាស្ត្រសូន្យករណី» ដែលជាយុទ្ធសាស្ត្រធ្វើយ៉ាងណាមិនឲ្យករណីវិជ្ជមាននៃជំងឺកូវីដ-១៩។ សមាជិកសភាទាំងនេះបានសម្អាងយកហេតុផលថា ប្រសិនបើហុងកុងមិនមានករណីជំងឺកូវីដ-១៩ នោះដែនដីនេះអាចបើកព្រំដែនជាមួយចិនដីគោកបាន។ ខាងភាគីសិង្ហបុរីឯណេះវិញបានប្រាប់សារព័ត៌មាន Straitstimes ថា ភាគីទាំងពីរនៅតែរក្សាទំនាក់ទំនងជាមួយគ្នា ពាក់ព័ន្ធនឹងបញ្ហានេះ ហើយនឹងប្រកាសផែនការណាមួយនៅក្នុងពេលខាងមុខ៕ ប្រភព៖ S’pore-Hong Kong travel corridor plan still up in the air after months of delay https://www.straitstimes.com/asia/east-asia/singapore-hong-kong-travel-corridor-plan-still-up-in-the-air-after-months-of-delay