-
បន្ទាប់ពីការស្វែងរកអស់រយៈពេល ២៤ ឆ្នាំ ឪពុកបានជួបជុំជាមួយកូនប្រុសវិញ
បុរសជនជាតិចិនម្នាក់បានជួបជាមួយកូនប្រុសដែលត្រូវបានគេចាប់ពង្រត់ បន្ទាប់ពីការស្វែងរកអស់រយៈពេលជាង ២៤ ឆ្នាំ។ កូនប្រុសរបស់លោក Guo Gangtang មានអាយុទើបតែ ២ ឆ្នាំ ៥ ខែប៉ុណ្ណោះនៅពេលដែលក្មេងប្រុសនេះត្រូវគេចាប់ពង្រត់ពីមុខផ្ទះខ្លួននៅខេត្ត Shandong ភាគខាងកើត។ កាលពីថ្ងៃទី ១៣កក្កដាក្រសួងសន្តិសុខសាធារណៈចិនបាននិយាយថា ក្រុមអ្នកជួញដូរបានចាប់ក្មេងប្រុសនោះហើយបានលក់ក្មេងនោះទៅឱ្យក្រុមគ្រួសារនៅកណ្តាលប្រទេសចិន។ ការចាប់ជំរិត និងការជួញដូរកុមារបានរីករាលដាលយ៉ាងខ្លាំងនៅក្នុងប្រទេសចិនក្នុងទសវត្សឆ្នាំ ១៩៨០ នៅពេលដែលច្បាប់របស់ចិនដែលតម្រូវអោយក្នុងមួយគ្រួសារមានកូនតែមួយបានអនុវត្តយ៉ាងតឹងរ៉ឹង។ បន្ទាប់ពីធ្វើការស្រាវជ្រាវអស់រយៈពេលជាច្រើនឆ្នាំប៉ូលីសបានប្រាប់ លោក Guo កាលពីថ្ងៃទី ១១ កក្កដាថា តាមលទ្ធផលតេស្តឈាមបានបញ្ជាក់ថា គ្រូបង្រៀនម្នាក់មានអាយុ ២៦ ឆ្នាំរស់នៅក្នុងខេត្ត Henan ភាគកណ្តាលគឺជាកូនប្រុសរបស់លោកដែលបានបាត់កាលពី ២៤ ឆ្នាំមុន។ ប្រភព៖ Aljazeera
-
ជប៉ុនព្រមានថា ភាពតានតឹងរបស់កោះតៃវ៉ាន់បង្កគ្រោះថ្នាក់ដល់សន្តិសុខក្នុងតំបន់
ក្នុងរបាយការណ៍របស់ក្រសួងការពារជាតិប្រចាំឆ្នាំ ត្រូវបានអនុម័តកាលពីថ្ងៃអង្គារនេះ ដោយខុទ្ទកាល័យ លោកនាយករដ្ឋមន្រ្តី លោក Yoshihide Suga រដ្ឋាភិបាលជប៉ុនបានសម្តែងការព្រួយបារម្ភអំពីប្រទេសចិន និងភាពតានតឹងរបស់យោធានៅក្នុងតំបន់។ របាយការណ៍នេះ បានលម្អិតអំពីការគំរាមកំហែងផ្នែកយោធា ដែលមានឥទ្ធិពលបំផុតរបស់ប្រទេសនេះដែលបានធ្វើឱ្យប៉ះពាល់ដល់កោះតៃវ៉ាន់ ដោយផ្ទាល់ជាងពេលណាៗទាំងអស់។ រដ្ឋាភិបាលជប៉ុនបានអោយដឹងថា៖ « ការធ្វើឱ្យស្ថានភាពតៃវ៉ាន់ស្ថិរភាព មានសារសំខាន់សម្រាប់សន្តិសុខ និងស្ថិរភាពជាតិរបស់សហគមន៍អន្តរជាតិរបស់ជប៉ុន។ យើងត្រូវយកចិត្តទុកដាក់ឱ្យបានដិតដល់ជាមួយនឹងវិបត្តិមួយ ដែលមិនធ្លាប់មានពីមុនមក»។ ជានិច្ចកាល ប្រទេសចិនចាត់ទុកកោះតៃវ៉ាន់ជាផ្នែកមួយនៃទឹកដីរបស់ខ្លួន ហើយក្នុងប៉ុន្មានឆ្នាំថ្មីៗនេះ ប្រទេសចិនបានបង្កើនភាពតានតឹងលើវិស័យយោធា និងសេដ្ឋកិច្ចទៅលើកោះនេះ។ វាកើតឡើងនៅពេល ដែលទីក្រុងប៉េកាំង ក៏បានដាក់សម្ពាធទៅលើហុងកុង និងបង្កើនវត្តមានរបស់ខ្លួននៅលើសមុទ្រចិនខាងត្បូងផងដែរ។ របាយការណ៍ដដែល បានឱ្យដឹងថា៖ « តុល្យភាពយោធាទូទៅរវាងចិន និងតៃវ៉ាន់ កំពុងតែលំអៀងទៅរកការពេញចិត្តរបស់ចិន ហើយគម្លាតនេះហាក់ដូចជាកំពុងកើនឡើងពីមួយឆ្នាំទៅមួយឆ្នាំ»។ ប្រភព៖ DW
-
ឃាតកម្មប្រធានាធិបតី ធ្វើឱ្យហៃទីធ្លាក់ចូលក្នុងគំហុកនៃវិបត្តិនយោបាយធ្ងន់ធ្ងរ
ព័រអូប្រាំង៖ ខណៈពេលគេមិនទាន់ដឹងនៅឡើយថានរណានៅពីក្រោយការធ្វើឃាតលោកប្រធានាធិបតី បន្ទុកថ្មីមួយទៀតបានបង្ករជារឿងឈឺក្បាលដល់ប្រជាជនហៃទី បន្ថែមភាពស្មុគស្មាញកាន់តែខ្លាំងឡើងលើសំណុំរឿងស៊ើបអង្កេតឃាតកម្ម និងកម្ដៅលើបញ្ហាប្រទេសដែលគ្មានអ្នកកាន់ចង្កូតច្បាស់លាស់ ក្រោយអ្នកនយោបាយដល់ទៅបីរូបអះអាងថាខ្លួនជាអ្នកដឹកនាំរដ្ឋាភិបាលស្របច្បាប់។ បញ្ហាប្រឈមកើនឡើងប្រឆាំងនឹងនាយករដ្ឋមន្រ្តីបណ្តោះអាសន្នលោក Claude Joseph ដែលកំពុងគ្រប់គ្រងប្រទេសហៃទីដោយមានការគាំទ្រពីកម្លាំងប៉ូលីស និងយោធាទាំងខ្វះធនធាន។ លោកបានសន្យាថានឹងធ្វើការជាមួយក្រុមប្រឆាំង និងសម្ព័ន្ធមិត្តរបស់លោកប្រធានាធិបតី Jovenel Moise ដែលត្រូវបានគេធ្វើឃាតក្នុងការវាយប្រហារមួយនៅគេហដ្ឋានរបស់លោកកាលពីថ្ងៃពុធ សប្ដាហ៍មុន។ ប៉ុន្តែមកទល់ពេលនេះ គេមិនទាន់ឃើញជំហានណាមួយជាក់លាក់ ត្រូវបានបោះនៅឡើយទេ។ ក្រុមចម្រុះនៃគណបក្សប្រឆាំងធំៗឈ្មោះថា Democratic and Popular Sector នៅថ្ងៃអង្គារប្រាប់ថា ស្ថានភាពប្រទេសដែលខ្វះមេដឹកនាំ មិនត្រូវបន្តទៀតទេ ដោយបង្ហាញពីសំណើរបស់ខ្លួនបង្កើតអាជ្ញាធរសីលធម៌ឯករាជ្យ (Independent Moral Authority) ដែលចូលរួមពីភាគីផ្សេងៗគ្នារួមមានខាងសកម្មជនសិទ្ធិមនុស្ស មេដឹកនាំសាសនា និងអ្នកសិក្សា។ ទន្ទឹមនឹងនេះដែរ លោក Ariel Henry ដែលត្រូវបានលោក Moise តែងតាំងជានាយករដ្ឋមន្រ្តីមួយថ្ងៃមុនពេលប្រធានាធិបតីរូបនេះត្រូវបានគេសម្លាប់នោះ បាននិយាយថា លោកគឺជានាយករដ្ឋមន្រ្តីដែលត្រឹមត្រូវស្របតាមច្បាប់។ អ្នកនយោបាយរូបនេះ មានការគាំទ្រពីក្រុមអ្នកនយោបាយល្បីៗឈ្មោះមួយក្រុម ដែលគេស្គាល់ថាជាសម្ព័ន្ធមិត្តរបស់លោក Moise ដែលថ្មីៗនេះបានជ្រើសរើសលោក Joseph Lambert ជាប្រធានាធិបតីបណ្តោះអាសន្ន។ យ៉ាងណាមិញ ពិធីស្បថចូលកាន់ដំណែងរបស់លោក…
-
គណៈរដ្ឋមន្ត្រីថៃអនុម័តជំនួយសាច់ប្រាក់សរុបប្រមាណ ១ពាន់លានដុល្លារដល់អ្នកប៉ះពាល់ដោយវិធានការបិទខ្ទប់
គណៈរដ្ឋមន្ត្រីថៃបានអនុម័តកញ្ចប់ជំនួយសាច់ប្រាក់សរុប ៤២ពាន់លានបាត ឬ ប្រហាក់ប្រហែលនឹង ១,៣ពាន់លានដុល្លារ សម្រាប់អ្នកទទួលផលប៉ះពាល់ដោយវិធានការបិទខ្ទប់នៅខេត្ត-ក្រុងតំបន់ក្រហមចំនួន ១០ និងអ្នកធ្វើការក្នុងវិស័យចំនួន ៩។ នេះបើតាមការលើកឡើងរបស់អ្នកនាំពាក្យរាជរដ្ឋាភិបាលថៃលោក Anucha Burapachaisri កាលពីថ្ងៃអង្គារកន្លងទៅ។ ក្នុងខេត្តចំនួន ១០ ភាគច្រើនជាតំបន់នៅក្បែររាជធានីបាងកក និងខេត្តភាគខាងត្បូងចំនួន ៤ ដែលជាប់នឹងព្រំដែនម៉ាឡេស៊ី។ ចំណែកឯវិស័យទាំង ៩ នោះរាប់បញ្ចូលទាំង វិស័យសំណង់ បដិសណ្ឋារកិច្ច និងសេវាកម្មម្ហូបអាហារ វិស័យសិល្បៈ កម្មករបម្រើការនៅក្នុងសេវាកម្មកម្សាន្ត វិស័យដឹកជញ្ជូន និងស្តុកទុកទំនិញ អាជីវកម្មបោះដុំ វិស័យរដ្ឋបាល, សកម្មភាពវិទ្យាសាស្ត្រ និងការសិក្សា ព្រមទាំង ព័ត៌មាន និងការទំនាក់ទំនង។ អ្នកដែលធ្វើការនៅក្នុងវិស័យនោះនឹងទទួលបានទឹកប្រាក់ចំនួន ១៥៣ដុល្លារអាមេរិក ខណៈខាងក្រុមហ៊ុនដែលមានបុគ្គលិកដល់ ២០០នាក់នឹងទទួលបានប្រមាណ ៩១ដុល្លារក្នុងម្នាក់ៗ។ ចំណោម ១,៣ពាន់លានដុល្លារនោះ កញ្ចប់ថវិកាចំនួនប្រមាណ ៩២០លានដុល្លារនឹងបែងចែកសម្រាប់ជំនួយសាច់ប្រាក់ដល់បុគ្គលិក និងក្រុមហ៊ុន ខណៈក្បែរ ៤០០លានដុល្លារទៀតជាថ្លៃដែលរដ្ឋចេញលើទឹក-ភ្លើងឲ្យក្រុមហ៊ុន៕ ប្រភព៖ Bangkok Post
-
កូវីដ-១៩នៅសហរដ្ឋអាមេរិក កើនឡើងទ្វេដងនៅ ៣សប្ដាហ៍ចុងក្រោយ
ករណីកូវីដ-១៩ នៅសហរដ្ឋអាមេរិកបានកើនឡើងជាថ្មីម្តងទៀតក្រោយធ្លាក់ចុះអស់ជាច្រើនខែមក ដោយចំនួនករណីវិជ្ជមានថ្មីក្នុងមួយថ្ងៃបានកើនឡើងទ្វេដងក្នុងរយៈពេល ៣ សប្តាហ៍ចុងក្រោយនេះ។ យោងតាមការចុះផ្សាយរបស់ទីភ្នាក់ងារសារព័ត៌មាន Association Press ការកើនឡើងនេះគឺដោយសារតែការឆ្លងយ៉ាងរហ័សរបស់វ៉ារ្យ៉ង់ដែលតា អត្រាវ៉ាក់សាំងទាប និងការប្រមូលផ្ដុំគ្នាកាលពីថ្ងៃបុណ្យឯករាជ្យជាតិ ៤ កក្កដា។ យោងតាមទិន្នន័យរបស់សាកលវិទ្យាល័យ Johns Hopkins ករណីវិជ្ជមានកើនជាមធ្យមប្រហែល ២៣ ៦០០ ករណីក្នុងមួយថ្ងៃកាលពីថ្ងៃចន្ទ ឡើងពី ១១ ៣០០ ករណីនៅថ្ងៃទី ២៣ ខែមិថុនា ហើយមានតែរដ្ឋ Maine និងរដ្ឋ South Dakota ប៉ុណ្ណេះដែលករណីឆ្លងហក់ឡើងនៅពីសប្ដាហ៍ចុងក្រោយ។ មកទល់ពេលនេះ សហរដ្ឋអាមេរិកមានអ្នកឆ្លងសរុបជាង ៣៤,៨ លានករណី ខណៈចំនួនអ្នកស្លាប់បានកើនដល់ ៦,២៣ សែនករណី ដែលជាតួរលេខខ្ពស់ជាងគេបំផុតទីមួយរបស់ពិភពលោក។ ជាមួយគ្នានេះដែរ ទិន្នន័យរបស់មជ្ឈមណ្ឌលត្រួតពិនិត្យនិងបង្ការជំងឺបានបង្ហាញថា ៥៥,៦ ភាគរយនៃប្រជាជនអាមេរិកាំងសរុបបានទទួលវ៉ាក់សាំងយ៉ាងហោចណាស់ ១ ដូស ខណៈជាង ៤៨ ភាគរយបានទទួលវ៉ាក់សាំងពេញលេញ។ យ៉ាងណាមិញ អត្រាវ៉ាក់សាំងនៃក្រុមមនុស្សវ័យក្មេងនៅតែទាប បើទោះបីជារដ្ឋបាលលោកបៃដិនទទួលបានជោគជ័យក្នុងការចាក់វ៉ាក់សាំងជនជាតិអាមេរិកាំងដែលមានវ័យចំណាស់ក៏ដោយ ខណៈដែលលោកប្រធានាធិបតី ចូ បៃដិន កំពុងខ្នះខ្នែងបង្កើតយុទ្ធនាការផ្សេងៗដើម្បីជំរុញឱ្យយុវជនទទួលវ៉ាក់សាំង។…
-
កុបកម្មនៅអាហ្រ្វិកខាងត្បូងបង្ករអោយមានអ្នកស្លាប់
ចំនួនអ្នកស្លាប់នៅអាហ្វ្រិកខាងត្បូងបានកើនឡើងដល់ ៧២ នាក់ បន្ទាប់ពីអំពើហឹង្សាបានរាលដាលពាសពេញប្រទេសបន្ទាប់ពីការជាប់ពន្ធនាគាររបស់អតីតប្រធានាធិបតីលោក Jacob Zuma ។ បច្ចុប្បន្នយោធាត្រូវបានដាក់ពង្រាយដើម្បីជួយប៉ូលីសបន្ទាប់ពីភាពចលាចលបានចាប់ផ្តើមកាលពីសប្តាហ៍មុន។ ប៉ូលីសអាហ្វ្រិកខាងត្បូងបាននិយាយនៅក្នុងសេចក្តីថ្លែងការណ៍មួយថា ពួកគេបានកំណត់អត្តសញ្ញាណមនុស្ស ១២ នាក់ដែលសង្ស័យថាបានបង្កចលាចល ហើយមនុស្សសរុប ១២៣៤ នាក់ត្រូវបានចាប់ខ្លួន។ ប្រធានាធិបតីអាហ្វ្រិកខាងត្បូង លោក Cyril Ramaphosa បានហៅ សកម្មភាពនេះថាជាអំពើហឹង្សាអាក្រក់បំផុតនៅក្នុងប្រទេសអាហ្វ្រិកខាងត្បូងចាប់តាំងពីទសវត្សឆ្នាំ ១៩៩០។ ប្រភព៖ BBC
-
ខ្សែសង្វាក់ផលិតកម្មនៃយន្តហោះដឹកទំនិញខ្នាតយក្សរបស់ពិភពលោក Boeing 747-8 (មានវីដេអូ)
អន្តរជាតិ៖ យន្តហោះដឹកទំនិញខ្នាតយក្សប្រភេទ ប៊ូអ៊ីង ៧៤៧-៨ មានល្បឿនលឿនបំផុត គឺ៩៨៨គីឡូម៉ែត្រក្នុងមួយម៉ោង ។ ខាងក្រោមនេះ គឺជាខ្សែសង្វាក់ផលិតកម្ម នៃយន្តហោះដ៏អស្ចារ្យនេះ ។ យន្តហោះដឹកនាំទំនិញប្រភេទ ប៊ូអ៊ីង ៧៤៧-៨ ត្រូវបានតំឡើង (ផ្គុំរូបរាង) និងលាបពណ៌នៅរោងចក្រ Everett ទីក្រុង Washington ។ នៅក្នុងដំណាក់កាលដំបូង គឺកាប៊ីនយន្តហោះ ស្លាប និងតួខ្លួនត្រូវបានភ្ជាប់ដោយឧបករណ៍លើកដ៏ធំមួយ ។ គ្រឿងបង្គំផ្តេក និងបញ្ឈរត្រូវបានផ្តុំគ្នា ។ បន្ទាប់មកម៉ាស៊ីនដែលមានអនុភាពត្រូវបានតំឡើង ហើយកង់ក៏ត្រូវបានត្រួតពិនិត្យផងដែរ ។ ថ្នាំលាបផ្សេងៗគ្នាត្រូវបានគេយកទៅលាបលើរូបរាងកាយរបស់យន្តហោះ ។ ឥឡូវនេះ ដល់ពេលវេលាហើយ ដែលយន្តហោះប៊ូអ៊ីងខ្នាតយក្សនេះ ត្រូវឆ្លងកាត់ការហោះហើរសាកល្បង ។ ហើយនៅទីបំផុត! យន្តហោះប៊ូអ៊ីង ៧៤៧-៨ បានត្រៀមខ្លួនរួចរាល់ ដើម្បីដឹកជញ្ជូនទំនិញ និងអ្នកដំណើរមកពីទូទាំងពិភពលោក ៕ ប្រភព៖ Mechanical education
-
ប្រមុខយូអិន៖ ពិភពលោកត្រូវការវ៉ាក់សាំង១១ពាន់លានដូស ដើម្បីចាក់អោយបាន៧០%នៃប្រជាជនលើពិភពលោក ទើបអាចបញ្ចប់ជំងឺ Covid-19 (មានវីដេអូ)
អន្តរជាតិ៖ អគ្គលេខាធិការអង្គការសហប្រជាជាតិ លោក អាន់តូនីញ៉ូ ហ្គូដទែរ៉េស (Antonio Guterres) បានបញ្ជាក់ថា ពិភពលោកត្រូវការវ៉ាក់សាំងចំនួន១១ពាន់លានដូស ដើម្បីចាក់អោយបាន៧០ភាគរយនៃប្រជាជនលើពិភពលោក ដើម្បីបិទបញ្ចប់ជំងឺកូវីដ១៩ ។ លោក ហ្គូដទែរ៉េស បានគូសបញ្ជាក់ថា មនុស្សគ្រប់រូបនៅគ្រប់ទីកន្លែង ត្រូវតែមានសិទ្ធិទទួលបានវ៉ាក់សាំងការពារជំងឺកូវីដ ១៩ ការធ្វើតេស្ត ការព្យាបាល និងការគាំទ្រផ្សេងទៀតជាដើម ។ ការអភិវឌ្ឍ និងការចាក់វ៉ាក់សាំង តាមរយៈយន្តការ ACT-Accelerator និងគម្រោង COVAX កំពុងផ្តល់ក្តីសង្ឃឹម ។ បើតាមប្រមុខអង្គការសហប្រជាជាតិរូបនេះ ក្នុងពេលបច្ចុប្បន្ន វាចាំបាច់ណាស់ក្នុងការផ្តល់ហិរញ្ញប្បទានពេញលេញដល់យន្តការ ACT-Accelerator និងគាំទ្រផែនទីបង្ហាញផ្លូវវិនិយោគ៥០ពាន់លានដុល្លារ ដល់មូលនិធិរូបិយវត្ថុអន្តរជាតិ, ធនាគារពិភពលោក, អង្គការសុខភាពពិភពលោក (WHO) និងអង្គការពាណិជ្ជកម្មពិភពលោក (WTO) ដើម្បីបញ្ចប់ជំងឺរាតត្បាតកូវីដ១៩ ក៏ដូចជាធានាបាននូវការស្ដារពិភពលោកឡើងវិញ ៕ ប្រភព៖ ស៊ីនហួរ
-
អនុរដ្ឋមន្រ្តីការបរទេសរុស្ស៊ី៖ ការដាក់ពង្រាយមូលដ្ឋានទ័ពអាមេរិកជាអចិន្រ្តៃយ៍នៅតាមបណ្ដាប្រទេសក្បែរខាងអាហ្វហ្គានីស្ថាន គឺជារឿងមិនអាចទទួលយកបាន (មានវីដេអូ)
រុស្ស៊ី៖ រុស្ស៊ីបានធ្វើការព្រមានធ្ងន់ៗដល់សហរដ្ឋអាមេរិក ដើម្បីសម្តែងការប្រឆាំងចំពោះការដាក់ពង្រាយកងទ័ពរបស់ខ្លួន ទៅកាន់បណ្ដាប្រទេសក្នុងតំបន់អាស៊ីកណ្ដាល ក្រោយការដកកងទ័ពអាមេរិកចេញពីអាហ្វហ្គានីស្ថាន ។ អនុរដ្ឋមន្ត្រីការបរទេសរុស្ស៊ី លោក ស៊ឺហ្គៃ រីយ៉ាបកូវ (Sergei Ryabkov) បាននិយាយថា ខ្ញុំសូមបញ្ជាក់ថា ការពង្រាយកងទ័ពអាមេរិកជាអចិន្រ្តៃយ៍ នៅតាមបណ្ដាប្រទេសក្បែរខាងអាហ្វហ្គានីស្ថាន គឺជារឿងមិនអាចទទួលយកបាន… យើងបានប្រាប់សហរដ្ឋអាមេរិកដោយផ្ទាល់ដែរថា ការធ្វើបែបនេះមិនត្រឹមតែផ្លាស់ប្ដូរការយល់ឃើញរបស់រុស្ស៊ី ចំពោះអ្វីដែលកំពុងកើតឡើងប៉ុណ្ណោះទេ តែវាក៏នឹងផ្លាស់ប្ដូរទាំងស្រុវនូវទំនាក់ទំនងរបស់ពួកយើងជាមួយអាមេរិកផងដែរ ។ គួរកត់សម្គាល់ ការព្រមានរបស់អនុរដ្ឋមន្ត្រីការបរទេសរុស្ស៊ីខាងលើនេះ ត្រូវបានចេញផ្សាយដោយប្រព័ន្ធផ្សព្វផ្សាយរុស្ស៊ី នៅថ្ងៃអង្គារសប្ដាហ៍នេះ ស្របពេលដែលសហរដ្ឋអាមេរិកបានដកកងទ័ពចេញពីអាហ្វហ្គានីស្ថានជាង ៩០ ភាគរយហើយ ។ បន្ថែមលើនេះ មេបញ្ជាយោធាអាមេរិកប្រចាំនៅអាហ្វហ្គានីស្ថាន លោកឧត្តមសេនីយ៍ អូស្ទីន មីល្លឺ (Austin Miller) ក៏បានចូលរួមពិធីលាគ្នា និងចាកចេញពីប្រទេសអាស៊ីខាងត្បូងមួយនេះហើយ នៅថ្ងៃចន្ទដើមសប្តាហ៍នេះ ដែលវាជាសញ្ញាបង្ហាញថា ប្រតិបត្តិការយោធាអាមេរិកនៅទីនេះ ជិតឈានដល់ទីបញ្ចប់ហើយ ៕ ប្រភព៖ AP
-
ប្រធានក្រុមហ៊ុន Vietjet ក្លាយជាសេដ្ឋនីពិភពលោក ដំបូងរបស់វៀតណាម
ទីភ្នាក់ងារសារព័ត៌មាន Vietnamnews បានចេញផ្សាយនៅថ្ងៃទី១៤ កក្កដា ២០២១នេះ បង្ហាញពីមហាសេដ្ឋនីពិភពលោក របស់វៀតណាមតែម្នាក់គត់ Nguyen Thi Phuong Thao លំដាប់ទី១១១ លើពិភពលោក។ ប្រធាន និងជានាយកប្រតិបត្តិរបស់ក្រុមហ៊ុន Vietjet រូបនេះបានក្លាយជាមហាសេដ្ឋឋីនីពិភពលោក ក្នុងបញ្ជីកំពូលមហាសេដ្ឋីពិភពលោកប្រចាំឆ្នាំរបស់ទស្សនាវត្តី Forbes ទោះបីជាឧស្សាហកម្មអាកាសចររងផលប៉ះពាល់ខ្លាំងពីវិបត្តិកូវីដ១៩ក៏ដោយ។ លោកស្រីត្រូវបានគេដឹងថា មានទ្រព្យសម្បត្តិសរុបប្រមាណ២.៨ពាន់លានដុល្លារអាមេរិក ជាសហគ្រិនស្ត្រីវៀតណាមតែម្នាក់គត់បានចូលទៅក្នុងលំដាប់មហាសេដ្ឋីពិភពលោកនេះ។ លោកស្រី Nguyen Thi Phuong Thaoក៏ជាអនុប្រធានធនាគារ HDBank ដែរ៕