-
កម្មករ០៧នាក់រងផលប៉ះពាល់សុខភាព ក្រោយលេចធ្លាយឧស្ម័នគីមីក្នុងរោងចក្រថាមពលនុយក្លេអ៊ែរនៅជប៉ុន
ជប៉ុន៖ កម្មករ០៧នាក់បានត្អូញត្អែរពីការវិលមុខ ក្អួតចង្អោរ និងឈឺក្បាល នៅក្នុងអគារគ្រប់គ្រងស្ថានីយ៍ថាមពលនុយក្លេអ៊ែរ Onagawa ក្រោយស្រូបយកសារធាតុពុលអ៊ីដ្រូសែនស៊ុលហ្វីត នេះបើតាមសារព័ត៌មានក្នុងស្រុករបស់ជប៉ុន ។ ពាក់ព័ន្ធនឹងបញ្ហាខាងលើនេះដែរ ក្រុមហ៊ុន Tohoku Electric Power Co., Inc. បានបញ្ជាក់នៅក្នុងសេចក្តីប្រកាសព័ត៌មានមួយ នៅក្នុងថ្ងៃអង្គារសប្តាហ៍នេះថា សារធាតុពុលអ៊ីដ្រូសែនស៊ុលហ្វីត ត្រូវបានលេចធ្លាយចេញពីធុងដែលផ្ទុកសារធាតុរាវ ហើយហូរចូលក្នុងបន្ទប់ត្រួតពិនិត្យតាមរយៈបំពង់បង្ហូរ ៕ ប្រភព៖ CGTN
-
ថៃប្រកាសឆ្លងកូវីដថ្មីជិត១ម៉ឺននាក់ ស្លាប់ជិត៩០នាក់ទៀត ព្រឹកនេះ!
អាជ្ញាធរសុខាភិបាលថៃ នាថ្ងៃពុធទី ១៤ កក្កដា ២០២១នេះ បានប្រកាសថា ក្នុងពេល២៤ម៉ោងចុងក្រោយមកនេះ ថៃមានឆ្លងកូវីដ១៩ ករណីថ្មីៗចំនួន៩៣១៧នាក់ និងស្លាប់មនុស្សដោយសារជំងឺកូវីដ១៩ ចំនួន៨៧នាក់បន្ថែមទៀត។ ករណីឆ្លងថ្មីបន្ថែមទៀតនេះ ធ្វើឲ្យថៃមានអ្នកកើតកូវីដ១៩ សរុបចំនួន៣៦៣០២៩នាក់ហើយ ខណៈអ្នកស្លាប់ក្នុងប្រទេសថៃកើនដល់២៩៣៤នាក់ហើយដែរ។ ប្រភពបានបញ្ជាក់ដែរថា ក្នុងចំណោមឆ្លងថ្មីជិត១ម៉ឺននាក់ ក៏នៅតែបន្តមានឆ្លងក្នុងពន្ធនាគារចំនួន១២៩នាក់ទៀតដែរ៕
-
ស្ថាប័នជាង៤០របស់សហរដ្ឋអាមេរិកស្នើអោយរដ្ឋបាលលោក ចូ បៃដិន បញ្ឈប់ការប្រឈមមុខជាមួយចិន ហើយចាប់យកកិច្ចសហប្រតិបត្តិការជាអាទិភាព
អាមេរិក៖ ស្ថាប័ន-អង្គភាពច្រើនជាង៤០របស់សហរដ្ឋអាមេរិកបានផ្ញើលិខិតមួយទៅកាន់ប្រធានាធិបតីអាមេរិកលោក ចូ បៃដិន និងសមាជិកសភា កាលពីថ្ងៃពុធសប្តាហ៍កន្លងទៅ ដោយជំរុញអោយពួកគេផ្តល់អាទិភាពដល់កិច្ចសហប្រតិ បត្តិការជាមួយប្រទេសចិនស្តីពីបញ្ហាប្រែប្រួលអាកាសធាតុ និងទប់ស្កាត់វិធីប្រឈមមុខរបស់ខ្លួន ។ស្ថាប័ន-អង្គភាពទាំងនោះបានធ្វើការអំពាវនាវដល់រដ្ឋបាលរបស់លោក ចូ បៃដិន និងសមាជិកសភាទាំងអស់អោយពិចារណានូវវិធីសាស្រ្តបដិវត្តដែលលេចធ្លោចំពោះទំនាក់ទំនងរវាងចិន-សហរដ្ឋអាមេរិក និង ផ្តល់អាទិភាពដល់ពហុភាគីនិយមការទូត ព្រមទាំងកិច្ចសហប្រតិ បត្តិការជាមួយប្រទេសចិន ដើម្បីដោះស្រាយវិបត្តិអាកាសធាតុ ។ ក្រុមទាំងនោះមិនមែនធ្វើតែម្នាក់ឯងទេ ក្នុងការជំរុញអោយអ្នកនយោបាយអាមេរិកច្រានចោលវិធីសាស្រ្តប្រឈមមុខដាក់ចិន និងបន្តកិច្ចសហប្រតិបតិ្តការជាមួយចិន ដើម្បីដោះស្រាយបញ្ហានានា ក្នុងនោះមានដូចជាវិបត្តិអាកាសធាតុជាដើម ។តួយ៉ាងនៅថ្ងៃទី០១ ខែកក្កដាកន្លងទៅ ស្ថាប័ន-អង្គការចំនួន២៨របស់សហរដ្ឋអាមេរិក នៅក្នុងលិខិតរួមមួយបានអំពាវនាវដល់ប្រធានសភាលោក Nancy Pelosi អោយជួយលើកកម្ពស់វិធីសាស្រ្តសន្តិសុខជាតិដែលមានតុល្យភាព និងសមហេតុផលជាងមុន ក្នុងការប្រកួតប្រជែងជាមួយចិន និងបដិសេធនូវគោលការណ៍ដែលបានដាក់ចេញនៅក្នុងច្បាប់ច្នៃប្រឌិត និងការប្រកួតប្រជែងរបស់សហរដ្ឋអាមេរិកដែលត្រូវបានព្រឹទ្ធសភាអនុម័តកាលពីមួយខែមុន ដែលនឹងបង្កើនភាពតានតឹងក្នុងតំបន់ដោយមិនចាំបាច់ ៕ ប្រភព៖ CGTN
-
ប្រេសិតពិសេសរបស់លោក ចូ បៃដិន បំពេញទស្សនកិច្ចនៅរុស្ស៊ីរយៈពេល០៣ថ្ងៃ ដោយផ្តោតសំខាន់លើបញ្ហាប្រែប្រួលអាកាសធាតុ
អាមេរិក៖ បេសកជនពិសេសទទួលបន្ទុកកិច្ចការអាកាសធាតុរបស់អាមេរិកលោក ចន ឃែរី បានជួបជាមួយមន្រ្តីជាន់ខ្ពស់រុស្ស៊ីនៅក្នុងទីក្រុងមូស្គូ ក្នុងនោះរួមមានទាំងរដ្ឋមន្រ្តីការបរទេសរុស្ស៊ីលោក សឺហ្គេ ឡាវរូវ ផងដែរ ដើម្បីធ្វើកិច្ចពិភាក្សាស្តីពីសកម្មភាពរួមគ្នាដែលមានសក្តានុពលលើបញ្ហាប្រែប្រួលអាកាសធាតុ ។ លោក ឃែរី បានធ្វើដំណើរទៅដល់រុស្ស៊ីកាលពីថ្ងៃទី១២ ខែកក្កដា សម្រាប់ការបំពេញទស្សនកិច្ចរយៈពេល៣ថ្ងៃនៅក្នុងប្រទេសមួយនេះ ។ លោក ឃែរី បាននិយាយថា ប្រទេសទាំងពីរមានបន្ទប់ដើម្បីសហការគ្នាលើបញ្ហាប្រែប្រួលអាកាសធាតុនេះ ហើយប្រហែលជាអាចបើកឱកាសកាន់តែប្រសើរលើបញ្ហាផ្សេងៗទៀតដូចដែលយើងធ្វើសហប្រតិបត្តិការលើបញ្ហានេះ ។ លោក ឃែរី បន្ថែមថា បញ្ហាប្រែប្រួលអាកាសធាតុ គឺមានសារៈសំខាន់ដូចបញ្ហាផ្សេងៗដែលលោកបានចរចាជាមួយរុស្ស៊ីកាលពីពេលមុន ក្នុងនោះមានទាំងអាវុធនុយក្លេអ៊ែរផងដែរ ហើយថា ទាំងសហរដ្ឋអាមេរិក និងរុស្ស៊ី គឺជាប្រទេសដែលបានចូលរួមចំនែកខ្ពស់បំផុតចំពោះឧស្ម័នផ្ទះកញ្ចក់ ដូច្នេះមានទំនួលខុសត្រូវក្នុងការធ្វើសកម្មភាពប្រឆាំងនឹងបញ្ហាប្រែប្រួលអាកាសធាតុ ។ គួរកត់សម្គាល់ ការប្រែប្រួលអាកាសធាតុ ជាគឺបញ្ហាតែមួយគត់ដែលសហរដ្ឋអាមេរិក និងសហភាពអឺរ៉ុបមានឆន្ទៈចូលរួមដោះស្រាយជាមួយប្រទេសរុស្ស៊ី ៕ ប្រភព៖ CGTN
-
ម៉ាឡេស៊ីបិទមជ្ឈមណ្ឌលចាក់វ៉ាក់សាំង បន្ទាប់ពីអ្នកស្ម័គ្រចិត្ត និងបុគ្គលិកពេទ្យជាង២០០នាក់ធ្វើតេស្តវិជ្ជមានកូវីដ-១៩
ម៉ាឡេស៊ី៖ រដ្ឋមន្ត្រីម៉ាឡេស៊ីទទួលបន្ទុកការចាក់ថ្នាំបង្ការជំងឺកូវីដ១៩រលោក ខៃរី ចាម៉ាលូឌីន (Khairy Jamaluddin) បញ្ជាក់ថា មជ្ឈមណ្ឌលចាក់វ៉ាក់សាំងប្រឆាំងនឹងវីរុសកូវីដ១៩មួយកន្លែងត្រូវបានបញ្ជាអោយបិទ ដើម្បីធ្វើអនាម័យនៅថ្ងៃអង្គារម្សិលមិញ បន្ទាប់ពីអ្នកស្ម័គ្រចិត្ត និងបុគ្គលិកជាង២០០នាក់នៅទីនោះ ធ្វើតេស្តវិជ្ជមានជំងឺកូវីដ១៩កាលពីចុងសប្ដាហ៍មុន ។លោក ខៃរី ចាម៉ាលូឌីន បានប្រាប់អ្នកសារព័ត៌មានថា អ្នកដែលឆ្លងជម្ងឺកូវីដ១៩ ចាប់ពីថ្ងៃទី០៩ ដល់ថ្ងៃទី១២ ខែកក្កដា នៅមជ្ឈមណ្ឌលដែលស្ថិតនៅចម្ងាយ២៥គីឡូម៉ែត្រខាងក្រៅទីក្រុងកូឡាឡាំពួរនោះ ត្រូវបានណែនាំអោយនៅដាច់ដោយឡែកសម្រាប់រយៈពេល១០ថ្ងៃ ។ បើតាមលោក ខៃរី មជ្ឈមណ្ឌលនោះ មានសមត្ថភាពចាក់វ៉ាក់សាំងប្រមាណ៣ពាន់ដូសជារៀងរាល់ថ្ងៃ ហើយក្នុងចំណោមបុគ្គលិក និងអ្នកស្ម័គ្រចិត្ត៤៥៣នាក់ដែលត្រូវបានពិនិត្យនោះ មាន២០៤នាក់រកឃើញវិជ្ជមាន ។សូមជម្រាបផងដែរថា ម៉ាឡេស៊ីមានអត្រាឆ្លងខ្ពស់បំផុតមួយក្នុងចំណោមប្រទេស អាស៊ីអាគ្នេយ៍ ក៏ប៉ុន្តែក៏មានអត្រាចាក់វ៉ាក់សាំងបង្ការជំងឺកូវីដ១៩ខ្ពស់បំផុតមួយ ផងដែរ ដោយ២៥ភាគរយនៃចំនួនប្រជាជន៣២លាននាក់របស់ខ្លួន បានទទួលការចាក់វ៉ាក់សំាងយ៉ាងហោចណាស់ក៏មួយដូសដែរ ៕ ប្រភព៖ CNA
-
ថៃចេញមុខការពារការចាក់វ៉ាក់សាំង Covid-19 ពីរប្រភេទផ្សេងគ្នា បើទោះជាអង្គការសុខភាពពិភពលោក (WHO) ទើបព្រមានពីហានិភ័យ
ថៃ៖ នៅថ្ងៃអង្គារសប្តាហ៍នេះ ប្រទេសថៃបានចេញមុខការពារការចាក់វ៉ាក់សាំងចម្រុះ ក្នុងគោលបំណងប្រយុទ្ធប្រឆាំងនឹងកំណើនករណីឆ្លងជំងឺកូវីដ១៩ បន្ទាប់ពីអ្នកវិទ្យាសាស្ត្រកំពូលរបស់អង្គការសុខភាពពិភពលោក (WHO) ទើបបានព្រមានថា វាជានិន្នាការគ្រោះថ្នាក់មួយ ដែលមិនមានការគាំទ្រដោយភស្តុងតាង ។ ប្រធានផ្នែកវីរុសរបស់ថៃ លោក យ៉ុង ពូវ៉ូរ៉ាវ៉ាន (Yong Poovorawan) បញ្ជាក់ថា វិធីនេះ (ការចាក់វ៉ាក់សាំងចម្រុះ) អាចជាការបញ្ចូលគ្នារវាងវ៉ាក់សាំងអសកម្មSinovac ជាមួយវ៉ាក់សាំងប្រើបច្ចេកវិទ្យា viral vector ដូចជាវ៉ាក់សាំងAstraZeneca ។ យើងមិនអាចរង់ចាំដល់ទៅ១២សប្តាហ៍ (សំរាប់ប្រសិទ្ធភាពវ៉ាក់សាំងដូសបន្ថែម) ក្នុងបរិបទផ្ទុះជំងឺកូវីដដូចសព្វថ្ងៃនេះទេ ប៉ុន្តែនៅពេលអនាគត បើមានវ៉ាក់សាំងល្អប្រសើរជាង… យើងនឹងស្វែងរកវិធីគ្រប់គ្រងសភាពការណ៍ល្អជាងនេះ ។ លោក យ៉ុង ពូវ៉ូរ៉ាវ៉ាន បានអះអាងបែបនេះ មួយថ្ងៃបន្ទាប់ពីប្រធានផ្នែកវិទ្យាសាស្ត្ររបស់អង្គការសុខភាពពិភពលោក (WHO) លោកស្រី ស៊ូម្យ៉ា ស្វាមីណាថាន (Soumya Swaminathan) បានហៅយុទ្ធសាស្ត្រនេះថា ជានិន្នាការគ្រោះថ្នាក់មួយ និងថា មិនមានទិន្នន័យ ឬភស្តុងតាងអំពីប្រសិទ្ធភាព នៃការចាក់វ៉ាក់សាំងចម្រុះគ្នានោះទេ ។ ទោះជាយ៉ាងណា អាជ្ញាធរថៃនិយាយថា ពួកគេនឹងចាក់បញ្ចូលគ្នានូវវ៉ាក់សាំងAstraZeneca បន្ថែមលើវ៉ាក់សាំង Sinovac…
-
អ្នកឆ្លង COVID-19 នៅទូទាំងពិភពលោកកើនឡើងដល់១៨៨លាន៥៧ម៉ឺននាក់ ក្នុងនោះស្លាប់ជាង៤លាន៦ម៉ឺននាក់ និងជាសះស្បើយ១៧២លាន៤០ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១៨៨លាន៥៧ម៉ឺន៩ពាន់៦១៥ករណី ក្នុងនោះមានអ្នកជម្ងឺសរុបចំនួន៤លាន៦ម៉ឺន៥ពាន់៣២៦នាក់ស្លាប់ និង ជាសះស្បើយឡើងវិញសរុបចំនួន១៧២លាន៤០ម៉ឺន៦ពាន់២៧៧នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី១៤ ខែកក្កដា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣៤លាន៨០ម៉ឺន៧ពាន់៨១៣នាក់ ស្លាប់ចំនួន៦២ម៉ឺន៣ពាន់៤៣៥នាក់ និងជាសះស្បើយចំនួន២៩លាន៣០ម៉ឺន៤ពាន់៤៥១នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៣០លាន៩៤ម៉ឺន៤ពាន់៩៤៩នាក់ ស្លាប់៤១ម៉ឺន១ពាន់៤៣៩នាក់ និងជាសះស្បើយ៣០លាន៩ម៉ឺន៧ពាន់៩៦នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន១៩លាន១៥ម៉ឺន២ពាន់៦៥នាក់ ស្លាប់ចំនួន៥៣ម៉ឺន៥ពាន់៩២៤នាក់ និងជាសះស្បើយ១៧លាន៧៧ម៉ឺន៦១៧នាក់ ៕ ប្រភព៖ worldometers
-
អឺរ៉ុបចង់ប្រកួតប្រជែងយុទ្ធសាស្ត្រក្រវាត់ និងផ្លូវរបស់ចិន ជាមួយផែនការហេដ្ឋារចនាសម្ព័ន្ធពិភពលោក
ប្រែសម្រួលដោយ៖ សុខ វេងឈាង កាលពីថ្ងៃច័ន្ទនេះ រដ្ឋមន្ត្រីការបរទេសនៃបណ្ដាប្រទេសជាសមាជិកសហភាពអឺរ៉ុបបានឯកភាពចាប់ផ្ដើមផែនការហេដ្ឋារចនាសម្ព័ន្ធសកលមួយដែលនឹងតភ្ជាប់អឺរ៉ុបទៅនឹងពិភពលោក ដែលនេះជាជំហានចុងក្រោយបង្អស់របស់ពួកគេ បន្ទាប់ពីមានកិច្ចព្រមព្រៀង និងកិច្ចសន្យាប្រហាក់ប្រហែលនេះ ជាមួយនឹងឥណ្ឌា ជប៉ុន និងក្រុមប្រទេសអ្នកមានទាំង៧ ឬហៅថា G7។ រដ្ឋមន្ត្រីការបរទេសអាល្លឺម៉ង់លោក Heiko Maas បានប្រាប់អ្នកសារព័ត៌មានបន្ទាប់បានជួបសមភាគីអឺរ៉ុបនៅក្រុងប្រ៊ុចសែល ប្រទេសបែលហ្ស៊ិកថា៖ «យើងឃើញប្រទេសចិនប្រើប្រាស់មធ្យោបាយសេដ្ឋកិច្ច និងហិរញ្ញវត្ថុដើម្បីបង្កើនឥទ្ធិពលនយោបាយរបស់ខ្លួននៅគ្រប់ទីកន្លែងក្នុងពិភពលោក។ វាគ្មានប្រយោជន៍អ្វីក្នុងការស្រែកថ្ងូរអំពីបញ្ហានេះទេ យើងត្រូវតែផ្ដល់ជម្រើសផ្សេង»។ លោកបានបន្ថែមទៀតថា៖ «វាសំខាន់ណាស់ដែលសហភាពអឺរ៉ុបសម្របសម្រួលវា(ផែនការហេដ្ឋារចនាសម្ព័ន្ធ) យ៉ាងជិតស្និទ្ធជាមួយសហរដ្ឋអាមេរិក»។ សហភាពអឺរ៉ុបបានចុះហត្ថលេខាលើភាពជាដៃគូជាមួយជប៉ុន និងឥណ្ឌារួចហើយ ដើម្បីសម្របសម្រួលគម្រោងដឹកជញ្ជូន ថាមពល និងឌីជីថល ដើម្បីតភ្ជាប់អឺរ៉ុបនិងអាស៊ី។ ទីក្រុងតូក្យូ និងញូដេលីមានការព្រួយបារម្ភអំពីការផ្ដល់ជំនួយ និងប្រាក់កម្ចីមិនរើសមុខដោយចិន ដែលពួកគេនិយាយថាធ្វើឱ្យបណ្ដាប្រទេសក្រីក្រជាប់ជំពាក់ក្រុងប៉េកាំង ពីព្រោះពួកគេត្រូវបង្ខំចិត្តយកបំណុលដ៏ច្រើនបែបនេះ។ យុទ្ធសាស្ត្ររបស់អឺរ៉ុប ដែលមានឈ្មោះថា «អឺរ៉ុបដែលតភ្ជាប់នឹងពិភពលោក» មិនបាននិយាយទាក់ទងនឹងប្រទេសចិនទេ ហើយរដ្ឋមន្ត្រីការបរទេសជើងចាស់លុចហ្សំបួរលោក Jean Asselborn បាននិយាយថាអឺរ៉ុបមិនគួរធ្វើប្រទេសចិនឱ្យក្លាយជាសត្រូវទេ ដោយកត់សម្គាល់ថាក្នុងមួយឆ្នាំក្រុមហ៊ុនរថយន្តអាល្លឺម៉ង់លក់រថយន្តនៅចិនបានច្រើនជាងនៅអាល្លឺម៉ង់ទៅទៀត។ ចាប់តាំងពីឆ្នាំ ២០១៣ ប្រទេសចិនបានចាប់ផ្ដើមគម្រោងសាងសង់នៅជាង ៦០ ប្រទេស ក្នុងគោលបំណងកសាងបណ្ដាញផ្លូវគោកនិងសមុទ្រ ដើម្បីតភ្ជាប់ប្រទេសខ្លួនជាមួយអាស៊ីអាគ្នេយ៍ អាស៊ីកណ្ដាល មជ្ឈិមបូព៌ា អឺរ៉ុបនិងអាហ្វ្រិក។…
-
អាមេរិកពិចារណាលើកិច្ចព្រមព្រៀងពាណិជ្ជកម្មឌីជីថលដើម្បីប្រឆាំងមហាអំណាចនៅអាស៊ីគឺចិន
ប្រែសម្រួលដោយ៖ ហួន ឌីណា វ៉ាស៊ីនតោន៖ មន្ត្រីសេតវិមានកំពុងពិភាក្សាសំណើកិច្ចព្រមព្រៀងពាណិជ្ជកម្មឌីជីថលដែលគ្របដណ្តប់លើសេដ្ឋកិច្ចឥណ្ឌូ-ប៉ាស៊ីហ្វិក ខណៈរដ្ឋបាលបៃដិនស្វែងរកមធ្យោបាយដើម្បីពិនិត្យមើលឥទ្ធិពលរបស់ចិននៅក្នុងតំបន់។ យោងតាមការចុះផ្សាយរបស់សារព័ត៌មាន Bloomberg ដែលបានដកស្រង់សម្ដីប្រភពដើមផ្សេងគ្នាសុំមិនបញ្ចេញឈ្មោះ សេចក្តីលម្អិតនៃកិច្ចព្រមព្រៀងសក្តានុពលស្ថិតនៅជាសេចក្តីព្រាងនៅឡើយ ប៉ុន្តែកតិកាសញ្ញាអាចត្រូវបានចូលរួមដោយបណ្តាប្រទេសដូចជា កាណាដា ឈីលី ជប៉ុន ម៉ាឡេស៊ី អូស្ត្រាលី នូវែលសេឡង់ និងសិង្ហបុរីជាដើម។ ហើយកិច្ចព្រមព្រៀងនេះទៀតសោត ក៏អាចដាក់ចេញនូវស្តង់ដារសម្រាប់សេដ្ឋកិច្ចលើប្រព័ន្ធឌីជីថល (អ៊ីនធឺណែត) រួមទាំងច្បាប់ស្តីពីការប្រើប្រាស់ទិន្នន័យ ការសម្របសម្រួលពាណិជ្ជកម្ម និងការរៀបចំគយអេឡិចត្រូនិក។ គម្រោងនេះ ក៏នឹងបង្ហាញថា រដ្ឋបាលលោក បៃដិន ចាប់អារម្មណ៍ក្នុងការស្វែងរកឱកាសពាណិជ្ជកម្មថ្មីបន្ទាប់ពីចំណាយពេលជាច្រើនខែដំបូងរបស់ខ្លួនផ្តោតលើការអនុវត្តកិច្ចព្រមព្រៀងដែលមានស្រាប់ ជាជាងការចរចាជាមួយប្រទេសអង់គ្លេស និងកេនយ៉ា ដែលបន្សល់ទុកពីរដ្ឋបាលរបស់លោក ត្រាំ។ ចំណុចចម្បងនៃគោលនយោបាយនេះ ប្រហែលជានឹងតំណាងឱ្យកិច្ចខិតខំប្រឹងប្រែងដំបូងរបស់រដ្ឋបាលលោកបៃដិន ដើម្បីបង្ហាញផែនការសេដ្ឋកិច្ចសម្រាប់តំបន់ដែលមានសេដ្ឋកិច្ចនិងយុទ្ធសាស្ត្រសំខាន់បំផុតនៅលើពិភពលោក ក្រោយពីអតីតប្រធានាធិបតីលោកដូណាល់ ត្រាំ សម្រេចចិត្តដកខ្លួនចេញពីការចរចាកិច្ចព្រមព្រៀងពាណិជ្ជកម្មភាពជាដៃគូអន្តរប៉ាស៊ីហ្វិកកាលពីឆ្នាំ ២០១៧។ មន្រ្តីសេតវិមានម្នាក់បាននិយាយថា មកទល់ពេលនេះមិនទាន់មានការសម្រេចចិត្តណាមួយកើតឡើងទេ ប៉ុន្តែរដ្ឋបាលរបស់ខ្លួនមានចេតនាធ្វើឱ្យស៊ីជម្រៅលើទំនាក់ទំនងជាមួយតំបន់ឥណ្ឌូ-ប៉ាស៊ីហ្វិក ក្នុងវិស័យជាច្រើនរួមទាំងវិស័យពាណិជ្ជកម្មឌីជីថល។ អ្នកតស៊ូមតិសម្រាប់កិច្ចព្រមព្រៀងបែបនេះ រួមមានទាំងអតីតតំណាងពាណិជ្ជកម្មស្តីទីសហរដ្ឋអាមេរិកលោក Wendy Cutler បានលើកឡើងថា វាអាចទាញយកការរៀបចំដែលមានស្រាប់នៅក្នុងតំបន់រួមមានកិច្ចព្រមព្រៀងពាណិជ្ជកម្មឌីជីថលរវាងសហរដ្ឋអាមេរិក និងជប៉ុន ក៏ដូចជាកិច្ចព្រមព្រៀងពាណិជ្ជកម្មឌីជីថលសិង្ហបុរី-អូស្ត្រាលី និងកិច្ចព្រមព្រៀងភាពជាដៃគូសេដ្ឋកិច្ចឌីជីថលសិង្ហបុរី-នូវែលសេឡង់-ឈីលី។…
-
អាមេរិក ដាក់សេចក្ដីណែនាំអំពីជំងឺសរសៃប្រសាទដ៏កម្រលើ កញ្ចប់វ៉ាក់សាំង Johnson & Johnson
ប្រែសម្រួលដោយ៖ សៅ សម្ភស្ស រដ្ឋបាលចំណីអាហារ និងឪសថអាមេរិក FDA បានធ្វើបច្ចុប្បន្នភាពលើស្លាកព្រមាន និងសេចក្ដីណែនាំប្រើប្រាស់លើកញ្ចប់វ៉ាក់សាំង Johnson & Johnson (J&J) ដោយបញ្ចូលព័ត៌មានអំពីហានិភ័យនៃជំងឺសរសៃប្រសាទដ៏កម្រមួយ ដែលមានឈ្មោះថា Guillain-Barre Syndrome (GBS)។ យោងតាមការវិភាគពីសហព័ន្ធប្រព័ន្ធត្រួតពិនិត្យសុវត្ថិភាពវ៉ាក់សាំង មន្រ្តីទាំងនេះបានកំណត់របាយការណ៍បឋមអំពីករណី GBS ចំនួន ១០០ ករណី ក្នុងចំណោមវ៉ាក់សាំងចំនួន ១២,៥ លានដូស ដែលបានចែកចាយ។ ក្នុងចំណោមរបាយការណ៍ទាំងនេះ ករណីប្រមាណ ៩៥ ករណី មានសភាពធ្ងន់ធ្ងរ និងតម្រូវឱ្យមានការសម្រាកព្យាបាលនៅមន្ទីរពេទ្យ និងមានករណីស្លាប់ ១ ករណី។ គួរបញ្ជាក់ផងដែរថា ករណី GBS គឺជាជំងឺសរសៃប្រសាទម្យ៉ាង ដែលធ្វើឱ្យប្រព័ន្ធភាពស៊ាំរបស់រាងកាយបំផ្លាញដល់កោសិកាសរសៃប្រសាទ ធ្វើឱ្យសាច់ដុំចុះខ្សោយ ឬ ក្នុងករណីធ្ងន់ធ្ងរបំផុតគឺ ខ្វិន។ វាអាចកើតលើមនុស្សប្រមាណពី ៣.០០០ ទៅ ៦០០០ នាក់ជារៀងរាល់ឆ្នាំនៅសហរដ្ឋអាមេរិក ប៉ុន្តែភាគច្រើនជាសះស្បើយវិញ។