-
អាមេរិក ដាក់សេចក្ដីណែនាំអំពីជំងឺសរសៃប្រសាទដ៏កម្រលើកញ្ចប់វ៉ាក់សាំង Johnson & Johnson
រដ្ឋបាលចំណីអាហារ និងឪសថអាមេរិក FDA បានធ្វើបច្ចុប្បន្នភាពលើស្លាកព្រមាន និងសេចក្ដីណែនាំប្រើប្រាស់លើកញ្ចប់វ៉ាក់សាំង Johnson & Johnson (J&J) ដោយបញ្ចូលព័ត៌មានអំពីហានិភ័យនៃជំងឺសរសៃប្រសាទដ៏កម្រមួយ ដែលមានឈ្មោះថា Guillain-Barre Syndrome (GBS)។ យោងតាមការវិភាគពីសហព័ន្ធប្រព័ន្ធត្រួតពិនិត្យសុវត្ថិភាពវ៉ាក់សាំង មន្រ្តីទាំងនេះបានកំណត់របាយការណ៍បឋមអំពីករណី GBS ចំនួន ១០០ ករណី ក្នុងចំណោមវ៉ាក់សាំងចំនួន ១២,៥ លានដូស ដែលបានចែកចាយ។ ក្នុងចំណោមរបាយការណ៍ទាំងនេះ ករណីប្រមាណ ៩៥ ករណី មានសភាពធ្ងន់ធ្ងរ និងតម្រូវឱ្យមានការសម្រាកព្យាបាលនៅមន្ទីរពេទ្យ និងមានករណីស្លាប់ ១ ករណី។ គួរបញ្ជាក់ផងដែរថា ករណី GBS គឺជាជំងឺសរសៃប្រសាទម្យ៉ាង ដែលធ្វើឱ្យប្រព័ន្ធភាពស៊ាំរបស់រាងកាយបំផ្លាញដល់កោសិកាសរសៃប្រសាទ ធ្វើឱ្យសាច់ដុំចុះខ្សោយ ឬ ក្នុងករណីធ្ងន់ធ្ងរបំផុតគឺ ខ្វិន។ វាអាចកើតលើមនុស្សប្រមាណពី ៣.០០០ ទៅ ៦០០០ នាក់ជារៀងរាល់ឆ្នាំនៅសហរដ្ឋអាមេរិក ប៉ុន្តែភាគច្រើនជាសះស្បើយវិញ។
-
ហ្វីលីពីនទាត់ចោលការលើកឡើង ចិនជ្រៀតជ្រែកការបោះឆ្នោតប្រធានាធិបតីហ្វីលីពីនឆ្នាំ២០១៦
កាលពីថ្ងៃចន្ទ ១២ កក្កដា ខុទ្ទកាល័យប្រធានាធិបតីហ្វីលីពីនបានច្រានចោលការអះអាងថាចិនបានជ្រៀតជ្រែកការបោះឆ្នោតប្រធានាធិបតីហ្វីលីពីនកាលពីឆ្នាំ២០១៦ នេះបើតាមការលើកឡើងរបស់លោក Harry Rouque អ្នកនាំពាក្យរបស់លោកប្រធានាធិបតី Rodrigo Duterte។ អតីតរដ្ឋមន្ត្រីការបរទេសហ្វីលីពីនលោក Albert del Rosario បានធ្វើអះអាងថា «ស្ថាប័នអន្តរជាតិគួរឱ្យជឿទុកចិត្តមួយ» បានខ្សឹបប្រាប់លោកថា មន្ត្រីជាន់ខ្ពស់របស់ចិនបានអួតប្រាប់ថា «ពួកគេអាចលូកដៃក្នុងការបោះឆ្នោតប្រធានាធិបតីហ្វីលីពីនកាលពីឆ្នាំ២០១៦ ដូច្នេះហើយទើប Duterte អាចឡើងកាន់អំណាចបាន»។ អតីតរដ្ឋមន្ត្រីរូបនេះនិយាយបែបនេះក្នុងវេទិកាមួយ កាលពីថ្ងៃទី១២ ខែកក្កដា តែលោកមិនបានបញ្ជាក់លម្អិតពីព័ត៌មានខាងលើនោះទេ។ ទាក់ទិននឹងរឿងនេះដែរ លោក Rouque បាននិយាយក្នុងសន្និសីទកាសែតមួយថា ការលើកឡើងរបស់លោក Rosario គឺមិនបានការនោះឡើយ។ អ្នកនាំពាក្យរូបនេះថែមទាំងបានចោទលោក Rosario ថាជា ជនក្បត់ជាតិមួយរូប ដែលធ្វើឱ្យហ្វីលីពីនបាត់បង់តំបន់ថ្មប៉ប្រះទឹក Scarborough ដែលស្ថិតនៅតំបន់សមុទ្រចិនខាងត្បូង ទៅកាន់ប្រទេសចិន កាលពីឆ្នាំ២០១២ ក្នុងអំឡុងពេលលោកនៅធ្វើរដ្ឋមន្ត្រីការបរទេស។ ស្ថានទូតចិននៅរដ្ឋធានីម៉ានីល និងគណៈកម្មការរៀបចំការបោះឆ្នោតមិនទាន់ធ្វើការអះអាងនេះនៅឡើយទេ។ ហ្វីលីពីននឹងរៀបចំការបោះឆ្នោតប្រធានាធិបតីម្ដងទៀតនៅឆ្នាំ២០២២ តែលោក Duterte មិនមានសិទ្ធិឈរឈ្មោះបានទៀតទេ ដោយសារតែនៅប្រទេសអាស៊ីអាគ្នេយ៍ដីកោះនេះ ប្រធានាធិបតីអាចកាន់បានតែមួយអាណត្តិ ៦ឆ្នាំប៉ុណ្ណោះ៕ ប្រភព៖ CNA
-
វ៉េណេស៊ុយអេឡា ចោទប្រកាន់មេដឹកនាំគណបក្សប្រឆាំងពីបទភេរវកម្ម នឹងក្បត់ជាតិ
រដ្ឋអាជ្ញាវេណេស៊ុយអេឡាកាលពីថ្ងៃ ច័ន្ទ បានចោទប្រកាន់មេដឹកនាំអ្នកនយោបាយប្រឆាំងលោក Freddy Guevara ពីបទភេរវកម្មនិងក្បត់ជាតិ ក្នុងចំណោមការចោទប្រកាន់ផ្សេងទៀត បន្ទាប់ពីសេវាកម្មស៊ើបការណ៍របស់ប្រទេសនេះ បានចាប់ខ្លួនលោកក្នុងពេលធ្វើដំណើរនៅតាមផ្លូវ Caracas ។ លោក Guevara គឺជាសម្ព័ន្ធមិត្តជិតស្និទ្ធរបស់មេដឹកនាំប្រឆាំងលោក Juan Guaido ដែលត្រូវបានគេស្គាល់ថា ជាប្រធានាធិបតីស្របច្បាប់របស់អាមេរិកខាងត្បូង ដោយសហរដ្ឋអាមេរិកនិងអ្នកដទៃទៀត។ លោក Guaido បាននិយាយថា បុរសប្រដាប់អាវុធមិនស្គាល់អត្តសញ្ញាណម្នាក់ បានគំរាមលោក និងចាប់ខ្លួនលោកការចាប់ខ្លួននៅព្រឹកថ្ងៃ ច័ន្ទ នេះ ខណៈដែលគាត់បានចាកចេញពីផ្ទះល្វែង ដើម្បីផ្ដល់ជំនួយដល់ លោក Guevara ។ នៅក្នុងសេចក្តីថ្លែងការណ៍ ប្រធានការិយាល័យរដ្ឋអាជ្ញា បាននិយាយថា ខ្លួនបានស្វែងរកដីកាចាប់ខ្លួនលោក Guevara ទាក់ទិននឹងទំនាក់ទំនងជាមួយក្រុមជ្រុលនិយម និងក្រុមយោធា ដែលជាប់ទាក់ទងជាមួយរដ្ឋាភិបាលកូឡុំប៊ី។ ឧប្បត្តិហេតុនេះ បានកើតឡើងនៅពេលដែលរដ្ឋាភិបាលប្រទេសនេះ និងក្រុមប្រឆាំង កំពុងរៀបចំការចរចា ដែលគ្រោងធ្វើនៅខែក្រោយនៅប្រទេសម៉ិកស៊ិក ដោយមានការសម្រុះសម្រួលពីសំណាក់ប្រទេសន័រវេស ដើម្បីដោះស្រាយវិបត្តិនយោបាយយ៉ាងជ្រាលជ្រៅរបស់ប្រទេសអាមេរិកខាងត្បូង។ ប្រភព៖ Reuters
-
ពលរដ្ឋគុយបា ចេញធ្វើបាតុកម្មប្រឆាំងរដ្ឋាភិបាល ខណៈប្រធានាធិបតីចោទថាអាមេរិកនៅពីក្រោយ
កាលពីថ្ងៃអាទិត្យ ទី១១ កក្កដា ប្រជាជនគុយបារាប់ពាន់នាក់បានចេញធ្វើបាតុកម្ម ដោយបានបង្ហាញពីភាពមិនសប្បាយចិត្តនឹងបញ្ហាសេដ្ឋកិច្ច បញ្ហានានាពាក់ព័ន្ធនឹងជំងឺកូវីដ១៩ ហើយបាតុករខ្លះបានទាមទារឱ្យបញ្ចប់របបដឹកនាំរបស់គណបក្សកុម្មុយនិស្តនៅប្រទេសគុយបាទៀតផង ខណៈពេលដែលប្រធានាធិបតីគុយបាលោក Miguel Díaz-Canel បានធ្វើការចោទប្រកាន់ថា សហរដ្ឋអាមេរិកជាអ្នកនៅពីក្រោយបញ្ហានៅកោះនេះ។ បាតុកម្មដំបូងឡើយបានកើតឡើងក្រោមទ្រង់ទ្រាយតូចនៅស្រុក St Antonio de los Banosជាយរដ្ឋធានីហាវ៉ាណា។ បាតុករនៅទីនោះបានស្រែកបន្ទរថា «សេរីភាព» និង «យើងមិនខ្លាចទេ» ហើយខ្លះទៀតទាមទារឲ្យលោកប្រធានាធិបតី Diaz-Canel ចុះចេញពីតំណែងទៀតផង។ វីដេអូ និងរូបភាពអំពីការតវ៉ានេះត្រូវបានចែកចាយពាសពេញបណ្ដាញសង្គម ដែលធ្វើឲ្យបាតុកម្មប្រឆាំងនឹងរដ្ឋាភិបាលរីកសាយភាយទៅកាន់តំបន់ផ្សេងទៀតទូទាំងប្រទេសគុយបា។ យោងតាមការចុះផ្សាយរបស់សារព័ត៌មាន CNN បានឱ្យដឹងថា បាតុករជាច្រើននាក់ត្រូវបានចាប់ខ្លួន ដោយប៉ូលិស។ ឧស្ម័នបង្ហូរទឹកភ្នែកត្រូវបានប្រើប្រាស់ ដើម្បីបំបែកហ្វូងបាតុករ។ ជាមួយគ្នានេះ អំពើហិង្សាក៏បានកើតឡើងផងដែរ ដោយក្រុមបាតុករបានបំបះរថយន្តរបស់ប៉ូលិស ហើយគប់ដុំថ្មទៅកាន់កងកម្លាំងបង្ក្រាបបាតុកម្ម។ នេះជាបាតុកម្មដ៏កម្របំផុតក្នុងគុយបា ដោយលើកចុងក្រោយដែលប្រទេសនេះជួបប្រទះការតវ៉ាដ៏ធំបែបនេះគឺតាំងពីឆ្នាំ១៩៩៤ មកម្ល៉េះ ដោយនៅពេលសេដ្ឋកិច្ចគុយបាត្រូវបានដួលរលំ ពីព្រោះការបាត់បង់ជំនួយពីសហភាពសូវៀត។ ភ្លាមៗនោះកម្មវិធីទូរទស្សន៍នានា ដោយរាប់បញ្ចូលទាំងការចាក់បញ្ចាំងវគ្គផ្ដាច់ព្រ័ត្រនៅព្រឹត្តិការណ៍បាល់ទាត់ទ្វីបអឺរ៉ុប UEFA Euro 2020 រវាងក្រុមជម្រើសជាតិអង់គ្លេស និងអ៊ីតាលីត្រូវបានបង្អាក់ ដោយសុន្ទរកថាផ្សាយផ្ទាល់របស់ប្រធានាធិបតីគុយបា។ លោក Diaz-Canel បានហៅបាតុកម្មនេះថាជាកម្លាំងប្រឆាំងនឹងរដ្ឋាភិបាលបដិវត្តន៍របស់គុយបា…
-
ថៃសម្រេចចាក់វ៉ាក់សាំងលាយគ្នា បើទោះជា WHO ព្រមានអំពីគ្រោះថ្នាក់នៃការលាយក្ដី
រដ្ឋាភិបាលថៃ គ្រោងនឹងចាក់វ៉ាក់សាំងកូវីដ-១៩ លាយគ្នា ដោយចាក់វ៉ាក់សាំងចិន Sinovac ជាដូសទី ១ និងវ៉ាក់សាំង Astra Zeneca ឬ Pfizer ជាដូសទី ២ ដើម្បីបង្កើនប្រសិទ្ធិភាពប្រឆាំងនឹងវ៉្យារ៉្យង់ថ្មី បើទោះជាអង្គការសុខភាពពិភពលោក WHO ព្រមានពីគ្រោះថ្នាក់នៃការលាយវ៉ាក់សាំងក្ដី។ វិធាននៃការលាយវ៉ាក់សាំងចិន និងវ៉ាក់សាំងលោកខាងលិចនេះ គឺជាលទ្ធផលថ្មីបានមកពីការសិក្សាបឋមរបស់ថៃ ដែលសិក្សាអំពីការលាយវ៉ាក់សាំង ដើម្បីការពារក្នុងរយៈពេលយូរនៃវ៉ាក់សាំង Sinovac ។ រដ្ឋមន្រ្តីក្រសួងសុខាភិបាលលោក Anutin Charnvirakul បានប្រាប់អ្នកសារព័ត៌មានថា៖ «ការធ្វើដូចនេះ គឺដើម្បីធ្វើឱ្យប្រសើរឡើងនូវភាពស៊ាំក្នុងរាងកាយ ដើម្បីប្រឆាំងនឹងវ៉្យារ៉្យង់ថ្មីនេះ។ ហើយគន្លាតនៃការចាក់វ៉ាកសាំង AstraZeneca ដែលនឹងត្រូវចាក់នៅដូសទី ២ គឺមានរយៈពេលពី ៣ ទៅ ៤ សប្ដាហ៍ ពីវ៉ាក់សាំង Sinovac»។ យ៉ាងណាមិញ មិនមានការសិក្សាជាក់លាក់ណាមួយស្តីពីការលាយវ៉ាក់សាំង ចិន Sinovac និងវ៉ាក់សាំង AstraZeneca នោះទេ ប៉ុន្តែប្រទេសមួយចំនួនកំពុងក្រឡេកមកមើលលទ្ធភាពនៃការលាយវ៉ាក់សាំងបញ្ចូលគ្នារវាងវ៉ាក់សាំងផ្សេងៗគ្នា ឬ ចាក់វ៉ាក់សាំងដូសទី៣ ដើម្បីទប់ទល់នឹងក្ដីបារម្ភរបស់វ៉ារ្យ៉ង់ថ្មី និងចំនួនឆ្លង…
-
ជានិមិត្តរូបនៃការបញ្ចប់សង្គ្រាម មេទ័ពអាមេរិកបានចាកចេញពីប្រទេសអាហ្វហ្គានីស្ថាន
កាលពីថ្ងៃចន្ទ ទី១២ កក្កដា នាយឧត្ដមសេនីយ៍អាមេរិក ដែលដឹកនាំសង្គ្រាមនៅប្រទេសអាហ្វហ្គានីស្ថានលោក Austin Miller បានចុះចេញពីតំណែងជាមេបញ្ជាការកងទ័ពអាមេរិកនៅប្រទេសនេះ ហើយធ្វើការចាកចេញដោយស្ងាត់ស្ងៀម ដែលនេះជានិមិត្តរូបនៃការបញ្ចប់សង្គ្រាមវែងបំផុតរបស់អាមេរិក ខណៈពេលក្រុមឧទ្ទាមបង្កើនសំទុះការវាយលុក។ លោក Miller ដែលជាមេបញ្ជាការផ្កាយបួនចុងក្រោយរបស់អាមេរិកបម្រើការនៅលើទឹកដីនៃប្រទេសអាហ្វហ្គានីស្ថាន បានឡើងលើឧទ្ធម្ភាគចក្រមួយគ្រឿងហើយបានហោះចេញពីមូលដ្ឋានយោធានៅរដ្ឋធានីកាប៊ុល ដែលជាមជ្ឈមណ្ឌលសរសៃប្រសាទសម្រាប់ប្រតិបត្តិការសង្គ្រាម ដែលមានអាយុកាលពីរទសវត្សរ៍នេះ។ ប្រធានាធិបតីអាមេរិកចូ បៃដិនបាន កំណត់កាលបរិច្ឆេទបញ្ចប់បេសកកម្មយោធារបស់សហរដ្ឋអាមេរិកជាផ្លូវការនៅថ្ងៃទី ៣១ ខែសីហា ខណៈពេលដែលលោកចង់ផ្ដាច់ខ្លួនអាមេរិកចេញពីសង្គ្រាម ដែលបង្កដោយការវាយប្រហារអគារភ្លោះដោយក្រុមភេរវកម្មអាល់កៃដាកាលពីថ្ងៃទី ១១ កញ្ញា ២០០១។ ថ្លែងទៅកាន់ទាហានអាមេរិក និងមន្ត្រីអាហ្វហ្គានីស្ថានមួយចំនួនតូចលោក Miller បានប្ដេជ្ញាចងចាំអំពីជីវិតមនុស្សីដែលបានបាត់បង់នៅក្នុងការប្រយុទ្ធគ្នា ហើយបានទាមទារឱ្យតាលីបង់បញ្ឈប់ការវាយប្រហាររបស់ពួកគេ ដែលដណ្ដើមការគ្រប់គ្រងដែនដីជាច្រើនពីរដ្ឋាភិបាលគាំទ្រដោយអន្តជាតិ។ លោក Miller បាននិយាយថា៖ «អ្វីដែលខ្ញុំប្រាប់តាលីបង់ គឺពួកគេក៏ត្រូវទទួលខុសត្រូវផងដែរ។ អំពើហិង្សា ដែលកំពុងកើតឡើង គឺប្រឆាំងនឹងឆន្ទៈរបស់ប្រជាជនអាហ្វហ្គានីស្ថាន ហើយវាចាំបាច់ត្រូវបញ្ឈប់»។ កិច្ចការទាក់ទងជាមួយនឹងអាហ្វហ្គានីស្ថានទាំងអស់ ត្រូវផ្ទេរពីលោក Miller ទៅឱ្យអគ្គបញ្ជាការដ្ឋានមជ្ឈិមបូព៌ារបស់អាមេរិក ដែលជាបញ្ជាការដ្ឋានកងកម្លាំងអាមេរិកនៅតំបន់ក្ដៅរួមមានអ៊ីរ៉ាក់ និងស៊ីរី មានមូលដ្ឋាននៅរដ្ឋ Florida សហរដ្ឋអាមេរិក ហើយដឹកនាំដោយនាយឧត្ដមសេនីយ៍ Kenneth McKenzie។ លោក…
-
ចិនបានអះអាងថា ខ្លួនបានដេញនាវាចម្បាំងអាមេរិកចេញពីសមុទ្រចិនខាងត្បូង
យោធាចិនបានអះអាងថា ខ្លួនបានដេញនាវាចម្បាំងរបស់សហរដ្ឋអាមេរិក ដែលមានឈ្មោះថា USS Benfold ចេញពីដែនទឹកមួយនៅក្បែរប្រជុំកោះមានជម្លោះ Paracel នៅតំបន់សមុទ្រចិនខាងត្បូង នេះបើតាមសេចក្ដីថ្លែងការណ៍របស់បញ្ជាការដ្ឋានភូមិភាគខាងត្បូងរបស់កងទ័ពរំដោះប្រជាជនចិន (PLA) កាលពីថ្ងៃចន្ទ ទី១២ កក្កដា។ ស្ថាប័នកងទ័ពចិននៅតំបន់នេះបានលើកឡើងថា អាមេរិកបានចូលក្នុងដែនទឹករបស់ចិនកាលពីថ្ងៃទី១២ ខែកក្កដាកន្លងទៅ ដោយគ្មានការអនុញ្ញាតពីរដ្ឋាភិបាលរបស់ចិន។ ក្រសួងការបរទេសចិនតាមរយៈអ្នកនាំពាក្យលោក Zhao Lijian ក៏បានជំរុញឱ្យអាមេរិកបញ្ឈប់នូវការបង្ករឿងនៅសមុទ្រចិនខាងត្បូងទៀតទៅ។ ផ្ទុយពីនេះទៅវិញ កងទ័ពជើងទឹកសហរដ្ឋអាមេរិកបានចេញសេចក្ដីថ្លែងការណ៍ទៅវិញភ្លាមៗច្រានចោលការលើកឡើងរបស់ចិន។ អាមេរិកបានអះអាងថា ខ្លួនបានប្រើប្រាស់សេរីភាពក្នុងការធ្វើនាវាចរណ៍ និងសេរីភាពក្នុងការហោះហើរ ដោយផ្អែកលើច្បាប់សមុទ្រអន្តរជាតិឆ្នាំ១៩៨២ប៉ុណ្ណោះ ហើយព្រមទាំងសង្កត់ធ្ងន់ថា ខ្លួននឹងបន្តធ្វើបែបនេះនៅកន្លែងណា ដែលច្បាប់អន្តរជាតិអនុញ្ញាត។ យោធាអាមេរិកបានគូសបញ្ជាក់ថា នាវា Benfold នឹងមិនបញ្ឈប់ដំណើរនោះទេ បើទោះជាមានការរារាំងពីចិនក៏ដោយ៕ ប្រភព៖ CNA
-
ក្រុមឧទ្ទាមនៅអេត្យូពី បានអះអាងថាខ្លួនបានបង្កើនការកាន់កាប់នៅ តំបន់ Tigray
ជម្លោះរវាងរដ្ឋាភិបាល អេត្យូពីនិងកងកម្លាំងនៅតំបន់ Tigray ភាគខាងជើងរបស់អេត្យូពីបានធ្វើឱ្យប្រទេសនេះមានភាពវឹកវរអស់រយៈពេលជាច្រើនខែមកហើយ ដោយការប្រយុទ្ធគ្នានេះបាន បន្តចាប់តាំងពីខែ វិច្ឆិកាឆ្នាំ ២០២០ ដែលធ្វើឱ្យប្រទេសនៅស្នែងទ្វីបអាហ្វ្រិកនេះមានអស្ថិរភាព ហើយធ្វើឱ្យមនុស្សរាប់ពាន់នាក់ បានស្លាប់និង ៣៥០.០០០ នាក់ផ្សេងទៀតកំពុងរស់នៅក្នុងស្ថានភាពអត់ឃ្លាន។ កម្លាំងមកពីតំបន់ Tigray បាននិយាយកាលពីថ្ងៃចន្ទថាពួកគេកំពុងរុញច្រានកម្លាំងរបស់ រដ្ឋាភិបាលភាគខាងត្បូង ហើយដណ្ដើមបានទីក្រុងពីកម្លាំងរដ្ឋាភិបាលដោយបានបញ្ជាក់ពីការប្តេជ្ញាចិត្តរបស់ពួកគេក្នុងការបន្តប្រយុទ្ធ រហូតដល់ពេលព្រំដែនកាលពីមុនសង្គ្រាម ត្រូវបានស្តាឡើងវិញ។ ការអះអាងចូលដណ្ដើមនេះ គឺមិនអាចបញ្ជាក់ពីដោយឯករាជ្យនោះទេ ពីព្រោះទំនាក់ទំនងនៅតំបន់នេះមានការធ្លាក់ចុះ។ ជម្លោះបានផ្ទុះឡើងនៅតំបន់ Tigray កាលពី ៨ ខែមុន បន្ទាប់ពី នាយករដ្ឋមន្ត្រីអេត្យូពីលោក Abiy Ahmed បានបញ្ជូនកម្លាំងរដ្ឋាភិបាល ដើម្បីបង្ក្រាបការបះបោរមួយដោយក្រុមដ៏មានឥទ្ធិពលគឺរណសិរ្សរំដោះប្រជាជន Tigray (TPLF) ។ គណបក្សវិបុលភាព របស់លោកនាយករដ្ឋមន្ត្រី Ahmed បានឈ្នះការបោះឆ្នោតជ្រើសតាំងតំណាងរាស្ត្រ ដែលបានធ្វើឡើងនាពេលថ្មីៗនេះ ដោយបានទទួលសំឡេងគាំទ្រលើសលប់ ធ្វើលោករឹតបន្តឹងការកាន់អំណាច។ រដ្ឋាភិបាលក៏បានប្រកាសជ័យជម្នះ បីសប្ដាហ៍ក្រោយពេលមានការដណ្តើម កាន់កាប់រដ្ឋធានីក្នុងតំបន់ Mekelle ប៉ុន្តែការប្រយុទ្ធនៅតែ បន្តធ្វើឱ្យមនុស្សរាប់ពាន់នាក់ស្លាប់និងជិត ២ លាន នាក់ត្រូវបានបង្ខំឲ្យចាកចេញពីផ្ទះរបស់ពួកគេ។ ប៉ុន្តែនៅថ្ងៃទី ២៨…
-
ចិនបានអះអាងថា ខ្លួនបានដេញនាវាចម្បាំងអាមេរិកចេញពីសមុទ្រចិនខាងត្បូង
ហ៊ីម រដ្ឋា យោធាចិនបានអះអាងថា ខ្លួនបានដេញនាវាចម្បាំងរបស់សហរដ្ឋអាមេរិក ដែលមានឈ្មោះថា USS Benfold ចេញពីដែនទឹកមួយនៅក្បែរប្រជុំកោះមានជម្លោះ Paracel នៅតំបន់សមុទ្រចិនខាងត្បូង នេះបើតាមសេចក្ដីថ្លែងការណ៍របស់បញ្ជាការដ្ឋានភូមិភាគខាងត្បូងរបស់កងទ័ពរំដោះប្រជាជនចិន (PLA) កាលពីថ្ងៃចន្ទ ទី១២ កក្កដា។ ស្ថាប័នកងទ័ពចិននៅតំបន់នេះបានលើកឡើងថា អាមេរិកបានចូលក្នុងដែនទឹករបស់ចិនកាលពីថ្ងៃទី១២ ខែកក្កដាកន្លងទៅ ដោយគ្មានការអនុញ្ញាតពីរដ្ឋាភិបាលរបស់ចិន។ ក្រសួងការបរទេសចិនតាមរយៈអ្នកនាំពាក្យលោក Zhao Lijian ក៏បានជំរុញឱ្យអាមេរិកបញ្ឈប់នូវការបង្ករឿងនៅសមុទ្រចិនខាងត្បូងទៀតទៅ។ ផ្ទុយពីនេះទៅវិញ កងទ័ពជើងទឹកសហរដ្ឋអាមេរិកបានចេញសេចក្ដីថ្លែងការណ៍ទៅវិញភ្លាមៗច្រានចោលការលើកឡើងរបស់ចិន។ អាមេរិកបានអះអាងថា ខ្លួនបានប្រើប្រាស់សេរីភាពក្នុងការធ្វើនាវាចរណ៍ និងសេរីភាពក្នុងការហោះហើរ ដោយផ្អែកលើច្បាប់សមុទ្រអន្តរជាតិឆ្នាំ១៩៨២ប៉ុណ្ណោះ ហើយព្រមទាំងសង្កត់ធ្ងន់ថា ខ្លួននឹងបន្តធ្វើបែបនេះនៅកន្លែងណា ដែលច្បាប់អន្តរជាតិអនុញ្ញាត។ យោធាអាមេរិកបានគូសបញ្ជាក់ថា នាវា Benfold នឹងមិនបញ្ឈប់ដំណើរនោះទេ បើទោះជាមានការរារាំងពីចិនក៏ដោយ៕ ប្រភព៖ China says it ‘drove away’ US warship in South China Sea https://www.channelnewsasia.com/news/asia/china-south-china-sea-paracel-islands-drove-away-us-warship-15205044 Navy Denies Chinese Forces Chased…
-
ក្រុមហ៊ុនផលិតវ៉ាក់សាំងចិន នឹងផ្គត់ផ្គង់វ៉ាក់សាំងកូវីដ១៩ រហូតទៅដល់ ៥៥០ លានដូសទៅកម្មវិធី COVAX
កាលពីថ្ងៃចន្ទ ទី១២ កក្កដា ក្រុមហ៊ុនផលិតវ៉ាក់សាំងចិន Sinovac និង Sinopharm បានយល់ព្រមផ្គត់ផ្គង់វ៉ាក់សាំងកូវីដ១៩របស់ពួកគេទៅកាន់កម្មវិធី COVAX ជាការផ្ដល់ការជំរុញដ៏សំខាន់ដល់កិច្ចខិតខំប្រឹងប្រែងចែកចាយជុំវិញពិភពលោក ដែលបានបរាជ័យក្នុងការសម្រេចគោលដៅដើមដោយសារកង្វះវ៉ាក់សាំង។ យោងតាមសម្ព័ន្ធមិត្តវ៉ាក់សាំង Gavi ដែលតំណាងឱ្យ COVAX ក្នុងការបញ្ជាទិញ ក្រុមហ៊ុន Sinopharm បានយល់ព្រមផ្គត់ផ្គង់វ៉ាក់សាំងចំនួន ៦០ លានដូសចាប់ពីខែកក្កដា ដល់ខែតុលា ដោយមានជម្រើសបញ្ជាទិញបន្ថែមទៀតចំនួន ១១០ លានដូស។ ខណៈពេលដែលក្រុមហ៊ុន Sinovac បានយល់ព្រមផ្គត់ផ្គង់រហូតទៅដល់ ៣៨០ លានដូស។ Gavi បាននិយាយនៅក្នុងសេចក្ដីថ្លែងការណ៍មួយថា៖ «កិច្ចព្រមព្រៀងទាំងនេះ ដែលធ្វើឡើងនៅពេលដែលវីរុសបម្លែងដែលតាកំពុងបង្កើនហានិភ័យដល់ប្រព័ន្ធសុខាភិបាល និងចាប់ផ្ដើមផ្ដល់ជូនវ៉ាក់សាំងចំនួន ១១០ លានដូសភ្លាមៗ ទៅកាន់អ្នកដែលចូលរួមទាំងអស់នៃ COVAX Facility ដោយមានជម្រើសសម្រាប់ដូសបន្ថែមទៀត»។ កម្មវិធីនេះ ដែលគាំទ្រដោយអង្គការសុខភាពពិភពលោក ត្រូវបានរៀបចំឡើងកាលពីឆ្នាំមុន ដោយមានគោលដៅធ្វើការចែកចាយវ៉ាក់សាំងកូវីដ១៩ចំនួន ១,៨ ពាន់លានដូសទៅកាន់បណ្ដាប្រទេសកំពុងអភិវឌ្ឍត្រឹមឆ្នាំ ២០២២។ COVAX បានជួបប្រទះនឹងបញ្ហាជាច្រើន ដែលរួមមានកង្វះវ៉ាក់សាំង ហើយមកដល់ពេលនេះបានចែកចាយវ៉ាក់សាំងចំនួន ១០២ លានដូស ដែលជាគម្លាតដ៏ធំពីគោលដៅខាងលើ។…