-
មីយ៉ាន់ម៉ាបន្ថែមបិទខ្ទប់ ៦៣ក្រុងហើយ ផ្ទុះកូវីដខ្លាំង
ក្រសួងសុខាភិបាលនិងកីឡានៃប្រទេសមីយ៉ាន់ម៉ាបានបញ្ជាឲ្យប្រជាពលរដ្ឋរស់នៅក្នុង១៨ក្រុងទៀត ស្នាក់នៅតែក្នុងផ្ទះ ដោយសារតែការរាតត្បាតជំងឺកូវីដ១៩ ដោយត្រូវអនុវត្ត ចាប់ពីថ្ងៃទី១២ កក្កដា ២០២១មក។ មកទល់ពេលនេះ ក្រសួងបានឲ្យស្នាក់នៅក្នុងផ្ទះបែបនេះ សម្រាប់ប្រជាពលរដ្ឋនៅ៦៣ក្រុងហើយ ទូទាំងប្រទេស។ ក្រសួងថា កាលពីម្សិលមិញ ចំនួនឆ្លងជំងឺកូវីដ១៩ នៅមីយ៉ាន់ម៉ាបានកើនដល់ ជាង១៩ម៉ឺននាក់ហើយ ខណៈ២៤ម៉ោងចុងក្រោយ ឆ្លងថ្មី៣៤៦១នាក់ ហើយស្លាប់វិញ មាន៨២នាក់ នាំឲ្យស្លាប់ព្រោះជំងឺកូវីដ១៩សរុបនៅមីយ៉ាន់ម៉ា កើនដល់៣៨៣៨នាក់ហើយ៕
-
អ្នកឆ្លង COVID-19 នៅទូទាំងពិភពលោកកើនឡើងដល់១៨៧លាន៦៣ម៉ឺននាក់ ក្នុងនោះស្លាប់ជាង៤លាន៤ម៉ឺននាក់ និងជាសះស្បើយ១៧១លាន៥៨ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១៨៧លាន៦៣ម៉ឺន២ពាន់៧៥៦ករណី ក្នុងនោះមានអ្នកជម្ងឺសរុបចំនួន៤លាន៤ម៉ឺន៩ពាន់៧១នាក់ស្លាប់ និង ជាសះស្បើយឡើងវិញសរុបចំនួន១៧១លាន៥៨ម៉ឺន៤ពាន់២១៨នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី១២ ខែកក្កដា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣៤លាន៧៣ម៉ឺន២ពាន់៧៥៣នាក់ ស្លាប់ចំនួន៦២ម៉ឺន២ពាន់៨៤៥នាក់ និងជាសះស្បើយចំនួន២៩លាន២៤ម៉ឺន៤ពាន់១០៣នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៣០លាន៨៧ម៉ឺន៣ពាន់៩០៧នាក់ ស្លាប់៤០ម៉ឺន៨ពាន់៧៩២នាក់ និងជាសះស្បើយ៣០លាន៧ពាន់២០០នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន១៩លាន៨ម៉ឺន៩ពាន់៩៤០នាក់ ស្លាប់ចំនួន៥៣ម៉ឺន៣ពាន់៥៤៦នាក់ និងជាសះស្បើយ១៧លាន៥៨ម៉ឺន៨ពាន់៣១២នាក់ ៕ ប្រភព៖ worldometers
-
មីយ៉ាន់ម៉ាដាក់ចេញវិធានការអោយស្នាក់នៅក្នុងផ្ទះនៅទីក្រុងចំនួន១៨បន្ថែមទៀតនៅទូទាំងប្រទេស ដើម្បីទប់ទល់នឹងជំងឺកូវីដ-១៩
មីយ៉ាន់ម៉ា៖ ប្រព័ន្ធផ្សព្វផ្សាយរដ្ឋបានរាយការណ៍នៅថ្ងៃអាទិត្យថា ក្រសួងសុខាភិបាល និងកីឡាមីយ៉ាន់ម៉ាបានសម្រេចដាក់ចេញនូវបទបញ្ជាឲ្យស្នាក់នៅក្នុងផ្ទះ នៅក្នុងទីក្រុងចំនួន១៨ផ្សេងទៀតនៅទូទាំងប្រទេស ខណៈដែលករណីឆ្លងជំងឺកូវីដ១៩កំពុងតែកើនឡើងខ្លាំង ។ គិតមកទល់ពេលនេះ ក្រសួងសុខាភិបាល និងកីឡាមីយ៉ាន់ម៉ាបានដាក់បទបញ្ជាអោយស្ថិតនៅក្នុងផ្ទះចំពោះខេត្ត-ក្រុងចំនួន៦៣ហើយនៅទូទាំងប្រទេស ។ បទបញ្ជាអោយស្នាក់នៅក្នុងផ្ទះ ដែលនឹងចូលជាធរមាននៅថ្ងៃចន្ទដើមសប្តាហ៍នេះ នឹងត្រូវអនុវត្តចំពោះទីប្រជុំជនចំនួន០៦ ក្នុងតំបន់ Bago និង១២នៅទីក្រុងក្នុងតំបន់រ៉ង់ហ្គោន ដោយសារតែការឆ្លងជំងឺកូវីដ១៩កើនឡើងខ្លាំង ។ បើតាមតួលេខរបស់ក្រសួងនៅថ្ងៃអាទិត្យនេះ ចំនួនករណីឆ្លងជំងឺកូវីដ១៩នៅមីយ៉ាន់ម៉ាបានកើនឡើងដល់១៩ម៉ឺន២ពាន់២១៣ករណី បន្ទាប់ពីករណីឆ្លងថ្មីចំនួន ៣ពាន់៤៦១ករណីត្រូវបានរាយការណ៍ក្នុងរយៈពេល២៤ម៉ោងចុងក្រោយនេះ ៕ ប្រភព៖ ស៊ីនហួរ
-
វៀតណាមពង្រីកតំបន់បិទខ្ទប់រយៈពេល០២សប្តាហ៍ ចំពេលផ្ទុះករណីឆ្លងវីរុសកូវីដ-១៩ថ្មីៗកើនឡើងខ្លាំង
វៀតណាម៖ រដ្ឋាភិបាលវៀតណាមបញ្ជាក់ថា វៀតណាមនឹងបន្ថែមការរឹតបន្តឹងចលនាមនុស្សនៅទីក្រុង Can Tho ភាគខាងត្បូងរយៈពេល១៤ថ្ងៃ ដោយចាប់ផ្តើមពីថ្ងៃចន្ទនេះតទៅ ស្របពេលដែលប្រទេសអាស៊ីអាគ្នេយ៍មួយនេះខិតខំទប់ទល់នឹងការផ្ទុះជំងឺកូវីដ១៩ដ៏អាក្រក់បំផុត ។ ក្រសួងសុខាភិបាលវៀតណាម កាលពីថ្ងៃអាទិត្យបានរាយការណ៍ពីអ្នកឆ្លងថ្មីចំនួន១ពាន់៩៥៣នាក់ ជាចំនួនឆ្លងលើ១ពាន់នាក់ដល់ថ្ងៃទី៧ជាប់គ្នា និងហួសចំនួនឆ្លងខ្ពស់បំផុតកាលពីថ្ងៃសៅរ៍ ដែលមានចំនួន១ពាន់៨៥៣នាក់ ។ ករណីឆ្លងភាគច្រើនបំផុតស្ថិតនៅទីក្រុងហូជីមិញ ដែលជាមជ្ឈមណ្ឌលផ្ទុះជំងឺកូវីដ១៩នៅវៀតណាមបច្ចុប្បន្ន ។ គួរកត់សម្គាល់ វៀតណាមមានអ្នកឆ្លងជំងឺកូវីដ១៩ចំនួន២ម៉ឺន៩ពាន់៨១៦នាក់ និងស្លាប់១១៦នាក់ ចាប់តាំងពីផ្ទុះជំងឺរាតត្បាតជាសកលមួយនេះ ។ ប្រទេសវៀតណាមកាលពីសប្តាហ៍កន្លងទៅ បានចាប់ផ្តើមដាក់ចេញនូវវិធានការរឹតត្បិតលើចលនាមនុស្សនៅក្នុងទីក្រុងធំៗ ក្នុងនោះរួមមានមជ្ឈមណ្ឌលសេដ្ឋកិច្ច ហូជីមីង និងរដ្ឋធានីហាណូយ ជាដើម ៕ ប្រភព៖ CNA
-
អ្នកជំនាញជប៉ុន៖ វីរុសកូវីដ-១៩បម្លែងខ្លួនថ្មី Delta រ៉ាប់រងជាង៣០%នៃករណីឆ្លងនៅក្នុងទីក្រុងតូក្យូ និងតំបន់ជិតខាងគ្នា
ជប៉ុន៖ ក្រុមអ្នកស្រាវជ្រាវជប៉ុនបានសន្និដ្ឋានថា ច្រើនជាង៣០% នៃការចម្លងវីរុសកូរ៉ូណានៅក្នុងទីក្រុងតូក្យូ និងតំបន់ជិតខាងគ្នានោះ បង្កឡើងដោយសារការរីករាតត្បាតនៃវីរុសកូវីដ១៩បម្លែងខ្លួនថ្មី Delta ដែលត្រូវបានគេរកឃើញដំបូងនៅប្រទេសឥណ្ឌា ។ ក្រុមអ្នកវិទ្យាសាស្រ្តនៅឯវិទ្យាសា្ថនជាតិផ្នែកជំងឺឆ្លង បាននិយាយនៅកំឡុងកិច្ចប្រជុំមួយនៃក្រុមអ្នកជំនាញរបស់ក្រសួងសុខាភិបាលជប៉ុនកាលពីសប្តាហ៍មុនថា ពួកគេបានប៉ាន់ប្រមាណពីតួលេខខាងលើនេះ ដោយផ្អែកលើលទ្ធផលបានមកពីធ្វើតេស្តមនុស្សដែលរកឃើញមានផ្ទុកវីរុសបម្លែងខ្លួនថ្មី ។ ក្រុមអ្នកស្រាវជ្រាវនិយាយទៀតថា ចំនួនអ្នកឆ្លងវីរុសបម្លែងខ្លួនថ្មី Delta បានចាប់ផ្តើមកើនឡើងនៅពាក់កណ្តាលខែមិថុនាក្នុងទីក្រុងតូក្យូ និងនៅតំបន់ព័ទ្ធជុំវិញខេត្ត Saitama , Chiba និង Kanagawa ហើយថា វីរុសបម្លែងខ្លួនថ្មីត្រូវបានគេប៉ាន់ប្រមាណថា មានរហូតដល់៣៤%នៃករណីឆ្លងទាំងអស់នៅក្នុងតំបន់ទាំងនោះ ។ អ្នកវិទ្យាសាស្រ្តថែមទាំងបានព្យាករណ៍ដែរថា ករណីឆ្លងថ្មីៗនឹងកើនឡើងប្រហែល៧៥ភាគរយនៅចុងខែកក្កដា ហើយថា វីរុសបម្លែងខ្លួនថ្មីនឹងរ៉ាប់រងស្ទើរទាំងអស់នៃករណីឆ្លងនៅក្នុងខែសីហាខាងមុខនេះ ៕ ប្រភព៖ NHK
-
អាមេរិកដាក់ក្រុមហ៊ុនចិនចំនួន ១៤ ចូលបញ្ជីខ្មៅ ជុំវិញបញ្ហាសិទ្ធមនុស្សនៅតំបន់ស៊ីនជាំង
សុខ វេងឈាង កាលពីថ្ងៃសុក្រ ទី៩ កក្កដា រដ្ឋបាលរបស់ប្រធានាធិបតីអាមេរិកចូ បៃដិន បានដាក់ក្រុមហ៊ុន និងនីតិបុគ្គលចិនចំនួន ១៤ រូប ចូលបញ្ជីខ្មៅសេដ្ឋកិច្ច ជុំវិញការចោទប្រកាន់រំលោភសិទ្ធមនុស្ស និងការឃ្លាំមើលនៅតំបន់ស៊ីនជាំង។ ក្រសួងពាណិជ្ជកម្មអាមេរិក បាននិយាយថាក្រុមហ៊ុនទាំងនោះ «មានជាប់ទាក់ទងនឹងការរំលោភសិទ្ធិមនុស្ស និងការរំលោភបំពាននានាក្នុងការអនុវត្តយុទ្ធនារបស់ចិនដែលរួមមានការបង្ក្រាប ការឃុំឃាំងមនុស្សទ្រង់ទ្រាយធំ និងការឃ្លាំមើលទំនើប ប្រឆាំងនឹងជនជាតិអ៊ុយហ្គ័រ កាហ្សាក់ និងសមាជិកដទៃទៀតនៃក្រុមជនជាតិភាគតិចមូស្លីម នៅតំបន់ស្វយ័តស៊ីនជាំងអ៊ុយហ្គ័រ»។ កាលពីខែមុន អាមេរិកបានដាក់ក្រុមហ៊ុន និងនីតិបុគ្គលចិនចំនួន ៥រូប ផ្សេងទៀតក្នុងបញ្ជីខ្មៅជុំវិញការចោទប្រកាន់ការបង្ខំឱ្យធ្វើការ។ ប្រទេសចិនបានច្រានចោលការចោទប្រកាន់អំពីការប្រព្រឹត្តអំពើប្រល័យពូជសាសន៍ ការរំលោភសិទ្ធមនុស្ស និងការបង្ខំឱ្យធ្វើការនៅតំបន់ស៊ីនជាំង ហើយបាននិយាយថាគោលនយោបាយរបស់ខ្លួន គឺចាំបាច់ដើម្បីលុបបំបាត់ក្រុមបំបែកខ្លួន និងក្រុមជ្រុលនិយមសាសនា ដែលបានឃុបឃិតធ្វើការវាយប្រហារ និងបង្កភាពតានតឹងរវាងជនជាតិភាគតិច និងរដ្ឋាភិបាលចិន។ អ្នកនាំពាក្យក្រសួងការបរទេសចិនលោក Wang Wenbin បាននិយាយថា៖ «ភាគីចិននឹងចាត់វិធានការចាំបាច់ទាំងអស់ដើម្បីការពារសិទ្ធិ និងផលប្រយោជន៍ស្របច្បាប់របស់ក្រុមហ៊ុនចិន និងច្រានចោលរាល់ការប៉ុនប៉ងរបស់សហរដ្ឋអាមេរិកដើម្បីជ្រៀតជ្រែកចូលកិច្ចការផ្ទៃក្នុងរបស់ប្រទេសចិន»។ រួមជាមួយក្រុមហ៊ុនទាំង១៤នេះ ក្រសួងពាណិជ្ជកម្មអាមេរិកបាននិយាយថាពួកគេនឹងដាក់នីតិបុគ្គលសរុបចំនួន ៣៤នាក់ ទៅក្នុងបញ្ជីខ្មៅនេះ ដែលរួមមានស្ថាប័នអ៊ីរ៉ង់ និងរុស្សីមួយចំនួន ហើយនីតិបុគ្គលចំនួន៥ នាក់ ដែលពាក់ព័ន្ធនឹងទំនើបកម្មយោធាចិន ក្នុងវិស័យអាវុធកាំរស្មីឡាស៊ែរ…
-
អ៊ុយក្រែន និងណាតូធ្វើសមយុទ្ធនៅសមុទ្រខ្មៅ បន្ទាប់ពីការប្រឈមមុខដាក់គ្នារវាងរុស្សី-អង់គ្លេស
សុខ វេងឈាង កាលពីថ្ងៃសៅរ៍ ទី១០ កក្កដា ប្រទេសអ៊ុយក្រែន និងអង្គការណាតូបានបញ្ចប់ការធ្វើសមយុទ្ធរយៈពេលពីសប្ដាហ៍នៅសមុទ្រខ្មៅ ដែលមានការចូលរួមពីនាវាចម្បាំងរាប់សិបគ្រឿង នៅក្នុងការបង្ហាញពីទំនាក់ទំនងនិងសមត្ថភាពការពាររបស់ពួកគេ បន្ទាប់ពីមានការប្រឈមមុខដាក់គ្នារវាងកងកម្លាំងប្រដាប់អាវុធរុស្សី និងនាវាចម្បាំងចក្រភពអង់គ្លេសនៅដែនសមុទ្រនេះកាលពីខែមុន។ ការធ្វើសមយុទ្ធ Sea Breeze 2021 មានការចូលរួមពីនាវាចម្បាំងចំនួនជាង ៣០ គ្រឿងនិងយន្តហោះជាង ៤០ មកពីបណ្ដាប្រទេសជាសមាជិកអង្គការណាតូ និងប្រទេសអ៊ុយក្រែន។ មេបញ្ជាការនាវាអាមេរិកដែលបានចូលរួមក្នុងសមយុទ្ធ USS Ross លើកឡើងថាសមយុទ្ធនេះត្រូវបានរៀបចំឡើងដើម្បីធ្វើប្រតិបត្តិការរួមគ្នានៃឧបករណ៍ និងបុគ្គលិករបស់ប្រទេសដែលបានចូលរួម កាន់់តែប្រសើរឡើង។ «យើងចង់បង្ហាញដល់មនុស្សគ្រប់គ្នា សហគមន៍អន្តរជាតិថាគ្មានប្រទេសណាមួយអាចទាមទារផ្ដាច់មុខសមុទ្រខ្មៅតែឯងបាន ឬដែនទឹកអន្តរជាតិណាមួយបានទេ» ឧត្ដមនាវីត្រីកងទ័ពជើងទឹកអាមេរិកលោក John D. John បាននិយាយបែបនេះ ហើយបន្តទៀតថា៖ «ដែនទឹកទាំងនោះជាកម្មសិទ្ធិរបស់សហគមន៍អន្តរជាតិ ហើយយើងប្ដេជ្ញាធានាថាប្រទេសទាំងអស់មានសិទ្ធចេញចូលផ្លូវទឹកអន្តរជាតិ»។ ក្រសួងការពារជាតិរុស្ស៊ីអោយដឹងថាខ្លួនបានតាមដានសមយុទ្ធ Sea Breeze យ៉ាងដិតដល់។ ស្របពេលជាមួយគ្នានេះដែរ យោធារុស្សីក៏បានធ្វើសមយុទ្ធជាច្រើននៅសមុទ្រខ្មៅ និងភាគនិរតីនៃប្រទេសរុស្ស៊ី ដោយមានយន្តហោះចម្បាំងធ្វើការសមទម្លាក់គ្រាប់បែក និងការដាក់ពង្រាយមីស៊ីលការពារដែនសមុទ្រចម្ងាយឆ្ងាយ។ កាលពីខែមុន រុស្សី អះអាងថាយោធារបស់ខ្លួនបានធ្វើការបាញ់ និងទម្លាក់គ្រាប់បែកព្រមាននាវាចម្បាំងអង់គ្លេស HMS Defender ដើម្បីដេញនាវានេះចេញឆ្ងាយពីតំបន់ក្បែរឧបទ្វីបគ្រីមៀ ដែលមូស្គូអះអាងថាជាដែនទឹករបស់ខ្លួន។…
-
អនុប្រធានាធិបតីចិន៖ ប្រទេសចិន និងសហរដ្ឋអាមេរិកគួរតែដោះស្រាយបញ្ហាតាមរយៈការសន្ទនា
សុខ ស្រីលុច តាមការស្រង់សម្តីរបស់សារព័ត៌មានរ៉យទ័រ អនុប្រធានាធិបតីចិន លោក Wang Qishan បាននិយាយកាលពីថ្ងៃទី ៨ កក្កដាថា ប្រទេសចិន និងសហរដ្ឋអាមេរិកគួរតែដោះស្រាយបញ្ហាតាមរយៈការសន្ទនា និងការពិគ្រោះយោបល់។ ទំនាក់ទំនងរវាងសហរដ្ឋអាមេរិក និងចិនកាន់តែអាក្រក់ទៅៗក្រោមរដ្ឋបាល Trump ។ ប្រទេសទាំងពីរបានធ្វើសង្រ្គាមពាណិជ្ជកម្មដែលបានប្រកួតប្រជែងគ្នាលើបច្ចេកវិទ្យា និងមានការប៉ះទង្គិចគ្នាលើបញ្ហារួមដូចជា បញ្ហាសិទ្ធិមនុស្ស និងប្រភពដើមនៃជម្ងឺកូវីដ-១៩ ។ បន្ថែមពីនេះ ប្រធានាធិបតីសហរដ្ឋអាមេរិក លោក Joe Biden មិនមានបំណងផ្លាស់ប្តូរវិធីសាស្រ្ត និងយល់ស្របជាមួយរដ្ឋបាលមុនលើបញ្ហាមួយចំនួនទាក់ទងនឹងប្រទេសចិន។ https://www.cnbc.com/2021/05/28/us-china-competition-does-not-have-to-end-in-conflict-expert-says.html https://www.reuters.com/world/chinese-vp-wang-says-china-us-should-handle-friction-via-dialogue-2021-07-09/
-
វ៉ារ្យ៉ង់ Delta និង វិសមភាពវ៉ាក់សាំងនឹងប៉ះពាល់ដល់ការស្ទុះងើបឡើងវិញនៃសេដ្ឋកិច្ចទូទាំងពិភពលោក
សៅ សម្ភស្ស បណ្តាប្រទេសទាំងអស់នៅទូទាំងពិភពលោក ត្រូវប្រឈមនឹងរលកថ្មីនៃវិបត្តិកូវីដ ១៩ ដោយបាននិងកំពុងដាក់ចេញនូវការរឹតបន្តឹងថ្មីការពារនូវការរីករាលដាលនៃវ៉ារ៉្យង់ Delta ថ្មី បន្ទាប់ពីរដ្ឋមន្រ្តីក្រសួងហិរញ្ញវត្ថុនៃក្រុមប្រទេស G20 ព្រមានថាការស្ទុះងើបឡើងវិញនៃសេដ្ឋកិច្ច ត្រូវបានគំរាមកំហែងដោយ វ៉ារ្យ៉ង់ថ្មី និងវិសមភាពនៃការចែកចាយវ៉ាក់សាំងទូទាំងពិភពលោក។ រដ្ឋមន្រ្តីក្រសួងហិរញ្ញវត្ថុនៃក្រុមប្រទេស G20 រៀបរាប់ក្នុងសេចក្ដីថ្លែងការណ៍ចុងក្រោយថា៖ «ការស្ទុះឡើងនៃសេដ្ឋកិច្ច និងការវិលត្រឡប់ទៅភាពប្រក្រតីវិញ ត្រូវបានកំណត់កម្រិតនៃការប្រឈមនឹងហានិភ័យនៃស្ថានភាពឆ្លងនៅក្នុងបណ្ដាប្រទេសទូទាំងពិភពលោក ជាពិសេសការរីករាលដាលនៃវ៉ារ្យ៉ង់ថ្មី និងការចាក់វ៉ាក់សាំងរៀងៗខ្លួន»។ ប្រធានគណៈកម្មាធិការសហគមន៍អ៊ឺរ៉ុប លោក Ursula von der Leyen បានមានប្រសាសន៍ថា៖ «វ៉ាក់សាំងប្រហែល ៥០០ លានដូស នឹងត្រូវបានចែកចាយទៅគ្រប់តំបន់ទាំងអស់នៅអឺរ៉ុបក្នុងរយៈពេលដ៏ខ្លីខាងមុខ»។ យោងតាមមជ្ឈមណ្ឌលការពារ និងគ្រប់គ្រងជំងឺអ៊ឺរ៉ុប សមាមាត្រនៃអ្នកទទួលបានវ៉ាក់សាំងទៅតាមក្រុមមនុស្សពេញវ័យ(មានអាយុចាប់ពី ១៨ ឆ្នាំឡើងទៅ) នៅក្នុងតំបន់សេដ្ឋកិច្ចអឺរ៉ុប និងនៅអឺរ៉ុប មានត្រឹមតែ ៤៤,១ ភាគរយប៉ុណ្ណោះ។ ដោយឡែក បើក្រឡេកមើលប្រជាជាតិជាច្រើនទូទាំង ទ្វីបអាហ្រ្វិក និងអាស៊ី កំពុងប្រឈមនឹងវិបត្តិកង្វះវ៉ាក់សាំង ជាច្រើនខែ ក្រោយទទួលបានវ៉ាក់សាំងមួយចំនួនពីកម្មវិធីចែកចាយវ៉ាក់សាំងសកល (COVAX) កន្លងមក។ តួរយ៉ាង ទ្វីបអាហ្រ្វិក គឺជាតំបន់ងាយរងគ្រោះបំផុត…
-
រដ្ឋឥណ្ឌាមានប្រជាជនច្រើនជាងគេព្យាយាមជំរុញគោលនយោបាយ «កូនតែពីរ»
មឹង ច័ន្ទសុម៉ានីតា រដ្ឋដែលមានប្រជាជនច្រើនបំផុតនៅឥណ្ឌាគឺអ៊ូតាប្រាដេស (Uttar Pradesh) បានស្នើបង្កើតច្បាប់ដែល មានគោលបំណងរារាំងគូស្វាមី ភរិយា មិនឱ្យមានកូនលើស ពីពីរនាក់ក្លាយ ធ្វើឱ្យរដ្ឋនេះជារដ្ឋគ្រប់គ្រងដោយគណបក្សរបស់នាយករដ្ឋមន្ត្រីណារិនដ្រា ម៉ូឌីទីពីរ ដែលបានស្នើការអនុម័តវិធានការគ្រប់គ្រងកំណើនប្រជាជន។ ប្រសិនបើរដ្ឋអ៊ូតាប្រាដេស ដែលមានប្រជាជនប្រមាណ២៤០លាននាក់ ជាប្រទេសមួយមែននោះរដ្ឋនឹងក្លាយជា ប្រទេសមានប្រជាជនច្រើនជាងគេទី ៥ នៅលើពិភពលោក ហើយដង់ស៊ីតេប្រជាជននៅរដ្ឋភាគខាងជើងនេះ គឺច្រើនជាងទ្វេដងនៃអត្រាដង់ស៊ីតេជាតិរបស់ឥណ្ឌាទៀត។ យោងតាមសំណើរបស់រដ្ឋាភិបាលរដ្ឋនេះ ដែលបានដាក់បង្ហាញកាលពីថ្ងៃសៅរ៍ ទី១០ ខែកក្កដា គូរស្វាម៉ីភរិយា ដែលមានកូនលើសពីពីរនាក់ នឹងមិនត្រូវបាន អនុញ្ញាតឱ្យទទួលបាន អត្ថប្រយោជន៍ ឬប្រាក់ឧបត្ថម្ភរបស់រដ្ឋាភិបាលទេ ហើយនឹងត្រូវហាមឃាត់ មិនឱ្យដាក់ពាក្យសុំការងារ របស់រដ្ឋ។ នៅក្នុងសេចក្ដីព្រាងច្បាប់នោះរដ្ឋាភិបាលបានអះអាងថាដោយសារតែ «ធនធាន អេកូឡូស៊ី និងសេដ្ឋកិច្ច មានកំណត់ វាចាំបាច់និងបន្ទាន់ សម្រាប់ការត្រៀមការផ្ដល់តម្រូវការជាមូលដ្ឋាននៃជីវិតមនុស្សទៅដល់ប្រជាជនទាំងអស់»។ ប្រាក់ចំណូលរបស់មនុស្សម្នាក់ នៅរដ្ឋអ៊ូតាប្រាដេស គឺតិចជាងពាក់កណ្ដាលចំណូលមធ្យម របស់ប្រជាជនឥណ្ឌា។ សេចក្ដីព្រាងច្បាប់ ដែលត្រូវបានបើកចំហ សម្រាប់ការផ្ដល់យោបល់ជា សាធារណៈរហូតដល់ខែកក្កដា នឹងត្រូវការការអនុម័តពីសមាជិកសភា។ ប្រទេសឥណ្ឌា ត្រូវបានគេរំពឹងថា នឹងយកឈ្នះប្រទេសចិនជាប្រទេសដែលមានប្រជាជនច្រើនជាងគេបំផុតនៅលើពិភពលោកនៅឆ្នាំ ២០២៧ …