-
មេដឹកនាំស្ដីទីហៃទីស្នើសុំទ័ពពីសហរដ្ឋអាមេរិក បន្ទាប់ពីអតីតប្រធានាធិបតីខ្លួនត្រូវគេធ្វើឃាត
ផត-អូ-ព្រីនស៍៖ រដ្ឋាភិបាលបណ្តោះអាសន្នរបស់ប្រទេសហៃទី ស្នើសុំឱ្យសហរដ្ឋអាមេរិក និងអង្គការសហប្រជាជាតិដាក់ពង្រាយកងទ័ពដើម្បីការពារហេដ្ឋារចនាសម្ព័ន្ធសំខាន់ៗ ខណៈដែលខ្លួនព្យាយាមធ្វើឱ្យប្រទេសមានស្ថេរភាព និងត្រៀមរៀបចំការបោះឆ្នោត បន្ទាប់ពីប្រធានាធិបតីលោក Jovenel Moïse វ័យ ៥៣ ឆ្នាំ ត្រូវបានធ្វើឃាតកាលពីសប្ដាហ៍មុន។ សំណើរសុំការគាំទ្រផ្នែកយោធារបស់សហរដ្ឋអាមេរិកនេះ ត្រូវបានគេមើលឃើញថាបានរំឭកពីរឿងដែលកើតឡើងនៅប្រទេសហៃទីក្នុងឆ្នាំ ១៩១៥ នៅពេលហ្វូងមនុស្សបានអូសប្រធានាធិបតីលោក Vilbrun Guillaume Sam ដោយកំហឹងចេញពីស្ថានទូតបារាំងហើយវាយលោករហូតដល់ស្លាប់។ ជាការឆ្លើយតប ប្រធានាធិបតីអាមេរិកលោក Woodrow Wilson នៅពេលនោះបានបញ្ជូនកងម៉ារីនទៅប្រទេសនេះ ដើម្បីផ្តល់យុត្តិកម្មដល់យោធាអាមេរិកកាន់កាប់ជិតពីរទសវត្សដែលជាមធ្យោបាយមួយដើម្បីបញ្ចៀសភាពអនាធិបតេយ្យ។ យោងតាមការចុះផ្សាយរបស់ទីភ្នាក់ងារសារព័ត៌មាន Associated Press លោក Mathias Pierre រដ្ឋមន្រ្តីរៀបចំការបោះឆ្នោតរបស់ហៃទី បាននិយាយកាលពីថ្ងៃសៅរ៍ ទី ១០ កក្កដា ថាកម្លាំងប៉ូលីសក្នុងតំបន់ខ្សោយ និងខ្វះធនធាន។ លោកនិយាយថា៖ «យើងមិនសុំឱ្យ(អាមេរិក) មកគ្រប់គ្រងលើប្រទេសនោះទេ។ យើងគ្រាន់តែស្នើសុំជំនួយទ័ពតូចមួយដើម្បីជួយយើងប៉ុណ្ណោះ។ ខ្ញុំគិតថាដោយសារតែយើងខ្សោយ ទើបយើងត្រូវការអ្នកជិតខាងជួយ»។ កាលពីថ្ងៃសៅរ៍ មន្ត្រីជាន់ខ្ពស់នៃរដ្ឋបាលរបស់លោក Biden លើកឡើងថា សហរដ្ឋអាមេរិកមិនមានផែនការផ្តល់ជំនួយយោធានៅពេលនេះទេ ។ មន្ត្រីដែលសុំអត្ថាធិប្បាយជាអនាមិកដដែល បាននិយាយថា រដ្ឋបាលរបស់ខ្លួននឹងបញ្ជូនភ្នាក់ងារជាន់ខ្ពស់របស់…
-
ប្រទេសចំនួន ២១ សម្ដែងការព្រួយបារម្ភខ្ពស់លើសេរីភាពសារព័ត៌មាននៅហុងកុង
ឡុងដ៍៖ ជប៉ុន អង់គ្លេស និងប្រទេសចំនួន ១៩ ផ្សេងទៀត បានចេញសេចក្តីថ្លែងការណ៍មួយកាលពីថ្ងៃសុក្រ ទី០៩ កក្កដា រិះគន់សកម្មភាពថ្មីៗប្រឆាំងនឹងបណ្តាញសារព័ត៌មានហុងកុង ហើយនិយាយថាខ្លួនមានការព្រួយបារម្ភយ៉ាងខ្លាំងទៅលើច្បាប់ថ្មីដែលអាចរឹតបន្តឹងការគ្រប់គ្រងលើប្រព័ន្ធផ្សព្វផ្សាយ ដើម្បីកាត់បន្ថយការរិះគន់រដ្ឋាភិបាល។ សេចក្ដីថ្លែងការណ៍ដែលរៀបចំដោយប្រទេសធំៗផ្សេងទៀត រួមមានអូស្រ្តាលី កាណាដា បារាំង អាល្លឺម៉ង់ អ៊ីតាលី និងសហរដ្ឋអាមេរិក បានបង្ហាញពីកង្វល់នៃការបិទកាសែតហុងកុងឈ្មោះ Apple Daily និងការចាប់ខ្លួនបុគ្គលិករបស់ស្ថាប័ននេះតាមវិធានការផ្លូវច្បាប់ថ្មីៗពីសំណាក់អាជ្ញាធរហុងកុង ដោយហៅថាជាការឆ្លើយតបនៃការកើនឡើងការ«ប្រឆាំងនឹងការត្រួតពិនិត្យតាមប្រព័ន្ធផ្សព្វផ្សាយ»។ ដោយជំរុញឱ្យអាជ្ញាធរចិនដីគោកក៏ដូចជាហុងកុង គោរព និងលើកស្ទួយសិទ្ធិដ៏សំខាន់ៗស្របតាមកាតព្វកិច្ចច្បាប់អន្តរជាតិផងនោះ សេចក្ដីថ្លែងការណ៍ដដែលបាននិយាយថា៖ «ការប្រើប្រាស់ច្បាប់សន្តិសុខជាតិ ក្នុងការបង្ក្រាបសារព័ត៌មានជាជំហានធ្ងន់ធ្ងរ និងអវិជ្ជមាន ដែលធ្វើឱ្យអន្តរាយដល់កម្រិតស្វ័យភាពខ្ពស់ សិទ្ធិ និងសេរីភាពរបស់ប្រជាជននៅហុងកុង»។ កាលពីឆ្នាំ ២០២០ រដ្ឋាភិបាលចិនបានណែនាំច្បាប់ថ្មីមួយដែលមានឈ្មោះថាច្បាប់សន្តិសុខជាតិ បង្កើតឡើងដើម្បីបង្ក្រាបនូវអ្វីដែលខ្លួនយល់ថាជាសកម្មភាពវិទ្ធង្សនា។ យ៉ាងណាមិញ ក្រោមគោលនយោបាយ «ប្រទេសមួយប្រព័ន្ធពីរ» របស់ចិន អតីតដែនដីអាណានិគមអង់គ្លេសកោះហុងកុង ធ្លាប់ត្រូវបានគេសន្យាថា នឹងទទួលបានសិទ្ធិ សេរីភាពពាក់កណ្តាលស្វ័យភាពតំបន់រយៈពេល ៥០ ឆ្នាំ បន្ទាប់ពីត្រូវបានប្រគល់ឱ្យទៅរដ្ឋាភិបាលក្រុងប៉េកាំងវិញក្នុងឆ្នាំ ១៩៩៧។ ប្រភព៖ Kyodo News
-
តុលាការកាណាដាបដិសេធសំណើររបស់នាយកប្រតិបត្តិជាន់ខ្ពស់ក្រុមហ៊ុនបច្ចេកវិទ្យាចិន Huawei
កាលពីថ្ងៃសៅរ៍ ទី៩ កក្កដា តុលាការកាណាដាបានបដិសេធសំណើរបស់នាយកប្រតិបត្តិជាន់ខ្ពស់ក្រុមហ៊ុនបច្ចេកវិទ្យាចិន Huawei Technologies ក្នុងការបញ្ជូនភស្តុតាងថ្មីទៅក្នុងសវនាការបត្យាប័នរបស់លោកស្រី។ តាមការស្រង់សម្តីរបស់សារព័ត៌មាន Reuters ប្រធានផ្នែកយុត្តិធម៍នៃតុលាការកំពូល លោកស្រី Heather Holmes បាននិយាយកាលពីថ្ងៃទី ៨ កក្កដាថា សំណើររបស់លោកស្រី Meng Wanzhou ត្រូវបានបដិសេធ។ គួរបញ្ជាក់ផងដែរថា កាណាដាបានចាប់ខ្លួនលោកស្រី Meng Wanzhou ប្រធានផ្នែកហិរញ្ញវត្ថុរបស់ក្រុមហ៊ុន Huawei នៅឯអាកាសយានដ្ឋាន Vancouver កាលពីឆ្នាំ ២០១៨ តាមសំណើរបស់សហរដ្ឋអាមេរិកដែលចង់ឲ្យលោកស្រីធ្វើបត្យាប័នប្រឈមនឹងការចោទប្រកាន់ពីបទឆបោក។ សហរដ្ឋអាមេរិកចោទប្រកាន់ក្រុមហ៊ុន Huawei ថា បានប្រើក្រុមហ៊ុនហុងកុងមួយដើម្បីលក់ឧបករណ៍ទៅឱ្យអ៊ីរ៉ង់ដោយរំលោភលើទណ្ឌកម្មរបស់សហរដ្ឋអាមេរិក។ អាមេរិកបានចោទប្រកាន់លោកស្រី Meng ថាបានបំភាន់ធនាគារ HSBC អំពីការធ្វើអាជីវកម្មរបស់ក្រុមហ៊ុននៅក្នុងប្រទេសអ៊ីរ៉ង់។ ឯកសារមេធាវីលោកស្រី Meng បានស្នើរធ្វើជាភស្តុតាងរួមមាន បណ្តាញអ៊ីម៉ែល និងសៀវភៅបញ្ជីរបស់ក្រុមហ៊ុនរបស់លោកស្រី។ ប្រភព៖ washingtonpost
-
ក្រុមប្រទេស G-20 គាំទ្រកំណែទម្រង់ប្រព័ន្ធពន្ធលើសាជីវកម្មអន្តរជាតិ
ក្រុមប្រទេសសេដ្ឋកិច្ចលំដាប់កំពូលទាំង ២០ ឬ ហៅកាត់ថាក្រុមប្រទេស G-20 បានគាំទ្រកំណែទម្រង់ប្រព័ន្ធពន្ធសាជីវកម្មពិភពលោក ដែលដាក់ចេញដោយអង្គការសម្រាប់កិច្ចសហប្រតិបត្តិការសេដ្ឋកិច្ច និងការអភិវឌ្ឍ (OECD) នៅក្នុងកិច្ចប្រជុំថ្នាក់រដ្ឋមន្ត្រីហិរញ្ញវត្ថុ និងទេសាភិបាលធនាគារកណ្ដាលនៃ G-20 ធ្វើឡើងរយៈពេល ២ថ្ងៃគឺនៅថ្ងៃទី៩ និងថ្ងៃទី១០ ខែកក្កដា នៅឯទីក្រុងពាណិជ្ជកម្មបុរាណ Venice ប្រទេសអ៊ីតាលី។ ប្រទេស G-20 ជាក្រុមប្រទេសមានសេដ្ឋកិច្ចជឿនលឿននៅក្នុងពិភពលោក ដោយ ២០ប្រទេសនេះបូកបញ្ចូលមានផលិតផលក្នុងស្រុកសរុប (GDP) ប្រមាណ ៨០% នៃ GDP ពិភពលោក និងមានពាណិជ្ជកម្មស្មើនឹង ៧៥% នៃពិភពលោក។ កិច្ចប្រជុំកាលពីថ្ងៃសុក្រ និងថ្ងៃសៅរ៍សប្ដាហ៍មុន គឺជាកិច្ចប្រជុំជួបមុខគ្នាដោយផ្ទាល់លើកដំបូងរវាងរដ្ឋមន្ត្រីសមាជិក G20 ចាប់តាំងពីការរីករាលដាលជំងឺកូវីដ១៩ ប៉ុន្តែមានរដ្ឋមន្ត្រីខ្លះដូចជា រដ្ឋមន្ត្រីហិរញ្ញវត្ថុចិនលោក Liu Kun បានចូលរួមតាមប្រព័ន្ធវីដេអូ។ ក្រោយពីប្រជុំបានបញ្ចប់ ក្រុមរដ្ឋមន្ត្រី និងទេសាភិបាលធនាគារបានចេញសេចក្ដីថ្លែងការណ៍រួមប្រវែង ៦ ទំព័រ ដែលនិយាយពីទិដ្ឋភាពសេដ្ឋកិច្ចពិភពលោក ក៏ដូចជាយុត្តិនាការវ៉ាក់សាំងប្រឆាំងជំងឺកូវីដ១៩ផងដែរ។ តាមរយៈសេចក្ដីថ្លែងការណ៍រួមនៃកិច្ចប្រជុំថ្នាក់រដ្ឋមន្ត្រីហិរញ្ញវត្ថុខាងលើនេះ ក្រុមប្រទេស G-20 បានប្រកាសពីការឯកភាពគ្នាលើចំណុចសំខាន់ៗនៃ កិច្ចព្រមព្រៀងថ្មីសម្រាប់កំណែទម្រង់ប្រព័ន្ធពន្ធអន្តរជាតិរបស់អង្គការ…
-
Biden ជំរុញឱ្យ Putin ចាត់វិធានការបញ្ឈប់ការវាយប្រហារតាមអ៊ីនធឺណេតពីរុស្ស៊ី
វ៉ាស៊ីនតោន៖ សេតវិមានថ្លែងថា ប្រធានាធិបតីអាមេរិកលោក Joe Biden កាលពីថ្ងៃសុក្រទី០៩ កក្កដា បានជំរុញឱ្យសមភាគីរុស្ស៊ីលោក Vladimir Putin ចាត់វិធានការទប់ស្កាត់ការវាយប្រហារតាមប្រព័ន្ធអ៊ីនធឺណេតប្រឆាំងនឹងអង្គភាពសហរដ្ឋអាមេរិកពីសំណាក់ប្រទេសរុស្ស៊ី។ ក្នុងកិច្ចសន្ទនារយៈពេលមួយម៉ោងតាមទូរស័ព្ទជាមួយលោក Putin លោក Biden បានបញ្ជាក់ពីតម្រូវការឱ្យរុស្ស៊ីចាត់វិធានការដើម្បីរំខានដល់ក្រុមអ្នកវាយប្រហារ Ransomware ដែលកំពុងប្រតិបត្តិការនៅក្នុងប្រទេសរុស្ស៊ី និងបានសង្កត់ធ្ងន់ និងប្តេជ្ញាថានឹងបន្តការចូលរួមលើការគំរាមកំហែងដែលបង្កឡើងដោយក្រុមនេះ។ លោកក៏បានបញ្ជាក់ជាថ្មីផងដែរថា រដ្ឋបាលរបស់លោក «នឹងចាត់វិធានការចាំបាច់ណាមួយ» ដើម្បីការពារប្រជាជនអាមេរិក និងហេដ្ឋារចនាសម្ព័ន្ធរបស់ប្រទេសនៅចំពោះមុខការវាយប្រហារតាមប្រព័ន្ធអ៊ីនធឺណេត។ កិច្ចសន្ទនារវាងមេដឹកនាំកំពូលទាំងពីរ បានធ្វើឡើងក្រោយពីជំនួបផ្ទាល់មុខគ្នានៅក្រុងហ្ស៊ឺណែវកាលពីពាក់កណ្ដាលខែមិថុនា។ លោក Biden បានប្រាប់អ្នកយកព័ត៌មានបន្ទាប់ពីកិច្ចសន្ទនានេះថា មេដឹកនាំទាំងពីរបានបង្កើតមធ្យោបាយនៃការប្រាស្រ័យទាក់ទងគ្នាជាប្រចាំ ដើម្បីពិភាក្សាអំពីព្រឹត្តិការណ៍ដែលជះឥទ្ធិពលដល់ប្រទេសរៀងៗខ្លួន។ លោក Biden ប្រាប់លោក Putin ថា៖ «ការវាយលុកតាមអ៊ីនធឺណេតដោយឧក្រិដ្ឋជនដែលមានមូលដ្ឋាននៅប្រទេសរុស្ស៊ី បានជះឥទ្ធិពលដល់សហរដ្ឋអាមេរិកនិងប្រទេសដទៃទៀតនៅជុំវិញពិភពលោក»។ យ៉ាងណាមិញ សេចក្តីថ្លែងការណ៍មួយពីវិមានក្រឹមឡាំងបាននិយាយថា លោក Putin បានប្រាប់លោក Biden ថារុស្ស៊ី «មិនបានទទួលសំណើណាមួយពីក្រសួងពាក់ព័ន្ធរបស់សហរដ្ឋអាមេរិកនៅក្នុងខែចុងក្រោយនេះទេ បើទោះបីជាភាគីរុស្ស៊ីត្រៀមខ្លួនបញ្ឈប់ឧក្រិដ្ឋកម្មក្នុងវិស័យព័ត៌មានក៏ដោយ»។ កាលពីខែឧសភាក្រុមឧក្រិដ្ឋជនតាមអ៊ិនធឺណេត DarkSide មានប្រតិបត្តិការពីប្រទេសរុស្ស៊ី បានបង្កកប្រតិបត្តិការក្រុមហ៊ុនដឹកជញ្ជូនប្រេងឥន្ធនៈ Colonial Pipeline…
-
៣ថ្ងៃជាប់គ្នាហើយ ដែលថៃឆ្លងកូវីដប្រចាំថ្ងៃ ជិត១ម៉ឺននាក់
ក្រសួងសុខាភិបាលប្រទេសថៃ នាព្រឹកថ្ងៃអាទិត្យ ទី១១ កក្កដា ២០២១នេះ បានឲ្យដឹងថា ២៤ម៉ោងចុងក្រោយមកនេះ ថៃមានឆ្លងកូវីដ១៩ ចំនួន ៩៥៣៩នាក់ទៀត និងស្លាប់៨៦នាក់ នេះបើតាមការចេញផ្សាយរបស់ The Nation។ ជាការកត់សម្គាល់ មានរយៈពេល ៣ថ្ងៃជាប់ៗគ្នាហើយ ថៃឆ្លងប្រចាំថ្ងៃ ជិត១ម៉ឺននាក់។ រីឯ មនុស្សស្លាប់ព្រោះជំងឺកូវីដ១៩ នៅថៃ ស្លាប់ប្រចាំថ្ងៃ ចន្លោះពី៧០ទៅជាង៩០នាក់៕
-
អាមេរិកដឹកជំនួយ Moderna ២លានដូស ដល់វៀតណាមហើយ
-
អាមេរិក៖ គ្រូបង្រៀន សិស្សមិនបាច់ពាក់ម៉ាសទៀតទេ បើចាក់វ៉ាក់សាំងរួច
គ្រូបង្រៀន និងសិស្សសាលាដែលបានចាក់វ៉ាក់សាំងរួច មិនចាំបាច់ពាក់ម៉ាសទេ ពេលចូលក្នុងអគារសាលា នេះបើតាមនាយកដ្ឋានគ្រប់គ្រងជំងឺឆ្លងអាមេរិកហៅកាត់ថា CDC នាថ្ងៃសុក្រទី១០ កក្កដា ២០២១នេះ។ ការបន្ធូរបន្ថយនេះបានកើតមានឡើងក្នុងពេលមានយុទ្ធនាការចាក់វ៉ាក់សាំងថ្នាក់ជាតិ ដោយកុមារវ័យ១២ឆ្នាំ ក៏ចាក់ដែរ ហើយក៏ស្របពេលចំនួនអ្នកជំងឺសម្រាកព្យាបាលនៅមន្ទីរពេទ្យ និងស្លាប់ព្រោះកូវីដ១៩ ធ្លាក់ចុះច្រើន៕ ប្រភពពី CGTN
-
លោក ចូ បៃដិន និងលោក វ្លាឌីមៀ ពូទីន ពិភាក្សាគ្នាតាមទូរស័ព្ទស្តីពីបញ្ហាប្រទេសស៊ីរី និងសន្តិសុខតាមប្រព័ន្ធអ៊ីនធើណិត
រុស្ស៊ី៖ ប្រធានាធិបតីរុស្ស៊ីលោក វ្លាឌីមៀ ពូទីន បានធ្វើការសន្ទនាគ្នាតាមទូរស័ព្ទជាមួយសមភាគីអាមេរិកលោក ចូ បៃដិន ដោយនាឱកាសនោះ មេដឹកនាំប្រទេសទាំងពីរបានពិភាក្សាគ្នាពាក់ព័ន្ធនឹងស្ថានភាពនៅស៊ីរី និងបញ្ហាសន្តិសុខតាមប្រព័ន្ធអ៊ីនធើណិត ។ បើតាមសេចក្តីថ្លែងការណ៍របស់វិមានក្រឹមឡាំង លោក ពូទីន និងលោក បៃដិន បានព្រមព្រៀងគ្នាបន្តកិច្ចសហប្រតិបត្តិការក្នុងន័យស្ថាបនារបស់ពួកលោក នៅក្នុងវិស័យសន្តិសុខតាមប្រព័ន្ធអ៊ីនធើណិត ។ លោក ពូទីន បានកត់សម្គាល់ថា ទោះបីរុស្ស៊ីមានឆន្ទៈធ្វើសហប្រតិបត្តិការលើការបង្ក្រាបតាមអ៊ិនធើណិត ជាមួយសហរដ្ឋអាមេរិកក៏ដោយ ក៏ភាគីរុស្ស៊ីមិនបានទទួលសំណើលើបញ្ហានេះទេ ។ វិមានក្រឹមឡាំងនិយាយថា កិច្ចសហប្រតិបត្តិការនេះ គួរតែត្រូវបានអនុវត្តដោយប្រើបណ្តាញជំនាញសម្រាប់ការផ្លាស់ប្តូរទិន្នន័យរវាងទីភ្នាក់ងាររដ្ឋាភិបាល ដែលមានការអនុញ្ញាតក្នុងក្របខណ្ឌ នៃយន្តការច្បាប់ទ្វេភាគី ក៏ដូចជាការអនុលោមតាមបទប្បញ្ញត្តិ នៃច្បាប់អន្តរជាតិ ។ មេដឹកនាំទាំងពីរក៏បានពិភាក្សាគ្នាទៅលើស្ថានភាពមនុស្សធម៌នៅក្នុងប្រទេសស៊ីរី និង ការខិតខំប្រឹងប្រែងរួមគ្នារវាងសហរដ្ឋអាមេរិក-រុស្ស៊ីទៅលើបញ្ហានេះនៅក្នុងក្រុមប្រឹក្សាសន្តិសុខអង្គការសហប្រជាជាតិផងដែរ នេះបើតាមសេចក្តីថ្លែងការណ៍ ៕ ប្រភព៖ ស៊ីនហួរ
-
សហរដ្ឋអាមេរិក និងបារាំងព្រមព្រៀងគ្នាពង្រីកកិច្ចសហប្រតិបត្តិការកងកម្លាំងពិសេស
អាមេរិក៖ ប្រមុខការពារជាតិអាមេរិក និងបារាំងបានចុះហត្ថលេខាលើ “ផែនទីចង្អុលផ្លូវថ្មីមួយ” ស្តីពីកិច្ចសហប្រតិបត្តិការរវាងកងកម្លាំងប្រតិបត្តិការពិសេសរបស់ប្រទេសទាំងពីរនៅថ្ងៃសុក្រនេះ ខណៈអាមេរិក និងបារាំងកំពុងព្យាយាមកសាងកិច្ចខិតខំប្រឹងប្រែងជាអន្តរជាតិ ដើម្បីប្រយុទ្ធប្រឆាំងនឹងការគំរាមកំហែងមិនមែនរដ្ឋ ដូចជាក្រុមភេវរករអាល់ កៃដា និងក្រុមរដ្ឋឥស្លាមជាដើម ។ រដ្ឋមន្រ្តីការពារជាតិបារាំងលោកស្រី Florence Parly បានចុះហត្ថលេខាលើកិច្ចព្រមព្រៀងនេះនៅឯមន្ទីរបញ្ចកោណរបស់ក្រសួងការពារជាតិអាមេរិក រួមជាមួយនឹងសមភាគីអាមេរិករបស់លោកស្រី គឺលោក Lloyd Austin ខណៈដំណើរទស្សនកិច្ចរបស់លោកស្រី Parly បានកើតមានឡើងចំពេលដែលសហរដ្ឋអាមេរិកបានដកកងទ័ពរបស់ខ្លួនចេញពីអាហ្វហ្គានីស្ថាន ហើយបារាំងក៏បានកាត់បន្ថយប្រតិ បត្តិការរបស់ខ្លួន ក្នុងការប្រយុទ្ធប្រឆាំងនឹងក្រុមភេវករនៅតំបន់ Sahel នៃទ្វីបអាហ្វ្រិកផងដែរ ។ បើតាមអ្នកនាំពាក្យមន្ទីរបញ្ចកោណ លោកវរសេនីយ៍ទោ Anton Semelroth បានហៅ “ផែនទីចង្អុលផ្លូវថ្មីមួយ” ថា ជា “សេចក្តីថ្លែងការណ៍អំពីចេតនាពង្រីកកិច្ចសហប្រតិបត្តិការលើគ្រប់វិស័យ នៃប្រតិបត្តិការពិសេស” ។ លោកបន្ថែមថា មិនមានការផ្តោតសំខាន់ជាក់លាក់នៅក្នុងតំបន់នៃកិច្ចព្រមព្រៀងនេះទេ ប៉ុន្តែប្រទេសទាំងពីរត្រូវបានគេដឹងថា កំពុងស្វែងរកមធ្យោបាយសម្រាប់សម្ព័ន្ធមិត្ត ដើម្បីបន្តធ្វើការជាមួយគ្នា ក្នុងការប្រយុទ្ធប្រឆាំងនឹងក្រុមអ៊ីស្លាមជីហាដ បើទោះបីជាពួកគេកាត់បន្ថយវត្តមានកងទ័ពរបស់ខ្លួននៅអាហ្វ្រិក អ៊ីរ៉ាក់ និងអាហ្វហ្គានីស្ថានក៏ដោយ ៕ ប្រភព៖ CNA