-
វៀតណាមបានវ៉ាក់សាំង Astrazeneca ជិត១លានដូសទៀត
វៀតណាមទទួលបានវ៉ាក់សាំង Astrazeneca ចំនួនជាង៩៨ម៉ឺនដូសបន្ថែមទៀត ត្រូវបានបញ្ជូនទៅដល់ប្រទេសវៀតណាម កាលពីព្រឹកថ្ងៃទី៩ កក្កដា ២០២១ តាមរយៈកិច្ចព្រមព្រៀងទិញផង និងជំនួយបរទេសផង នេះបើតាមការចេញផ្សាយរបស់ទីភ្នាក់ងារសារព័ត៌មាន VNexpress។ ប្រភពបន្តថា ក្នុងចំណោមនេះ មាន៥៨ម៉ឺនដូស គឺជាផ្នែកមួយនៃការបញ្ជាទិញ៣០លានដូស ខណៈជាង៤០ម៉ឺនដូសទៀត គឺជាជំនួយរបស់ជប៉ុន។ មកទល់ពេលនេះ វ៉ាក់សាំង Astrazeneca ប្រមាណ៥.៥លានដូសត្រូវបនបញ្ជូនទៅវៀតណាម តាមរយៈកុងត្រាទិញផង និង យន្តការកូវ៉ាក់ផង។ វៀតណាមបានចាប់ផ្តើមយុទ្ធនាការចាក់វ៉ាក់សាំងកូវីដ តាំងពីខែមីនា ដោយបានចាក់ជូនពលរដ្ឋជាង៣លាន៩សែននាក់ហើយ ប៉ុន្តែអ្នកទទួលដូសទី២ មាន២៤៩០០០នាក់៕
-
ស្ងាត់ៗ ភូមាឆ្លងកូវីដលើស១៨ម៉ឺននាក់ហើយ
ទីភ្នាក់ងារសារព័ត៌មានស៊ីនហួរបានចេញផ្សាយ នៅថ្ងៃទី៩ កក្កដាថា ចំនួនមនុស្សឆ្លងជំងឺកូវីដ១៩នៅប្រទេសមីយ៉ាន់ម៉ាបានកើនដល់ ១៨ម៉ឺន៥៥នាក់ហើយ គិតត្រឹមថ្ងៃទី៨ កក្កដា។ កំណើនខ្លាំងនេះបានកើតមាន ក្រោយក្រសួងសុខាភិបាលប្រកាសពីការឆ្លងថ្មីជាង៤ពាន់នាក់ ក្នុងពេល២៤ម៉ោង។ អ្នកស្លាប់មាន៥១នាក់ទៀត ធ្វើឲ្យអ្នកស្លាប់កើនដល់ ៣៦២១នាក់ហើយ នៅភូមា។ ក្នុងចំណោមជាង១៨ម៉ឺននាក់ ភូមាក៏បានព្យាបាលឲ្យជាសះស្បើយ ១៤២៣៩នាក់ ខណៈដែលមនុស្សជិត៣លាននាក់ត្រូវបានតេស្តសំណាក៕
-
កម្មវិធីចែកចាយវ៉ាក់សាំងសកល COVAX គ្រោងផ្តល់វ៉ាក់សាំង Covid-19 អោយបាន៥២០លានដូសទៅទ្វីបអាហ្វ្រិកនៅឆ្នាំ២០២១នេះ(មានវីដេ)
-
ការសិក្សាមួយនៅប្រេស៊ីលបង្ហាញថា វ៉ាក់សាំងចិន Sinovac មានប្រសិទ្ធភាពទាបប្រឆាំងនឹងវីរុសបម្លែងខ្លួនថ្មី Gamma(មានវីដេអូ)
-
ក្រុមហ៊ុន Pfizer គ្រោងស្នើសុំការអនុញ្ញាតពីអាជ្ញាធរសុខាភិបាលអាមេរិក ក្នុងការចាក់វ៉ាក់សាំងដូសទី៣ ខណៈវីរុសបម្លែងខ្លួនថ្មី Delta កំពុងរាតត្បាតខ្លាំង(មានវីដេអូ)
-
ថៃប្រកាសពីវិធានការបិទខ្ទប់ហើយ ក្រោយឆ្លងជិត១ម៉ឺននាក់ ត្រឹម១ថ្ងៃ
នាយករដ្ឋមន្ត្រីថៃ លោក ប្រាយុទ្ធ ចាន់អូចា បានដាក់ចេញវិធានការបិទខ្ទប់ តាមផ្នែកហើយ ក្រោយឆ្លងជិត១ម៉ឺននាក់ កាលពីម្សិលមិញ ប្រកាសឲ្យដឹង នាថ្ងៃទី៩ កក្កដានេះ។ វិធានការរួមមាន៖ ធ្វើការពីផ្ទះ, គ្មានការធ្វើដំណើរដែលមិនចាំបាច់លើកលែងតែទិញអាហារ និងស្វែងរកសេវាថែទាំសុខភាព, មិនឱ្យចាកចេញពីផ្ទះនៅចន្លោះម៉ោង ១០យប់ ដល់ ៤ ព្រឹក, ការដើរតាម Shopping Mall ត្រូវបិទ ប៉ុន្តែផ្សារទំនើបនិងផ្សារទូទៅបើកធម្មតា។ ការបិទខ្ទប់ ចាប់ផ្តើមនៅថ្ងៃស្អែក ទី១០ ខែកក្កដា ឆ្នាំ២០២១ និងមានរយៈពេល ១៤ ថ្ងៃ៕
-
ថៃរកឃើញករណីឆ្លង Covid-19 ថ្មីៗចំនួន៩,២៧៦ករណី និងស្លាប់៧២នាក់បន្ថែមទៀត នៅព្រឹកថ្ងៃសុក្រនេះ(មានវីដេអូ)
-
ក្រុមហ៊ុន Pfizer គ្រោងស្នើសុំការអនុញ្ញាតពីអាជ្ញាធរសុខាភិបាលអាមេរិក ក្នុងការចាក់វ៉ាក់សាំងដូសទី៣ ខណៈវីរុសបម្លែងខ្លួនថ្មី Delta កំពុងរាតត្បាតខ្លាំង
អាមេរិក៖ អ្នកវិទ្យាសាស្ត្រជាន់ខ្ពស់មួយរូបរបស់ក្រុមហ៊ុន Pfizer និយាយថា Pfizer មានផែនការស្នើសុំការអនុញ្ញាតពីអាជ្ញាធរនិយតករអាមេរិក ដើម្បីអាចចាក់វ៉ាក់សាំងបង្ការកូវីដ១៩របស់ខ្លួនសម្រាប់ដូសទី៣ នៅខែក្រោយនេះ ។ ការលើកឡើងខាងលើនេះរបស់ប្រធានក្រុមអ្នកវិទ្យាសាស្ត្ររបស់ក្រុមហ៊ុន Pfizer លោក មីកែល ដូលស្ទែន (Mikael Dolsten) ត្រូវបានធ្វើឡើងដោយផ្អែកលើភស្តុតាងនៃហានិភ័យ ក្នុងការឆ្លងវីរុស COVID-19 កើតមានសាជាថ្មី ក្រោយការចាក់វ៉ាក់សាំងគ្រប់ដូសបាន០៦ខែ និងដោយសារការព្រួយបារម្ភអំពីការឆ្លងរាលដាលនៃវីរុសបម្លែងថ្មី Delta ដែលមានប្រភពដើមនៅឥណ្ឌា ។ ទោះជាយ៉ាងណា រដ្ឋបាលឱសថ និងចំណីអាហារអាមេរិក (FDA) និងមជ្ឈ មណ្ឌលបង្ការ និងគ្រប់គ្រងជំងឺឆ្លង (CDC) បានបញ្ជាក់នៅក្នុងសេចក្តីថ្លែងការណ៍រួមគ្នាមួយថា ពលរដ្ឋអាមេរិកទាំងឡាំយណាដែលបានចាក់វ៉ាក់សាំងបង្ការកូវីដ១៩ពេញលេញហើយនោះ (ពីរដូស) មិនចាំបាច់ត្រូវទៅចាក់ដូសទី៣ទៀតទេនៅក្នុងពេលនេះ ៕ ប្រភព៖ CNA
-
ការសិក្សាមួយនៅប្រេស៊ីលបញ្ជាក់ថា វ៉ាក់សាំងចិន Sinovac មានប្រសិទ្ធភាពទាបប្រឆាំងនឹងវីរុសបម្លែងខ្លួនថ្មី Gamma
ប្រេស៊ីល៖ ការសិក្សាមួយបញ្ជាក់ថា វ៉ាក់សាំងបង្ការជំងឺកូវីដ១៩របស់ក្រុមហ៊ុនចិន Sinovac ដែលជាគន្លឹះដ៏សំខាន់មួយសម្រាប់ប្រទេសប្រេស៊ីល ក្នុងការប្រយុទ្ធប្រឆាំងនឹងជំងឺរាតត្បាតនោះ ត្រូវបានរកឃើញថា មានប្រសិទ្ធទាបដើម្បីប្រឆាំងនឹងវីរុសបម្លែងថ្មី Gamma ដែលមានប្រភពដើមនៅប្រទេសអាមេរិកខាងត្បូង ។ ក្រុមស្រាវជ្រាវបានរកឃើញថា អង្គបដិប្រាណបង្កើតឡើងដោយវ៉ាក់សាំង បានធ្វើការមិនសូវល្អប្រសើរទេ ក្នុងការប្រឆាំងនឹងវីរុសបម្លែងថ្មី បើធៀបនឹងវីរុសកូវីដ១៩ទម្រង់ដើម ខណៈដែលវីរុសបម្លែងថ្មី Gamma ក៏អាចឆ្លងដល់មនុស្សដែលធ្លាប់ឆ្លងវីរុសនេះម្តងទៀតផងដែរ ។ អ្នកស្រាវជ្រាវបានបញ្ជាក់នៅក្នុងសេចក្តីប្រកាសព័ត៌មានមួយថា សមត្ថភាពរបស់វីរុសបម្លែងថ្មី Gamma ដើម្បីគេចពីការឆ្លើយតបរបស់ប្រព័ន្ធភាពស៊ាំ សូម្បីតែចំពោះមនុស្សដែលបានចាក់ថ្នាំបង្ការរោគ បានបង្ហាញថា វីរុសនេះអាចឆ្លងរាលដាលយ៉ាងខ្លាំង ចំពោះអ្នកដែលចាក់វ៉ាក់សាំងហើយ រឹសូម្បីតែនៅក្នុងតំបន់ដែលមានអត្រាចាក់វ៉ាក់សាំងខ្ពស់ក៏ដោយ ៕ ប្រភព៖ CNA
-
កម្មវិធីចែកចាយវ៉ាក់សាំងសកល COVAX គ្រោងផ្តល់វ៉ាក់សាំង Covid-19 អោយបាន៥២០លានដូសទៅទ្វីបអាហ្វ្រិកនៅឆ្នាំ២០២១នេះ
បរទេស៖ កម្មវិធីចែកចាយវ៉ាក់សាំងសកល COVAX របស់អង្គការសុខភាពពិភពលោក (WHO) នឹងផ្តល់វ៉ាក់សាំងបង្ការកូវីដ១៩អោយបានចំនួន៥២០លានដូសទៅទ្វីបអាហ្វ្រិកនៅក្នុងឆ្នាំ២០២១ ។ នាយកគ្រប់គ្រងគម្រោង COVAX លោកស្រី Aurelia Nguyen បានប្រាប់សន្និសីទសារព័ត៌មានដែលរៀបចំឡើងដោយអង្គការសុខភាពពិភពលោក (WHO) ប្រចាំតំបន់អាហ្វ្រិកថា មកទល់ពេលនេះ គម្រោង COVAX ទើបតែចែកចាយវ៉ាក់សាំងបង្ការកូវីដ-១៩បានចំនួន២៥លានដូសប៉ុណ្ណោះ ទៅកាន់ប្រទេសអាហ្វ្រិកចំនួន៤៤ ។ គម្រោងមិនសប្បាយចិត្តនឹងដំណើរការផ្គត់ផ្គង់វ៉ាក់សាំងរបស់ខ្លួនឡើយ ប៉ុន្តែថា ការផ្គត់ផ្គង់នឹងបង្កើនចាប់ពីខែកញ្ញាខាងមុខនេះ ។ លោកស្រីបន្ថែមថា ផែនការផ្គត់ផ្គង់ត្រូវបានពន្យាពេលផ្នែកខ្លះដោយសារប្រទេសឥណ្ឌាបានរឹតត្បិតក្នុងការនាំចេញវ៉ាក់សាំងដែលបានរាំងស្ទះដល់គម្រោង ដើម្បីទទួលបានវ៉ាក់សាំងពីវិទ្យាស្ថានឥណ្ឌា Serum ដែលជាស្ថាប័នផលិតវ៉ាក់សាំងបំផុតមួយក្នុងពិភពលោក ដែលកំពុងផលិតវ៉ាក់សាំង AstraZeneca ។ លោក Nguyen បានអោយដឹងទៀតថា COVAX បានកំពុងពិភាក្សាជាមួយរដ្ឋាភិបាលឥណ្ឌា និងវិទ្យាស្ថានឥណ្ឌា Serum ដើម្បីបន្តទទួលបានវ៉ាក់សាំងនៅឆ្នាំនេះ បើទោះជាស្ថានភាពប្រែប្រួលក៏ដោយ ។ នៅត្រឹមបំណាច់ឆមាសទី១ ឆ្នាំ២០២២ គម្រោង COVAX នឹងបង្កើនការផ្គត់ផ្គង់ឲ្យបានជិត៨៥០លានដូសទៅទ្វីបអាហ្វ្រិក ដែលជាកន្លែងមានអត្រាវ៉ាក់សាំងទាបជាងគេបំផុតក្នុងពិភពលោក ៕ ប្រភព៖ Reuters