-
ថៃរកឃើញករណីឆ្លង Covid-19 ថ្មីៗចំនួន៩,២៧៦ករណី និងស្លាប់៧២នាក់បន្ថែមទៀតនៅព្រឹកថ្ងៃសុក្រនេះ
ថៃ៖ ក្រសួងសុខាភិបាលថៃ នៅក្នុងថ្ងៃសុក្រនេះ បានរាយការណ៍ពីការរកឃើញអ្នកឆ្លងជំងឺកូវីដ១៩ថ្មីៗរហូតដល់៩ពាន់២៧៦ករណី និងអ្នកស្លាប់ថ្មីចំនួន៧២នាក់បន្ថែមទៀត នៅក្នុងរយៈពេល២៤ម៉ោងចុងក្រោយនេះ ។ ក្នុងចំណោមករណីឆ្លងថ្មីៗខាងលើនេះ មាន៨ពាន់៩៩៨ករណីគឺជាប្រជាជនទូទៅ និង២៧៨ករណីទៀតនៅក្នុងពន្ធនាគារ ។ ចាប់តាំងពីរោគរាតត្បាតផ្ទុះឡើងកាលពីដើមឆ្នាំមុនមក ប្រទេសថៃមានអ្នកស្លាប់ចំនួន២ពាន់៥៣៤នាក់ និងអ្នកឆ្លងចំនួន៣១ម៉ឺន៧ពាន់៥០៦ករណី ៕ ប្រភព៖ Bangkok Post
-
អ្នកឆ្លង COVID-19 នៅទូទាំងពិភពលោកកើនឡើងដល់១៨៦លាន៣៣ម៉ឺននាក់ ក្នុងនោះស្លាប់ជាង៤លាន២ម៉ឺននាក់ និងជាសះស្បើយ១៧០លាន៤៧ម៉ឺននាក់
បរទេស៖ ជំងឺរាតត្បាតដ៏កាចសាហាវ COVID-19 បានចម្លងទៅមនុស្សសរុបចំនួន១៨៦លាន៣៣ម៉ឺន៩ពាន់៦៥២ករណី ក្នុងនោះមានអ្នកជម្ងឺសរុបចំនួន៤លាន២ម៉ឺន៦ពាន់៣៩៨នាក់ស្លាប់ និង ជាសះស្បើយឡើងវិញសរុបចំនួន១៧០លាន៤៧ម៉ឺន៣ពាន់៩៥៣នាក់នៅទូទាំងសកលលោក នេះបើតាមគេហទំព័រអន្តរជាតិ Worldometers នៅថ្ងៃទី០៩ ខែកក្កដា ឆ្នាំ២០២១ ។ សហរដ្ឋអាមេរិកនៅតែជាប្រទេសមានចំនួនអ្នកឆ្លង និងស្លាប់ដោយសារជំងឺ COVID-19 ច្រើនជាងគេ ដោយមានអ្នកឆ្លងចំនួន៣៤លាន៦៧ម៉ឺន៦ពាន់៨៩៦នាក់ ស្លាប់ចំនួន៦២ម៉ឺន២ពាន់២១៣នាក់ និងជាសះស្បើយចំនួន២៩លាន២០ម៉ឺន៣ពាន់៣០៨នាក់ ។ ដោយឡែកប្រទេសដែលឈរនៅចំណាត់ថ្នាក់ទី២ នៃតារាងស្ថិតិនៃអ្នកឆ្លងជំងឺ COVID-19 គឺប្រទេសឥណ្ឌា ដោយមានអ្នកឆ្លងចំនួន៣០លាន៧៤ម៉ឺន៣ពាន់១៣នាក់ ស្លាប់៤០ម៉ឺន៥ពាន់៥២៧នាក់ និងជាសះស្បើយ២៩លាន៨៧ម៉ឺន១ពាន់៨៥០នាក់ ។ ប្រទេសឈរនៅចំណាត់ថ្នាក់ទី៣ គឺប្រទេសប្រេស៊ីល ដោយមានអ្នកឆ្លងចំនួន១៨លាន៩៦ម៉ឺន២ពាន់៧៨៦នាក់ ស្លាប់ចំនួន៥៣ម៉ឺន៣៤៤នាក់ និងជាសះស្បើយ១៧លាន៤២ម៉ឺន២ពាន់៨៥៤នាក់ ៕ ប្រភព៖ worldometers
-
ប្រទេសថៃមានអ្នកឆ្លងជំងឺកូវីដ ជិត ១ម៉ឺននាក់ក្នុង ១ថ្ងៃ
យោងតាមទំព័រហ្វេសប៊ុករបស់ព័ត៌មាន និងចំណេះដឹងសម្រាប់បងប្អូនខ្មែរនៅថៃ របស់ស្ថានទូតខ្មែរនៅប្រទេសថៃ បានឲ្យដឹងថា តួលេខនៅថ្ងៃទី៩កក្កដាឆ្នាំ២០២១ ប្រទេសថៃមានអ្នកឆ្លងជំងឺកូវីដ១៩ថ្មី ចំនួន៩ពាន់២៧៦នាក់ និងមានអ្នកស្លាប់រហូតដល់៧២នាក់។ ប្រទេសថៃគិតត្រឹមថ្ងៃទី៩កក្កដាឆ្នាំ២០២១ មានអ្នកឆ្លងជំងឺកូវីដ១៩សរុប ៣០ម៉ឺន៨ពាន់២៣០នាក់ ក្នុងនោះមានអ្នកស្លាប់២ពាន់៤៦២នាក់ហើយ។
-
អតីតប្រធានាធិបតីអាហ្រ្វិកខាងត្បូងលោក Jacob Zuma យល់ព្រមប្រគល់ខ្លួនឱ្យប៉ូលីស
អតីតប្រធានាធិបតីអាហ្រ្វិកខាងត្បូងលោក Jacob Zuma កាលពីថ្ងៃទី០៧ កក្កដា បានយល់ព្រមប្រគល់ខ្លួនលោកឱ្យប៉ូលីសដើម្បីចាប់ផ្ដើមអនុវត្តទោសជាប់ពន្ធធនាគារ ១៥ ខែពីបទប្រមាថតុលាការ បន្ទាប់ពីប៉ូលីសបានព្រមានថានឹងចាប់ខ្លួនលោកបើសិនជាមិនបង្ហាញខ្លួន។ លោក Zuma អាយុ ៧៩ ឆ្នាំ ត្រូវបានកាត់ទោសឱ្យជាប់ពន្ធនាគារកាលពីថ្ងៃទី ២៩ មិថុនា បន្ទាប់ពីលោកខកខានមិនបានចូលរួមក្នុងការស៊ើបអង្កេតអំពើពុករលួយក្នុងអំឡុងពេលប្រាំបួនឆ្នាំកាន់អំណាចរបស់លោកពីឆ្នាំ ២០០៩ ដល់ឆ្នាំ ២០១៨។ ការកាត់ទោសនេះ បានបង្កឱ្យមានរឿងល្ខោនផ្នែកច្បាប់នៅអាហ្វ្រិកខាងត្បូង ជាប្រទេសមិនធ្លាប់ឃើញអតីតប្រធានាធិបតីណាមួយជាប់គុកទេពីមុនមក។ ការប្រគល់ខ្លួននេះ ធ្វើឡើងតែមួយសប្តាហ៍ប៉ុណ្ណេះបន្ទាប់ពីភាពតានតឹងដែលលោក Zuma និងសម្ព័ន្ធមិត្តរបស់លោក បាននិយាយជំទាស់នឹងសេចក្តីសម្រេចរបស់តុលាការកំពូល ដោយលើកឡើងថាគ្មានភស្តុតាងច្បាស់លាស់។ លោក Zuma បានផ្តល់សក្ខីកម្មតែម្ដងគត់ នៅពេលសាកសួរអំពីអ្វីដែលត្រូវបានគេស្គាល់ថាជា «ការចាប់យករបស់រដ្ឋ» ដែលមានន័យថាយកទ្រព្យសម្បត្តិរដ្ឋ។ អ្នកជំនួញរូបនេះត្រូវបានគេចោទប្រកាន់ថា បានឃុបឃិតជាមួយអ្នកនយោបាយដើម្បីជះឥទ្ធិពលដល់ដំណើរការនៃការសម្រេចចិត្តផ្សែងៗនៅពេលលោកកំពុងកាន់តំណែង។ ប៉ុន្តែលោក Zuma បាននិយាយម្តងហើយម្តងទៀតថា លោកគឺជាជនរងគ្រោះនៃការសមគំនិតនយោបាយ។ ទោះបីជាលោក Zuma ត្រូវបានគេបង្ខំឱ្យចេញពីការិយាល័យដោយគណបក្សសមាជជាតិអាហ្រ្វិក (ANC)ដែលជាគណបក្សរបស់ខ្លួនកាលពីឆ្នាំ ២០១៨ ក្ដី ក៏អ្នកនយោបាយរូបនេះនៅតែរក្សាបាននូវក្រុមអ្នកគាំទ្រដ៏ស្មោះត្រង់ជាពិសេសនៅក្នុងខេត្ត KwaZulu-Natal ដែលជាស្រុកកំណើតរបស់លោក។ កាលពីថ្ងៃអាទិត្យ ក្រុមអ្នកគាំទ្រលោក Zuma បានប្រមូលផ្ដុំគ្នានៅខាងក្រៅផ្ទះរបស់លោក…
-
ភាពប្រះឆាគ្នាក្នុងទីផ្សារថាមពលរវាងអារ៉ាប់រួម និងអារ៉ាប់ប៊ីសាអូឌីត បង្កឱ្យតម្លៃប្រេងឡើងខ្ពស់
ការប៉ះទង្គិចគ្នាជាសាធារណៈដ៏ជូរចត់រវាងអារ៉ាប់រួម និងអារ៉ាប់ប៊ីសាអូឌីត ជុំវិញតម្លៃផលិតកម្មប្រេងនៅសប្តាហ៍នេះ បណ្តាលឱ្យកិច្ចពិភាក្សារវាងប្រទេសផលិតប្រេងធំជាងគេបំផុតនៅលើពិភពលោកទាំងពីរនេះត្រូវគេចាត់ទុកជាមោឃៈ បណ្ដាលឱ្យទីផ្សារថាមពលក្នុងភាពមិនជាក់លាក់ ដែលនឹងជំរុញឱ្យតម្លៃប្រេងឡើងដល់កម្រិតខ្ពស់ក្នុងរយៈពេល ៦ឆ្នាំ។ នេះបើតាមឱ្យដឹងពីការផ្សាយរបស់សារព័ត៌មាន BBC។ ក្រុមប្រទេសនាំប្រេងចេញចំនួន ២៣ (Opec+) រួមមានទាំងអង្គការនៃក្រុមប្រទេសនាំចេញប្រេង និងសម្ព័ន្ធមិត្តដូចជា ប្រទេសរុស្ស៊ី ត្រូវពន្យាពេលការចរចាររបស់ពួកគេ ដោយគ្មានការកំណត់ច្បាស់លាស់ ដែលជាហេតុធ្វើឱ្យមានភ័យខ្លាចអំពីស្ថេរភាពក្រុមប្រទេសទទួលផ្គត់ផ្គង់តម្រូវការប្រេង កំពុងប្រឈមនឹងវិបត្តិសេដ្ឋកិច្ចពិភពលោកក្នុងរយៈពេល ១៨ ខែកន្លងមក។ បញ្ហានេះបានចាប់ផ្តើមកាលពីសប្តាហ៍មុន នៅពេល ដែលប្រទេសអារ៉ាប់រួម បានច្រានចោលសំណើររបស់មេដឹកនាំក្រុមប្រទេស Opec+ គឺប្រទេសអារ៉ាប៊ីសាអូឌីត និងរុស្ស៊ី ដែលធ្វើឡើងក្នុងគោលបំណងពង្រីកការទប់ស្កាត់ទិន្នផលសម្រាប់ទប់ទល់នឹងការនាំចេញរយៈពេល ៨ ខែទៀត។ អារ៉ាប់រួម ចង់ចរចាឡើងវិញនូវមូលដ្ឋានបច្ចុប្បន្នរបស់ខ្លួន ស្ដីអំពី កម្រិតពីការកាត់បន្ថយផលិតកម្ម ឬ ការកើនឡើងត្រូវបានគណនាកន្លងមក ដើម្បីផ្តល់សិទ្ធិសេរីភាពក្នុងការបូមប្រេងបន្ថែមទៀត។ ទោះយ៉ាងណា អារ៉ាប៊ីសាអូឌីត និងរុស្ស៊ី បានប្រឆាំងនឹងសំណើររបស់អារ៉ាប់រួម។ ប្រតិកម្មនេះ បានក្លាយទៅជាសកម្មភាពមិនធម្មតានៅពេល ដែលសម្ព័ន្ធមិត្តជិតស្និទ្ធរវាងរដ្ឋមន្ត្រីថាមពលនៃអារ៉ាប់រួម និងអារ៉ាប់ប៊ីសាអូឌីត បានសំដែងគោលគំនិតផ្ទុយគ្នាជាសាធារណៈ។ លោក Ben Cahill សមាជិកជាន់ខ្ពស់នៅមជ្ឈមណ្ឌលសិក្សាយុទ្ធសាស្ត្រ និងអន្តរជាតិនៅវ៉ាស៊ីនតោន បានប្រាប់សារព័ត៌មាន BBC ថា៖…
-
តាលីបង់វាយយកទីប្រជុំជនខេត្តអាហ្វហ្គានីស្ថានដ៏សំខាន់មួយ ខណៈអាមេរិកពន្លឿនការដកកងទ័ព
នៅថ្ងៃពុធនេះ ក្រុមតាលីបង់បានវាយសម្រុកចូលទីក្រុងដ៏សំខាន់មួយនៅភាគពាយព្យប្រទេសអាហ្វហ្គានីស្ថាន ហើយបានទទួលយកការចុះចាញ់មន្ត្រីសន្តិសុខជាន់ខ្ពស់នៅទីនោះ ខណៈពេលដែលតំណាងក្រុមឧទ្ទាមនេះ និងរដ្ឋាភិបាលអាហ្វហ្គានីស្ថានបានជួបប្រជុំដើម្បីចរចាសន្តិភាពនៅប្រទេសអ៊ីរ៉ង់។ តាលីបង់បានវាយប្រហារទីក្រុង Qala-i-Naw ដែលជារដ្ឋធានីនៃខេត្ត Badghis ហើយបានចូលកាន់កាប់អគារទីស្នាក់ការប៉ូលិស និងភ្នាក់ងារចារកម្មគឺនាយកដ្ឋានសន្តិសុខជាតិ (NSD) នៃខេត្តនេះ មុននឹងទៅវាប្រហារខុទ្ទកាល័អភិបាលខេត្ត ប៉ុន្តែត្រូវដកថយវិញបន្ទាប់ពីការវាយបកវិញដោយកងកម្លាំងពិសេស និងការវាយប្រហារតាមអាកាស។ លោក Fawad Aman អ្នកនាំពាក្យក្រសួងការពារជាតិអាហ្វហ្គានីស្ថាន បាននិយាយថាកងកម្លាំងរដ្ឋាភិបាលបានចូលគ្រប់គ្រងការិយាល័យប៉ូលិស និងការិយាល័យ NDS ឡើងវិញ ហើយក្នុងរយៈពេលពីរបីម៉ោងបន្ទាប់ពួកគេបានធ្វើការបោសសំអាតយុទ្ធជនតាលីបង់ចេញពីទីក្រុង។ លោក Aman បាននិយាយថា៖ «ខ្ញុំចង់ធានាដល់ប្រជាជនថាកងកំលាំងសន្តិសុខ និងការពារជាតិពេលនេះមានវត្តមាននៅទូទាំងទីក្រុង។ ការវាយប្រហាររបស់សត្រូវបានគេរកឃើញទាំងស្រុង ហើយពួកគេបានរងគ្រោះយ៉ាងធ្ងន់ធ្ងរ។ ការវាយប្រហារទៅលើទីក្រុង Qala-i-Naw គឺជាការវាយប្រហារធំលើកទី ១ ទៅលើទីរួមខេត្តចាប់តាំងពីក្រុមឧទ្ទាមបានចាប់ផ្ដើមវាយលុកខ្នាតធំ បើទោះបីជាទីក្រុងជាច្រើនគឺស្ថិតក្រោមការឡោមព័ទ្ធរបស់ក្រុមនេះក៏ដោយ។ ក្នុងរយៈពេលប៉ុន្មានសប្ដាហ៍ចុងក្រោយនេះ ក្រុមឧទ្ទាមតាលីបង់បានចូលកាន់កាប់ដែនដីអាហ្វហ្គានីស្ថានជាច្រើនជាពិសេសនៅខាងជើងប្រទេស បន្ទាប់ពីអាមេរិក និងសម្ព័ន្ធមិត្តលោកខាងលិចបានពន្លឿនការដកកងកម្លាំងប្រដាប់អាវុធរបស់ពួកគេចេញ ធ្វើសង្គ្រាមស៊ីវិលកាន់តែអាចនឹងផ្ទុះឡើង។ កាលពីដើមសប្ដាហ៍នេះ អាមេរិកបាននិយាយថាការដកទាហានរបស់ពួកគេបានរួចរាល់ជាងចំនួន ៩០%ទៅហើយ។ ក្នុងអំឡុងពេលនៃការប្រយុទ្ធគ្នានៅ Qala-i-Naw អ្នកទោសជាង ២០០ នាក់ ដែលរួមទាំងសមាជិកក្រុមតាលីបង់រត់គេចខ្លួនពីពន្ធនាគារក្នុងទីក្រុងនេះ។ នៅចំណុចកំពូលនៃការវាយប្រហារនេះ កងកម្លាំងរដ្ឋាភិបាលត្រូវបានបង្ខំឱ្យចូលក្នុងមូលដ្ឋានកងទ័ពតូចមួយ។ ការកើនឡើងការប្រយុទ្ធគ្នានេះបានកើតឡើងខណៈពេលដែលភាគីតាលីបង់…
-
កប៉ាល់ដឹកទំនិញ Ever Given បានចាកចេញពីអេហ្ស៊ីបហើយ ក្រោយនិយាយត្រូវគ្នាថ្លៃសំណងជាមួយអាជ្ញាធរ
កប៉ាល់ដឹកទំនិញយក្ស Ever Given ដែលធ្វើឲ្យជាប់គាំងនៅព្រែកជីកស៊ុយអេកាលពីខែមីនា បានចាកចេញពីទឹកដីអេហ្ស៊ីបហើយកាលពីថ្ងៃពុធ ក្រោយពេលដែលអាជ្ញាធរព្រែកជីកស៊ុយអេ (SCA) ត្រូវរ៉ូវគ្នារឿងថ្លៃសំណងផ្សេងៗជាមួយម្ចាស់កប៉ាល់ក្រុមហ៊ុនជប៉ុន Shoei Kisen និងក្រុមហ៊ុនធានារ៉ាប់រងអង់គ្លេស UK Club។ នេះបើតាមការចុះផ្សាយរបស់សារព័ត៌មាន BBC។ កប៉ាល់យក្សនេះមានប្រវែងប្រមាណ ៤០០ម៉ែត្រ បានរាំងខ្ទប់ព្រែកជីកស៊ុយអេដែលមានប្រវែង ១៩៣គីឡូម៉ែត្រ ទទឹងប្រមាណ ២០០ម៉ែត្រ រយៈពេល ៦ថ្ងៃ កាលពីខែមីនាកន្លងទៅ ដែលធ្វើឲ្យកកស្ទះពាណិជ្ជកម្មពិភពលោក ខណៈព្រែកជីកនេះជាផ្លូវនាវាចរដ៏សំខាន់ក្នុងការតភ្ជាប់ទ្វីបអឺរ៉ុប ទ្វីបអាហ្វ្រិក និងទ្វីបអាស៊ី។ ក្រោយអាជ្ញាធរ SCA សង្គ្រោះកប៉ាល់នេះចេញ កប៉ាល់នេះត្រូវជាប់នៅអេហ្ស៊ីបចំនួន ៣ខែ ដោយសារតែនិយាយរឿងថ្លៃសំណងលើប្រតិបត្តិការសង្គ្រោះកប៉ាល់ ថ្លៃខូចខាតព្រែកជីក និងថ្លៃផ្សេងៗទៀត។ BBC បានចុះផ្សាយថា SCA នៅពេលដំបូងទារសំណងសរុប ៩១៦លានដុល្លារ ដោយ ៣០០លានដុល្លារសម្រាប់ថ្លៃសង្គ្រោះកប៉ាល់ និង៣០០លានដុល្លារសម្រាប់ថ្លៃប៉ះប៉ូវជំងឺចិត្ត តែត្រូវបានក្រុមហ៊ុនធានារ៉ាប់រង UK Club បដិសេធនឹងការទាមទារនេះ។ ក្រោយមកអាជ្ញាធរព្រែកជីកបានបញ្ចុះថ្លៃត្រឹម ៥៥០លានដុល្លារ តែថ្លៃសំណងចុងក្រោយ ដែលព្រមព្រៀងគ្នាកាលពីប៉ុន្មានថ្ងៃមុន ហើយចុះកិច្ចសន្យានៅថ្ងៃពុធ មិនត្រូវបានទម្លាយជាសាធារណៈនោះទេ៕ ហ៊ីម…
-
ប្រធានាធិបតីហៃទីត្រូវបានធ្វើឃាតនៅនិវេសនដ្ឋានផ្ទាល់ខ្លួន
ប្រធានាធិបតីប្រទេសហៃទីលោក Jovenel Moïse ត្រូវបានជនមិនស្គាល់មុខធ្វើឃាតនៅក្នុងនិវេសនដ្ឋានផ្ទាល់ខ្លួនរបស់លោកនៅរដ្ឋធានី Port-au-Prince កាលពីម៉ោង ១ ទៀបភ្លឺថ្ងៃទី៧ ខែកក្កដា (ម៉ោងនៅប្រទេសហៃទី)។ នេះបើតាមសេចក្ដីថ្លែងការណ៍របស់លោកនាយករដ្ឋមន្ត្រីស្ដីទី Claude Joseph។ ឯកអគ្គរដ្ឋទូតហៃទីប្រចាំសហរដ្ឋអាមេរិកលោក Bocchit Edmond បាននិយាយនៅក្នុងសន្និសីទកាសែតថា ជំទាវទី១ហៃទី Martine Moïse បានរងរបួសធ្ងន់ក្នុងការបាញ់ប្រហារនេះដែរ ហើយត្រូវបានបញ្ជូនទៅព្យាបាលនៅទីក្រុង Miami រដ្ឋ Florida សហរដ្ឋអាមេរិក។ លោកទូតរូបនេះបានឲ្យដឹងថា ប្រធានាធិបតីវ័យ ៥៣ឆ្នាំខាងលើអាចនឹងត្រូវបាន «ទាហានស៊ីឈ្នួល» ដែលទទួលបានការហ្វឹកហ្វឺនយ៉ាងល្អ។ ខណៈក្នុងភស្តុតាងវីដេអូបញ្ជាក់ថា ក្រុមឃាតកទាំងនេះនិយាយភាសាអេស្ប៉ាញ (ហៃទីនិយាយភាសាបារាំង-ហៃទី) ទើបលោកទូត Edmond បានធ្វើការសន្និដ្ឋានថា ពួកគេជាជនបរទេស ហើយក្លែងខ្លួនជាអាជ្ញាធរប្រយុទ្ធប្រឆាំងគ្រឿងញៀនសហរដ្ឋអាមេរិក (DEA)។ យ៉ាងណាមិញ លោកមិនបានផ្ដល់ភស្តុតាងលម្អិតនោះទេ។ បន្ថែមពីលើនេះ លោក Edmond ក៏បានស្នើឲ្យសហរដ្ឋអាមេរិកជួយស៊ើបអង្កេតពីឧក្រិដ្ឋកម្មជាន់ខ្ពស់មួយនេះដែរ។ ក្រោយពេលលោក Moïse ត្រូវបានធ្វើឃាត លោកនាយករដ្ឋមន្ត្រីស្ដីទី Joseph បានប្រកាសដាក់ប្រទេសក្រោមច្បាប់អាជ្ញាសឹកជាបណ្ដោះអាសន្ន ដែលរាល់ការអនុវត្តច្បាប់នៅក្នុងប្រទេសគឺនៅក្រោមសមត្ថកិច្ចរបស់យោធា និងនគរបាលហៃទី។ ទោះជាយ៉ាងណាក៏ដោយ…
-
អេហ្ស៊ីប និងអេត្យូពីពាក់មុខយក្សដាក់គ្នាក្រោយ អេត្យូពីសង់ទំនប់វារីអគ្គិសនីលើទន្លេនីលជាឯកតោភាគី
រដ្ឋាភិបាលអេហ្ស៊ីបអោយដឹងថា ខ្លួនបានទទួលសេចក្តីជូនដំណឹងជាផ្លូវការមួយពីប្រទេសអេត្យូពីថា ប្រទេសនេះបាន ចាប់ផ្តើមដំណាក់កាលសាងសង់ដំបូងរបស់ខ្លួន ក្រោយចាក់បំពេញទំនប់វារីអគ្គិសនីដ៏ធំមួយលើដៃទន្លេដ៏សំខាន់របស់ទន្លេនីល និងជាទីតាំងបង្កឱ្យមានភាពតានតឹងជាច្រើនថ្ងៃ មុនពេលកិច្ចប្រជុំក្រុមប្រឹក្សាសន្តិសុខអង្គការសហប្រជាជាតិ ដែលនឹងត្រូវធ្វើឡើងនាពេលខាងមុខនេះ។ នៅក្នុងសេចក្តីថ្លែងការណ៍មួយនេះ ចេញកាលពីល្ងាចថ្ងៃចន្ទថា ក្រសួងធារាសាស្រ្តអេហ្ស៊ីបបដិសេធយ៉ាងដាច់អហង្ការ ចំពោះសកម្មភាពឯកតោភាគីនេះហើយបាននិយាយថា សកម្មភាពនេះរំលោភច្បាប់ និងបទដ្ឋានអន្តរជាតិ ដែលគ្រប់គ្រងលើគម្រោង សាងសង់នៅលើព្រំដែនទឹករួមគ្នានៃទន្លេអន្តរជាតិមួយនេះ។ ទំនប់វារីអគ្គិសនីហ្គ្រេនអេត្យូពី (GERD) ដែលត្រូវបានគេកំណត់ថា ជាគម្រោងវារីអគ្គិសនីធំបំផុតនៅទ្វីបអាហ្រ្វិក បានក្លាយទៅជាប្រភពជម្លោះ ផ្នែកការទូតជិតមួយទសវត្សរ៍រវាងប្រទេសអេត្យូពី និងប្រទេសនៅខាងក្រោមទន្លេ រួមមាន ប្រទេសអេហ្ស៊ីប និងប្រទេសស៊ូដង់។ ប្រទេសអេហ្ស៊ីប និងស៊ូដង់ ចង់ឱ្យប្រទេសនេះយល់ព្រមលើកិច្ចព្រមព្រៀងត្រីភាគីស្តីពីប្រតិបត្តិការទំនប់វារីអគ្គិសនី មុននឹងដំណើរការនៃការចាក់បំពេញចាប់ផ្តើម។ ប៉ុន្តែ ប្រទេសអេត្យូពី និយាយថា កត្តាធម្មជាតិគឺជាផ្នែកមួយនៃការសាងសង់គម្រោងនេះ ដូច្នេះហើយដំណើរការសាងសង់មិនអាចពន្យារពេលបានទេ។ កាលពីឆ្នាំមុន ប្រទេសស៊ូដង់ បាននិយាយថាដំណើរការនេះ បណ្តាលឱ្យមានការខ្វះខាតទឹក រួមទាំងនៅទីក្រុង Khartoum ដែលជាដែនដីមានជម្លោះជាមួយនឹងប្រទេសអេត្យូពី។ លោក Yasser Abbas រដ្ឋមន្រ្តីក្រសួងទឹករបស់ប្រទេសស៊ូដង់ បានព្រមានកាលពីខែ មេសា ថា ប្រសិនបើ ប្រទេសអេត្យូពីឈានទៅមុខដល់ដំណាក់កាលទី ២ នៃការចាក់បំពេញ ប្រទេសលោក នឹងប្តឹងក្រុមហ៊ុនអ៊ីតាលី…
-
សភាអឺរ៉ុបត្រៀមអនុម័តការទាមទារឱ្យ EU ដាក់ទណ្ឌកម្មហុងកុង ក្រោយពីការបិទកាសែត Apple Daily
សភាអឺរ៉ុបត្រៀមនឹងអនុម័តសេចក្ដីសម្រេចមួយពាក់ព័ន្ធនឹងស្ថានភាពសិទ្ធិមនុស្សនៅហុងកុង ក្រោយពីកាបិទទ្វារនៃកាសែតហុងកុង Apple Daily ដែលមាននិន្នាការប្រឆាំងរដ្ឋាភិបាលក្រុងប៉េកាំង និងរដ្ឋបាលដែនដីហុងកុង នេះបើតាមការផ្សាយសេចក្ដីសម្រេចព្រាងក្នុងគេហទំព័រសភាអឺរ៉ុបកាលពីថ្ងៃទី៧ ខែកក្កដា ។ កាលពីខែមិថុនា ប៉ូលិសហុងកុងបានចាប់ខ្លួនថ្នាក់ដឹកនាំ និងនិពន្ធនាយកកាសែត Apple Daily ក្រោមការចោទប្រកាន់ពីបទល្មើសនឹងច្បាប់សន្តិសុខជាតិហុងកុង ដែលអនុម័តដោយរដ្ឋធានីប៉េកាំងកាលពីឆ្នាំ២០២០។ អាជ្ញាធរហុងកុង ក៏បានបង្កកទ្រព្យសម្បត្តិក្រុមហ៊ុន Next Digital ដែលជាក្រុមហ៊ុនម្ចាស់របស់កាសែតនេះ ធ្វើឲ្យសារព័ត៌មានមួយនេះមិនអាចបើកប្រាក់បៀវត្សជូនបុគ្គលិក និងមិនអាចដំណើរការទៅមុខបាន។ បន្ថែមពីលើនេះទៅទៀត មហាសេដ្ឋីដែលជាស្ថាបនិកកាសែតនេះ លោក Jimmy Lai ត្រូវបានចាប់ខ្លួន ក្រោមការចោទប្រកាន់ថាបានឃុបឃិតជាមួយកម្លាំងបរទេស ដែលប៉ះពាល់ដល់សន្តិសុខជាតិ ហើយប្រឈមនឹងការផ្ដន្ទាទោសអតិបរមាជាប់ពន្ធនាគារមួយជីវិត។ ជាមួយនឹងស្ថានភាពនេះ កាលពីថ្ងៃអង្គារ និងថ្ងៃពុធ សភាអឺរ៉ុបបានធ្វើការតស៊ូមតិអំពីវិធានការនានា ដើម្បីឆ្លើយតបទៅនឹងសកម្មភាពរបស់រដ្ឋាភិបាលចិន និងហុងកុង ហើយគ្រោងនឹងអនុម័តសេចក្ដីសម្រេចព្រាងខាងលើនៅថ្ងៃព្រហស្បតិ៍។ ឯកសារព្រាងនេះ ត្រូវបានគេរំពឹងទុកថានឹងទទួលបានការគាំទ្រក្នុងសំឡេងភាគច្រើន តែមិនមានទម្ងន់ផ្លូវច្បាប់ទេ ដោយគ្រាន់តែជាអនុសាសន៍ណែនាំដល់ក្រុមប្រឹក្សាអឺរ៉ុប និងគណៈកម្មការអឺរ៉ុប ដែលជាស្ថាប័ននីតិប្រតិបត្តិរបស់អឺរ៉ុប។ សេចក្ដីសម្រេចព្រាងនេះមានប្រវែង ១១ទំព័រ និង ២៨ចំណុច ដែលតាក់តែងដោយសមាជិកសភាអឺរ៉ុបចំនួន ៧៨នាក់ ក្នុងចំណោមសមាជិកសរុប ៧០៥រូប។ ក្នុងឯកសារនេះ សភាអឺរ៉ុបបានការថ្កោលទោសចំពោះការបិទសារព័ត៌មាន…