-
លោក ស៊ី ជីនពីង បញ្ជាក់ថា ចិននឹងបង្ហាញផ្លូវថ្មីមួយសម្រាប់អនាគតដ៏ទំនើបដល់ពិភពលោក
មឹង ច័ន្ទសុម៉ានីតា នៅថ្ងៃអង្គារ ទី៦ កក្កដានេះ ប្រធានាធិបតីចិនលោកស៊ី ជីនពីង ប្រាប់នៅក្នុងកិច្ចប្រជុំកំពូលនយោបាយអន្តរជាតិ ថាការធ្វើទំនើបកម្មរបស់ចិនដល់សព្វថ្ងៃបានបង្ហាញប្រព័ន្ធអភិបាលកិច្ចរបស់ខ្លួនជាជម្រើសមួយដែលអាចជំនួសប្រព័ន្ធរបស់លោកខាងលិច ហើយទីក្រុងប៉េកាំងពេញចិត្តចែករំលែកបទពិសោធន៍របស់ខ្លួនជាមួយបណ្ដាប្រទេសដទៃទៀត។ លោក ស៊ីថ្លែងក្នុងកិច្ចប្រជុំកំពូលនៃគណបក្សនយោបាយពិភពលោក តាមរយៈទំនាក់ទំនងវីដេអូពីទីក្រុងប៉េកាំងថា៖ «ប្រវត្តិសាស្ត្រនិងការអនុវត្ត បានបង្ហាញឱ្យឃើញ ហើយនឹងបន្តបង្ហាញបន្ថែមទៀត ថាមាគ៌ានេះ [ដែលអនុវត្តដោយប្រទេសចិន] គឺជាផ្លូវត្រឹមត្រូវ …ហើយយើងនឹងបន្តដំណើរទៅមុខទៀតលើផ្លូវដ៏ភ្លឺស្វាងនេះ ទាំងសម្រាប់ខ្លួនយើង[ប្រទេសចិន] និងសម្រាប់ប្រយោជន៍ពិភពលោកផងដែរ»។ លោកបានបន្ថែមទៀតថា «វាមិនមានគំរូសម្រាប់ការធ្វើទំនើបកម្មដែលសមស្របនៅគ្រប់កាលៈទេសៈទេ ហើយប្រទេសនីមួយៗ ត្រូវតែស្វែងរកអ្វីដែលឬ ល្អបំផុតសម្រាប់ពួកគេ»។ លោក ស៊ី បានមានប្រសាសន៍បន្តថាគណបក្សកុម្មុយនិស្តចិនតែងតែ មានឆន្ទៈធ្វើការផ្លាស់ប្តូរនិងចែករំលែកបទពិសោធន៍ ជាមួយគណបក្សនយោបាយនៃបណ្ដាប្រទេសដទៃលើពិភពលោក ដើម្បីរួមដៃគ្នាធ្វើអំពើកាន់តែល្អសម្រាប់ ប្រជាជនចិននិង ប្រជាជននៅជុំវិញពិភពលោក។ ការអត្ថាធិប្បាយរបស់លោក ស៊ីបានធ្វើឡើងជិតមួយសប្ដាហ៍ បន្ទាប់ពីការប្រារព្ធខួបទី១០០នៃគណបក្សកុម្មុយនិស្តចិន ដែលមានលោក ស៊ីផ្ទាល់ជាអគ្គលេខាធិការបក្សផងដែរ ហើយក្នុងពិធីនោះលោកបានសម្ដែងការប្ដេជ្ញាថានឹងដឹកនាំប្រទេសឱ្យសម្រេចក្ដីសុបិនជាតិឱ្យបាន។ កាលពីថ្ងៃចន្ទ ប្រធានាធិបតីចិនរូបក៏បានធ្វើការពិភាក្សាតាមសន្និសីទវីដេអូ ជាមួយ អធិការបតីអាល្លឺម៉ង់ លោកស្រី អេនជេឡា មឺគែល និងប្រធានាធិបតីបារាំង លោក អេម៉ានុយអែល ម៉ាក្រុង។ ក្នុងឱកាសនោះ លោក ស៊ីបានសម្ដែងក្ដីសង្ឃឹមថា…
-
អាហ្វហ្គានីស្ថានប្ដេជ្ញាដណ្ដើមដែនដីមកវិញ ខណៈពេលការដកកងទ័ពអាមេរិកបានរួចរាល់ជាង៩០%
សុខ វេងឈាង កាលពីថ្ងៃអង្គារនេះ រដ្ឋាភិបាលអាហ្វហ្គានីស្ថានបានប្ដេជ្ញាដណ្ដើមយកស្រុកទាំងអស់ដែលបានបាត់បង់ទៅអោយក្រុមតាលីបង់ បន្ទាប់ការដកកងកម្លាំងប្រដាប់អាវុធរបស់សហរដ្ឋអាមេរិកចេញពីប្រទេសនេះជិតរួចរាល់អស់។ កងកុម្ម៉ង់ដូអាហ្វហ្គានីស្ថានរាប់រយនាក់ត្រូវបានដាក់ពង្រាយដើម្បីទប់ទល់នឹងការវាយលុកយ៉ាងសាហាវរបស់ក្រុមឧទ្ទាមនៅភាគខាងជើងប្រទេស មួយថ្ងៃបន្ទាប់ពីទាហានជាង ១០០០ នាក់បានភៀសខ្លួនពីការវាយប្រហារទៅប្រទេសតាហ្ស៊ីគីស្ថាន។ អគ្គបញ្ជាការដ្ឋានមជ្ឈិមបូព៌ារបស់អាមេរិកការដកខ្លួនកងប្រដាប់អាវុធអាមេរិកចេញពីអាហ្វហ្គានីស្ថាន ដែលបានបញ្ជាដោយប្រធានាធិបតីចូ បៃដិនកាលពីខែមេសា ហើយមកទល់ពេលនេះបានរួចរាល់ជាង ៩០% ហើយគេគូសបញ្ជាក់ថាការទទួលខុសរបស់អាហ្វហ្គានីស្ថានក្នុងការប្រយុទ្ធជាមួយក្រុមតាលីបង់កាន់តែកើនឡើង។ ការប្រយុទ្ធគ្នាបានផ្ទុះឡើងនៅខេត្តជាច្រើនទូទាំងប្រទេស ប៉ុន្តែក្រុមឧទ្ទាមបានផ្ដោតជាចម្បងទៅលើភាគខាងជើងនៃប្រទេសនេះ ដោយបានចូលកាន់កាប់ស្រុកជាច្រើនក្នុងរយៈពេលពីរខែកន្លងមកនេះ។ ទីប្រឹក្សាសន្តិសុខអាហ្វហ្គានីស្ថានលោក Hamdullah Mohib ថា៖ «មានសង្គ្រាម មានសម្ពាធ។ ពេលខ្លះអ្វីៗ កើតឡើងទៅតាមបំណងរបស់យើអ ពេលខ្លះមិនទេ ប៉ុន្តែយើងនឹងបន្តការពារប្រជាជនអាហ្វហ្គានីស្ថាន»។ លោកបន្ថែមទៀតថា៖ «យើងគ្រោងនឹងដណ្ដើមស្រុកទាំងនេះមកវិញ»។ កងទ័ព និងកងជីវពលគាំទ្ររដ្ឋាភិបាល ត្រូវបានគេដាក់ពង្រាយនៅភាគខាងជើងនៃខេត្ត Takhar និង Badakhshan ដែលជាកន្លែងក្រុមតាលីបង់បានសម្រុកចូលកាន់កាប់ហើយជារឿយៗដោយគ្មានការតបតវិញ។ ក្រុមមន្ត្រីការពារជាតិអាហ្វហ្គានីស្ថាន បាននិយាយថាពួកគេមានបំណងផ្ដោតលើការធានាសុវត្ថិភាពទីក្រុងធំៗ ផ្លូវសំខាន់ៗ និងទីក្រុងតំបន់ព្រំដែនដែលប្រឈមមុខនឹងការវាយប្រហាររបស់តាលីបង់។ ប៉ុន្តែការប្រយុទ្ធគ្នានៅភាគខាងជើង បានបង្ខំឱ្យរុស្សីបិទស្ថានកុងស៊ុលរបស់ខ្លួន នៅក្នុងទីក្រុងធំ Mazar-i-Sharif ក្បែរព្រំដែនជាមួយប្រទេសអ៊ូបេគីស្ថាន។ ល្បឿននិងភាពងាយស្រួលនៃការចូលកាន់កាប់តំបន់ខាងជើងដោយតាលីបង់ប្រកបដោយប្រសិទ្ធភាព គឺតំណាងឱ្យការប៉ះទង្គិចផ្លូវចិត្តយ៉ាងខ្លាំងដល់រដ្ឋាភិបាលអាហ្វហ្គានីស្ថាន។ តំបន់នេះធ្លាប់ជាទីតាំងមូលដ្ឋានសម្រាប់ក្រុមប្រឆាំងរបបតាលីបង់ «សម្ព័ន្ធមិត្តខាងជើង» ក្នុងអំឡុងពេលសង្គ្រាមស៊ីវិលដ៏គួរឱ្យសាហាវក្នុងទសវត្សឆ្នាំ ១៩៩០ ហើយមិនដែលត្រូវបានសត្រូវវាយបែកទេ។ សេចក្ដីថ្លែងការណ៍របស់វិមានប្រធានាធិបតី Ashraf…
-
ឥណ្ឌាស្នើ Twitter ត្រូវទទួលខុសត្រូវដោយផ្ទាល់ចំពោះការបង្ហោះនានារបស់អ្នកប្រើប្រាស់
ហ៊ីម រដ្ឋា ក្រុមហ៊ុន Twitter ត្រូវទទួលខុសត្រូវដោយផ្ទាល់ ចំពោះការបង្ហោះនានារបស់អ្នកប្រើប្រាស់នៅប្រទេសឥណ្ឌា នេះបើតាមឯកសារស្នើដកអភ័យឯកសិទ្ធិ Twitter ដែលរដ្ឋាភិបាលឥណ្ឌាដាក់បញ្ជូនទៅកាន់តុលាការកាលពីថ្ងៃទី៥ ខែកក្កដា។ ក្នុងឯកសារនោះបានឲ្យដឹងថា Twitter នឹងបាត់បង់អភ័យឯកសិទ្ធិផ្លូវច្បាប់ ដោយតុលាការបានចាត់ទុកក្រុមហ៊ុននេះស្ថិតក្នុងនាមជាអ្នកនាំសារប៉ុណ្ណោះ ហើយមិនមែនជាអ្នកបង្កើតសារទេ។ រដ្ឋាភិបាលឥណ្ឌាបានអះអាងថា Twitter ការស្នើដកអភ័យឯកសិទ្ធិរបស់ Twitter គឺដោយសារក្រុមហ៊ុនមិនបានអនុលោមតាមច្បាប់ព័ត៌មានវិទ្យាថ្មី ដែលចូលជាធរមានកាលពីចុងខែឧសភា ហើយតម្រូវឱ្យក្រុមហ៊ុនបណ្ដាញសង្គមនានាប្រតិបត្តិការនៅឥណ្ឌាតែងតាំងមន្ត្រីចំនួន៣ រួមមាន មន្ត្រីអនុវត្តច្បាប់ មន្ត្រីទទួលពាក្យបណ្ដឹង និងមន្ត្រីទំនាក់ទំនង។ តាមឯកសាររបស់រដ្ឋាភិបាលឥណ្ឌា Twitter មិនបានបំពេញមុខងារទាំង ៣ នោះទេ។ Twitter បានតែងតាំងមន្ត្រីបណ្ដោះអាសន្នក្នុងការទទួលពាក្យបណ្ដឹង និងទំនាក់ទំនង តែក្រោយមកក៏បានលាលែងពីតំណែង។ តែទោះជាយ៉ាងណា មកដល់ពេលនេះ តុលាការឥណ្ឌាមិនទាន់បានធ្វើការសម្រេចថាដកអភ័យឯកសិទ្ធិ ឬទេ៕ ប្រភព៖ India’s government says Twitter should be held liable for what users post https://edition.cnn.com/2021/07/06/tech/twitter-india-immunity-hnk-intl/index.html
-
អង្គការសហប្រជាជាតិបារម្មណ៍ពី ស្ថានភាពដុនដាបនៅមីយ៉ាន់ម៉ា អាចបង្កអសន្តិសុខក្នុងតំបន់
មឹង ច័ន្ទសុម៉ានីតា កាលពីថ្ងៃអង្គារ ទី ៦ កក្កដា ប្រធានភ្នាក់ងារសិទ្ធមនុស្សនៃអង្គការសហប្រជាជាតិបាននិយាយថាស្ថានភាពដ៏អាក្រក់នៅក្នុងប្រទេសមីយ៉ាន់ម៉ាតាំងពីរដ្ឋប្រហារខែកុម្ភៈ គឺកំពុងជំរុញប្រទេសនេះឆ្ពោះទៅរកសង្គ្រាមស៊ីវិល ហើយអាចបង្កអសន្តិសុខក្នុងតំបន់។ ថ្លែងនៅចំពោះមុខ ក្រុមប្រឹក្សាសិទ្ធិមនុស្សរបស់អង្គការសហប្រជាជាតិ ឧត្ដមស្នងការសិទ្ធមនុស្សអង្គការសហប្រជាជាតិលោកស្រី Micehelle Bachelet បានសម្ដែងការសោកស្ដាយថាប្រទេសមីយ៉ាន់ម៉ាក្នុងរយៈពេលប៉ុន្មានខែចុងក្រោយនេះ«បានវិវត្តពីវិបត្តិនយោបាយទៅជាមហន្តរាយសិទ្ធិមនុស្សពហុវិមាត្រ»។ លោកស្រីបានបន្តទៀតថា៖ «ការរងទុក្ខ និងអំពើហិង្សានៅទូទាំងប្រទេស គឺកំពុងបំផ្លាញការរំពឹងទុកសម្រាប់ការអភិវឌ្ឍប្រកបដោយចិរភាព ហើយបង្កើនលទ្ធភាពនៃការបរាជ័យរបស់រដ្ឋ ឬការផ្ទុះសង្គ្រាមស៊ីវិល»។ លោកស្រីបាននិយាយថាចាប់តាំងពីមានរដ្ឋប្រហារមក មានមនុស្សជិត ៩០០ នាក់ត្រូវបានសម្លាប់ ខណៈពេលដែលមនុស្សប្រមាណ ២០០.០០០ នាក់ត្រូវបានបង្ខំឲ្យភៀសខ្លួនចេញពីគេហដ្ឋានរបស់ពួកគេ។ ជាមួយគ្នានេះដែរ យ៉ាងហោចណាស់មនុស្ស ជាង៥.២០០ នាក់ត្រូវបានគេចាប់ខ្លួនតាមអំពើចិត្ត ដែលរួមមានអ្នកកាសែត ជាង ៩០ នាក់ផងដែរ ខណៈពេលដែលប្រព័ន្ធផ្សព្វផ្សាយធំៗ ចំនួន ៨ ត្រូវបានបង្ខំឱ្យបិទទ្វារ។ លោកស្រី Bachelet ក៏បានបង្ហាញ របាយការណ៍ជាច្រើនអំពី «ការបំបាត់ខ្លួនដោយបង្ខំ ការធ្វើទារុណកម្មយ៉ាងសាហាវ និងការស្លាប់នៅក្នុងជាប់ឃុំ» រួមជាមួយការចាប់ខ្លួនសាច់ញាតិនិងសូម្បីតែកូនៗ របស់មនុស្សដែលអាជ្ញាធរកំពុងស្វែងរក។ មីយ៉ាន់ម៉ាបានឆ្លងកាត់ ការតវ៉ាទ្រង់ទ្រាយធំ និងការវាយប្រហារពីកងយោធាដ៏ឃោរឃៅចាប់តាំងពីរដ្ឋប្រហារថ្ងៃទី ១ កុម្ភៈដែលបានទម្លាក់មេដឹកនាំស៊ីវិលលោកស្រី…
-
រុស្ស៊ីឃុំខ្លួនមន្រ្តីកុងស៊ុលអេស្តូនី បន្ទាប់ពីចោទប្រកាន់ថាបានទទួលព័ត៌មានសម្ងាត់ពីពលរដ្ឋរុស្ស៊ីម្នាក់
ហួន ឌីណា មន្ត្រីភ្នាក់ងារចារកម្មរុស្ស៊ីបាននិយាយថា ខ្លួនបានឃុំមន្រ្តីកុងស៊ុលរបស់អេស្តូនីប្រចាំក្រុង St. Petersburg លោក Mart Latte កាលពីថ្ងៃអង្គារទី ០៦ កក្កដា បន្ទាប់ពីសេវាកម្មសន្តិសុខសហព័ន្ធរុស្សីបានចោទប្រកាន់ប្រេសិតរូបនេះ ថាបានទទួលព័ត៌មានសង្ងាត់ពីជនជាតិរុស្ស៊ីម្នាក់។ សេវាកម្មពិសេសនេះបានប្រាប់ទីភ្នាក់ងារសារព័ត៌មានរុស្ស៊ី Interfax ថា៖ «សកម្មភាពនេះមិនត្រូវគ្នានឹងស្ថានភាពបុគ្គលិកការទូត និងមានលក្ខណៈអរិភាពយ៉ាងច្បាស់ចំពោះសហព័ន្ធរុស្ស៊ី។ វិធានការនានានឹងត្រូវអនុវត្តចំពោះអ្នកការទូតបរទេស ស្របតាមបទដ្ឋាននៃច្បាប់អន្តរជាតិ»។ អ្នកនាំពាក្យក្រសួងការបរទេសអេស្តូនីបាននិយាយថា ការចាប់ខ្លួននេះបានបង្ហាញជាថ្មីម្តងទៀតថា រុស្ស៊ីកំពុងជ្រើសរើសការប្រឈមមុខដាក់គ្នាជាមួយបណ្តារដ្ឋសហភាពអឺរ៉ុប ជំនួសឱ្យការបញ្ចៀសនិន្នាការអវិជ្ជមាននៅក្នុងទំនាក់ទំនងរបស់ខ្លួន។ ប្រទេសអេស្តូនី ដែលជាអតីតសាធារណរដ្ឋសូវៀត និងបច្ចុប្បន្នជាសមាជិកនៃសហគមន៍អឺរ៉ុប និងអង្គការណាតូ តែងតែបញ្ចេញមតិរិះគន់ចាស់ដៃទៅលើក្រុងមូស្គូ។ កាលពីខែមេសានេះ ទីភ្ញាក់ងារសន្តិសុខសហព័ន្ធរុស្សីក៏បានឃុំខ្លួនអ្នកការទូតអ៊ុយក្រែនប្រចាំក្រុង St. Petersburg លោក Alexander Sosonyuk ដោយចោទប្រកាន់ថាលោកបានទទួលព័ត៌មានរសើបពីជនជាតិរុស្ស៊ីម្នាក់។ ក្រោយមកអ្នកការទូតរូបនេះ ត្រូវបានគេបណ្តេញចេញពីប្រទេស ប៉ុន្តែជាការវាយបក រដ្ឋាភិបាលក្រុងគីវបានបណ្ដេញចេញអ្នកការទូតរុស្ស៊ីម្នាក់ទៅវិញដូចគ្នា។ ប្រភព៖ Russia detains Estonian consul after he allegedly received classified material https://www.dw.com/en/russia-detains-estonian-consul-after-he-allegedly-received-classified-material/a-58179744
-
WHO ណែនាំឱ្យប្រើថ្នាំក្រុមហ៊ុន Roche និងSanofi ព្យាបាលជំងឺកូវីដ-១៩ ដើម្បីកាត់បន្ថយហានិភ័យ
ហួន ឌីណា ហ្សូរីច៖ អង្គការសុខភាពពិភពលោកកាលពីថ្ងៃអង្គារទី ០៦ កក្កដា ណែនាំឱ្យប្រើថ្នាំព្យាបាលជំងឺរលាកសន្លាក់ឆ្អឹង Actemra របស់ក្រុមហ៊ុន Roche និង Kevzara របស់ក្រុមហ៊ុន Sanofi ប្រភេទ Corticosteroids សម្រាប់អ្នកជំងឺកូវីដ-១៩ បន្ទាប់ពីទិន្នន័យពីអ្នកជំងឺជាង ១១ ០០០ នាក់ បង្ហាញថាថ្នាំប្រភេទនេះ អាចកាត់បន្ថយពីហានិភ័យនៃការស្លាប់។ យោងតាមការចុះផ្សាយរបស់ទីភ្នាក់ងារសារព័ត៌មានរ៉យទ័រ ក្រុមអ្នកវាយតម្លៃរបស់អង្គការសុខភាពពិភពលោក (WHO) ធ្វើការព្យាបាលអ្នកជំងឺកូវីដ-១៩ធ្ងន់ធ្ងរជាមួយនឹងអ្វីដែលគេហៅថាការគណនាការព្យាបាលទៅលើប្រព័ន្ធការពារដែលរារាំងការហើមរលាកដែលជួយកាត់បន្ថយការប្រឈមនឹងការស្លាប់ និងតម្រូវការខ្យល់ជំនួយជាដើម។ តាមការវិភាគរបស់ WHO ដដែល ហានិភ័យនៃការស្លាប់ក្នុងរយៈពេល ២៨ ថ្ងៃចំពោះអ្នកជំងឺដែលប្រើថ្នាំព្យាបាលជំងឺរលាកឆ្អឹងសន្លាក់ប្រភេទថ្នាំ Corticosteroids ដូចជាថ្នាំ Dexamethasone មានចំនួន ២១ ភាគរយ បើធៀបនឹងហានិភ័យ ២៥ ភាគរយក្នុងចំណោមអ្នកដែលទទួលការថែទាំធម្មតា។ ដូចនេះវាអាចមានមនុស្សចំនួន ៤ នាក់ក្នុងចំណោមអ្នកជំងឺបែបនេះ ចំនួន ១០០ នាក់ នឹងមានជីវិតរស់។ លើសពីនេះទៀត ហានិភ័យនៃការវិវត្តទៅជាស្លាប់គឺមាន ២៦ ភាគរយសម្រាប់អ្នកដែលទទួលថ្នាំនិងថ្នាំប្រភេទ…
-
ចិនបើកបង្ហាញពីផែនការកេណ្ឌទ័ពក្នុងសម័យសង្គ្រាមជាលើកដំបូង
ដោយ៖ ហួន ឌីណា យោងតាមសេចក្តីពង្រាងស្តីពីការផ្លាស់ប្តូរបទបញ្ញត្តិដែលចេញផ្សាយដោយក្រសួងកិច្ចការអតីតយុទ្ធជនចិន កាលពីចុងសប្ដាហ៍មុន បុគ្គលិកយោធាចូលនិវត្តន៍ចិនត្រូវបានចាត់ទុកជាអាទិភាពចម្បងសម្រាប់ការកេណ្ឌទ័ពក្នុងសម័យសង្គ្រាម។ នេះបើតាមការចុះផ្សាយរបស់សារព័ត៌មានហុងកុង The South China Morning Post រាយការណ៍អំពីយុទ្ធសាស្រ្តកេណ្ឌទ័ពរបស់ចិនដែលត្រូវបង្ហាញជាលើកដំបូង។ ការផ្លាស់ប្តូរដែលបានស្នើឡើងលើបទប្បញ្ញត្តិនៃការកេណ្ឌទ័ពនោះ រៀបរាប់អំពីរបៀបដែលអាជ្ញាធរចិនជ្រើសរើសទាហានជើងចាស់ និងទាហានដែលត្រូវបានកេណ្ឌផ្សេងៗទៀត ខណៈពេលដែលប្រទេសនេះកំពុងឈានជើងចូលសង្គ្រាម។ យោងតាមបទប្បញ្ញត្តិ ក្រុមប្រឹក្សារដ្ឋឬគណៈកម្មាធិការយោធាមជ្ឈិមនឹងចេញបទបញ្ជាប្រមូលផ្តុំនិងទទួលខុសត្រូវចំពោះការធ្វើពង្រាងទាហានដល់រដ្ឋាភិបាល និងទីភ្នាក់ងារយោធានៅកម្រិតផ្សេងៗ។ សេចក្តីព្រាងរៀបរាប់ថា អតីតយុទ្ធជនយោធាគឺជាក្រុមគោលដៅមួយអាចចូលបម្រើការងារនៅអង្គភាពដើមរបស់ខ្លួន ឬត្រូវបានដាក់ទៅទីតាំងស្រដៀងគ្នានៅកន្លែងផ្សេងទៀត ខណៈដែលពួកអាជ្ញាធរមានតួនាទីក្នុងការជួយអតីតយុទ្ធជនចូលរួមជាមួយអង្គភាពទាំងនោះ។ ដោយត្រូវបានចុះផ្សាយលើគណនីផ្លូវការនៃបណ្ដាញសង្គមដ៌ពេញនិយម WeChat របស់ក្រសួង ក្នុងគោលបំណងសម្រាប់មតិឆ្លើយតបជាសាធារណៈកាលពីថ្ងៃសៅរ៍ បទប្បញ្ញត្តិដដែលបានបញ្ជាក់ថា៖ «ក្នុងកំឡុងពេលសង្គ្រាម នាយកដ្ឋានដឹកជញ្ជូន និងកម្មករ ត្រូវផ្តល់អាទិភាពដល់ទាហានដែលត្រូវបានជ្រើសរើស។ ហើយអង្គការនិងបុគ្គលិកដទៃទៀតក៏គួរតែជួយពួកគេដែរ»។ ការកែសម្រួលចុងក្រោយ ត្រូវបានធ្វើឡើងក្នុងឆ្នាំ ២០០១ ក៏ប៉ុន្តែបទបញ្ញត្តិនេះត្រូវបានដាក់ឱ្យប្រើប្រាស់ដំបូងតាំងពីឆ្នាំ ១៩៨៥ ។ ក្រៅពីបង្ហាញពីរបៀបកំណែនទ័ពក្នុងពេលសង្គ្រាម សេចក្តីព្រាងនេះក៏រួមបញ្ចូលផងដែរនូវការបង្កើតប្រព័ន្ធអន្តរក្រសួង សម្រាប់ការជ្រើសរើស និងការខិតខំដើម្បីរៀបចំដំណើរការនេះ ជាផ្នែកមួយនៃការបង្កើតរដ្ឋាភិបាលឌីជីថលរបស់ប្រទេសចិន។ លោក Song Zhongping អតីតគ្រូបង្វឹករបស់កងទ័ពរំដោះប្រជាជន (PLA) បាននិយាយថា ការកែសម្រួលគឺចាំបាច់ណាស់ដើម្បីឆ្លុះបញ្ចាំងពីការផ្លាស់ប្តូរទូលំទូលាយនៅក្នុងពិភពលោក និងដើម្បីរៀបចំប្រទេសចិនឱ្យបានប្រសើរពេលមានអាសន្ន។ លោកនិយាយថា៖…
-
ទីបំផុត! វៀតណាមទទួលបានវ៉ាក់សាំងPfizer ពីអាមេរិកហើយ
វ៉ាក់សាំងបង្ការជំងឺកូវីដ១៩ របស់អាមេរិក Pfizer ឈុតដំបូងចំនួន៩៧១១១ដូស ត្រូវបានបញ្ជូនទៅវៀតណាមហើយ នាព្រឹកថ្ងៃទី៧ កក្កដា ២០២១។ សហរដ្ឋអាមេរិកសន្យាថា នឹងផ្តល់វ៉ាក់សាំងឲ្យវៀតណាមច្រើនបន្ថែមទៀត នេះបើតាមការសន្ទនារវាងមន្ត្រីជាន់ខ្ពស់ប្រទេសទាំងពីរ នាថ្ងៃនេះ។ ជាង៩០០០០ដូសទៅដល់ហាណូយនេះគឺជាផ្នែកមួយនៃកុងត្រា ៣១លានដូស ត្រូវបញ្ជូនទៅវៀតណាម៕ ប្រភពពី VNexpress
-
ប្រធានាធិបតីហៃទីលោក Jovenal Moise បាត់បង់ជីវិត ក្រោយត្រូវបានគេធ្វើឃាតក្នុងគេហដ្ឋានផ្ទាល់ខ្លួន
ហៃទី៖ ប្រធានាធិបតីហៃទី លោក Jovenal Moise ត្រូវជនមិនស្គាល់អត្តសញ្ញាណមួយក្រុម បាញ់បណ្តាលឲ្យស្លាប់ភ្លាមៗ នៅឯគេហដ្ឋានឯកជនរបស់លោក ។ជាមួយគ្នានេះ នាយករដ្ឋមន្រ្តីហៃទីលោក Claude Joseph បាននិយាយនៅក្នុងសេចក្តីថ្លែងការណ៍មួយថា ប្រធានាធិបតីហៃទីលោក Jovonel Moise ត្រូវបានសម្លាប់ក្នុងគេហដ្ឋានឯកជនរបស់លោក នៅម៉ោងប្រហែល ១ រំលងអធ្រាត្រ ដោយអ្នកវាយប្រហារមួយក្រុម ។ ដោយឡែកជំទាវទីមួយក៏បានរងរបួសដោយគ្រាប់កាំភ្លើងផងដែរ នៅក្នុងការវាយប្រហារនេះ ។ក្រោយកើតមានហេតុការណ៍នេះ ស្ថានទូតអាមេរិកបានបញ្ជាក់នៅក្នុងសេចក្តីថ្លៃងការណ៍មួយថា ខ្លួនបានបិទស្ថានទូតជាបណ្តោះអាសន្ននៅក្នុងថ្ងៃពុធនេះ ដោយយោងទៅតាមស្ថានភាពសន្តិសុខ ។ភ្លាមនោះៗ គេនៅពុំទាន់ស្គាល់អត្តសញ្ញាណក្រុមនៅពីក្រោយការវាយប្រហារនេះនៅឡើយទេ ៕ ប្រភព: Reuters
-
ប្រធានាធិបតីប្រទេស ហៃទីត្រូវបានគេសម្លាប់
ប្រធានាធិបតីហៃទី លោក Jovenel Moise វ័យ៥៣ឆ្នាំ ត្រូវជនមិនស្គាល់អត្តសញ្ញាណមួយក្រុម បាញ់បណ្តាលឲ្យស្លាប់ភ្លាមៗ នេះបើតាមការចេញផ្សាយដោយសារព័ត៌មាន Sky News នៅមុននេះបន្តិច នាល្ងាចថ្ងៃពុធ ទី០៧ ខែកក្កដា ឆ្នាំ២០២១។ ស្ត្រីទីមួយហៃទី លោកស្រី Martine Moise ត្រូវរងរបួស បញ្ជូនទៅមន្ទីរពេទ្យ ក្រោយមានក្រុមប្រដាប់អាវុធ បើកវាយប្រហារគេហដ្ឋានរបស់លោក។ នាយករដ្ឋមន្រ្តីហៃទី លោក Claude Joseph បានចេញសេចក្តីថ្លែងការណ៍ថា លោកប្រធានាធិបតីហៃទីត្រូវបានសម្លាប់ក្នុងនៅរំលងអធ្រាត្រ ដោយអ្នកវាយប្រហារមួយក្រុម ។ ភ្លាមនោះៗ គេនៅពុំទាន់ស្គាល់អត្តសញ្ញាណក្រុមនៅពីក្រោយការវាយប្រហារនេះនៅឡើយទេ៕